"Miklar hetjur erum við, Hrólfur minn!"

gætu þeir Sómalar í al-Shabab-hryðju­verka­samtök­unum sagt sem grýta varnarlausa konu grafna í sand upp að hálsi.

Þessi samtök þeirra eru undarlega lítt kunn hér á landi, en hafa framið óheyrileg hryðjuverk, m.a. í Kenýa, og drepið fólk í þúsunda tali.

Mikið er af Sómölum í Skandinavíu, og þangað getur auðveldlega borizt illþýði úr þessum fjöldamorðingjahópi. Allur er varinn góður og full þörf á að gæta vel landamæra Íslands, því að ómenni sem þessi tilheyra og starfa með mestu óvinum Vesturlanda, eins og al-Qaída og ISIS-þjóðamorðingjunum.

En ekki verður á móti mælt að þetta eru afurðir strangasta islamisma, ekki venjulegra hægri- eða vinstriöfga eða mílitarisma.

 

Sjá hér svolítið um al-Shabab:

https://www.blog.is/forsida/leit/?author_id=8899&query=al-Shabab

JVJ.

Grýtt til dauða fyrir að eiga 11 eiginmenn

2/3 þeirra, sem afstöðu taka í Gallupkönnun, eru andvígir byggingu mosku í Sogamýri

Fram er komin mjög eindregin andstaða stórs hluta kjósenda við byggingu mosku í Sogamýri (á áberandi stað á milli Miklubrautar og Suður­lands­brautar). Gallup­könnun um málið, birt í Mbl. í dag, er mjög ýtarleg, og koma þar m.a. fram ástæður þeirra, sem eru andvígir byggingu moskunnar. 39,3% þeirra eru andvíg stað­setn­ingunni, og 3,4% segja hana "of áberandi", en meirihluti andvígra (51,3%) má segja að hugnist ekki þessi framsókn islams hér á landi: 14,1% segja: á ekki heima hér, 12,7% segja: vil ekki mosku, 7,2% til viðbótar: "er á móti múslimatrú", 7%: [við erum] kristin þjóð, 4,2% nefna: "öfgahópar og hryðjuverk", 2,4%: "mun skapa vandamál", 2,3%: "myndum ekki fá að byggja kirkju í islamsríki" og 1,4%: "neikvæð þróun". Þá telur 1% hana "óþarfa". Þá er yfirgnæfandi meirihluti hlynntur því, að íbúakosning fari fram um málið. Sjá nánar greinina sjálfa í Morgunblaðinu í dag, eftir Árna Má Jónsson framkvæmdastjóra, áhugamann um lýðræði og betra líf, sem og tengilinn hér neðar á mbl.is-frétt um málið.

Þegar menn voru spurðir: "Ert þú hlynnt(ur) eða andvíg(ur) byggingu mosku í Sogamýri í Reykjavík," svöruðu 35,8% hvorki né, en 42,4% voru andvíg og 21,9% hlynnt þessu, og eru það nær tveir andvígir á móti hverjum einum sem hlynntur er byggingu moskunnar.

45,4% vildu, að haldin  yrði íbúakosning um byggingu moskunnar samhliða næstu sveitarstjórnarkosningum (26. maí nk.), 18,2% vildu að það yrði gert síðar (alls 63,6%), en 36,4% höfðu ekki skoðun á tímasetningu slíkrar kosningar um byggingu mosku eða var alveg sama. Borgarfulltrúar vinstri flokkanna taka hins vegar ekki í mál að leyfa íbúakosningu um málið -- í því birtist þeirra takmarkaða virðing fyrir lýðræði í borginni.

Vinstri menn í stjórn borgarinnar taka islamstrú fram yfir kristna trú, eins og kom fram í andstöðu þeirra við að láta trúfélagið Hjálpræðisherinn (sem hefur hjálpað bágstöddum hér í meira en 100 ár) njóta jafnræðis við múslimasöfnuð handarhöggs-predikarans Salmanns Tamimi. Þessir vinstri flokkar beita sér jafnvel gegn því að skólabörnum sé gefið Nýja testamentið, virðast óttast kærleiksboðskap Jesú Krists og postula hans og það, sem hann gaf okkur, langtum meira en boðskap Kóransins og þann Múhameð sem ofsótti Gyðinga og framdi viðurstyggileg fjöldamorð á fólki í Medína og víðar til að augðast og breiða út islam.

Með öllu sínu trúboði á 12-13 árum í Mekka (til 622 e.Kr.) hafði Múhameð einungis fengið um 50-60 eða í mesta lagi 150 fylgjendur, en eftir að hafa gert Medínu að miðstöð sinni tókst honum á næstu tíu árum að safna um 100.000 manns undir fána islams með sinni vopnuðu baráttu, "heilögu stríði," jihad, í margendurteknum árásar-, ráns- og herförum um Arabíu­skagann. 67% af ævisögu Múhameðs, al-Sira, er helgað hinni vopnuðu baráttu jihad, sjá rit Hege Stor­haug, Þjóða­plágan Íslam (Rvík 2016, bls. 177-8, 185). Islam er trú hins grimma stríðsmanns Múhameðs, ekki trú friðarins.

Jón Valur Jensson, einn frambjóðenda Íslensku þjóðfylkingarinnar til borgarstjórnar.

42% vilja ekki mosku í Sogamýri

Enga islamsvæðingu landsins okkar!

Það er engum blöðum um það að fletta, að Íslenska þjóð­fylk­ingin er fram­sýnasti flokkur lands­ins í inn­flytj­enda­málum. Við sjáum hvert stefnir í Norður-Evrópu* og beitum okkur gegn því að það sama gerist hér. Fyrst alls er þar mikil­vægt að upp­fræða fólk um hið pólitíska islam og hætt­urnar sem í því eru fólgnar. Í öðru lagi þarf að taka upp ein­arða varnar­stefnu út frá þeirri þekkingu og framfylgja henni jafnt á vegum ríkis sem sveitarfélaga.

Strax við setningu innflytjenda­laganna nýju mótmælti Íslenska þjóð­fylk­ingin þeim, og nú þegar hefur komið í ljós, hvernig þau hafa gefið ófyrirleitnum aðkomumönnum með fölsuð og engin skilríki höggstað á okkur, valdið okkur miklum kostnaði og fyrir­höfn, og hátt í fjórar tylftir gróða­fíkinna lögfræðinga neyta þar færis til að fita sig á því að tefja máls­meðferð í stað þess að vísa viðkomandi burt.

Vitað er, að meðlimir hryðju­verka­samtaka hafa þegar haft við­komu hér á landi, og er það stóralvarlegt, hvort heldur þeir eru að reyna að stofna hér hryðju­verka­sellu, sem virkjuð yrði við útkall frá samtökum þeirra, eða hvort reynt er að koma hættu­leg­um ISIS- eða al-Qaída-liðum héðan til Vesturheims, en ítrekað hafa múslimskir reynt að laumast hér í farskip í Sundahöfn.

Þótt mikill meirihluti múslimskra í Evrópu hafi fram undir þetta verið friðsamir borgarar í leit að vinnu og byggt upp heimili sín af eljusemi, eru róttækir straumar meðal þeirra undir niðri, vaxandi islams­væðing einmitt meðal hinnar yngri 2. og 3. kynslóðar múslima í löndunum, einkum ungra karlmanna sem láta blekkjast af áróðursmönnum í moskum þeirra og víðar, mönnum sem skírskota til sjálfsvitundar þeirra sem fylgjenda "spámannsins", þ.e. Múhameðs, og að reisn þeirra sé undir því komin, að þeir láti ekki samlagast evrópskum hugsunarhætti.

Margítrekað hefur komizt upp um það (m.a. með földum upptökuvélum), að moskur múslima í Danmörku, Bretlandi og víðar hafa verið notaðar til að dreifa öfgastefnu salafista og annarra islamista í takt við saudi-arabískt réttarfar og takmörkun mannréttinda þar og víðar í múslimskum löndum. Ennfremur gætir þar fyrirlitningar- og hatursáróðurs um vestrænt siðferði og kristna menn.

Einungis með markvissri stefnu í innflytjendamálum er hægt að stemma stigu við uppgangi öfgaislamisma í Evrópu, og Ísland er þar engin undantekning. Víða um lönd er þessi þróun komin svo langt, að erfitt er að koma á hana böndum úr þessu. En þannig er ekki ástandið í löndum eins og Póllandi, Slóvakíu, Tékklandi og Ungverjalandi, þar sem múslimar eru ekki aðeins fáir, heldur hömlum beitt gegn fjölgun þeirra.

Íslenska þjóðfylkingin hafnar allri útlendingaandúð sem slíkri og fordæmir kynþáttahyggju (rasisma). Flokkurinn hefur ekkert á móti því, að útlendingar starfi hér, t.d. bæði evrópskir og frá Norður- og Suður-Ameríku, sem og t.d. frá Indlandi, þar sem um 10.000 læknar útskrifast árlega úr háskólum, svo að dæmi sé nefnt. Við höfnum heldur engum frá Norður-Afríku eða Miðjarðarhafsbotnum á grundvelli kynþáttar þeirra eða húðlitar, enda höfum við t.d. mælt með móttöku jasidískra og kristinna flóttamanna frá Sýrlandi, sem sé af sýrlenzku kyni, og varla ber það vott um "rasisma"!

Meðal t.d. flokksstjórnarmanna Íslensku þjóðfylkingarinnar eru þeir í meirihluta sem eiga "blandaðar fjölskyldur" með "útlenzku blóði" heldur en hinir, sem eiga "alíslenzkar" fjölskyldur. (Þetta á t.d. við um undirritaðan, stjúpsonur hans hálf-indverskur að ætt og barnabörn hans bæði hálf-afrísk og öll mjög mannvænleg og tvö þeirra farin að hasla sér völl á sínum sviðum, og kærasta eldri sonarins er víetnömsk.)

Eðlileg fjölgun útlendinga hlýtur að verða hér, en má þó ekki verða í þeim hraða mæli, að við ráðum ekki við að hjálpa því fólki að ná tökum á íslenzkri tungu og tileinka sér þau samfélagsgildi sem hér hafa ríkt. En flokkurinn varar sterklega við hinu pólitíska islam, sem er vel að merkja samhæfðari pólitísk hreyfing en flestir gera sér ljóst og á gildari rót í trúarritum múslima en almennt er kunnugt. Meðal þess, sem nauðsynlegt er, að fólk kunni deili á í þessu efni, eru hugmyndafræðileg áhrif Múslimska bræðralagsins allt frá stofnun þess á fyrri hluta síðustu aldar og hvernig draumurinn um endurreisn khalífats múslimaþjóða hefur orðið að virkum áhrifaþætti í stefnu margra múslima, einnig í Evrópu.

Meðal bezt upplýstra rithöfunda um þessi mál má telja Bill Warner, og fagna ber því, að stofnað hefur verið til íslenzks fræðsluhóps, e.k. grein af alþjóðastofnuninni Center for the Study of Political Islam, í anda þess víðlesna höfundar. Ennfremur má benda hér á geysilega fróðleg og yfirgripsmikil rit Hege Stor­haug, norskrar blaðakonu og rithöfundar, en tvær bækur hennar eru til á íslenzku: Dýrmætast er frelsið -- innflytjendastefna og afleiðingar hennar (Rv. 2008: Ugla bókafélag, 359 bls.), og Þjóðaplágan Íslam (Rvík 2016: Tjáningarfrelsið ehf., 424 bls.).

Eða hvernig lízt mönnum á þessa framtíðarsýn: https://www.youtube.com/watch?v=y5R1T2BxtSc

* Gert er ráð fyrir, að múslimum í Þýzkalandi fjölgi úr um fimm milljónum, þ.e. á sjöunda prósent íbúa nú, í um 20% árið 2050, en í Danmörku upp í 16% og í Svíþjóð í 30,6%, sjá nánar pistilinn stutta: Múslimar verða um 20% íbúa Þýzkalands eftir aðeins 32 ár, 18% íbúa Frakklands, 17% íbúa Bretlands og Noregs og 30,6% íbúa Svíþjóðar! og tilvísun þar á ýtarlegri grein. 

Jón Valur Jensson.

Enga islamsvæðingu landsins okkar!

Það er engum blöðum um það að fletta, að Íslenska þjóð­fylk­ingin er fram­sýnasti flokkur lands­ins í inn­flytj­enda­málum. Við sjáum hvert stefnir í Norður-Evrópu* og beitum okkur gegn því að það sama gerist hér. Fyrst alls er þar mikil­vægt að upp­fræða fólk um hið pólitíska islam og hætt­urnar sem í því eru fólgnar. Í öðru lagi þarf að taka upp ein­arða varnar­stefnu út frá þeirri þekkingu og framfylgja henni jafnt á vegum ríkis sem sveitarfélaga.

Strax við setningu innflytjenda­laganna nýju mótmælti Íslenska þjóð­fylk­ingin þeim, og nú þegar hefur komið í ljós, hvernig þau hafa gefið ófyrirleitnum aðkomumönnum með fölsuð og engin skilríki höggstað á okkur, valdið okkur miklum kostnaði og fyrir­höfn, og hátt í fjórar tylftir gróða­fíkinna lögfræðinga neyta þar færis til að fita sig á því að tefja máls­meðferð í stað þess að vísa viðkomandi burt.

Vitað er, að meðlimir hryðju­verka­samtaka hafa þegar haft við­komu hér á landi, og er það stóralvarlegt, hvort heldur þeir eru að reyna að stofna hér hryðju­verka­sellu, sem virkjuð yrði við útkall frá samtökum þeirra, eða hvort reynt er að koma hættu­leg­um ISIS- eða al-Qaída-liðum héðan til Vesturheims, en ítrekað hafa múslimskir reynt að laumast hér í farskip í Sundahöfn.

Þótt mikill meirihluti múslimskra í Evrópu hafi fram undir þetta verið friðsamir borgarar í leit að vinnu og byggt upp heimili sín af eljusemi, eru róttækir straumar meðal þeirra undir niðri, vaxandi islams­væðing einmitt meðal hinnar yngri 2. og 3. kynslóðar múslima í löndunum, einkum ungra karlmanna sem láta blekkjast af áróðursmönnum í moskum þeirra og víðar, mönnum sem skírskota til sjálfsvitundar þeirra sem fylgjenda "spámannsins", þ.e. Múhameðs, og að reisn þeirra sé undir því komin, að þeir láti ekki samlagast evrópskum hugsunarhætti.

Margítrekað hefur komizt upp um það (m.a. með földum upptökuvélum), að moskur múslima í Danmörku, Bretlandi og víðar hafa verið notaðar til að dreifa öfgastefnu salafista og annarra islamista í takt við saudi-arabískt réttarfar og takmörkun mannréttinda þar og víðar í múslimskum löndum. Ennfremur gætir þar fyrirlitningar- og hatursáróðurs um vestrænt siðferði og kristna menn.

Einungis með markvissri stefnu í innflytjendamálum er hægt að stemma stigu við uppgangi öfgaislamisma í Evrópu, og Ísland er þar engin undantekning. Víða um lönd er þessi þróun komin svo langt, að erfitt er að koma á hana böndum úr þessu. En þannig er ekki ástandið í löndum eins og Póllandi, Slóvakíu, Tékklandi og Ungverjalandi, þar sem múslimar eru ekki aðeins fáir, heldur hömlum beitt gegn fjölgun þeirra.

Íslenska þjóðfylkingin hafnar allri útlendingaandúð sem slíkri og fordæmir kynþáttahyggju (rasisma). Flokkurinn hefur ekkert á móti því, að útlendingar starfi hér, t.d. bæði evrópskir og frá Norður- og Suður-Ameríku, sem og t.d. frá Indlandi, þar sem um 10.000 læknar útskrifast árlega úr háskólum, svo að dæmi sé nefnt. Við höfnum heldur engum frá Norður-Afríku eða Miðjarðarhafsbotnum á grundvelli kynþáttar þeirra eða húðlitar, enda höfum við t.d. mælt með móttöku jasidískra og kristinna flóttamanna frá Sýrlandi, sem sé af sýrlenzku kyni, og varla ber það vott um "rasisma"!

Meðal t.d. flokksstjórnarmanna Íslensku þjóðfylkingarinnar eru þeir í meirihluta sem eiga "blandaðar fjölskyldur" með "útlenzku blóði" heldur en hinir, sem eiga "alíslenzkar" fjölskyldur. (Þetta á t.d. við um undirritaðan, stjúpsonur hans hálf-indverskur að ætt og barnabörn hans bæði hálf-afrísk og öll mjög mannvænleg og tvö þeirra farin að hasla sér völl á sínum sviðum.)

Eðlileg fjölgun útlendinga hlýtur að verða hér, en má þó ekki verða í þeim hraða mæli, að við ráðum ekki við að hjálpa því fólki að ná tökum á íslenzkri tungu og tileinka sér þau samfélagsgildi sem hér hafa ríkt. En flokkurinn varar sterklega við hinu pólitíska islam, sem er vel að merkja samhæfðari pólitísk hreyfing en flestir gera sér ljóst og á gildari rót í trúarritum múslima en almennt er kunnugt. Meðal þess, sem nauðsynlegt er, að fólk kunni deili á í þessu efni, eru hugmyndafræðileg áhrif Múslimska bræðralagsins allt frá stofnun þess á fyrri hluta síðustu aldar og hvernig draumurinn um endurreisn khalífats múslimaþjóða hefur orðið að virkum áhrifaþætti í stefnu margra múslima, einnig í Evrópu.

Meðal bezt upplýstra rithöfunda um þessi mál má telja Bill Warner, og fagna ber því, að stofnað hefur verið til íslenzks fræðsluhóps, e.k. grein af alþjóðastofnuninni Center for the Study of Political Islam, í anda þess víðlesna höfundar. Ennfremur má benda hér á geysilega fróðleg og yfirgripsmikil rit Hege Stor­haug, norskrar blaðakonu og rithöfundar, en tvær bækur hennar eru til á íslenzku: Dýrmætast er frelsið -- innflytjendastefna og afleiðingar hennar (Rv. 2008: Ugla bókafélag, 359 bls.), og Þjóðaplágan Íslam (Rvík 2016: Tjáningarfrelsið ehf., 424 bls.).

Eða hvernig lízt mönnum á þessa framtíðarsýn: https://www.youtube.com/watch?v=y5R1T2BxtSc

* Gert er ráð fyrir, að múslimum í Þýzkalandi fjölgi úr um fimm milljónum, þ.e. á sjöunda prósent íbúa nú, í um 20% árið 2050, en í Danmörku upp í 16% og í Svíþjóð í 30,6%, sjá nánar pistilinn stutta: Múslimar verða um 20% íbúa Þýzkalands eftir aðeins 32 ár, 18% íbúa Frakklands, 17% íbúa Bretlands og Noregs og 30,6% íbúa Svíþjóðar! og tilvísun þar á ýtarlegri grein. 

Jón Valur Jensson.

Grunaðir um að undirbúa hryðjuverk

Fjölmenningin sýnir sig í Kaupmannahöfn!

Jens G. Jensson deildi færslu með hópnum: Íslenska Þjóðfylkingin X-E

Er það þetta sem er kallað fjölmenning ?

 

Bill Malmgren

15. apríl kl. 09:42 · 

 

Aths. JVJ: Ísland er ekki næst í röðinni, langt á undan okkur eru Svíþjóð, Þýzkaland, Danmörk, Noregur, Bretland, Spánn ... En ef við verðum jafn-andvaralaus og þjóðirnar í nefndum löndum, þá verður þetta einhvern tímann veruleikinn sem við þurfum að búa við. Og minnizt þess, að þegar múslimar hafa náð 10% af íbúafjölda landa, þá er talið, að nær óviðráðanlegt verði að stemma stigu við frekari uppgangi þeirra, þeir verði þá komnir með svo mikil áhrif víða í samfélaginu, sbr. að nú þegar eru múslimar setztir á borgarstjórastjól í mörgum helztu borgum Bretlands.

Fölsunum af ýmsu tagi beitt til að koma hælis­leit­endum og meintu flóttafólki til Íslands o.fl. landa; ISIS hefur hagnazt á fölsunum

Sjö falsanir skilríkja komast nú upp í Flugstöð Leifs Eiríkss. í mánuði hverjum, 21 í jan.-marz, aldrei verið fleiri þann árstíma, og tvær í viðbót 1.-12. apríl. Albanir eiga helzt í hlut.

Fölsuð gifting er einnig hér í kortunum, sem og tilbúin vegabréf, sem jafnvel hryðjuverkahópar framleiða sér til hagnaðar (ISIS, Ríki islams, t.d., skv. nýlegri frétt), án efa ekki til að bæta atvinnuástand í löndum sínum, heldur til að fjármagna eigin glæpastarfsemi (m.a. níðingshátt gagnvart kristnum konum og jasídum) og undirbúning næstu hryðjuverka, með tilstyrk eigin liðsmanna sem til dæmis er lætt inn í Evrópu á fölsuðum skilríkjum.

Sjá um það fyrstgreinda hér: frétt mbl.is: Met­fjöldi grip­inn með fölsk skil­ríki (92 slík mál komust upp í flug­stöðinni í fyrra), en hér er önnur frétt frá í gærkvöldi: Skipulögð glæpasamtök koma að giftingum – Útvega fölsuð skjöl og flytja fólk á áfangastað. Þetta gerist jafnvel í nágrannalandi okkar Danm0rku:

En eins og í mörgu öðru þá koma skipulögð glæpasamtök við sögu í þessum geira. Þau sjá um að útvega fólki fölsuð skjöl og jafnvel koma því til Danmerkur þar sem hjónavígslan fer síðan fram. Þetta gera glæpasamtökin ekki af manngæsku einni saman því peningar eru drifkrafturinn eins og í mörgu öðru. Verðandi hjón greiða fyrir þjónustuna en það að ganga í hjónaband í Danmörku getur auðveldað fólki að fá dvalarleyfi í öðru aðildarríki ESB. (Kristján Kristjánsson blm. í DV, nánar þar.)

Við Íslendingar höfum fullan rétt á að standa gegn þessari ásókn falsara og lögbrjóta, hvað sem nefbeinslausum pólitíkusum finnst, þeim sem samþykktu í vitvana óráði útlendingafrumvarp samið undir afleitri verkstjórn Óttars Proppé (eins fallistans við síðustu kosningar).

Ekki eru þau skárri "skeggjuðu börnin" sem hingað laumast skilríkja­laus og vilja leggjast hér upp á kerfið, eru í reynd stórvarasamir menn á stríðs­manna-aldri í Sýrlandi, en teknir vettlinga­tökum af áhrifafólki í innflytjendakerfinu, og dusil­menni mæla jafnvel gegn því að þeir séu látnir undirgangast aldurs­greiningu með tannsýni eða öðru móti.

Eins og einn frambjóðandi Íslensku þjóðfylkingarinnar til borgarstjórnar, Árni Thoroddsen kerfisfræðingur, orðar það: "Það verður að gæta þess, að þeir sem koma hingað séu a.m.k. löglegir."

Arfaslappri útlendingalöggjöf Alþingis er helzt um það að kenna, hve straumur hælisleitenda hingað hefur verið stríður á síðustu misserum. Fréttin af linkind ráðamanna hér spurðist lengst suður í álfur og jók þann straum verulega um tíma, einkum frá Albaníu, Makedóníu og Kosowo, sem öll eru múslimalönd að meirihluta. Stjórnvöld hér hafa verið að búa sér til vandamál og sjálfselskur her lögfræðinga makað krókinn á þessu, með tugmilljónatekjum sem lenda á ríkissjóði og borgarsjóði. Svo standa marbendlar vinstri flokkanna glottandi hjá, bæði þingmenn og álitsgjafar, og finnst aldrei nóg komið!

Þá er affarasælla að fara að ráði Viktors Orban, hins sigursæla forsætis­ráðherra Ungverjalands, sem trúr miðevrópskri reynslusögu af ágangi múslima lokar einfaldlega dyrunum á allan ágang frá þeim og öðrum sem vilja setjast upp á velferðarþjónustu landsmanna, og er það landinu hagkvæmast bæði í bráð og lengd. Eins er um Pólland, að þar er svo hressilega staðið að verki í þessum landvörnum, að gert er ráð fyrir, að þar fjölgi múslimum aðeins úr 0,1% landsmanna í 0,2% árið 2050. Á sama tíma er áætlað, að múslimum í Þýzkalandi fjölgi úr um fimm milljónum, þ.e. á sjöunda prósent íbúa, í um 20% árið 2050, en í Danmörku upp í 16% og í Svíþjóð í 30,6%, sjá nánar pistilinn: Múslimar verða um 20% íbúa Þýzkalands eftir aðeins 32 ár, 18% íbúa Frakklands, 17% íbúa Bretlands og Noregs og 30,6% íbúa Svíþjóðar! og tilvísun þar á ýtarlegri grein. 

Angela Merkel og Stefan Lövfgren geta reynt að réttlæta eigin gjörðir í löndum sínum með léttvægu snakki og jafnvel reynt með ofríki að troða sömu stefnu upp á gömul austantjaldslönd í gegnum sitt Evrópusamband, en alþýða þessara landa vill ekkert með þetta hafa, vill ekki láta kúga sig, eins og sýndi sig bezt í kosningunum í Ungverjalandi, sem þó er reynt að afflytja bæði í Rúv, leiðara Morgunblaðsins og í klisjukenndri grein óþekktrar blaðakonu í nýútkomnu blaði vinstrimennskunnar, Mannlífi. En eins og þessar gömlu austantjaldþjóðir hafa þegar áttað sig á, þá mun dómur sögunnar sízt verða vilhallur þessum islamsvinum ábyrgarlausra vinstri og hægri flokka Vestur-Evrópu.

Íslenska þjóðfylkingin hefur fagnað sigri Viktors Orban í kosningunum, eins og hér má sjá á Facebók flokksins.

Jón Valur Jensson.

Metfjöldi gripinn með fölsk skilríki

Útlendingastofnun þekki sinn vitjunartíma

Þessi stofnun þarf að vanda sig, m.a. að grípa ekki til snögg­soð­inna undan­færslu­leiða til að komast hjá gagn­rýni "góða fólks­ins" sem ótt og upp­vægt vill auka sem mest straum hælis­leit­enda til lands­ins. Eitt dæmi um slíka van­hugs­aða fljót­færnis-ákvörðun, án samráðs við dóms­málaráðherra, var þegar ÚTL ákvað í meðvirkni með "No Borders"-krökkunum að hætta aldurs­greiningu "skeggjuðu barnanna" með tannsýnis-athugun, þó að Svíar hafi beitt þeirri aðferð og geri enn með miklum árangri, því að miklum meiri­hluta slíkra er vísað úr landi vegna falskra fullyrð­inga um aldur.

Þar að auki á ÚTL ekki að komast upp með að hleypa neinum vegabréfs­lausum inn í landið, viðkomandi gætu þess vegna verið hér á vegum Ríkis islam (ISIS), al-Qaída, Boko Haram eða Al-Shabab, en síðastnefndu hryðju­verka­samtökin starfa í Sómalíu og víðar í NA-Afríku og drápu árið 2016 hvorki fleiri né færri en 4.281 manns, fleiri en Boko Haram, sbr. hér: http://www.newswATNDrT1cPOtBk6szYYk8K4YGnLJksBn1CftxWP7xXVn1E5yuQtUulltAvQD04vtLHk1Wml9YmHnJHDW5By01mO4laeQ4Iz9KyA1dZwfF0xk1tyqsFgPIeek.com/isis-africa-al-shabaab-boko-haram... -- en fjöldi Sómala er nú á Norður­löndunum, og einnig þeir sækja hingað. Til samanburðar verður þó að geta þess, að í febrúar í fyrra höfðu Boko Haram-samtökin drepið yfir 29.000 manns frá árinu 2010 (sama heimild).

Meðlimir þessara samtaka byrja ekki jafnóðum að drepa fólk í nýju landi, en bíða viðbúnir að grípa til aðgerða, þegar kallið kemur frá foringjum þeirra erlendis, af hvaða tilefni eða í hvaða tilgangi sem þeim þókknast. Og þetta eru herskáir islamistar, allt þetta stórvarasama hyski.

Jón Valur Jensson.

Hælisleitandinn 22 ára en ekki 18

Ánægjulegar fréttir frá Frakklandi -- og Íslandi!

Jean-Marie Le Pen, stofnandi Front National, var svipt­ur heiðurs­félaga-nafn­bót á þingi flokks­ins í dag, en áður rekinn úr hon­um 2016 vegna ósæmi­legra um­mæla um hel­för Gyðinga und­ir valdi nazista. Þetta er ánægjulegt og til marks um and­stöðu Marine Le Pen við allar öfgar í flokknum.

Ennfremur var ákveðið að breyta nafni flokks­ins í Rassemblement National, úr Þjóðfylkingu í Þjóðarbandalag. 

Enskt heiti Íslensku þjóðfylk­ingar­innar er, vel að merkja, ekki National Front (sem minnir á suma öfgaflokka), heldur The Icelandic National Alliance.

Flokkurinn stefnir á framboð til borgar­stjórnar Reykjavíkur í vor. Allir áhugasamir eru hvattir til að hafa samband við flokks­skrifstofuna í síma 789-6223

JVJ.

Le Pen vill nýtt nafn á flokkinn

Danir: tími til að snúa við frá fyrirhyggju­lausum fjölda­innflutningi fólks

Skýrar og ótvíræðar eru ábend­ingar Páls Vilhjálmssonar blaðamanns um við­snún­ing danskra stjórn­valda frá lítt hömdum inn­flutn­ingi fólks í takt við "frjálslynda" fjöl­menn­ing­ar­hyggju. Danskir sósíal­demókratar hafa nú séð að sér, með róttækri, þrefaldri stefnu­breytingu sem Páll útlistar, en jafnvel Sjálf­stæðis­flokkurinn íslenzki er gapandi stefnulaus í borgarstjórn jafnt sem í ríkisstjórn, viðnáms­laus gagnvart nánast "no border"-stefnu vinstri flokkanna!

https://pallvil.blog.is/blog/pall_vilhjalmsson/entry/2210980/

Jón Valur Jensson.

Röng ákvörðun utanríkisráðherra

Ætli fari ekki að fara um kump­ána eins og Guð­laug Þór og hans fylgj­endur, þegar Donald Trump er strax farinn að láta verkin tala gagnvart Sam­ein­uðu þjóð­unum. Það ruglar kannski menn í ríminu að stjórn­mála­menn eins og Trump skuli fram­fylgja því sem hann sagði fyrir kosningar. Að Guðlaugur Þór skuli hreykja sér af því að fylkja sér á bak við lönd eins og Venusúela, Qatar, Saudi-Arabíu, Sýrland, svo dæmi séu tekin. Það virðist engan endi ætla að taka hversu vitlausa utanríkisráðherra við höfum, þeir eru greinilega ekki starfi sínu vaxnir. Guðlaugur Þór hefði kannski átt að kynna sér söguna áður en hann réð því að ganga gegn réttmætri ákvörðun Ísraelsríkis að gera Jerúsalem að höfuðborg sinni.

Nú þegar hafa Bandaríkin hafist handa gagnvart Sameinuðu þjóðunum, og þetta er einungis byrjunin, því á eftir fylgir niðurskurður frá Bandaríkjunum til friðargæslu, matvælatofnana, svo lengi mætti telja, sem hafa verið á vegum Sameinuðu þjóðanna. Sameinuðu þjóðirnar verða aldrei svipur hjá sjón, þökk sé arfavitlausum leiðtogum þjóða sem hafa verið betlikerlingar á Bandaríkjunum. 

Íslenska þjóðfylkingin taldi og telur að fulltrúar á vegum Íslands verði að hugsa aðeins lengra en um skammtíma vinsældir meðal navívista. Þeirra afstaða kemur til með að ráða hvar Ísland og íslenska þjóðin stendur um ókomin ár.

Í þessari atkvæðagreiðslu átti fulltrúi Íslands að greiða atkvæði með að Jerúsalem yrði höfuðborg Ísraelsríkis, og hefðu þeir ekki treyst sér til þess, þá alla veganna að sitja hjá. 
Ef rétt væri, ætti Guðlaugur Þór að segja af sér embætti vegna embættisafglapa.

Guðmundur Karl Þorleifsson, formaður Íslensku þjóðfylkingarinnar. 

Skerða framlög til Sþ um 258 milljónir