Sundurlyndi vinstri manna birtist víða, meðal annars ...

í gagnrýni Oddnýjar G. Harðard. á Katrínu Jakobsd. á eldhúsdegi Alþingis (sjá tengil).

Guðm. Andri Thorsson segir: "af jarðarinnar hálfu byrja allir dagar fallega," en svo fari mennirnir að böðlast. Skot á Dag B. Egg­erts­son og félaga hans í borgar­stjórn, sem eru á veldi mikillar efnis­hyggju, ofur­skattheimtu og hömlu­lausra ofur­framkvæmda? Allt verður að víkja fyrir sókn þeirra í að leyfa bygg­ingar­aðilum að troða sér alls staðar niður með hótel­bygg­ingar, jafnvel á graf­reit­um gamalla Reykvík­inga, og íbúðablokkir spretta upp á gorkúlu­hraða án þess að vandað sé til verka og án traustra iðnaðar­manna, enda er margt slíkt húsnæði þegar farið að gefa sig.

Svo eru vinstri menn og "umhverfissinnar" almennt farnir að snúa á haus sinni stefnu gagnvart náttúrunni með auðsveipri hlýðni við ESB-miðstýringar-orkumálastefnu sem miðar að meiri gernýtingu vatnsfalla og orkulinda en áður hefur þekkzt, ekki í þágu íslenzks iðnaðar og heimilanna, heldur til að selja slíka orku úr landi, öðrum til gróða og uppbyggingar iðnaðar í öðrum löndum -- áþekkt því að hætta að verka fisk í vandaðar neytendaumbúðir, heldur senda hann í sínu hráasta formi úr landi. En þriðji orku­pakkinn er aðeins ein af fleiri birt­ingar­myndum hins vanhelga sambands "vinstri grænna" og hægri gróðaafla í landstjórninni.

Ögmundur Jónasson, fyrrv. ráðherra Vinstri hreyfingarinnar, græns framboðs, talar nú um þann flokk sem Hreyfinguna, framboð!

Jón Valur Jensson.

Oddný skaut fast á Katrínu

Flokksleiðtogar í uppreisn gegn þjóðarvilja og breiðri grasrót eigin flokka. Óformlegir fyrirvarar þeirra munu ekki halda, heldur gera okkur berskjölduð fyrir ásækni auðhringa!

Þetta sýnir sig í orkupakka­mál­inu, sem klár­lega er reynt að keyra í gegn í trássi við meiri­hluta­vilja. ASÍ hafn­ar orku­pakk­anum, m.a. með þessum orð­um:

"Raforka er grunn­þjón­usta og á ekki að mati Alþýðu­sambands Íslands að vera háð markaðs­for­sendum hverju sinni. Raforka á að vera á forræði almenn­ings og ekki á að fara með hana eins og hverja aðra vöru á markaði. Það er því mat ASÍ að of langt hafi verið gengið nú þegar í markaðs­væðingu grunnstoða og feigðarflan að staðfesta markaðs­væðinguna og ganga lengra í þá átt. Rafmagn er undirstaða tilveru okkar í dag og það er samfélags­leg ábyrð að tryggja framleiðslu og flutning til allra, sú ábyrgð er of mikil til að markaðurinn fái að véla með hana enda hefur markaðs­væðing grunnstoða yfir­leitt ekki bætt þjónustu, lækkað verð né bætt stöðu starfsfólks.

Það er forsenda fyrir áframhaldandi uppbyggingu lífsgæða að eignarhald á auðlindum sé í samfélagslegri eigu og að við njótum öll arðs af nýtingu auðildanna og getum ráðstafað okkar orku sjálf til uppbyggingar atvinnu hér á landi." (Alþýðu­samband Íslands)

Guðmundur Ingi Kristinsson alþm. bendir á, að ekki aðeins getur rafmagnsverð þrefaldazt, heldur hefði það, vegna kostnaðarauka fyrirtækja, margháttuð hliðaráhrif á verðlag á öðrum sviðum, samfélaginu til tjóns. "Við eigum að fresta þessu máli" og hugsa það betur, er hans afstaða.

Það er ekki farið fram á mikið að beina þeim tilmælum til Alþingis að draga afgreislu þessa máls fram á haustið, þegar meðal annars hefur gefizt tóm til að skoða betur afleiðingar þessarar innleiðingar þriðja orkumálabálks ESB.

Ennfremur er ótækt að halda áfram með þetta mál í núverandi mynd án þess að lögspekingar verði að minnsta kosti fengnir til að leggja mat á þá furðulega óvissu "fyrirvara" sem stjórnvöld hafa slengt fram til að réttlæta orkupakkann. En lagalegir fyrirvarar í kjötmálinu (þ.e. þeir skilmálar, að hrátt kjöt mætti aðeins flytja hingað fryst) héldu ekki (eins og Birgir Þórarinsson benti á í þingræðu í dag), þó að þetta hafi verið fyrirvari í lögum, og svo eru sumir þingmenn að tala um að fyrirvarar í greinargerð haldi og gildi í miklu alvarlegra máli!

Raunar er það rétt, að aðeins ein leið er fær í þessu máli til að tryggja stjórnarþingmönnum þau "belti og axlabönd", sem þeir telja sig þurfa á að halda, og þetta er sú leið að fá lögformlega undanþágu samþykkta í sameiginlegu EES-nefndinni. Allt annað býður upp á óvissu og í versta falli dýrkeyptar ófarir íslenzks samfélags.

Íslenska þjóðfylkingin hefur á fundum sínum og á Facebók sinni mótmælt innleiðingu ORKUPAKKA 3 og hvetur landsmenn til að sýna stjórnvöldum hug sinn, hvatti þá m.a. til að mæta á mótmælafundinn á Austurvelli 20. maí sl.

"Seinni sjálfstæðisbarátta Íslands er hafin og er undir landsmönnum komin, framtíð afkomenda okkar er í húfi! HÖFNUM ORKUPAKKA 3."

Merkilegt er, að nánast væri hægt að skipa nýja ríkisstjórn með þeim mörgu fyrrverandi ráðherrum, sem lýst hafa andstöðu sinni við þriðja orkupakkann. Þeir eru Jón Baldvin Hannibalsson, Davíð Oddsson, Guðni Ágústsson, Sighvatur Björgvinsson, Jón Bjarnason, Tómas Ingi Olrich, Hjörleifur Guttormsson og Ögmundur Jónasson (hafi enginn gleymzt úr upptalningunni!). Eins og Þorsteinn Sæmundsson alþm. sagði í þingræðu í dag, "maður skyldi halda," að foringjar flokkanna hlýddu á þessa reyndu menn og ráðagóðu, í stað þess að láta skeika að sköpuðu og ana út í ófæru. 

JVJ.

„Bersýnilega málþóf“

Þreföld árás vinstri flokka, stjórnleysingja og "frjálslyndra" á íslenzka þjóð!

Vinstri grænum finnst sjálfsagt að bæta upp á mannauðn hér með óstöðv­andi innflutn­ingi múslima, enda eru þau eru á grófasta hátt með þrefalda fólks­fækk­unar­pólitík í gangi, með laga­frumvörpum undan handar­jaðri Svan­dísar Svav­ars­dóttur og mestu fóstur­vígs­maskínu heims, Inter­national Planned Parenthood,* sem leggur einnig fyrir sig geldingar í stórum stíl með ósæmilegum aðferðum í Indlandi og víðar. Þetta eru frumvörpin þrjú gegn lífinu og viðgangi íslenzku þjóðarinnar:

1) fóstur­vígs­frumvarpið, sem greidd verða atkvæði um á mánu­daginn kemur, á þingfundi sem hefst kl. 15.00; það gefur barns­haf­andi konum fullt leyfi og einræðis­vald til að láta deyða og fjar­lægja afkvæmi sitt (frítt vita­skuld!) allt til loka 22. viku með­göngu, án þess að þær þurfi að gefa nokkra ástæðu fyrir umleitan sinni-- þetta yrðu næst­róttæk­ustu fóstur­deyðinga­lög Evrópu, næst á eftir Hollandi!!!

2) Ófrjósemisaðgerða-frumvarpið, sem þegar hefur verið samþykkt sem lög með 53 samhljóða atkvæðum sofandi sauða, en engu mótatkvæði! (2 greiddu ekki atkv., 8 fjar­staddir). Þetta eru lang­róttækustu lög um ófrjósemis­aðgerðir á öllum Norður­löndunum og stefna, rétt eins fósturmorða-frumvarpið, að enn meiri fækkun Íslendinga, því að þarna er lágmarksaldur til ófrjósemis­aðgerða færður niður um SJÖ ÁR, auk þess að gera þær að ÓKEYPIS "heil­brigðis­þjónustu"! En hver á svo að bæta þeim maka, sem síðar kemur til skjalanna, þá óhamingju að gera aldrei eignazt barn með eiginmanni sínum eða eiginkonu?

3) Líknardrápsfrumvarpið ofurróttæka, sem fannst ekki í fljótu bragði á þingmálaskrá Alþingis, en það er þarna einhvers staðar: https://www.althingi.is/thingstorf/thingmalalistar-eftir-thingum/lagafrumvorp/

* Tveir útsendarar International Planned Parenthood voru valdir af annaðhvort sofandi eða laumu­róttækum heil­brigð­is­ráðherra, Kristjáni Þór Júlíus­syni, til að mynda meiri­hluta nefndar, sem sníða skyldi ný lög um fóstur­eyðingar og ófrjósemis­aðgerðir! Kristján þennan hefði Bjarni heitinn Benediktsson forsætis­ráðherra fremur flæmt úr ráðherra­stóli, ef ekki látið reka hann úr Sjálf­stæðis­flokknum, en öðruvísi er farið alnafna hans, núverandi flokksformanni, sem gerir sér jafnframt að góðu að hafa Áslaugu Örnu sem ritara flokksins, stækan málsvara fósturdeyðinga. Engin furða að þessi flokkur þeirra er á niðurleið.

HNEKKJA þarf allri þessari lagasetningu ofur­róttæklinga og meðvirkra kjána á Alþingi. Þessi ólög eru að engu hafandi.

Það væri Alþingi hins vegar til fullrar sæmdar að samþykkja ný lög í takt við laga­setn­ingu Georgíu-ríkis í Bandaríkjunum, þar sem fóst­ur­eyðing­ar eru bannaðar frá þeim tíma sem sem hjart­slátt­ur grein­ist, ekki seinna en í sex vikna göml­um fóstr­um.

Jón Valur Jensson.

Hóta að sniðganga ríkið vegna fóstureyðingarlaga

Geldingaflokkarnir vilja fækka þjóðinni

Alþingismenn vilja almennt, að hér megi gelda menn frá 18 ára aldri (jafnvel suma 16-17 ára, að ráði forráðamanna!), þótt Norðurlöndin hafi allt aðra reglu: að geldingar megi fyrst hefjast á 25 ára einstak­lingum. En geldinga­flokkunum nægir það ekki hér. Þeir virðast sjá það sem ÞJÓÐAR­NAUÐSYN að hér séu sem flestir ófrjóir og að sem fæstir fæðist, því að þeir kusu líka með því, að gelding­arnar séu algerlega ÓKEYPIS!!

Þessir þingmenn vinna ekki í þjóðarþágu, virðast fremur á þeim buxunum að skipta hér um þjóð í landinu, fá bara sem flesta hælis­leitendur í staðinn!!! Á meðan eignast hver hjón hér einungis 1,7 börn, sem nægja alls ekki til að halda okkur við sem þjóð, til þess þarf 2,1 barn á hver hjón/hvert par að meðaltali.

Trúi einhver ekki þessu um stefnu þingmanna í geldinga­málum, þá geta þeir skoðað atkvæðagreiðslurnar á þingi í gær um frumvarp svokallaðs heilbrigð­is­ráðherra um ófrjósemis­aðgerðir.

Það vill svo til, að allir fósturmorðs-þingmenn gærdags­ins eru líka geldingar­stefnu-þingmenn, en það á því miður líka við um ýmsa fóstur­verndar­þingmenn gærdagsins.

Samtals hafa 22.954 verið gerðir hér ófrjóir árin 1981-2017, eins og það sé ekki nóg til að stuðla að fækkun þjóðarinnar! Jafnvel með núgildandi löggjöf (fyrir endanlega samþykkt þessa frum­varps) eru hátt á 7. hundrað Íslendinga geltir á hverju einasta ári! Það sem verra er: Margir eiga eftir að hryggja sinn framtíðar­maka með því að geta aldrei eignazt sitt eigið barn!

Hvers lags þingmenn eru það á Alþingi sem kjósa með báðum þessum mannfækkunarfrumvörpum? Eru þeir of heilagir til að kjósa með áframhaldandi vexti og viðgangi þessarar þjóðar? Kannski innmúraðir í þá "fjölmenningarstefnu", sem margar þjóðir Evrópu eru nú orðnar heldur betur afhuga að fenginni reynslu?

Jón Valur Jensson.