Svíþjóðardemó­krötum er sannarlega treyst fyrir mikilvægum málaflokkum

MJÖG athyglisverð frétt: Sænskir kjós­end­ur telja, að

"Svíþjóðardemó­krat­ar séu best falln­ir til þess að sinna varn­ar­mál­um lands­ins og mál­efn­um inn­flytj­enda og flótta­fólks. Þar eru 44% kjós­enda, tvö­falt fleiri en í síðustu þing­kosn­ing­um, á því, að þar sé Svíþjóðardemó­kröt­um best treyst­andi. Jafn­framt treysta kjós­end­ur þeim best til þess að sinna mál­efn­um aldraðra ... (Mbl.is)

Flokkurinn hefur haft um 20% fylgi drjúgan tíma. Nánar HÉR á Mbl. og einnig á vef Aft­on­bla­det.

Er ekki kominn tími til að ýmsir hér á landi hætti sínum heimóttaskap og viðurkenni eðlileik þess, að ekki er öllum stjórnmálaflokkum skylt að vera hrifnari af fjölmenningarhyggju en þjóðlegum áherzlum?

Dæmin frá Skandinavíu ættu að geta fengið ýmsa til að hafna "Open Border"-stefnunni, sem þó fær mikinn uppslátt á "almannaútvarpinu" RÚV, öðrum samtökum fremur, og raunar er helzt minnzt þar á Íslensku þjóðfylkinguna á mjög neikvæðan hátt.

JVJ.

Treysta Svíþjóðardemókrötum best

Hvað er verið að bjóða láglaunafólki upp á?

Enn heldur leiguokrið áfram, 77 fm íbúðir í Skipholti m/húsgögnum eru nú auglýstar á 340.000 kr. á mán.!

Misskipting launa blasir við af orðum Vilhjálms verkalýðsleiðtoga á Akranesi: Af 1287 milljarða vinnutekjum á Íslandi fá 20% launamanna helminginn, en 80% launamanna fá jafnmikið í sinn hlut!?

Meðal þessara 20% er örugglega fjöldi ríkisstarfsmanna, sem "breiðu bökin" fá svo að standa undir með sínum opinberu gjöldum! 

Slíkt misrétti ber að leiðrétta.

Íslenska þjóðfylkingin boðar "hækkun persónu­afsláttar og að skatt­leysis­mörk verði 300 þúsund. Tekju­teng­ingar aldraðra, öryrkja og náms­manna verði afnumdar. Heilbrigðis­þjónusta skal vera gjaldfrjáls á Íslandi."

* Þetta kom fram í viðtali Péturs Gunnlaugs­sonar við Vilhjálm Birgis­son í síðdegis­útvarpi Útvarps Sögu í dag; viðtalið verður endurtekið þar seinna í kvöld. Sjá nánar um viðtalið hér á vef Útvarps Sögu: Húsnæðisverðið er orðið ein hringavitleysa, með mynd (og tengill þar inn á hljóðskrá).

Jón Valur Jensson.

Leigja 2 herbergja íbúðir á 340 þúsund

Hefjast mun barátta á móti og með Evrópusambands-umsókn

þ.e.a.s. ef af stjórnarmyndun verður hjá Sjálf­stæð­is­flokki, "Við­reisn" og "Bjartri fram­tíð" sem hafa 1 þingmanns meirihluta.

Íslenska þjóð­fylk­ingin er ein­dregið and­víg inn­göngu í stór­veldið!

Ætla má, að með orða­laginu, sem þarna er viðhaft ("að halda þjóðar­atkvæða­greiðslu um hvort hefja eigi viðræður við ESB á ný") telji Bjarni Bene­diktsson sig standa við fyrri stjórnar­stefnu sína, þ.e. að ríkisstjórn Sigmundar Davíðs og hans ákvað að draga ESB-umsóknina formlega til baka með bréfi utanríkis­ráðherra til Evrópu­sambandsins; nú sé þannig ekki verið að fella þessa ákvörðun í mót Samfylkingar­manna, sem vildu einfald­lega "halda áfram viðræðunum", heldur að gefa þjóðinni færi á því að taka ákvörðun um nýjar viðræður, sem gerist þá með nýrri aðildar­umsókn.

Við höfum ekkert að gera með að ganga inn í Evrópu­sambandið, sem sjálfur Jón Baldvin Hannibals­son hefur lýst sem svo, að sé eins og að ganga inn í brennandi hús. Síðan hann mælti þau orð, hefur atvinnu­leysið haldið þar áfram á fullu og evran sigið og andstaðan aukizt við sambandið og ekki aðeins í Bretlandi, þar sem meirihluti þjóðarinnar ákvað að segja landið úr Evrópu­sam­bandinu. En Bretar eru okkar helzta viðskiptaþjóð og því enn síður ástæða til þess nú en fyrir fáum árum að ganga inn í þetta hálf-dauðvona, en valdfreka samband.

Valdfrekjan birtist í kröfum þar innan borðs um auknar valdheimildir á sviði bæði efnahagsmála og varnarmála, en stefnt er þar nú að stofnun ESB-hers. Yrði meðlimaþjóðunum, jafnvel þeim sem engan her hafa, ekki hlíft við framlagi til þess hers.

Höldum uppi merki sjálfstæðs og fullvalda Íslands.

Jón Valur Jensson.

Þjóðaratkvæði um ESB