Hefjast mun barátta á móti og með Evrópusambands-umsókn

þ.e.a.s. ef af stjórnarmyndun verður hjá Sjálf­stæð­is­flokki, "Við­reisn" og "Bjartri fram­tíð" sem hafa 1 þingmanns meirihluta.

Íslenska þjóð­fylk­ingin er ein­dregið and­víg inn­göngu í stór­veldið!

Ætla má, að með orða­laginu, sem þarna er viðhaft ("að halda þjóðar­atkvæða­greiðslu um hvort hefja eigi viðræður við ESB á ný") telji Bjarni Bene­diktsson sig standa við fyrri stjórnar­stefnu sína, þ.e. að ríkisstjórn Sigmundar Davíðs og hans ákvað að draga ESB-umsóknina formlega til baka með bréfi utanríkis­ráðherra til Evrópu­sambandsins; nú sé þannig ekki verið að fella þessa ákvörðun í mót Samfylkingar­manna, sem vildu einfald­lega "halda áfram viðræðunum", heldur að gefa þjóðinni færi á því að taka ákvörðun um nýjar viðræður, sem gerist þá með nýrri aðildar­umsókn.

Við höfum ekkert að gera með að ganga inn í Evrópu­sambandið, sem sjálfur Jón Baldvin Hannibals­son hefur lýst sem svo, að sé eins og að ganga inn í brennandi hús. Síðan hann mælti þau orð, hefur atvinnu­leysið haldið þar áfram á fullu og evran sigið og andstaðan aukizt við sambandið og ekki aðeins í Bretlandi, þar sem meirihluti þjóðarinnar ákvað að segja landið úr Evrópu­sam­bandinu. En Bretar eru okkar helzta viðskiptaþjóð og því enn síður ástæða til þess nú en fyrir fáum árum að ganga inn í þetta hálf-dauðvona, en valdfreka samband.

Valdfrekjan birtist í kröfum þar innan borðs um auknar valdheimildir á sviði bæði efnahagsmála og varnarmála, en stefnt er þar nú að stofnun ESB-hers. Yrði meðlimaþjóðunum, jafnvel þeim sem engan her hafa, ekki hlíft við framlagi til þess hers.

Höldum uppi merki sjálfstæðs og fullvalda Íslands.

Jón Valur Jensson.

Þjóðaratkvæði um ESB

Athugasemdir

[Helgi Jónsson (IP-tala skráð) 2.1.2017 kl. 08:41]

"Þjóðar­at­kvæði um ESB í stjórn­arsátt­mála"

Bestu fréttir sem maður hefur séð lengi....ÁFRAM ESB

[Snorri (IP-tala skráð) 2.1.2017 kl. 10:38]

Bestu fréttir í langan tíma. Til hamingju ísland og áfram ESB.

[Guðmundur Ásgeirsson, 2.1.2017 kl. 12:43]

Frábært ef við fáum að hafna þessu í eitt skipti fyrir öll.

Aðeins einn svarmöguleiki er löglegur: Nei.

[Jón Valur Jensson, 2.1.2017 kl. 12:52]

Tek undir orð þín, Guðmundur. Og gleðilegt nýtt ár og þökk fyrir góð samskipti á þeim liðnu, m.a. baráttuna í Icesave-málinu.

Vonandi geta Íslendingar fagnað hverjum áramótum næstu áratugi og aldir í frjálsu landi.

En Snorri hér ofar er beðinn að upplýsa um sitt fulla nafn.

[Guðmundur Ásgeirsson, 2.1.2017 kl. 13:04]

Gleðilegt ár sömuleiðis Jón Valur. Áfram Ísland!