Múslimum fjölgar hratt í Evrópu, meðan kristnum fækkar

[Ef ástandið var orðið svona 2007, hvernig er það nú? Já, hér sést, að hlutirnir eru í raun fljótir að gerast!]

Hvað sem mönnum kann að finnast um stutt­mynd­ina Fitna, sem fjallar um islam og islam­isma í Evrópu, þá eru eftir­far­andi tölur um múslimi í Hollandi og álf­unni allri sannarlega augna­opnandi:

Fjöldi múslima í Hollandi: 

• 1909:  54
• 1960:  1399
• 1990:  450.000
• 2004:  944.000

Fjöldi múslima í Evrópu árið 2007: 54.000.000.

Þetta er skv. pistli Skúla Skúlasonar: FITNAH TEXTI MYNDARINNAR ÍSLENSKAÐUR, 3. ÞÁTTUR.

Á sama tíma og þessi gríðarlega aukning hefur átt sér stað á fjölda Múhameðstrúarmanna á síðustu áratugum, hefur ekki aðeins trúuðum kristnum mönnum fækkað, heldur stefna sumar þjóðirnar sjálfar hraðbyri að eigin útþurrkun. Þegar barnafjöldi á hverja konu á barneignaaldri er kominn niður í 1,3, eins og reyndin er í Rússlandi, Þýzkalandi, Tékklandi, á Spáni og Ítalíu, þá fækkar börnum barneignakynslóðarinnar tífalt á hverjum fimm kynslóðum (um 120-150 árum) og hundraðfalt á tíu kynslóða tímabili. Þessi fólksfækkun nefndra landa og fleiri á sér stað þrátt fyrir mun meiri fjölgun ýmissa innflytjenda, þannig að demógrafískt séð eru þar að eiga sér stað jafnvel enn meira afgerandi breytingar: hinn evrópski kynstofn kristinna manna á hægri útleið, meðan aðrir gerast erfingjar landsins.

Og hvernig lízt mönnum nú ná? 

Sorglegast alls í sambandi við þessa fólksfækkun er hversu stór hluti hennar á sér stað vegna fósturdeyðinga og (jafnvel hér á landi) ófrjósemisaðgerða í stórum stíl. Sá bóndi, sem þannig hagaði sér við bústofninn, yrði seint sagður stefna að því að verða fjárríkur maður.

 

Þessi grein er hér endurbirt af Moggabloggi undirritaðs 5. apríl 2008 (Múslimum fjölgar hratt í Evrópu, meðan kristnum fækkar). Þar voru alls 72 athugasemdir í fjörugri umræðu á eftir greininni! --JVJ.

Geta íslenzkir vinstri menn og "frjálslyndir" hugsað sér að læra af reynslu Svía?

Fylgi Svíþjóðar­demó­krata stór­eykst, nálgast jafnvel 30% (kosið verður í sept.)! M.a.s. jafnaðar­menn vilja nú fækka flóttamönnum sem koma til Svíþjóðar um helming! Partur af bakgrunni málsins:

"Arabíska númer tvö í Svíþjóð.

Arabíska er nú orðin næst­algeng­asta móður­málið í Svíþjóð. Finnska, sem hingað til hefur verið næst­algengasta tungumálið, er þar með komin í þriðja sæti.

Líklegt þykir að arabíska sé móðurmál yfir 200 þúsund einstak­linga í Svíþjóð en straumur flóttamanna kom til Svíþjóðar árið 2015. Fjöldi þeirra er talinn hluti af skýringunni."

Þetta var frétt í sjálfu Frétta­blaðinu 4. júní sl. Í umræðum á Visir.is upplýsti Hermann Stakkadal Sölvason:

"Ekki hefur verið gerð trúarkönnun í Svíþjóð síðan 1930. 
Amerikanska forsknings­centret Pew h[efur] komist að þeiri niðurstöðu að árið 2016 væru 8,1% af Svíum múslimar og árið 2050 hafi þeim fjölgað [í] 30%, það er að segja ef Svíar hætta að taka á móti svona mörgum múslimum sem þeir hafa gert síðustu árin.
Múslimar í Svíþjóð eru komnir inn í ríkisstjórn og dómskerfi."

Það mun taka langan tíma fyrir Svíþjóð að jafna sig á innflytj­enda­bylgju síðustu ára. Almennur rómur er gerður að því þar, að allt of geyst hafi verið farið í málin, eins og sést af breyttri stefnu flestra flokka víðast hvar í Skandinavíu.

"Sænsk­ir jafnaðar­menn hafa kynnt nýja stefnu í inn­flytj­enda­mál­um sem miðar að því að draga mjög úr fjölda flótta­manna sem kem­ur til Svíþjóðar. [...]

Ráðherra inn­flytj­enda­mála í Svíþjóð, Helene Fritzon sem sit­ur á sænska þing­inu fyr­ir jafnaðar­menn, sagði á blaðamanna­fundi þar sem nýja stefn­an var kynnt að við eðli­leg­ar aðstæður kæmu 14-15 þúsund hæl­is­leit­end­ur til Svíþjóðar en á síðasta ári hafi þeir verið 27 þúsund. Hún lagði þó áherslu á að hún vildi ekki gefa upp ákveðna tölu varðandi það hvað ætti að að vera mark­mið stjórn­valda þegar kæmi að fjölda hæl­is­leit­enda.

„Já þýðir já og nei þýðir nei“

Meðal ann­ars vilja sænsk­ir jafnaðar­menn að tíma­bundn­ar strang­ari regl­ur um mál­efni hæl­is­leit­enda sem sett­ar voru árið 2016 verði fest­ar var­an­lega í sessi þar til Evr­ópu­sam­bandið hafi samþykkt nýj­ar regl­ur í þeim efn­um. Enn­frem­ur til að mynda að eft­ir­lit með skil­ríkj­um þeirra sem koma til Svíþjóðar verði hert og sett­ar verði skorður við frelsi þeirra sem fengið hafa hæli til þess að velja hvar í land­inu þeir setj­ist að. 

Stefn­an ger­ir sömu­leiðis meðal ann­ars ráð fyr­ir því að þeir sem neitað hafi verið um hæli í Svíþjóð þurfi að bíða í tvö­falt lengri tíma en nú er áður en þeir geti sótt um hæli á nýj­an leik og að þeim hæl­is­leit­end­um sem neita að yf­ir­gefa landið af fús­um og frjáls­um vilja eft­ir að um­sókn þeirra hef­ur verið hafnað verði bannað að koma þangað aft­ur. 

Haft er eft­ir Stef­an Löf­ven, for­sæt­is­ráðherra Svíþjóðar og leiðtoga Jafnaðarmanna­flokks­ins, í sænsk­um fjöl­miðlum að aðal­atriðið væri það að hæl­is­leit­end­ur yf­ir­gæfu landið ef um­sókn þeirra væri hafnað. „Grund­vall­ar­atriðið verður að vera að já þýðir já og nei þýðir nei. Ef þú átt eng­an rétt á að vera í Svíþjóð þá get­urðu ekki notið sænskr­ar vel­ferðar. 

Fram kem­ur í frétt Bloom­berg að sænsk­ir jafnaðar­menn færu með þessu í fót­spor jafnaðarmanna í Dan­mörku sem kynnt hafi herta inn­flytj­enda­stefnu og væru með það til skoðunar að starfa með Danska þjóðarflokkn­um, sem lengi hef­ur talað fyr­ir harðri inn­flytj­enda­stefnu, að lokn­um þing­kosn­ing­um þar í landi á næsta ári." (mbl.is)

Ætla íslenzkir stjórnmálamenn að læra eitthvað af þessu? Þykir þeim róttækustu enn hentugast að sæta færi á að varpa auri á þá norrænu stjórn­málamenn sem reyna að breyta ástandinu til batnaðar?

Telur Helga Vala sig nú mann með mönnum meðal norrænna stjórn­mála­manna? Og þykir Guðmundi Andra Thorssyni gott að berja höfði við stein?

Jón Valur Jensson.

Fróðlegar fréttir af dönskum krötum, meðan prímadonna í systurflokki leyfir sér billeg mótmæli

Helga Vala Helgadóttir alþingiskona gat ekki neitað sér um veizlu­föngin á full­veld­is­hátíð Kjara­ráðs­klúbbs­ins þrátt fyrir stóryrði hennar og manns hennar um forseta danska þingsins; veizluna sat hún með Piu, þar til Pia tók til máls: Án þess að Helga Vala vissi (rétt eins og á Þingvöllum) hvað Pia myndi ræða, rauk hún þá burt. Ekki fylgdi sögunni hvort Grímur maður hennar hvarf þá á braut með henni eða lauk fyrst við dessertinn.

En á Eyjusíðu Egils Helgasonar kom fram athyglis­verð umræða, vita­skuld opinber og því ugglaust í lagi að vitna til hennar hér, því að hún upplýsir betur um ástand mála og umræðu­hefð í Danmörku á síðustu misserum, því að þessir tveir, sem tóku til máls á Eyjuvef Egils, virðast staðkunnugir í Danmörku:

Pétur K Hilmarsson:

Hefðu menn viljað frekar fá Mette Fredrikssen, formann danskra social demokrata, systurflokks Samfylkingarinnar? Mette hefur talað um það að loka ætti moskum og skólum múslima og að Danir verði að ráðast gegn rótækum ímömum með sama hætti og þeir börðust við nasista í hernáminu. "Radikale imamer, der prædiker kvinde­under­trykkelse, er ikke bare uvelkomne i Danmark. De skal bekæmpes lige så hårdt, som nazistene," sagði Mette í 1. maí-ræðu 2016. 
Hafa menn ekkert verið að fylgjast með dönskum stjórnmálum undanfarið? Ástandið er nú bara þannig að Pia Kjærsgård þykir ekki lengur öfgafullur stjórn­mála­maður í Danmörku, annars væri hún varla valin formaður þingsins.

Unlike · Reply · 15 · 1d  (já, 15 læk fekk þetta innlegg)

 

 

Thorsteinn Thorsteinsson:

Af hverju vilja kratarnir og aðrir flokkar loka Kóranskólunum (reyndar loka þeir þeim ekki, taka bara ríkisstyrkina af þeim)? Af því að þeir fara ekki eftir námskrá frá ráðuneytinu og nota meiri tíma í Kóranlestur en kennslu í dønsku námsefni auk þess sem Øfgamoskurnar eru útungunarstødvar fyrir øfgafólk samkvæmt Dønsku leyniþjónustunni og ala á kvenfyrirlitningu og sumir ímanarnir hvetja til dráps á hinum óhreinu sem ekki aðhyllast þeirra trú, eins og kom mjøg skýrt fram þegar 2 blaðamenn filmudu með falinni myndavél í 6 mánuði í moskunum (Moskeerne bag sløret). Það er fullt af góðu fólki sem [er] múslimar, alveg eins og það er líka fullt af góðu fólki sem ástundar ønnur truarbrøgd, en øfgum, hvaða nafni sem þær nefnast, á alltaf að berjast gegn af fullum þunga.

 

• Pétur K Hilmarsson
• (svarar hér Þorsteini): 
• Mette hefur kveðið mjög fast að orði um að islam og gildi danskt samfélags fari ekki saman. Danskir kratar vilja m.a. að flóttamenn í Danmörku verði flutt í búðir í Norður-Afríku á meðan verið sé að afgreiða umsóknir þeirra um vernd. Þetta er staðan í þessum málaflokki í dönskum stjórnmálum í dag (svipað ástand í Noregi og aðeins að breytast í Svíþjóð líka). Það eru ekki bara "öfga hægri flokkar" sem hafa mjög harða stefnu í innflytjendamálum lengur. Það var bara það sem ég vildi koma að. Það er eins og sumir haldi hér á landi að flokkur formanns löggjafarþings Danmerkur sé einstakur hvað þetta varðar og að Danir séu að vanvirða okkur með því að senda slíkan fulltrúa á þennan viðburð.

 

 

Svo mörg voru þau orð og fróðleg næsta. En hér má sjá á Youtube upp­lýsingar um það þegar danskir upptökumenn höfðu náð að afhjúpa það sem fram fór í moskum múslima (Moskeerne bag sløret), sem og umræður um það í Dansk Radio (hér fyrst), þar sem m.a. tala fulltrúar múslima og sennilega allra helztu stjórnmálaflokkanna dönsku, auk bloggara o.fl.:

Moskeerne Bag Sløret - DR debat - HD

Drunken Sailor

•17K views2 years ago

 

TV 2s dokumentarserie 'Moskeerne bag Sløret' var genstand for en timelang debat på TV 2 NEWS lørdag aften. Der var mildest ...

 

1:18

Afslører dansk imam: Underviser muslimer om stening og pisk

North News

•7K views2 years ago

 

afslører dansk imam: Underviser muslimer om stening og pisk.

 

25:33

tv2 debat 10.03.16 Moskeerne bag sløret - del 2

Ingeborg Karen Nymand

•5.1K views 2 years ago

 

an forholdet bør ...

 

0:54

Moskeerne bag sløret

Isabella Pedersen

•

1.9K views2 years ago

 

Denne video handler om moskeer og islam. Dette er et simpelt udklip fra "Moskeerne bag sløret"

 

 

Jón Valur Jensson.

Brá sér einnig frá í kvöldverðinum

Austurríkismenn ekki værukærir í málefnum flóttamanna og hælisleitenda

Rík­is­stjórn Aust­ur­rík­is hef­ur varað við því að hún muni jafn­vel grípa til aðgerða til þess að verja landa­mær­in við Ítal­íu og Slóven­íu (mbl.is). Þetta kem­ur í kjölfar þess að þýzka rík­is­stjórnin hyggst leggja höml­ur á komu flótta­fólks til lands­ins. 

Í sam­komu­lag­i um þetta milli Ang­elu Merkel, kanzlara Þýzka­lands, og Horst Seehofer inn­an­rík­is­ráðherra "kem­ur meðal ann­ars fram að eft­ir­lit á landa­mær­um Aust­ur­rík­is verði hert og komið í veg fyr­ir að hæl­is­leit­end­ur sem hafa sótt um hæli í öðrum ríkj­um Evr­ópu­sam­bands­ins fái að koma til Þýska­lands (mbl.is).

Og hér eru viðbrögð Austurríkismanna:

Aust­ur­rísk yf­ir­völd segja að þau verði viðbúin því að grípa til svipaðra aðgerða til þess að koma í veg fyr­ir að hæl­is­leit­end­ur geti komið til lands­ins um landa­mæri rík­is­ins í suðri. Með samþykkt þýsku rík­is­stjórn­ar­inn­ar sé enn einu sinni sýnt fram á mik­il­vægi sam­eig­in­legra varna ríkja Evr­ópu­sam­bands­ins. 

Kansl­ari Aust­ur­rík­is, Sebastian Kurz, mun í dag kynna fyr­ir Evr­ópuþing­inu í Strass­borg helstu áherslu­mál Aust­ur­rík­is sem fer með for­sæti í ESB næstu sex mánuðina. Er fast­lega gert ráð fyr­ir að þar verði mál­efni hæl­is­leit­enda og flótta­fólks of­ar­lega á baugi (mbl.is).

Hinni fyrstu miklu flóðbylgju flóttamanna og hælisleitenda til Evrópu frá löndum við sunnan- og austanvert Miðjarðarhaf fer nú væntanlega að linna að verulegu leyti, en mörg Evrópulönd (þó ekki Pólland, Tékkland, Slóvakía, Ungverjaland) eiga enn eftir að vinna úr sínum miklu viðfangsefnum sem af flóðbylgjunni hafa hlotizt. Vel má vera að hluti lausnarinnar verði sá, að flóttamenn geti snúið aftur til upprunalands síns, hafi friður komizt þar á. En hvað sem gerist í þeim efnum, er ljóst, að svigrúm Vestur-Evrópulanda verður nú meira, ekki minna, til að hjálpa heimilislausu og langþjökuðu fólki á stríðshrjáðum svæðum með fjárhags- og efnislegri neyðarhjálp í löndum þeirra eða í flóttamannabúðum í nálægum löndum.

Jón Valur Jensson.

Ætla að verja landamæri Austurríkis

Ábyrgðarlaust hjal "mannréttindastjóra" SÞ sem þykist geta talað niður til Dana

Það er sagt valda arabískum "mannréttindastjóra" SÞ "hugarangri" að Danir eru að breyta sinni inn­flytj­enda­lög­gjöf þannig, að börn inn­flytj­enda fái kennslu í dönsk­um siðum. Setti þessi Zeid Ra´ad Al Hus­sein fram gagn­rýni sína á nýju lög­in á Twitter-aðgangi mann­rétt­indaráðs Sam­einuðu þjóðanna.

Meðal þess sem lög­in hafa í för með sér er að börn inn­flytj­enda frá eins árs aldri verði tek­in í 25 klukku­stund­ir á viku frá fjöl­skyld­um sín­um og þau skóluð í dönsk­um siðum og gild­um. Slík kennsla felst meðal ann­ars í fræðslu um páska og jól auk dönsku­kennslu. Verði for­eldr­ar barn­anna ekki við fyr­ir­mæl­un­um gætu þau misst rétt sinn til fé­lags­legra greiðslna. (mbl.is)

Mann­rétt­indaráð SÞ telur lög­in "ýta frek­ar und­ir mis­mun­un gegn fólki af er­lend­um upp­runa og jaðar­setja þau frek­ar."

Þvílíkt væl. Danir eiga fullan rétt á því að skipa svo málum með löggjöf sinni, að þegnar landsins venjist á að virða þau gildi sem þar hafa verið við lýði, í stað þess að sér-"kúltúr" múslima fái að þrífast þar, á kostnað þjóðareiningar og þjóðaröryggis.

Arabar hafa lítið að kenna Norðurlandamönnum í varðveizlu mannréttinda, hafa ekki staðið sig svo vel á því sviði hingað til og eiga ekki að fá að fjarstýra danskri löggjöf í gegnum Sameinuðu þjóða-ráð sem þeir hafa óverðskuldað bolað sér inn í í krafti sinna fjölmennu múslimsku ríkja.

JVJ.

SÞ gagnrýna dönsku „gettó-lögin“

Hverju erum við að bjóða heim með "búsetuúrræði fyrir hælisleitendur"?

Menn geta velt því fyrir sér við lestur viðtengdrar fréttar af nýjum of­beld­is­átök­um í Stiga­hlíð, þar sem rík­is­manna­hús var leigt dýrum dómum* und­ir hæl­is­leit­end­ur sem virð­ast eiga erf­itt með að búa saman í friði og spekt.

Á aðeins nokkrum dögum hafa tvö slík tilfelli orðið þess vald­andi, að kalla þurfi lögreglu að staðnum (í fyrra skiptið nægði ekki ekkert minna til en þrír sér­sveit­ar­bílar með átta fullbúnum sér­sveit­ar­mönnum auk almennra lögreglu­bíla og lögreglu­manna, sjá hér! með mynd).

Vinstri menn og "góða fólkið" hefur þótzt vilja vel fyrir sjá, taka þessa inn­flytj­endur upp á arma sína, jafnvel bjóða þeim ókeypis notkun síns húsnæðis, en minna heyrist um efndirnar! Á meðan fjölgar tilfellum sem þessum.

* Á 1,3 millj. á mánuði!

Jón Valur Jensson.

Barði blóðugur að dyrum í Stigahlíð

Óhófleg fjölgun og hryðjuverk múslima í Evrópu stuðla að sundurlyndi, árekstrum og herskárri stefnu andstæðinga

Lítt þekktur öfga­hópur, Acti­on des Forces Operati­onn­ell­es, hvetur Frakka til að berj­ast gegn múslim­um. 10 manns, 32-69 ára, voru hand­tekin í aðgerðum lög­regl­u, grunuð um und­ir­búning árásar­ á múslima og dregin fyrir dómara í gær­kvöldi,

ákærð fyr­ir að leggja á ráðin um hryðju­verk, sam­kvæmt heim­ild­um AFP-frétta­stof­unn­ar. Nokkr­ir úr hópn­um voru einnig ákærðir fyr­ir brot á vopna­lög­um og að hafa haft sprengju­búnað í fór­um sín­um.

Riffl­ar, skamm­byss­ur og heima­til­bún­ar hand­sprengj­ur voru meðal þess sem lög­regl­an lagði hald á í hús­leit­um í Par­ís, á eyj­unni Kors­íku og víðar (mbl.is).

Við slíku má búast af þeim öfgamönnum sem harðastir eru gegn útþenslu múslimskra áhrifa í Frakklandi, en þar eru sennilega yfir 6 milljónir manna af þeim trúflokki.

Það stuðlar ekki að samheldni meðal Evrópuþjóða að taka við í allt of miklum mæli innflytjendum frá Mið-Austurlöndum og Norður-Afríku, enda eru mörg önnur svæði heims í meiri þörf fyrir aðstoð ríkra Evrópuþjóða. Og hryðjuverk öfga­múslima í Evrópu munu líklega, samkvæmt alkunnu pendúls­lögmáli, ekki einungis gera þjóðirnar meira vakandi gagnvart mistökum sinna eigin stjórnmála­manna og fylgjandi flokkum, sem boða hér varúð og skynsam­lega hóf­semdar­stefnu, heldur einnig ýta undir andstæð öfgaöfl, eins og sýnt hefur sig þarna í Frakklandi. Og þá var illa af stað farið hjá evrópskum stjórnmála­mönnum, ef þeir voru með skamm­sýnum aðgerðum sínum að stuðla að því, að menn fari að láta vopn og sprengjur verða sín ofbeldis­úrræði í stað þess að leggjast á sveif með upplýstri umræðu. En svo einþykkir eru margir vinstri menn og "frjáls­lyndir" í sinni öfga­fullu innflytj­enda­stefnu, að það er varla hægt að koma fyrir þá vitinu lengur. Harðar stað­reyndir, eins og fallandi gengi vinstri flokka í kosn­ingum ýmissa landa og upp­gang­ur t.d. Svíþjóðar­demókrat­anna, sem orðið gætu næst­stærsti flokkur þess lands í haust (viðurkennt í Rúv í hádeginu), gætu hins vegar orðið sú lexía sem þessir skoðana­freku vinstri menn þurfa á að halda.

Jón Valur Jensson.

Undirbjuggu árás gegn múslimum

Hvað kostar áætlun Katrínar Jakobsdóttur og VG um móttöku flóttamanna marga milljarða króna?

Inn­an­rík­is­ráðherra Ítal­íu, Matteo Sal­vini, segir að mót­taka 170.000 „meintra flótta­manna“ hafi kostað Ítali meira en 5 millj­arða evra, um 3,8 milljónir á hvern einstakling.

Vinstri græn stefna á að fá hingað minnst 2.000 kvótaflóttamenn árin 2017-2021 og að gefa hælis­leit­endum hærri réttar­stöðu en þeir hafa haft. Yrði kostn­aður við nýju flótta­menn­ina 2.000 hlut­falls­lega jafn á við það, sem þekkt er frá Ítalíu, yrði hann um sjö og hálfur milljarður króna, en viðbúið er, í hærra verðlagi hér en á Ítalíu, að kostn­aðurinn yrði í raun a.m.k. 10-12 millj­arðar króna; og þetta er viðbót við allt það, sem lagt hefur verið í þessi mál hingað til og enn er verið að borga vegna þeirra sem komnir eru!

Hvar ætlaði Katrín forsætis­ráðherra að hirða upp þessar háu fjárhæðir? Með nýrri skattheimtu? Með skerðingum í heilbrigðis­þjónustu eða á sviði mennta- eða félagsmála? Með því að lækka hin ofteknu laun alþingismanna?  Þetta síðastnefnda er náttúr­lega brandari, en fyrri spurning­arnar eru það ekki! 

„Ef hinum hroka­fulla for­seta Macron þykir þetta ekki vera vanda­mál, þá bjóðum við hon­um að hætta móðgun­um sín­um og sýna smá-ör­læti með því að opna hinar mörgu hafn­ir Frakk­lands [fyr­ir flótta­mönn­um] og hleypa börn­um, körl­um og kon­um í gegn í Ventimiglia,“ sagði Sal­vini, en Ventimiglia er bær á landa­mær­um Frakk­lands og Ítal­íu. (mbl.is)

Ítölsk stjórnvöld vilja ekki einn einasta flóttamann í viðbót, fremur fækka þeim sem þangað eru komnir með því að senda þá burt.

Kólfurinn í klukkunni slóst alltaf til baka; þetta er pendúls­lögmálið, og nú er sá tími kominn, að "góða fólkið" (sem stóð ekki einu sinni við orð sín um að hýsa flótta­fólk) getur horft upp á hvert Evrópu­landið á fætur öðru snúa við stefnu sinni í flótta­manna­málum. Þetta hefur verið að gerast í Danmörku, einnig í Austurríki og nú á Ítalíu og á næstu vikum í Suður-Þýzkalandi! Jafnvel Angela Merkel er orðin völt á sínum sessi, einmitt vegna ófarsællar ofrausnarstefnu sinnar í þessum málum!

Dettur þá ekki andlitið af "góða fólkinu"?

Jón Valur Jensson.

Sakar Macron um hroka

Gyðingahatur meðal múslima í Svíþjóð olli glæp og nú refsidómum

Um þetta má lesa á Mbl.is. Gerendur voru tveir ungir Pal­estínu­menn og Sýr­lend­ingur, og dómar­nir fyrir að kasta benzín­sprengju inn í sýnagógu Gyð­inga í Gauta­borg í des­ember sl. hljóð­uðu upp á 15 mán­uði til tveggja ára. Slíkt Gyð­inga­hatur er einnig þekkt í Frakk­landi og víðar og fórnar­lömbin þónokkur á sein­ustu árum, fólk sem beinlínis var myrt, í París og í Suður-Frakk­landi, vegna þess að það var Gyðingar. Eru franskir Gyð­ingar jafnvel farnir að flytjast til Ísraels vegna erfiðra samskipta við 5-6 milljónir múslima í Frakklandi.

Ekki er boðið upp á það, að úr þessum árásum og ýmsum öðrum glæpum, svo sem kynferð­is­legri áníðslu kvenna, dragi með því að fjölga enn flökku- og farandfólki frá Mið-Austur­löndum og Norður-Afríku. Yfirvöldum ber að fara mjög varlega í þeim efnum og láta ógert að lofa jafnvel meintu flótta­fólki varan­legri búsetu og ríkisborgararétti, því að fyrst þarf a.m.k. að komast reynsla á, að um nýta samborgara verði að ræða, en ekki ótíndan glæpalýð eða þátttakendur í illu athæfi öfga­hreyfinga meðal múslima eða í hatursáróðri gegn Vesturlöndum, samfara því, að reynt er að mjólka þar félagslega kerfið alveg í botn. Beinast liggur við að veita hjálp við flóttamenn til þeirra eigin landa eða nágrannalanda þeirra, með aðstoð við að koma þar upp heimilum, bæta hrein­lætis­aðstöðu, grafa brunna, stuðla að atvinnu­verkefnum o.m.fl. þar sem fjár­munir nýtast margfalt betur en hér í norðlægum hálauna­löndum.

Dómarnir yfir Gautarborgar-piltunum, sem réðust á bænahús Gyðinga, eru í raun of vægir, en saksóknari hafði farið fram á 8 ára fangelsi.

Jón Valur Jensson.

Dæmdir fyrir íkveikju í bænahúsi

Er hlaðið undir vanþakkláta og jafnvel hættulega hælisleitendur?

Stigahlíð var til skamms tíma ein dýrasta gatan í borginni. Þar þókknaðist yfir­völdum að fá hús til afnota, starf­rækja þar gisti­heim­ili fyr­ir er­lenda rík­is­borg­ara sem óska hér eft­ir alþjóðlegri vernd. Sérsveit lögreglunnar var kölluð þangað í gærkvöldi: "þrír sérsveitarbílar með átta fullbúnum sérsveitarmönnum auk almennra lögreglu­bíla og lögreglu­manna" (mbl.is). Minna dugði ekki til!

Að minnsta kosti einn var hand­tek­inn í hverf­inu. "Að sögn sjón­ar­votta hafði sá hand­tekni verið með stórt eggvopn innan­k­læða" (mbl.is).

Sér­sveit­ar­menn að störf­um. Ljós­mynd aðsend

Nú þegar hafa hælisleitendur eða flóttamenn framið hér tvö morð. Þykjast stjórn­völd geta treyst því, að flóttamenn sem koma hingað af stríðs­svæðum, einkum karl­menn sem gegnt hafa her­þjón­ustu eða verið meðal uppreisnar­manna, séu æskilegir nýbúar í landinu? Hér er ekki verið að tala um fjölskyldumenn, sem lifa reglusömu lífi, heldur einstaklinga sem hingað koma rótlausir og jafnvel illa áttaðir, óvanir því frelsi sem hér ríkir eða ekki að fullu sáttir við það hverjir gista með þeim í hinu opinbera skjóli.

Eiga Íslendingar jafnvel, þrátt fyrir takmarkaðan fjölda flótta­manna og hælis­leitenda hér enn sem komið er, miðað við stærri lönd Evrópu, eftir að upplifa hér eitthvað af þeim alvarlegu vandamálum sem eru farin að hrjá Norður­landa­þjóðir vegna slíks aðkomufólks, sem og bæði Þjóðverja og Austur­ríkis­menn og Frakka, Hollendinga og Belgja að auki?

Síðan hvenær hefur það talizt óráðlegt að fara varlega að málum?

Jón Valur Jensson.

Sérsveitin kölluð út í Stigahlíð