Tveir með tengsl við hryðju­­verka­­sam­tök óskuðu hér eft­ir alþjóð­legri vernd. Ísland gegn­um­streymis­land. Hryðju­verka­hætta á Íslandi enn "metin í meðallagi"

skv. grein­ing­ar­deild rík­is­lög­reglu­stjóra, þ.e.a.s.: al­mennt er talið „að ekki sé hægt að úti­loka hættu á hryðju­verk­um vegna ástands inn­an­lands eða í heims­mál­um.“

Á ár­un­um 2015 og 2016 voru rúm­lega 20 hryðju­verk fram­in í Evr­ópu en að á sama tíma er ljóst að lög­reglu hafi tek­ist að „koma í veg fyr­ir tugi fyr­ir­hugaðra árása,“ seg­ir í skýrsl­unni.

Grein­ing­ar­deild­in hef­ur upp­lýs­ing­ar um að á sama tíma „hafi komið hingað til lands ein­stak­ling­ar með tengsl við hryðju­verka­sam­tök og óskað eft­ir alþjóðlegri vernd.“

Í sam­tali við RÚV staðfest­ir Ásgeir Karls­son hjá grein­ing­ar­deild rík­is­lög­reglu­stjóra að um tvo ein­stak­linga sé að ræða sem hafi komið til lands­ins á ár­un­um 2015 og 2016. Ásgeir sagði að menn­irn­ir væru farn­ir úr landi en vildi ekki veita upp­lýs­ing­ar um hvenær eða hvernig það hefði verið. (Mbl.is)

Á Norður­lönd­um er sagt í skýrslunni að hryðju­verka­ógn­in sé „einkum tal­in stafa af her­ská­um íslam­ist­um“ og að yf­ir­völd þar hafi „vax­andi áhyggj­ur af rík­is­borg­ur­um sem snúa heim eft­ir að hafa tekið þátt í bar­dög­um og ógn­ar­verk­um í Mið-Aust­ur­lönd­um í nafni hryðju­verka­sam­taka.“ Mest er hættan metin í Danmörku, á 4. þrepi á fimm stiga kvarða; þar telst hryðju­verka­ógn­in áfram vera al­var­leg, en í Svíþjóð er hún á þriðja þrepi (sjá nánar viðtengda Mbl.is-frétt um önnur Norðurlönd, en ástandið versnar fremur en hitt).

Hér eru jákvæðir hlutir, er snúa að okkur:

Grein­ing­ar­deild tel­ur að ógn­ar­mynd­in sé nokkuð frá­brugðin á Íslandi þar sem að ekki sé „vitað til þess að Íslend­ing­ar hafi gengið til liðs við hryðju­verka­sam­tök.“ Þá er sam­setn­ing hóps­ins sem sæk­ir um vernd á Íslandi önn­ur en á hinum Norður­lönd­un­um.

„Þar er flótta­fólk frá Mið-Aust­ur­lönd­um stærsti hóp­ur­inn. Á Íslandi eru flest­ir þeirra sem leita alþjóðlegr­ar vernd­ar frá lönd­um þar sem friður rík­ir.“ Í skýrsl­unni seg­ir þó að hæl­is­leit­end­um frá átaka- og spennu­svæðum hafi fjölgað „veru­lega á Íslandi árið 2016“ og að lík­legt sé „að sú þróun haldi áfram.“ (Mbl.is, leturbr. jvj; meðal þessara landa eru Írak og Afganistan, aths. jvj).

Gleymum ekki þessu og sérstaklega því sem fylgir þar síðast (feitletr. JVJ):

Á Íslandi og í öðrum vest­ræn­um ríkj­um staf­ar einnig ógn „af getu hryðju­verka­sam­taka til að koma á fram­færi áróðurs­boðskap á in­ter­net­inu og sam­fé­lags­miðlum í því skyni að hvetja til hryðju­verka.“

„Þá er sá mögu­leiki fyr­ir hendi að á Íslandi fari fram skipu­lagn­ing hryðju­verka sem ráðgert er að fremja í öðru ríki,“ seg­ir í skýrsl­unni, en grein­ing­ar­deild hef­ur einnig upp­lýs­ing­ar um að „Ísland hafi verið notað sem „gegn­um­streym­is­land“ manna frá Norður-Am­er­íku á leið til og frá þátt­töku í bar­dög­um í Mið-Aust­ur­lönd­um í nafni Rík­is íslam."

(Svo halda sumir, að stjórn Trumps hafi enga ástæðu til að óttast frjálsa komu manna til Bandaríkjanna frá suðupottum átaka í Mið-Austurlöndum!)

 

Þá eru í skýrslunni fróðlegar upplýsingar um hvernig ríki inn­an Evr­ópu­sam­bands­ins meti ógn vegna hryðju­verka, frá lágu hættu­stigi til þess hæsta, "en mest er ógn­in í Vest­ur-Evr­ópu, til dæm­is í Frakklandi, Belg­íu, Bretlandi, Dan­mörku og á Spáni." ---Helstu breyt­ing­ar, sem orðið hafa á síðustu árum, eru hér tíundaðar:

1. „Í fyrsta lagi hafa á síðustu tveim­ur árum verið fram­in stór­felld hryðju­verk í Evr­ópu sem kostað hafa hundruð manna lífið auk þess sem fjöldi óbreyttra borg­ara hef­ur særst og örkuml­ast.“
2. „Í öðru lagi hef­ur staðan á átaka­svæðum í Mið-Aust­ur­lönd­um breyst. […] Þetta hef­ur í för með sér að dregið hef­ur stór­lega úr þeim fjölda manna sem ferðast til Mið-Aust­ur­landa í því skyni að berj­ast í nafni ISIS. […] Til­tæk­ar heim­ild­ir benda til að um­snún­ing­ur hafi orðið á streymi er­lendra víga­manna til Mið-Aust­ur­landa og nú leggi ein­hverj­ir þeirra kapp á að kom­ast frá átaka­svæðunum og aft­ur til fyrri heim­kynna í Evr­ópu […] með til­heyr­andi ör­ygg­is­ógn gagn­vart ríkj­um Evr­ópu.“ (Leturbr.jvj)
3. „Loks hafa átök­in í Sýr­landi/Írak kallað fram for­dæma­laus­an flótta­manna­straum til Evr­ópu. Vest­ræn­ar lög­gæslu­stofn­an­ir telja al­mennt að áhætta kunni að vera fólg­in í þeim fólks­flutn­ing­um. Bent er á þann mögu­leika að ís­lömsk hryðju­verka­sam­tök nýti sér veik­leika á landa­mær­um […].“ (Leturbr.jvj)

JVJ tíndi saman úr fréttinni.

Tveir með tengsl við hryðjuverkasamtök

Athugasemdir

[Halldór Egill Guðnason, 2.2.2017 kl. 02:03]

Mjög gott að vita að maður og fjölskyldan mín öll yndislega, séum öll í meðallagi í hættu. Aldrei upplifað það fyrr!

 Góðar stundir, með kveðju að sunnan.

[Jósef Smári Ásmundsson, 2.2.2017 kl. 06:33]

Og er ekki stjórnmálaflokkur hér sem hefur tengsl við Le Pen í frakklandi og Trump í Ameríku  sem hryðjuverkamaðurinn í Kanada vitnaði í. Eru þetta ekki hátt í 200 manns hér.

[Jón Valur Jensson, 2.2.2017 kl. 11:37]

Þessi stjórnmálaflokkur, sem Jósef nefnir og nefnir þó ekki, er að minnsta kosti EKKI Íslenska þjóðfylkingin, það veit ég fyrir víst, enda er ég í flokkstjórn hans.

Þessi innlegg Halldórs Egils og Jósefs eiga það sammerkt að fjalla af ábyrgðarleysi um þetta mjög svo alvarlega mál:

Tveir hælisleitendur hér á landi hafa reynzt vera með tengsl við hryðjuverkasamtök og landið auk þess notað fyrir gegnumstreymi ISIS-manna frá N-Am­er­íku á leið til og frá þátt­töku í bar­dög­um í Mið-Aust­ur­lönd­um.

Eigum við að halda áfram að bjóða því heim að hælisleitendur komi hingað í þúsundavís og að hryðjuverkamenn geti leynzt meðal þeirra sem fá hér 6 til 12 mánaða frítt uppihald og húsnæði á kostnað skattborgara?

Nú EYKST jafnvel hættan við það, að erlendir fjölmiðlar, sem slá upp hinu sorglega Birnu-máli, geta einmitt með frásögnum sínum beint illræðisöflum að þessu landi sem nánast óvörðu, sem veikasta hlekknum í vörnum Vesturlanda:

"Umfjöllun þeirra snýst að miklum hluta um hvað Ísland er öruggt. Það er dregið fram að hér sé enginn her, lögreglan gengur ekki um með skotvopn og manndráp eru fátíð," eins og kynningarfulltrúi lögreglunnar segir í Fréttablaðinu í dag (bls.2).

Mál er að linni þessu andvaraleysi og ofurtökum kreddufastra vinstri manna á fjölmiðlum sem þeir misnota til að veikja varnir okkar og beita sér gegn fullrétti okkar til að stöðva hingað hælisleitenda-strauminn tafarlaust.

[Jósef Smári Ásmundsson, 2.2.2017 kl. 18:02]

Utlendingastofnun hefur að mínu mati staðið sig vel í því að útiloka óæskilegt fólk frá landinu Jón Valur. Og að sjálfsögðu höfum við öll áhyggjur af því að hryðjuverkaógnin nái hingað. En ég held að þú og þínir félagar í þjóðfylkingunni hafi engar áhyggjur af þessu. Eini tilgangur þessarar bloggfærslu er að hatast við fólk sem kemur hingað og hefur alist upp við aðra trú en þið viðurkennið. Það er að sjálfsögðu ábyrgðarlaust að ala á hatri enda er það uppspretta hryðjuverka. En ég hef fundið á fólki sem ég umgengst að samkennd með múslimum og hælisleitendum hefur aukist mikið undanfarnar tvær vikur, þökk sé Donald Trump.

[Jón Valur Jensson, 2.2.2017 kl. 19:45]

Það er á þína ábyrgð, Jósef, að halda því hér freklega fram, að við í Íslensku þjóðfylkingunni ölum á "hatri" -- hatri sem sé uppspretta hryðjuverka!!! Þvílíkur lygari sem þú gerist hér!

Þú fullyrðir jafnvel í þinni óskammfeilni: "Eini tilgangur þessarar bloggfærslu er að hatast við fólk sem kemur hingað og hefur alist upp við aðra trú en þið viðurkennið."

Ég sendi þessi orð þín rakleiðis til föðurhúsanna. Þú hefur ekkert leyfi til að bera þessa fals-ásökun þína upp á saklaust fólk. Eins og ítrekað hefur komið fram á þessari vefsíðu,* þá fordæmir Íslenska þjóðfylkingin allt kynþátta- og útlendingahatur. 

Viljirðu eiga við okkur orð á þessari síðu, Jósef, skaltu framvegis halda þig við sannleikann og ljúga ekki upp á náungann, eins og þú gerðir hér gagnvart undirritum og félögum mínum.

* T.d. hér: http://thjodfylking.blog.is/blog/thjodfylking/entry/2181778/

[Jón Valur Jensson, 2.2.2017 kl. 19:47]

... undirrituðum ...