Varasamt að flytja inn múslima í stórum stíl

Hryllilegt hryðjuverk í Khabúl (90 drepnir í morgun) og viðlíka glæpir, í gær í Írak (27) og þegar 26 koptar voru miskunnarlaust aflífaðir ... og í Manchester ... fá trúlega enn fleiri til að sjá, að "Góða fólkið" hefur ekk­ert með það að gera að bæta hér við múslimum! Þetta meinta "Góða fólk" hefur ekkert umboð frá meiri­hluta þjóðarinnar til að þrýsta á franskbrauðin í ríkisstjórn og á Alþingi til að gefa eftir fyrir kröfu þess um að auðvelda hælisleitendum landvist hér eða til að lengja von úr viti dvöl hundraða eða þúsunda slíkra hér á okkar kostnað (að meðtöldum flóttamönnum er kostnaðurinn að verða 15-20 milljarðar á ári!).

Þýzka lögreglan var líka að stoppa einn 17 ára af, sem hugði á sjálfsvígsárás í Berlín, hann kom þangað fyrir ca. 2 árum sem ... flóttamaður frá Sýrlandi!! Þetta var nú öll aðlögunin í hans tilfelli!

Hryðjuverkin hér á Vesturlöndum (yfir 80% þeirra framkvæmd af múslimum frá 11. sept. 2001) gerast ekki í neinu tómarúmi. Miklar íbúabyggðir múslima í Frakklandi, Bretlandi, Hollandi, Belgíu, Þýzkalandi og á Spáni auðvelda öfga-islamistum að leynast innan um sína landsmenn og meðal sinna trúbræðra sem sækja moskurnar. Þessar fjölmörgu moskur eru svo þar að auki ýmsar hverjar notaðar til að vera með ofsatrúar- og fyrirlitningar- eða hatursáróður gegn vestrænum lífsháttum og gegn bæði kristnum og Gyðingum. Eru brezk yfirvöld farin að átta sig á því, að fylgjast þarf með "kennslunni" og fundunum sem eiga sér stað í mörgum moskanna, ef ekki á verr að fara. Ekki er á það bætandi, að þar í landi eru nú þegar 23.000 skráðir fylgismenn "heilags stríðs" hjá lögreglu!

Evrópumenn eru almennt orðnir fráhverfir því að fá hingað öllu fleiri múslima, ekki vegna alhæfinga um þá eða fordóma um þá almennt, heldur vegna með­vitundar um að með þeim hafa stórlega vaxið ýmis alvarleg vandamál. Traust könnun meðal 10 af helztu Evrópuþjóðum sýndi 73% fylgi við að STÖÐVA inn­flutning fleiri múslima til álfunnar. Enginn flokkur hér á landi þorir að taka á þessu vandamáli annar en Íslenska þjóðfylkingin.

Í gær var að ljúka norrænni ráðstefnu um innflytjendamál, sem Háskóli Íslands og stofnanir þar tóku að sér að annast. Undirritaður hitti norrænan lögfræðing sem tók þátt í ráðstefnunni og upplýsti mig um, að almennt er nú ríkjandi sú stefna meðal hinna norrænu ríkjanna að takmarka meira fjölda innflytjenda þangað en verið hefur. Kannaðist viðmælandinn t.d. vel við það, að í Danmörku eru jafnvel sósíaldemókratar farnir að herða afstöðu sína til inn­flytj­enda­mála, eins og Styrmir Gunnarsson hefur upplýst okkur um. En hitt er spurning dagsins hvenær Samfylkingin kemst til vits og ára í þessum efnum.

Hryðjuverka-aukagetan er auðvitað versta afleiðing hins lítt hefta straums múslima inn í Evrópu, en ennfremur er í vaxandi mæli að komast upp um hve dýrt það velferðarkerfi er, sem heldur þeim mörgum uppi, og hefur verið misnotað gróflega í mörgum tilvikum, eins og dæmin sýna t.d. frá Danmörku og Þýzkalandi. Við höfum ekkert þanþol í okkar íslenzka velferðarkerfi til að dæla ófáum milljörðum í hælisleitendur sem eiga hér engan dvalarrétt. Þar að auki hefur tilkoma þeirra sett enn meiri þrýsting á leigumarkaðinn, og höfðu íslenzkir leigjendur sízt nokkra þörf fyrir aukna verðbólgu á þeim vettvangi.

En franskbrauðin á Alþingi fljóta samt auðveldlega áfram niður að feigðarósi, verði þau ekki sokkin áður í sínum óvinsældum.

Jón Valur Jensson.

Aldrei upplifað aðra eins höggbylgju

Þrátt fyrir endurkomu 350 brezkra jíhadista úr "heilögu stríði" ISIS, hefur aðeins einn þeirra verið stöðvaður!

Nú velta Bretar fyrir sér: Gerum við nóg til að stöðva jíhadista eins og Salman Abedi frá því að snúa aftur til Bretlands eftir vopnaða baráttu þeirra erlendis?

Experts have told The Times that a key measure to stop it has been used only once

Með öðrum orðum: Bretar hafa einungis einu sinni nýtt sér valdheimild til að stöðva slíka endurkomu jíhadista (fylgismanna "heilags stríðs" múslima) þrátt fyrir að 350 vígamenn frá Bretlandi hafi snúið til baka til landsins eftir að hafa barizt með "Ríki islams"!

Brezk stjórnvöld hafa greinilega nóg að gera við að taka til hjá sjálfum sér eftir hryðjuverkið hroðalega í Manchester.

JVJ.

Islamstrú

  Islamstrú (stjórnmálaáróður) verður banabiti íslenskrar menningar verði ekki spyrnt við fæti til að varna slíku.  Áróður stjórnmála­manna sem nú sitja á þingi um að við eigum að taka á móti fjöldanum öllum af islamistum er landráð af verstu gerð. Þetta fólk er ekki ábyrgt en mun ekki axla þá ábyrgð sem slíkur aulaskapur veldur.

    Hér er ekki átt við einhvern þjóðflokk eða útlit viðkomandi innflytjenda. Annars værum við að standa í móti öllum aröbum, Kínverjum, Indverjum og svo lengi mætti telja, heldur erum við ekki að níða niður hvort hörunds­litur viðkomandi sé svartur, brúnn, gulleitur eða bara hvítur. Nei, Íslenska þjóðfylkingin er að tala um pólitíska, hugmynda- og trúarbragða-hreyfingu sem ekki er  minnihlutahópur, en elur á hatri í garð annarra með það að markmiði að ná undir sig alheimsyfirráðum. 

    Það sem er merkilegt er að það skuli vera til fólk, ekki einstak­lingar heldur heilu hjarðirnar, sem telja alþingismenn, fréttamenn, kennara, vinstri­sinnaða pólitíkusa, og svo lengi mætti telja, sem hampa slíkri hreyfingu. Hreyfingu sem hefur það að megin­markmiði að útrýma þeim, sem ekki eru sama sinnis og þeir. 

    En þetta er nú ekki bara það, að þessi hópur sé, að manni virðist, heilaskemmdur. Einnig eru femínistar og samkyn­hneigðir fylgjendur þeirra sem aðhyllast slíkt skemmdar­verk á íslenskri menningu og er undarlegt, því þessi trúarbrögð leggja þá sérstaklega út fyrir að vera réttdræpa, hvar sem í þá næst. Er það virkilega svo að Íslendingar vilji koma menningunni aftur til steinaldar, þar sem feðra/karlaveldið er allsráðandi og kúgun kvenna er réttlætt, barnaníð er talið sjálfsagt og heiðursmorð upphafin sem mikil dyggðarinnar verk.  

    Ég trúi því ekki að við séum komin svo langt að við teljum það réttlætanlegt og sjálfsagt, samkvæmt túlkun RÚV-liða með Stefán Ólafsson stórkrata sem trúverðugan talsmann og skýranda, að það sé réttlætanlegt að framin séu morð á óbreyttum borgurum eða nokkrum öðrum í nafni trúar eða hégómagirni einhverra afla sem kalla sig islams­trúar (tilvísun til hryðjuverka í Evrópu og víðar). Hvernig ætlar þetta fólk að túlka hryðjuverk á Íslandi  ef ekki verður spyrnt við fæti, til að sporna við þeirri þróun sem þetta stjórnlausa sjálfmiðaða lið vill innleiða inn í landið?

    Talsmenn þessa hóps sem ver þessar gjörðir hrópar hátt á hátíðar- og tyllidögum um menningu landsins, málið sem gerir okkur sérstök, hversu gott sé að búa hér, en á meðan tala þau niður allt það sem að framan segir. Þeim er skítsama um menninguna sem við erum að selja útlend­ingum en verður ekki lengi ef fram heldur sem horfir. Íslendingar koma ekki til með að geta lesið sagnabækur okkar því tungumálið verður heillum horfið og enginn verður þjóðhátíðardagur þjóðarinnar í fjömenn­ingar­samfélaginu hvað svo sem það mun kallast. Hver á sá dagur að vera þegar fjöldi þeirra sem eru t.d. frá arabaríkjunum, Asíuríkjunum eða Indlandi verður orðinn 800 þúsund eins og Píratar, NO BORDERS-liðar og vinstrielítan vill? 

    Nei, nú segjum við stopp! Það er kominn tími til að Íslendingar taki ábyrgð á eigin landamærum og takmarki þann fjölda, sem hér vill setjast að. Velji þá sem í einlægni vilja gerast sannir þegnar landsins og gera lög, reglur og menningu þess að sínum. Þá er ekki verið að tala um að viðkom­andi segi skilið við sínar rætur, en geri sér grein fyrir því að hann er gestur í okkar landi en við ekki í hans.  

     Til að þetta náist er það nauðsynlegt að segja sig úr Schengen og gera tvíhliða samning við Europol og ríkislögreglu í öðrum löndum. T.d. Scotland Yard, norsku, dönsku og sænsku ríkislögregluna um samstarf á milli landa. Öllum þeim sem koma til landsins skilríkja­lausir sé umsvifalaust snúið við til þess lands sem þeir komu frá og þeir eiga ekki að vera á ábyrgð Íslendinga (Dyflinnar-samkomulagið). Ekki á að búa til kerfisbákn hér á landi eins og nú tíðkast hjá Útlendingastofnun, Rauða krossinum og fleiri afætum sem hafa beinan hagnað af sem flestum flóttamönnum og hælisleitendum, er hingað leita.

    Við eigum aftur á móti að nota það fé, sem í þennan málaflokk fer, til að aðstoða þá sem eru í raunverulegri neyð, það á að gera í þeirra nær­umhverfi. Þetta myndi hjálpa til við að losa um íbúðir inn á íbúða­mark­aðinn. Ástæða þess að hér sé staldrað við er ekki mannvonska heldur sú staðreynd að Íslendingar hafa ekki efni á þessari vitleysu. Þetta mun leggja velferðar­kerfið í rúst. Nú er svo komið að reiknað er með að 12 til 18 milljarðar fari í þennan málaflokk, beint og óbeint, þetta árið. Einhvers staðar verður að taka þessa peninga. Það kann að vera að það líti út fyrir að eitthvert fjármagn sé til að leysa bráðasta vandann nú um stundir en Íslendingar verða ekki alltaf í góðæri og hvað þá?  

    Það er ákall Íslensku þjóðfylkingarinnar til þeirra sem unna sínu landi, menningu og afkomendum sínum, að þeir standi saman og mótmæli þessu háttalagi ríkisstjórn­arinnnar. Það er hægt að gera í komandi sveitar­stjórnar­kosningum og svo ekki síst í næstu alþingis­kosningum; vonandi verður þeirra ekki langt að bíða.

    Kæru vinir, flokksfélagar og aðrir landsmenn. Það er og verður megin-markmið að stöðva byggingu mosku í Reykjavík í komandi borgar­stjórnar­kosningum. Til þess þarf Íslenska þjóðfylkingin þinn stuðning á komandi vori. Við þurfum öflugt fólk sem er tilbúið að standa í lappirnar og berjast með okkur svo við missum ekki landið í hendur öfgasamtaka islamista. Það hættulegasta er að þeir nái og fái að byggja sér mosku sem er í raun ráðhús þeirra og uppeldisstöð fyrir ungviði til heilaþvottar. Þar ráða þeir ráðum sínum bæði til góðs og ekki síst til hins illa sem þeim er innrætt frá barnæsku í gegnum svokölluð trúarbrögð. Látið okkur heyra í ykkur sem tilbúin eruð í að berjast með landinu ykkar.

Guðmundur Karl Þorleifsson, 

formaður Íslensku þjóðfylkingarinnar. 

Þrettándi maðurinn handtekinn

ÞÖGNIN er ærandi úr Ekkifréttastofu RÚV

Enn minnist RÚV ekki einu aukateknu orði á það ;háalvar­lega mál að í nágrannalandi okkar eru 23.000 jíhadistar (fylgismenn heilags stríðs islam­ista) skráðir af lög­regl­unni! 

Um það er fjallað jafnt í brezka stjórn­kerfinu sem í fjöl­miðlum heims, m.a. hinu trausta heims­blaði The Times, eins og Mbl.is segir líka frá (tengill hér neðar), og einnig á gríðarlegum fjölda annarra fréttasíðna (auk samfélagsmiðla), en EKKI í RÚV!

En af hverju er þetta svona viðkvæmt mál uppi í Efstaleiti?

Eða hafa þau enga smugu fyrir þetta stórmál í ekkifréttatímum sínum, af því að þau þurfa að halda áfram sínum endalaust innihaldslitlu framhaldssögum af Trump og Rússamálum hans?

Undirritaður mun hafa skrifað um þetta fyrstur eða einna fyrstur hérlendis, með næturfréttina glóðvolga frá The Times, hér: Bretland hýsir 23.000 jíhadista (fylgismenn heilags stríðs). Huge scale of terror threat revealed (The Times)

Jón Valur Jensson.

23 þúsund íslamistar í Bretlandi

Hyggst Sigmundur Davíð breyta einhverju verulegu í grundvallar­atriðum, eða vill hann andlitslyftingu þess gamla?

Eðlilegt er að spurt sé, m.a. með hliðsjón af góðri hvatningu Guðm. Jónasar Krist­jáns­­sonar á Moggabloggi hans:

Hvað boðar Sigmundur og Framfara­félagið?

   Fróðlegt verður að vita hvað pólitísk skilaboð
Sigmundur Davíð hefur að bjóða í Rúg­brauðs­gerð­inni
nú á laugar­dags­morgun.

  Verður þetta enn einn kjafta­klúbburinn með miðju-
moðs-ívafi, opinn í alla enda, já svokölluð samræðu-
stjórnmál, sem hingað til hafa engu skilað nema enn 
meiri pólitískum glundroða, eða verður eitthvað bita-
stæðara í boði? Já t.d. í einhverjum pólitískum takti
við það sem hefur verið að gerast og gerjast í stjórn-
málum beggja vegna Atlantsála síðustu misseri?

  Verður hinum pólitíska rétttrúnaði á Íslandi með
RÚV-liðinu í forsæti settur stóll fyrir dyrnar? Og
hvað með þjóðhyggjuviðhorfin sem nú fara sigurför um
Evrópu í dag? Já hvað með Evrópumálin, s.s. Schengen-
ruglið, EES, sem þarfnast mikillar endurskoðunar, auk 
hinna stórgölluðu útlendingalaga, og stjórnleysið í
hælisleitenda-og flóttamannamálum? Að ógleymdri íslams-
væðingu Evrópu og fyrirhugaðri moskubyggingu á Íslandi?

   Verður skautað fram hjá öllum slíkum pólitískum
stórmálum? Hitamálum! [...]

Já, þannig má spyrja með Guðm. Jónasi, en ætli svörin komi fram? Þorir Sigmundur fremur en aðrir í Sjöflokknum á þingi að taka á þessum grund­vallarmálum, sem varða framtíð landsins og barna okkar svo miklu?

Það er ekki undarlegt, að þessi gagnrýnandi nefni RÚV í sinni upptalningu, en jafnvel Fréttablaðið sér fáránleikann í því, hvernig Rúv er "stríðalið" af ríkinu og einkareksturssinnuðum (!) stjórnvöldum á sama tíma og aðrir fjölmiðlar eru að deyja út vegna fjárskorts, sbr. þennan skelegga leiðara Kristínar Þorsteinsdóttur aðalritstjóra í blaðinu í dag: Ohf. er bastarður.

Svo skal að endingu minnt hér á merkilega frétt sem birtist hér árdegis, líklega fyrst hér, af öllum fjölmiðlum íslenzkum (en RÚV þagði um málið í hádeginu!):

Bretland hýsir 23.000 jíhadista (fylgismenn heilags stríðs). Huge scale of terror threat revealed (The Times)

Jón Valur Jensson.

Breytt stjórnmál kalla á viðbrögð

Bretland hýsir 23.000 jíhadista (fylgismenn heilags stríðs). Huge scale of terror threat revealed (The Times)

"Leyniþjónustumenn hafa borið kennsl á 23.000 jihad-öfga­menn sem búa í Bret­landi sem mögu­legir hryðju­verka-árásar­menn, kom í ljós í gær. Umfang þessarar hættu, sem lögregla og öryggis­þjónustur standa frammi fyrir, var upplýst með Whitehall-heim­ildum eftir að gagnrýnt var að mörg tækifæri til að stöðva Man­chester-sprengju­manninn höfðu farið forgörðum." Nánar um þetta í þeirri frétt brezka stórblaðsins The Times í dag, 27. maí, sem hér var vitnað í.

Þrjú þúsund þessara 23.000 eru talin mjög hættuleg og sæta nú rannsókn eða eru hleruð í 500 mismunandi verkefnum lögreglu og leyniþjónustuaðila. Hin 20 þúsundin hafa áður verið til rannsóknar og eru skilgreind sem "residual threat" (sú hætta, sem enn kann að vera fyrir hendi eftir að "áætlun A" hefur komið til framkvæmda).

Báðir virku hryðjuverkamenn­irnir í Bretlandi á þessu ári: Khalid Masoud, dráps­mað­ur­inn í Westminster, rétt við brezka þinghúsið, og Salman Abedi, Man­chester-sprengju­maðurinn, voru á lista lögreglunnar.

Hér í viðauka er Wikipediu-fróðleikur um hina ólíku dreifingu múslima í Evrópu. Ísland er þar eitt landanna með múslimafjölda sem nær ekki 1% landsmanna. En á því getur orðið tiltölulega hröð breyting, ef núverandi yfirvöld og önnur áþekk fá áfram að stýra hér ferðinni, með afleitum útlendingalögum, slælegri vörn landamæranna og linkind við hælisleitendur frá fyrst og fremst múslima­ríkjum (sjá landa-listann hér fyrir neðan).

Jón Valur Jensson.

 

Islam in Europe
by percentage of country population^[1]

< 1%	Armenia Belarus Czech Republic Estonia Finland Hungary Iceland Latvia Lithuania Malta Moldova Monaco Poland Portugal Romania San Marino Slovakia Ukraine
1–2%	Andorra Croatia Ireland
2–4%	Italy Luxembourg Norway Serbia Slovenia Spain
4–5%	Denmark Greece Liechtenstein United Kingdom
5–10%	Austria Belgium Bulgaria France Germany Netherlands Sweden Switzerland
10–20%	Georgia Montenegro Russia
20–30%	Cyprus
30–40%	Macedonia
50–60%	Bosnia–Herzegovina
60–65%	Albania
70–75%	Kazakhstan
90–95%	Kosovo
95–100%	Turkey Northern Cyprus Azerbaijan

Útrýmingarherferð islamista gegn koptum í Egyptalandi

Beinar, grimmilegar árásir hafa verið gerðar á kristna kopta á síðustu mán­uðum, 26 sall­aðir niður í gær með skothríð 10 ómenna á tvær rútur og flutn­ingabíl á ferð í Mið-Egypta­landi, en 25 særðir. Um 100 koptar alls hafa verið drepnir sl. hálft ár, meiri hlutinn í kirkjum, og er þessi óhugnaður til vitnis um hatrið sem þrífst í hugarheimum ISIS og margra í Múslimska bræðralaginu. Stjórnvöld landsins berjast gegn þessu og leita nú t.d. ódæðismannanna tíu frá fjöldamorðinu í gær, þar sem m.a. börn voru skotin til bana. Koptar teljast vera 10% Egypta, sem alls eru 92 milljónir talsins.

Hryðjuverkin hafa skaðvænleg áhrif á efnahag Egyptalands, þar sem komum ferðamanna fækkar. En meðlimir Múslimska bræðralagsins voru á þriðju milljón, þegar starfsemi þess var bönnuð, en margir úr því starfa með "Ríki islams" og láta tilganginn helga sín verstu verk. Ekki halda grófustu partar Kóransins aftur af þessum ofstækismönnum.

JVJ.

26 drepnir í árás í Egyptalandi

Samstaða og samhugur með fórnarlömbunum í Manchester

Laura Mc­Intyre, 15 ára stúlka frá Suð­ur­eyj­um úti fyr­ir Skot­andi, berst nú fyr­ir lífi sínu eft­ir hryðju­verk­ið mikla í Man­chest­er, en bezta vin­kona hennar, Eilidh Mac­Leod, 14 ára, lézt í árás­inni. Samstaða Breta er mikil með öllum fórnar­lömbunum og fjölskyldum þeirra

Stofnuð hef­ur verið söfn­un­ar­síða fyr­ir fjöl­skyld­ur Mc­Intyre og Mac­Leod, en þegar hafa safn­ast rúm 30.000 pund eða tæp­ar 4 millj­ón­ir króna. (Mbl.is)

Laura Mc­Intyre er sú hávaxnari á myndinni hér fyrir neðan, en með henni er Eilidh, vinkonan sem lézt, báðar hér á leið á tónleikana; svo sorglegt í raun.

Mikill fjöldi ungmenna lét lífið eða slasaðist í sprengingunni. Fyrsta sólar­hringinn var talað um 59 særða, en sú tala fór yfir 100, þegar sumir minna slasaðir, sem höfðu í ofboði nýtt sér far til að komast heim af staðnum, fóru að sækja spítala eða slysavarðstofur daginn eftir. Sumir hinna særðu eru í svo krítísku ástandi, að þeim er vart hugað líf. Laura er ein af þeim.

Biðjum fyrir Lauru Mc­Intyre og öðrum fórnarlömbum þessa skelfilega grimma hryðjuverks og að okkur megi gefast, að annað eins og þetta megi aldrei koma fyrir aftur. Og verum viss um, að áhrif bænarinnar geta verið mikil og marg­vísleg, það er ekki okkar að segja til um það.

Sjá nánar fréttartengil Mbl.is hér neðar, þar er talað við foreldra Lauru. Sjá einnig fleiri fréttir af þessum vinkonum og öðrum hér.

Jón Valur Jensson.

Berst fyrir lífi sínu eftir árásina

22 mannslífum hefði mátt bjarga og yfir 100 manns frá meiðslum!

Vitaskuld kom í ljós að fjöldamorðinginn var islamisti, hét Salman Abedi, 22 ára, fæddur í Manchester, sonur líbýskra innflytjenda. Í stað þess að setja hann í stranga gæzlu gaufaði brezka lögreglan við að fylgjast of slælega með honum! Árangurinn er 22 drepnir og yfir 100 særðir og þúsundir manna í harmi og losti; en stuðningsmenn ISIS ráða vart við sig af kæti vegna dauða ungmennanna:  http://www.dv.is/frettir/2017/5/23/studningsmenn-isis-fagna-dauda-ungmennanna-islamska-rikid-lysir-yfir-abyrgd-mordunum/  

Fjölskylda mannleysu þessarar er reyndar nýsnúin aft­ur til Líb­ýu.

Það er svo sannarlega ekkert að því að setja ströng lög um að bæði yfirlýstir stuðnings­menn ISIS og al-Qaída, al-Shahab og annarra þvílíkra morðsamtaka skuli látnir sæta yfir­heyrslum, gæzlu­varðhaldi og fangelsisvist eftir atvikum og hafðir með eftirlitsband um ökklann. Hugmyndafræði þeirra er þjóð­hættuleg, og á skal að ósi stemma.

Þá ber að endurskoða frá grunni innflytjendastefnu Evrópuríkja, til samræmis við þann eindregna meiri­hluta­vilja Evrópuþjóða, að stöðva beri straum múslima inn í Evrópu!

Þótt Saudi-Arabía sé aðeins eitt múslimaríki af mörgum, þá er hitt staðreynd, að þaðan kemur gífurlegt styrktarfé til að reisa og reka moskur á Vestur­lönd­um, jafnvel hér á Íslandi, og frá uppruna­landinu eru sendir ímamar til að fram­fylgja strangri túlkun wahhabíta (salafista) á Kóraninum. Þar grassera víða fyrirlitningar-predikanir klerkanna gegn okkur Vesturlanda­mönnum, og jafnvel í Danmörku hafa menn uppgötvað hvernig moskurnar eru misnotaðar til haturs­boðskapar gegn kristnum og Gyðingum. Allt slíkt ber að stöðva án tafar.

Jón Valur Jensson.

Árásarmaðurinn var 22 ára

Tónleikum Ariönu Grande í Englandi lýkur í blóðbaði - mikið mannfall - "fólk grát­andi alls staðar"

Skelfing ríkti á tónleikastað í Manchester, 22 látnir, 59 slasaðir. Öfga­menn víla ekki fyrir sér að sprengja upp fólk þar sem búast má við miklum fjölda barna, niður í 5-7 ára, en eink­um stúlk­ur eru fjöl­menn­ar í aðdá­enda­hópi söng­kon­unnar Ariönu Grande, og er vitað um stelpur sem særð­ust í and­liti á staðnum.

Þetta er enn eitt hryðjuverkið í Evrópu á síðustu miss­er­um. Það er EKKI gert nóg til að fyrir­byggja hryðjuverk, þótt nú þegar eyði stjórnvöld í Evrópu miklum manna­fla og fjár­munum í hryðju­verka­varnir. 

Sama dag og þjóðaröryggisráð okkar Íslendinga hefur starfsemi sína, gerist þetta í okkar nágranna­landi, með ómældum þjáningum svo margra. Því verður ekki unað, ef vinstri flokkarnir ætla sér að hefta fjárveit­ingar til þessa absolút mikilvæga málaflokks, t.d. út frá sömu aumlegu hug­myndunum og ríktu í hugum margra þeirra á kalda­stríðs­árunum: að hernaðarviðbúnaður og varnir hér á landi væru þarfleysa og einberar "stríðsæsingar", mótaðar af hatri á einhverjum mótaðilum sem gerðir væru að "Grýlu" að ósekju!

Nei, við ætlum ekki að láta neinn segja okkur Íslendingum, að hér verði ekki að bregðast við yfirvofandi hryðju­verka­hættu samtímans. Og hryðjuverk eru ekki bara framin með innfluttum sprengiefnum. Hafa ber ennfremur fullt eftirlit með hugsan­legum and­þjóð­félags­legum áróðri í moskum múslima hér á landi, eins og nú er farið að tíðkast allvíða á meginlandinu að gefnum tilefnum. Mjög líkleg eiturbyrlunar-atlaga að fræðimanninum Robert Spencer, sem hér flutti vel sóttan fyrirlestur fyrir skemmstu, og umræðan út frá þeirri atlögu gefur heldur enga ástæðu til bjartsýni um andlegt ásigkomulag verjenda islamista.

Nýjar fréttir um tvöleytið á CNBC:

• 19 dead in "appalling suicide attack" after Ariana Grande UK concert
• British PM May confirms "appalling" deadly blast at Manchester stadium was a terror attack

PS. Úr frásögn íslenzku móðurinnar Lindu Hafþórsdóttur af vettvangi (Visir.is): "Í því sem við snúum við kemur sprengingin. Ég hef aldrei á ævinni heyrt svona háan hvell. Mig sundlaði og hausinn á mér var að springa. Það kom reykur og það eina sem ég hugsaði um var að grípa í höndina á henni [dótturinni 11 ára] og ég sver að ég setti Íslandsmet í spretthlaupi þarna... Ég dró dóttur mína yfir stigahandrið og ég leit aldrei til baka. Ég bara hljóp af augum þangað til ég fann einhvern ógeðslegan pöbb og lét hringja á leigubíl." Linda segir að þegar þær hafi beðið eftir leigubílnum hafi aðrir tónleikagestir hlaupið fram hjá þeim og sagt þeim að þeir hefðu séð blóðuga tónleikagesti og heyrt byssuskot... "Dóttir mín grét og grét og sagðist ekki vilja fara aftur heim til Edinborgar heldur heim til Íslands."... Linda segir að líðanin núna sé hræðileg. Hún geti ekki hætt að skjálfa... "Sú stutta róaðist loksins þegar við komum heim. Hún spurði mig hvort við gætum beðið saman, sem hún gerir aldrei. Svo gafst hún bara upp og lognaðist út í fanginu á mér, enda algjörlega búin á því."

Jón Valur Jensson.

„Þetta var svakaleg sprenging“