Nýtt blóðbað í Lundúnum. ISIS fagnar. Trump gefur gild ráð: lokið á innflutning múslima!

Óhugnaðurinn er ekki lítill: fyrst ekið yfir fólk á sendibíl, síðan ruðzt út með langar sveðjur og menn stungnir hver af öðrum og m.a. tvítug stúlka. Þeir voru þrír saman þessir hrottar, þetta er enginn einfari, þetta eru víslega múslimar af svæsnustu gerð, sem offramboð er af nú um stundir. London er öll í uppnámi, almenningur, lögregla og stjórnvöld.

Það er verið að breyta friðsælu Englandi í vígvelli einn af öðrum. Annarleg mannhaturs-hugmyndafræði öfga-islamista býr að baki. Fagrir staðir með aldalangar minningar, eins og Vauxhall, verða skyndilega atburðasvið ógnar og skelfingar. 

Hér er sonnetta Johns Keats (1795-1821), tileinkuð konu sem hann sá bregða fyrir í Vauxhall fimm árum fyrr:

XLIII. sonnetta

Til konu sem skáldið sá nokkur andartök í Vauxhall



Í fimm ár útfall sjávar séð ég hef

og sendna fjöru án afláts breyta sér,

frá því þín fegurð óf mig í sinn vef,

mitt auga, er dróstu hanzka af fingrum þér.

Og enn, ef himna lít ég næturljós,

er ljómi þinna augna sefi minn;

mig gleður ei hin unga villirós,

mín andans fró er rjóður vangi þinn;

mig gleður ei hið bjarta lífsins blóm,

en blítt mitt eyra hlustar eftir því

hvað vakti þrá, við vara þinna óm,

þá vaknar löngun mín til þín á ný.

Þú varpar skugga á heimsins yndi allt.

Án þín er lífið hryggðarfullt og kalt!

Jón Valur Jensson þýddi.

Fegurðin ríkir ekki lengur, nú er jafnvel vegið að saklausri, ungri konu með haturssveðju í nafni islams!

Og nú talar helzti meintur friðarspillir allra vinstrisamkvæma heimsins inn í þessa brezku atburði, Donald Trump Bandaríkjaforseti: Eina ráðið er að loka á innflutning allra múslima til Vesturlanda!

Hvað finnst lesendum um það?

JVJ.

Urðu vitni að stunguárás

Athugasemdir

[Íslenska þjóðfylkingin, 4.6.2017 kl. 01:33]

RÚV.is segir svo frá:

Lundúnabrúnni hefur verið lokað, yfir ána Thames og fjölmennt lið lögreglu og sjúkraliða eru á staðnum hvar sendiferðabíl var ekið á gangandi vegfarendur laugardagskvöld. Lögreglan hefur staðfest að fleiri en einn hafi látið lífið og um tuttugu séu sárir.

 

Þetta vitum við:

• Sendiferðabíl var ekið á gangandi vegfarendur á Lundúnabrúnni yfir ána Thames rétt fyrir klukkan 22, laugardagskvöld. 

• Á vef BBC kemur fram að hann hafi verið hvítur og honum ekið upp á gangstétt á um 80 kílómetra hraða og á um fimm manns.

• Skömmu síðar bárust fregnir af mönnum við Borough Market, í nágrenni Lundúnabrúar, vopnuðum hnífum. Mennirnir eru sagðir hafa stungið fólk.

• Lögreglubátar leita í ánni. Vitni segir við BBC að hugsanlegt sé að einhverjir hafi kastast út í ána þegar ekið var á þá.

• Rétt fyrir 23 var lögregla kölluð út að Vauxhill í suðurhluta Lundúna. Í fyrstu var það talið tengjast atburðunum á brúnni en svo reyndist ekki vera.

• Lundúnarlögreglan hefur staðfest að fleiri en einn hafi látið lífið og um  tuttugu eru sárir.

• Atburðirnir á Lundúnabrú og við Borough Market er rannsakaðir sem hryðjuverkaárás, að sögn lögreglu.

• Fréttir hafa borist af því að lögreglan hafi skotið tvo árásarmenn. Ekki er útilokað að þeir hafi verið fleiri.

(jvj)

[Íslenska þjóðfylkingin, 4.6.2017 kl. 09:36]

Úr morgunfréttum RÚV:

• Sjö eru látnir, auk árásarmannanna. 48 manns til viðbótar hafa verið fluttir á spítala.

• Lögregla telur að árásarmennirnir hafi verið þrír og segir að vopnuð lögregla hafi verið búin að fella á alla átta mínútum eftir að fyrsta tilkynning um árásina barst.

[Íslenska þjóðfylkingin, 4.6.2017 kl. 09:46]

... fella þá alla ...

á þetta að vera.

Viðbrögð lögreglu virðast snörp og árangursrík.

PS. Þrátt fyrir að fyrstu fréttir um Vauxhall sem eitt svið árásanna hafi reynzt rangar, leyfi ég ljóði Keats að standa, sem vitnisburði um lífið.

JVJ.

[Jón Valur Jensson, 4.6.2017 kl. 10:14]

Og vitaskuld skil ég þá friðsömu múslima vel -- eins og hr. Khan, borgarstjóra Lundúna -- sem eru sárir og hneykslaðir, að slíkar árásir gerist í nafni islams.

Engu að síður vil ég ítreka hér fyrri tillögu mína, að sett verði tímabundið bann á ferðir eða a.m.k. innflutning múslima til Evrópu, þar til múslimskir hryðjuverkamenn hafa látið af drápsathæfi sínu þar um ákveðinn tíma, 1-2 ár eða svo.

[Íslenska þjóðfylkingin, 4.6.2017 kl. 10:18]

Haldi þeir síðan áfram fjöldamorðum á nýjan leik, má aftur skella á slíku innflutningsbanni frá múslimaríkjum. --JVJ.

[Merry (IP-tala skráð) 4.6.2017 kl. 12:49]

Jón Valur

Einn var heyrt að hrópa út "þetta er fyrir Allah" .

Erfitt fyrir vinstrisinnar að segja að það hefur ekkert að gera með íslam.

https://www.thereligionofpeace.com/attacks/attacks.aspx?Yr=Last30

[Merry (IP-tala skráð) 4.6.2017 kl. 13:08]

Jón Valur - ég hef lest öðruvisi um Sadiq Khan - Mayor of London.

Googla þessu:  London mayor supports terrorists

[Þorsteinn Sch Thorsteinsson (IP-tala skráð) 5.6.2017 kl. 23:42]

Frábær árangur hjá Lögreglu í London hérna, sjá flott myndband:

https://www.facebook.com/palestinenationalunity/videos/681242508726835/