Stóð VG með þjóðinni í vinstri stjórninni? Ef ekki, stóð VG a.m.k. með verkalýðnum? NEI, HVORUGT!

Með Icesave, sem Steingr.J. og félag­ar böðl­uð­ust í fyr­ir Breta og ESB, og með svik­um hans & Co. með ESB-um­sókn voru fram­in landráð gegn þjóð­ar­hags­mun­um, "Skjald­borg­in" svikin og full þátt­taka VG í Árna Páls-lögum! Á svo að kjósa þenn­an svik­ara­flokk öðrum flokk­um frem­ur?! Kjósa menn út á andlits­lyft­ingu frá Steingrími til Katrínar? En hún tók fullan þátt í öllum þessum svik­um flokksins við íslenzka þjóð og almenning!, í Icesave-I, II og III og ESB-mál­inu, eins og Alþingis­tíðindi eru órækur vitnis­burður um (hvernig hún greiddi atkvæði), allar eru þær upplýsingar fyrirliggjandi á netinu!

Um 9.000 fjölskyldur voru sviptar heimilum sínum og að miklu leyti hraktar úr landi. Vinstri græn hreyfðu ekki legg né lið til varnar þeim! Þessi flokkur er heppinn að margir burtfluttir til Skandinavíu eru nú skráðir þar með lögheimili og geta ekki kosið í þessum kosningum! Einnig skáru þau Steingrímur J. niður laun eldri borgara. En þau Katrín & Co. þiggja hins vegar 43% launahækkun til sjálfra sín!

En eru Vinstri græn samt orðin ábyrg­ari "síðan þá"? Eru þau til dæmis með ábyrga inn­flytj­enda­stefnu? Ekki er of seint að skoða það! Opinber stefna VG:

"Við eigum að taka á móti umtals­vert fleiri flóttamönn­um, að lág­marki 500 á ári … Jafna þarf að­stæð­ur hælis­leit­enda og svo­kall­aðra kvóta­flótta­manna og tryggja full­nægj­andi fram­kvæmd nýrra út­lend­inga­laga með fjár­magni og mann­afla."

Nú verða hælisleitendur langt yfir 1000 á árinu; VG vill jafna rétt þeirra á við kvóta­flóttamenn og landsmenn sjálfa; það gæti leikandi merkt 1500 manna fjölgun með þessu móti árlega og ekki færri en 6.000 slíkir innflytjendur (að miklu leyti múslimskir) á því komandi kjörtímabili sem þau vilja fá að vera leiðandi í ríkisstjórn! 

Er þetta það sem þjóðin vill?!

Sjá einnig hér: Steingrímur J. Sigfússon sveikst aftan að þjóðinni með kosningaloforði sínu í Sjónvarpi kvöldið fyrir kjördag 2009 (myndband afhjúpar hann!)

Vinstri maður kvartar yfir Katrínu Jakobsdóttur sem forseta­frambjóðanda

Jón Valur Jensson.

VG langstærsti flokkurinn

Athugasemdir

[Kristbjörn Árnason, 4.10.2017 kl. 10:43]

Vissulega var þetta vandræðalegt svar hjá Steingrími.  Það er rétt að mikill meirihluti flokksins er á móti aðild að ESB og er enn. 

Síðan kom upp hinn mikli vandi sem er, að þjóðin kaus þessa flokka tvo til að losna við hægri flokkanna sem báru ábyrgð á hruninu og á Icesave skuldum Landsbankans.  VG sveik ekki þjóðina það gerðu aðrir.

En sem betur fer höfnuðu kjósendur fasista framboðinu.

[Íslenska þjóðfylkingin, 4.10.2017 kl. 11:27]

Eitthvað er minni þitt orðið rykugt, Kristbjörn. Bar ekki Samfylkingin, annar ríkisstjórnarflokkurinn þegar Bólan var orðin sem mest, ábyrgð líka á Hrunsstjórninni? Var ekki Björgvin viðskiptaráðherra, og var ekki Jón Sigurðsson eðalkrati einn af ráðandi mönnum í bankaráði Seðlabanka Íslands og formaður Fjármálaeftirlitsins, og mælti hann ekki sem slíkur opinberlega með Icesave-reikningunum í auglýsingu Landsbankans til hollenzkra borgara?!

Ertu fylgjandi innlimun Íslands í Evrópusambandið? Ef ekki, hvernig geturðu þá skrifað hér: " VG sveik ekki þjóðina"?!!! Farðu inn á næstsíðasta tengilinn hér fyrir ofan, þar sérðu svikin og lygarnar blasa við þér. Og Katrín tók fullan þátt í þessu sem þjónustumey Steingríms J.

Og hvað áttu við með lokaorðunum? Hefur nokkurn tímann verið fasista-framboð á Íslandi síðan á 4. áratugnum? Nei, sem betur fer ekki.

En þú ert greinilega maður sem leggur stund á að skrifa án ábyrgðar!

Jón Valur Jensson, í flokksstjórn ÍÞ.

[Kristbjörn Árnason, 4.10.2017 kl. 11:47]

Það væri allt lagi minn kæri að vera ekki með fordóma. Ekki það að ég hafi einhverntíma verið ESB maður og þarf ekki að verja gjörðir Þeirra Katrínar og allra síst Framsóknarmannsins Steingríms.

En Jón Valur, það vill svo til að ég eins og allir kollegar mínir höfum reynslu af veru í því sem nú kallar sig ESB en nefndi sig EB þegar Ísland fékk auka aðild að ríkjasambandinu. Eins og Bjarni Benediktsson eldri kallaði EFTA samninganna 1. mars 1970. 

Íslenskum iðnaði var fórnað fyrir tollalækkun á fiski til Evrópu en við sem störfðum í samkeppnisiðnaði á Íslandi var fórnað. Okkar starfsumhverfi var samkvæmt regluverki ESB. 

Það var auðvitað þjóðin sem vildi svona stjórn eftir hrunið. Þú ættir að viðurkenna það að starfsumhverfi bankanna eftir EES aðildina fór ekki vel með þjóðina. Það er auðvitað lágmark að þú viðurkennir það. 

Varðandi hrunið var það þegar fyrirsjáanlegt 2006 og  ekkert var gert til að koma í veg fyrir það. Hrunið var ábyrgð gömlu valdaflokkanna. Það voru örfáir í þeirri ríkisstjórn sem vissu hvað var framundan. Þjóðin var ekki upplýst um þetta fyrir kosningar 2007. En ég er ekkert að verja Ingibjörgu Sólrúnu og hvernig hún beygði Jóhönnu fyrir rest. 

[Íslenska þjóðfylkingin, 4.10.2017 kl. 11:51]

Það er athyglisvert að líta á arfinn frá 4. áratugnum. Nazistaflokkurinn íslenzki, ef íslenzkan skyldi kalla, leið blessunarlega undir lok, en annar alræðisflokkur þess tíma, Kommúnistaflokkur Íslands, undir stjórn Stalíns (í gegnum Komintern í Moskvu og Dimitrov), hélt áfram tilvist sinni í Sósíalistaflokknum, sem myndaði svo meginkjarnann í Alþýðubandalaginu, og róttækari vinstri mennirnir þar stofnuðu svo Vinstri græn, undir forystu Steingríms J. Sigfússonar (sáluföður Kristbjarnar?), en sá Steingrímur var, vel að merkja, yfirlýstur aðdáandi fjöldamorðingjans Leníns (í Rúv-viðtalsþætti). Já, þetta er arfurinn!

JVJ.

[Íslenska þjóðfylkingin, 4.10.2017 kl. 11:58]

Þakka má Kristbirni seinna innleggið, sem undirritaður sá fyrst eftir birtingu innleggsins hér á undan. Ánægjulegt er að sjá, að Kristbjörn á sér ekki Steingrím J. að sáluföður. 

JVJ.

[Kristbjörn Árnason, 4.10.2017 kl. 14:47]

Jón Valur við ungir vinstri menn á höfuðborgarsvæðinu litum alltaf á Steingrím sem Framsóknarmann. Reyndar af gamla skólanum.

Ég hef margoft lýst minni skoðun á rússneskum kommúnistum sem voru að mínu mati bara fasistar í forystusveit hersins. Menn skulu átta sig á þeirri staðreynd, að á þessum tímum voru fasistar allsráðandi um alla Evrópu og víðar.

Þeir tóku völdin af samvinnumönnunum sem höfðu stofnað sovétin ásamt samvinnufélögum út um allt keisaradæmið eftir að almenningur hafði hrakið keisarann frá völdum. 

Sagan sem skráð eftir á í þessu landi er auðvitað bara bull. Þannig eru hlutirnir yfirleitt í fasistaríkjum með eins flokks kerfi eða í einræðisríkjum. 

Kveðja kæri vinur og fyrirgefðu hvað ég svara þér seint, en ég var að koma úr kirkjunni.

[Guðbjörg Snót Jónsdóttir (IP-tala skráð) 4.10.2017 kl. 14:57]

 Björn Bjarnason, fv. ráðherra, sagði mér, að VG væru í raun tveir flokkar, Kötuliðið og Svandísarliðið. Ef Kata ætlaði að fara í ríkisstjórn með Sjálfstæðisflokknum, sem sumir virðast vera að fiska eftir, þá sé ekki við það komandi fyrir Svandísi, sem sér allt svart og rautt, þar sem Sjálfstæðisflokkurinn er, og má ekki heyra það nefnt að vera í ríkisstjórn með þeim flokki. Svo að það gengur ekki upp. Svandís vill útiloka algerlega Sjálfstæðisflokkinn og ríkisstjórnarþátttöku hans. Að öðru leyti finnst mér háttvirtir kjósendur ansi gleymnir á það og athugunarlausir, að VG ber ekki síður ábyrgð á vitleysunni og ruglinu í Reykjavík en Samfó og Píratar. Þess vegna skil ég ekkert í þessarri hrifningu á VG. Hvað þessar skoðanakannanir, sem eru alltaf að birtast á vegum Fréttablaðsins, Félagsvísindastofnunar og MMR, snertir, þá finnst mér þær yfirleitt lykta af því,að þeir aðilar hafi félagaskrá VG og Samfó, og hringi í kjósendur eftir því. Við gætum alveg búið til svona skoðanakönnun eða látið búa hana til fyrir okkur, og hringt aðallega í það fólk, sem við vitum að eru örugglega kjósendur Sjálfstæðisflokksins og Framsóknar, auk Þjóðfylkingarinnar, og hafa svo VG, Samfó og hina flokkana með, svo að þetta líti nú dálítið trúverðuglega út. En hvernig heldurðu, að sú skoðaðakönnun yrði? Ekki mjög trúverðug hefði ég sagt, enda tek ég ekki mark á þessum könnunum, sem eru alltaf að birtast, og segi eins og Ingibjörg Sólrún sagði einu sinni: Þetta eru ekki kosningar, sem betur fer. Spyrjum að leikslokum. - Hins vegar bæti ég við; Guð hjálpi Íslandi og Íslendingum, ef kosningarnar fara svona. - Ég á erfitt með að trúa því í dag, og vona, að fólk sé nú skynsamara en svo. Reykvíkingar eru nú ekki svo ánægðir með þessa jólasveina, sem eru í ráðhúsinu, að þeir kæri sig um annað eins á Alþingi, þó að það sé óskaríkisstjórn Sovétfréttastofu Rúv og 365-miðla. Það er annað mál. Við skulum vona, að sú óskhyggja gangi ekki eftir. 

[Íslenska þjóðfylkingin, 4.10.2017 kl. 19:20]

Fyrirgefðu, kæri Kristbjörn, og þið Guðbjörg Snót bæði, hve seint ég leit í stjórnborðið og sá þessar nýjustu athugasemdir (var fjarri síðdegis og svo upptekinn um stund). --B.kv. --JVJ.