Valhallarforystan, í bandi hjá vinstri öfga­mönn­um, vill enn bæta við 85 "flóttamönnum"!

Sjálfstæðisflokkurinn hefur smitazt af vinstri­sýk­inni í "stjórn­ar­sam­starfi" með VG.

Í höfuð­stöðv­um SÞ hafa vinstri menn yfir­tekið og pólit­ícerað stofn­anir eins og Flótta­manna­stofnun, sbr. líka Marrakesh-samn­inginn, sem var ESB þókknan­legur og stjórn­völd hér voru svo léttvæg og skammsýn að samþykkja.

Sýrlendingum í flótta­manna­búðum í Líbanon á fremur að hjálpa til heimflutnings og betra lífs þar en að dreifa þeim um allar jarðir.

Í Kenýa er ekki stríð, og við höfum ekkert að gera með "hinsegin flótta­fólk" þaðan -- jafnvel nú þegar dæmi um áreitni sagðs homma þaðan við konu(r) hér! Það fólk er ekki í neinni lífshættu í Kenýa og vandi þess ekki okkar.

Það er ekkert allsherjar-borgara­stríð lengur í Afganistan og Írak.

Bjarni Ben. hefur ekki aðeins kosið að lúta vilja Vinstri grænna í þessum málum --- ragur og dauð­hræddur líka við "góða fólkið" í Samfylkingu --- heldur er jafnvel Sigríður Á. Andersen farin að tala um "að borgarar allra ríkja ættu að eiga sama rétt og ríkis­borgarar EES, þ.e. að hafa frjálsa för til að sækja vinnu á Íslandi. Þetta þýðir í raun opin landamæri", eins og Jón lögmaður Magn­ússon bendir á í nýrri grein á Mogga­bloggi, og væri þá sigur No Borders-útsendara hér!

Nú er þörf á samein­uðu afli gegn þessum taumlausa innflutningi fólks, sem Ísland hefur ekki efni á að framfleyta, meðan við gerum illa við okkar eigið fátækasta fólk, sjúka og lífeyris­þega, og svo er gert ráð fyrir verulegum halla hér á næstu fjárlögum!

Já, nú er á öðru þörf en útvötnuðum, óþjóðlegum Sjálf­stæðisflokki!

Fréttin um þessa nýju, furðulegu samþykkt ríkisstjórn­arinnar um að "taka á móti 85 einstak­lingum í samstarfi við Flótta­manna­stofnun Sameinuðu þjóðanna" er einnig rædd hér á Eyjunni. 

Jón Valur Jensson, á sæti í flokksstjórn ÍÞ.

Tekið verður á móti 85 flóttamönnum

Athugasemdir

[Íslenska þjóðfylkingin, 12.11.2019 kl. 18:18]

Ómar Skapti Gíslason spyr á Facebókarsíðu Íslensku þjóðfylkingarinnar:

Hvar á allt þetta fólk að búa? Fer það á hótel? En hvað með þá Íslendinga sem ekki hafa nein úrræði í húsnæðismálum? Verða þeir að skrá sig sem flóttamenn?

 

Kári Örn Úlfarsson skrifar á Eyju-síðunni: Var ekkert samþykkt af ríkisstjórn að byrja að hafa í forgangi að hjálpa Íslendingum sem búa við kröpp kjör og slæmar aðstæður á Íslandi? -- ì staðinn að byrja á því að bjarga heiminum -- þò það væri ekki nema smá-sèns á sómasamlegu lífi? Algjörir blöðruhausar sem eru í ríkisstjórn ...

 

Guðrún Skúladóttir skrifar einnig á Eyjusíðunni: Við ætlum ekkert að læra að reynslu annara í þessum málum, svona er staðan í Svíþjóðistan, næst er það Islandistan, það verður þokkalega erfitt að búa í landinu eftir að ákveðinn fjöldi flóttafólks frá Mið-austurlöndum og Afríku sest að hér. -- Það á ekki að taka hælis- né flóttamenn inn í þetta fámenna land, [heldur] hjálpa þessu fólki heima hjá því sjálfu eða sem næst þeirra heimaslóðum. Það gleymist í allri góðmennskuni að við eigum líka rétt á mannréttindum, svo og okkar afkomendur, hvert flýjum við?  https://www.bbc.com/news/world-europe-50339977...