Kostulegir vinstri menn

Eftirfarandi birtist á mbl.is 16.6.:

“Ef horft er til stjórnmálaskoðana má sjá að stuðningsfólk Vinstri grænna hafði síst heimsótt Costco eða 29% en stuðningsfólk Samfylkingarinnar var aftur á móti líklegast til að ætla ekki að fara í Costco eða 13%. Sjálfstæð­is­menn virðast hins vegar llíklegastir til að kjósa Costco, en 95% þeirra hafa annaðhvort komið í verslunina eða ætla að fara þangað við tækifæri.”

Er þetta ekki lýsandi dæmi um ofstopahneigð vinstra fólks, þeirra sem kalla sig félagshyggjufólk og líberalista. Þetta fólk er gjarnan andstætt frjálsum atvinnu­rekstri og finnur sér nú einhverja hugmyndafræðilega ástæðu til þess að líka ekki við valkostinn og þá vöruúrvalið og verðið sem Costco býður upp á. Hvort skyldi ráða meiru hatur þessa fólks á Bandaríkjunum vegna þess að þau eru gamalgróið lýðræðisríki og hafa oftar en önnur staðið vörð gegn heimsvalda­stefnu og kúgun sósíalista­ríkjanna eða er það kannske vegna þess að hér er um einhvers konar menningar­snobb að ræða? Það væri þeim líkt. Vinstra fólk telur sig ævinlega yfir aðra hafið og vita allt best og umhygggjan fyrir hag alþýð­unnar víkur ætíð fyrir öfgunum.

Kjartan Örn Kjartansson.

Höfundur er öryrki og eldri borgari og á sæti í flokksstjórn Íslensku þjóðfylkingarinnar.

43% Íslendinga hafa farið í Costco

Vinstri græn höfðu fram undir þetta næstmest fylgi, en hafa nú afhjúpað sig sem andstæðinga nauðsyn­legra varna almennings gegn hryðjuverkum!

„Sérsveitarmaður með byssu á engu eftir að breyta ef einhver hefur ein­beittan vilja til að valda fólki skaða,“ ritar fávís Líf Magneu­dóttir, forseti borgar­stjórn­ar, borgarftr. VG, og telur "nær­tæk­ara ... að setja saman teymi áfalla­streitu­sérfræð­inga eða hjálpar­sveitar­manna til að stíga inn í ófremdar­ástand og hryðju­verk. Gerði meira gagn en sérsveitar­maður með byssu."

Af hverju annaðhvort eða?! Þvílíkur glópur, sem valin hefur verið sem fulltrúi almenn­ings í borgar­stjórn! Og þvílík fáfræði að átta sig ekki á því, að snögg viðbrögð lögreglu eru einmitt þau úrræði sem nú þegar hafa bjargað tugum og hundruðum manna frá því að vera sölluð niður af hríðskota­byssum illræðis­manna eða keyrð niður af öðrum eins islamist­ískum brjálæð­ingum á flutn­inga­bílum (sbr. hryðjuverkið í Nice, sem eitt tók 81 mannslíf) eða stungin svöðu­sárum tugum saman.

Líf Magneudóttir er prestsdóttir og forseti borgarstjórnar!

Hér þarf marga konar viðbúnaður að koma til. Þetta, sem Líf nefnir, er bara endinn á spýtunni. En verði hryðjuverkavarnir engar, eins og hún virðist kjósa, fá áfalla­streitu­sérfræð­ingar sennilega margfalt fleiri verkefni, sem setja þá sjálfa í brýna þörf fyrir áfalla­streitu­meðferð um langan tíma!

Það gengur ekki að vera með svona ábyrgðar­lausa pólitíkusa eins og þá fulltrúa Vinstri grænna, sem hver eftir annan og undir forystu sjálfs formanns­ins hafa verið með grófar yfir­lýsingar í þessu máli, sem beinast í raun að lögreglunni og yfirstjórn almanna­varna. Þau ættu að láta fagmennina um verkin, eins og tíðkast um þetta meðal annarra þjóða, sem gefa ekki ungæðislegum viðhorfum vinstri-pacifista neitt færi á því að hafa áhrif á landvarnir og löggæzlu í brýnustu öryggismálum.

Svo er þetta einmitt sá flokkurinn, sem ásamt Pírötum og leifum Samfylkingar og hverfandi Bjartri framtíð vill stórauka hingað flæði flóttamanna og hælis­leit­enda, þrátt fyrir að úr hópum þeirra (m.a. frá Írak og Afganistan) koma hingað menn sem naumast hafa sloppið við að vera þátttakendur í borgara­styrjöldum og kunna þannig "til verka"! Þetta eru þeir hópar, þar sem marg­falt meiri líkur eru á því að við fáum útsendara ISIS og annarra hryðjuverka­samtaka heldur en frá því íbúamengi, sem fyrir var hér í landinu.

En VG heldur áfram í sinni vanvizkulegu andstöðu við varnir landsins og andvaraleysi frammi fyrir þeirri ógn, sem steðjað hefur að ýmsum nágranna­þjóðum okkar.

Með fordóma sína gegn landvörnum hefur hin lítt reynda, sæta friðardúfa Katrín Jakobsdóttir, sem skortir mjög á víðsýni í þessum málum öllum, ekkert erindi í Þjóðaröryggisráðið, sem nýstofnað er. Með því að tala sífelldlega gegn örygg­is­ráðstöfunum lögreglu, sem ná aðeins til tiltekinna viðburða, er hún að reyna að grafa undan vörnum almennings. 

Og í þessu tekur þátt Fréttablaðið, sem ítrekað slær upp skopmyndum á leið­arasíðunni, þar sem sérsveitarmenn á útifundum eru búnir vélbyssum, ólíkt því sem er í reynd, að þeir eru búnir skammbyssum. Hystería vinstri manna gegn vopnabúnaði nær engri átt, og minna má þá á, að margoft hefur Landhelgis­gæzlan þurft að manna fallbyssur sínar og skjóta viðvörunarskotum og með þeirri beitingu vopnavalds tekizt að þvinga erlenda landhelgisbrjóta til hafnar og leiða þá fyrir rétt, fyrir utan enn eitt leynivopn LHG: frægt, en einfalt valdbeit­ingartæki sem lamaði brezka togara til ólöglegra veiða hér!

Og rétt eins og sérsveitin hefur nú þegar meðal íslenzkra borgara komið í veg fyrir að úr harmleikjum yrði enn meiri skaði en átti sér stað, þá getur það sama enn frekar átt sér stað, ef hér kemur upp hryðjuverk öfgamanna.

• Á örfáum mínútum tókst vopnaðri lögreglu að koma í veg fyrir, að hatursfullur vinstrimaður næði að salla niður fjölda bandarískra þingmanna í gærmorgun! 
• Án vopnaðar lögreglu í Lundúnum hefðu hnífaárásamennirnir fyrir nokkrum dögum getað haldið áfram að drepa fjölda manns.
• Án viðnáms frönsku lögreglunnar hefðu hryðjuverk þar í landi orðið enn mannskæðari.

Er þetta óskamynd Lífar Magneudóttur og félaga hennar í VG: að hryðju­verka­menn fái fullt svigrúm til að stunda fjöldamorð án tafarlausra viðbragða vopnaðrar lögreglu?

Lítum svo aftur á innflytjendamálin. 60% fjölg­un um­sókna um vernd milli ára er ein nýjasta frétt dagsins. 

Heild­ar­fjöldi um­sókna það sem af er ári er 420. Fjölg­un­in sam­an­borið við árið 2016, bendi enn til þess að fjöldi um­sókna um alþjóðlega vernd á ár­inu geti orðið á bil­inu 1.700 til 2.000. (Mbl.is)

Af 82 umsækjendum um alþjóðlega vernd í maí 2017 voru flest­ir frá múslima­löndunum Alban­íu (29) og Írak (12), en 46% um­sækj­enda ríkj­um Balk­anskag­ans (sem innifelur Albaníu, Makedóníu og Kósóvó, öll ríki með meirihluta múslima).

Og taka menn ekki eftir þessu í fréttinni: "78% um­sækj­enda voru karl­kyns og 22% kven­kyns." En hvers vegna ættu karlmenn að þurfa á hæli að halda þrisvar og hálfu sinni fremur en konur?! Eru þetta kannski fyrrverandi stríðs­aðilar frá Írak eða islam­istar áfjáðir í að komast til Vestur-Evrópu? Hvað vitum við, og hvað veit Útlendingastofnun? Og hvað vita þessir ábyrðar­lausu pólitík­usar í borgar­stjórn og á sjálfu Alþingi? Ungir karlmenn frá múslima­löndum -- á í alvöru að setja þá fremsta á biðbekk hælisleitenda á Íslandi? Teldu okkar nágrannaþjóðir, með sína reynslu, það skynsamlega forgangsröðun? Af hverju ekki að vísa þessum mönnum frá án tafar?

S.k. "efn­is­leg meðferð" innflytj­endamála kostar okkur nú þegar milljarða á hverju ári eða sem nemur einum til tveimur Dýra­fjarðar­göngum. Þótt minnihluti umsækjenda sleppi inn, eftir dýrkeyptar langdvalir hér á landi, þá er eitt sem víst er, að það verður áfram reynt, með hjálp fimmtu herdeildar hér, að troða hingað inn fólki frá múslimalöndum þar sem jafnvel ekkert stríðsástand ríkir. 

En þessi afhjúpun Vinstri grænna á eigin vanþekkingu og varna-andstöðu kann þó að hafa eitt gott í för með sér: að íslenzkur almenningur snúi baki við þess­um flokki og öðrum ámóta, þar sem ekki er tekizt af ábyrgð á við það hlutverk að gæta öryggis íslenzkra borgara og ferðamanna þar að auki, gleym­um því ekki. Ísland á ekki að verða eina Natólandið þar sem engar varnir eru fyrir almenning gegn hryðjuverkum, því að slíkt spyrðist þá brátt til þeirra ill­ræðis­samtaka, sem jafnan reyna að sæta lagi til að valda sem mestum skaða og hörmungum, ekkert síður meðal þeirra þjóða sem hafa krossinn í fána sínum.

Og svo er það Dagur B. Eggertsson, sem vill helzt leggja niður hátíðarhöld á 17. júní, af því að þau eru svo mikil móðgun við fjölmenningarstefnu hans!!! En í Svíþjóð vakti slík tillaga enga lukku hjá lesendum Dagens Nyheter í gær og fyrradag. Tveir sænskir prestar í múslimaborginni Malmö höfðu lagt til, að sænska kirkjan tæki afstöðu gegn þjóðhátíðardeginum og færi fram á að hann yrði lagður niður, enda sé hann "barn síns tíma og eigi að heyra sögunni til, auk þess sem þeir segja að föðurlandsást og þjóðernisstefna leiði ekkert gott af sér" (sjá frétt hér á vef Útvarps Sögu). En þvílíkar virðast einmitt öfgar borgar­stjórans í Reykja­vík, og er hann nú bara sakleysis­legur Samfylkingar­maður! En 83% lesenda Dagens Nyheter reyndust hins vegar ósammála afstöðu Dags B. og sænsku prestanna tveggja!

Jón Valur Jensson.

60% fjölgun umsókna um vernd milli ára

Hættan kemur einnig innanfrá

Mjög góð og mergjuð grein eftir félaga okkar Kjartan Örn Kjartansson.

 Nú hefur þjóðar­örygg­is­ráð verið sett á lagg­irnar. Ég veit ekki um vald­svið þess, en vona að það sé annað og meira en einhver labb-rabb-sam­ráðs­vett­vangur, heldur hafi nægt afl til þess að beita sér með festu þegar nauðsyn krefur og ætli sér að gera það.

Ég leyfi mér að gera ráð fyrir því að formaður VG sé að öðru leyti hin ágætasta mann­eskja þótt mér líki ekki áherslur hennar í samfélagsmálum, en það er einmitt þeirra vegna sem það vekur umhugsun og áhyggjur að einn æðsti prestur þeirra afla, sem landinu stafar hver mest hætta af á svo mýmörgum sviðum, skuli vera meðlimur ráðsins. Það mætti e.t.v. segja að það ætti frekar að vera eitt af verkefnum slíks ráðs að hafa gætur á slíkum öflum og afleið­ingum gjörða þeirra í stað þess að hafa hugsanlega eins konar fimmtu herdeild þar innanbúðar.

Nýlegt dæmi um óábyrgan hugs­unar­háttinn varðandi öryggi fólks er að for­maður VG fann að því að lögreglan skyldi hafa leyft sér að hafa uppi gæslu á ýmsum útifögnuðum og krafðist þess að lögreglan auglýsti það vandlega fyrir fram hvað hún ætlaði að gera. Hermt er þegar þetta er skrifað að einn þing­maður VG ætli sér að taka málið upp á Alþingi í mótmælaskyni við varkárni lögreglunnar, en slíkt aðgát krefðist „umræðu“ og skoðunar. Þá vaknar hins vegar alvarleg spurning um hvers vegna eða þá hvar í heiminum löggæslan upplýsi hugsanlega glæpamenn um viðbúnað sinn, hvar hún er hverju sinni og með hvaða hætti hún ætlar sér að verjast ógnum þeirra? Eru þetta ekki afar óæskileg pólitísk afskipti af löggæslumálum og þá ómaklegt vantraust á íslensk lögregluyfirvöld, sem hafa skyldum gagnvart almenningi að gegna? Vill VG frekar láta allt reka á reiðanum og það verkast sem verkast vill?

Þetta er af sama meiði og það að vilja hafa landamæri Íslands opin fyrir öllum sama hvað það kostar í peningum eða öðru eða hvaða afleiðingar það hafi. VG & Co. eru t.d. andvíg því að snúa þeim tafalaust við sem að eru allt í einu vegabréfalausir við komuna til landsins, en þeir hinir sömu hafa varla komist um borð í flutningsför sín án vegabréfs. Þetta fólk er andsnúið því að gera bakgrunnsgreiningu á landleitarfólki áður en því er veitt landvistarleyfi til skemmri eða lengri tíma eða þá að banna frávísuðum endurkomu til landsins og gera þá að persona non grata sem ætti auðvitað að vera, en það ku hins vegar hafa borið á því að slíkir komi aftur til þess að njóta dvalarinnar og ýmissar frírrar þjónustu á kostnað almennings á meðan verið er að „skoða málið“ mánuðunum saman. Og svo er sumum veittur ríkis­borgara­réttur í flýti með pólitískum þrýstingi nefndra afla og ríkisborgararétturinn þar með felldur að virðingu og gildi og settur niður á einhvers konar tilboð eða útsölu.

Það er ótrúlegt að til er fólk sem vill halda því fram að með því að hafa vopn nálægt sé lögreglan að gera sig og aðra að skotmörkum en ekki að verjast og snýr þar með hlutunum á haus. Ein samlíkingin gæti væri strútfuglinn heimski sem heldur að engin sé hættan á meðan að hann sér hana ekki með hausinn grafinn í sandinn. Hvar annars staðar í veröldinni skyldi slík furðu­hugmynda­fræði vera til? Afneitar þetta fólk því kannske almennt að ofbeldis­glæpir gerist, þrátt fyrir öll dæmin sem sanna annað, eða þá kaldrifjuðum morðum hryðju­verka­kommúnista hér áður fyrr eða jafnvel ógnarverkum og haturs­glæpum múslima sem við hafa tekið og tröllríða heimsbyggðinni? E.t.v. ætti formaður VG og hennar líkir að gefa óupplýstum löndunum í kring um okkur ráðin sín, t.d. að afvopnast og vera ekki að trufla vitfirringuna á forsendum þess að trúfrelsi ríki og að allir eigi að vera góðir við minni máttar eða þá að löndin verði auðvitað að gera sér grein fyrir að morðin eru auðvitað Vesturlöndum og kristni að kenna og því mjög skiljanleg, ekki satt?

Að öllu háði slepptu þótt verðskuldað sé þá þarf vart að minna á að andstaðan við veru Íslands í NATO hefur jafnframt verið eitt helsta baráttumál íslenskra sósíalista og markmiðið ætíð að gera landið varnarlaust, enda séu þeir svo fjarska miklir friðarsinnar. Þetta fólk vill engan lærdóm draga af mannkyns­sögunni gamalli eða nýrri og það lokar augum og eyrum ef eitthvað fellur ekki að þröngsýni og öfga­hugmynda­fræði þess. Almenningur verður að gera sér betur ljóst hvílík áhætta það er að treysta félagshyggju­öflunum svoköll­uðu fyrir þjóðaröryggi okkar, frelsi, lífi og limum.

Kjartan Örn Kjartansson.

Höfundur er öryrki og eldri borgari.

Vill sem minnstan vopnaburð

Öryggismál almennings gagnvart hryðjuverkahættu færast í skárra horf en áður, en betur má, ef duga skal. Úrtöluhjal vinstri manna á ekki að stýra för!

Þetta á þjóðarör­ygg­is­ráð, sem kemur öðru sinni saman í dag, að vita, m.a. að auka þarf fjárveitingar til lögreglu vegna þeirra nauðsynlegu ráðstafana sem hafnar eru til að tryggja hér öryggi, eins og sást í þremur ólíkum aðgerðum lögreglu um helgina, en full þörf verður á með ítrekuðum hætti næstu mánuði og misseri.

Að kalla út 120 manna lögreglulið á vakt, eins og gert var í gærkvöldi til öryggisgæzlu 10.000 áhorfenda við landsleik Íslands og Króatíu, er meðal kostnaðarmeiri aðgerða, og nokkuð hliðstæð var gæzlan við Litahlaupið í fyrradag, auk þess sem hindrunum var komið fyrir til að tryggja svæðið. En vegna sjómannadags-hátíðahalda á Grandagarði í gær, sem margir tóku þátt í og fóru hið bezta fram, var gengið svo vel frá málum með lokun götunnar báðum megin frá, að þar þurfti ekki lögreglulið á staðinn; en björgunar­sveita­menn voru á svæðinu og fleiri til eftirlits.

Vinstri græn eru á grunni sinnar meintu friðarhyggju farin að hnýta í yfirstjórn lögreglu og stjórnvöld vegna þessara ráðstafana, sem Katrín Jakobsdóttir telur t.d. að hefði átt að tilkynna almenningi um fyrir fram. En þeir, sem mættu á svæðin, upplifðu fremur öryggistilfinningu en óþægindi af návist okkar ágætu löggæzlumanna.

Fráleitur málflutningur um þessi mál birtist í leiðara Fréttablaðsins í dag, í grein eftir menningarblaðamanninn Magnús Guðmundsson. Það verður ekki af þeim skafið vinstri mönnum á Íslandi, að þeir hafa lengi óraunsæir verið og ábyrgð­ar­lausir í varnar- og öryggismálum, og þarna birtust skýr dæmi þess.

Engin ástæða er til að ætla, að á Íslandi sé fyrir fram útilokað að hryðjuverk geti átt sér stað. Kæmust illræðis­menn ISIS eða annarra hryðju­verka­samtaka á snoðir um, að hér væru litlar sem engar varnir gegn árásum á almenning og lykil-samkomustaði, þá væri viðbúið, að þeir gætu gengið á lagið. Öryggis­keðjan í vörnum Vesturlanda er ekki sterkari en veikasti hlekkurinn, og fyndu óvinir vestrænnar kristni, samfélags og menningar, að hér væri einn veikasti hlekkurinn, ættu þeir fullt færi á að nýta sér það, með allt það ferðafrelsi og miklu umferð til landsins, sem hér ríkir, og jafnvel í krafti þess að geta laumað liðs­mönnum öfga­samtaka til landsins undir yfirskini flótta frá stríðs­ástandi og/eða hælis­leitar vegna bágbor­inna kjara í heimalandinu. Má þar hafa hugfast, að af báðum þeim svæðum er helzt "von" múslima, en eins og kunnugt er, eru yfir 80% hryðjuverka í heiminum á þessari öld framin af meðlimum múslima­safnaða af ýmsu tagi. En jafnframt er vitað, að á síðustu tímum hafa hryðju­verkamenn beitt ýmsum óhefð­­bundnum "vopnum", tiltækum í flestum löndum, í baráttu sinni gegn Vestur­landa­mönn­um, og enn gæti sú barátta þeirra harðnað með ófyrir­leitnum vopnum. Á enginn Íslendingur með sjálfsvirðingu að stuðla að því, að færi verði gefið á almenningi með ákvörðunum byggðum á óraunsæi, óskhyggju og andvaraleysi.

Við eigum m.a. að nýta okkur aðildina að NATO til að varnar­bandalagið leggi fram bæði tækjabúnað, sem okkur kann að vera nauðsynlegur, þjálfun lögreglu­manna til að fyrirbyggja og glíma við hryðjuverk og aðgang að gagna­bönkum þeirra aðildar­þjóða sem skráð hafa grunsam­lega einstaklinga, en á móti getum við miðlað upplýs­ingum til baka, ef einhverjir þeirra eiga leið hér um, og mun það síðastnefnda reyndar nú þegar í gangi með virkum hætti að einhverju leyti (sbr. hér). FRH.

PS.  Skoðanakönnun stóð yfir á vef Útvarps Sögu um helgina og niðurstaðan birt nú í hádeginu. Þar var spurt: Ertu andvíg/ur vopnaburði lögreglu? NEI sögðu 81,43%. JÁ sögðu 16,43%, en hlutlaus voru 2,14%. Þetta styður í raun þær aðgerðir, sem Lögreglan á höfuðborgarsvæðinu greip til nú um helgina.

Jón Valur Jensson.

Þjóðaröryggisráð fundar í Keflavík

Sjómannadagurinn

Í dag er sjómanna­dagur­inn, sem hefur breyst í tím­anna rás. Man ég þann tíma þar sem allir lands­menn fögn­uðu með sjó­mönn­um á þess­um degi, enda sjávar­útvegur og sjó­mennska aðal-drif­fjöðrin í þessu landi. Útgerð­ar­fyrir­tækin voru stað­sett dreift um allt land, sköp­uðu vinnu og fjöl­breytt menn­ingarlíf.

Því miður hefur þetta verið á undanhaldi, þar sem stór­fyrirtæki hafa sópað að sér kvóta lands­manna í boði stjórn­valda, með þeim afleið­ingum að einungis örfá stór sveitar­félög hafa einhvern sjávar­útveg og halda upp á þennan dag af einhverri reisn, þar má nefna Grindavík sem dæmi.

Frá Grinda­vík­ur­höfn. mbl.is/Ómar

 

Íslenska þjóðfylkingin kom fram með frjálsar strand­veiðar sem stefnu­mál sitt fyrir síðustu kosn­ingar og meinti það, enda fullmótuð aðferða­fræði hvernig koma ætti slíku í framkvæmd. Þetta tóku hinir flokkarnir upp, það er að segja fyrri hlutann, en höfðu ekki hugmynd um hvernig þeir ætluðu að framkvæma slíkt. Aðrir flokkar fóru um landið og buðu byggða­kvótann handa þeim svæðum sem þeir voru í framboði fyrir. Þetta var gert til að koma í veg fyrir að menn myndu ganga til liðs við Íslensku þjóð­fylkinguna. Þetta keyptu trillukarlar um land allt og sitja nú með sárt ennið eftir að enginn hinna flokkanna meinti neitt með því er þeir sögðu. 

Íslenska þjóðfylkingin mun halda áfram að bejast fyrir breyt­ingum á lögum um stjórn fiskveiða, án þess að rústa því sem fyrir er, heldur gera sjávar­útveg sanngjarnan, með það að markmiði að byggðir um land allt geti verið stoltar af sinni þátttöku í þessari atvinnugrein. 

Íslenska þjóðfylkingin vill óska lands­mönnum til hamingju með daginn og þá sérstaklega sjómönnum og fjölskyldum þeirra. Þeir eru og verða alltaf „hetjur hafsins og bjargvættir landsins“, því eiga landsmenn þeim mikið að þakka.

F.h. Íslensku þjóðfylkingarinnar,

Guðmundur Karl Þorleifsson formaður.

Grindvíkingar gleðjast með hetjum sínum

Gripið verður til æ betri varnarkerfa gegn óvinum þjóðfélagsins

Ánægjuleg er sú tækniframför sem þýzka lögreglan er nú að koma í gagnið: and­lits­grein­ing á lest­ar­stöðvum "í því skyni að hjálpa lög­reglu að finna hryðju­verka­menn."

Thom­as de Maizi­ere inn­an­rík­is­ráðherra sagði að tækn­in verði prófuð á sjálf­boðaliðum á Su­ed­kr­euz-stöðinni í Berlín og að gef­ist til­raun­in vel verði hún inn­leidd á fleiri lest­ar­stöðvum. 

„Við höf­um nú þegar mynd­bands­eft­ir­lit á lest­ar­stöðvum. En við höf­um ekki getað sett mynd af hryðju­verka­manni í kerfi sem læt­ur okk­ur vita þegar hann kem­ur í mynd,“ sagði Maizi­ere í viðtali við dag­blaðið Tagespieg­el. „Reyn­ist tækn­in áreiðan­leg ætti hún líka að vera notuð til að finna ann­ars kon­ar glæpa­menn.“ (Mbl.is)

Þannig reynist sókn alþjóðlegra glæpamanna gegn almenningi verða til þess með eins konar pendúls-áhrifum, að gripið verði til æ betri varnarkerfa.

Sam­kvæmt frétta­skýr­ingu Tagespieg­el er ekki lík­legt að nýja kerfið verði fyr­ir laga­legri mót­stöðu vegna þess að það yrði aðeins notað til að finna þá sem liggja und­ir grun. Þannig bryti það ekki á rétt­ind­um þeirra sem koma rann­sókn­inni ekki við. 

Hér á Íslandi þurfum við að gæta þess, að meint persónuvernd verði ekki látin ganga fyrir öryggi almennings.

Nýjasta stóra hryðjuverkið í Þýska­landi var mann­skæð árás á jóla­markaði í Berlín árið 2016 þegar maður frá Tún­is keyrði flutn­inga­bíl á mann­fjölda og drap tólf manns.

JVJ.

Greina andlit á lestarstöðvum

Keep calm and carry on ...

Þessi fyrirsögn er í anda þess hugarfars er einkennir fjársjúkan huga líb­er­alista Evrópu um þessar mundir. Ég set þessi orð á blað vegna þess að því miður, ef fortíðin er einhver leiðarvísir, hefur Manchester-árásin orðið fyrirsögn í nokkra daga alveg eins og allar hinar árásirnar og svo búið... Nokkrum dögum eftir að þetta var skrifað héldu hryðjuverkin áfram í Lundúnum, nú á London Bridge og frægum matarmarkaði rétt hjá Borough market... Og sú bylgja yfirlýsinga, í takt við þá hér að ofan af hálfu forráðamanna þjóðanna sem fleygt hafa ábyrgðarhlutverki sínu til að vernda landsmenn og gæta, er kosið hafa þá til slíks, finnst tilhlýðilegt að bjóða upp á yfirlýsingar í þessum dúr, eins og hryðjuverkin séu af völdum náttúruhamfara en ekki af völdum islamskra hryðjuverkamanna og ákvarðanatöku þeirra sjálfra, er hafa með viðhorfi sínu, slæmum ákvörðunum og síðan aðgerðaleysi gefið veiðileyfi á landsmenn í borgum Evrópu sem og hér. 

Ég vil benda á að við erum nokkrum árum á eftir Evrópu í þessum efnum, en stjórnarerindrekar reyna allt hvað af tekur að flýta því að ástandið verði með sama hætti hér á landi með stöðugum innflutningi hælisleitenda og efna­hags­flóttamanna.

Íslenska þjóðfylkingin fór  snemma að reyna að vekja athygli á þróun sem var fyrirsjáanleg, en enginn flokkur, ég endurtek: enginn var það andlega sterkur að vilja skoða málið út frá sögunni... En það má til sanns vegar færa að erfitt er að viðurkenna mistök og að mannslíf og fjármagn landsmanna hafi verið sett í pott glötunar, til að þjónusta eigið egó, því ekkert er eðlilegt við rétttrúnaðinn.

Það er farið að verða sjaldgæfara í dag en fyrir eingöngu ári síðan að fólk sjái ekki í gegn um þessar heimskulegu aðgerðir, er milljónum manna, 90% karl­menn á besta aldri búnir nýjustu græjum, var sópað inn í álfuna undir yfir­skriftinni „góðmennska“. Hvar voru öll börnin og konurnar? Fæstir íslenskir karl­menn (nema einstaka líberalisti) hefðu flúið frá konum og börnum og skilið þau eftir undir sprengjuárásum og öðru er fylgir stríði, enginn með fullu viti gerir slíkt nema annaðhvort þeim sé skítsama um konur og börn og þau séu á par við húsdýr, eins og segir í ritum islams, eða veraldlegri ástæður ráði gjörðum... En voru þetta þá allt stríðshrjáðir ungir menn eða voru þetta efna­hagsflóttamenn og hælisleitendur, sem höfðu ekki velferðarkerfi í sínum löndum? Af hverju ungir menn, getur verið að stór hluti hafi verið ISIS og aðrir hryðjuverkahópar? Allavega segja ISIS sjálfir að þeir hafi þúsundir blundandi hryðjuvekamanna í Evrópu er þurfi eingöngu hvatningu og þá fari þeir af stað.

Nú, þeir eru líka heimaræktaðir hryðjuverkamennirnir, annarrar kynslóðar menn og konur, er hafa alist upp í moskum sem hafa sharia-lög sem viðmið og eru þau rétthærri en landslög að þeirra mati og framfylgni; nú skyldi enginn segja að landslög séu auðvitað rétthærri, fyrir okkur væri slíkt almenn skyn­semi, en lengra nær það ekki, þessir múslimar hlusta ekki á slíkt og hlæja að okkur, enda með skipulag um hvernig þeir notfæra sér einfeldni Evrópubúa og láta okkar eigin lög um frelsi bíta til baka, og þeir sem ekki þekkja til gleypa við yfirlýsingunum um minnihluta­hóp þeirra (þótt þeir séu hundruð milljóna) og við yfirlýsingum þeirra um að islam sé trú friðar; islam þýðir submisson á ensku, er útleggst: undirgefni, auðmýkt, uppgjöf. Múslimi sem ástundar trúna og trúir á Kóran, Hadith og Síru getur ekki orðið trúr neinu landi og þjóð sem hann flytur til, það einfaldlega liggur ekki í hlutarins eðli frekar en svart sé hvítt ...Moskur eru ráðhús og sharia eru lögin...

Í Manchester voru 22 drepnir, mikið börn og unglingar sem voru á tónleikum og 59 særðir... Og hér verð ég að bæta við því nýjasta: 8 látnir og fjöldi særðra á London Bridge og Borough market... Og ráðamenn Evrópu samsamast um að stinga höfðinu í sandinn undir yfirskriftinni: „höldum ró okkar“, líka forseti þessa lands.

Hvað eru hryðjuverkin orðin mörg, hvað eru fórnarlömbin orðin mörg, hvenær er búið að normalisera þetta nægi­lega mikið, dauða­gildruna keep calm and carry on-hugar­farið/hugar­ástandið. Þetta hugarfar getur líka verið gríðarleg fötlun, svo hrikalegt sem það er, meðvitað af fólki sem væri talið almennt með fullum fimm, en er í sjálfu sér hættulegra en hryðjuverkamennirnir vegna þess valds er það hefur og líka tekur sér... Og nú höfum við ný hryðjuverk í London og svanasöngur dauðans heldur áfram hjá rétttrúnaðinum, Teresa May tók eitthvað sterkara til orða en áður, en segir samt ekki það sem nauðsynlegt er, t.d. það að hreinsa landið. 

Aðeins í Bretlandi, samkvæmt fréttum, eru mögulega 3.500 hryðjuverkamenn og ISIS-hryðjuverkamenn komnir til baka frá Sýrlandi 400 talsins... Nýjustu fréttir hins vegar er að tala hryðjuverkamanna sé 23.000 en ekki veit ég hvort tala þeirra er fóru til Sýrlands og kom til baka hafi breyst ...

Það er löngu komin tími til að stjórnarhættir breytist í Evrópu, brýn þörf er á því að færa lýðræðið betur út til fólksins, því hver katastrófan á fætur annarri hefur riðið yfir fólk, fjármálahrun, stríðsrekstur og allrahanda inngrip í líf fólks af embættismönnum er ekki valda lengur valdinu... Hvers vegna skyldi það vera, getur verið að forgangsröðunin sé ekki lengur land og þjóð heldur eigin meiningar og eigin þarfir og sérhagsmunir eins og t.d. valdablokka eins og Tisa samningarnir ganga út á...

Hvað haldið þið að hafi verið sett upp í neðanjarðar-lestarstöðvum Bret­lands eftir 22. mars þegar íslamskur hryðjuverkamaður keyrði niður meira en 40 manns á Westminster Bridge, braut girðinguna sem verndar þinghús Bretlands og stakk lögreglumann? Já haldið ykkur...

“All terrorists are politely reminded that this is London and whatever you do to us we will drink tea and jolly well carry on”   (March 22).....

Þetta flokkast undir fárveikt hugarfar... Svona hefur þetta verið við öll hryðjuverkin, eins og um náttúrulögmál væri að ræða, ekki meðvitaðar morðtilraunir hryðjuvekamanna... Og allt er þetta gert til að lama viðnám landsmanna vegna einhverra hagsmuna sem koma ekkert við eigendur landsins, meirihluta landsmanna.

Fyrir hönd Íslensku þjóðfylkingarinnar,

Sigurlaug O. Björnsdóttir.

Átta látnir eftir hryðjuverkin

Evrópuþjóðir sem loka nánast á aðkomu múslima sleppa alveg við hryðjuverk - hinar miklu síður

Fólksfækkunarferli Evrópu og líka Ís­lands (nú fæðast aðeins 1,75 börn á hvert par eða hjón hér á landi) ætti að verða okkur hvatning til að gera betur í barneignamálum til að standa með þjóðinni á tímum viðsjálla umbyltinga vegna fólksflutninga og vinna gegn fjölgun fóstureyðinga (það vill þjóðin).

Milljónir Bandaríkjamanna koma til Evrópu á hverju ári, áratugum saman, og þeim fylgja engin hryðjuverk.

Pólverjar, Ungverjar, Tékkar, Sló­vakar o.fl. þjóðir austan gamla járn-tjaldsins og vestan Rússlands loka nánast á aðkomu múslima. Þeir sleppa líka alveg við hryðjuverk. Það gera hins vegar Frakkar ekki, ekki Bretar, Spánverjar, Belgar né Þjóðverjar.

Úr evrópsku löndunum, þar sem múslimar eru í meirihluta (Albaníu, Makedóníu, Kosowo), streyma "efnahagsflóttamenn" (auk fólks sem vill komast á félagslegt framfæri ríkari landa). Ekki eru það mikil meðmæli með ástandinu í þeim löndum, þótt þar sé ekkert stríð.

Yfirgnæfandi meirihluti Evrópumanna vill loka á frekari aðflutninga múslima til lands sinna, eins og fram kom í ýtarlegri könnun Chatham House í byrjun þessa árs og HÉR hefur áður verið sagt frá.

Jón Valur Jensson.

Skynsamleg varúð gagnvart möguleikanum á hryðjuverki

Það er eðlilegt, að Lög­regl­an á höfuðborg­ar­svæðinu hafi varann á sér vegna sam­komu­halds sumars­ins og óski eft­ir áhættu­mati grein­inga­deildar rík­is­lög­reglu­stjóra vegna hryðju­verka­ógn­ar sem vof­ir yfir Evr­ópu­löndum, enda tryggjum við ekki eftir á. 

Í frétt­um Stöðvar 2 í kvöld hafði

... frétta­stof­an eft­ir Ásgeiri Þór Ásgeirs­syni, yf­ir­lög­reglu­þjóni hjá Lög­regl­unni á höfuðborg­ar­svæðinu, að lög­regla muni óska eft­ir mati grein­ingar­deild­ar­inn­ar í tengsl­um við þær hátíðir sem haldn­ar verða í höfuðborg­inni í sum­ar. „Til þess að við get­um bet­ur markað þær ör­ygg­is­ráðstaf­an­ir sem við get­um gripið til,“ sagði Ásgeir.

Við blasir, að Lög­regl­an á höfuðborg­ar­svæðinu ætlar ekki að gleypa við þeim fullyrðingum Guðlaugs Þórs utanríkis­ráðherra, að hér sé lítil hryðjuverka­hætta, en grein­ing­ar­deild rík­is­lög­reglu­stjóra hefur að undanförnu metið hættu­stig vegna mögu­legra hryðju­verka á Íslandi "í meðallagi".

Í nokkr­um þeirra hryðju­verka­árása sem framdar hafa verið í Evr­ópu á und­an­förn­um miss­er­um hafa stór öku­tæki verið notuð til þess að aka á gang­andi veg­far­end­ur og marg­ir látið lífið eða örkuml­ast. Slíkt veki upp spurn­ing­ar um það hvort hætta sé á slík­um aðgerðum hér á landi,

segir ennfremur í frétt af þessu á Mbl.is.

Hér eru of mikil mannleg verðæti í húfi til að menn geti bara yppt öxlum og talið ekkert geta breytzt í þessum efnum hér á Íslandi. Það þarf ekki nema einn erlendan vígamann hingað til að hann geti fengið sér öflugan bíl til að aka yfir mannfjölda. Þar skiptir miklu máli að forvarnir og eftirlit sé í lagi, m.a. með bílaleigum, en hér skal einnig minnt á þann lærdóm Frakka af Nice-hryðju­verk­inu mann­skæða, að öflugar veghindranir með reglu­bundnu millibili, þar sem mikill mann­grúi kemur saman, getur takmarkað, jafnvel lágmarkað áhrifin af slíkri fjölda­morðs­tilraun.

Jafnvel brezka lögreglan nagar sig nú í handarbökin fyrir að hafa ekki fylgzt nógu vel með öfgamúslimum sem búið var að benda henni á fyrir nokkrum misserum, en hún skellti skollaeyrum við þeim ein­dregnu viðvörunum, og því fór sem fór, að bæði Manchester- og Lundúna­hryðju­verkin fyrir hvítasunnuna dundu yfir óviðbúna brezku þjóðina. 

Látum ekkert í þessa áttina gerast hér!

Jón Valur Jensson.

Óska eftir áhættumati á hryðjuverkaógn

Aftur brást lögreglan: "Ég er til­bú­inn í nafni Allah að gera það sem gera þarf, jafn­vel að drepa mína eig­in móður!"

Ekki dugði þetta brezku lögreglunni og Scot­land Yard til að setja pak­ist­anska islamist­ann í London undir strangt eftirlit, hvað þá til að taka hann úr um­ferð! 

Eins var í Man­chest­er: ekki farið eftir vís­bend­ingum sem hefðu get­að komið í veg fyrir sprengju­árás­ina við tónleika­höllina.

22 + 7 líf eru farin í súginn og hátt á ann­að hundrað manna særðir og sumum vart hugað líf -- þetta er afleið­ingin af því tak­markaða eftirliti, sem Theresa May segist nú ætla að koma á réttan kjöl. (Sbr. einnig hér: Kerfið brást - eftirlitið allt of slælegt með öfga-islamist­um. Ennfremur: Þrátt fyrir endurkomu 350 brezkra jíhadista úr "heilögu stríði" ISIS, hefur aðeins einn þeirra verið stöðvaður!)

Bretar hafa ýmsir reynt að blása á hvassa gagnrýni Donalds Trump, en alveg er ljóst, að þeir hafa heldur betur verið með buxurnar niðrum sig í þessum mál­um. Við skulum bara vona, að frú May takist að hysja upp um þá aftur, eða halda menn, að hr. Corbyn sé einhver bógur til þess að koma sér upp á kant við kjósendur sína í múslima­samfélaginu?

En við þurfum ekki á neinni feimni við meðhöndlun mannréttinda að halda þegar í húfi eru tugir eða hundruð samborgara okkar. Og múslimar í Bretlandi, sem margir hverjir hafa lýst yfir stuðningi við al-Qaída á árum áður, ættu ekki að láta það koma sér á óvart, að fylgzt verði rækilegar með þeim en t.d. kvek­urum eða Rótarý­félögum, Kalvín­istum eða Junior Chambers eða kven­félögum á Humberside. Svo mjög hefur fjölgað í múslima­samfélaginu brezka (um þrjár milljónir manna, þar af um 23.000 sem eru hlynntir "heilögu stríði"), að lög­reglan ræður ekki við verkefnið nema hún einbeiti sér að múslimunum, öllum öðrum fremur, í tengslum við hugsanleg hryðjuverk.

En sannarlega þarf einnig að auka fjár­veitingarnar til lögreglunnar, og það sama á við hér á landi, Engeyjar­frændur og Guðlaugur Þór hinn andvaralausi!

P.S. 5. júní. Jafnvel vinstrisinnaði fréttamaðurinn Jóhann Hlíðar Harðarson var með það sem fyrstu frétt í hádegisútvarpi Rúv í dag, að maður hafði gefið sig fram við brezku lögregluna fyrir tveimur árum með ábendingar um að Salman Abedi (Manchester-fjöldamorðinginn) hafi þá verið kominn út í ofurróttækni, vísað jafnvel frá mosku sinni vegna þess og verið að reyna koma islamstrú inn á börn, ennfremur sveipað um sig með ISIS-fánanum á einhverju torginu! Ekkert gerði lögreglan í málinu og kallaði hann ekki til yfirheyrslu!

Jón Valur Jensson.

Lögregla var vöruð við árásarmanninum