Fjölmenningin sýnir sig í Kaupmannahöfn!

Jens G. Jensson deildi færslu með hópnum: Íslenska Þjóðfylkingin X-E

Er það þetta sem er kallað fjölmenning ?

 

Bill Malmgren

15. apríl kl. 09:42 · 

 

Aths. JVJ: Ísland er ekki næst í röðinni, langt á undan okkur eru Svíþjóð, Þýzkaland, Danmörk, Noregur, Bretland, Spánn ... En ef við verðum jafn-andvaralaus og þjóðirnar í nefndum löndum, þá verður þetta einhvern tímann veruleikinn sem við þurfum að búa við. Og minnizt þess, að þegar múslimar hafa náð 10% af íbúafjölda landa, þá er talið, að nær óviðráðanlegt verði að stemma stigu við frekari uppgangi þeirra, þeir verði þá komnir með svo mikil áhrif víða í samfélaginu, sbr. að nú þegar eru múslimar setztir á borgarstjórastjól í mörgum helztu borgum Bretlands.

Stolnar fjaðrir Flokks fólksins

Kolbrún Baldursdóttir í efsta sæti FF fullyrti í viðtali við Arnþrúði á Útvarpi Sögu að flokkurinn vildi breytta stefnu í skólamálum með árangurs-skiptum bekkjum og að FF hefði verið fyrstur með þetta stefnumál.

En það er rangt. Það hafði engin stefna komið frá FF fyrir tilkynningu Íslensku þjóðfylkingarinnar á framboði sínu og stefnumálum á fréttamannafundi þar sem einmitt þetta kom fram um stefnu okkar! Við höfnum ríkjandi stefnu borgarstjórnar um "skóla án aðgreiningar", stefnu sem hefur spillt skólastarfi og verið dragbítur á árangur góðra nemenda.

Það er full ástæða til að leiðrétta svona mismæli. Aðrir geta cóperað stefnu ÍÞ í málum, en skulu þá geta heimildarinnar!

Guðmundur Þorleifsson/jvj

Íslenska þjóðfylkingin stendur sig vel í fyrstu skoðanakönnun

Að 43% Reykvíkinga eru óánægð með störf Dags borgar­stjóra endur­speglast heldur betur í skoðana­könnun á vef Útvarps Sögu. Þannig raðast flokk­arnir, eftir því hvaða flokk menn kysu, frá efstu sætum:

1. Miðflokkinn  (31,65%)
2. Sjálfstæðisflokkinn (22,02%)
3. Flokk fólksins (15,29%)
4. Framsóknarflokkinn (8,87%)
5. Íslensku þjóðfylkinguna (6,42%)
6. Samfylkinguna (5,35%)
7. Frelsisflokkinn (2,60%)
8. Pírata (1,83%)
9. Sósíalistaflokk Íslands (1,68%)
10. Alþýðufylkinguna (1,38%)
11. Höfuðborgarlistann (1.38%)
12. Viðreisn (0.76%)
13. Vinstri græna (0.31%)
14. Húmanistaflokkinn (0.31%)
15. Kvennalistann (0.15%)

Könnun þessi stóð aldrei þessu vant í tvo heila virka daga og þátt­takan þeim mun meiri en ella. Spurt var: Hvaða flokk myndir þú kjósa í borgarstjórnar­kosningum ef gengið yrði til kosninga í dag?

Þetta má heita glæsileg niðurstaða í fyrstu könnun fyrir borgar­stjórnar­framboð Íslensku þjóðfylk­ingar­innar, þótt vitaskuld sé hlustenda- (og lesenda)-hópur Útvarps Sögu ekki marktækt viðmið um alla landsmenn. En eigum við ekki öll að reyna að tryggja Þjóðfylkingunni góða útkomu og a.m.k. einn mann í borgarstjórn, ef ekki tvo? Þessi flokkur hefur t.d. sérstöðu í bæði moskumálum (enga mosku hér, engin sjaríalög, enga hundraða milljóna saudi-arabíska styrki og enga sendimenn þaðan í moskur hér) og hælisleitenda- og flóttamannamálum (bein andstæða okkar í ÍÞ finnst skýrast hjá vinstri flokkunum, smellið!!).

Jón Valur Jensson.

43% óánægð með störf Dags

Íslenska þjóðfylk­ing­in kynnti í gær fram­boð sitt til borgarstjórnar og stefnumál: kjarabætur fyrir íbúðakaupendur - ókeypis í strætó fyrir skólafólk - engar moskur - mislæg gatnamót, ekki Borgarlínu!

 Efstu sæt­i skipa Guðm. Þor­leifs­son, form. ÍÞ, Hjör­dís Diljá Bech og Jens G. Jens­son. 

Við viljum umhverfisvænni borg, draga úr mengun, stórauka getu ungs fólks til að eignast íbúð á viðráðan­legu verði, ókeypis í strætó fyrir skólafólk og höfnum því, að borgin, sem vinstri menn hafa nánast komið á vonarvöl fjárhagslega, steypi sér út í rándýra framkvæmd (líkl. langt á 2. hundrað milljarða króna), þ.e. Borgarlínu. Þá viljum við draga til baka löglausa úthlutun lóðar und­ir mosku og all­ar leyf­is­veit­ing­ar vegna viðbygg­ing­ar á bæna­húsi mús­lima í Öskju­hlíð.

Flokk­ur­inn hafnar þétt­ingu byggðar á kostnað grænna svæða, vill hreinsun gatna reglu­lega til að draga úr svifryki og hlífa þar að auki gatnakerfinu með ókeypis ferðum skólanemenda í strætisvögnum. Allt þetta dregur úr mengun, en vinstri meiri­hlutinn í borgarstjórn hefur vanrækt þessi mál, svifryki hefði mátt skola burt með vatns­spúlun reglulega, en var ekki gert, og bílstjórar sitja fastir daglega í umferðar­hnútum og mengun vegna vöntunar mislægra gatna­móta, sem Dagur B. & Co. hafa neitað borgarbúum um, þótt ríkið sé skuld­bundið til að greiða 80% byggingar­kostnaðar við slík mislæg gatnamót á stofn­brautum. Við viljum þannig að um­ferð geti óhindrað farið eft­ir aðal­stofn­æðum borg­ar­inn­ar.

Reykjavík, sem eitt sinn var þekkt sem hrein borg, fögur borg og með tiltölu­lega hreinar strendur, er í vaxandi mæli ókræsilega menguð vegna vinnu­bragða hér, vanrækslu við gatna­kerfið og m.a. vegna feluleiks sjálfs borgar­stjórans dögum saman með skólp­meng­unina hér um árið. Í dag, 8. apríl, bættist svo við enn einn furðuþátturinn í skolpmál Reykjavíkur þegar fulltrúi Veitna hvatti Vesturbæinga á samfélagsmiðlum til að fara út að plokka upp klósettpappír o.fl. miður geðslegt við fjörur þar, en Vesturbæingur, sem ofbýður sóðaskapurinn, segir þetta sýna stórkostlegt dómgreindarleysi, að ætlast til að íbúar tíni sjálfir upp skólpúrgang í fjörunni við Ægisíðu, sjá nýja Rúv-frétt HÉR!

Meðal annarra áherslu­mála ÍÞ er að end­ur­vekja verka­manna­bú­staðakerfið og byggja hjúkr­un­ar­heim­ili og íbúðir fyr­ir aldraða, gera Reykja­vík fjöl­skyldu­vænni með opn­um svæðum, opna rólu­velli og leikskóla fyrir öllum börnum, en flytja stofn­an­ir borg­ar­inn­ar burt úr miðbæn­um.

Kjarabætur fyrir ungt fólk

Fyrir utan fríar strætóferðir fyrir börn, unglinga og framhalds­skólanema, sem létta munu á útgjöldum tekju­lágra fjölskyldna og auka möguleika barna þeirra til mennt­unar í almenna skóla­kerfinu, sem og til tónlistarnáms o.fl., þá vill Íslenska þjóðfylkingin sérstaklega beita sér fyrir lækkun opinberra gjalda vegna húsbygginga:

1) með því borgin ÚTHLUTI LÓÐUM Á KOSTNAÐAR­VERÐI, hætti að reyna að okra á þeim, með tilheyrandi verðbólgu­áhrifum! Dagur B. & fjölmennt föruneyti bera mestu ábyrgðina á okurverði íbúða í Reykjavík, sem og á lóðaskorti og kosninga­svikum varðandi þær mörgu íbúðir sem þau þóttust árið 2014 ætla að láta borgina reisa, en gerðu ekki; og enginn býr í glærum Dags þessa!

2) Með NIÐURFELLINGU óþarfra, býrókratíska EFTIRLITSGJALDA ÍBÚÐA­BYGGINGA.* Þau gjöld námu eftir aldamótin um 6% íbúðaverðs, en eru nú komin upp í 24% af íbúðarverði! --Bæði þessi umbótaatriði munu fljótt hafa áhrif til lækkunar íbúðaverðs. Sömuleiðis mun það draga úr ofþenslu á íbúða­markaði í Reykjavík, ef í anda gamla, haldgóða verka­manna­bústaða-kerfisins verða byggðar hér íbúðir fyrir tekjulága.

Þar fyrir utan hjálpar niðurfelling strætógjalds nemenda ungu fólki og fjölskyldum þeirra til að leggja þá meiri áherzlu á að leggja fé til hliðar til íbúðakaupa handa sínum ungum fjölskyldum. Allt þetta máttu heita tilvalin vinstrimál, en íslenzkir vinstri menn hafa í marga áratugi ekki þekkt sinn vitjunartíma og vinna t.d. nú fremur í þágu innflytjenda frá múslimskum löndum heldur en bágstaddra Íslendinga, sem jafnvel er vísað úr félagslegu húsnæði borgarinnar til að geta tekið inn sem flesta ólöglega hælis­leitendur!

Viðauki um mosku- og múslimamálin (JVJ skráði)

Sérstaða Íslensku þjóðfylkingarinnar á þessu sviði er alveg ljós. Við tökum ekki afstöðu gegn því, að trúflokkar fái að hafa sín bænahús, en andmælum því, að múslimar eigi neinn rétt á ókeypis lóð frá borginni (og það á frábærasta stað í bænum!), sem og að þeir fái að taka við áróðursfé frá Saudi-Aröbum, sem og að þeir fái að reisa hér MOSKU, því að moskur eru staður þar sem sjaríalögum er framfylgt og þau boðuð, og það er nákvæmlega það sem Salmann Tamimi gerir, forstöðumaður safnaðarins sem hyggst reisa mosku milli Miklubrautar og Suðurlandsbrautar.

Salmann hefur þrívegis verið spurður í íslenzkum fjölmiðlum út í afstöðu hans til handarhöggs þjófa og ávallt svarað, að hann væri því fylgjandi! Og þetta er forstöðumaður safnaðarins! Vitaskuld sjá Saudi-arabísku einræðisherrarnir og wahhabítarnir, að þetta er þeirra maður. 

En Salmann er ekki maður íslenzkra borgararéttinda. Og það er beinlínis and­stætt 63. gr. stjórnarskrárinnar að trúfélög, samþykkt af ríkinu, kenni neitt sem er andstætt almennu siðferði. Þess vegna á ekki að veita þeim söfnuði viður­kenningu né hjálpa til við innheimtu safnaðar­gjalda hans, meðan hann hefur slíkan forstöðumann.

Þar að auki ber að halda í skefjum innflutningi múslima hingað, í stað þess sem skammsýnir vinstri menn í borgarstjórn og landsmálum leggja áherzlu á: að veita einkum þeim sérstakan, ókeypis aðgang að íslenzku samfélagi og hlaða undir þá á allan hátt, oft á kostnað skjólstæðinga borgarinnar (og t.d. Hafnar­fjarðar) í félagslegu húsnæði.

Reynsla Dana í þessum efnum er orðin slík, að þeir eru nú að hverfa í þveröfuga átt við fyrri stefnu, og Norðmenn og Svíar eru sér vel meðvitaðir um nauðsyn stefnubreytingar í múslimamálum, eins og fleiri Evrópuþjóðir, og það er ekki aðeins vegna aukinnar hættu á hryðjuverkum, þegar ofbeldismenn hafa mjög stóran hóp trúbræðra til að leynast í, heldur einnig vegna þeirra margvíslegu skaðlegu áhrifa sem einkum hið pólitíska islam hefur á samfélög manna og vel er lýst í hinni frábæru bók mikils kvenréttinda­frömuðar, norsku vinstri konunnar Hege Storhaug: Þjóðaplágan Íslam (Rvík 2016: Tjáningarfrelsið).

Fagna ber því, að Íslenska þjóðfylkingin hikar ekki við að undirstrika sérstöðu sína í þessum múslimamálum sem öðrum. Aðrir flokkar geta svo reynt að dunda sér áfram við sína óábyrgu meðvirkni, þar til landsmenn hafa áttað sig á því, að þeir voru sviknir í tryggðum.

* Sbr. þessa skýringarmynd:

(ÓBK)

Guðmundur Karl leiðir í Reykjavík

Reykjavík er á hausnum, með frest út kjörtímabilið, fram í maí nk., en Dagur B. borgarstjóri lofar þremur milljörðum í eitt verkefni!

Merkilegt hvað maður­inn gerir sig breiðan, miðað við að ávís­ana­heftið verður tekið af Reykja­vík þegar frest­urinn rennur út í vor! Innan­tóm loforð mannsins upp í fínu stæl­jakka­ermina eru í megn­ustu mótsögn við stöðu borgar­sjóðs, en skuldir hans eru 1,8 sinnum meiri en heildar­tekjur ársins!

Leikskóla­stefna borgarinnar er að hruni komin, mörgum foreldrum og starfsmönnum til sárrar armæðu, en þá þykist Dagur geta snarað út þremur milljörðum króna í nýja leikskóla! Hentugt að tala þannig FYRIR kosningar!!

Eyðslustefnu borgarinnar í yfir­bygg­ingu og vitlaus gælu­verkefni verður að linna nú þegar, en þá segist borgar­stjóra­nefnan ætla að bæta þar um betur með fleiri innistæðulausum loforðum!

Og af hverju leggur hann ekki til, að laun sín verði lækkuð um helming, úr rúmum tveimur milljónum króna á mánuði?! Er ein milljón í hann ekki meira en nóg, miðað við afköst hans eða öllu heldur afkastaleysi hingað til? ---Jón Valur Jensson.

Guðmundur Þorleifsson, formaður Íslensku þjóðfylkingarinnar, ritar á vefsíðu hennar þetta fimmtuagskvöld:

Maðurinn er búinn að koma fjármálum borgarinnar í það horf, að reikna má með því að komist borgin ekki undir ábyrga stjórn eftir kosningar, verði settur umsýslumaður með fjármálum borgarinnar á vegum fjármála­ráðuneytisins. Nú stígur hann fram og veifar framan í borgarbúa kosninga­loforði upp á 3 milljarða í byggingu leikskóla, sem hann hefur ekki til umráða. Þetta er borgar­stjóri sem er með allt niður um sig í leikskóla­málum, skólamálum, umhverfis­málum, samgöng­umálum, svo eitthvað sé nefnt. Hvar ætli loforðaflaumur Dags endi, 3 milljarðar hér, borgarlína 170 milljarðar (varlega áætlað) og svo framvegis.

Ég vona að borgarbúar láti ekki blekkjast yfir slíkum yfirlýsingum, það þarf að vera til fjármagn til að lofa út og suður, slíkt er óábyrgt hjal sem engin innistæða er fyrir. Íslenska þjóðfylkingin gerir sér grein fyrir að víða þarf að taka til eftir núverandi meirihluta í borginni, en það verður ekki gert með digurbarkalegum yfirlýsingum, þar sem engin innistæða er fyrir. Nei! Til að taka til hendinni og laga það sem miður hefur farið í borgarmálum, þarf að hætta við gæluverkefni sem ekki eru lögbundin fyrir sveitafélög að gera, þar með er hægt að ráðast í lagfæringu á þjónustu þeirri sem borgarstjórn á að framkvæma til handa borgarbúum. Íslenska þjóðfylkingin vill gera borgina betri fyrir borgarbúa til að búa í, þar sem þeim finnst öryggi og velferð þeirra borgið, hagsmunir þeirra séu ekki fyrir borð bornir og samfélagsleg ábyrgð borgarstjórnar sé raunhæf. 

Guðmundur Karl Þorleifsson, formaður Íslensku þjóðfylkingarinnar.

Segir hugmyndir Eyþórs galnar

Ánægjulegar fréttir frá Frakklandi -- og Íslandi!

Jean-Marie Le Pen, stofnandi Front National, var svipt­ur heiðurs­félaga-nafn­bót á þingi flokks­ins í dag, en áður rekinn úr hon­um 2016 vegna ósæmi­legra um­mæla um hel­för Gyðinga und­ir valdi nazista. Þetta er ánægjulegt og til marks um and­stöðu Marine Le Pen við allar öfgar í flokknum.

Ennfremur var ákveðið að breyta nafni flokks­ins í Rassemblement National, úr Þjóðfylkingu í Þjóðarbandalag. 

Enskt heiti Íslensku þjóðfylk­ingar­innar er, vel að merkja, ekki National Front (sem minnir á suma öfgaflokka), heldur The Icelandic National Alliance.

Flokkurinn stefnir á framboð til borgar­stjórnar Reykjavíkur í vor. Allir áhugasamir eru hvattir til að hafa samband við flokks­skrifstofuna í síma 789-6223

JVJ.

Le Pen vill nýtt nafn á flokkinn

Fækkum hraðabungum í höfuðborginni!

Það er löngu kominn tími til að skafa burt stóran hluta af óþörf­um hraða­bung­um í Reykja­vík. Víða duga aðrar umferðar­merkingar, en bæði bílar og menn verða leik­soppar harðra ákeyrslna á hraða­bungur, m.a. í snjókomu, dimmu eða litlu skyggni.

Menn finna það á sjálfum sér, ekki sízt í strætis­vögnum, hve óþægi­legur þessi hoss­ingur er fyrir lík­am­ann, og hefur þeim tilfellum fjölgað með fjölgun erlendra bílstjóra strætis­vagna­fyrir­tækjanna, manna sem trúlega hafa ýmist litla aksturs­reynslu eða öku­próf sem jafnast ekki að gæðum við það sem íslenzkir bílstjórar hafa.

Ennfremur hefur orðið tjón á bílum við að þeir skullu á hraða­bungum.

Þess vegna hittist skemmtilega á, að það er einmitt framkvæmda­stjóri borg­ar­fyrirtækis í slíkum vagnaferðum, Jóhannes Rúnarsson, frkvstj. Strætós bs., sem vekur athygli á þeim baga sem þessar bungur eru fyrir strætis­vagnana, jafnvel þannig, að þær "tefja rafvæðingu strætis­vagna­flotans á höfuð­borgar­svæðinu, og hefur afhending fjögurra rafvagna dregist um nokkra mánuði vegna þessa," eins og hann segir í fréttar­viðtali við Mbl.is.

Já, nú mega Hjóla-Hjálmar og Dagur borgar­stjóri á útleið sannar­lega fara að endurskoða sína umferðar-pólitík, sem í þessu efni sem öðrum er á ská og skjön við eðlilega skynsemi og iðulega í beinni mótsögn við vilja borgarbúa.

Tekið skal fram, að vitaskuld þarf að gera undantekningar um hraðabungur á götum þar sem reynslan sýnir að vegfarendum getur stafað hætta af hrað­akstri. En almennt myndi draga úr honum með notkun eftirlits­myndavéla.

Jón Valur Jensson.

Hraðahindranir tefja rafvæðingu Strætó

VIÐTAL: Bjóða fram í borginni, vilja mosku burt og endurreisa verkamannabústaðakerfið

Íslenska þjóðfylkingin sendi frá sér frétta­tilkynn­ingu um að flokk­urinn hefði sent Eftirlits­nefnd með störfum lögregl­unnar erindi þar sem gerðar eru at­huga­semdir við embætti og störf Eyrúnar Eyþórs­dóttur (oft nefnd „haturs“ lögga), eins og segir í frétta­tilkynn­ingu flokksins. Vefritinu Skinna.is lék forvitni á að vita meira um málið og hvað sé að gerast hjá Íslensku þjóðfylk­ingunni. Við hittum Guðmund Þorleifsson, nýjan formann flokksins, og lögðum nokkrar spurningar fyrir hann. (Endurbirt af vefnum Skinna.is.)

- Nú sendi Íslenska þjóðfylkingin inn athugasemd til Eftirlits­nefndar með störf­um lögregl­unnar. Hvað er það sem ykkur finnst svona athugavert við störf hennar? Hvað eruð þið að gera athugasemd við?

„Störf lögreglunnar eiga að vera á jafnræðis­grunni, en sú sem hefur verið ráðin til starfa, Eyrún, hefur lýst því yfir að hún sé með ákveðnar skoðanir. Hún hefur tengst ákveðum hópum með ákveðnar skoðanir. Það virðist vera að alla aðra, sem eru ekki á sömu skoðun, sé réttlæt­anlegt að draga fyrir dóm,“ segir Guðmundur.

„Það er mjög ámælisvert af ríkinu að ráða manneskju sem þessa í þetta starf. Við þurfum líka að athuga að hver og einn, sem er kærður, þarf að ráða til sín lögfræðing til að fara með mál þeirra, sem kostar þá alltaf töluverða fjármuni, þó svo þeir fái gjafsókn. Vegna þess að gjafsókn nær aldrei að greiða allan kostnað fyrir utan ærumeiðingar sem viðkomandi verður fyrir. Það er því óeðlilegt að ríkið sé að vasast í svona löguðu. Ef menn telja á sér brotið geta þeir, lögum samkvæmt, sótt viðkomandi fyrir dóm.“

- Hvað finnst þér um þau mál sem hafa verið tekin fyrir?

„Af þessum málum, sem hafa verið tekin fyrir, hafa allir verið sýknaðir að fullu. Það segir mér að dómskerfið sem slíkt er að standa sig. Þarna er farið fram með offorsi gegn ákveðinni skoðun og ákveðinni túlkun. Þannig að ríkið er að brjóta gegn þessum manneskjum og á tjáningar­frelsi landsmanna. Ég vona bara að sú ríkisstjórn sem nú situr, vona bara að hún ljái ekki máls á að fara sömu leið og Þjóðverjar, sem hafa ákveðið að sekta fjölmiðla fari þeir ekki eftir einhverri rétthugsun.“

- Hvað vonist þið að muni gerast í kjölfar þess að þið sendið inn þetta erindi? Að embættið verði lagt niður?

„Ja, það er ekki ásættanlegt að vita til þess að löggæsluna vantar fé, en að vera að eyða peningum í svona gæluverkefni, það er bara ekki ásættanlegt. Það væri nær að veita þessum peningum í almenna löggæslu og í baráttuna gegn fíkniefnum, sem við höfum miklar áhyggjur af.“

- Nú hefur flokkurinn heitið því að segja Ísland úr Evrópska efnahagssvæðinu (EES). Evrópusambandið hefur hvatt löggæslustofnanir til að halda námskeið til að greina hatursorðræðu. Telur þú að þetta embætti sé einn angi af veru okkar þar?

„Það er alveg greinilegt að þeir sem stjórna í ráðuneytunum virðast vera nokkuð frjálsir um það hverju þeir hleypa í gegn og hverju þeir hafna eða sitja á. Það sést á því að Evrópudómstólinn hefur verið að dæma okkur fyrir það að sitja á tilskipunum. Það er nauðsynlegt fyrir íslenska ríkið að segja sig frá Evrópska efna­hags­svæðinu. Því fyrr því betra. En jafnframt gera tvíhliða samning við Evrópu­sambandið sem og önnur ríki. Það er voðalega skrítið hvernig íslenska ríkið hefur endalaust þókknast Evrópu­sambandinu og það virðist vera endalaus áróður fyrir því. Á sama tíma og Bretar eru að fara út, okkar stærsta viðskiptaland innan Evrópu. Viðskipti okkar koma örugglega til með aukast verulega við Breta þegar þeir hafa gengið út. Ég held við eigum að gera tvíhliða samning við Bandaríkin og Breta. Svona á svipuðum nótum og við gerðum við Kínverja. Það myndi lækka vöruverð. Það myndi gera það að verkum að fleiri hefðu áhuga á að koma hingað með verslun, samanber Costco, og það myndi lækka vöruverð. Það myndi gera það að verkum að við myndum opna allt að 400 milljóna manna markað. Við erum með Breta sem eru 60 milljónir og markaður myndi opnast í Bandaríkjunum sem er 360 milljóna manna markaður. Við værum þá komin undan Evrópusambandinu og þar með gætu íslensk fyrirtæki haslað sér völl á undan hinum, sem ég held að sé mjög dýrmætt fyrir Íslendinga.“

- Hvað með Schengen-samstarfið? Flokkurinn hefur boðað að hann ætli að segja Ísland úr Schengen. Ætlið þið að standa við það?

„Já, já, við stöndum alveg við það. Það er það sem við höfum verið að leggja áherslu á. Kostnaðurinn við Schengen er mikill. Við höfum til dæmis sent Fangelsismálastofnun fimm fyrirspurnir hver kostnaðurinn við að halda erlenda fanga á Íslandi er frá því að við gengum í Schengen. Við höfum ekki ennþá fengið svar. En það er ekki það eina. Það er grundvallarkrafa okkar, að við berum sjálf ábyrgð á okkar landamærum. Að segja Ísland úr Schengen þýðir ekki að við ætlum að vera fúl út í alla Evrópu.“

- Hvað með flóttamenn. Nú er ljóst að margir eru að koma hingað sem eiga ekki rétt á hæli. Þið hafið sagt að það hafi áhrif á biðröðina eftir húsnæði í félagasmálakerfinu.

„Það er segir sig sjálft, ef það gengur fyrir hjá ríkisstjórninni að útvega hælis­leitendum húsnæði en ekki sínum eigin þegnum sem þeir eru þó skuld­bundn­ir til að gera samkvæmt stjórnar­skránni. Hér spilar inn í þessi arfa­vitlausa útlend­inga­löggjöf sem tók gildi um síðustu áramót og þarf að fella þegar í stað úr gildi. Ég segi fyrir mitt leyti, og er fullviss um að aðrir innan Íslensku þjóðfylk­ingarinnar eru sama sinnis: við eigum ekki einu sinni að fara í 48 tíma regluna. Við eigum að snúa þeim við strax, um leið og þeir koma til landsins. Það er engin ástæða til að taka á móti fólki sem við vitum fyrirfram að á ekki erindi hingað. Hér á landi er orðin til ákveðin starfsgrein lögfræðinga og sérfræðinga hjá félagsmálastofnunum, sem lifa á þessu. Þetta er orðin ákveðinn „iðnaður". Þetta er fólk sem starfar á vegum ríkisins og það berst af oddi og egg til að halda sínum störfum... og ég skil það svo sem vel. En ég tel að fjármunum sé vitlaust varið, að eyða öllum þessum fjármunum í þetta hér heima, heldur ættum við að nota þessa peninga til að hjálpa fólki í sínu nærumhverfi, þar sem fjármunirnir nýtast miklu betur. Við eigum að fara í þeirra nærumhverfi í Sýrlandi og Líbanon og þar eigum við að leggja til og hjálpa. Þar myndi peningurinn koma betur að notum.“

- Ætlið þið að bjóða fram í borgarstjórnarkosningum eða til sveitarstjórna?

„Við stefnum að því að bjóða fram í sveitarstjórnarkosningunum en horfum fyrst og fremst til borgarinnar. Það gæti orðið fleiri sveitarfélög. En þetta er náttúrulega mikil vinna og við sjáum bara hvað setur.“

- Hver verða ykkar helstu stefnumál í borginni?

„Við vitum það að í borginni þarf að bæta almenningssamgöngur en þessi Borgarlína er arfavitlaus, hana þarf að endurskoða. Við höfnum Borgarlínunni. Hugmyndin er góð að reyna að koma innlendri orku í vinnu, en þessi útfærsla er ekki góð. Svo erum við algjörlega á móti mosku og munum leggja til að lóð undir mosku og það sem hefur verið samþykkt í Hlíðunum um að reisa turn, þar sem er verið að lauma inn annarri mosku af núverandi borgarstjórn, verði dregið til baka. Síðan munum við leggja áherslu á að endurreisa verka­manna­bústaðakerfið í samvinnu við lífeyrissjóði og verkalýðs­hreyf­inguna. Við viljum bara drífa það verkefni af stað. Við viljum hætta að bjóða út lóðir og lækka þar með bygginga­kostnað. Við úthlutum í staðinn lóðum og þeim verður ekki úthlutað til gæðinga.“

- Hvað áttu við með því?

„Það eru margir sem hafa fengið úthlutað fullt af lóðum þó þeir hafi farið margsinnis á hausinn. Nú er bara kominn tími til að þetta verði skoðað alveg í grunninn. Við komum upp gamla fyrirkomulaginu sem var. Við getum til dæmis byggt verkamannabústaði á stuttum tíma. Þannig að þá á að vera hægt að leysa húsnæðisvanda fjölskyldufólks og eldri borgara á tiltölulega stuttum tíma án þess að allt fari um koll. En til þess þurfum við kjark, hugrekki og hugsjónir.“

- Hvað er svo framundan hjá Íslensku þjóðfylkingunni?

„Við höfum verið að endurbyggja flokkinn. Við munum koma sterk inn að hausti. Þá ætlum við að halda fund, almennan stjórnmálafund. Þar opinberum við okkar helstu mál fyrir borgar- og sveitarstjórnarkosningar. Já, já, flokkurinn kemur bara til með að stækka,“ sagði Guðmundur Þorleifsson formaður Íslensku þjóðfylkingarinnar að lokum.

Er Dagur B. Eggertsson svona óskaplega lélegur í reikningi?

Hvernig stendur á því að hann lætur Ólaf Ólafsson (Sam­skip­um/Kvía­bryggju) kom­ast upp með að greiða inn­an við eina millj­ón kr. fyrir hverja íbúð sem borg­in leyfir hon­um að reisa? Birtist í þessu ástæða þess, að allt gengur á aft­ur­fót­un­um í rekstri Dags á borginni - hann geti bara ekki betur?

Og margt á hann óút­skýrt um viðskipta­bandalag sitt við Ólaf þennan.

Trúlega er Dagur örvilnun næst vegna aum­legrar frammi­stöðu sinnar í íbúða­mál­unum, sbr. þessa frábærlega fyndnu Bakþanka Sirrýjar Hallgrímsdóttur í Fréttablaðinu í dag.

Jón Valur Jensson.

6.250 íbúðir byggðar á næstu 5 árum

Tvær af ályktunum landsfundar flokksins í dag, um framboð til borgarstjórnar og um lífsverndarmál

Báðar voru samþykktar samhljóða. 

I: Tillaga Guðmundar Þorleifssonar, sem á fundinum var kosinn formaður flokksins:

"Íslenska þjóðfylkingin lýsir yfir að hún mun bjóða fram í komandi borgar­stjórnar­kosningu. Það verður lögð áhersla á að aftur­kalla lóð undir mosku­byggingu; viðhaldi gatna verði komið í viðun­andi horf; stuðlað verði að upp­byggingu á félags­legu húsnæði með því að lóða­kostnaður verði einungis samkvæmt útlögðum kostnaði."

Og hér síðast er vitaskuld verið að tala um gatna­gerðar­gjöldin og önnur gjöld vegna lóða­úthlutana.

II: Tillaga Guðmundar Pálssonar læknis (um stytta útgáfu af lengri tillögu frá Jóni Val Jenssyni, Guðlaugi Ævari Hilmarssyni, Guðmundi Pálssyni og Maríu Magnúsdóttur):

"Ófædd börn eiga rétt til lífsins. Flokkurinn tekur einarða afstöðu gegn nýfram­komnum hugmyndum um róttækar breyt­ingar á fóstur­eyðinga­löggjöfinni og mun taka á þessum málum með það að markmiði að draga sem mest úr fóstur­eyðingum."

Hér var í báðum tilvikum um ánægju­legar ákvarðanir að ræða í stefnu­málum flokksins og full sátt um þær.

Þriðja ályktunin, sem samþykkt var á fund­inum, frá Birgi Lofts­syni sagn­fræðingi, um löggæzlu-, varnar- og öryggismál, verður kynnt hér á morgun.

jvj