Sannleikurinn er sagna bestur -- úr merkilegri ræðu Viktors Orbán

"Það er í dag bannað í Evrópu að segja sannleikann. Það er bannað að segja að Evrópa sé undir ógnum fólksflutninga. Það er bannað að að segja að milljónir manna sé tilbúnar til þess að færa sig til okkar. Það er bannað að segja að þjóðflutningar (mass migration) koma með glæpi og hryðjuverk til landa okkar. Það er bannað að segja að þessi fjöldi sem kemur frá framandi menningarheimum stofnar lífsháttum okkar í hættu, menningu okkar, gildum okkar og kristnum siðvenjum ..."

"Það er bannað að segja að Brussel sé að rífa í sig og gleypa fleiri og fleiri sneiðar af sjálfstæði okkar og að í Brussel sé fjöldinn allur að skipuleggja komu bandaríkja Evrópu."

Sjá nánar hér á x-e.is: Sannleikurinn er sagna bestur: Úrdráttur úr stórmerkilegri ræðu Viktors Orbán forsætisráðherra Ungverjalands sem flutt var 2016. 

H.H.

Reykjavíkurbréf afhjúpar klúðrið í stjórnun Reykjavíkurborgar

"Hann [Dagur B.Egg.] er bara svona. Tveimur vikum fyrir síðustu kosningar og eftir átta ár við völd tók hann óvænt að lofa því að "setja Miklubraut í stokk" og voru verktakar þá í óða önn að láta handraða grjóti í net beggja vegna við hana og áttu enn ófrágengið verkið Klambratúnsmegin! Þeir vissu ekki hvort þeir ættu að trúa á stokk eða steina."

Þetta er bara eitt dæmi úr þessu Reykjavíkurbréfi í dag, þar sem rakin eru sorglega hláleg atriði um ofstjórn og stjórnleysi í Ráðhúsinu í Reykjavík. Er þar ekki sízt komið inn á lóða- og byggingarmál í borginni, fimm unnin kærumál á hendur henni, leikskólamál o.fl.

Reykjavíkurbréfin eru með því albezta sem sést í blaðamennsku á Íslandi, oft launfyndin og kitla marga hláturvöðva. Ekki eru þau birt á netinu nema áskrif­endum Morgunblaðsins, sem geta vitaskuld lesið þau í blaðinu sjálfu. Gaman­sem­in þarna og frábær stílbrögðin eru því gjarnan hulin sjónum meirihluta Íslendinga.

En Halldór Jónsson verkfræðingur hefur á stundum tekið sér bessaleyfi til að endurbirta heilu og hálfu Reykjavíkurbréfin, og það gerði hann einmitt á bloggi sínu í dag, á 232. afmælisdegi Reykjavíkur sem kaupstaðar, og má lesa það hér (en lokaorðin í 4-5 klausum mun HJ eiga sjálfur, sem og inngangsorðin): 

Borgarmálin

Jón Valur Jensson.

Tilraunir islamista til fjöldamorða í Evrópu eru hvergi nærri hættar

26 ára Lewis Ludlow stefndi að því að myrða nær hundrað manns með því að leigja sendiferðabíl og keyra honum á fólk á Oxford-stræti. Brezku lögreglunni tókst með netnjósnum og snarræði að koma upp um kauða í tæka tíð. Á Visir.is var fjallað um þetta í gær, en Mbl.is þegir enn.

Hann hefur játað á sig glæpinn, "sömuleiðis að hafa gefið Íslamska ríkinu peninga. Ludlow tók upp íslamstrú fyrir nokkrum árum og lýsti yfir hollustu við ISIS.

Ludlow var fyrst handtekinn árið 2015 og fannst myndefni frá Íslamska ríkinu á tölvum hans. Hann var hins vegar ekki ákærður, samkvæmt Sky News.

Í febrúar á þessu ári komu yfirvöld í veg fyrir að hann ferðaðist til Filippseyja og var vegabréf hans fellt úr gildi. Í kjölfarið skipulagði hann áðurnefnda árás" (Visir.is),

sjá nánar í spennandi frásögn í sömu frétt af því hvernig hann náði samvinnu við fleiri islamista og skipulagði árás sína út í æsar, en lögreglunni brezku tókst að lauma sér inn á samskipti þeirra og snúa loks á hann í tæka tíð. Hann er nú í varðhaldi og bíður dóms, sem kveðinn verður upp 2. nóvember nk.

Víða um Vesturlönd fer slík starfsemi hryðjuverka-sinna fram og erfitt við að eiga; þetta krefst mikilla forvarna á vegum lögreglu og leyniþjósnustu í hverju landi, ekki sízt þar sem mikill fjöldi múslima býr og auðvelt er fyrir skaðræðis­menn að leynast innan um þá.

Gríðarlegur fjöldi hælisleitenda sækir til Evrópu, frá Norður-Afríku og Mið-Austurlöndum og lengra að; ná þeir nú einna helzt landi á Spáni, og hrósa margir slíkir happi að komast til fyrirheitna landsins, þótt þar ríki framandi menning, en ýmsir í hópnum eru víðs fjarri því að sýna þakklæti sitt í verki, eins og sjá má á myndbandi sem vísað er á neðst í þessari færslu; verst væri þó, ef hryðjuverkadólgum tækist að laumast með slíkum hópum. 

 

 

Oxford Street er mikil verzlunargata í Lundúnum og fjölmennt þar flesta daga.

 

 

Hér er myndbandið, með inngangi á sænsku, athyglisvert strax þar í byrjun.

Sjá hér!

 

en þegar á myndina líður, koma fram virkilega óþægilegir hlutir (og kveikið þar á hljóðinu):

INVANDRINGEN HAR BLIVIT INVADERINGEN

Den spanska solkusten har förvandlats till den nya porten till Europa efter att Italien och Malta stängt gränsen mot Medelhavet.

Spaniens nya sosseregering tillåter verksamheten fastän lokala myndigheter ber om hjälp.

...Sjá meira

 

 

 Jón Valur Jensson.

Saudi-Arabar bregðast hart við gagnrýni Kanada með mynd sem minnir á árásina á Tvíburaturnana!

Víða gætir viðkvæmni um islam. Boris Johnson hafði ekki fyrr hafnað búrku­banni í stíl Dana en hann lét orð falla sem móðga múslima­vini, jafnvel Theresu May, sem krefst afsök­unar­beiðni, sem Boris hafnar!

Saudi-Arabar brugð­ust hart og illa við áskorun Kanada­stjórnar um að baráttu­menn fyrir mannrétt­indum yrðu leystir úr haldi: 

Ríkisstjórnin í Riyad tilkynnti, að sendiherra Kanada yrði rekinn heim;

ennfremur að hætt yrði við nýjan viðskipta- og fjárfestinga-samning við Kanada,

og saudi-arabíska sjúklinga lætur stjórnin í Riyad taka út af spítölum í Kanada til að senda þá til annarra landa!

Nokkrum klukkustundum síðar tísti stofnun, hlynnt saudi-arabískum stjórnvöldum, færslu þar sem sýnd var mynd af Air Canada-flugvél sem stefndi beint á hæstu byggingu Toronto, CN-turninn (heimild: ný frétt í The Guardian: Saudi group posts photo of plane about to hit Toronto´s CN tower amid spat with Canada). Þessi stofnun (organization) hefur síðan beðizt afsökunar á færslunni.

Hér er mynd af háhýsunum miklu í Toronto:

 Undirrituðum tókst ekki að ná myndinni með flugvélinni, en hún sést í tilvísaðri Guardian-frétt. Þeirri mynd fylgir ógnandi texti.

 

Boris Johnson, fyrrv. utanríkisráðherra Breta, lét það bara vaða í gær, sagði í grein í Daily Telegraph, að múslimskar konur í búrkum "líti út eins og póstkassar" og bar þær saman við "bankaræningja".

 

Theresa May forsætisráðherra tók undir áskoranir á hr. Johnson að biðjast afsökunar og sagði að athugasemdir hans hefðu "clearly caused offence" (greinilega misboðið mönnum). Hann hefði notað ranga orðræðu um lykil-málefni, "women´s ability to wear the burka, if they choose to do so; that should be a matter for a woman to choose" (heimild). (Ekki er danska þingið á sama máli, og þær raddir heyrast líka í Bretlandi sem krefjast búrkubanns, sbr. þessa grein í The Telegraph, birta kl. 22 þennan þriðjudag, 7. ágúst: Allison Pearson: Don’t ban Boris… ban the burka!)

En í beinu framhaldi af mótmælum frú May:

But a source close to Mr Johnson said he "won´t be apologising", adding it was "ridiculous" to attack his views.

"We must not fall into the trap of shutting down the debate on difficult issues," the source added.

"We have to call it out. If we fail to speak up for liberal values then we are simply yielding ground to reactionaries and extremists."

 

Johnson ´won´t apologise´ for burka comments

The former foreign secretary stands by his remarks despite the Tory chairman telling him to apologise. (BBC.co.uk, heimildin um þetta mál, einnig https://www.telegraph.co.uk/politics/2018/08/07/boris-johnson-told-apologise-tory-party-chairman-brandon-lewis/)

Þetta eru allt glænýjar fréttir af stöðu múslimaumræðunnar í þremur löndum heims; greinilega verður ekki mikill friður um þessi meintu "trúarbrögð friðarins" í bráð eða lengd.

 

Jón Valur Jensson.

Geta íslenzkir vinstri menn og "frjálslyndir" hugsað sér að læra af reynslu Svía?

Fylgi Svíþjóðar­demó­krata stór­eykst, nálgast jafnvel 30% (kosið verður í sept.)! M.a.s. jafnaðar­menn vilja nú fækka flóttamönnum sem koma til Svíþjóðar um helming! Partur af bakgrunni málsins:

"Arabíska númer tvö í Svíþjóð.

Arabíska er nú orðin næst­algeng­asta móður­málið í Svíþjóð. Finnska, sem hingað til hefur verið næst­algengasta tungumálið, er þar með komin í þriðja sæti.

Líklegt þykir að arabíska sé móðurmál yfir 200 þúsund einstak­linga í Svíþjóð en straumur flóttamanna kom til Svíþjóðar árið 2015. Fjöldi þeirra er talinn hluti af skýringunni."

Þetta var frétt í sjálfu Frétta­blaðinu 4. júní sl. Í umræðum á Visir.is upplýsti Hermann Stakkadal Sölvason:

"Ekki hefur verið gerð trúarkönnun í Svíþjóð síðan 1930. 
Amerikanska forsknings­centret Pew h[efur] komist að þeiri niðurstöðu að árið 2016 væru 8,1% af Svíum múslimar og árið 2050 hafi þeim fjölgað [í] 30%, það er að segja ef Svíar hætta að taka á móti svona mörgum múslimum sem þeir hafa gert síðustu árin.
Múslimar í Svíþjóð eru komnir inn í ríkisstjórn og dómskerfi."

Það mun taka langan tíma fyrir Svíþjóð að jafna sig á innflytj­enda­bylgju síðustu ára. Almennur rómur er gerður að því þar, að allt of geyst hafi verið farið í málin, eins og sést af breyttri stefnu flestra flokka víðast hvar í Skandinavíu.

"Sænsk­ir jafnaðar­menn hafa kynnt nýja stefnu í inn­flytj­enda­mál­um sem miðar að því að draga mjög úr fjölda flótta­manna sem kem­ur til Svíþjóðar. [...]

Ráðherra inn­flytj­enda­mála í Svíþjóð, Helene Fritzon sem sit­ur á sænska þing­inu fyr­ir jafnaðar­menn, sagði á blaðamanna­fundi þar sem nýja stefn­an var kynnt að við eðli­leg­ar aðstæður kæmu 14-15 þúsund hæl­is­leit­end­ur til Svíþjóðar en á síðasta ári hafi þeir verið 27 þúsund. Hún lagði þó áherslu á að hún vildi ekki gefa upp ákveðna tölu varðandi það hvað ætti að að vera mark­mið stjórn­valda þegar kæmi að fjölda hæl­is­leit­enda.

„Já þýðir já og nei þýðir nei“

Meðal ann­ars vilja sænsk­ir jafnaðar­menn að tíma­bundn­ar strang­ari regl­ur um mál­efni hæl­is­leit­enda sem sett­ar voru árið 2016 verði fest­ar var­an­lega í sessi þar til Evr­ópu­sam­bandið hafi samþykkt nýj­ar regl­ur í þeim efn­um. Enn­frem­ur til að mynda að eft­ir­lit með skil­ríkj­um þeirra sem koma til Svíþjóðar verði hert og sett­ar verði skorður við frelsi þeirra sem fengið hafa hæli til þess að velja hvar í land­inu þeir setj­ist að. 

Stefn­an ger­ir sömu­leiðis meðal ann­ars ráð fyr­ir því að þeir sem neitað hafi verið um hæli í Svíþjóð þurfi að bíða í tvö­falt lengri tíma en nú er áður en þeir geti sótt um hæli á nýj­an leik og að þeim hæl­is­leit­end­um sem neita að yf­ir­gefa landið af fús­um og frjáls­um vilja eft­ir að um­sókn þeirra hef­ur verið hafnað verði bannað að koma þangað aft­ur. 

Haft er eft­ir Stef­an Löf­ven, for­sæt­is­ráðherra Svíþjóðar og leiðtoga Jafnaðarmanna­flokks­ins, í sænsk­um fjöl­miðlum að aðal­atriðið væri það að hæl­is­leit­end­ur yf­ir­gæfu landið ef um­sókn þeirra væri hafnað. „Grund­vall­ar­atriðið verður að vera að já þýðir já og nei þýðir nei. Ef þú átt eng­an rétt á að vera í Svíþjóð þá get­urðu ekki notið sænskr­ar vel­ferðar. 

Fram kem­ur í frétt Bloom­berg að sænsk­ir jafnaðar­menn færu með þessu í fót­spor jafnaðarmanna í Dan­mörku sem kynnt hafi herta inn­flytj­enda­stefnu og væru með það til skoðunar að starfa með Danska þjóðarflokkn­um, sem lengi hef­ur talað fyr­ir harðri inn­flytj­enda­stefnu, að lokn­um þing­kosn­ing­um þar í landi á næsta ári." (mbl.is)

Ætla íslenzkir stjórnmálamenn að læra eitthvað af þessu? Þykir þeim róttækustu enn hentugast að sæta færi á að varpa auri á þá norrænu stjórn­málamenn sem reyna að breyta ástandinu til batnaðar?

Telur Helga Vala sig nú mann með mönnum meðal norrænna stjórn­mála­manna? Og þykir Guðmundi Andra Thorssyni gott að berja höfði við stein?

Jón Valur Jensson.

Fróðlegar fréttir af dönskum krötum, meðan prímadonna í systurflokki leyfir sér billeg mótmæli

Helga Vala Helgadóttir alþingiskona gat ekki neitað sér um veizlu­föngin á full­veld­is­hátíð Kjara­ráðs­klúbbs­ins þrátt fyrir stóryrði hennar og manns hennar um forseta danska þingsins; veizluna sat hún með Piu, þar til Pia tók til máls: Án þess að Helga Vala vissi (rétt eins og á Þingvöllum) hvað Pia myndi ræða, rauk hún þá burt. Ekki fylgdi sögunni hvort Grímur maður hennar hvarf þá á braut með henni eða lauk fyrst við dessertinn.

En á Eyjusíðu Egils Helgasonar kom fram athyglis­verð umræða, vita­skuld opinber og því ugglaust í lagi að vitna til hennar hér, því að hún upplýsir betur um ástand mála og umræðu­hefð í Danmörku á síðustu misserum, því að þessir tveir, sem tóku til máls á Eyjuvef Egils, virðast staðkunnugir í Danmörku:

Pétur K Hilmarsson:

Hefðu menn viljað frekar fá Mette Fredrikssen, formann danskra social demokrata, systurflokks Samfylkingarinnar? Mette hefur talað um það að loka ætti moskum og skólum múslima og að Danir verði að ráðast gegn rótækum ímömum með sama hætti og þeir börðust við nasista í hernáminu. "Radikale imamer, der prædiker kvinde­under­trykkelse, er ikke bare uvelkomne i Danmark. De skal bekæmpes lige så hårdt, som nazistene," sagði Mette í 1. maí-ræðu 2016. 
Hafa menn ekkert verið að fylgjast með dönskum stjórnmálum undanfarið? Ástandið er nú bara þannig að Pia Kjærsgård þykir ekki lengur öfgafullur stjórn­mála­maður í Danmörku, annars væri hún varla valin formaður þingsins.

Unlike · Reply · 15 · 1d  (já, 15 læk fekk þetta innlegg)

 

 

Thorsteinn Thorsteinsson:

Af hverju vilja kratarnir og aðrir flokkar loka Kóranskólunum (reyndar loka þeir þeim ekki, taka bara ríkisstyrkina af þeim)? Af því að þeir fara ekki eftir námskrá frá ráðuneytinu og nota meiri tíma í Kóranlestur en kennslu í dønsku námsefni auk þess sem Øfgamoskurnar eru útungunarstødvar fyrir øfgafólk samkvæmt Dønsku leyniþjónustunni og ala á kvenfyrirlitningu og sumir ímanarnir hvetja til dráps á hinum óhreinu sem ekki aðhyllast þeirra trú, eins og kom mjøg skýrt fram þegar 2 blaðamenn filmudu með falinni myndavél í 6 mánuði í moskunum (Moskeerne bag sløret). Það er fullt af góðu fólki sem [er] múslimar, alveg eins og það er líka fullt af góðu fólki sem ástundar ønnur truarbrøgd, en øfgum, hvaða nafni sem þær nefnast, á alltaf að berjast gegn af fullum þunga.

 

• Pétur K Hilmarsson
• (svarar hér Þorsteini): 
• Mette hefur kveðið mjög fast að orði um að islam og gildi danskt samfélags fari ekki saman. Danskir kratar vilja m.a. að flóttamenn í Danmörku verði flutt í búðir í Norður-Afríku á meðan verið sé að afgreiða umsóknir þeirra um vernd. Þetta er staðan í þessum málaflokki í dönskum stjórnmálum í dag (svipað ástand í Noregi og aðeins að breytast í Svíþjóð líka). Það eru ekki bara "öfga hægri flokkar" sem hafa mjög harða stefnu í innflytjendamálum lengur. Það var bara það sem ég vildi koma að. Það er eins og sumir haldi hér á landi að flokkur formanns löggjafarþings Danmerkur sé einstakur hvað þetta varðar og að Danir séu að vanvirða okkur með því að senda slíkan fulltrúa á þennan viðburð.

 

 

Svo mörg voru þau orð og fróðleg næsta. En hér má sjá á Youtube upp­lýsingar um það þegar danskir upptökumenn höfðu náð að afhjúpa það sem fram fór í moskum múslima (Moskeerne bag sløret), sem og umræður um það í Dansk Radio (hér fyrst), þar sem m.a. tala fulltrúar múslima og sennilega allra helztu stjórnmálaflokkanna dönsku, auk bloggara o.fl.:

Moskeerne Bag Sløret - DR debat - HD

Drunken Sailor

•17K views2 years ago

 

TV 2s dokumentarserie 'Moskeerne bag Sløret' var genstand for en timelang debat på TV 2 NEWS lørdag aften. Der var mildest ...

 

1:18

Afslører dansk imam: Underviser muslimer om stening og pisk

North News

•7K views2 years ago

 

afslører dansk imam: Underviser muslimer om stening og pisk.

 

25:33

tv2 debat 10.03.16 Moskeerne bag sløret - del 2

Ingeborg Karen Nymand

•5.1K views 2 years ago

 

an forholdet bør ...

 

0:54

Moskeerne bag sløret

Isabella Pedersen

•

1.9K views2 years ago

 

Denne video handler om moskeer og islam. Dette er et simpelt udklip fra "Moskeerne bag sløret"

 

 

Jón Valur Jensson.

Brá sér einnig frá í kvöldverðinum

Austurríkismenn ekki værukærir í málefnum flóttamanna og hælisleitenda

Rík­is­stjórn Aust­ur­rík­is hef­ur varað við því að hún muni jafn­vel grípa til aðgerða til þess að verja landa­mær­in við Ítal­íu og Slóven­íu (mbl.is). Þetta kem­ur í kjölfar þess að þýzka rík­is­stjórnin hyggst leggja höml­ur á komu flótta­fólks til lands­ins. 

Í sam­komu­lag­i um þetta milli Ang­elu Merkel, kanzlara Þýzka­lands, og Horst Seehofer inn­an­rík­is­ráðherra "kem­ur meðal ann­ars fram að eft­ir­lit á landa­mær­um Aust­ur­rík­is verði hert og komið í veg fyr­ir að hæl­is­leit­end­ur sem hafa sótt um hæli í öðrum ríkj­um Evr­ópu­sam­bands­ins fái að koma til Þýska­lands (mbl.is).

Og hér eru viðbrögð Austurríkismanna:

Aust­ur­rísk yf­ir­völd segja að þau verði viðbúin því að grípa til svipaðra aðgerða til þess að koma í veg fyr­ir að hæl­is­leit­end­ur geti komið til lands­ins um landa­mæri rík­is­ins í suðri. Með samþykkt þýsku rík­is­stjórn­ar­inn­ar sé enn einu sinni sýnt fram á mik­il­vægi sam­eig­in­legra varna ríkja Evr­ópu­sam­bands­ins. 

Kansl­ari Aust­ur­rík­is, Sebastian Kurz, mun í dag kynna fyr­ir Evr­ópuþing­inu í Strass­borg helstu áherslu­mál Aust­ur­rík­is sem fer með for­sæti í ESB næstu sex mánuðina. Er fast­lega gert ráð fyr­ir að þar verði mál­efni hæl­is­leit­enda og flótta­fólks of­ar­lega á baugi (mbl.is).

Hinni fyrstu miklu flóðbylgju flóttamanna og hælisleitenda til Evrópu frá löndum við sunnan- og austanvert Miðjarðarhaf fer nú væntanlega að linna að verulegu leyti, en mörg Evrópulönd (þó ekki Pólland, Tékkland, Slóvakía, Ungverjaland) eiga enn eftir að vinna úr sínum miklu viðfangsefnum sem af flóðbylgjunni hafa hlotizt. Vel má vera að hluti lausnarinnar verði sá, að flóttamenn geti snúið aftur til upprunalands síns, hafi friður komizt þar á. En hvað sem gerist í þeim efnum, er ljóst, að svigrúm Vestur-Evrópulanda verður nú meira, ekki minna, til að hjálpa heimilislausu og langþjökuðu fólki á stríðshrjáðum svæðum með fjárhags- og efnislegri neyðarhjálp í löndum þeirra eða í flóttamannabúðum í nálægum löndum.

Jón Valur Jensson.

Ætla að verja landamæri Austurríkis

Ábyrgðarlaust hjal "mannréttindastjóra" SÞ sem þykist geta talað niður til Dana

Það er sagt valda arabískum "mannréttindastjóra" SÞ "hugarangri" að Danir eru að breyta sinni inn­flytj­enda­lög­gjöf þannig, að börn inn­flytj­enda fái kennslu í dönsk­um siðum. Setti þessi Zeid Ra´ad Al Hus­sein fram gagn­rýni sína á nýju lög­in á Twitter-aðgangi mann­rétt­indaráðs Sam­einuðu þjóðanna.

Meðal þess sem lög­in hafa í för með sér er að börn inn­flytj­enda frá eins árs aldri verði tek­in í 25 klukku­stund­ir á viku frá fjöl­skyld­um sín­um og þau skóluð í dönsk­um siðum og gild­um. Slík kennsla felst meðal ann­ars í fræðslu um páska og jól auk dönsku­kennslu. Verði for­eldr­ar barn­anna ekki við fyr­ir­mæl­un­um gætu þau misst rétt sinn til fé­lags­legra greiðslna. (mbl.is)

Mann­rétt­indaráð SÞ telur lög­in "ýta frek­ar und­ir mis­mun­un gegn fólki af er­lend­um upp­runa og jaðar­setja þau frek­ar."

Þvílíkt væl. Danir eiga fullan rétt á því að skipa svo málum með löggjöf sinni, að þegnar landsins venjist á að virða þau gildi sem þar hafa verið við lýði, í stað þess að sér-"kúltúr" múslima fái að þrífast þar, á kostnað þjóðareiningar og þjóðaröryggis.

Arabar hafa lítið að kenna Norðurlandamönnum í varðveizlu mannréttinda, hafa ekki staðið sig svo vel á því sviði hingað til og eiga ekki að fá að fjarstýra danskri löggjöf í gegnum Sameinuðu þjóða-ráð sem þeir hafa óverðskuldað bolað sér inn í í krafti sinna fjölmennu múslimsku ríkja.

JVJ.

SÞ gagnrýna dönsku „gettó-lögin“

Hverju erum við að bjóða heim með "búsetuúrræði fyrir hælisleitendur"?

Menn geta velt því fyrir sér við lestur viðtengdrar fréttar af nýjum of­beld­is­átök­um í Stiga­hlíð, þar sem rík­is­manna­hús var leigt dýrum dómum* und­ir hæl­is­leit­end­ur sem virð­ast eiga erf­itt með að búa saman í friði og spekt.

Á aðeins nokkrum dögum hafa tvö slík tilfelli orðið þess vald­andi, að kalla þurfi lögreglu að staðnum (í fyrra skiptið nægði ekki ekkert minna til en þrír sér­sveit­ar­bílar með átta fullbúnum sér­sveit­ar­mönnum auk almennra lögreglu­bíla og lögreglu­manna, sjá hér! með mynd).

Vinstri menn og "góða fólkið" hefur þótzt vilja vel fyrir sjá, taka þessa inn­flytj­endur upp á arma sína, jafnvel bjóða þeim ókeypis notkun síns húsnæðis, en minna heyrist um efndirnar! Á meðan fjölgar tilfellum sem þessum.

* Á 1,3 millj. á mánuði!

Jón Valur Jensson.

Barði blóðugur að dyrum í Stigahlíð

ESB settur stóllinn fyrir dyrnar af þörfum princípmönnum!

Það borgar sig fljótt fyrir Evrópuþjóðir þegar stjórnvöld í löndum þeirra sýna að þau hafi bein í nefinu gegn ofríki Evrópusambandsins, m.a. í málum flóttamanna og hælisleitenda. Nú hafa Ítalir velt þungu hlassi ESB og haft sín áhrif með tvennum hætti á ákvarðanir á leiðtogafundi ESB í gærkvöldi og fram á nótt. Þetta var hálfgerður neyðarfundur, enda liggur ríkisstjórn Þýzkalands jafnvel við falli vegna þessara mála, Merkel talar sjálf um það flóttamannamálið geti ráðið úrslitum um framtíð bandalagsins! og innanríkisráðherra hennar, formaður kristilega systurflokksins í Bayern, hótar að loka landamærunum algerlega fyrir flóttamönnum, ef ekki næst önnur skapleg niðurstaða.

Aðildarríkjum ESB verður frjálst að opna lokaðar miðstöðvar fyrir flóttamenn. Í þeim eiga þeir að bíða þar til unnið hefur verið úr hælisumsóknum þeirra. Þessi nýja nálgun þykir minna á þær aðferðir sem beitt hefur verið í Bandaríkjunum að undanförnu (mbl.is).

Og þetta var ákveðið á leiðtogafundinum í nótt! Ennfremur var "í nótt bætt sér­stakri yf­ir­lýs­ingu við sam­komu­lagið um að skip sem bjargi flótta­fólki úr sjáv­ar­háska á Miðjarðar­hafi verði að fylgja alþjóðalög­um. Þetta [er] sig­ur fyr­ir for­sæt­is­ráðherra Ítal­íu sem hef­ur neitað að leyfa slík­um skip­um að koma að höfn­um í land­inu" (mbl.is, byggt á orðum Adams Flem­ing, fréttamanns BBC í Brus­sel.

Þessum jákvæðu ummerkjum um gagnsemi andófs ýmissa ESB-ríkja (einkum, hingað til, í Mið-Evrópu, að meðtöldu Póllandi) ber að fagna. En Ítalía er þriðja stærsta efnahagskerfi Evrópusambandsins. Það verður spennandi að fylgjast með framvindu þessara mála og hver úrslitin verða í Þýzkalandi, jafnvel nú um helgina.

Jón Valur Jensson.

Heimila lokaðar miðstöðvar