Menn eða málefni? Um snjallar lausnir ÍÞ í málefnum aldraðra og í sjúkrahúsmálum

Án efa mun frammistaða frambjóðenda hafa mikil áhrif á hvernig kjósendur nota atkvæði sitt 26. þessa mánaðar. Málefnin skipta þó mestu fyrir al­menn­ing.

Ein allra flokka er Íslenska þjóð­fylk­ing­in með þá snjöllu lausnar­leið í málefnum aldraðra að breyta Fossvogs­spítala í hjúkrunar­heimili fyrir aldraða og byggja á þeirri rúmgóðu lóð bæði þjónustu­íbúðir og dvalarheimili fyrir aldraða.

Stefna flokksins í landspítala­málum er að reisa skuli nýjan landspítala á Hólmsheiði, þar liggur hann vel við umferð til borgarinnar og nýjum hverfum hennar austan Elliðaáa, en léttir um leið á umferðarþunga og bílastæðavanda við Hringbraut. 

Við erum andvíg þeirri leið í umsjár­málum aldraðra, að í vaxandi mæli hefur þeim verið útvistað til þeirra verktaka sem verið hafa með lægstu tilboð, en með því móti hafa margir útlendingar verið ráðnir til slíkra starfa. Ekkert höfum við á móti útlendingum, en allir sjá, að aldraðir og lasburða þurfa ekki aðeins faglega þjón­ustu, heldur einnig af hálfu starfsfólks sem er mælandi á okkar þjóðtungu. Allir sjá þetta, en engir gera neitt í því á heilbrigðis­sviði né á vettvangi borgar­innar. Íslenska þjóð­fylk­ingin sér hins vegar réttu lausnina og vill fylgja henni eftir í verki. Þvert gegn sinnu­leysi um þessi mál, sem valda mörgum öldruðum ama og vansælu og allt að því einangrun á hjúkrunar­heimilum, viljum við frambjóðendur Íslensku þjóðfylk­ingarinnar að allir starfsmenn félagsþjónustu á þessu sviði verði sendir í íslenzku­námskeið, annað er ekki bjóðandi, enda gera aðrar þjóðir kröfu um ekkert minna en kunnáttu opinberra starfsmanna í tungu viðkomandi þjóða. En vellíðan þeirra, sem eiga rétt á þjónustu þeirra, er hér fyrir mestu.

PS. Jens G. Jensson, 3. maður á framboðslista ÍÞ til borgar­stjórnar, ritar á Facebók flokksins: "Útvistun umönnunar aldr­aðra er ekkert annað en meðferð á niður­setningum fyrri tíma. Útvistað til lægst­bjóðanda, sem síðan sækir ódýrasta vinnu­aflið og lætur það vinna í uppmæl­ingu við umönnun foreldra okkar."

 

Jón Valur Jensson. Höfundur skipar 4. sæti á framboðslista Íslensku þjóðfylkingarinnar til borgarstjórnar í komandi kosningum.

Margir flokkar sækja á sömu mið

2/3 þeirra, sem afstöðu taka í Gallupkönnun, eru andvígir byggingu mosku í Sogamýri

Fram er komin mjög eindregin andstaða stórs hluta kjósenda við byggingu mosku í Sogamýri (á áberandi stað á milli Miklubrautar og Suður­lands­brautar). Gallup­könnun um málið, birt í Mbl. í dag, er mjög ýtarleg, og koma þar m.a. fram ástæður þeirra, sem eru andvígir byggingu moskunnar. 39,3% þeirra eru andvíg stað­setn­ingunni, og 3,4% segja hana "of áberandi", en meirihluti andvígra (51,3%) má segja að hugnist ekki þessi framsókn islams hér á landi: 14,1% segja: á ekki heima hér, 12,7% segja: vil ekki mosku, 7,2% til viðbótar: "er á móti múslimatrú", 7%: [við erum] kristin þjóð, 4,2% nefna: "öfgahópar og hryðjuverk", 2,4%: "mun skapa vandamál", 2,3%: "myndum ekki fá að byggja kirkju í islamsríki" og 1,4%: "neikvæð þróun". Þá telur 1% hana "óþarfa". Þá er yfirgnæfandi meirihluti hlynntur því, að íbúakosning fari fram um málið. Sjá nánar greinina sjálfa í Morgunblaðinu í dag, eftir Árna Má Jónsson framkvæmdastjóra, áhugamann um lýðræði og betra líf, sem og tengilinn hér neðar á mbl.is-frétt um málið.

Þegar menn voru spurðir: "Ert þú hlynnt(ur) eða andvíg(ur) byggingu mosku í Sogamýri í Reykjavík," svöruðu 35,8% hvorki né, en 42,4% voru andvíg og 21,9% hlynnt þessu, og eru það nær tveir andvígir á móti hverjum einum sem hlynntur er byggingu moskunnar.

45,4% vildu, að haldin  yrði íbúakosning um byggingu moskunnar samhliða næstu sveitarstjórnarkosningum (26. maí nk.), 18,2% vildu að það yrði gert síðar (alls 63,6%), en 36,4% höfðu ekki skoðun á tímasetningu slíkrar kosningar um byggingu mosku eða var alveg sama. Borgarfulltrúar vinstri flokkanna taka hins vegar ekki í mál að leyfa íbúakosningu um málið -- í því birtist þeirra takmarkaða virðing fyrir lýðræði í borginni.

Vinstri menn í stjórn borgarinnar taka islamstrú fram yfir kristna trú, eins og kom fram í andstöðu þeirra við að láta trúfélagið Hjálpræðisherinn (sem hefur hjálpað bágstöddum hér í meira en 100 ár) njóta jafnræðis við múslimasöfnuð handarhöggs-predikarans Salmanns Tamimi. Þessir vinstri flokkar beita sér jafnvel gegn því að skólabörnum sé gefið Nýja testamentið, virðast óttast kærleiksboðskap Jesú Krists og postula hans og það, sem hann gaf okkur, langtum meira en boðskap Kóransins og þann Múhameð sem ofsótti Gyðinga og framdi viðurstyggileg fjöldamorð á fólki í Medína og víðar til að augðast og breiða út islam.

Með öllu sínu trúboði á 12-13 árum í Mekka (til 622 e.Kr.) hafði Múhameð einungis fengið um 50-60 eða í mesta lagi 150 fylgjendur, en eftir að hafa gert Medínu að miðstöð sinni tókst honum á næstu tíu árum að safna um 100.000 manns undir fána islams með sinni vopnuðu baráttu, "heilögu stríði," jihad, í margendurteknum árásar-, ráns- og herförum um Arabíu­skagann. 67% af ævisögu Múhameðs, al-Sira, er helgað hinni vopnuðu baráttu jihad, sjá rit Hege Stor­haug, Þjóða­plágan Íslam (Rvík 2016, bls. 177-8, 185). Islam er trú hins grimma stríðsmanns Múhameðs, ekki trú friðarins.

Jón Valur Jensson, einn frambjóðenda Íslensku þjóðfylkingarinnar til borgarstjórnar.

42% vilja ekki mosku í Sogamýri

Hverjir aðrir vilja vera með?

Nú eru síðustu forvöð fyrir menn að skrifa sig á meðmælendalista Íslensku þjóðfylkingarinnar og jafnvel hugsanlega á frambjóðendalista hennar fyrir komandi borgarstjórnarkosningar.

Hafa má samband við skrifstofu flokksins að Dalshrauni 5 í Hafnarfirði fyrir eða um kl. 7 í kvöld, fimmtudag (sími 789-6223), eða við undirritaðan í síma 616-9070.

PS. Enn er færi á því, eftir flokksstjórnarfund í kvöld, að fá sæti (helzt neðarlega) á framboðslista ÍÞ, en listinn var að mestu ákveðinn á fundinum. Ennfremur geta menn enn, til hádegis á þeim föstudegi sem nú fer í hönd, skráð sig á annan lista með samþykki við því að flokkurinn bjóði fram.

Jón Valur Jensson.

Þrjár ástæður óviðunandi hás íbúðaverðs reiknast á vinstri meirihlutann í borgarstjórn

1. Skort-stefna í lóðaúthlutun og okur borgar­inn­ar á verði lóða. Þær ætti að selja á kostn­aðar­verði (stefna ÍÞ).

2. "Þétt­ing byggðar" á dýrum svæðum, meðan ekki var út­hlut­að ann­ars stað­ar, kom í bak­ið á tekju­lágum.

3. Leyfis- og eftirlits­gjöld til húsbygginga hafa fjórfaldazt frá alda­mótunum, voru um 6% af íbúða­verði, en eru nú um 24%! Þetta hefur átt sinn stóra þátt í óða­verðbólgu á fasteigna­markaði í Reykjavík.

Vitaskuld átti að lækka fremur en hækka verð á lóðum í höfuðborginni. Það hefði laðað að kaupendur (verðandi útsvars­greiðendur) í stað þess að fæla marga frá og hrekja þá til nágranna­sveitar­félaga. Bæði húsbyggjendur og leigjendur, sem og fyrirtæki, hafa sótt fremur til Kópavogs og Hafnar­fjarðar eftir húsnæði og þau sveitarfélög notið þess í útsvörum og fasteigna­gjöldum, á meðan ásækni illa staddrar borgar­stjórnar í meiri gatnagerðar- og lóða­gjöld hefur stuðlað að erfiðri baráttu margra við að greiða sín gjöld og skuldir.

Vinur undirritaðs var að missa leiguíbúð sína og móður hans í Reykjavík og þurftu íbúð á jarðhæð, en leiguverð á slíkri íbúð reyndist hér "út úr öllu korti", óviðráðanlegt með öllu, en málið leystist þegar þeim bauðst slík íbúð á helmingi lægra verði í Hafnarfirði, og þar eru þau hæstánægð.

Íslenska þjóðfylkingin vill endurnýja verkamannabústaðakerfið, og nú eru aðrir flokkar farnir að taka þá stefnu upp eftir okkur! Nánar verður fjallað hér bráð­lega um húsnæðismálin, en þau eru meðal þeirra málaflokka, þar sem flestum er ljóst, að vinstri meirihlutinn hefur brugðizt almenningi illilega með stefnu sinni (sbr. ofangreinda upptaln­ingu) til viðbótar við hitt að hafa svikið loforð um 3.000 íbúðir á kjörtímabilinu sem nú er að enda. "Íbúðir á glærum" og endur­vinnsla kosningaloforða bæta engum fjölskyldum þau svik.

VIÐAUKI: 

Borgin selur lóðir dýrum dómum, hefur hækkað verð þeirra MARGFALDLEGA umfram hækkun byggingarvísitölu. Það er orðið dýrt að byggja, þegar menn þurfa, áður en fé er lagt í húsið, að leggja út 7-11 milljónir fyrir lóðina og gatnagerðargjöld! Á þessari vefslóð Viðskiptablaðsins, í grein árið 2015: http://www.si.is/media/mannvirkjagerd/frett-lodaverd.pdf , má m.a. lesa:

 

"Frá 2004 til 2015 hefur lóðaverð í hverfi á höfuðborgarsvæðinu hækkað um 508% reiknað á verðlagi ársins 2015."

 

Ennfremur:

"Sama lóðarverð er fyrir 55 fermetra íbúð og 150 fermetra íbúð."

 

Þetta síðastnefnda gerist reyndar í fleiri sveitarfélögum; Kópavogur hefur þó lagfært nokkuð þetta óréttlæti, sem bitnar mest á þeim sem eiga smáar íbúðir, en Reykjavík undir stjórn "vinstri alþýðumannsins" Dags B. keyrir áfram þessa stefnu á kostnað fátækra, ekki sízt þeirra sem eru að kaupa sína fyrstu íbúð. ---Ennfremur segir í sömu grein 2015:

 

"Ef lóðarverð í þessu hverfi hefði fylgt byggingarvísitölu hefði það hækkað úr 470.000 krónum [árið 2004] í 1.007.000 krónur [árið 2015] eða um 114% en raunin er sú að í þessu hverfi hækkaði lóðarverð úr 470.000 krónum í 5.200.000 krónur eða um 1.006%. Á verðlagi ársins 2015 hefur lóðarverðið hækkað úr 855.000 krónum árið 2004 í 5.200.000 krónur á þessu ári [2015] eða um 508%." ---Og enn hefur verðið hækkað!

 

Í ÞESSU NÁKVÆMLEGA BIRTIST VERÐBÓLU-HVETJANDI OKURSTEFNA VINSTRI MEIRIHLUTANS Í REYKJAVÍK GAGNVART ÍBÚÐAKAUPENDUM.

 

Jón Valur Jensson.

Íbúðirnar yfir greiðslugetu lágtekjuhópa

Enga islamsvæðingu landsins okkar!

Það er engum blöðum um það að fletta, að Íslenska þjóð­fylk­ingin er fram­sýnasti flokkur lands­ins í inn­flytj­enda­málum. Við sjáum hvert stefnir í Norður-Evrópu* og beitum okkur gegn því að það sama gerist hér. Fyrst alls er þar mikil­vægt að upp­fræða fólk um hið pólitíska islam og hætt­urnar sem í því eru fólgnar. Í öðru lagi þarf að taka upp ein­arða varnar­stefnu út frá þeirri þekkingu og framfylgja henni jafnt á vegum ríkis sem sveitarfélaga.

Strax við setningu innflytjenda­laganna nýju mótmælti Íslenska þjóð­fylk­ingin þeim, og nú þegar hefur komið í ljós, hvernig þau hafa gefið ófyrirleitnum aðkomumönnum með fölsuð og engin skilríki höggstað á okkur, valdið okkur miklum kostnaði og fyrir­höfn, og hátt í fjórar tylftir gróða­fíkinna lögfræðinga neyta þar færis til að fita sig á því að tefja máls­meðferð í stað þess að vísa viðkomandi burt.

Vitað er, að meðlimir hryðju­verka­samtaka hafa þegar haft við­komu hér á landi, og er það stóralvarlegt, hvort heldur þeir eru að reyna að stofna hér hryðju­verka­sellu, sem virkjuð yrði við útkall frá samtökum þeirra, eða hvort reynt er að koma hættu­leg­um ISIS- eða al-Qaída-liðum héðan til Vesturheims, en ítrekað hafa múslimskir reynt að laumast hér í farskip í Sundahöfn.

Þótt mikill meirihluti múslimskra í Evrópu hafi fram undir þetta verið friðsamir borgarar í leit að vinnu og byggt upp heimili sín af eljusemi, eru róttækir straumar meðal þeirra undir niðri, vaxandi islams­væðing einmitt meðal hinnar yngri 2. og 3. kynslóðar múslima í löndunum, einkum ungra karlmanna sem láta blekkjast af áróðursmönnum í moskum þeirra og víðar, mönnum sem skírskota til sjálfsvitundar þeirra sem fylgjenda "spámannsins", þ.e. Múhameðs, og að reisn þeirra sé undir því komin, að þeir láti ekki samlagast evrópskum hugsunarhætti.

Margítrekað hefur komizt upp um það (m.a. með földum upptökuvélum), að moskur múslima í Danmörku, Bretlandi og víðar hafa verið notaðar til að dreifa öfgastefnu salafista og annarra islamista í takt við saudi-arabískt réttarfar og takmörkun mannréttinda þar og víðar í múslimskum löndum. Ennfremur gætir þar fyrirlitningar- og hatursáróðurs um vestrænt siðferði og kristna menn.

Einungis með markvissri stefnu í innflytjendamálum er hægt að stemma stigu við uppgangi öfgaislamisma í Evrópu, og Ísland er þar engin undantekning. Víða um lönd er þessi þróun komin svo langt, að erfitt er að koma á hana böndum úr þessu. En þannig er ekki ástandið í löndum eins og Póllandi, Slóvakíu, Tékklandi og Ungverjalandi, þar sem múslimar eru ekki aðeins fáir, heldur hömlum beitt gegn fjölgun þeirra.

Íslenska þjóðfylkingin hafnar allri útlendingaandúð sem slíkri og fordæmir kynþáttahyggju (rasisma). Flokkurinn hefur ekkert á móti því, að útlendingar starfi hér, t.d. bæði evrópskir og frá Norður- og Suður-Ameríku, sem og t.d. frá Indlandi, þar sem um 10.000 læknar útskrifast árlega úr háskólum, svo að dæmi sé nefnt. Við höfnum heldur engum frá Norður-Afríku eða Miðjarðarhafsbotnum á grundvelli kynþáttar þeirra eða húðlitar, enda höfum við t.d. mælt með móttöku jasidískra og kristinna flóttamanna frá Sýrlandi, sem sé af sýrlenzku kyni, og varla ber það vott um "rasisma"!

Meðal t.d. flokksstjórnarmanna Íslensku þjóðfylkingarinnar eru þeir í meirihluta sem eiga "blandaðar fjölskyldur" með "útlenzku blóði" heldur en hinir, sem eiga "alíslenzkar" fjölskyldur. (Þetta á t.d. við um undirritaðan, stjúpsonur hans hálf-indverskur að ætt og barnabörn hans bæði hálf-afrísk og öll mjög mannvænleg og tvö þeirra farin að hasla sér völl á sínum sviðum, og kærasta eldri sonarins er víetnömsk.)

Eðlileg fjölgun útlendinga hlýtur að verða hér, en má þó ekki verða í þeim hraða mæli, að við ráðum ekki við að hjálpa því fólki að ná tökum á íslenzkri tungu og tileinka sér þau samfélagsgildi sem hér hafa ríkt. En flokkurinn varar sterklega við hinu pólitíska islam, sem er vel að merkja samhæfðari pólitísk hreyfing en flestir gera sér ljóst og á gildari rót í trúarritum múslima en almennt er kunnugt. Meðal þess, sem nauðsynlegt er, að fólk kunni deili á í þessu efni, eru hugmyndafræðileg áhrif Múslimska bræðralagsins allt frá stofnun þess á fyrri hluta síðustu aldar og hvernig draumurinn um endurreisn khalífats múslimaþjóða hefur orðið að virkum áhrifaþætti í stefnu margra múslima, einnig í Evrópu.

Meðal bezt upplýstra rithöfunda um þessi mál má telja Bill Warner, og fagna ber því, að stofnað hefur verið til íslenzks fræðsluhóps, e.k. grein af alþjóðastofnuninni Center for the Study of Political Islam, í anda þess víðlesna höfundar. Ennfremur má benda hér á geysilega fróðleg og yfirgripsmikil rit Hege Stor­haug, norskrar blaðakonu og rithöfundar, en tvær bækur hennar eru til á íslenzku: Dýrmætast er frelsið -- innflytjendastefna og afleiðingar hennar (Rv. 2008: Ugla bókafélag, 359 bls.), og Þjóðaplágan Íslam (Rvík 2016: Tjáningarfrelsið ehf., 424 bls.).

Eða hvernig lízt mönnum á þessa framtíðarsýn: https://www.youtube.com/watch?v=y5R1T2BxtSc

* Gert er ráð fyrir, að múslimum í Þýzkalandi fjölgi úr um fimm milljónum, þ.e. á sjöunda prósent íbúa nú, í um 20% árið 2050, en í Danmörku upp í 16% og í Svíþjóð í 30,6%, sjá nánar pistilinn stutta: Múslimar verða um 20% íbúa Þýzkalands eftir aðeins 32 ár, 18% íbúa Frakklands, 17% íbúa Bretlands og Noregs og 30,6% íbúa Svíþjóðar! og tilvísun þar á ýtarlegri grein. 

Jón Valur Jensson.

Enga islamsvæðingu landsins okkar!

Það er engum blöðum um það að fletta, að Íslenska þjóð­fylk­ingin er fram­sýnasti flokkur lands­ins í inn­flytj­enda­málum. Við sjáum hvert stefnir í Norður-Evrópu* og beitum okkur gegn því að það sama gerist hér. Fyrst alls er þar mikil­vægt að upp­fræða fólk um hið pólitíska islam og hætt­urnar sem í því eru fólgnar. Í öðru lagi þarf að taka upp ein­arða varnar­stefnu út frá þeirri þekkingu og framfylgja henni jafnt á vegum ríkis sem sveitarfélaga.

Strax við setningu innflytjenda­laganna nýju mótmælti Íslenska þjóð­fylk­ingin þeim, og nú þegar hefur komið í ljós, hvernig þau hafa gefið ófyrirleitnum aðkomumönnum með fölsuð og engin skilríki höggstað á okkur, valdið okkur miklum kostnaði og fyrir­höfn, og hátt í fjórar tylftir gróða­fíkinna lögfræðinga neyta þar færis til að fita sig á því að tefja máls­meðferð í stað þess að vísa viðkomandi burt.

Vitað er, að meðlimir hryðju­verka­samtaka hafa þegar haft við­komu hér á landi, og er það stóralvarlegt, hvort heldur þeir eru að reyna að stofna hér hryðju­verka­sellu, sem virkjuð yrði við útkall frá samtökum þeirra, eða hvort reynt er að koma hættu­leg­um ISIS- eða al-Qaída-liðum héðan til Vesturheims, en ítrekað hafa múslimskir reynt að laumast hér í farskip í Sundahöfn.

Þótt mikill meirihluti múslimskra í Evrópu hafi fram undir þetta verið friðsamir borgarar í leit að vinnu og byggt upp heimili sín af eljusemi, eru róttækir straumar meðal þeirra undir niðri, vaxandi islams­væðing einmitt meðal hinnar yngri 2. og 3. kynslóðar múslima í löndunum, einkum ungra karlmanna sem láta blekkjast af áróðursmönnum í moskum þeirra og víðar, mönnum sem skírskota til sjálfsvitundar þeirra sem fylgjenda "spámannsins", þ.e. Múhameðs, og að reisn þeirra sé undir því komin, að þeir láti ekki samlagast evrópskum hugsunarhætti.

Margítrekað hefur komizt upp um það (m.a. með földum upptökuvélum), að moskur múslima í Danmörku, Bretlandi og víðar hafa verið notaðar til að dreifa öfgastefnu salafista og annarra islamista í takt við saudi-arabískt réttarfar og takmörkun mannréttinda þar og víðar í múslimskum löndum. Ennfremur gætir þar fyrirlitningar- og hatursáróðurs um vestrænt siðferði og kristna menn.

Einungis með markvissri stefnu í innflytjendamálum er hægt að stemma stigu við uppgangi öfgaislamisma í Evrópu, og Ísland er þar engin undantekning. Víða um lönd er þessi þróun komin svo langt, að erfitt er að koma á hana böndum úr þessu. En þannig er ekki ástandið í löndum eins og Póllandi, Slóvakíu, Tékklandi og Ungverjalandi, þar sem múslimar eru ekki aðeins fáir, heldur hömlum beitt gegn fjölgun þeirra.

Íslenska þjóðfylkingin hafnar allri útlendingaandúð sem slíkri og fordæmir kynþáttahyggju (rasisma). Flokkurinn hefur ekkert á móti því, að útlendingar starfi hér, t.d. bæði evrópskir og frá Norður- og Suður-Ameríku, sem og t.d. frá Indlandi, þar sem um 10.000 læknar útskrifast árlega úr háskólum, svo að dæmi sé nefnt. Við höfnum heldur engum frá Norður-Afríku eða Miðjarðarhafsbotnum á grundvelli kynþáttar þeirra eða húðlitar, enda höfum við t.d. mælt með móttöku jasidískra og kristinna flóttamanna frá Sýrlandi, sem sé af sýrlenzku kyni, og varla ber það vott um "rasisma"!

Meðal t.d. flokksstjórnarmanna Íslensku þjóðfylkingarinnar eru þeir í meirihluta sem eiga "blandaðar fjölskyldur" með "útlenzku blóði" heldur en hinir, sem eiga "alíslenzkar" fjölskyldur. (Þetta á t.d. við um undirritaðan, stjúpsonur hans hálf-indverskur að ætt og barnabörn hans bæði hálf-afrísk og öll mjög mannvænleg og tvö þeirra farin að hasla sér völl á sínum sviðum.)

Eðlileg fjölgun útlendinga hlýtur að verða hér, en má þó ekki verða í þeim hraða mæli, að við ráðum ekki við að hjálpa því fólki að ná tökum á íslenzkri tungu og tileinka sér þau samfélagsgildi sem hér hafa ríkt. En flokkurinn varar sterklega við hinu pólitíska islam, sem er vel að merkja samhæfðari pólitísk hreyfing en flestir gera sér ljóst og á gildari rót í trúarritum múslima en almennt er kunnugt. Meðal þess, sem nauðsynlegt er, að fólk kunni deili á í þessu efni, eru hugmyndafræðileg áhrif Múslimska bræðralagsins allt frá stofnun þess á fyrri hluta síðustu aldar og hvernig draumurinn um endurreisn khalífats múslimaþjóða hefur orðið að virkum áhrifaþætti í stefnu margra múslima, einnig í Evrópu.

Meðal bezt upplýstra rithöfunda um þessi mál má telja Bill Warner, og fagna ber því, að stofnað hefur verið til íslenzks fræðsluhóps, e.k. grein af alþjóðastofnuninni Center for the Study of Political Islam, í anda þess víðlesna höfundar. Ennfremur má benda hér á geysilega fróðleg og yfirgripsmikil rit Hege Stor­haug, norskrar blaðakonu og rithöfundar, en tvær bækur hennar eru til á íslenzku: Dýrmætast er frelsið -- innflytjendastefna og afleiðingar hennar (Rv. 2008: Ugla bókafélag, 359 bls.), og Þjóðaplágan Íslam (Rvík 2016: Tjáningarfrelsið ehf., 424 bls.).

Eða hvernig lízt mönnum á þessa framtíðarsýn: https://www.youtube.com/watch?v=y5R1T2BxtSc

* Gert er ráð fyrir, að múslimum í Þýzkalandi fjölgi úr um fimm milljónum, þ.e. á sjöunda prósent íbúa nú, í um 20% árið 2050, en í Danmörku upp í 16% og í Svíþjóð í 30,6%, sjá nánar pistilinn stutta: Múslimar verða um 20% íbúa Þýzkalands eftir aðeins 32 ár, 18% íbúa Frakklands, 17% íbúa Bretlands og Noregs og 30,6% íbúa Svíþjóðar! og tilvísun þar á ýtarlegri grein. 

Jón Valur Jensson.

Grunaðir um að undirbúa hryðjuverk

Skrifaðu flugvöll !

Fyrir mörgum árum gekk mynd af frambjóðanda á landsbyggðinni að deila út kosningaloforðum. Hann var á tali við kjósanda og sneri sér að aðstoðar­manni sínum og sagði. "Skrifaðu flugvöll"

Íslenska þjóðfylkingin hefur mótað stefnu í mörgum málum til borgar­stjórnar­kosninga. Meðal annars frítt í strætó fyrir allt skólafólk. Þar er verið að hugsa um að létta á umferð, minnka mengun og ekki síst að kanna hvernig almenningssamgöngur gætu þróast áður en farið er í milljarða fjárfestingu í Borgar­línu og að afla sér heimilda.

Daginn eftir að Íslenska þjóðfylkingin kynnti þessa stefnu voru aðrir flokkar byrjaðir að boða hana.

Íslenska þjóðfylkingin boðaði líka að reyna ætti aftur árangurs­tengd bekkjarkerfi í grunnskólum borgarinnar. Ekki kom fram hvers vegna, en nú eru aðrir flokkar búnir að taka upp þetta stefnumál, t.d. Flokkur fólksins samkvæmt útvarpi Flokks fólksins, sem gengur undir nafninu Útvarp Saga.

En ástæðurnar eru þunnar, enda skilningsleysið algert. Skólakerfið og gæði þess fer eftir og mun fara eftir þrýstingi frá hagsmuna­aðilum og hagsmunaaðilar eru foreldrar. Ef mengi nemanda breytist verulega og skólastarf verður erfiðara, munu möguleikar þeirra sem best geta staðið sig minnka, án þess að möguleikar hinna muni aukast. Þarna koma foreldrar inn í myndina og grípa í taumana, en ekki allir foreldrar, bara örfáir. En það eru einmitt hinir örfáu foreldrar sem láta sig skólastarfið varða sem eru verðmætasta eign skólans. Þessa foreldra má ekki missa með sín börn yfir í einkarekna skóla, vegna þess að það yrði vondur spírall fyrir hið opinbera skólakerfi. Opinberi skólinn myndi versna og versna, eftir að bestu og síðan næstbestu foreldrar myndu yfirgefa hann með börnin sín. Þetta er örugg leið til að skapa misskipt samfélag, misskipt við fæðingu, vegna þess að það barn sem valdi sér foreldra er ekki enn fætt.

Íslenska þjóðfylkingin setti þessa stefnu fram í þessum tilgangi, ekki til að auka misskiptingu innan hins opinbera skólakerfis, heldur til að reyna að halda skólakerfinu saman og koma til móts við þessa fáu en áríðandi foreldra, sem láta menntun barna sinna sig varða. Þessir fáu foreldrar eru í raun ekki bara foreldrar barna sinna, þeir eru foreldrar allra barna og draga vagninn í að viðhalda gæðum í hinu opinbera skólakerfi og skólinn má ekki missa þá yfir í sérskóla.

Jens G. Jensson, einn frambjóðenda Íslensku þjóðfylkingarinnar.

Lítil ánægja með stjórnmálastéttina; hrun Samfylkingar heldur áfram

Áberandi er í nýrri könnun Frétta­blaðs­ins, að 49,2% gefa ekki upp neinn flokk sem þau vilji kjósa! Heil 21,3% vildu ekki svara, 16,6% sögðust óákveðin, 11,3% ætla ekki að kjósa eða hyggjast skila auðu. En meðal þeirra, sem einna sízt vilja svara spurningu blaðamanna hins vinstri sinnaða Fréttablaðs, eru þeir mörgu, sem hafna innflytjenda­stefnu vinstri flokkanna, einkum stuðningsmenn Íslensku þjóðfylk­ingarinnar, sem fekk 6,42% í skoðanakönnun á vef Útvarps Sögu 12. þ.m., sjá https://thjodfylking.blog.is/.../thjodfylking/entry/2214640/

Þrátt fyrir orðalag Fréttablaðsins: "Samfylkingin fylgir fast á hæla Sjálfstæðis­flokknum," skilja nú heil 4,5% á milli flokkanna. Svo langt hefur Dagur dregizt aftur úr Eyþóri Arnalds, en hafði áður verið með mesta fylgið.

Svo er þess naumast farið að gæta hér, sem upp komst innan við sólarhring fyrir þessa könnun: þ.e. að skýjaborgir Dags um Borgarlínu og að setja Miklu­braut í stokk eru í raun HRUNDAR, verða aldrei að veruleika á þessu kjör­tímabili, hvorki til þess peningar í borgarsjóði né í ríkissjóði, samkvæmt upplýsingum fjármála­ráðherra á Alþingi í fyrradag, og Vegagerðin kemur af fjöllum að heyra um þennan Miklubrautar-stokk upp á 21 milljarð, og hefur hún þó æðsta framkvæmdavald um þá stofnbraut!

Þessir tveir rándýru útgjaldapóstar eru hvergi inni á framkvæmda­áætlun vegamála, sem nú hefur þó fengið um 25% aukið framlag ríkissjóðs, enda mikil þörf á því vegna lélegs ástands þjóðvega og nauðsynjar á að fækka einbreiðum brúm. Það er borin von hinna veruleika­firrtu vinstri manna í Reykjavík, að þeir geti látið ríkið draga sig að landi með sín hraustlega svæsnu kosninga­loforð. En borgin sjálf gæti ekkert áorkað í þessu efni án aukinnar lántöku, sem hún hefur hins vegar ekkert lánstraust til, enda eitt verst stæða sveitarfélagið!

PS. Í skoðanakönnun á vef Útvarps Sögu frá hádegi í gær til hádegis í dag var spurt: Telur þú að borgarmeirihlutinn muni falla í komandi kosningum? Þar svöruðu 84,88% JÁ, 12,4% NEI, en 2,7% voru hlutlaus. Þetta eru mjög afgerandi niðurstöður.

Jón Valur Jensson.

Sjálfstæðisflokkurinn stærstur

100-190 ma. Borgarlína & Miklu­brautar­stokkur "strax", aðal-kosn­inga­loforð Dags, gufa upp í einni svipan, er SDG og BB sjá, að sjón­hverfinga­maðurinn er berrassaður

SDG: Ég skildi svar ráðherra sem svo að það sé ekki svig­rúm hjá rík­inu til að fjár­magna þessi verk­efni. Borg­ar­yf­ir­völd geta ekki vænst þess að fá fjár­magn í borg­ar­línu eða að setja Miklu­braut í stokk úr rík­is­sjóði. 

BB: Fjórðungs­aukn­ing til vega­mála er mikið átak, hvernig sem menn vilja líta á það. "Það mun ekki duga til að standa und­ir tug­millj­arða verk­efni eins og borg­ar­lín­an er."

Þar með hafa stórkarlalegustu kosningaloforð Dags B. Eggertssonar reynzt vera undirstöðulaus -- allt heila klabbið blásið af í tveimur ræðum, enda er fjármagn ekki til fyrir þessum ga-ga-eyðsluverkefnum og enginn vilji hjá landstjórninni til að draga ábyrgðarlausan gasprarann að landi; hann getur blaðrað á eigin ábyrgð, ekki fjármálaráðherrans né ríkissjóðs!

PS. Vinstri menn í borgarstjórn tala um, að Borgarlínan kosti 80 milljarða, en aðrir hafa spáð allt að 170 milljörðum króna. Miklu­brautar­stokkurinn á að kosta 21 milljarð króna, en við gerð hans mundi þurfa að beina mestallri umferð burt; met yrðu slegin í umferðarhnútum við Sæbraut, Bústaðaveg og fleiri helztu götur.

PPS. Vitaskuld tókst Fréttablaðinu í dag að þegja algerlega um þessi tíðindi frá Alþingi í gær! Þau ætla ekki að taka þátt í því að opinbera það hvernig þessi spilaborg Dags er hrunin: fótunum algerlega kippt undan tveimur helztu kosningaloforðum hans!

Jón Valur Jensson.

Sigmundur spurði Bjarna um borgarlínu

Fjölmenningin sýnir sig í Kaupmannahöfn!

Jens G. Jensson deildi færslu með hópnum: Íslenska Þjóðfylkingin X-E

Er það þetta sem er kallað fjölmenning ?

 

Bill Malmgren

15. apríl kl. 09:42 · 

 

Aths. JVJ: Ísland er ekki næst í röðinni, langt á undan okkur eru Svíþjóð, Þýzkaland, Danmörk, Noregur, Bretland, Spánn ... En ef við verðum jafn-andvaralaus og þjóðirnar í nefndum löndum, þá verður þetta einhvern tímann veruleikinn sem við þurfum að búa við. Og minnizt þess, að þegar múslimar hafa náð 10% af íbúafjölda landa, þá er talið, að nær óviðráðanlegt verði að stemma stigu við frekari uppgangi þeirra, þeir verði þá komnir með svo mikil áhrif víða í samfélaginu, sbr. að nú þegar eru múslimar setztir á borgarstjórastjól í mörgum helztu borgum Bretlands.