Góð frétt af vettvangi evrópskrar, borgaralegrar andstöðu við Marokkópakkann

 

Successful campaign against the Migration Compact

Hungarian daily Magyar Hirlap interviewed Austrian identitarian leader Martin Sellner about his campaign against the UN Global Compact for Migration.

According to the right-wing activist, his campaign – in which he managed to collect tens of thousands of signatures and conducted a successful poster campaign – “was the first big success of the patriotic civil society in Western Europe”. He pointed out that back in last September, nobody knew about the Compact, but two months later, when he was running the campaign in German-speaking countries, “the majority of Austrians and Germans knew about it and rejected it”. (Feitletrun hér, jvj.)

He also spoke about the new campaign of the Austrian Generation Identity (IBÖ), which they launched after the activists of the movement were acquitted from all charges by the court of Graz. According to Sellner, patriotic activists are still afraid to speak their mind about immigration and Islamisation in Austria.

Source: Hungary Journal
Photo: Heute

Endurmeta þarf lögmæti þess að Dagur B. & Co. sitji áfram að kjötkötlum borgarbúa

Taka ber undir þá kröfu Vigdísar Hauksdóttur, að endur­metið verði lögmæti eður ólögmæti borgar­stjórnar­kosn­inganna sl. vor að lokinni góðri skoðun þeirra og rannsókn.

Svo margt hefur raunar farið úrskeiðis í stjórn borgarinnar og komið upp á yfirborðið síðan í vor (braggamálið o.fl. brotamál gervimeirihlutans), að Dagur B. & Co. eiga pólitíska framtíð sína undir því, að þessar kosningar verði ekki endurteknar, sem þó virðist geta verið það eina rétta í málinu, eftir næsta augljós stjórnsýslubrot Ráðhúsmanna í sambandi við hlutdræg skilaboð send vissum hópum kjósenda rétt fyrir síðustu borgarstjórnar­kosningar.

Það er ekki ónýtt að lögfræðingurinn Vigdís hafi glöggt auga með þessum og öðrum brekum borgarstjórnar-gervimeirihlutans.

JVJ.

Skera úr um lögmæti kosninganna

Sjálfstæðisflokkurinn er opinbert hneyksli

Það er opinbert hneyksli hve ríkis­starfs­mönnun fjölgar undir stjórnar­for­ystu Sjálf­stæðis­flokksins, um tæpl. 1.600 á 3 árum, 2015-2017, þar af 619 árið 2017!

Það er regin­hneyksli hve flokk­ur­inn hleður undir sjálf­an sig til fram­boðs í kosn­ingum með ýmsum bola­brögðum, ofurstyrkjum til sjálfs sín (hundruðum milljóna), 5%-reglunni, skipt­ingu eins lög­sagnar­umdæmis í tvö kjördæmi og þar fram eftir götunum.

Það er háska­legt hneyksli sem vofir yfir þjóðinni: að þessi Sjálf­stæð­is­flokkur virðist ætla að samþykkja Þriðja orku­pakka Evrópu­sambandsins!

Það er skelfi­legasta hneykslið, að flokkur, sem í eina tíð gaf sig út fyrir að styðja kristin gildi, hefur tekið að sér að boða aukin fjöldadráp á börnum allt fram til þess, er þau eru komin svo langt í meðgöngu, að mörg slík hafa lifað það af að fæðast! (á þá stað­reynd benti jafnvel Siðfræðistofnun í áliti sínu í fyrradag). Já, það er hneyksli að þessi flokkur virðir ekki mannslífið í móðurlífi og er þá frekar reiðubúinn að auka kvöl ófæddra (sem komin eru með fullt sársaukaskyn 20 vikna) til loka 22. viku meðgöngu!

Þessi forsmán þarf senn að leggja niður völd: andkristið forystulið Sjálfstæðisflokksins.

Jón Valur Jensson.

Ríkisstarfsmönnum fjölgaði frá 2015

Notum lygamæla þegar menn leita hér alþjóðlegrar verndar

Dav­id Wood, fv. forstjóri inn­flytj­enda­mála, vill að þeir sem fá dval­ar­leyfi í Bretlandi þurfi að gang­ast und­ir próf með lyga­mæli, enda sé hæl­is­leit­enda­kerfið mis­notað í mikl­um mæli.

• Stutt er síðan Sajid Javid, inn­an­rík­is­ráðherra Bret­lands, dró í efa að all­ir þeir hæl­is­leit­end­ur sem kæmu til Bret­lands væru raun­veru­leg­ir flótta­menn, en þeim sem hafa óskað hæl­is í Bretlandi hef­ur fjölgað und­an­farna mánuði. Sam­kvæmt svör­um frá inn­an­rík­is­ráðuneyt­inu stend­ur hins veg­ar ekki til að nýta lyga­mæla á hæl­is­leit­end­ur.
• Wood var vara­for­stjóri bresku landa­mæra­stofn­un­ar­inn­ar og þar á eft­ir for­stjóri inn­flytj­enda­mála áður en hann fór á eft­ir­laun 2015.
• Skýrsl­una, sem birt var í dag, vann hann fyr­ir sjálf­stætt starf­andi hug­veitu Ci­vitas: Institu­te for the Stu­dy of Civil Society.
• Þar seg­ir Wood m.a. nú­ver­andi kerfi vera notað til að auðvelda efna­hags­lega fólks­flutn­inga og að allt að 15.000 hæl­is­leit­end­ur komi til lands­ins ár­lega án þess að hafa gilda ástæðu til að koma þangað sem slík­ir. Legg­ur hann til að ein leið til að greina raun­veru­lega flótta­menn frá öðrum sé að nota sjálf­virka tækni til að skanna um­sókn­ir.
• Tækn­in sé 90% ná­kvæm og taki um 20 mín­út­ur. Skann­inn veki at­hygli á tor­tryggi­leg­um svör­um þannig að þeir sem taki viðtöl­in við hæl­is­leit­end­urna geti lagt áherslu á þau atriði. (Mbl.is)

Er þetta ekki tilvalið kerfi til að taka upp hér? -- fljótlegt í notkun og myndi spara okkur háar fjárhæðir við að grisja í þessum hópi í stað þess að láta þessi mál veltast hér í kerfinu mánuðum og misserum saman og enda svo jafnvel með brottvísun viðkomandi fólks. Skjót afgreiðsla og skilvirkni felur hér í sér mikinn sparnað fyrir samfélagið. Allir, sem hingað leita með hreinan skjöld og ekkert óhreint í pokahorninu, hljóta að verða fegnir að fá að standa sig vel í lygamælisprófi.

Jón Valur Jensson.

Noti lygamæli á hælisleitendur

Víst tengjast hryðjuverk múslimatrú ...

þótt einhverjir í Rabat í Mar­okkó lýsi þessu yfir: "hryðju­verk tengj­ast ekki trú eða þjóð­erni."

Saman­burður við kristni gerir þetta aug­ljóst. Skóla­árás­ir í Banda­ríkj­unum eða öfga­manns­ins Timo­thys McVeigh (Oklahoma-fjölda­morð­ingjans) eða naz­istans Breiviks komu ekki til af kristn­um hvöt­um eða tilgangi né voru sprottin úr kristnum trúar­samtökum.

Einu hryðju­verk krist­inna manna virðast bundin við varnar­aðgerðir gegn skæðum hryðju­verka­árásum múslima­samtaka (al-Shabab og Boko Haram), einkum í Súdan og Nígeríu. Helzta undan­tekning frá þessu er Júgóslavía á 10. áratug liðinnar aldar, þar áður Norður-Írland. En í fyrra tilfell­inu var einkum um valda­bar­áttu ólíkra og þó áður tengdra þjóð­erna í upp­lausnar­ástandi Júgóslavíu að ræða, með tilheyrandi þjóðernis­ofstæki og þjóð­ernis­hreins­unum (ethnic cleansing), í því síðar­nefnda hagsmuna­árekstra og ríg milli ráð­ríkra, olnboga­frekra mótmælenda annars vegar og hins vegar sjálf­stæðis­sinnaðra, verr settra kaþólikka.  

Að ódæðisverkum Breiviks frátöldum eru hryðjuverk í Evrópu á þessari öld að lang­mestu leyti verk múslimskra öfgamanna. Mann­skæðust hafa þau verið í Rússlandi, Frakk­landi, Bretlandi og á Spáni, ef talað er um okkar álfu, en margfalt algengari hafa þau þó verið í Mið-Austurlöndum og allt austur til Indlands og SA-Asíu, sem og Afríku allvíða (Kenýa, Nígeríu, Súdan, Túnis, Egyptalands, Sómalíu o.fl. landa). Iðulega tengjast þau beinum áhrifum frá heit­trúar­starfi í moskum og trúarskólum og snúast mjög oft um ofstæki súnní-múslima og sjíta-múslima hvorra í annarra garð, en í Afganistan, Írak og Sýrlandi koma fleiri við sögu og kristnir menn, Kúrdar og jasídar ein helztu fórnar­lömb­in, í þúsunda tali. Gleymum svo ekki hryðju­verka­samtökum Palest­ínu-araba, sem iðkuðu flugrán, fjölda­morð og árásir á óbreytta borgara lengi vel, voru þar nánast braut­ryðjendur á þessu sviði, unz Ísrael fór að draga úr þessu með sínum varnar- og mótaðgerðum.

Jón Valur Jensson.

Minnast kvennanna sem voru myrtar

EINN stjórnmálaflokkur sýnir ábyrgð gagnvart þjóðinni vegna þjóðflutningasamnings SÞ!

Íslenska þjóðfylkingin lýsir því yfir, að hún hafnar algerlega þeim SÞ-fólks­flutninga­sáttmála, sem mörgum ríkjum heims er ætlað að stað­festa nk. mánudag 10. des. í Mar­okkó. Ríkis­stjórn­in hef­ur al­ger­lega van­rækt að láta þýða og birta sátt­málann, þótt legið hafi fyrir í tvö ár, og ekkert gert til að kynna hann, fremur beitt þar þöggun!

Sáttmáli þessi hefur það meginmarkmið að koma á fót og tryggja stöðuga og samfellda fólksflutninga (regular migration) landa á milli og miðar öðru fremur að því að fjölga stórlega íbúum Evrópu, að því er virðist í margra tugmilljóna tali á hverjum áratug. Samþykkt sáttmálans er ekki sögð lagalega bind­andi, en yrði þó pólitískt bind­andi, rétt eins og Mannréttindasáttmáli SÞ 1948 reyndist verða. En hér er um gerólíkan sáttmála að ræða, full­veld­is­skerðandi fyrir þau lönd sem skrifa upp á hann, m.a. um landa­mæravörslu, og í reynd stórhættu­legan þjóð­ríkinu sem slíku, þjóð­tungunni, eftir því sem aðflutt­um fjölgar, menningu og velferðar­kerfi, sem mundi sligast undan álaginu. ÍÞ skorar á ríkis­stjórnina að skrifa ekki undir og heitir á forseta Íslands að hafna því að staðfesta samninginn.

Mörg mikilvæg ríki afneita því með öllu að staðfesta sáttmál­ann, þ.á m. Austurríki, Ástralía, Bandaríkin, Danmörk, Eistland, Ítalía, Pólland, Sviss og Tékkland. Mörg ákvæði hans eru afar íþyngjandi fyrir viðkom­andi þjóðríki, en auka stórlega réttindi aðkomufólks. Þar á meðal má nefna "Markmið 4, aðgerð f" sem felur í sér, að þótt ekki sé vitað, af hvaða þjóðerni farand­fólkið (migrants) sé, þá eigi það ekki að koma í veg fyrir, að það fái landvist, og í Markm. 11 (f) er gert skylt að meðtaka ólöglega innflytjendur; staðhæf­ingu um "mismunun" megi nota til að mæla með hverjum þeim sem flytjast vill inn í land. Markm.16 (c) tryggir fjölskyldu­sameiningu viðkomandi og þar með margföldun innflytjenda sem tengjast honum. Markm.17/33 kveður á um að engin gagnrýnis­hugsun leyfist gagnvart framkomu innflytjenda (migrants, far­enda), gagnrýni (criticism) er stranglega fordæmd. Markm.17 (a) beinist gegn frjálsri tjáningu og innflytj­endur sjálfkrafa taldir saklausir og fórnarlömb. Markm.17 (c) felur í sér stjórn fjölmiðla og ritskoðun, fjölmiðlar verði að lýsa innflutningi fólks jákvætt, en þeir, sem geri það ekki, verði sviptir öllum stuðningi og fjár­fram­lögum. Eitt ágeng­asta ákvæðið, Markm.17 (g), kveður á um að í allri kosninga­baráttu (til þings og sveitar­stjórna) beri að styðja við innflutning fólks. Í Markmiðum 7 (a & b), 15 (e) og 20 (i) eru svo sérstök ákvæði til að tryggja stöðu islamssiðar og sjaríareglna!

Þetta er á engan hátt sáttmáli sem miðast við velferð og öryggi Íslendinga eða réttmæta þjóðarhagsmuni okkar, einungis hag og meintan rétt aðfluttra. Aðförin að tjáningar­frelsinu er kapítuli út af fyrir sig og hverjum þingmanni til minnkunar sem samþykkir þennan kröfuharða sáttmála. En verður hann borinn undir atkvæði alþingismanna? Okkur er ekki einu sinni lofað því! Að engu er slíkur sáttmáli hafandi, segjum við í stjórn Íslensku þjóðfylking­arinnar.

Þessi lengri gerð af samþykkt stjórnar Íslensku þjóðfylk­ingar­innar er send öllum alþingis­mönnum o.fl. aðilum, en styttri gerð hefur verið send öllum helztu fjölmiðlum í dag.

Ísland tekur þátt í alþjóðasamþykkt um farendur

Yfirlýsing Íslensku þjóðfylkingarinnar vegna fólksflutningasáttmála SÞ

Íslenska þjóðfylkingin hafnar þeim SÞ-fólks­flutn­inga­sátt­mála sem ýmis ríki stað­festa 10. des. í Mar­okkó. Stjórn­völd van­ræktu að láta þýða og kynna sátt­málann, þótt legið hafi hann fyrir í tvö ár!

Sátt­málinn hefur það mark­mið að tryggja stöðuga fólks­flutn­inga landa á milli og miðar að því að fjölga íbúum Evrópu um a.m.k. tugi milljóna á hverjum áratug. Samþykkt sáttmálans er ekki sögð lagalega bindandi, yrði þó pólitískt bindandi eins og Mann­rétt­inda­sáttmáli SÞ 1948. En þessi sáttmáli skerðir fullveldi landa sem samþykkja hann, m.a. um landa­mæra­vörslu, og yrði stór­skað­legur þjóðríkinu, þjóð­tungunni þegar aðfluttum fjölgar, menningu og velferðarkerfi sem mundi sligast undan álagi. ÍÞ skorar á ríkis­stjórn­ina að skrifa ekki undir og tekur undir kröfur margra um þjóðaratkvæðagreiðslu um hann.

Mörg ákvæði hans íþyngja þjóðríkinu og þrengja ótrúlega að tjáningar­frelsi einstaklinga og fjölmiðla, en gefa aðkomu­fólki forréttindi, m.a. til ólöglegs innflutn­ings án þess að upplýsa um þjóðerni, og fullan rétt til "fjöl­skyldu­samein­ingar", þar með margföldun innflytjenda. Þá er kveðið á um að í allri kosninga­baráttu beri að styðja við innflutning fólks. Ennfremur er staða islamssiðar og sjaríareglna tryggð!

Þetta er ekki sáttmáli sem miðast við velferð og öryggi Íslendinga eða réttmæta þjóðarhagsmuni, einungis hag og meintan rétt aðfluttra. Aðförin að tjáningar­frelsinu er hverjum valdamanni til ófrægðar sem samþykkir þennan kröfuharða sáttmála. 

Stjórn Íslensku þjóðfylkingarinnar.

Björn Bjarnason er laginn við að snúa hlutum á hvolf í EES-málum (ekki bara orkupakkanum), þykist þó geta gegnt hlutverki hins hlutlausa!

EES-maðurinn Björn Bjarnason er á Moggabloggi sínu (þar sem hann leyfir aldrei nein andmæli) að geipa af meintu "hagsældarskeiði fullveldisaldar með EES-aðild". En keisarinn er ekki í neinu; Frjálst land heita samtök sem afhjúpa þessa margtuggðu vitleysu í grein í dag, EES farganið jafn dýrt og heilbrigðis­kerfið, þar sem segir:

Fáfræði um EES-samninginn er útbreidd og halda margir að EES hafi bætt lífskjör og komið á réttarbótum. Raunveru­leikinn er þveröfugur: Bara reglufargan EES kostar eitt og sér svipað og heilbrigðismálin kosta skattgreiðendur. Auk þess eru als kyns íþyngjandi tilskipanir sem hafa dregið úr lífskjörum. Hrunið, sem orsakaðist m.a. af EES-regluverkinu, rændi marga eigum og lífskjörum. Réttar­bæturnar sem sagðar eru af EES eru að mestu léttvægar, við höfum þvert á móti orðið fyrir réttarskerðingum og fjarlægar stofnanir sem reka erinda ESB/EES eru komnar með vald yfir íslenskum aðilum.

Þrátt fyrir slæma reynslu af EES er til fólk sem vill breyta stjórnarskránni svo við getum látið "alþjóða­stofnanir" (átt er við ESB) setja hér lög um "réttar­bætur". Í þessu leynist ein rangfærslan um EES: Það er ekkert alþjóðlegt við EES eða ESB sem er afmarkað svæðis­bundið samband 28 þjóða sem fer fækkandi en er að þróast í yfirþjóðlegt valdabákn. Það á ekkert skylt við alþjóðastofnanir eins og Sameinuðu þjóðirnar sem Ísland er aðili að af frjálsum vilja. En Sameinuðu þjóðirnar geta ekki sett hér lög eins og ESB getur með EES-samningnum.

[Og svo er þar vísað í aðra grein:]

Goðsagnirnar um EES

Björn er ekki trúverðugur til að sitja í nefnd til að meta kosti og galla EES-samningsins og var þó skipaður (sennilega af Guðlaugi Þór) formaður þriggja manna nefndar til að vinna það verkefni! Þá er hann hagsmunatengdur í einu alstærsta EES-málinu: Þriðja orkupakkanum, en tengasonur hans, Heiðar Már Guðjónsson, hefur verið áfram um fjárfestingu í sæstreng milli Íslands og Skotlands.                      

Jón Valur Jensson.

Er einhver lífsverndarsinnaður flokkur til á landi hér? Já!

Starfsfólk kvennadeildar Lsp komst upp með að brjóta lög, sem því var skylt að gæta, og vill nú jafnvel ganga enn lengra!

M.a.s. úrskurðar­nefndin fór ekki að lögum, leyfði fóstureyð­ingar eftir lok 16. viku af félagslegum ástæðum; afleið­ingin: ekki ein einasta synjun árið 2017!

Þvílíkan skrípaleik og óvirðingu við jafnvel litlar lagatakmarkanir ástundar þetta sjálfræðislið, svo að minnir á sjálfstýriapparat vinstri manna í Efstaleiti sem brýtur eigin lögbundnu hlutleysisskyldur í hverri viku.

Af hverju bendir enginn á að keisarinn er í engu? Af hræðslugæðum, af meðvirkri feimni eða ábyrgðar­lausu skeytingarleysi?

"Með lögum skal land byggja, en með ólögum eyða." Með lögbrotum hafa félagsráðgjafar á kvennadeild og aðrir starfsmenn þar verið að eyða saklausum mannslífum árum og áratugum saman. Þegar jafnvel þau hafa ekki þorað út fyrir 16 vikna lagamörkin um félagslegur forsendurnar, tekur svo úrskurðar­nefndin að sér að brjóta þau lög!!

Víkja ber þeirri úrskurðarnefnd frá án tafar.

En nú færist skörin upp á bekkinn, því að virkustu aðilar við fóstureyðinga-færiband Landspítalans, þ.m.t. við mjög þroskuð fóstur, krefjast nú opins skotleyfis síns á ÖLL fóstur til loka 22. viku meðgöngu, þ.e. að þetta verði fært í lög sem "sjálfsákvörðunarréttur" mæðra, og þurfi ekki að nefna neina ástæðu til!

En  stefna Íslensku þjóðfylkingarinnar er alveg á hreinu í þessu máli. Hér er ályktun flokksþings okkar vorið 2017:

Ófædd börn eiga rétt til lífsins. Flokkurinn tekur einarða afstöðu gegn nýfram­komnum hugmyndum um róttækar breyt­ingar á fóstur­eyðinga­löggjöf­inni og mun taka á þessum málum með það að mark­miði að draga sem mest úr fóstureyðingum.

Íslenska þjóðfylkingin er EINI stjórnmála­flokkurinn sem boðað hefur þessa stefnu, síðan Borgaraflokkur Alberts Guðmunds­sonar og félaga hans leið undir lok, sjá næstu grein hér á undan.

En þótt Agnes biskup þegi yfir vansæmd fyrirhugaðrar löggjafar og Bjarni fjármálaráðherra reynist eins og meðvirk rola í málinu, þá sjást og heyrast þess víða merki, að fólki (og ekki sízt kvenfólki)  er gersamlega misboðið yfir grófri stefnu viðkomandi spítalastarfsmanna og heilbrigðisráðherra, Svandísar, í þessu máli, með stefnu á víðtækt drápsleyfi allt upp í nær fimm og hálfs mánaðar gamalla fóstra!

Séu líkur á að Alþingi samþykki þessa svívirðu, þarf þjóðin að skora á forsetann að neita að undirrita slík ólög, en vísa málinu í þjóðaratkvæði.

Jón Valur Jensson. Höf. á sæti í flokksstjórn ÍÞ.

Engum fóstureyðingum synjað í fyrra

GLÆSILEG niðurstaða í skoðanakönnun um fóstur­eyðinga­frumvarp Svandísar Svavarsdóttur

Þvílík niðurstaða í þeirri könnun Útvarps Sögu 25.-26. þ.m., þar sem spurt var: "Ertu sammála frumvarpi Svandísar Svavars­dótt­ur sem gerir ráð fyrir að heimila fóstur­eyðingar til loka 22 viku meðgöngu?"

Alls voru greidd 425 atkvæði. NEI sögðu 91,7%! JÁ sögðu einungis 5,6%, en hlutlaus voru 2,6%.

 

Niðurstöðurnar voru mjög áþekkar annarri könnun á sama vef ÚS, sem gerð var og birt 28. febr. 2017 og spurði út í það hvort fólk vildi rýmri fóstur­eyðinga­löggjöf, en þá reyndust rúmlega fimmfalt fleiri andvígir því en hlynntir að auka heimildir til fóstureyðinga.

 

Ljóst ætti að vera af þessu, að Svandís Svavarsdóttir hefur fengið almenning rosalega upp á móti sér með sínu öfga­kennda frumvarpi, enda eru ummæli um málið á Facebók* og víðar mjög af því andstöðu-tagi. Fólk virðist almennt hneykslað á bíræfni heilbrigðis­ráðherrans! Þess vegna var það aumkunar­verður áróður hjá yfirlækni kvenna­deildar Landspítalans í Sjón­varpi fyrir fáeinum kvöldum, að þetta (frumvarpið og 22ja vikna mark­ið!!) væri það sem almenn­ingur vildi ! --Þvílík skreytni !!!

 

En  stefna Íslensku þjóðfylkingarinnar er alveg á hreinu í þessu máli. Hér er ályktun flokksþings okkar vorið 2017:

 

Ófædd börn eiga rétt til lífsins. Flokkurinn tekur einarða afstöðu gegn nýfram­komnum hugmyndum um róttækar breyt­ingar á fóstur­eyðinga­löggjöf­inni og mun taka á þessum málum með það að mark­miði að draga sem mest úr fóstureyðingum.

Íslenska þjóðfylkingin er EINI stjórnmála­flokkurinn sem boðað hefur þessa stefnu, síðan Borgaraflokkur Alberts Guðmunds­sonar og félaga hans leið undir lok, en stofnaður var hann 1987 og tókst einmitt að koma lífs­verndar­sinnuðu fólki á þing: Huldu Jensdóttur, Ásgeiri Hannesi Eiríkssyni, Guðmundi Ágústssyni og Kolbrúnu Jónsdóttur, sem öll stóðu að frumvörpum í átt til fósturverndar, þveröfugt við Lenínista­flokkinn Vinstri græn!

 

* Sbr. samantekt HÉR og einnig hér. 

 

Jón Valur Jensson.

Þungunarrof verði heimilt út 22. viku