Donald Trump er raunsærri en borgarstjóri Lundúna

Það er vitaskuld laukrétt tístað hjá Trump Banda­ríkja­for­seta, að það er engan veg­inn í lagi, þegar "í það minnsta sjö létu lífið og 48 slös­uðust í hryðju­verka­árás", að borg­ar­stjóri Lund­úna segi að það sé "eng­in ástæða til að vera ótta­sleg­inn""! 

Sadiq Khan, hinn músl­imski borgar­stjóri, hefur áður verið gagn­rýndur fyrir ummæli sín vegna öfga­stefnu meðal múslima, en þessi svör fekk hann frá Trump sem þóttu viðbrögð Khans við árás­un­um í London í gær­kvöldi ekki nógu eindregin. 

„Við verðum að hætta að reyna að sýna póli­tíska rétt­hugs­un og verðum að vernda fólkið okk­ar. Ann­ars versn­ar þetta bara,“

skrifaði Trump á Twitter, og virðist það bæði rétt mat og sann­gjarnt.

Eitt sem Manchester-hryðju­verkið hafði í för með sér virðist vera að við­bragðs­flýt­ir brezku lögreglunnar hafi aukizt. Frá því að árásin hófst í gær þar til morð­ingjarnir voru felldir, liðu ekki nema átta mínútur.

Annar lærdómur getur sannarlega orðið fyrir­byggj­andi gegn fleiri hryðju­verk­um: að menn láti af allri glópa­bjartsýni og von um að þessu fari senn að ljúka. Það gerir það ekki án þess að menn efli forvarnir að miklum mun, en þar gæti þetta verið efst á blaði:

• að efla netnjósnir með múslimum innanlands og í tölvu­samskiptum þeirra við fólk í múslimskum ríkjum og með skrifum þeirra á alþjóðlega vefi;
• að koma fyrir hlustunar­búnaði í öllum moskum, ef þær eiga að fá starfsleyfi áfram;
• að sett verði tímabundið bann á ferðir eða a.m.k. innflutning múslima til Evrópu, þar til múslimskir hryðju­verkamenn hafa látið af dráps­athæfi sínu þar um ákveðinn tíma, 1-2 ár eða svo. Haldi þeir síðan áfram fjölda­morðum á nýjan leik, má aftur skella á öðru slíku tímabundnu innflutn­ings­banni frá múslima­ríkjum.

Þetta gæti reyndar orðið varanlegt bann áratugum saman, en við því er ekkert að segja, heldur hrein nauðsyn og örugglega til að draga úr þessum árásum, þótt hitt beri að viðurkenna, að önnur og þriðja kynslóð frá innflytjendum er oft mun róttækari en sú fyrsta. En þar verður þá þeim mun meira undir því komið að fylgja þeim kynslóðum vel eftir í uppeldinu: í gegnum skóla­kerfið og félags­lega þátttöku og með aðlögun að vestrænum hugunar­hætti, sem múslimar verða að tileinka sér, vilji þeir öðlast fullan þegnrétt í landi Breta­drottningar. Komi full andstaða við slíkt í ljós meðal þeirra eða grunur um þátt­töku í and­brezkri starfsemi, á að binda svo um hnútana, að vísa megi þeim til baka til síns upprunalands. Slíkar valdheimildir hafa frönsk stjórnvöld, og Bretum er engin vorkunn að því að taka upp sömu vinnubrögð. Ættu stjórnvöld hér á landi sömuleiðis að tryggja sig með sérstökum skilmála-ákvæðum, sem fylgja beri allri mótttöku nýrra ríkisborgara, að þeim sjálfum og jafnvel börnum þeirra megi vísa úr landi fyrir skrif eða athafnir sem fela í sér stuðning við erlendar hryðjuverka­hreyfingar.

Jón Valur Jensson.

Trump gagnrýnir borgarstjóra Lundúna

Nýtt blóðbað í Lundúnum. ISIS fagnar. Trump gefur gild ráð: lokið á innflutning múslima!

Óhugnaðurinn er ekki lítill: fyrst ekið yfir fólk á sendibíl, síðan ruðzt út með langar sveðjur og menn stungnir hver af öðrum og m.a. tvítug stúlka. Þeir voru þrír saman þessir hrottar, þetta er enginn einfari, þetta eru víslega múslimar af svæsnustu gerð, sem offramboð er af nú um stundir. London er öll í uppnámi, almenningur, lögregla og stjórnvöld.

Það er verið að breyta friðsælu Englandi í vígvelli einn af öðrum. Annarleg mannhaturs-hugmyndafræði öfga-islamista býr að baki. Fagrir staðir með aldalangar minningar, eins og Vauxhall, verða skyndilega atburðasvið ógnar og skelfingar. 

Hér er sonnetta Johns Keats (1795-1821), tileinkuð konu sem hann sá bregða fyrir í Vauxhall fimm árum fyrr:

XLIII. sonnetta

Til konu sem skáldið sá nokkur andartök í Vauxhall



Í fimm ár útfall sjávar séð ég hef

og sendna fjöru án afláts breyta sér,

frá því þín fegurð óf mig í sinn vef,

mitt auga, er dróstu hanzka af fingrum þér.

Og enn, ef himna lít ég næturljós,

er ljómi þinna augna sefi minn;

mig gleður ei hin unga villirós,

mín andans fró er rjóður vangi þinn;

mig gleður ei hið bjarta lífsins blóm,

en blítt mitt eyra hlustar eftir því

hvað vakti þrá, við vara þinna óm,

þá vaknar löngun mín til þín á ný.

Þú varpar skugga á heimsins yndi allt.

Án þín er lífið hryggðarfullt og kalt!

Jón Valur Jensson þýddi.

Fegurðin ríkir ekki lengur, nú er jafnvel vegið að saklausri, ungri konu með haturssveðju í nafni islams!

Og nú talar helzti meintur friðarspillir allra vinstrisamkvæma heimsins inn í þessa brezku atburði, Donald Trump Bandaríkjaforseti: Eina ráðið er að loka á innflutning allra múslima til Vesturlanda!

Hvað finnst lesendum um það?

JVJ.

Urðu vitni að stunguárás

Mannréttindaskrifstofa Reykjavíkur virðist aðeins bákn til óþurftaverka

Sirrý Hallgrímsdóttir átti frábæra bakþanka í Frétta­blaðinu í dag, bendir á þá sóun að kasta 160 millj­ónum í mann­rétt­inda­skrifstofu Reykja­víkur og búa þar til 12 störf út í loftið, sennilega bitlinga fyrir pólitíska áhang­endur meiri­hlutans í borgar­stjórn. Ætli t.d. Sema Erla hafi fengið þar inni, af öllum mönnum?!

Notum frekar framlög borgarbúa til bágstaddra og barna sem skortir stuðning!

Já, til hvers er þetta tólf manna bákn sem eyðir 640 milljónum króna á hverju kjörtímabili?!! Hvað hefur það svo sem afrekað? Er ekki hlutskipti öryrkja og útigangsfólks í Reykjavík jafnvel verra en það var áður? Og njóta forsjárlausir feður og börn þeirra nokkurra mannréttinda, ef fráskildum mæðrunum þókknast að slíta öllu sambandi barnsins við föður þess, föðursystkini, frændsystkini önnur og afann og ömmuna? Ætlar mannrétt­inda­skrifstofa Reykjavíkurborgar seint að átta sig á því, að jafnvel Barna­verndar­stofa er farin að skilgreina umgengnis­tálmun foreldris sem OFBELDI? (Undir­ritaður tekur fram, að aldrei hefur hann orðið fyrir þessu sjálfur, en þekkir menn, sem saklausir hafa liðið mikið fyrir þetta, og vitað er um slíka, sem framið hafa sjálfsvíg vegna þess.) En seint verður sagt, að þessi mann­rétt­inda­skrifstofa sé mest í því að rétta hlut þeirra, sem snauðastir, bágstadd­astir og ofsótt­astir eru í samfélaginu, sbr. þessa blogggrein undirritaðs frá 17. apríl 2016:

Borgin vanrækir umönnun útigangsmanna

Það er til skammar fyrir borgina að mál útigangs­manna hafa verið vanrækt. Kona finnst á vergangi í Hafnarfirði með pjönkur sínar í ferðatöskum, hafði misst húsa­skjól fyrir útigangs­menn á Granda; at­hvarf­ið á Lind­ar­götu var tekið úr hönd­um hinna mjög svo hæfu Hvíta­sunnu­manna í Samhjálp (borgar­kerfi Dags B. þykist geta gert betur!); ekki bætir úr skák, að þangað sækir líka vaxandi fjöldi útlendinga; og altöluð er orðin nýbirt grein manns sem var á heimilinu á Álfsnesi á Kjalarnesi, en varð að víkja þaðan, af því að borgin lætur hælisleitendur, sem fara þó sumir alls ekki að húsreglum, njóta forgangs fram yfir íslenzka öryrkja.

Ef eitthvað er, má borgin teljast líkleg til að fara í enn meiri óreiðu og vitleysu með þessi mál það sem eftir lifir af kjörtímabilinu. En rauðbleika borgar­stjórn­in heldur víst eins og Frakka­konungur á sínum tíma að hrunið komi eftir sinn dag!

Jovist, eftir að hennar Dagur verður að kveldi kominn!

Aðeins einn maður í vinstri meirihlutanum hefur staðið með þessu illa stadda fólki, sem nú er að komast á vergang (og fær þó hjálp á kaffistofu á Granda, sjá fréttartengil neðar), og sá er Þorleifur Gunnlaugsson, vara­borgar­fulltrúi Vinstri grænna, sem verið hefur góður talsmaður útigangs­manna innan borgar­stjórnar sem utan og á heiður skilinn fyrir; en hann fær víst engu að ráða.

Hér er grein undirritaðs um þessa mannréttindaskrifstofu frá 4. júlí 2014:

Meint björgunarstarfsemi "mannréttindaráðs" borgarkrata á sér miður þekkilegar hliðar

Mann­rétt­indaráð Reykjavíkurborgar hefur þungvæg verkefni:

1) Að hindra skólabörn í að fá Nýja testamentið.

2) Frægt er þegar það níddist á Íslensku Kristskirkjunni, brá fæti fyrir lögboðið framlag til byggingar hennar.*

3) Að bjarga andarungum á Tjörninni.

Hvað ætli vegi nú þyngst í hugum þessa fólks, Margrétar Sverrisdóttur (Hermannssonar), formanns (sem er örugglega sérmenntuð í andarunga- og mannréttindum), og félaga – Nýjatestamentis-fjandskapurinn, gróf mismununin gagnvart kristnum söfnuði eða andarunginn?

Og hvernig stóð á því að Siðmenntarfólk átti þar svo greiðan aðgang til setu í nefndinni? Ekki eru þeir frá Siðfræðistofnun Háskóla Íslands, það er eitt sem víst er, og ennþá síður frá kristnum stofnunum, enda vinnur "ráðið" gegn kristni og gerir það býsna drýgindalega.

Hins vegar var "ráðinu" alveg fyrirmunað að bæta fyrir vanrækslu borgar­stjórnar og borgarráðs við fátæka í höfuðborginni – útigangsmenn fengu þar ENGAR umbætur á aðstöðu sinni, þótt höfuðgnarrinn hafi lofað því 2009 og enda þótt hr. Þorleifur Gunnlaugsson hafi margsinnis hvatt til þess á því kjörtímabili. Ennfremur var ekkert verið að púkka upp á Mæðrastyrks­nefnd og Fjölskyldu­hjálp Íslands, allt framlag til þeirra skorið við nögl eins og áður, þótt þúsundir hefðu soltið, ef ekki hefði komið til gjafmildi góðra aðila og sjálfboðastarf þessara samtaka að úthlutun matargjafa.

* Íslenska Kristskirkjan er ekki hin kaþólska Kristskirkja í Landakoti, heldur safnaðarkirkja séra Friðriks Schram og trúsystkina hans, sem starfa af miklum heilindum, í evangelískum anda og af þrótti, en kirkjan þeirra er í Grafarvogi, ekki langt frá Egilshöll. Friðrik þekkja margir af þáttum hans á Omega, Trúin og tilveran. En séra Friðrik, ólíkt meirihluta Þjóðkirkjupresta, hefur biblíulegt við­horf í samkynhneigðra­málum, og það fór fyrir brjóstið á "mannréttinda­ráð­inu" sem launaði honum hreinskilnina og hrein-pálínskan kristindóminn með því að koma í veg fyrir lögboðnar fjárveitingar til byggingar safnaðarheimilis. Og það eru ekki mörg ár síðan, þótt fjölmiðlamenn virðist ekkert af þessari mismunun vita.

Jón Valur Jensson.

Ærnar ástæður til að gæta fyllsta öryggis tónleikagesta og annarra við fjöldaatburði

Rokk­hátíðin Rock am Ring í Nür­burg í Þýzka­landi er örugg­lega ekki sú síð­asta til að verða aflýst eða frestað vegna hryðju­verka­ógn­ar. 

Búist er við að um 85 þús­und manns sæki hátíð­ina sem átti að standa yfir í þrjá daga. Skipu­leggj­end­ur hátíðar­inn­ar segja að lög­regl­an hafi kraf­ist þess að hátíðin yrði stöðvuð og svæðið rýmt. Þeir segj­ast aðstoða lög­regl­una eft­ir fremsta megni en von­ast til að hátíðin geti haldið áfram á morg­un [laugardag 3/6].

Í yf­ir­lýs­ingu frá lög­regl­unni seg­ir að ákveðin gögn hafi bent til yf­ir­vof­andi hættu og að ekki hefði verið hægt að úti­loka hryðju­verka­ógn. (Mbl.is)

Öryggi tón­leika­gesta sé for­gangs­atriði, seg­ir lögreglan og horfir þar eflaust til tónleikanna í Manchester Arena (22 drepnir) og í Bataclan-tónleika­höllinni í París, þar sem 89 manns voru drepnir í hryðju­verkum ISIS-manna 13. nóv­em­ber 2015 og alls 130 manns að meðtöldum öðrum fórnarlömbum í borginni. 

En nú þegar er eðlilega verið að kosta miklu meira til en áður hefur tíðkazt vegna slíkra fjölda­atburða:

Ákveðið var að auka ör­ygg­is­gæslu á Rock am Ring eft­ir árás­ina í Man­chester og um 1200 manns hafa sinnt þar gæslu. (Mbl.is)

Enginn smáhópur þar. Og einnig hér á Íslandi þarf að gæta öryggis almenn­ings, þar sem margir koma saman. Vanræksla í því efni á ekki lengur að koma hér til greina, enda eiga óskráðir meðlimir öfga­samtaka auðveldan aðgang að Íslandi, m.a. frá Skandinavíu, og hafa nú þegar átt hér leið um landið.

Jón Valur Jensson.

Hátíð stöðvuð vegna hryðjuverkaógnar

Heldur einhver að þetta nýbirta myndband frá Frakklandi sé leikin kvikmynd? Dæmi um góða "aðlögun"?

Sprengingarnar í höfuðborg Filippseyja eru trú­lega af völdum öfgamúslima sem herinn hefur átt í bardögum við að undan­förnu; þar eins og víðar stendur styrr um þá.

Skemmdarverkamenn sýna innræti sitt með svæsnum árásum á lögreglumenn og bíla þeirra á þessu myndbandi, og skoði nú og dæmi hver fyrir sig:

JVJ.

Sprengingar í höfuðborg Filippseyja

Hjátrúin á loftslagshlýnun af mannavöldum nær nýjum hápunkti

Eigum við nú að fara að taka mark á Árna Finns­syni um nátt­úru­vernd­ar­mál? Hann hefur löngum verið þar á yzta kanti, umboðs­laus sem hann þó er til nokkurra ábúð­ar­mik­illa yfir­lýsinga, þó verið óspar á þær, s.s. um hvala­mál og jafnvel þorsk­veiðar.

Hjátrúin á loftslags­hlýnun af manna­völdum nær nú hápunkti í viðleitni þýzkra vald­hafa og einkum vinstri manna til að sverta Trump Banda­ríkja­forseta fyrir að taka ekki þátt í Parísar­ráðstefnu­samkomu­laginu. Gamlir óvinir Banda­ríkj­anna stökkva fram úr sínum skúma­skot­um eins og þeir upplifi nú endur­nýjun líf­dag­anna. Þó hefur jörðin áður mátt reyna mörg hlýinda- jafnt sem ísaldar­skeiðin. En ótrúlegasta skynsemdar­fólk lætur einföld gröf "sannfæra" sig.

Og nú reynir Árni Finnsson, formaður hinna dularfullu Náttúru­verndar­samtaka Íslands, af öllum mönnum að kalla Íslendinga til liðs við þessi ósönn­uðu hjá­fræði og hyggur sig geta snúið útgerðar­mönnum um fingur sér! Lítt dugar það honum til vegs­auka í þessu máli, að hann fekk eitt árið viður­kenningu frá ófaglegum hópi í utanveltu­samtökum, m.a. Semu Erlu Serdar, Einari Kárasyni rithöfundi, einum borg­ar­full­trúa "Besta flokks­ins" og Gunn­ari Hólm­steini Ársæls­syni ESB-predikara.

Jón Valur Jensson.

Ákvörðun Trump „mikil ógn við Ísland“

Einkavæðingar- og frjálshyggjustjórnin herðir enn að ríkisfjármálum, almenningi til bölvunar

Fjármálaáætlun ríkisstjórnarinnar til næstu fimm ára felur í sér brot gegn fyrri lögum, 3% samdrátt í samneyzlu, 2% samdrátt til menntakerfisins, sem hafði í kosningum verið lofað rýmri framlögum eftir langtíma samdrátt. Annað eftir þessu!

Engin loforð ráðandi flokka um aukin framlög til heilbrigðismála næsta árið er að finna í þessari áætlun sem var samþykkt sem ályktun Alþingis í nótt. Þar inni í var framlag til að kaupa þriðju þyrlu fyrir Landhelgisgæzluna, en ekki til að standa undir útgjöldum til að manna þá þyrlu!

Samgöngumál eru áberandi vanrækt, og mætti halda, að stefnt sé að því að fjölga slysum á þjóðvegum! 

Almennt er einkavæðingar- og frjálshyggjustefnan á fullu í þessari fimm ára áætlun, og ræður Sjálfstæðisflokkurinn för, einnig um það að standa ekki við loforð um að rétta kjör öryrkja. Vinstrimennska Bjartrar framtíðar heyrir nú til sögubóka.

Undirritaður fylgdist vel með umræðunum á þingfundi sem stóð til kl. 2.10 í nótt og skrifaði um málið þessa grein: Flokksræðið á fullu á Alþingi, í bæði stjórnarflokkum (sem ana áfram í óverjanlegri 5 ára áætlun) og stjórnar­andstöðu. Margt mjög athyglisvert kom fram í þeirri umræðu allri, m.a. að þrjú bandalög virðast nú við lýði á Alþingi og óvæntir "bedfellows" þar í einu þeirra.

Jón Valur Jensson.

PS. Rík­is­stjórn­ar­flokk­arn­ir fengju sam­tals 22 þing­menn ef kosið væri í dag, sem er 10 þing­mönn­um minna en þeir fengu í alþing­is­kosn­ing­un­um síðasta haust, en stuðning­ur við rík­is­stjórn­ina hef­ur dreg­ist jafnt og þétt sam­an frá kosn­ing­um.Stuðning­ur við rík­is­stjórn­ina hef­ur dreg­ist sam­an um 3% frá síðustu mæl­ingu en 36% styðja nú rík­is­stjórn Sjálf­stæðis­flokks, Viðreisn­ar og Bjartr­ar framtíðar. Þetta kem­ur fram í nýj­um þjóðar­púlsi Gallup. Rúv greindi fyrst frá.

Heimild:

http://www.mbl.is/frettir/innlent/2017/06/01/enn_faerri_stydja_rikisstjornina/

Fjármálaáætlun samþykkt með ágreiningi

Varasamt að flytja inn múslima í stórum stíl

Hryllilegt hryðjuverk í Khabúl (90 drepnir í morgun) og viðlíka glæpir, í gær í Írak (27) og þegar 26 koptar voru miskunnarlaust aflífaðir ... og í Manchester ... fá trúlega enn fleiri til að sjá, að "Góða fólkið" hefur ekk­ert með það að gera að bæta hér við múslimum! Þetta meinta "Góða fólk" hefur ekkert umboð frá meiri­hluta þjóðarinnar til að þrýsta á franskbrauðin í ríkisstjórn og á Alþingi til að gefa eftir fyrir kröfu þess um að auðvelda hælisleitendum landvist hér eða til að lengja von úr viti dvöl hundraða eða þúsunda slíkra hér á okkar kostnað (að meðtöldum flóttamönnum er kostnaðurinn að verða 15-20 milljarðar á ári!).

Þýzka lögreglan var líka að stoppa einn 17 ára af, sem hugði á sjálfsvígsárás í Berlín, hann kom þangað fyrir ca. 2 árum sem ... flóttamaður frá Sýrlandi!! Þetta var nú öll aðlögunin í hans tilfelli!

Hryðjuverkin hér á Vesturlöndum (yfir 80% þeirra framkvæmd af múslimum frá 11. sept. 2001) gerast ekki í neinu tómarúmi. Miklar íbúabyggðir múslima í Frakklandi, Bretlandi, Hollandi, Belgíu, Þýzkalandi og á Spáni auðvelda öfga-islamistum að leynast innan um sína landsmenn og meðal sinna trúbræðra sem sækja moskurnar. Þessar fjölmörgu moskur eru svo þar að auki ýmsar hverjar notaðar til að vera með ofsatrúar- og fyrirlitningar- eða hatursáróður gegn vestrænum lífsháttum og gegn bæði kristnum og Gyðingum. Eru brezk yfirvöld farin að átta sig á því, að fylgjast þarf með "kennslunni" og fundunum sem eiga sér stað í mörgum moskanna, ef ekki á verr að fara. Ekki er á það bætandi, að þar í landi eru nú þegar 23.000 skráðir fylgismenn "heilags stríðs" hjá lögreglu!

Evrópumenn eru almennt orðnir fráhverfir því að fá hingað öllu fleiri múslima, ekki vegna alhæfinga um þá eða fordóma um þá almennt, heldur vegna með­vitundar um að með þeim hafa stórlega vaxið ýmis alvarleg vandamál. Traust könnun meðal 10 af helztu Evrópuþjóðum sýndi 73% fylgi við að STÖÐVA inn­flutning fleiri múslima til álfunnar. Enginn flokkur hér á landi þorir að taka á þessu vandamáli annar en Íslenska þjóðfylkingin.

Í gær var að ljúka norrænni ráðstefnu um innflytjendamál, sem Háskóli Íslands og stofnanir þar tóku að sér að annast. Undirritaður hitti norrænan lögfræðing sem tók þátt í ráðstefnunni og upplýsti mig um, að almennt er nú ríkjandi sú stefna meðal hinna norrænu ríkjanna að takmarka meira fjölda innflytjenda þangað en verið hefur. Kannaðist viðmælandinn t.d. vel við það, að í Danmörku eru jafnvel sósíaldemókratar farnir að herða afstöðu sína til inn­flytj­enda­mála, eins og Styrmir Gunnarsson hefur upplýst okkur um. En hitt er spurning dagsins hvenær Samfylkingin kemst til vits og ára í þessum efnum.

Hryðjuverka-aukagetan er auðvitað versta afleiðing hins lítt hefta straums múslima inn í Evrópu, en ennfremur er í vaxandi mæli að komast upp um hve dýrt það velferðarkerfi er, sem heldur þeim mörgum uppi, og hefur verið misnotað gróflega í mörgum tilvikum, eins og dæmin sýna t.d. frá Danmörku og Þýzkalandi. Við höfum ekkert þanþol í okkar íslenzka velferðarkerfi til að dæla ófáum milljörðum í hælisleitendur sem eiga hér engan dvalarrétt. Þar að auki hefur tilkoma þeirra sett enn meiri þrýsting á leigumarkaðinn, og höfðu íslenzkir leigjendur sízt nokkra þörf fyrir aukna verðbólgu á þeim vettvangi.

En franskbrauðin á Alþingi fljóta samt auðveldlega áfram niður að feigðarósi, verði þau ekki sokkin áður í sínum óvinsældum.

Jón Valur Jensson.

Aldrei upplifað aðra eins höggbylgju

Þrátt fyrir endurkomu 350 brezkra jíhadista úr "heilögu stríði" ISIS, hefur aðeins einn þeirra verið stöðvaður!

Nú velta Bretar fyrir sér: Gerum við nóg til að stöðva jíhadista eins og Salman Abedi frá því að snúa aftur til Bretlands eftir vopnaða baráttu þeirra erlendis?

Experts have told The Times that a key measure to stop it has been used only once

Með öðrum orðum: Bretar hafa einungis einu sinni nýtt sér valdheimild til að stöðva slíka endurkomu jíhadista (fylgismanna "heilags stríðs" múslima) þrátt fyrir að 350 vígamenn frá Bretlandi hafi snúið til baka til landsins eftir að hafa barizt með "Ríki islams"!

Brezk stjórnvöld hafa greinilega nóg að gera við að taka til hjá sjálfum sér eftir hryðjuverkið hroðalega í Manchester.

JVJ.

Islamstrú

  Islamstrú (stjórnmálaáróður) verður banabiti íslenskrar menningar verði ekki spyrnt við fæti til að varna slíku.  Áróður stjórnmála­manna sem nú sitja á þingi um að við eigum að taka á móti fjöldanum öllum af islamistum er landráð af verstu gerð. Þetta fólk er ekki ábyrgt en mun ekki axla þá ábyrgð sem slíkur aulaskapur veldur.

    Hér er ekki átt við einhvern þjóðflokk eða útlit viðkomandi innflytjenda. Annars værum við að standa í móti öllum aröbum, Kínverjum, Indverjum og svo lengi mætti telja, heldur erum við ekki að níða niður hvort hörunds­litur viðkomandi sé svartur, brúnn, gulleitur eða bara hvítur. Nei, Íslenska þjóðfylkingin er að tala um pólitíska, hugmynda- og trúarbragða-hreyfingu sem ekki er  minnihlutahópur, en elur á hatri í garð annarra með það að markmiði að ná undir sig alheimsyfirráðum. 

    Það sem er merkilegt er að það skuli vera til fólk, ekki einstak­lingar heldur heilu hjarðirnar, sem telja alþingismenn, fréttamenn, kennara, vinstri­sinnaða pólitíkusa, og svo lengi mætti telja, sem hampa slíkri hreyfingu. Hreyfingu sem hefur það að megin­markmiði að útrýma þeim, sem ekki eru sama sinnis og þeir. 

    En þetta er nú ekki bara það, að þessi hópur sé, að manni virðist, heilaskemmdur. Einnig eru femínistar og samkyn­hneigðir fylgjendur þeirra sem aðhyllast slíkt skemmdar­verk á íslenskri menningu og er undarlegt, því þessi trúarbrögð leggja þá sérstaklega út fyrir að vera réttdræpa, hvar sem í þá næst. Er það virkilega svo að Íslendingar vilji koma menningunni aftur til steinaldar, þar sem feðra/karlaveldið er allsráðandi og kúgun kvenna er réttlætt, barnaníð er talið sjálfsagt og heiðursmorð upphafin sem mikil dyggðarinnar verk.  

    Ég trúi því ekki að við séum komin svo langt að við teljum það réttlætanlegt og sjálfsagt, samkvæmt túlkun RÚV-liða með Stefán Ólafsson stórkrata sem trúverðugan talsmann og skýranda, að það sé réttlætanlegt að framin séu morð á óbreyttum borgurum eða nokkrum öðrum í nafni trúar eða hégómagirni einhverra afla sem kalla sig islams­trúar (tilvísun til hryðjuverka í Evrópu og víðar). Hvernig ætlar þetta fólk að túlka hryðjuverk á Íslandi  ef ekki verður spyrnt við fæti, til að sporna við þeirri þróun sem þetta stjórnlausa sjálfmiðaða lið vill innleiða inn í landið?

    Talsmenn þessa hóps sem ver þessar gjörðir hrópar hátt á hátíðar- og tyllidögum um menningu landsins, málið sem gerir okkur sérstök, hversu gott sé að búa hér, en á meðan tala þau niður allt það sem að framan segir. Þeim er skítsama um menninguna sem við erum að selja útlend­ingum en verður ekki lengi ef fram heldur sem horfir. Íslendingar koma ekki til með að geta lesið sagnabækur okkar því tungumálið verður heillum horfið og enginn verður þjóðhátíðardagur þjóðarinnar í fjömenn­ingar­samfélaginu hvað svo sem það mun kallast. Hver á sá dagur að vera þegar fjöldi þeirra sem eru t.d. frá arabaríkjunum, Asíuríkjunum eða Indlandi verður orðinn 800 þúsund eins og Píratar, NO BORDERS-liðar og vinstrielítan vill? 

    Nei, nú segjum við stopp! Það er kominn tími til að Íslendingar taki ábyrgð á eigin landamærum og takmarki þann fjölda, sem hér vill setjast að. Velji þá sem í einlægni vilja gerast sannir þegnar landsins og gera lög, reglur og menningu þess að sínum. Þá er ekki verið að tala um að viðkom­andi segi skilið við sínar rætur, en geri sér grein fyrir því að hann er gestur í okkar landi en við ekki í hans.  

     Til að þetta náist er það nauðsynlegt að segja sig úr Schengen og gera tvíhliða samning við Europol og ríkislögreglu í öðrum löndum. T.d. Scotland Yard, norsku, dönsku og sænsku ríkislögregluna um samstarf á milli landa. Öllum þeim sem koma til landsins skilríkja­lausir sé umsvifalaust snúið við til þess lands sem þeir komu frá og þeir eiga ekki að vera á ábyrgð Íslendinga (Dyflinnar-samkomulagið). Ekki á að búa til kerfisbákn hér á landi eins og nú tíðkast hjá Útlendingastofnun, Rauða krossinum og fleiri afætum sem hafa beinan hagnað af sem flestum flóttamönnum og hælisleitendum, er hingað leita.

    Við eigum aftur á móti að nota það fé, sem í þennan málaflokk fer, til að aðstoða þá sem eru í raunverulegri neyð, það á að gera í þeirra nær­umhverfi. Þetta myndi hjálpa til við að losa um íbúðir inn á íbúða­mark­aðinn. Ástæða þess að hér sé staldrað við er ekki mannvonska heldur sú staðreynd að Íslendingar hafa ekki efni á þessari vitleysu. Þetta mun leggja velferðar­kerfið í rúst. Nú er svo komið að reiknað er með að 12 til 18 milljarðar fari í þennan málaflokk, beint og óbeint, þetta árið. Einhvers staðar verður að taka þessa peninga. Það kann að vera að það líti út fyrir að eitthvert fjármagn sé til að leysa bráðasta vandann nú um stundir en Íslendingar verða ekki alltaf í góðæri og hvað þá?  

    Það er ákall Íslensku þjóðfylkingarinnar til þeirra sem unna sínu landi, menningu og afkomendum sínum, að þeir standi saman og mótmæli þessu háttalagi ríkisstjórn­arinnnar. Það er hægt að gera í komandi sveitar­stjórnar­kosningum og svo ekki síst í næstu alþingis­kosningum; vonandi verður þeirra ekki langt að bíða.

    Kæru vinir, flokksfélagar og aðrir landsmenn. Það er og verður megin-markmið að stöðva byggingu mosku í Reykjavík í komandi borgar­stjórnar­kosningum. Til þess þarf Íslenska þjóðfylkingin þinn stuðning á komandi vori. Við þurfum öflugt fólk sem er tilbúið að standa í lappirnar og berjast með okkur svo við missum ekki landið í hendur öfgasamtaka islamista. Það hættulegasta er að þeir nái og fái að byggja sér mosku sem er í raun ráðhús þeirra og uppeldisstöð fyrir ungviði til heilaþvottar. Þar ráða þeir ráðum sínum bæði til góðs og ekki síst til hins illa sem þeim er innrætt frá barnæsku í gegnum svokölluð trúarbrögð. Látið okkur heyra í ykkur sem tilbúin eruð í að berjast með landinu ykkar.

Guðmundur Karl Þorleifsson, 

formaður Íslensku þjóðfylkingarinnar. 

Þrettándi maðurinn handtekinn