Varasamt að flytja inn múslima í stórum stíl

Hryllilegt hryðjuverk í Khabúl (90 drepnir í morgun) og viðlíka glæpir, í gær í Írak (27) og þegar 26 koptar voru miskunnarlaust aflífaðir ... og í Manchester ... fá trúlega enn fleiri til að sjá, að "Góða fólkið" hefur ekk­ert með það að gera að bæta hér við múslimum! Þetta meinta "Góða fólk" hefur ekkert umboð frá meiri­hluta þjóðarinnar til að þrýsta á franskbrauðin í ríkisstjórn og á Alþingi til að gefa eftir fyrir kröfu þess um að auðvelda hælisleitendum landvist hér eða til að lengja von úr viti dvöl hundraða eða þúsunda slíkra hér á okkar kostnað (að meðtöldum flóttamönnum er kostnaðurinn að verða 15-20 milljarðar á ári!).

Þýzka lögreglan var líka að stoppa einn 17 ára af, sem hugði á sjálfsvígsárás í Berlín, hann kom þangað fyrir ca. 2 árum sem ... flóttamaður frá Sýrlandi!! Þetta var nú öll aðlögunin í hans tilfelli!

Hryðjuverkin hér á Vesturlöndum (yfir 80% þeirra framkvæmd af múslimum frá 11. sept. 2001) gerast ekki í neinu tómarúmi. Miklar íbúabyggðir múslima í Frakklandi, Bretlandi, Hollandi, Belgíu, Þýzkalandi og á Spáni auðvelda öfga-islamistum að leynast innan um sína landsmenn og meðal sinna trúbræðra sem sækja moskurnar. Þessar fjölmörgu moskur eru svo þar að auki ýmsar hverjar notaðar til að vera með ofsatrúar- og fyrirlitningar- eða hatursáróður gegn vestrænum lífsháttum og gegn bæði kristnum og Gyðingum. Eru brezk yfirvöld farin að átta sig á því, að fylgjast þarf með "kennslunni" og fundunum sem eiga sér stað í mörgum moskanna, ef ekki á verr að fara. Ekki er á það bætandi, að þar í landi eru nú þegar 23.000 skráðir fylgismenn "heilags stríðs" hjá lögreglu!

Evrópumenn eru almennt orðnir fráhverfir því að fá hingað öllu fleiri múslima, ekki vegna alhæfinga um þá eða fordóma um þá almennt, heldur vegna með­vitundar um að með þeim hafa stórlega vaxið ýmis alvarleg vandamál. Traust könnun meðal 10 af helztu Evrópuþjóðum sýndi 73% fylgi við að STÖÐVA inn­flutning fleiri múslima til álfunnar. Enginn flokkur hér á landi þorir að taka á þessu vandamáli annar en Íslenska þjóðfylkingin.

Í gær var að ljúka norrænni ráðstefnu um innflytjendamál, sem Háskóli Íslands og stofnanir þar tóku að sér að annast. Undirritaður hitti norrænan lögfræðing sem tók þátt í ráðstefnunni og upplýsti mig um, að almennt er nú ríkjandi sú stefna meðal hinna norrænu ríkjanna að takmarka meira fjölda innflytjenda þangað en verið hefur. Kannaðist viðmælandinn t.d. vel við það, að í Danmörku eru jafnvel sósíaldemókratar farnir að herða afstöðu sína til inn­flytj­enda­mála, eins og Styrmir Gunnarsson hefur upplýst okkur um. En hitt er spurning dagsins hvenær Samfylkingin kemst til vits og ára í þessum efnum.

Hryðjuverka-aukagetan er auðvitað versta afleiðing hins lítt hefta straums múslima inn í Evrópu, en ennfremur er í vaxandi mæli að komast upp um hve dýrt það velferðarkerfi er, sem heldur þeim mörgum uppi, og hefur verið misnotað gróflega í mörgum tilvikum, eins og dæmin sýna t.d. frá Danmörku og Þýzkalandi. Við höfum ekkert þanþol í okkar íslenzka velferðarkerfi til að dæla ófáum milljörðum í hælisleitendur sem eiga hér engan dvalarrétt. Þar að auki hefur tilkoma þeirra sett enn meiri þrýsting á leigumarkaðinn, og höfðu íslenzkir leigjendur sízt nokkra þörf fyrir aukna verðbólgu á þeim vettvangi.

En franskbrauðin á Alþingi fljóta samt auðveldlega áfram niður að feigðarósi, verði þau ekki sokkin áður í sínum óvinsældum.

Jón Valur Jensson.

Aldrei upplifað aðra eins höggbylgju

Athugasemdir

[Merry, 31.5.2017 kl. 14:41]

Það er örugglega rangt að hafa fleiri múslimar hér á Íslandi. Til að byrja með hata þeir trú okkar og neita lífsleið okkar. Þeir eru þekktir fyrir að koma til Evrópulanda vegna félagsþjónustu okkar. Þeir búa á skattgreiðenda peninga og hafa mörgum mörgum börnum - hvert þeirra verður greitt af skattgreiðenda peningum. Þeir stuðla ekki að nokkru leyti til landsins sem þeir búa í - bara taka,  Horfðu á sænska vandamálið við innflytjenda íslamskra manna - bara vandræði og vandamál. Í Svíþjóð eru peningarnir að renna út. Hærri skattur fyrir vinnandi fólk.