Hjátrúin á loftslagshlýnun af mannavöldum nær nýjum hápunkti

Eigum við nú að fara að taka mark á Árna Finns­syni um nátt­úru­vernd­ar­mál? Hann hefur löngum verið þar á yzta kanti, umboðs­laus sem hann þó er til nokkurra ábúð­ar­mik­illa yfir­lýsinga, þó verið óspar á þær, s.s. um hvala­mál og jafnvel þorsk­veiðar.

Hjátrúin á loftslags­hlýnun af manna­völdum nær nú hápunkti í viðleitni þýzkra vald­hafa og einkum vinstri manna til að sverta Trump Banda­ríkja­forseta fyrir að taka ekki þátt í Parísar­ráðstefnu­samkomu­laginu. Gamlir óvinir Banda­ríkj­anna stökkva fram úr sínum skúma­skot­um eins og þeir upplifi nú endur­nýjun líf­dag­anna. Þó hefur jörðin áður mátt reyna mörg hlýinda- jafnt sem ísaldar­skeiðin. En ótrúlegasta skynsemdar­fólk lætur einföld gröf "sannfæra" sig.

Og nú reynir Árni Finnsson, formaður hinna dularfullu Náttúru­verndar­samtaka Íslands, af öllum mönnum að kalla Íslendinga til liðs við þessi ósönn­uðu hjá­fræði og hyggur sig geta snúið útgerðar­mönnum um fingur sér! Lítt dugar það honum til vegs­auka í þessu máli, að hann fekk eitt árið viður­kenningu frá ófaglegum hópi í utanveltu­samtökum, m.a. Semu Erlu Serdar, Einari Kárasyni rithöfundi, einum borg­ar­full­trúa "Besta flokks­ins" og Gunn­ari Hólm­steini Ársæls­syni ESB-predikara.

Jón Valur Jensson.

Ákvörðun Trump „mikil ógn við Ísland“

Athugasemdir

[Jón Valur Jensson, 2.6.2017 kl. 04:25]

Á vefsíðunni http://www.sammala.is/ birtist langur og sorglegur nafnalisti undir fyrirsögninni 

Við erum sammála

um að sækja eigi um aðild að ESB

Þar var t.d. nafn Árna þessa Finnssonar að finna. 

[Valdimar Samúelsson, 2.6.2017 kl. 08:04]

Þetta er mikið hugrekki hjá Trump og vona ég að hann fái aðrar þjóðir með sér og þar með kannski Ástrali, Bretar koma inn eftir kosningar ef Terisa May vinnur. Það hefir lengi veri auðséð að hér er ekkert verið að spá í gróðurhúsaáhrif heldur er hér verið að terroræsa hugi fólks en þeir eru búnir heila þvo skólakrakka nú í langan tíma og það er sú kynslóð sem er áhrifamest.     

[Tómas Ibsen Halldórsson, 2.6.2017 kl. 10:05]

Parísarsamkomulagið er tæki Sameinuðu þjóðanna, NWO, til að hafa stjórn á þjóðum og þar með lífsháttum almennings. Þetta er bara fyrsta skrefið af mörgum í þeirri vegferð.

[Hörður Þormar (IP-tala skráð) 2.6.2017 kl. 12:13]

Harald Lesch, eðlisfræðiprófessor við háskólann í München, fjallar á skýran hátt um gróðurhúsaáhrifin:Harald Lesch: Der Klimawandel [ZDF]

Á öðrum stað heldur hann því fram að það jarðefnaeldsneyti, sem eytt er á einu ári, hafi tekið eina milljón ára að myndast.

Hvað á að gera þegar það er uppurið?

[Jón Valur Jensson, 2.6.2017 kl. 15:13]

Maður hefði haldið, að Árni þessi hefði stundað einhvers konar náttúrufræðinám, en því er nú ekki að heilsa! Samkvæmt Samtíðarmönnum, nýrri útgáfunni (Vaka/Helgafell 2003, fyrra bindi, bls. 53), er hann ekki með eina einustu háskólagráðu, stundaði stjórnmálafræðinám við háskólana í Gautaborg (1980-83) og Lundi (1988-89), engin gráða tekin fram í greininni og ekkert annað háskólanám; hins vegar var hann t.d. virkur í SÍNE og vann svo samfleytt fyrir Greenpeace frá 1987 til 1996 og fann sér svo nýjan stað sem "starfsmaður Náttúruverndarsamtaka Íslands frá 1997" -- hefur eitthvað unnið fyrir World Wildlife Fund -- Arctic programme -- frá 1998 (varla sem fagmaður! -- kannski sjálfboðaliði?) og hefur vitaskuld "setið fjölda ráðstefna og funda á alþjóðavettvangi" (Samtíðarmenn), sennilega drjúgur að ná sér í styrki. Merkilegt hvað menn komast langt á litlu og hafa ekki einu sinni pungapróf úr háskóla!

Svo er þessi lítt lærði maður að reyna að hræða okkur Íslendinga með því að sjórinn muni súrna svo hér við land að það spilli fiskistofnunum! Spyrjum heldur fiskifræðingana!

[Merry (IP-tala skráð) 2.6.2017 kl. 22:27]

Sæll Jón Valur

Ef þú horfir á sögulegu myndina af hitastigi jarðarinnar, geturðu séð að eftir hverja u.þ.b. 100.000 ár nær hitastig jarðar um u.þ.b. 3-4 gráður hærri en venjulega. Jörðin þá smám saman kælast niður í u.þ.b. 8 gráður undir eðlilegt, þá endurtekur hringrás.. Þetta hefur gerst mörgum sinnum, án manna. Jörðin just nú nær nú hátt hitastig eins og venjulega og ekkert getur stöðvað það - en - við gerum það að gerast fyrr með CO2 framleiðslu okkar.