Um trúfrelsi, moskur, harðlínu-islam og kynþáttahyggju

Spurt er, hvort Íslenska þjóðfylk­ingin virði ekki trú­frelsi.

All­ir hafa trú­frelsi á Ís­landi og mega hafa sín bæna­hús. Mosk­ur eru allt annað og meira. Þar er hið pólit­íska islam í fullri virkni og ætlazt til að sjaría­lögum sé beitt.

Að auki var rangt og ekki samkvæmt lögum lands­ins og reglu­gerðum um trúfélög, að Félagi múslima á Íslandi var gefin lóð á bezta stað, gjalda­laust, milli Suður­lands­brautar og Miklubrautar, en kristnu trúfélagi, sem starfað hefur hér að mannúðar­málum frá lokum 19. aldar, Hjálpræðis­hernum, var NEITAÐ um slíka fría lóð og eftirgjöf gatnagerðar­gjalda, sem múslimarnir fengu þó! Þeir, á 4. hundrað manns, hafa ekkert fjármagn í að reisa mosku af þeirri stærð sem reiknað er með, og vitað er, að Saudi-Arabar, sem leyfa ekki að reistar séu kirkjur í landi sínu, eru áfjáðir í að gefa hingað hundruð milljóna króna (og þegar byrjaðir) til moskubygginga hér. En þar mundi einmitt sá böggull fylgja skamm­rifi, að þeir ætlast til að fá að koma sínum aftur­halds­sömu kenni­mönnum (ímömum) að í viðkomandi moskum --- þetta er mynztrið hjá þeim í Evrópu!

Við viljum engan harðlínu-salafisma hér! Þetta er okkar stefna í ÍÞ, en við erum þó engir rasistar og höfum ekki talað um að útiloka hér fólk af neinum kynþætti, þótt fara þurfi varlega í innflytjenda­málum, nokkuð sem ekki var gert við setningu Útlendinga­laganna 2016. Hér þarf líka sannarlega að huga vel að framtíðinni og komast hjá neikvæðum áhrifum af hugs­anlega of hröðum innflytjenda­straumi á menningu okkar, samfélagshætti og -gildi; dæmin frá Skandinavíu eru ekki til eftir­breytni, og þar stefnir enn í mun meiri fjölgun múslima en annarra, þótt skorður sé verið að reisa við móttöku nýrra flóttamanna. Í Svíþjóð er búizt við að múslimar verði orðnir nær 31% lands­manna eftir 32 ár.

Við í ÍÞ erum andvíg þeirri harðlínu-trúarboðun sem andstæð kann að vera samfélags­gildum okkar sem þjóðar, frelsi okkar og jöfnum rétti manna, hvað þá þegar moskur eru notaðar til að aðgreina múslima sem mest frá "vantrúuðum", þ.m.t. kristnum, og þeir vanvirtir. Stað­reynd er, að í Danmörku, Þýzkalandi og Bretlandi hefur með földum hljóðnema tekizt að koma upp um hatursboðskap kennimanna í moskum gegn kristnum eða vestrænum gildum. Moskum, studdum af harðlínumönnum í Saudi-Arabíu, verður engan veginn líkt við kristnar kirkjur né við friðsamlegt starf annarra trúfélaga. 

Þótt sumir fáfróðir kunni að ímynda sér, að við í ÍÞ gefum okkur, að allir múslimar séu hryðju­verkamenn, þá er það alls ekki svo, þótt sumir þeirra séu það óneitan­lega, eins og sannazt hefur með hörmu­legum hætti víða um lönd á þessari öld. Eðlilega hafa lögreglu- og leyniþjónustu-yfirvöld í viðkomandi löndum þurft að leggja í miklar forvarnir og eftirlit vegna þessara hörmunga, jafnvel með þátttöku herja þeirra í yfirgengilegustu dæmum af fjöldamorðum öfgaislamista, eins og við höfum séð í Frakklandi, á Spáni og Bretlandi.

En Íslenska þjóðfylkingin fordæmir bæði kynþáttahyggju og útlendingahatur, og meiri hluti fjölskyldna flokks­stjórnar­manna í Þjóðfylkingunni, þar á meðal undir­ritaðs, er með erlent blóð í bland og allir meðteknir jafnt. 

Jón Valur Jensson. Höfundur skipar 4. sæti á framboðs­lista Íslensku þjóðfylk­ingarinnar til borgarstjórnar í kosn­ing­unum nk. laugardag.

Ákærður fyrir hatursorðræðu

Athugasemdir

[Aztec, 24.5.2018 kl. 13:40]

Íslenzka "réttarríkið" með pólítískar undirlægjur í fararbroddi vill refsa mönnum sem segja sannleikann um múslíma og islam. Alþingi var þegar árið 1995 búið að undirbúa þennan dag, þegar tjáningafrelsið var útþynnt í íslenzku stjórnarskránni með einu pennastriki, eins og oft hefur verið bent á. Nú ætti öllum að vera ljóst í hvaða tilgangi þetta var gert.

Hér sjást pakistanskir múslímar brenna kirkju í Mardan.

https://www.facebook.com/IndiaDefenseNews/videos/1849537918690986/

Í huga Semu Erlu þá er þetta ekki hatur og örugglega bara bezta mál, fyrst það eru kristnir sem verða fyrir barðinu. Í hennar huga er Islam trúarbrögð friðar, sama hvað iðkendurnir víðs vegar um veröldina myrða marga saklausa, enda er hún flöskuð upp á hugmyndafræði læriföður síns, sem er harðlínuislamistinn Erogan.