Dagur B. Eggertsson tók afstöðu gegn ótvíræðum þjóðarhag í Icesave-máli og rétti Reykvíkinga til mislægra gatnamóta!

Spurt var í haust á vef Þjóðarheiðurs, samtaka gegn Icesave: 

Hver ætli skipi heiðurssætið á lista Samfylkingar í Reykjavík norður?

Hver annar en Ice­save-samn­inga-hvatn­inga­mað­ur­inn Dag­ur B. Egg­erts­son?! --Nei, heyrið mig nú, kom hann nokkuð nálægt því? Er þetta ekki miklu fremur flug­vallar-tortím­andinn galvaski? --Jú, að vísu, en lesið hvað hann skrifaði um Icesave-málið:

Dagur B. Eggertsson: Mér finnst algert ábyrgðarleysi af stjórnarandstöðunni að þvælast fyrir Icesave-málinu. Það væri feigðarflan að ætla sér aðra tafsama samningalotu ...!

(og smellið á þetta til að sjá meira).

Þessi sami Dagur B. Eggertsson hefur ekki aðeins tekið afstöðu gegn ótvíræðum lagarétti Íslands í Icesave-málinu, heldur einnig gegn Reykvíkingum með því að snuða þá um að fá mislæg gatnamót þar sem þeirra er þörf til að greiða fyrir umferð, en ríkissjóður hefði borgað 80-85% kostnaðarins eins og við allar stofnbrautir sem tilheyra almenna vegakerfinu.

Sendum þennan mann í frí frá rekstri borgarinnar, en hann hefur í bandalagi við aðra vanhæfa vinstri menn aukið skuldir hennar um rúmlega einn milljarð á hverjum mánuði (alls 50 milljarða!) síðan hann varð borgarstjóri fyrir fjórum árum!

Það er kominn tími til, að þú fallir í kosningum, Dagur B.!

Jón Valur Jensson. Höfundur skipar 4. sæti á lista Íslensku þjóðfylkingarinnar í borgarstjórnarkosningunum.

Horfum bjartsýn fram á veg, þótt stórar valdablokkir virðist óvinnanlegar, það er enn hægt að breyta og bæta!

Gleðilega hvítasunnu! Það er birta yfir orðinu, þótt út­synn­ings-slag­virði hafi geng­ið yfir, sem dregur þó úr í dag, spáð glaða­sól­skini og hæg­virði á morg­un!

Nú eru 6 dag­ar til kosn­inga! Marg­ir hafa lagt mikið á sig að virkja áhuga ann­arra á nýjum fram­boðum til að vinna hug­sjón­um braut­ar­gengi, en horfa þó áhyggju­fullir á mis­traustar skoðana­kannanir sem virðast enn gefa stórum flokkum, sem fyrir eru, mest fylgi.

En ýmsir flokkar eiga leynt fylgi sem kemur ekki fram þegar hringt er í menn frá hlut­drægum fjöl­miðli og þeir þýfgaðir um það hvað þeir ætli að kjósa. Þeir fjölmiðlar vinna ekki í þágu nýrra hugsjóna.

Allur okkar aktívismi á að vera yljaður af trú á hið góða, að það hafi tilgang að vinna af alhug að framgangi góðra málefna, þótt einstaklingurinn virðist mega sín lítils að takast á við voldugar valdablokkir, fastmótaðar venjur eða ríkjandi rétthugsun.

Hin bandaríska Meghan Markle (nú nýgift hertogaynja af Sussex) sýndi það strax ung, að hún trúði á möguleikann til að breyta og bæta: Hún vildi ljá jafnrétti karla og kvenna sitt lið og gerði það, jafnvel sem 11 ára stelpa. Þegar henni ofbauð aug­lýs­inga­mennskan sem virtist ætla konum það einum að starfa í eld­húsinu, þá kaus hún að vinna gegn slíkri innrætingu sjón­varps­aug­lýs­inga og tókst að fá fyrir­tæki til að breyta þeim! Þetta gerði hún með sínum einfalda aktívisma: að skrifa bréf! Og það gerði hún seinna í þágu umhverfismála líka.

Og við gerum það sama, þegar við vitum hvað rétt er að kjósa og kjósum það, þótt einhverjir reyni að telja okkur hughvarf og fullyrði, að atkvæðið falli dautt og ómerkt. Það gerir það einungis, ef allir missa trúna. En látum engan taka þá trú af okkur og narra okkur til að kjósa það, sem við vitum að lakara er, eða að sitja heima í vantrú og vesöld þess sem útilokar birtuna fram undan!

"Ef þú sérð eitt­hvað sem þér lík­ar ekki eða tel­ur vera fals­skila­boð í sjón­varpi eða ann­ars staðar, skrifaðu þá bréf og sendu það til réttra aðila. Það get­ur skipt sköp­um," sagði hin 11 ára Meg­h­an Markle árið 1993.

 

Jón Valur Jensson.

Meghan varð aktívisti 11 ára

Allt í tómu tjóni hjá meirihluta Dags sem genginn er sér til húðar

Ætla vinstri flokkar að halda áfram að auka skuldir borgar­innar um einn milljarð á mánuði? Að þrífa göt­urnar 1 sinni á ári? Verður Mos­fells­bær áfram með fleiri lóða­úthlut­anir en Reykja­víkur­borg? Ætla Dagur & Co. að gera alvöru úr því að leggja niður Reykja­víkur­flugvöll á kjör­tíma­bilinu? þótt hann minnist ekki á það nú og þótt nýr flugvöllur á lakari stað, í Hvassa­hrauni, myndi kosta þjóðina 350 milljarða og meira til, ef hann verður alþjóða­flugvöllur! Hvar eru peningar til þess?

Um 50 milljarða aukning hefur orðið á skuldum borgarinnar á kjör­tímabilinu, rúmur milljarður á mánuði! Reykjavík er næst-skuld­ugasta sveitar­félagið að hlut­falls­tölu á íbúa, og samt þykist Dags­liðið ætla að fara með Borgar­línu í framkvæmd, sem kosta mundi 70-100 milljarða, og setja Miklu­braut í stokk sem kosta myndi a.m.k. 21 milljarð og fela í sér niður­brot húsa og gríðar­lega umturnun (m.a. mundi eitt gælu­verkefni síðasta árs, steinveggur milli Miklu­brautar og Klambratúns, framkvæmd upp á hálfan milljarð, hlaðinn með hægðinni og umferðartöfum, verða fyrir bí).

Þannig er allt á eina bókina lært hjá þessu gæfulausa liði sem er við stjórn­völinn í Ráðhúsinu. Þeir hafa þó komið sér hjá því að þurfa að svara umkvörtunum borgaranna, því að biðtíminn eftir viðtali hjá embættis­mönnum borgarinnar, þar á meðal Degi borgar­stjóra, hefur verið firnalangur, allt upp í eitt og hálft ár, í stað þess að hlustað sé eftir borgurunum og reynt að þjóna þörfum þeirra.

Aukaspurning: Hvar ætlar Dagur að finna sér vinnu næst? 

Svo er skömm að því, hvernig hann sem borgarstjóri misnotar aðstöðu sína til að láta borgina senda út lygabækling þar sem ástand borgarsjóðs og frammistaða hans sjálfs er lofuð og prísuð, þvert gegn staðreyndum! Hér skal að lokum tekin upp úttekt Staksteina Moggans á því máli, í pistli þar í dag, og takið eftir lúmsku háðinu strax í 2. og 4. málslið og í lokamálsliðnum:

Lykilatriði og lykiltölur borgarinnar

Föstudagur 18. maí 2018

 

Dag­ur B. Eggerts­son.

"Í gær gaf borg­in út mynd­ar­legt blað sem á að sýna hve glæsi­lega hafi verið staðið að upp­bygg­ingu Miðborg­ar­inn­ar og hve mik­il ánægja ríki með það sem gert hef­ur verið á síðustu árum.

Tíma­setn­ing­in, níu dög­um fyr­ir kosn­ing­ar, er at­hygl­is­verð, en þetta er auðvitað samt al­veg ótengt kosn­ing­un­um.

Að und­an­förnu hef­ur frétta­vef­ur borg­ar­inn­ar verið afar virk­ur og þar hef­ur mátt sjá fjölda frétta um hve meiri­hlut­inn, ekki síst borg­ar­stjór­inn, hef­ur verið dug­leg­ur.

Þetta teng­ist kosn­ing­um ekki held­ur á nokk­urn hátt.

Á þriðju­dag var á þess­um fína og hlut­lausa frétta­vef sagt frá því að árs­reikn­ing­ur Reykja­vík­ur­borg­ar hafi verið samþykkt­ur í borg­ar­stjórn.

Þar kom meðal ann­ars fram að út­koma árs­reikn­ings­ins sé „mjög já­kvæð fyr­ir Reykja­vík­ur­borg“.

Svo voru dregn­ar fram „lyk­il­töl­ur“ úr A-hluta reikn­ings­ins, og þá mátti sjá að skuld­ir eru ekki meðal lyk­iltaln­anna, aðeins eigið fé, sem sum­ir mundu halda að væri síður lyk­iltala í þessu sam­bandi.

En frétta­deild borg­ar­stjóra veit bet­ur og hún er vel meðvituð um að það er lyk­il­atriði að draga ekki fram lyk­il­töl­ur á borð við skuld­ir borg­ar­inn­ar, og þaðan af síður vöxt skuld­anna, fyr­ir kosn­ing­ar."

 

Er það ekki að svindla sér leið til valda að bera fram villandi og falskar upplýsingar fyrir kosningar?

 

Jón Valur Jensson.

Þeir mega líta sér nær

 Hvenær ætlar Arababandalagið að fara fram á alþjóðlega rannsókn á meintum glæpum flughers Saudi-Arabíu með loftárásum á saklausa, fátæka alþýðu Jemens? Vilji Arababandalagið gera sig gjaldgengt sem álitsgjafa, ef ekki dómbært á siðferði stjórnvalda, gæti það byrjað á þessu grundvallaratriði.

Svo mætti sama bandalag gera þá afstöðu kýrskýra, að héðan í frá verði kristnum heimilt að reisa kirkjur í öllum arabalöndum, en kveða annars upp úr um það álit sitt, að meðan Saudi-Arabía bannar slíkt og gerir það refsivert að eiga Biblíu og jafnvel dauðasök að falla frá islamstrú til kristni, þá ætti sama Saudi-Arabía að hætta að styðja múslimskt trúboð á Vesturlöndum og hlaða undir moskur þar.

JVJ.

Arababandalagið krefst rannsóknar

Erlend fyrirtæki eiga ekki að eignast hér heilu firðina og auðmenn ekki hálfu hreppana!

Stórtæk ásælni erlendra auðmanna og fyrirtækja í jarðeignir hér og sjávar­útvegsfyrirtæki á ekki að líðast. Stjórnmála­menn Fjór­flokksins hafa verið sof­andi í þessum málum. Auðugasti Bretinn á hér miklar jarðeignir. Norsk fisk­eldis­fyrirtæki teygja hingað arma sína, með áformum sem gætu stefnt laxa­stofnum hér í hættu, og enn berast fregnir af því (síðast í þessari viku) að sjóeldis­laxar hafi sloppið hér í margar ár. Þessu til viðbótar er svo hættan á því, að þessi norsku fyrirtæki eignist hér heilu firðina!

Stjórnarskráin hefur ákvæði okkur til varnar í þessum málum, í 72. grein, en stjórnvöld þurfa þá líka að vera fús til að beita þeim. Íslenska þjóð­fylkingin er andvíg þeim EES-samningi, sem heimilar ESB-borgurum víðtækar fjárfestingar hér. Og hvorki kínverska ríkið (með lepp að vopni) né aðrir útlendingar eiga að hafa heimild til að kaupa hér upp dýrustu og víðfeðmustu jarðeignir, eins og Bretinn komst upp með á Grímsstöðum og í Vopnafirði og annar (þýzkur auðmaður) í Mýrdal.

Eins ber að tryggja, að íslenzk sjávar­útvegs­fyrirtæki komist aldrei í eigu erlendra stórfyrirtækja.

Enn frekari rök gegn EES-samningnum hafa verið að koma fram síðustu mánuðina og fram á þennan dag! (sjá neðar). Glæsileg hefur barátta Bjarna Jónssonar rafmagns­verkfræðings gegn ACER-málinu verið, í greinum hans í Morgunblaðinu og á Moggabloggi hans, sem og þeirra félaganna í samtökunum Frjálst land. Málið gengur út á að hafna ásælni Evrópusambandsins (með EES-samninginn að vopni) í yfirráð yfir orkunýtingu íslenzkra fallvatna og annarra orkulinda til að eiga færi á að sena rafmagn héðan um sæstreng til Skotlands, en afleiðingin yrði stórhækkun raforku­verðs til íslenzks almennings og fyrir­tækja, jafnvel allt að tvöföldun verðssins. Þessu hafna í raun 80% þjóðar­innar skv. skoðana­könnun (sem Bjarni o.fl. hafa gert grein fyrir), en eins og norskir stjórnmálamenn brugðust í málinu, þá gæti það sama gerzt hér, því að ýmsir hér, bæði embættis- og stjórn­mála­menn, virðast hræddir við að andmæla valda­stéttinni í Brussel og stórveldunum sem standa að Evrópusambandinu.

Nýjasta fréttin er svo sú, að frumvarpið sem liggur fyrir Alþingi um löggjöf um persónuvernd, frumvarp sem felur í sér innleiðingu á Evrópu­löggjöf í þeim málaflokki, gæti orðið íslenzkum sveitarfélögum og stofnunum skeinu­hætt í meira lagi! Heimilt yrði skv. ákvæðum frumvarpsins "að leggja á gífurlega háar stjórnvalds­sektir", og "beiting þeirra myndi sliga mörg sveitar­félög," eins og fram kemur í forsíðu­frétt Morgun­blaðsins í dag (sjá nánar þar í lengri grein Ómars Friðrikssonar blm. á bls. 44). Samkvæmt frumvarpinu "getur Persónu­vernd lagt á stjórn­valds­sektir sem nema allt að 2,4 milljörðum króna eða 4% af veltu, hvort heldur er hærra"! Álagning ofursekta af þessu tagi, t.d. á sveitar­félög, sem "fara með mikið af viðkvæmum persónu­upplýsingum," á sér engin fordæmi gagnvart opinberum aðilum, segir í sömu frétt. Dæmi er þar tekið af Reykja­víkur­borg, þar sem heildar­veltan er 177 milljarðar króna, "og 4% af þeirri upphæð losar sjö milljarða" í stjórn­valds­sekt!!!

Þetta er eitt af fleiri dæmum um að við sem smáþjóð eigum ekkert erindi í þetta Evrópu­samband né að vera háð því um neitt af löggjöf okkar. Annað augljóst dæmi er hið nýja innistæðu­trygg­inga­kerfi ESB, sem gæti orðið Íslendingum mjög þungbært, ef til þess kæmi að bankar yrðu hér gjaldþrota eins og í bankakreppunni 2008. Og samkvæmt umræðu um hugsanlegt ofris markaðarins, er eins gott að taka ekki slíka áhættu á þungbærum álögum vegna óþarfrar ESB-löggjafar. Við eigum að sníða okkur stakk eftir vexti, ekki reisa okkur hurðarás um öxl með lagaákvæðum sem henta kunna stórveldi, en ekki smáríki.

Jón Valur Jensson.

Dagur B. auglýsir enn falsbeitur til að fá atkvæði, felur rækilega svik sín í húsnæðismálum

Aðal-kosningamál Dags getur hann aldrei efnt, hvorki Borgarlínu né stokk í Miklubraut; hann hefur ekki þá 70+21 milljarða sem þær framkvæmdir kosta að lágmarki; fjármálaráðherra hefur staðfest, að ekki getur ríkissjóður hlaupið þarna undir bagga með þessum áformum, sem ekkert samráð var haft um við ríkið. Dagur B. mundi bara halda áfram að stefna borginni niður á við, með flótta íbúa þaðan til annarra sveitarfélaga og með sinni algeru skortstefnu í húsnæðismálum miðlungs- og lágtekjufólks og fyrstu kaupenda, sem nú dúsa mun lengur í foreldrahúsum en áður var raunin.

 

Mæling á áhuga kjósenda birtist í dag í niðurstöðum skoðana­könnunar Útvarps Sögu. Þar fær Sjálfstæðis­flokkur 6,6 sinnum fleiri atkvæði en Samfylk­ingin! --- jafnvel Íslenska þjóð­fylkingin nýtur þar 3,4 sinnum meira trausts en flokkur Dags B., enda eru hlustendur þar mjög meðvitaðir um svik Dagsliðsins við venjulegt alþýðufólk, á meðan Dagur B. & Co. hafa dekrað við verktaka og fasteignafélög, leyft þeim að afskrifa geysilegar skuldir án þess að ganga að eignum þeirra, en innheimta t.d. sömu lóðagjöld af lágtekjumanni vegna 55 fm íbúðar eins og af vel stæðum manni með 150 fm íbúð!! Þá hækkuðu lóðagjöldin um rúml. 500% meira heldur en hækkun byggingarvísitölu var á sama tíma, og birtist í því OKUR-stefna Dags B. & Co., sem á sinn stóra þátt í verðbólgu á húsnæðismarkaði (sjá https://thjodfylking.blog.is/blog/thjodfylking/entry/2215850/ sem vísar í ýtarlega úttekt Viðskiptablaðsins sem heimild).

 

Íslenska þjóðfylkingin hækkar enn jafnt og þétt í skoðana­könnun Útvarps Sögu, úr 6,42% í fyrri könnun 12. apríl upp í 8,38% nú, kannski meðfram vegna frábærrar frammistöðu 3. manns okkar á listanum, Jens G. Jenssonar skipstjóra, í stór­fróð­legri innhringingu hans í þátt Péturs Gunnlaugssonar í morgun (samtalið ætti að heyrast endurtekið nú eftir kl. 19.30 í kvöld).

 

Hér er fjallað nánar um niðurstöðu skoðanakönnunar Útvarps Sögu.*

 

JVJ.

 

* https://jonvalurjensson.blog.is/blog/jonvalurjensson/entry/2216674/

Stjórnvöld leysi húsnæðisvandann

Rýtingsstungan: Kjarni Frelsisflokksins er svikaraliðið sem sprengdi upp framboð ÍÞ til Alþingis í þremur helztu kjördæmum haustið 2016

Eðlilega (af því að stefna Frelsisfl. er í flestu kópía af stefnu ÍÞ) er spurt: Hver er munurinn á þessum flokkum? SVAR: Kjarni Frelsisflokksins er svikaraliðið sem sprengdi upp framboð ÍÞ til Alþingis í þremur helztu kjördæmum á versta mögulega tíma haustið 2016.

Eftir gríðarmikla vinnu við að safna undirskriftum 126 frambjóðenda til Alþingis og hátt á annað þúsund meðmælenda í framboðunum í kjör­dæmunum sex var það rýtingsstunga í bak okkar í Íslensku þjóðfylkingunni þegar fjórir einstaklingar, sem höfðu sótzt eftir fremstu framboðssætum, sprengdu upp framboðið á boðuðum blaða­mannafundi daginn áður en skila átti öllum framboðs­listum (20 klst. áður) með því að segja sig af listum okkar og hvetja aðra til þess sama, í krafti einskis annars en rógsherferðar þeirra gegn forystu flokksins og valda­ágreinings í nafni "kjör­dæma­ráðs Reykja­víkur­kjördæmanna" sem skipu­lags­lega séð hafði ekkert vald í flokknum miðað við kjörna flokksstjórn hans.

Viðkomandi svikaralið gekk svo langt í þessu að halda eftir undir­skrifta­listum sem með réttu tilheyrðu flokknum, ekki einstaklingum sem vildu kljúfa sig út úr honum. Jafnvel undir­skriftalistum, sem ein í hópnum (IGH) hafði komizt yfir með fláræði frá mikilvirkasta flokks­félaganum í söfnun undirskrifta (HHHd), héldu þau eftir og hindruðu að listarnir bærust skrifstofu flokksins að Dals­hrauni 5 í Hafnarfirði, auk þess sem rógurinn var látinn ganga gegn formanni flokksins og svo langt gengið að fullyrða blákalt út í loftið, að það, sem hann hefði í hyggju, væri að komast sjálfur yfir þann flokksstyrk, sem ÍÞ gæti hugsanlega fengið frá ríkissjóði, ef framboðið tækist!!! Hafði þó hinn rægði formaður, menntaskóla­kennarinn Helgi Helgason, hreint mannorð og flekklausan feril, enda af vænsta fólki kominn. En á grundvelli þess rógs og gróusagna þeirra um að bullandi óánægja væri með forystu flokksins tókst fjórmenninga­klíkunni (orðið smíðuðu þau sjálf um sig) að fá nógu marga aðra til að draga framboð sín til baka til að gera skaðann óbætanlegan á þeim skamma fresti sem gefinn hafði verið til að skila framboð­unum til kjörstjórnar. Og vitaskuld skaðaði opinber rógburður Gunnlaugs Ingvarssonar og Gústafs Níelssonar (Trjójuhests Valhallar í flokknum?) orðstír flokksins og spillti fyrir honum í kosningunum í öðrum kjördæmum þar sem framboðið tókst.

Ljóst varð undirrituðum og öðrum við þessi tíðindi, að aldrei yrði framar hægt að treysta þessum fjórmenningahópi, þ.m.t. Gunnlaugi Ingvarssyni og Gústaf Níelssyni, til neinna ábyrgðar- eða trúnaðarstarfa í stjórnmálum.

Jón Valur Jensson.

Málpípa Samfylkingar staðfestir grímulaust að þau ætla að þvinga fólk til að gera það, sem hent­ar því ekki, eða taka valið af því. Hún hafnar mislægum gatnamótum og greiðfærum lausnum sem antibílisti!

Hlálega afhjúpaði Helga Vala, málsvari Samfylkingarinnar, æpandi van­þekkingu sína og fordóma í pistli í Mbl. í gær, en Özur Lárusson, frkvstj. Bíl­greina­sam­bands­ins, malar hann mélinu smærra í grein þar í dag,* ritar m.a.:

Helga Vala tal­ar líka um í sín­um pistli að ekki eigi að byggja mis­læg gatna­mót, göngu­brýr eða græn um­ferðarljós svo bíla­flot­inn kom­ist hraðar á milli, held­ur verði að fækka einka­bíl­um. Þetta er at­hygl­is­vert í tvenn­um skiln­ingi. Fyrst hef­ur verið sýnt fram á það að um­ferð sem er stopp eða geng­ur mjög hægt meng­ar marg­falt meira en greiðfær um­ferð. Hitt, að fækka verði einka­bíl­um á göt­um borg­ar­inn­ar, er að sjálf­sögðu grímu­laus staðfest­ing á því að þvinga á fólk til að gera það, sem hent­ar því ekki, eða taka valið af borg­ur­un­um.

Af afstöðu Helgu Völu, eins leiðandi Samfylkingarmanna, er augljóst, að hún vill ekki stuðla að greiðfæru umferðarkerfi í Reykjavík. Grænar bylgjur (samræmd græn um­ferðarljós með vissu millibili svo að bíla­flot­inn kom­ist hraðar á milli) eru ekki að skapi Samfylkingarmanna, sbr. að nú hafa þau komið fyrir pýramída-hraðahindrun á Miklubraut hjá Klambratúni og göngubrautarljósum þar líka, til að stöðva umferðina -- og það um hraðbraut! -- í stað göngubrúar.

Og mislæg gatnamót, sem ríkið mundi borga 80 eða 85% í á stofnbrautum í höfuðborginni, vilja þau alls ekki, hafa ekki komið neinum slíkum í framkvæmd og ætla ekki að gera, jafnvel þótt slík gatnamót greiði mikið fyrir þjálli og hraðri umferð (sbr. gatnamótin miklu við Elliðaár, á mótum Ártúnsbrekku, Miklubrautar og Elliðavogs/Reykjanesbrautar, sem og Vesturlandsvegar við Höfðabakka). Sú greiða umferð, laus við sífelld stopp og tafir, mengar langtum minna en hægt­gangandi bílar á ljósum, eins og Özur bendir á.

En Helga Vala veit greinilega ekkert í sinn haus í megin-umferðar- og mengunar­málum, eins og enn ljósar kemur fram í grein Öszurar (sjá einnig hér í samantekt undirritaðs**). 

Hún hélt þessu blákalt fram:

"Það er óhrekj­an­leg staðreynd að einka­bíll­inn er stærsti söku­dólg­ur­inn hvað varðar los­un kol­efn­is og við höf­um ekk­ert val um það að við verðum að minnka stór­lega notk­un okk­ar á hon­um." (Sic!)

En staðreyndin er sú, eins og Özur bendir á, að ...

"Los­un fólks­bíla af gróður­húsaloft­teg­und­um [er] 4% af heild­inni. Hvernig er þá hægt að fá það út eins og Helga Vala held­ur fram að einka­bíll­inn sé stærsti söku­dólg­ur­inn?"

Þar að auki hefur hlutur einkabílsins farið stórlega minnkandi í mengandi útblástursefnum (kolefni er raunar ekki eitt þeirra, það er þvert á móti ein aðalfæða jurtalífsins), og rekur Özur það einnig í grein sinni.

En málsvari Samfylkingar í þessu máli stendur uppi eins og tossi á prófi í lofts­lagsmálum og hefur jafnframt viðrað nógsamlega skýrt, hve mjög Samfylkingar-forystunni er í nöp við einkabílinn eða öllu heldur fjölskyldubílinn. Það virðist enn eiga að keyra áfram á þá stefnu að fækka þeim ökutækjum verulega, eins og líka nýjasta Birkimels-ævintýri þessa liðs er til vitnis um, með uppsettum, alls óþörfum einrásar-umferðarstíflum nálægt hvorum enda þess áður greiðfæra vegar, og hefur þegar valdið löngum umferðartöfum á álagstímum (m.a. þegar margir, HÍ-nemar eða bíógestir, koma á sama tíma úr Háskólabíói). Þessu þarf nýr borgar­stjórnar­meirihluti að ryðja burt sem fyrst eftir kosningarnar!

Fólk vill fá að eiga sína bíla í friði. Það þarf að komast í stórmarkaði og alls konar erinda sinna, skutla börnum í skólann og í tómstundir, en umfram allt að hafa gott ferðafrelsi um okkar frábæra land.

Með þakklæti til Özurar Lárussonar, málsvara bíleigenda, sem hér er:

* Er betra að veifa röngu tré en öngu? Eftir Özur Lárusson (Mbl. 12. maí 2018).

** Þvílíkur klaufi er Helga Vala í hástemmdu bulli sínu.

 

Jón Valur Jensson.

Flóttamannastefnu vinstri flokka hafnað í skoðanakönnun

Þótt vinstri flokkar* vilji bæta við a.m.k. 2.000 flótta­mönn­um til 2021, segir þjóðin ýmist NÓG KOMIÐ! (44,9%) eða OF MARGIR KOMNIR! (25,7%) skv. nýrri skoðana­könn­un MMR. Aukning er mæl­an­leg í þessari and­stöðu frá fyrri könnun fyrir rúmu ári: Þeim, sem telja of marga flótta­menn fá hæli, fjölg­ar um 2%, og þeim, sem telja of fáa flótta­menn fá hæli, fækk­ar um 2% (mbl.is).

* Það er yfirlýst stefna Vinstri grænna að við Ís­lend­ingar "eigum að taka á móti umtals­vert fleiri flótta­mönn­um, að lág­marki 500 á ári. Jafna þarf að­stæð­ur hælis­leit­enda og svo­kall­aðra kvóta­flótta­manna," segja þeir líka í stefnuskrá sinni. Þetta þýðir að lágmarki 2.000 nýja flóttamenn árin 2017-2021, á sama tíma og Danir hafa stöðvað slíkan straum, komnir niður í núll-kvóta um óákveðinn tíma. Og þeim hælisleitendum, sem hingað eru komnir, m.a. múslimunum frá Balkanskaga, vilja VG veita sömu aðstæður og kvótaflóttamönnum. Píratar vilja enn fleiri flóttamenn hingað en VG.

"Samfylkingin vill byggja upp fjölmenningarsamfélag á Íslandi. Við viljum að Ísland beri meiri ábyrgð og taki á móti fleiri flóttamönnum og vandi betur móttöku á fólki sem sækir um alþjóðlega vernd hér á landi." (Úr stjórnmála­ályktun flokksins, samþykktri á landsfundi 2018.)

Ljóst er af öllu, að vinstri flokkarnir eru ekki í takti við vilja meirihluta landsmanna í þessu efni, heldur vilja allir miklu meiri straum flóttamanna og hælisleitenda hingað heldur en vilji almennings stendur til. Einungis 29,4% lands­manna telja of lít­inn fjölda flótta­manna fá hæl­isveit­ingu hér á landi. Fréttamiðillinn mbl.is slær þessu samt upp í fyrirsögn: "Um þriðjungur telur of fáa fá hæli". Er þó munurinn á 33,3% og 29,4% næstum fjögur prósent! Nákvæmara hefði verið að orða þetta þannig: "Innan við þrír af hverjum tíu telja of fáa fá hæli"!

En skyldu þessir vinstri menn nokkurn tímann læra? Það er góð lexía fyrir þá til næsta dags, að í þessu máli er Íslenska þjóðfylkingin miklu nær þjóðarvilja um flóttamannamál heldur en þeirra eigin úreltu vinstri flokkar!

Jón Valur Jensson tók saman. Hann skipar 4. sæti á framboðslista ÍÞ í Reykjavík í vor.

Um þriðjungur telur of fáa fá hæli

"Miklar hetjur erum við, Hrólfur minn!"

gætu þeir Sómalar í al-Shabab-hryðju­verka­samtök­unum sagt sem grýta varnarlausa konu grafna í sand upp að hálsi.

Þessi samtök þeirra eru undarlega lítt kunn hér á landi, en hafa framið óheyrileg hryðjuverk, m.a. í Kenýa, og drepið fólk í þúsunda tali.

Mikið er af Sómölum í Skandinavíu, og þangað getur auðveldlega borizt illþýði úr þessum fjöldamorðingjahópi. Allur er varinn góður og full þörf á að gæta vel landamæra Íslands, því að ómenni sem þessi tilheyra og starfa með mestu óvinum Vesturlanda, eins og al-Qaída og ISIS-þjóðamorðingjunum.

En ekki verður á móti mælt að þetta eru afurðir strangasta islamisma, ekki venjulegra hægri- eða vinstriöfga eða mílitarisma.

 

Sjá hér svolítið um al-Shabab:

https://www.blog.is/forsida/leit/?author_id=8899&query=al-Shabab

JVJ.

Grýtt til dauða fyrir að eiga 11 eiginmenn