Hverju erum við að bjóða heim með "búsetuúrræði fyrir hælisleitendur"?

Menn geta velt því fyrir sér við lestur viðtengdrar fréttar af nýjum of­beld­is­átök­um í Stiga­hlíð, þar sem rík­is­manna­hús var leigt dýrum dómum* und­ir hæl­is­leit­end­ur sem virð­ast eiga erf­itt með að búa saman í friði og spekt.

Á aðeins nokkrum dögum hafa tvö slík tilfelli orðið þess vald­andi, að kalla þurfi lögreglu að staðnum (í fyrra skiptið nægði ekki ekkert minna til en þrír sér­sveit­ar­bílar með átta fullbúnum sér­sveit­ar­mönnum auk almennra lögreglu­bíla og lögreglu­manna, sjá hér! með mynd).

Vinstri menn og "góða fólkið" hefur þótzt vilja vel fyrir sjá, taka þessa inn­flytj­endur upp á arma sína, jafnvel bjóða þeim ókeypis notkun síns húsnæðis, en minna heyrist um efndirnar! Á meðan fjölgar tilfellum sem þessum.

* Á 1,3 millj. á mánuði!

Jón Valur Jensson.

Barði blóðugur að dyrum í Stigahlíð

Er hlaðið undir vanþakkláta og jafnvel hættulega hælisleitendur?

Stigahlíð var til skamms tíma ein dýrasta gatan í borginni. Þar þókknaðist yfir­völdum að fá hús til afnota, starf­rækja þar gisti­heim­ili fyr­ir er­lenda rík­is­borg­ara sem óska hér eft­ir alþjóðlegri vernd. Sérsveit lögreglunnar var kölluð þangað í gærkvöldi: "þrír sérsveitarbílar með átta fullbúnum sérsveitarmönnum auk almennra lögreglu­bíla og lögreglu­manna" (mbl.is). Minna dugði ekki til!

Að minnsta kosti einn var hand­tek­inn í hverf­inu. "Að sögn sjón­ar­votta hafði sá hand­tekni verið með stórt eggvopn innan­k­læða" (mbl.is).

Sér­sveit­ar­menn að störf­um. Ljós­mynd aðsend

Nú þegar hafa hælisleitendur eða flóttamenn framið hér tvö morð. Þykjast stjórn­völd geta treyst því, að flóttamenn sem koma hingað af stríðs­svæðum, einkum karl­menn sem gegnt hafa her­þjón­ustu eða verið meðal uppreisnar­manna, séu æskilegir nýbúar í landinu? Hér er ekki verið að tala um fjölskyldumenn, sem lifa reglusömu lífi, heldur einstaklinga sem hingað koma rótlausir og jafnvel illa áttaðir, óvanir því frelsi sem hér ríkir eða ekki að fullu sáttir við það hverjir gista með þeim í hinu opinbera skjóli.

Eiga Íslendingar jafnvel, þrátt fyrir takmarkaðan fjölda flótta­manna og hælis­leitenda hér enn sem komið er, miðað við stærri lönd Evrópu, eftir að upplifa hér eitthvað af þeim alvarlegu vandamálum sem eru farin að hrjá Norður­landa­þjóðir vegna slíks aðkomufólks, sem og bæði Þjóðverja og Austur­ríkis­menn og Frakka, Hollendinga og Belgja að auki?

Síðan hvenær hefur það talizt óráðlegt að fara varlega að málum?

Jón Valur Jensson.

Sérsveitin kölluð út í Stigahlíð

Íslenska þjóðfylkingin mótmælir frekari aðlögun að ESB í gegnum EES-samninginn

Það hefur komið á daginn að Íslenska þjóðfylkingin hefur haft á réttu að standa, er hún varaði við frekari samruna við ESB í gegnum EES-sam­komu­lagið. ESB kemur alltaf til með að seilast meir og meir inn í okkar stjórn­sýslu og efna­hag, stígum við ekki niður fæti og förum í grund­vallar-endur­skoðun á þessum samn­ingi. Arfavitlaus landbúnaðar­samn­ingur er eitt dæmi þess. Það síðasta í þessu máli er orkumálin, en það hefur farið hljótt fyrir þeirri ákvörðun stjórnvalda, er þau samþykktu tvær fyrri samþykktir um orkumál við Evrópu­sambandið. Nú er komið að þeirri þriðju, þar sem ESB krefst yfir­ráða yfir orku­málum á EES-svæðinu og þar með á Íslandi (ACER-málið).

 

Hvenær ætluðu stjórnmálamenn að útskýra þennan gjörning fyrir landsmönnum, eða átti bara að hleypa þessu í gegn, án umræðna eins og þeim fyrri? Eða ætla stjórn­mála­menn einnig að þegja yfir sjávar­útvegs­stefnu ESB, sem er með það á borðinu að yfirtaka stjórnun fiskveiða á EES-svæðinu og þar með á Íslandi. Nú segjum við stopp!

 

Íslenska þjóðfylkingin telur rétt að efna til grundvallar-upplýsinga um hver staða landsins sé gagnvart Evrópska efnahagssvæðinu (EES) og þá um leið ESB. Íslenska þjóðfylkingin telur að þegar landsmenn hafi verið upplýstir um stöðu mála, sé rétt að segja sig úr EES-samstarfinu og gera tvíhliða viðskiptasamning við ESB, sem og Breta. Ekki verði farið frekar að lögum Evrópusambandsins, alþingi Íslendinga verði að girða sig í brók og vera verðugt þess að setja þau lög sem ætlast sé til að Íslendingar fari eftir. Sjálfvirkar samþykktir alþingismanna á lögum frá ESB heyri sögunni til, alþingismenn þurfi að sýna ábyrgð.

 

Íslensk utanríkisstefna hefur hlotið skipbrot að undanförnu, vegna undirlægju­háttar íslenskra ráðamanna. Þó hafa þeir sýnt að þeir kunna að semja og ættu að gera fleiri samninga við hin ýmsu ríki um tollfrjálsan aðgang, sem myndi efla hagkerfi landsins. Hætta að skipta okkur af háhitasvæðum pólitískra valda­blokka, heldur vera klók og eiga samskipti við sem flesta á jafnræðis­grundvelli. Menn geta haft síðan hinar ýmsu skoðanir á stefnu í utanríkismálum, en það á ekki að bitna á verslunar­frelsi né almenningi í landinu. Dvergríkið Ísland á ekki að þenja út á sér brjóstkassann, séum við ekki burðug til að standa á eigin fótum og skoðunum.

 

Guðmundur Karl Þorleifsson, formaður Íslensku þjóðfylkingarinnar.

Orkumál Íslands ekki mál ESB

Bandaríkin ekki lengur með í SÞ-sáttmála um flótta- og farandfólk; samrýmist hann nokkuð frekar fullveldi Íslands?

Bandaríkjastjórn hefur tilkynnt Samein­uðu þjóð­unum að hún dragi sig út úr sátt­mála um rétt­indi flótta­manna og farand­fólks, sam­þykkt­um 2016. Nikki Haley, sendi­herr­ann við SÞ, segir sátt­málann grafa undan full­veldi Banda­ríkjanna.

• Sáttmálinn á að tryggja réttindi flóttafólks, hjálpa því að koma sér fyrir á nýjum stað og veita því aðgang að menntun og störfum. Ætlunin var gera samning um fólksflutninga á næsta ári, að því er segir í frétt CNN. (Visir.is)

Haley segir að Bandaríkjastjórn ætli að ákveða sýna eigin stefnu um innflytjendur, enda samrýmist ákvæði sáttmálans ekki stefnu landsins í innflytjendamálum.

• „Ákvörðun okkar um innflytjendastefnu verður alltaf að vera tekin af Bandaríkjamönnum og aðeins Bandaríkjamönnum. Við munum ákveða hvernig við stjórnum best landamærum okkar og hver fær að koma inn í landið okkar,“ segir hún.

Þessu hefur Miroslav Lajcak, forseti allsherjarþings SÞ, mótmælt, hann harmar ákvörðun Bandaríkjastjórnar og segir að ekkert eitt ríki geti stjórnað alþjóðlegum fólksflutningum. (Visir.is)

Með þá túlkun Vinstri grænna (leiðandi flokks í ríkisstjórn) á meintum skyldum okkar vegna flótta­manna­sáttmála SÞ, að hér þurfi að taka við a.m.k. 2.000 kvóta­flóttamönnum á næstu fjórum árum og a.m.k. þrefalt fleiri hælisleit­endum -- og allt réttlætt með þessum sáttmála, sem ýmsar aðrar þjóðir telja sig þó alls ekkert bundnar af -- þá liggur beint við að álykta, að í þessu efni ættum við að fylgja fordæmi Banda­ríkja­stjórnar. Það er alls óviðunandi, að erlent valda­apparat eins og SÞ taki svo ágengar og afdrifa­ríkar ákvarðanir um okkar innan­ríkis­mál, nokkuð sem hefði sláandi áhrif til tugþúsunda-fjölgunar múslima hér á landi á næstu árum og áratugum (sbr. mjög vel unna fréttargrein um þau mál í Evrópu í Morgun­blaðinu í gær).

Þessi ríkisstjórn, sem er nýsetzt hér að völdum, ætti sem fyrst að taka þetta mál til afgreiðslu og segja sig frá öllum skyldum við þennan ofurróttæka SÞ-sáttmála. Geri hún EKKERT í málinu, er hún sjálfkrafa að skilgreina sig sem róttæklinga­stjórn á þessu sviði, haldna glýju glópa­bjartsýni og fyrirhyggjuleysi um varðveizlu einingar og samheldni íslenzku þjóðarinnar, sem og öryggi hennar gagnvart hryðjuverkaöflum, sem ættu þeim mun auðveldari aðgang að landinu eftir því sem fjölgað yrði hér um þúsundir ofan á þúsundir innflytjenda frá múslimskum ríkjum heims.

Við ætlum ekki að vera komin með 36,6% hlutfall múslima af íbúafjölda landsins eftir 33 ár eins og búizt er við um Svíþjóð!

Jón Valur Jensson.

Draga sig út úr sáttmála um flóttamenn

Lögreglan upplýsir að hælisleitendakerfið er kerfisbundið misnotað hér á landi, jafnvel til glæpastarfsemi þjófnaðargengis

• Móttökukerfi íslenskra stjórnvalda vegna umsókna hælisleitenda um al­þjóðlega vernd er misnotað með skipulegum hætti. Dæmi eru um að hæl­is­leitendur leggi fram tilhæfulausar umsóknir og stundi svarta vinnu á meðan mál þeirra eru til umfjöllunar. (Ruv.is: Hælisleitendakerfið misnotað á Íslandi)

Heimild RÚV verður ekki dregin í efa: 

Þetta kemur fram í skýrslu greiningar­deildar ríkis­lögreglustjóra­embættisins.

Þá stundaði einn hópur hælis­leitenda skipuleg afbrot að sögn Ásgeirs Karlssonar, yfirmanns greiningadeildar Ríkis­lögreglustjóra­embættisins. „Það er eitt mál þar sem er hópur manna sem er hér í meðferð vegna umsóknar um alþjóðlega vernd sem tekur þátt í miklum þjófnuðum úr verslunum og fyrirtækjum og þetta er eitthvað sem við höfum ekki séð áður og verðum að skoða nánar“ segir Ásgeir. (Ruv.is. Leturbr. hér.)

Vinnumarkaðsafbrot til Íslands

Greiningardeild Ríkislögreglustjóra fjallar sérstaklega um hugtakið vinnu­markaðs­afbrot (n. Arbeids­markeds­kriminalitet) í skýrslu sinni í ár en færst hefur í vöxt á Norðurlöndum að þekktir afbrotamenn stofni fyrirtæki í því skyni að hylma yfir glæpa­starfsemi. Í skýrslunni segir að að baki þeim standi innlendir einstaklingar með góða þekkingu á velferðar-, skatt- og trygginga­kerfi viðkomandi ríkis og einnig erlendir einstaklingar sem hafi tengsl við glæpahópa í heima­landinu. Þannig hafi færst í aukana að skipulagðir glæpahópar sjái um flutning fátækra Austur-Evrópubúa til Norðurlanda þar sem þeir séu látnir vinna við slæman aðbúnað, hættuleg skilyrði, á lágum launum og sæti jafnvel misnotkun af hálfu atvinnuveitanda.(Ruv)

Hælisleitendur frá „öruggum ríkjum“

Í skýrslunni segir að þetta sé ekki flóttafólk, heldur einstaklingar frá svokölluðum „öruggum ríkjum“.  Þá eru einnig dæmi um að fólk frá þessum löndum komi að eigin frumkvæði til Norður­landanna, misnoti kerfið og vinni svart. Þessi glæpa­starfsemi hefur náð fótfestu hér að mati lögreglunnar.

Það er gengið á Ásgeir með upplýsingar um þetta, en það stendur ekki á svarinu:

„Já það eru mörg dæmi um það og svo eru líka dæmi um að þeir sem eru hér í meðferð og eru búnir að vera hér lengi fái hér leyfi atvinnu- og dvalar­leyfi í skamman tíma og það er bara lögleg starfsemi, en það eru mörg dæmi um að þeir sem eru í þessari meðferð vinni ólöglega svarta vinnu“ segir Ásgeir.

Þá er þessi kafli býsna athyglisverður:

Vísað burt en koma aftur

Ásgeir segir að dæmi séu um að hælisleitendur sem vísað hafi verið úr landi vegna tilhæfulausrar umsóknar komi til baka og freisti þess að halda áfram að vinna svart. Hann segir að lögreglan eigi erfitt með að bregðast við. „Eins og fram kemur í skýrslunni þá þarf að auka við mannskap í lögreglunni til að geta sinnt svona frumkvæðisvinnu, en meðan svo er ekki þá er lítið hægt að gera“ segir Ásgeir Karlsson yfirmaður greiningadeildar Ríkislögreglustjóra.

Íslenska þjóðfylkingin hefur sett fram kröfu um auknar fjárveitingar til lögreglumála, andstætt skerðingum á ríkisframlögum til þeirra mála allar götur frá bankahruninu. Óviðunandi ástandið í ofangreindum hælisleit­endamálum mætti stórbæta, ef lögreglan væri ekki fjársvelt, heldur fengi umbeðin framlög til nauðsynlegra forvarna, mannahalds, eftirlits og löggæzlu.

Þá hefur Íslenska þjóðfylkingin strax á fyrsta landsfundi sínum 29. júní 2016, fyrir nær 16 mánuðum, gert kröfu um herta innflytjenda­löggjöf og innleiðingu 48 tíma reglunnar í málefnum hælisleitenda. Það er ánægjulegt, að æ fleiri tala nú með upptöku 48 tíma reglunnar, m.a. bæði fyrrverandi dómsmála­ráðherra og núverandi (Björn Bjarnason og Sigríður Andersen), sem og Flokkur fólksins. En þvert gegn stefnu þeirra hefur Vinstrihreyfingin grænt framboð gert um það flokkssamþykkt, að "jafna þ[urfi] að­stæð­ur hælis­leit­enda og svo­kall­aðra kvóta­flótta­manna," með öðrum orðum að gefa hælisleitendum miklu meiri rétt en þeir nú njóta hér, og án efa er þar ekki átt við, að auðveldara verði gert að vísa þeim úr landi!

Það virðist blasa við, þegar hugsað er til þessa málaflokks, að versti valkostur kjósenda á laugardaginn kemur sé að kjósa Vinstri græna og gefa þeim þar með færi á því sem leiðandi stjórnmálaafli að framkvæma áðurgreinda óráðsstefnu sína. Ekki þar fyrir, að "Björt framtíð" og Samfylkingin séu þar hótinu skárri eða til að hrópa húrra fyrir! Fyrrnefndi flokkurinn vill beinlínis fá inn í landið allt að 500.000 flóttamenn og hælisleitendur á næstu 33 árum, um 15.000 manns á ári hverju að meðtöldum börnum þeirra!!!

Hafa Íslendingar í raun og veru efni á því að vera svo óraunsæir eða víðáttu­vitlausir í þessum efnum? Og hvort skyldu þingmenn "Bjartrar framtíðar" verða nánast teknir í dýrlinga tölu meðal "góða fólksins" svonefnda nk. laugardag eða gefinn varanlegur reisu­passi frá pólitískum afskiptum?

Jón Valur Jensson.

Af fölsuðum undirskriftum

 

Á meðmælalistum illt var í efni,---

augljóst að fölsun sín snarlega hefni.

Kjörstjórnir horfðu á kynstur nafna

krotuð í svikum, en þeim ber að hafna.

Einhver þá synd átti yfirdrifna.

Mun Íslensk þjóðfylking eftir það lifna?

svipt sínum rétti saklausa´ að nefna

til sæmdarstarfa´ og sín loforð að efna.

 

Jón Valur Jensson.

Grunur um falsaðar undirskriftir

Skrifstofan opin í dag. Kynning í Kolaporti um helgina. - VIÐAUKI: Eru "skeggjuð börn" að gerast laumufarþegar til Bandaríkjanna?

Skrifstofa Íslensku þjóðfylk­ingarinnar í Dals­hrauni 5, Hafnar­firði (gegnt Fjarðar­kaupum, hinum megin þjóð­vegarins til Keflavíkur) verður opin frá kl. 15 þennan föstu­dag, heitt á könnunni og skemmtilegt spjall. -Formaður.

Við verðum með kynningu á Íslensku þjóðfylk­ingunni og söfnun meðmæl­enda framboðanna í Kolaportinu laugar­daginn 7. og sunnudag 8. okt., nú um helgina, kl. 10 til 17. M.á. verður þar, hluta tímans, oddamaður ÍÞ í Rvík-suður, Jens G. Jensson.

VIÐAUKI 

Eimskipsmenn eru annað en sáttir við, að þeir eru nánast neyddir í hlutverk landa­mæra­varða vegna hælisleitenda sem vilja laumast um borð í skip til að komast til Bandaríkjanna. Samkvæmt frétt í DV verður "sífellt algengara" að hælis­leit­endur reyni að smygla sér um borð í Ameríkuskip, nú síðast hælis­leitandi undir lögaldri, kannski eitt "skeggjuðu barn­anna" (ungra karlmanna sem reynt hafa að ljúga til um aldur) sem hingað hafa borizt! 

Full er það sönnun fyrir of mikilli linkind í hælisleit­endamálum, að sumir þeirra, sem reyna að laumast í skip Eimskipa í Sundahöfn, hafa gert til þess upp í tíu til ellefu tilraunir! Af hverju var þeim ekki vísað héðan strax við slíkt brot? Á frekar að halda þeim hér uppi von úr viti á kostnað íslenzkra skattborgara?!

Þetta er enn ein ástæða til að vísa tilhæfulausum hælis­leit­endum bein­ustu leið og tafar­laust úr landi. ISIS og al-Qaída geta t.d. verið að reyna að smygla mönnum reiðu­búnum til fjölda­morða í Banda­ríkjunum í gegnum Ísland. Sannarlega yrði það öllum ærlegum Íslendingum sorgar- og sneypuefni, ef slíkt ætti sér stað vegna vanrækslu okkar eigin yfirvalda.

Jón Valur Jensson.

Íslenska þjóðfylkingin ætlar að taka á baráttumálum sínum af festu og hefur á stefnuskrá sinni alla málaflokka sem varða hagsæld og öryggi þjóðarinnar

Nú fer að líða að kosningum aftur og ekki ár liðið frá síðustu alþingis­kosn­ingum. Nú sem aldrei fyrr er þörf á stjórnmálaflokki sem tekur á baráttu­málum sínum af festu og er ekki eins og margir hinna flokk­anna sem fara í kringum mikil­væg málefni eins og köttur í kring­um heitan graut.

Nú er rétti tíminn til að gera upp hug sinn og velja þann  stjórnmálaflokk sem þér finnst líklegastur til þess að standa vörð um hag og velferð þjóðarinnar. Einn er sá flokkur sem bauð fyrst fram í síðustu kosningum en það er Íslenska þjóðfylkingin. Hefur þú, hinn almenni kjósandi, velt fyrir þér að allt það sem Íslenska þjóðfylkingin varaði við, fyrir síðustu kosningar, er varðaði útlendinga­löggjöfina, hefur komið fram, þrátt fyrir að kjör­tímabilið yrði ekki nema eitt ár? Þetta má segja að hafi fengið staðfestingu í orðum Bjarna forsætisráðherra á hádegisfundi hans með SES í Valhöll hinn 13. þessa mánaðar.

Hverjum er betur treystandi en frambjóðendum Íslensku þjóðfylkingarinnar til að standa vörð um velferð þjóðarinnar, menningu og siðferði? Hér fyrir neðan gefur að líta stefnuskrá Íslensku þjóðfylkingarinnar eins og hún kemur fyrir á heimasíðu flokksins.

Íslenska þjóðfylkingin vill standa vörð um velferðakerfið, sjálfstæði Íslands og íslenska menningu.

Grunnstefna flokksins er: Einstaklingsfrelsi, að auka beint lýðræði, takmörkun ríkisafskipta, gegnsær ríkisrekstur, náttúruvernd og haftalaus milliríkjaviðskipti.
Íslenska þjóðfylkingin beitir sér fyrir auknu jafnvægi í byggðum landsins, málefnum fjölskyldna og heimila. Að efla smærri og meðalstór fyrirtæki, sem eru hornsteinar samfélagsins. Málefni öryrkja og aldraðra verði í öndvegi og að vinna gegn fátækt á Íslandi.

Öryggismál
Íslenska þjóðfylkingin vill stórefla löggæslu, landhelgis- og tollgæslu og auka þátttöku Íslands í öryggis- og varnarmálum með beinum hætti.
Skattleysismörk
Íslenska þjóðfylkingin vill hækkun persónuafsláttar þannig að skattleysismörk verði 300 þúsund. Tekjutengingar aldraðra, öryrkja og námsmanna verði afnumdar.
Fjármálafyrirtæki
Reglur um fjármálafyrirtæki verði stórhertar. Tekið verði af hörku á spillingu og fjármálamisferli. Bankar fái ekki að búa til peninga (þjóðpeningakerfi). Aðskilja skal fjárfestinga- og viðskiptabanka.
Landsvirkjun
Íslenska þjóðfylkingin vill að Landsvirkjun, RARIK og Landsnet verði ætíð að fullu í eigu þjóðarinnar og að ekki verði lagður rafstrengur úr landi.

Sjávarútvegsmál

Þjóðfylkingin vill endurskoðun fiskveiðistjórnunar frá grunni og frelsi í sjávarútvegsmálum

Aukið frelsi í strandveiðum. Fiskveiðiauðlindin verði sameign þjóðarinnar samkvæmt stjórnarskrá. Erlent eignarhald verði afnumið í sjávarútvegi.
Íslenska þjóðfylkingin vill stórefla löggæslu, landhelgis- og tollgæslu og auka þátttöku Íslendinga í öryggis- og varnarmálum.

Lífeyrissjóðakerfið
Lífeyrissjóðakerfið verði endurskoðað í heild sinni.
Skuldaleiðrétting
Íslenska þjóðfylkingin vill almenna skuldaleiðréttingu íbúðalána og afnema verðtryggingu.
Heilbrigðisþjónusta
Heilbrigðisþjónusta skal vera gjaldfrjáls á Íslandi.
Ríkiseignir
Íslenska þjóðfylkingin vill opið og gagnsætt ferli ef kemur að sölu ríkiseigna.

Innflytjendamál

Íslenska þjóðfylkingin vill herta innflytjendalöggjöf og innleiða 48 tíma regluna í málefnum hælisleitenda. Íslenska þjóðfylkingin hafnar sjaría-lögum og vill að búrkur, starfsemi moska og kóranskóla verði bönnuð á Íslandi.
Íslenska þjóðfylkingin hafnar skólahaldi íslamista á Íslandi. Þjóðfylkingin vill styðja þá innflytjendur sem aðlagast íslensku samfélagi.

Evrópusambandið
Íslenska þjóðfylkingin hafnar alfarið aðild Íslands að Evrópusambandinu.
Schengen og EES
Íslenska þjóðfylkingin vill Ísland úr Schengen án tafar

Íslenska þjóðfylkingin vill úrsögn úr Evrópska efnahagssvæðinu og styður tvíhliða viðskiptasamning við Evrópusambandið.

Stjórnarskrá
Íslenska þjóðfylkingin vill þjóðaratkvæðagreiðslur um þau mál sem varða þjóðarheill og stjórnlagadómstól í núverandi stjórnarskrá sem ÍÞ styður.

Trúmál og siðræn viðhorf

Íslenska þjóðfylkingin styður kristin gildi og viðhorf.
Íslenska þjóðfylkingin virðir trúfrelsi en hafnar trúarbrögðum sem eru andstæð stjórnarskrá.

Landbúnaður
Íslenska þjóðfylkingin styður íslenskan landbúnað. Íslenskir bústofnar verði varðveittir.

Alþjóðasamstarf
Íslenska þjóðfylkingin styður aðild Íslands að NATO, EFTA og alþjóðlegu samstarfi.

Steindór Sigursteinsson tók saman.

"Gervi-hælisleitandi" að verki á Hagamel?

Er það rétt, sem Sveinn R. Pálsson hermir, að gerandinn í þessu óhugn­an­lega máli á Haga­mel hafi verið "gervi-hælisleitandi"?*

Er þá mynztur sem þekkist frá Noregi** farið að eiga sér stað hér?

Sé eitthvað til í þessu, gefur það augljós­lega ástæðu til að láta ekki umfjöllun hælis­leit­enda­mála dragast úr hömlu, sem og að framfylgja sem fyrst brott­vísunar­úrskurðum, áður en í óefni er komið, eins og átti sér einmitt stað í til­felli Marokkó­mannsins vanstillta sem fekk brott­vísunar­úrskurð í janúar sl., en átti síðan glæpa- og vandræðaferil hér, unz hans var dæmdur af Hæstarétti í gæzlu­varðhald fyrir nokkrum dögum (og gildir fram í október).

Hér er í raun ekkert fullyrt um atburðinn á Hagamel og ekkert gefið um nein smáatriði um eðli þessa sorglega verknaðar eða hver gerandinn nákvæmlega var; í bili vitum það eitt, samkvæmt viðtengdri frétt, að hann var erlendur karlmaður á fertugsaldri. Við verðum að bíða niðurstöðu rannsóknar lögreglu og dómsúrskurðar, áður en neitt annað verði fullyrt hér í reynd.

* Sjá innlegg Sveins hér í morgun, 24.9.2017, kl. 07:43. 

** Þ.e., að í stað þess að hlíta brott­vísunar­úrskurði grípi tilhæfu­laus hælis­leitandi til þess örþrifa­úrræðis að skaða annað fólk (það sama gerðist í tilfelli Úzbekistan-mannsins í Finnlandi, sem framdi morð). Við þekkjum hins vegar dæmi þess hér, að hælis­leitandi hafi skaðað sjálfan sig: þegar einn þeirra kveikti í sjálfum sér. Um ástæður drukknunar annars hælis­leitanda, frá Georgíu, í sjálfum Gullfossi vitum við hins vegar ekki.

PS. 26/9: Það reyndist vera rétt, að hinn grunaði er erlendur hælisleitandi, sjá hér: http://www.visir.is/g/2017170929471/fjoldi-mordmala-yfir-medaltali-sidustu-ara -- Í færslu á Facebók var hann sagður múslimi, en staðfestingu vantar fyrir því.

Jón Valur Jensson.

Ekki verið yfirheyrður um helgina

Svíar viðurkenna staðreyndir, auka fé til lögreglu af brýnni nauðsyn vegna óaldar

Þeir ætla að auka framlög til lögreglu um tvo milljarða SEK (26,5 ma.ísl.kr.), í 7,1 ma.SEK og hefur aldrei verið meira.

Þetta kom fram á blaðamanna­fundi sem Stef­an Löf­ven, for­sæt­is­ráðherra Svíþjóðar, og Morg­an Johans­son, dóms­málaráðherra lands­ins, héldu í Eskilstuna í dag. Þar sagði Löf­ven að um væri að ræða viðleitni til að auka ör­yggi vegna ný­legra skotárása víða um landið.

„Þetta skap­ar hræðilegt óör­yggi fyr­ir fólk í þess­um íbúðar­hverf­um. Það er ekki ásætt­an­legt, við verðum að tak­ast á við vand­ann rétt,“ sagði for­sæt­is­ráðherr­ann. Bætti hann við að marg­ar saka­mál­a­rann­sókn­ir væru felld­ar niður og á sum­um stöðum furðaði fólk sig á því ef lög­regl­an kæmi yfir höfuð ef það hringdi. (Mbl.is)

Laun lögreglumanna verða líka hækkuð.

Þetta lýsir vandanum vel og ekki síður hitt, að níu manns voru skotn­ir í Svíþjóð um helg­ina, þar af þrír sem lét­ust. Gústaf Adolf Skúlason, sem er búsettur í námunda við Stokkhólm, hefur verið að lýsa þessum hlutum í pistlum sínum hér og snemma morguns í byrjun hverrar viku á Útvarpi Sögu, en hefur að ósekju mætt nokkurri tortryggni.

Það má segja, að uppivöðslusemi glæpagengja sé lögreglunni sænsku ágætis tækifæri til að beita sér líka gegn hættulegri árásargirni múslima í landinu. Þetta hefur "Góða fólkið" enn síður viljað viðurkenna, en við getum aðeins óskað Svíunum góðs árangurs við að koma böndum á ólöglegt athæfi meðal hinna fjölmennu múslima í landinu (fjölda þeirra er erfitt að meta, er þó a.m.k. þriðjungur milljónar, eins og allir sem búsettir eru á Íslandi).

Þó er spurning hvort vandinn sé í raun orðinn óviðáðanlegur.

Lengi hefur verið ljóst, að framlög til löggæzlu á Íslandi hafa verið allt of lítil, og er það vansi bæði fyrrverandi og núver­andi stjórnvalda, þvert gegn t.d. stefnu Íslensku þjóðfylkingarinnar. En skyldi stefnubreyting jafnvel sænskra krata ná að hreyfa við okkar stöðu spýtukörlum í röðum ráðherra?

Jón Valur Jensson.

Hækka framlög til lögreglu