Ótvíræðar upplýsingar um stefnu vinstri flokkanna í innflytjendamálum sýna hve óábyrg hún er!

1) "Björt framtíð" vill fjölga lands­mönnum í 800.000 árið 2050. Nú erum við (með vinnandi EES-fólki) 340.000. Þetta merkir að BF vill fá minnst 460.000 útlend­inga hingað eða 13.939 manns á hverju einasta ári þessi 33 ár sem eiga eftir að líða til miðrar aldar­innar! Já, þetta er í alvöru stefna "Bjartrar framtíðar"! því að fjölgun þjóðarinnar sjálfrar heyrir nú fortíðinni til, fæðinga­tíðni er komin (2016) niður í aðeins 1,75 börn á hvert par eða hverja konu á barneignaaldri og dugar ekki til að halda okkur við, m.a. vegna yfir 1000 fósturvíga á hverju ári. Þessi fjölgun í 800.000 yrði því ekki með náttúrlegum hætti, heldur ekki sízt með flóttamönnum og hælisleitendum. 

2) Um stefnu Vinstri grænna í þessum málum var fjallað hér í sérstakri grein: Ábyrgðarlaus inn­flytjenda­stefna Vinstri grænna, sem boðar, að við Ís­lend­ingar "eigum að taka á móti umtals­vert fleiri flótta­mönn­um, að lág­marki 500 á ári," segir þar, en ekki nóg með það, heldur bætt við: "Jafna þarf að­stæð­ur hælis­leit­enda og svo­kall­aðra kvóta­flótta­manna og tryggja full­nægj­andi fram­kvæmd nýrra út­lend­inga­laga með fjár­magni og mann­afla," eins og segir í stefnuskrá VG. Nú verða hælisleitendur langt yfir 1000 á árinu; VG vill jafna "rétt" þeirra á við kvóta­flóttamenn og landsmenn sjálfa; það gæti því leikandi merkt 1500 manna fjölgun með þessu móti árlega, já, ár eftir ár eftir ár! Stórfurðulegt að augljóslega hafa þessar staðreyndir farið hljótt í samfélaginu. Eitt er víst, að þær eru ekki ástæða þess, að VG undir formennsku síbrosandi Katrínar mælist nú efst flokka í skoðanakönnunum!!!

3) Stefna Pírata er ekki síður hrikaleg; þeir vilja samkvæmt heimasíðu sinni galopna landið, undir augljósum áhrifum af "No Borders"-stefnunni!

4) Samfylkingin teflir nú fram Helgu Völu Helgadóttur í efsta sæti í Reykjavík suður, en hún á beinna atvinnu­hagsmuna að gæta sem lögfræðingur fyrir hælis­leitendur, einn af rúmlega 30 slíkum sem gegna dýrkeyptum "sérfræði­störfum" fyrir Rauða kross Íslands og Útlendinga­stofnun!

Enginn flokkur er með jafn-skýra og skelegga stefnu í innflytjenda­málum og Íslenska þjóð­fylkingin. Því er full þörf á að menn leggi henni lið við að fylla sína frambjóðenda- og meðmælendalista. Þeir, sem fúsir eru til baráttunnar, geta látið vita í athugasemd hér eða með tölvubréfi til formannsins, Guðmundar Karls Þorleifs­sonar ([e-mail]) eða til undirritaðs ([e-mail]) eða hringt í skrifstofu flokksins í síma 789-6223. Eins er hægt að ræða málin við formanninn í síma 898-7900 eða varaformanninn Helga Helgason í síma 897-6350 eða undirritaðan (616-9070). Nýir flokksmenn og stuðningsmenn eru líka velkomnir; árgjaldið er 3.000 kr. og full þörf á fjárframlögum til að kosta auglýsingar og aðra kynningu málstaðar okkar í margvíslegum málum.

Jón Valur Jensson.

Góð grein Guðmundar Þorleifssonar formanns Þjóðfylkingarinnar á Facebook

Hefur fólk gleymt fyrirheitum VG og Samfylk­ingar um skjald­borg heimil­anna sem síðan reyndist skjald­borg utan um fjármála­stofnanir?

Miðað við skoðana­kannanir undan­farið virðist að vinstri flokk­arnir og þá eink­an­lega VG séu í miklu uppá­haldi hjá hinum almenna kjós­anda á Íslandi. Fólk hefur gleymt því, að þau Katrín Jakobs­dóttir, Stein­grímur J. Sigfússon og Svandís Svavars­dóttir voru öll í þeirri stjórn ekki alls fyrir löngu, sem gaf fögur fyrirheit um skjaldborg utan um heimili lands­manna. En sú skjald­borg virðist hafa verið ætluð fjármála­stofnunum, með þeim afleiðingum að 9000 fjölskyldur voru bornar út. Þá voru einnig skattar hækkaðir og laun lækkuð, með því loforði að það væri tímabundið, en sú var ekki raunin. Þrátt fyrir fögur fyrirheit VG að gæta eigi hagsmuna þeirra sem minna mega sín í þjóðfélaginu, þá varð ekki úr því í stjórnartíð þeirra. Ekki er það heldur raunin enn þann dag því VG virðist vera meira í mun að gera vel við fólk frá öðrum löndum en bágt stadda ríkis­borgara þessa lands. Stóðu VG ásamt Samfylkingu, Pírötum og Bjartri framtíð að útlend­inga­lögunum sem svo eru nefnd, reyndar allur Sjöflokkurinn á Alþingi, og ætla að gera enn betur samkvæmt vitlausri laga­setningu alþingis nýverið.

Það var hlegið að frammá­mönnum innan Íslensku þjóð­fylk­ing­arinnar fyrir síðustu alþingis­kosningar er þeir vöruðu við afleiðingum þessara lagasetningar. Nú aðeins ári síðar hafa öll þau varnaðarorð orðið að veruleika utan eins, er mest var gert grín að. Það var nefni­lega upphæðin sem Íslenska þjóðfylkingin taldi að á þessu ári færi kostnaðurinn upp í, 2 til 4 milljarða. En viti menn, reikna má að hann fari í 14 (fjórtán) milljarða samkvæmt áreiðan­legum heimildum þegar allt er tekið inn í dæmið og ekki reynt að fela þessa arfa­vitlausu stefnu sem nú er við höfð.

Íslenska þjóðfylkingin hefur aldrei verið á móti útlendingum, vill taka vel á móti ferðamönnum og styðja þá sem hingað koma á eðlilegum forsendum og eru tilbúnir að leggja þjóðinni lið í að byggja hér upp gott samfélag. En Íslenska þjóðfylk­ingin er á móti efnahags­flóttafólki sem kemur hingað einungis til að leggj­ast upp á velferðakerfi okkar, kemur hér vega­bréfa­laust og fær hér ókeyp­is lögfræði­þjónustu, heilbrigðis­þjónustu, húsnæði og vasapeninga, með því að segjast ætla að sækja um hæli. Þetta er að gerast á meðan þeir sem minna mega sín og eru bræður okkar og systur líða skort, gista við misjafnar aðstæður og njóta ekki þessara hlunninda.

Það er kominn tími til að þú, kjósandi góður, gerir þér grein fyrir því að eini flokkurinn, sem er í framboði fyrir þessar kosningar og gætir fyrst hagsmuna þinna, er Íslenska þjóðfylkingin. ÍÞ er eina mótvægið gegn hinni alræmdu vinstri stefnu sem landsmenn virðast gagnteknir af þessa stundina, sem er þegar grannt er skoðað ekki stefna sem skapar svigrúm til að hægt sé að mæta þörfum þeirra sem bágt eiga. Þar með taldir eru öryrkjar, aldraðir, atvinnu­laus­ir, alvarlega veikt fólk sem fjámagna þarf sín veikindi sjálft og fátækt fólk sem jafnvel þarf að búa í tjöldum eða húsbílum vegna þess að það á ekki fyrir húsaleigu. Setjum X við E í komandi kosningum!

Við gerð þessarar greinar studdist undirritaður við gott innlegg sem formaður Íslensku Þjóðfylkingarinnar Guðmundur K. Þorleifsson birti á Facebook-síðu ÍÞ. Grein mín er mikið breytt og ég nota mínar eigin setningar allvíða.

Steindór Sigursteinsson.

Sýnir að kjósendur vilja stefnubreytingu

Öfgahreyfing notfærir sér slapplega stefnu sænskra yfirvalda

Fordæma ber nazisma í öllum hans myndum og ofbeldis­aðgerðir nýnaz­ista­hreyfing­ar­innar NMR í Gauta­borg í dag. Hitt er þó ljóst, að sænsk yfirvöld hafa með lin­kind sinni í innflytj­enda­málum átt þátt í því að æsa upp öfga­öfl til stuðnings við þá hreyf­ingu. Það er stórlega miður þegar sósíaldemó­kratar, af öllum flokk­um, verða slíkum öfga­öflum óbein átylla og jafnvel hvatn­ing til að boða til átaka í samfélaginu. Eins þrífast þau á bæði sönnum og ýktum fréttum af fram­ferði öfga­múslima og þeirra sem upp á sitt eindæmi neyða sínum harðneskju­legu sjaría­lögum upp á ættingja sína, sem vilja njóta þess frelsis og þeirra mannrétt­inda sem boðið er upp á í vestrænu samfélagi.

Íslenska þjóðfylkingin styður sjálfstæði og fullveldi Íslands, m.a. gegn Evrópu­samband­inu, en fordæmir bæði útlend­inga­hatur og alla kynþátta­hyggju. Við erum almennt andvíg fjölgun múslima á Íslandi, þ.e. með innflutningi, en til þess eru margar ástæður, en ekki rasískar, enda höfum við ekki andmælt mót­töku flótta­manna frá Sýrlandi, en viljum að hingað verði þá fengnir kristnir flótta­menn, sem eiga hér betur heima en músl­imskir og aðlögun þeirra auðveldari til lengri og skemmri tíma.

Jón Valur Jensson.

Óeirðir vegna nasistagöngu í Gautaborg

Svik Rauða krossins við bágstadda landsmenn hefna sín

Lögfræðingar með hæpið umboð og aðrir ráðandi í RKÍ hafa mis­beitt valdi til að hygla flótta­mönnum og hælis­leitendum á kostnað bág­staddra Íslend­inga. Tillaga um að taka ríkis­styrk af RKÍ mætir miklu fylgi í skoð­ana­könnun, og kemur það í kjölfar þess, að margir hafa hætt að styðja Rauða krossinn, sem fram að síðustu árum hafði sinnt hlut­verki sínu langtum betur en nú. Og nú tekur fólk enn rót­tæk­ari afstöðu til málsins:

Á vef Útvarps Sögu var spurt síðastliðinn sólarhring;

Á ríkið að halda áfram að styðja Rauða krossinn fjárhagslega?

Svörin voru : NEI: 86,50%, JÁ: 11,4%, hlutlaus: 2,45%.

Menn ættu að kynna sér þessi umræddu mál með því að renna yfir þessa grein (smellið): Lögfræðingar Rauða krossins tala út og suður. RKÍ brýtur eigin lög og sýnir bágstöddum Íslendingum fyrirlitningu

Jón Valur Jensson.

Þörf og vís innlegg í umræðu vegna flóttamannapólitíkur Rauða kross Íslands

Hingað, á Moggablogg Íslensku þjóðfylkingarinnar, bárust í nótt og í morgun nokkur hörkugóð innlegg í umræðu um mál hælisleitenda, flóttamanna og Rauða krossins. Því miður birtust þau talsvert eftir á, en eru hér:

Það er nýnæmi í því að Rauði krossinn sé kominn á kaf í pólitík og flokkpólitískan áróður í miðri kosningabaráttu.  Hélt að þeirra styrkur hafi hingað til falist í hlutleysi. Það sé jafnvel grundvöllur samtakanna.

Jón Steinar Ragnarsson, 28.9.2017 kl. 03:53

Ég sendi reyndar alþjóðlega Rauða krossinum fyrirspurn um það hvort þeir séu nýfarnir að skilgreina sig sem pólítísk samtök með ákveðna pólitíska slagsíðu og hvort afskipti fulltrúa þeirra af innanríkismálum landa sé á stefnuskrá þeirra. Spurði líka hvort það að þeir beittu áhrifum sínum í kosningabaráttum sé eitthvert nýnæmi sem við megum búast við í framtíðinni.

Skora á fleiri að fara inn á heimasíðu þeirra og spyrja. (International Red Cross)

:)

Jón Steinar Ragnarsson, 28.9.2017 kl. 04:45

Ég hef fullar efasemdir um að lögfræðingur þessarar stofnunar geti stillt sér upp sem álitsgjafa fyrir hönd stofnunarinnar. Það er afar ósennilegt að það sé hennar hlutverk né í hennar verkahring. Maður spyr sig hvort það er engin yfirstjórn í þessum samtökum eða hvort Pétur, Páll, Jón og Gunna geti tjáð sig opinberlega fyrir hönd stofnunarinnar.

Jón Steinar Ragnarsson, 28.9.2017 kl. 04:50

Hvað stór hluti þeirra 7 þúsund milljóna sem teknir hafa verið úr sameiginlegum sjóðum okkar á þessu ári, til þessa málaflokks, kemur í hlut Rauða krossins?

Það fer enginn að slátra mjólkurkúnni! Frá þeim sjónarhól ber að túlka skoðanir lögfræðings RKÍ.

Gunnar Heiðarsson, 28.9.2017 kl. 08:53

 

Lögfræðingar Rauða krossins tala út og suður. RKÍ brýtur eigin lög og sýnir bágstöddum Íslendingum fyrirlitningu

Guðríður Lára Þrast­ar­dótt­ir, lög­fræðing­ur RKÍ, segir eitt, og annar lög­fræð­ingur, karl­maður, segir allt annað í há­degis­útvarpi Rúv.

Guð­ríður seg­ist ekki hafa áhyggj­ur því að hætta á man­sali skap­ist með breyt­ing­um sem gerðar voru á út­lend­inga­lög­um í gær, þótt bent hafi verið á, að allt að 90% hælis­leit­enda séu á vegum glæpa­samtaka smyglara.

„Ef þetta er samþykkt og það spyrst út að hér sé lög­gjöf sem sé sér­sam­in fyr­ir fólk með börn þá hafa vaknað spurn­ing­ar hjá mér og fleiri fagaðilum um hvort það skapi raun­veru­lega hættu á man­sali. Að hingað komi fólk með börn og fái sérmeðferð,“ sagði Sig­ríður And­er­sen dóms­málaráðherra í sam­tali við Morg­un­blaðið í gær. (Mbl.is)

Greinilega nota fullorðnir börnin til að komast að í löndum sem hafa eftirgefanlega innflytjendastefnu. Noregur er ekki lengur eitt slíkra landa, en vinstrimenn og fals­líberalar á Íslandi (Viðreisn, BF o.fl.) vilja með atkvæðum sínum á Alþingi fiska eftir atkvæðum "Góða fólksins" sem hefur enga fyrirhyggju í þessum málum.

Guðríður viðurkennir þó, að gerðar hafi verið tilraunir til að smygla hingað börnum með öðrum en foreldrum þeirra (leturbr. jvj): 

Í þeim ör­fáu til­fell­um þar sem fólk hef­ur komið hingað til lands með börn sem það á ekki hef­ur lög­regla tekið á mál­um, að sögn Guðríðar. Þeim börn­um hafi annað hvort verið komið til síns heima eða í skjól. Hún seg­ir ekk­ert benda til að slík­um til­fell­um muni fjölga. [Svo!!] „Hafi stjórn­völd raun­veru­leg­ar áhyggj­ur af þessu þá þarf auðvitað að grípa til aðgerða til að auka fræðslu og skýra verklags­regl­ur í tengsl­um við skimun og rann­sókn á mögu­legu man­sali svo við get­um þá veitt þess­um börn­um viðeig­andi aðstoð og vernd.

“Hún seg­ir lík­ams­rann­sókn­ir hafa verið fram­kvæmd­ir hér á landi á börn­um og for­eldr­um til að ganga úr skugga um fjöl­skyldu­tengsl­in séu til staðar. Þær hafi þó ekki verið fram­kvæmd­ar á hæl­is­leit­end­um. „Það á því ekki að vera neitt mál að ganga úr skugga um það.“

En mjög er hætt við því, að aktívistar, No Borders-fólk, vinstri flokkarnir og lög­fræð­ingar Rauða krossins reki upp Ramakvein ef ætlazt verður til, að þessir einstaklingar gefi lífsýni, rétt eins og sömu aðilar amast við því að staðfest verði með líkams­skönnun hvort fullyrðingar skeggjaðra stráka standist um að þeir séu á barnsaldri !

Þá lætur Guðríður sem lagabreytingin í nótt hafi ekki áhrif til frambúðar, "aðeins" gagnvart 80 börnum sem hingað eru komin nú þegar (en aðstandendur þeirra, með þeim, gætu leikandi verið um 200). En vinstri menn með þetta frumvarp sitt stefndu greinilega í aðra átt með greinargerð þess (sem stenzt ekki í ýmsum atriðum, eins og Sigríður Andersen, konan með beinið í nefinu, benti á í Kastljósviðtali sínu í gær). Og þrátt fyrir að þessi lögfræðingur RKÍ, Guðríður, segi eitt í viðtali við Mbl.is, þá kom annar lögfræðingur, karlmaður, fram í hádegisútvarpi Rúv. og sagði allt annað og á honum greinilegt að skilja, að haldið verður áfram að reyna að rjúfa þær varnir sem þó er enn að finna í lögum og verklagsreglum Útlendingastofnunar.

Guðlaugur Ævar Hilmarsson, félagi í flokksstjórn Íslensku þjóðfylkingarinnar, hefur bent á, að þvert gegn reglum sínum brýtur Rauði kross Íslands á bágstöddum landsmönnum og setur útlendinga langtímum saman fremst í röðina til að hjálpa. Í þeim reglum RKÍ, strax í 2. gr. laga samtakanna, er nefnilega tekið fram, að hann eigi "að standa vörð um og aðstoða þá sem verst eru staddir í samfélag­inu," en þetta orðalag vísar augljóslega til ÍSLENZKS samfélags.

Þessi ábending leiðir þannig í ljós, hvernig Rauði krossinn hér á landi hefur svikizt undan höfuðskyldu sinni og er farinn að taka aðvífandi útlendinga fram yfir okkar eigin bágstöddu landsmenn, sem honum ber þó skylda til að annast!

Þá hefur fr. Ásta Óla lagt til á Facebók, að höfðað verði mál gegn Rauða krossinum vegna þessarar vanrækslu hans við sínar ótvíræðu skyldur við bágstadda Íslendinga. Taka ber undir þá tillögu hennar.

Jón Valur Jensson. 

Ekkert í lögunum eykur hættu á mansali

Illa fer Sjöflokkurinn að ráði sínu með enn frekari útvíkkun Útlendingalaganna!

Aulaháttur alþingis­manna ríður ekki við ein­teym­ing: að ætla í dag að búa til sér­stakar undan­tekn­ingar frá lögum eins og gert var í frá­leitu Albana-dæm­inu, sem stór­jók hing­að flóð hælis­leit­enda, múslima bæði það­an og frá Make­dóníu.

Það er strax ljóst af hádegis­fréttum Rúv og Mbl.is-frétt, við­tengdri, að þessi nýja smuga verður notuð til að hleypa hingað miklu fleiri barna­fjölskyldum. Þetta er nefnilega ekki spurning um einstök börn, sem auðvelt er að fá við­kvæma til að vorkenna, heldur um allar fjölskyldur þeirra.

Undirritaður átti eftirfarandi innlegg á Facebókar­síðu Píratans Smára McCarthy í gærkvöldi:

"Af hverju talið þið alltaf um BÖRN, þegar þið eigið við erlendar BARNAFJÖLSKYLDUR?

Eða er það kannski ætlun ykkar að kljúfa börnin frá foreldrum sínum?

Ef ekki, verið þá hreinskilnir og viðurkennið, að oftast er þarna um margfalt fleiri en eitt barn að ræða í hverju tilviki.

Þið ætlið sem sé að taka við öllum barnafjölskyldum, hve stórar sem þær eru og jafnvel þótt engin bein neyð búi að baki.

En þið eigið ekki vasa skattborgaranna og ættuð fyrst og fremst að hugsa um að bjarga bágstöddum Íslendingum, t.d. tjaldbúum!

Sú frumskylda yfirvalda kemur skýrt fram í 76. gr. stjórnarskrárinnar,* sem nær EKKI til alls heimsins, heldur íslenzkra ríkisborgara."

* http://www.althingi.is/lagas/136a/1944033.html

Þegar Íslenska þjóðfylkingin fær fulltrúa á Alþingi, mun strax verða lagt til, að þetta nýja undantekningaákvæði verði fellt burt úr lögum og Útlendingalögin róttækt endurskoðuð alveg niður í kjölinn.

 

Jón Valur Jensson.

Sækja um endurupptöku

Fyrir hvað stendur krossinn í Rauða krossinum?

Tjaldbúinn hjartveiki í Sjón­varpi í kvöld leitaði á náðir Rauða kross­ins í Hafnar­firði um að fá stúdíó­her­bergi fyrir sig og konu sína meðal flótta­manna, en konu hans var vísað í Konu­kot í Rvík þar sem úti­gangs­konur gista og eigin­mann­inum vísað í gisti­skýli í Reykja­vík fyrir utan­garðs­menn, eftir margítrekaðar tilraunir þeirra til að fá herbergi hjá Rauða krossinum.

Er þetta kristilegt? Fyrir hvað stendur kross­inn í Rauða kross­inum? Eru Íslend­ingar orðnir annars flokks borgarar á Íslandi?

(Vinur undirritaðs hringdi og sagði honum frá þessu, með þessum töluðum orðum og hafði eftir mjög öruggum heimildum.)

Jón Valur Jensson.

Íslenska þjóðfylkingin ætlar að taka á baráttumálum sínum af festu og hefur á stefnuskrá sinni alla málaflokka sem varða hagsæld og öryggi þjóðarinnar

Nú fer að líða að kosningum aftur og ekki ár liðið frá síðustu alþingis­kosn­ingum. Nú sem aldrei fyrr er þörf á stjórnmálaflokki sem tekur á baráttu­málum sínum af festu og er ekki eins og margir hinna flokk­anna sem fara í kringum mikil­væg málefni eins og köttur í kring­um heitan graut.

Nú er rétti tíminn til að gera upp hug sinn og velja þann  stjórnmálaflokk sem þér finnst líklegastur til þess að standa vörð um hag og velferð þjóðarinnar. Einn er sá flokkur sem bauð fyrst fram í síðustu kosningum en það er Íslenska þjóðfylkingin. Hefur þú, hinn almenni kjósandi, velt fyrir þér að allt það sem Íslenska þjóðfylkingin varaði við, fyrir síðustu kosningar, er varðaði útlendinga­löggjöfina, hefur komið fram, þrátt fyrir að kjör­tímabilið yrði ekki nema eitt ár? Þetta má segja að hafi fengið staðfestingu í orðum Bjarna forsætisráðherra á hádegisfundi hans með SES í Valhöll hinn 13. þessa mánaðar.

Hverjum er betur treystandi en frambjóðendum Íslensku þjóðfylkingarinnar til að standa vörð um velferð þjóðarinnar, menningu og siðferði? Hér fyrir neðan gefur að líta stefnuskrá Íslensku þjóðfylkingarinnar eins og hún kemur fyrir á heimasíðu flokksins.

Íslenska þjóðfylkingin vill standa vörð um velferðakerfið, sjálfstæði Íslands og íslenska menningu.

Grunnstefna flokksins er: Einstaklingsfrelsi, að auka beint lýðræði, takmörkun ríkisafskipta, gegnsær ríkisrekstur, náttúruvernd og haftalaus milliríkjaviðskipti.
Íslenska þjóðfylkingin beitir sér fyrir auknu jafnvægi í byggðum landsins, málefnum fjölskyldna og heimila. Að efla smærri og meðalstór fyrirtæki, sem eru hornsteinar samfélagsins. Málefni öryrkja og aldraðra verði í öndvegi og að vinna gegn fátækt á Íslandi.

Öryggismál
Íslenska þjóðfylkingin vill stórefla löggæslu, landhelgis- og tollgæslu og auka þátttöku Íslands í öryggis- og varnarmálum með beinum hætti.
Skattleysismörk
Íslenska þjóðfylkingin vill hækkun persónuafsláttar þannig að skattleysismörk verði 300 þúsund. Tekjutengingar aldraðra, öryrkja og námsmanna verði afnumdar.
Fjármálafyrirtæki
Reglur um fjármálafyrirtæki verði stórhertar. Tekið verði af hörku á spillingu og fjármálamisferli. Bankar fái ekki að búa til peninga (þjóðpeningakerfi). Aðskilja skal fjárfestinga- og viðskiptabanka.
Landsvirkjun
Íslenska þjóðfylkingin vill að Landsvirkjun, RARIK og Landsnet verði ætíð að fullu í eigu þjóðarinnar og að ekki verði lagður rafstrengur úr landi.

Sjávarútvegsmál

Þjóðfylkingin vill endurskoðun fiskveiðistjórnunar frá grunni og frelsi í sjávarútvegsmálum

Aukið frelsi í strandveiðum. Fiskveiðiauðlindin verði sameign þjóðarinnar samkvæmt stjórnarskrá. Erlent eignarhald verði afnumið í sjávarútvegi.
Íslenska þjóðfylkingin vill stórefla löggæslu, landhelgis- og tollgæslu og auka þátttöku Íslendinga í öryggis- og varnarmálum.

Lífeyrissjóðakerfið
Lífeyrissjóðakerfið verði endurskoðað í heild sinni.
Skuldaleiðrétting
Íslenska þjóðfylkingin vill almenna skuldaleiðréttingu íbúðalána og afnema verðtryggingu.
Heilbrigðisþjónusta
Heilbrigðisþjónusta skal vera gjaldfrjáls á Íslandi.
Ríkiseignir
Íslenska þjóðfylkingin vill opið og gagnsætt ferli ef kemur að sölu ríkiseigna.

Innflytjendamál

Íslenska þjóðfylkingin vill herta innflytjendalöggjöf og innleiða 48 tíma regluna í málefnum hælisleitenda. Íslenska þjóðfylkingin hafnar sjaría-lögum og vill að búrkur, starfsemi moska og kóranskóla verði bönnuð á Íslandi.
Íslenska þjóðfylkingin hafnar skólahaldi íslamista á Íslandi. Þjóðfylkingin vill styðja þá innflytjendur sem aðlagast íslensku samfélagi.

Evrópusambandið
Íslenska þjóðfylkingin hafnar alfarið aðild Íslands að Evrópusambandinu.
Schengen og EES
Íslenska þjóðfylkingin vill Ísland úr Schengen án tafar

Íslenska þjóðfylkingin vill úrsögn úr Evrópska efnahagssvæðinu og styður tvíhliða viðskiptasamning við Evrópusambandið.

Stjórnarskrá
Íslenska þjóðfylkingin vill þjóðaratkvæðagreiðslur um þau mál sem varða þjóðarheill og stjórnlagadómstól í núverandi stjórnarskrá sem ÍÞ styður.

Trúmál og siðræn viðhorf

Íslenska þjóðfylkingin styður kristin gildi og viðhorf.
Íslenska þjóðfylkingin virðir trúfrelsi en hafnar trúarbrögðum sem eru andstæð stjórnarskrá.

Landbúnaður
Íslenska þjóðfylkingin styður íslenskan landbúnað. Íslenskir bústofnar verði varðveittir.

Alþjóðasamstarf
Íslenska þjóðfylkingin styður aðild Íslands að NATO, EFTA og alþjóðlegu samstarfi.

Steindór Sigursteinsson tók saman.

"Gervi-hælisleitandi" að verki á Hagamel?

Er það rétt, sem Sveinn R. Pálsson hermir, að gerandinn í þessu óhugn­an­lega máli á Haga­mel hafi verið "gervi-hælisleitandi"?*

Er þá mynztur sem þekkist frá Noregi** farið að eiga sér stað hér?

Sé eitthvað til í þessu, gefur það augljós­lega ástæðu til að láta ekki umfjöllun hælis­leit­enda­mála dragast úr hömlu, sem og að framfylgja sem fyrst brott­vísunar­úrskurðum, áður en í óefni er komið, eins og átti sér einmitt stað í til­felli Marokkó­mannsins vanstillta sem fekk brott­vísunar­úrskurð í janúar sl., en átti síðan glæpa- og vandræðaferil hér, unz hans var dæmdur af Hæstarétti í gæzlu­varðhald fyrir nokkrum dögum (og gildir fram í október).

Hér er í raun ekkert fullyrt um atburðinn á Hagamel og ekkert gefið um nein smáatriði um eðli þessa sorglega verknaðar eða hver gerandinn nákvæmlega var; í bili vitum það eitt, samkvæmt viðtengdri frétt, að hann var erlendur karlmaður á fertugsaldri. Við verðum að bíða niðurstöðu rannsóknar lögreglu og dómsúrskurðar, áður en neitt annað verði fullyrt hér í reynd.

* Sjá innlegg Sveins hér í morgun, 24.9.2017, kl. 07:43. 

** Þ.e., að í stað þess að hlíta brott­vísunar­úrskurði grípi tilhæfu­laus hælis­leitandi til þess örþrifa­úrræðis að skaða annað fólk (það sama gerðist í tilfelli Úzbekistan-mannsins í Finnlandi, sem framdi morð). Við þekkjum hins vegar dæmi þess hér, að hælis­leitandi hafi skaðað sjálfan sig: þegar einn þeirra kveikti í sjálfum sér. Um ástæður drukknunar annars hælis­leitanda, frá Georgíu, í sjálfum Gullfossi vitum við hins vegar ekki.

PS. 26/9: Það reyndist vera rétt, að hinn grunaði er erlendur hælisleitandi, sjá hér: http://www.visir.is/g/2017170929471/fjoldi-mordmala-yfir-medaltali-sidustu-ara -- Í færslu á Facebók var hann sagður múslimi, en staðfestingu vantar fyrir því.

Jón Valur Jensson.

Ekki verið yfirheyrður um helgina