Fjöldi múslima í Evrópu stórlega vanmetinn

Í ljós kom að mat Pew Institute á fjölda þeirra í 28 ESB-ríkjum auk Noregs og Sviss var vanáætlaður um fimm milljónir!

Pew "ákvað að telja ekki með" rúml. milljón hælisleitenda í Þýzkalandi 2015-16 "af því að ekki er búizt við að þeir fái stöðu flóttamanna". Pew hafði talið 4.130.000 múslima vera í Þýzkalandi (6,3% landsmanna), en sú tala stenzt sem sé ekki.

Á Spáni voru múslimar taldir 1.180.000 í mati Pew (2,6% landsmanna), en voru vanmetnir um 739.000, því að Samband islamskra samfélaga á Spáni (Unión de Comunidades Islámicas de España, UCIDE) telur að múslimar á Spáni í árslok 2016 hafi verið 1.919.141, þ.e. 4,1% landsmanna, en matstölur UCIDE "are widely recognized in Spain as the most accurate assessment of the Muslim population in that country." (How Many Muslims in Europe? Pew´s Projections Fall Short, aðalheimild hér*).

Í Frakklandi hafði Pew talið múslima 5.720.000 (8,8% lands­manna), en viðurkennir að "Frakkar hafa ekki mælt fylgjendatölu trúarbragða í manntali frá 1872." Samt taldi Pew unnt að meta þennan fjölda áhanganda og iðkenda islamstrúar.

En milljónir múslima í Frakklandi dyljast frá skráningu. Yves Mamou skýrir það:

"This figure [six million] does even not take into consideration the Muslim population that immigrated to France from North Africa in the 1960s and early 1970s. There are a few million of them — nobody knows how many exactly. They became French very early, and for demographers, their grandchildren and great-grandchildren are not regarded as immigrants anymore. These Muslims are, rather, integrated into statistics as French citizens born of French parents. They are Muslim, but under the statistics radar."

Í Austurríki mat Pew múslimana 600.000, 6,9% landsmanna, en Österreichische Integrationsfonds (ÖIF), stofnun á vegum utanríkisráðuneytisins, metur múslimafjöldann í Austurríki 700,000, þ.e. 7,9%. 100.000 manna mismunurinn virðist ekki mikill, en hefur stórhækkandi áhrif á útlitsmatið árið 2050. Samkvæmt hæsta matinu þá gætu múslimar orðið 350.000 fleiri en áður var talið, þ.e. "nearly 25% according to the ÖIF, compared to 19.9% according to Pew." 

Samkvæmt lægsta fólksfjöldamati Pew fjölgar múslimum í löndunum þrjátíu úr 25,8 milljónum 2016 í 35,8 milljónir árið 2050. Í þessu mati var gert ráð fyrir algerri stöðvun á innflutningi múslima frá þessu ári til 2050 og þetta haft til viðmiðunar, en vitaskuld mun það ekki standast sem forsenda fólksfjöldamats.

Miðmat Pew var að áframhaldi á núverandi straumi til Evrópu, annarra en hælisleitenda, og myndu múslimum þá fjölga úr 25,8 milljónum 2016 í 35,8 milljónir 2050.

Hæsta mat Pew "projects the record flow of refugees into Europe between 2014 and 2016 to continue indefinitely into the future with the same religious composition — namely Islamic — in addition to the typical annual flow of regular migrants. In this scenario, the number of Muslims could reach 75.6 million, or 14% of Europe´s population by 2050 — nearly triple the current share."

En jafnvel þetta mat er nú einsýnt að verði að hækka, því að byrjað var með fimm milljónum of lágar matstölur nú, og það hefur stórfelld áhrif, því að hvort tveggja er, að múslimar tímgast hraðar og með fleiri fæðingum en þær þjóðir, sem fyrir eru í Evrópu, og eins hitt, að gert er ráð fyrir, að meðal þessara síðarnefndu þjóða verði 10% fólksfækkun (vegna lítillar tímgunar frá því að komið var fram undir aldamótin, en hinar fjölmennu eftirstríðskynslóðir verða þá farnar að týna tölunni í stórum stíl).

Þetta, skv. hæsta matinu, eru all-hrikalegar tölur í reynd, jafnvel þótt ekki sé þar gert ráð fyrir 5 milljóna skekkjunni í byrjun:

• In Germany, the Muslim population would increase from 4,950,000 (6%) today to 17,490,000 (around 20%) by 2050 in the high scenario, compared to 11% in the medium scenario and 9% with no further Muslim migration.
• In France, the Muslim population would increase from 5,720,000 (8.8%) today to 13,210,000 (18%) by 2050 in the high scenario, compared with 17.4% in the medium scenario and 12.7% with no further Muslim migration.
• In Britain, the Muslim population would increase from 4,130,000 (6.3%) today to 13,480,000 (17.2%) in the high scenario, compared to 6.7% in the medium scenario and 9.7% with no further Muslim migration.
• In Belgium, the Muslim population would increase from 870,000 (7.6%) today to 2,580,000 (18.2%) in the high scenario, compared to 15.1% in the medium scenario and 11.1% with no further Muslim migration.

Og í næstu nágrannalöndum okkar:

Under the high-migration scenario, for instance, the Muslim population of Sweden — a formerly homogeneous Christian country — would reach nearly one-third (30.6%) of the overall population by 2050, Norway 17%, Britain 16.7%, Denmark 16%, and Finland 15%.

 

Pólland hefur hins vegar allt aðra innflytjendastefnu. Þar myndi múslimum fjölga úr 0,1% landsmanna nú í 0,2% árið 2050!

En hver skyldi verða affarasælust stefna í þessum málum fyrir okkur Íslendinga? Endilega tjáið ykkur um það!

JVJ.

* Greinina ritar Soeren Kern, Senior Fellow at the New York-based Gatestone Institute.

Ný ríkisstjórn bregzt þjóðinni strax í fyrsta orði (stjórnarsáttmálanum)

Hún tekur við í dag. Þrátt fyrir nokkur fram­fara­mál hennar eru önnur mun stærri í af­leit­asta fari: stór­fjölgun flótta­manna og hælis­leit­enda, rugl um lofts­lagsmál, sala Lands­bank­ans: sam­einuð "lausn" VG og Val­hallar úr því að VG rakst á vegg með að fá að hækka skatta um 70-80 milljarða. Sjálfstæðismenn slá þar tvær flugur í einu höggi: geta unnið að einka(vina)væðingu þessarar verðmætu mjólkurkýr landsmanna og losna við margt af þeim skattaálögum sem þeir óttuðust. En aðferðinni verður helzt líkt við að pissa í skóinn sinn: ágóðanum stendur til að eyða að miklu leyti í útgjaldahítina.

Í stjórnarsáttmálanum segir um flótta­manna­mál:

Tekið verður á móti fleiri flótta­mönnum og þver­pólitísk nefnd sett á fót um framkvæmd útlend­ingalaga

Aldrei hafa fleiri verið á flótta vegna stríðsátaka, ofsókna og umhverfisvár. [Uppskrift VG að því að nálgast málin.] Ísland mun leggja sitt af mörkum til lausnar á flótta­manna­vandanum og taka á móti fleiri flótta­mönnum [eins og VG boðaði í flokkssamþykkt fyrir kosningar, en auglýsti þó lítt!]. Mannúðar­sjónarmið og alþjóðlegar skuldbindingar [dæmigerð réttlæting VG-manna, en stenzt ekki, sbr. praxísinn nú í Skandinavíu og víða í ESB] verða lögð til grundvallar og áhersla á góða og skilvirka meðhöndlun umsókna um alþjóðlega vernd [þ.e. hælisleitenda!]. Auk þess verður tryggð samfella í þjónustu og aðstoð við þá sem fá slíka vernd. [Stórfelldur útgjaldaauki þar og mikil fjölgun slíkra!] Þverpólitískri þingmanna­nefnd verður falið að meta framkvæmd útlendingalaga og eftir atvikum endurskoða þau. [Innskot í hornklofum: JVJ.]

Þetta er galin stefna, margfaldur innflutningur flóttamanna og hælisleitenda til Íslands miðað við hin Norðurlöndin. Öfgastefnu Vinstri grænna í þessu máli hefur verið haldið stíft fram og Sjálfstæðisflokkurinn látið þar valta yfir sig. Margföldun múslima á landinu á þessu eina kjörtímabili til 2021 er þannig áformuð af glæfralegri heimsku.

Þá verður kolefnagjald hækkað um 50% og kallað "grænn skattur" (enn ein ranghugmyndin) og stefnt að uppstokkun laga um kynhneigðamál (eitt dellu- og gælumál vinstri manna).

Frítekjumark verður aðeins 100.000 krónur, eins og það var fyrir mörgum árum, áður enn það var lækkað í 25.000 krónur. En 100.000 duga skammt og ríkisstjórnin hér ekki hliðholl öldruðum, sem margir hverjir geta unnið allt að fulla vinnu í þónokkur ár eftir að þeir komast á lífeyrisaldur. Strax hefur gætt mikillar óánægju með þetta atriði stjórnarsáttmálans.

Jón Valur Jensson.

Svona skiptast ráðuneytin

Upplýsandi viðtal við formann ÍÞ

 

Hér er mjög fróðlegt viðtal við formann Íslensku þjóðfylkingarinnar, Guðmund Karl Þorleifsson, í Útvarpi Sögu þennan miðvikudag, sem hlusta má á í heild í gegnum hljóðskrá hér (og mynd fylgir af honum í heimsókn á ÚS):    http://utvarpsaga.is/vilja-fara-norsku-leidina-i.../

Ótvíræðar upplýsingar um stefnu vinstri flokkanna í innflytjendamálum sýna hve óábyrg hún er!

1) "Björt framtíð" vill fjölga lands­mönnum í 800.000 árið 2050. Nú erum við (með vinnandi EES-fólki) 340.000. Þetta merkir að BF vill fá minnst 460.000 útlend­inga hingað eða 13.939 manns á hverju einasta ári þessi 33 ár sem eiga eftir að líða til miðrar aldar­innar! Já, þetta er í alvöru stefna "Bjartrar framtíðar"! því að fjölgun þjóðarinnar sjálfrar heyrir nú fortíðinni til, fæðinga­tíðni er komin (2016) niður í aðeins 1,75 börn á hvert par eða hverja konu á barneignaaldri og dugar ekki til að halda okkur við, m.a. vegna yfir 1000 fósturvíga á hverju ári. Þessi fjölgun í 800.000 yrði því ekki með náttúrlegum hætti, heldur ekki sízt með flóttamönnum og hælisleitendum. 

2) Um stefnu Vinstri grænna í þessum málum var fjallað hér í sérstakri grein: Ábyrgðarlaus inn­flytjenda­stefna Vinstri grænna, sem boðar, að við Ís­lend­ingar "eigum að taka á móti umtals­vert fleiri flótta­mönn­um, að lág­marki 500 á ári," segir þar, en ekki nóg með það, heldur bætt við: "Jafna þarf að­stæð­ur hælis­leit­enda og svo­kall­aðra kvóta­flótta­manna og tryggja full­nægj­andi fram­kvæmd nýrra út­lend­inga­laga með fjár­magni og mann­afla," eins og segir í stefnuskrá VG. Nú verða hælisleitendur langt yfir 1000 á árinu; VG vill jafna "rétt" þeirra á við kvóta­flóttamenn og landsmenn sjálfa; það gæti því leikandi merkt 1500 manna fjölgun með þessu móti árlega, já, ár eftir ár eftir ár! Stórfurðulegt að augljóslega hafa þessar staðreyndir farið hljótt í samfélaginu. Eitt er víst, að þær eru ekki ástæða þess, að VG undir formennsku síbrosandi Katrínar mælist nú efst flokka í skoðanakönnunum!!!

3) Stefna Pírata er ekki síður hrikaleg; þeir vilja samkvæmt heimasíðu sinni galopna landið, undir augljósum áhrifum af "No Borders"-stefnunni!

4) Samfylkingin teflir nú fram Helgu Völu Helgadóttur í efsta sæti í Reykjavík suður, en hún á beinna atvinnu­hagsmuna að gæta sem lögfræðingur fyrir hælis­leitendur, einn af rúmlega 30 slíkum sem gegna dýrkeyptum "sérfræði­störfum" fyrir Rauða kross Íslands og Útlendinga­stofnun!

Enginn flokkur er með jafn-skýra og skelegga stefnu í innflytjenda­málum og Íslenska þjóð­fylkingin. Því er full þörf á að menn leggi henni lið við að fylla sína frambjóðenda- og meðmælendalista. Þeir, sem fúsir eru til baráttunnar, geta látið vita í athugasemd hér eða með tölvubréfi til formannsins, Guðmundar Karls Þorleifs­sonar ([e-mail]) eða til undirritaðs ([e-mail]) eða hringt í skrifstofu flokksins í síma 789-6223. Eins er hægt að ræða málin við formanninn í síma 898-7900 eða varaformanninn Helga Helgason í síma 897-6350 eða undirritaðan (616-9070). Nýir flokksmenn og stuðningsmenn eru líka velkomnir; árgjaldið er 3.000 kr. og full þörf á fjárframlögum til að kosta auglýsingar og aðra kynningu málstaðar okkar í margvíslegum málum.

Jón Valur Jensson.

Öfgahreyfing notfærir sér slapplega stefnu sænskra yfirvalda

Fordæma ber nazisma í öllum hans myndum og ofbeldis­aðgerðir nýnaz­ista­hreyfing­ar­innar NMR í Gauta­borg í dag. Hitt er þó ljóst, að sænsk yfirvöld hafa með lin­kind sinni í innflytj­enda­málum átt þátt í því að æsa upp öfga­öfl til stuðnings við þá hreyf­ingu. Það er stórlega miður þegar sósíaldemó­kratar, af öllum flokk­um, verða slíkum öfga­öflum óbein átylla og jafnvel hvatn­ing til að boða til átaka í samfélaginu. Eins þrífast þau á bæði sönnum og ýktum fréttum af fram­ferði öfga­múslima og þeirra sem upp á sitt eindæmi neyða sínum harðneskju­legu sjaría­lögum upp á ættingja sína, sem vilja njóta þess frelsis og þeirra mannrétt­inda sem boðið er upp á í vestrænu samfélagi.

Íslenska þjóðfylkingin styður sjálfstæði og fullveldi Íslands, m.a. gegn Evrópu­samband­inu, en fordæmir bæði útlend­inga­hatur og alla kynþátta­hyggju. Við erum almennt andvíg fjölgun múslima á Íslandi, þ.e. með innflutningi, en til þess eru margar ástæður, en ekki rasískar, enda höfum við ekki andmælt mót­töku flótta­manna frá Sýrlandi, en viljum að hingað verði þá fengnir kristnir flótta­menn, sem eiga hér betur heima en músl­imskir og aðlögun þeirra auðveldari til lengri og skemmri tíma.

Jón Valur Jensson.

Óeirðir vegna nasistagöngu í Gautaborg

Þörf og vís innlegg í umræðu vegna flóttamannapólitíkur Rauða kross Íslands

Hingað, á Moggablogg Íslensku þjóðfylkingarinnar, bárust í nótt og í morgun nokkur hörkugóð innlegg í umræðu um mál hælisleitenda, flóttamanna og Rauða krossins. Því miður birtust þau talsvert eftir á, en eru hér:

Það er nýnæmi í því að Rauði krossinn sé kominn á kaf í pólitík og flokkpólitískan áróður í miðri kosningabaráttu.  Hélt að þeirra styrkur hafi hingað til falist í hlutleysi. Það sé jafnvel grundvöllur samtakanna.

Jón Steinar Ragnarsson, 28.9.2017 kl. 03:53

Ég sendi reyndar alþjóðlega Rauða krossinum fyrirspurn um það hvort þeir séu nýfarnir að skilgreina sig sem pólítísk samtök með ákveðna pólitíska slagsíðu og hvort afskipti fulltrúa þeirra af innanríkismálum landa sé á stefnuskrá þeirra. Spurði líka hvort það að þeir beittu áhrifum sínum í kosningabaráttum sé eitthvert nýnæmi sem við megum búast við í framtíðinni.

Skora á fleiri að fara inn á heimasíðu þeirra og spyrja. (International Red Cross)

:)

Jón Steinar Ragnarsson, 28.9.2017 kl. 04:45

Ég hef fullar efasemdir um að lögfræðingur þessarar stofnunar geti stillt sér upp sem álitsgjafa fyrir hönd stofnunarinnar. Það er afar ósennilegt að það sé hennar hlutverk né í hennar verkahring. Maður spyr sig hvort það er engin yfirstjórn í þessum samtökum eða hvort Pétur, Páll, Jón og Gunna geti tjáð sig opinberlega fyrir hönd stofnunarinnar.

Jón Steinar Ragnarsson, 28.9.2017 kl. 04:50

Hvað stór hluti þeirra 7 þúsund milljóna sem teknir hafa verið úr sameiginlegum sjóðum okkar á þessu ári, til þessa málaflokks, kemur í hlut Rauða krossins?

Það fer enginn að slátra mjólkurkúnni! Frá þeim sjónarhól ber að túlka skoðanir lögfræðings RKÍ.

Gunnar Heiðarsson, 28.9.2017 kl. 08:53

 

Illa fer Sjöflokkurinn að ráði sínu með enn frekari útvíkkun Útlendingalaganna!

Aulaháttur alþingis­manna ríður ekki við ein­teym­ing: að ætla í dag að búa til sér­stakar undan­tekn­ingar frá lögum eins og gert var í frá­leitu Albana-dæm­inu, sem stór­jók hing­að flóð hælis­leit­enda, múslima bæði það­an og frá Make­dóníu.

Það er strax ljóst af hádegis­fréttum Rúv og Mbl.is-frétt, við­tengdri, að þessi nýja smuga verður notuð til að hleypa hingað miklu fleiri barna­fjölskyldum. Þetta er nefnilega ekki spurning um einstök börn, sem auðvelt er að fá við­kvæma til að vorkenna, heldur um allar fjölskyldur þeirra.

Undirritaður átti eftirfarandi innlegg á Facebókar­síðu Píratans Smára McCarthy í gærkvöldi:

"Af hverju talið þið alltaf um BÖRN, þegar þið eigið við erlendar BARNAFJÖLSKYLDUR?

Eða er það kannski ætlun ykkar að kljúfa börnin frá foreldrum sínum?

Ef ekki, verið þá hreinskilnir og viðurkennið, að oftast er þarna um margfalt fleiri en eitt barn að ræða í hverju tilviki.

Þið ætlið sem sé að taka við öllum barnafjölskyldum, hve stórar sem þær eru og jafnvel þótt engin bein neyð búi að baki.

En þið eigið ekki vasa skattborgaranna og ættuð fyrst og fremst að hugsa um að bjarga bágstöddum Íslendingum, t.d. tjaldbúum!

Sú frumskylda yfirvalda kemur skýrt fram í 76. gr. stjórnarskrárinnar,* sem nær EKKI til alls heimsins, heldur íslenzkra ríkisborgara."

* http://www.althingi.is/lagas/136a/1944033.html

Þegar Íslenska þjóðfylkingin fær fulltrúa á Alþingi, mun strax verða lagt til, að þetta nýja undantekningaákvæði verði fellt burt úr lögum og Útlendingalögin róttækt endurskoðuð alveg niður í kjölinn.

 

Jón Valur Jensson.

Sækja um endurupptöku

Fyrsta tilfelli hálf-brjálaðs islamista komið upp á Íslandi - verið hér undir fölsku nafni í tvö ár, ógnandi, í glæpum og hlynntur Ríki islams!

Undarleg er biðlund og þolinmæði lögregl­unnar og einkum Útlend­inga­stofnunar við þennan mann, sem á hér alls ekki heima og á sér engar máls­bætur. Ótrú­legur ferill hans er rakinn hér á Mbl.is (tengill neðar) og DV.is. Það er í meira lagi heppi­legt að þessi Marokkó­maður hefur engan mann drepið, eins og landar hans gerðu á Spáni og í Finnlandi nýlega.

Hér er upphaf DV-fréttarinnar:

Hælisleitandi á Íslandi gekk berserksgang nakinn og birti áróður fyrir íslamska ríkinu

Talinn brotamaður samkvæmt ógnarmati - Birti mynd á facebook tengda Ríki íslams og ritaði Ísland undir myndina

Ritstjórn DV [e-mail]

17:10 › 20. september 2017

Mynd: DV ehf / Sigtryggur Ari

Hæstiréttur hefur staðfest úrskurð héraðsdóms Reykjavíkur sem kveður á um að erlendur karlmaður, sem synjað var um hæli hér á landi skuli sæta gæsluvarðhaldi allt til mánudagsins 2.október. Lögregla telur manninn ógna almannahagsmunum en hann hefur ítrekað komist í kast við lögin undanfarnar vikur. Maðurinn villti á sér heimildir fyrir íslenskum yfir­völdum og er brotamaður samkvæmt ógnarmati RLS.

Manninum var synjað um vernd síðast með ákvörðun kæru­nefndar útlendinga­mála 26. janúar á þessu ári Unnið er að því að brottvísa manninum frá Íslandi og er embætti Ríkis­lögreglu­stjóra í því skyni í samskiptum við yfirvöld í móttöku­landinu.

Fram kemur í úrskurði héraðsdóms að maðurinn hafi sótt um hæli á Íslandi í september 2015. Gaf hann þá upp ákveðið nafn og sagðist vera frá Marokkó. Sagðist hann einnig hafa setið í fangelsi í Marokkó í fimm mánuði vegna þátttöku sinnar í andspyrnuhreyfingu.

Þá kemur fram að lögregla hafi ítrekað haft afskipti af manninum undanfarna mánuði, meðal annars vegna hótana, ógnandi og annarlegrar hegðunar hans, ofbeldis og fíkniefna­lagabrota. Í kjölfar þess hafi farið fram ógnarmat á mann­in­um hjá embætti Ríkislögreglu­stjóra þar sem meðal annars var óskað eftir upplýsingum frá erlendum löggæslu­stofnun­um um hann. Við gerð matsins kom í ljós að maðurinn hafði birt mynd á Facebooksíðu sinni 1. ágúst sl. tengda hryðju­verka­samtökunum Ríki íslams og ritað Ísland undir myndina.

Maðurinn leyndi eftirnafni sínu fyrir íslenskum yfir­völdum og villti þannig á sér heimildir. Gaf hann upp nokkur mismunandi nöfn og útgáfur af nafni sínu og annað fæðingarár, meðal annars í Noregi, Belgíu, Hollandi og Frakklandi. Samkvæmt upplýsingum frá alþjóðlegum löggæslu­stofnunum gerðist maðurinn sekur um þjófnaði í Noregi á árinu 2014, notaði fölsuð ferðaskilríki í Hollandi, braut útlendingalög í Frakklandi á árinu 2008 og þá er hann skráður í málaskrá lögreglu í Marokkó fyrir ofbeldi og hótanir í garð foreldra sinna árið 2012.

Niðurstaða ógnarmats RLS er sú að maðurinn sé brotamaður og fullt tilefni til að lögregla ynni í hans málum vegna ógnandi og undarlegs atferlis hans.

Mál sem eru til meðferðar og rannsóknar lögreglu undanfarna mánuði í tengslum við manninnn eru tíu talsins og eiga sér stað á tímabilinu 6.júlí til 2.september á þessu ári ...

----Rakið er þetta nánar á DV.is, látum fyrsta tilfellið nægja hér:

6. júlí sl. barst lögreglu tilkynning um að maðurinn hefði verið nakinn og blóðugur og gengið berserksgang. Braut hann topplúgu á bifreið og tók um andlit manns, reif af honum gleraugun og klíndi blóði í fötin hans. Sagðist hann hafa neytt lyfja og reykt maríjúana áður en þetta gerðist og því ekki getað ráðið við sig og ekki geta útskýrt hegðun sína....

----Að lokum: "Var það niðurstaða héraðsdóms að maðurinn skyldi sæta gæsluvarðhaldi til 2.október og hefur Hæstiréttur sem fyrr segir staðfest úrskurðinn." (DV.is)

Já, hingað koma ýmsir sem notfæra sér gestrisni okkar og mis­nota aðstöðu sína, með álagi á okkar allt of fámenna lögreglu­lið, að ógleymdum ríkis­sjóði og skatt­greið­endum, en nú er talið, að heildarkostnaður vegna hælisleitenda og flóttamanna á þessu ári einu saman sé ekki undir 14 milljörðum króna. En í boði veik­lyndra pólitískra flokka eins og "Viðreisnar" og "Bjartrar fram­tíð­ar", auk VG, Samfylk­ingar og Pírata, sem og jafnvel í boði Sjálfstæðis­flokksins, hefur þetta verið liðið og umborið og því jafnvel hossað í umræðum manna sem dæmi um mannúð og umburðarlyndi!

Ef þetta, þessi óumbeðni kostn­aður sam­félagsins, er þeirra mannúð og umburð­arlyndi, biðjum þá heldur um vægð stjórnvalda við fátæka Íslendinga, aldraða og öryrkja og jafnvel fárveikt fólk sem hírist í tjöldum og má senn búast við mun kaldari nóttum!

Eitt er víst: að Íslenska þjóðfylkingin tekur málstað Íslend­inga fyrst og fremst, ekki þeirra sem misnota sér græsku­lausa gestrisni okkar og ástæðu­lausa vorkunnsemi.

Jón Valur Jensson.

Ritaði Ísland undir mynd af Ríki íslams

Óstjórn í innflytjenda- og hælisleitendamálum: Útlendingarlöggjöfin mistök sem þarf að afturkalla

Guðmundur Þorleifs­son, formaður Ís­lensku þjóð­fylk­ing­arinnar, er í ágætu viðtali á Mbl.is (tengill neðar). Enn öflugri og snarp­ari er þó grein hans á vef flokks­ins, x-e.is, með ofan­greindri fyrirsögn. Lesið hér á eftir! Meðmælin er auðvelt að veita. -JVJ.

Formaður Íslensku þjóðfylkingarinnar skrifar:

Það er augljóst að núverandi ríkisstjórn hefur enga stjórn á innflytjendamálum, hvort heldur eru hælis­leitendur eða flóttafólk.  Að ekki sé talað um óstjórnina á vinnumarkaðinum, þar sem talið er að veruleg vanhöld séu á eftirliti um þá er hér vinna og að þeir hafi tilskilin réttindi og njóti þeirra kjara sem samið hefur verið um að gildi á íslenskum vinnumarkaði.

Nýlegt dæmi er að vængbrotinn Sjálfstæðisflokkur, forystulaus með öllu, þó að í reynd séu þeir við stýrið á núverandi ríkisstjórn, þá hefur hann enga stjórn á þeim ráðherrum sem eru í Viðreisn og Bjartri framtíð.  Máttlausar eru tillögur dómsmála­ráðherra í að draga úr endalausum fjár­austri til afgreiðslu umsókna hælisleitenda. En velferðarráðherra Viðreisnar er snar í snúningum sem aldrei fyrr og boðar strax að hann komi til með að greiða fyrir þá sem Útlendinga­stofnun hafnar sem hælis­leitendum. Velferðar­ráðherra ætlar að greiða þeim eftir sem áður uppihald og aðlögunar­kostnað, þannig að tilhæfulausir hælis­leitendur, sem hefur verið hafnað, ná að nýta sér skattpen­inga hins almenna íslenska ríkisborgara.

Hvert erum við að stefna?

Íslenska þjóðfylkingin er eini stjórnmálaflokkurinn sem er með skýra stefnu í þessum málum og er ekki tilbúinn að hvika frá henni. Hún felur í sér að afnema núverandi útlendinga­lög, sett verði lög sem taka mið af fyrri lögum. Þá verði fyrirtæki sem flytja fólk til landsins gerð ábyrg fyrir þeim, þannig að komi slíkir farþegar skilríkja­lausir, verði þeim umsvifa­laust snúið strax við á ábyrgð þeirra sem fluttu þá til landsins. Þeim. sem hafa skilríki, en koma frá öruggum lönd­um, verði snúið við innan 48 tíma.  Þeir aðrir, sem talið er að eigi mögu­leika á að fá land­vistar­leyfi, fái víðhlítandi meðferð, enda geti þeir gert grein fyrir sér með skilríkjum og skal meðferð þeirra ekki taka meira en þrjá mánuði. Hvað varðar móttöku á flóttafólki sem ríkisstjórnin hefur ákveðið að taka á móti, samkvæmt samn­ingum við Sameinuðu þjóðirnar, skal að öllu jöfnu leitast við að taka einstak­linga sem eru með áþekkar lífsskoðanir og tíðkast hér á landi og eru tilbúnir að leggja það á sig að læra tungumál okkar og laga sig að íslenskri menningu og háttum.

Íslenska þjóðfylkingin varar við fólki sem er eins og þekktur Ragnar Reykás, blaðrar út og í, hvernig sem vindurinn blæs hverju sinni. Stjórnmálamenn þurfa að þora að hafa skoðanir, hafa pólitíska sýn, en hlaupa ekki undan í flæmingi, vegna þess að þeir þola ekki að vera kallaðir illum nöfnum (rasistar t.d.). Ef þeir eru trúir sjálfum sér falla slíkar upphrópanir af mönnum, því málstaðurinn hlýtur að þola gagnrýni.

Þegar menn skoða allt það fjármagn sem í þennan málaflokk fer og áætla má að verði nær 10 milljörðum á þessu ári, þá er núverandi ríkisstjórn tilbúin að fórna eigin fólki, t.d. sauðfjárbændum, smábátasjómönnum og fleirum sem myndu kosta lítið brot af þessari óráðsíu. Það er greinilegt að núverandi ríkisstjórn er fjandsamleg Íslendingum, en er tilbúin að brjóta niður íslenskt samfélag með það að markmiði að þvinga landið inn í ESB.

Íslenska þjóðfylkingin kemur ætíð til með að standa fyrst og fremst vörð um hagsmuni landsins og þeirra sem hér búa. Því miður hefur flest það, sem Íslenska þjóðfylkingin varaði við fyrir gildistöku núverandi útlendingalaga og ítrekaði í aðdraganda síðustu alþingiskosninga, komið fram. Því ættu landsmenn að leggja við hlustir og láta ekki slá ryki í augu sín. Flokkurinn mun standa vörð um ykkar hagsmuni hvar í sveit sem þið standið.

Guðmundur Þorleifsson.

„Okkur líst alltaf mjög vel á kosningar“

Brezkur almenningur vill fleiri vopnaða lögreglumenn á göturnar

Enn eitt hryðjuverk var framið í London í gær. 29 særðust, en hefðu flest­allir farizt, ef sprengjan hefði sprung­ið til fulls. Þó­nokkr­ar til­raunir til fleiri hryðju­verka hafa verið gerðar á ár­inu, en afstýrt af lögreglu, auk þeirra sem "heppn­uðust" að ósk öfga-islamista í Bretlandi, með 34 manna dauðsföllum. Almenn­ingur stendur með stjórn­völdum og vill að lögreglan í götu­eftirliti og við lestar­stöðvar og sérstakar fjölda­samkomur sé vopnuð. Ennfremur var virkjuð áætlun, Temperer, sem felur í sér þátttöku hermanna.

Meintur tilræðismaður, 18 ára karlmaður, hefur nú verið handtekinn. "Ríki islams" lýsti yfir ábyrgð á glæpnum. (Byggt á Rúv.is, Mbl.is, http://www.bbc.com/news/uk-41292528)

Jón Valur Jensson.

Maður handtekinn í tengslum við hryðjuverkin