Ágeng spurning til Þorgerðar Katrínar: Hve mörgum milljörðum tapar ríkið og samfélagið á sjómannaverkfallinu?

Í Rúv kl.17 segir hún m.a.: 

„Það er líka algjörlega skýrt af minni hálfu að mér finnst algjörlega ófært fyrir hönd stjórnvalda eða ríkisvaldsins að það séu þriðju aðilar úti í bæ sem skuldbinda ríkið, skattgreiðendur þessa lands, upp á mörg hundruð milljónir króna án þess að tala við það. Þess vegna er gott að menn ræði saman núna, þegar menn vonandi eru að  fara að ná saman með samningum. Ríkinu verður ekki stillt upp við vegg í þessari deilu.“

En ríkið skuldbatt sjómenn, með lögum á þá, til að taka þátt í kostnaði útgerða, án þess að neitt hafi komið á móti -- ekki að útgerðin borgi dýra vinnugalla þeirra eða fæði fjarri heimahöfn.

Svo kokhraust er Þorgerður, þegar hún heldur þó á fund deiluaðila nú síðdegis, að hún telur þetta tímabær og nauðsynleg orð í sama Rúv-viðtali, sem eru þó einfaldlega eins og olía á eldinn hjá sjómönnum:

Þorgerður Katrín segir að afnám sjómannaafsláttar 2009 hafi verið rétt skref í átt að einföldun skattkerfisins.

Það er nefnilega það! Var greinilega ekki frambjóðandi sjómanna haustið 2016!

Svo er RÚVið mjög lélegt í því að láta það ekki koma skýrt í ljós, að á móti tilboði sjómanna í gær hefur EKKERT komið frá útgerðarmönnum, og Heiðrún Lind, þessi annars bráðgáfaða unga kona, getur ekki með neinu móti falið þá staðreynd með léttvægum orðum sínum, sem hún er þó látin komast upp með vegna "óágengni" fréttamanna gagnvart henni. Gaman var samt að heyra þessa frjálshyggjukonu fara hopandi undan vegna sjómannafsláttarins (sem Íslenska þjóðfylkingin berst fyrir, einn flokka), en svo gat hún heldur ekki gert það af neinni styrkri sannfæringu eða með vilja til að fylgja því eftir. En bara það, að hún hafði orð á þessu, æsti upp útgerðarmanna-vinkonuna Þorgerði Katrínu til hennar herskáau ummæla í dag!

Já, Þorgerður, HVE MÖRGUM HUNDRUÐUM EÐA ÞÚSUNDUM MILLJÓNA höfum við tapað nú þegar, í formi gjaldeyris- og skattataps, vegna þessa verkfalls og vegna ótrúlegrar þrjózku Bjarna Ben. og þinnar í málinu?!

Jón Valur Jensson.

Ráðherra fundar með deiluaðilum

Á leið úr bankanum

 

• Bankinn segir það borgi sig 
• að bíða eftir því
• sem virkilega vantar mig:
• ég verð að komast í frí !
• En vexti sína hefur hann
• himinháa´---upp í ský!
• Á vaxtamuni þá vinna kann ...
• En verð ég að lúta því?

 

Í grein sinni Kæri Lars ritar Agnar Tómas Möller 8. þ.m. í Markaðnum, fylgiriti Fréttablaðsins um viðskipti og efnahagsmál (leturbr. hér):

Ákvörðun vaxta hefur líklega sjaldan verið jafn mikilvæg og nú þegar við siglum inn í jafnvægi sem við vitum í raun ekki hvar liggur vegna breyttrar samsetningar hagkerfisins. Þrátt fyrir mikla gengisstyrkingu á seinasta ári og ótrúlega forðasöfnun Seðlabankans, bendir flest til þess að viðskiptaafgangur muni ekki byrja að dragast saman í bráð þar sem þjónustuafgangur vex hraðar en vöruskiptahallinn og mikill vaxtamunur hefur ýtt undir gríðarlegt fjármagnsinnflæði, líkt og sést í tölum Seðlabankans á þriðja ársfjórðungi seinasta árs. Raunvaxtamunur við Evrópu er í dag um 5% og þarf að minnka en ekki aukast, á sama tíma og við afléttum gjaldeyrishöftum að fullu. Annars er hættan sú að nýtt jafnvægi krónunnar og hagkerfisins verði óstöðugt og brotni vegna ofriss krónunnar sökum of hárra vaxta. Blessunarlega virðist hluti peningastefnunefndar smám saman vera að átta sig á þessari þróun og vonandi mun hún ekki láta úrtölumenn hafa áhrif á sig horft fram á veginn.

Vel mælt. En þekktasti úrtölumaðurinn er vitaskuld Már Guðmundsson Seðlabankastjóri, mesti baráttujaxl fyrir háum vöxtum á Íslandi og þótt víða væri leitað, til stórfellds tjóns fyrir íbúðakaupendur og fjölda manns og fyrirtækja. Væri Íslenska þjóðfylkingin í ríkisstjórn, væri eitt forgangsmála ugglaust það að breyta lögum um Seðlabankann, svo að hægt verði að ráða nýjan seðlabankastjóra.

Jón Valur Jensson.

Afkoman í takt við væntingar

Evrópuþjóðir eru á einu máli með Íslensku þjóð­fylk­ing­unni um að stöðva straum múslima inn í Evrópu

Í nýbirtri könnun virtrar stofn­unar, Chatham House, er sú yfir­gnæf­andi af­staða 10 af helztu Evrópu­þjóðum stað­fest að STÖÐVA skuli frek­ari straum músl­ima til Evrópu.

Að frá­töldum 25%, sem taka ekki af­stöðu, eru 73% með­mælt ferða­banni á músl­ima. Í Aust­ur­ríki vilja 65% slíkt bann á frek­ari inn­flutn­ing þeirra, um 18% and­vígir, í Þýzka­landi 53% og 19%, í Frakk­landi 61% og 16%, í Bret­landi 47% með bann­inu, en 23% á móti því, en á Ítalíu eru 52% með, 23% á móti.

"[Þessar niður­stöður] benda til þess að andstaða á meðal al­menn­ings við frek­ari inn­flutn­ing fólks frá ríkj­um þar sem múslim­ar eru í mikl­um meiri­hluta sé eng­an veg­inn bund­in við kjós­end­ur Trumps í Banda­ríkj­un­um held­ur frem­ur út­breidd,“ seg­ir í yf­ir­lýs­ingu frá hug­veit­unni Chatham House.

Vilji íslenzk yfirvöld taka mið af þjóðum Evrópu, geta þau lært þessa lexíu utan að, en haft hug­fast að þessi afstaða Evrópu­þjóða er ekki andstaða við mót­töku krist­inna flótta­manna, sem hafa liðið mestar hörm­ungar og mann­tjón, í Sýrlandi og víðar.

Jón Valur Jensson.

Vilja ferðabann í anda Trumps

Ályktun um skaðlegar egningar á Alþingi gegn Bandaríkjunum og um varasöm innflytjendamál

Íslenska þjóðfylkingin lýsir sig andvíga stór­vara­samri egn­ingu nokk­urra alþing­is­manna gagn­vart Banda­ríkj­unum sem um sjö ára­tuga skeið hafa stutt við sjálf­stæði Ís­lands og var­ið það hernaðarlega á við­sjálum tím­um án endur­gjalds. Af fjand­semi af okkar hálfu gæti hlotist við­skipta­þvingun vegna hval­veiða og krafa um fúlgur úr ríkis­sjóði til varna NATO. 

Bandaríkin stjórna sínum innflytjendamálum sjálf, út frá hagsmunum þjóðar­öryggis. Þúsundir hafa farist í hryðju­verkum öfga­islam­ista þar s.l. 16 ár. Frakkar, Bretar og Spánverjar hafa hverjir um sig misst hundruð manns­lífa í hryðju­verkum islam­ista á sama tíma. Þýska lögreglan telur að þar í landi séu nú um 550 múslimar tengdir samtökum öfga­islamista og að þeir séu líklegir til hryðjuverka.

Nýstaðfest er af grein­ing­ar­deild rík­is­lög­reglu­stjóra að jafnvel hér á landi óskuðu tveir ein­stak­ling­ar með tengsl við hryðju­verka­sam­tök eft­ir hæli (2015-16) og að "Ísland hafi verið notað sem "gegn­um­streym­is­land" manna frá N-Am­er­íku á leið til og frá þátt­töku í bar­dög­um í Mið-Aust­ur­lönd­um í nafni Rík­is islam." Þá hafi norræn yf­ir­völd "vax­andi áhyggj­ur af rík­is­borg­ur­um sem snúa heim eft­ir að hafa tekið þátt í bar­dög­um og ógn­ar­verk­um í Mið-Aust­urlönd­um í nafni hryðju­verka­sam­taka," en hæl­is­leit­end­um frá átaka- og spennu­svæðum hafi einmitt fjölgað "veru­lega á Íslandi 2016".

Fjandskapur við Bandaríkin vegna skammtíma-lokunar á fólk frá sjö löndum (aðkoman þeim enn bönnuð næstu 76 dagana) ber því vott um litla fyrir­hyggju. Jafnvel Obama lagði komu­bann á Íraka í hálft ár. Væri betur að íslenskir þing­menn tækju strax af skarið um að stöðva hingað straum hælis­leitenda, sem að meirihluta munu vera múslimar. 

Ofurkröfur örsmás "No Borders"-hóps um að opnað verði fyrir straum hælis­leitenda hafa engin ríki tekið upp í reglur sínar.  

Flokkarnir á Alþingi hafa sýnt að þeim er illa treystandi á þessu sviði. Íslenska þjóð­fylkingin er eini staðfasti flokkurinn sem vill tryggja landið fyrir fram, eftir að hafa skoðað lær­dóminn af reynslu nágranna­þjóða. Úr Schengen án tafar!

Þessi ályktun var samþykkt á fundi flokks­stjórnar Íslensku þjóðfylk­ingarinnar 9. þessa mánaðar og hefur verið send til fjölmiðla.

Með nýja tilskipun í skoðun

Orðræða um sjómannaverk­fallið sem er hvorki við hæfi né ábyrg

Það er rangt hjá Þorgerði Katrínu, ráðfrú sjáv­ar­útvegs­mála, að laga­setn­ing til að stoppa verk­fallið sé "óheppileg" og "ein­fald­lega að pissa í skó­inn okk­ar." Þvert á móti er það aug­ljós skylda ríkis­valdsins að grípa inn í, í 1. lagi þúsunda verklausra manna vegna, þegar ekki hefur náðst nein sátt í viðræðum deilu­aðila, og í 2. lagi vegna ugg­laust betri mál­staðar sjómanna, sem útgerðar­menn þvinga til að borga fyrir allan sinn dýra vinnu­fatnað, þótt endingar­tíminn sé skammur, einnig vegna dagpeninga sjómanna, sem þeir borga skatt af, ólíkt dagpeningum alþingismanna! - og ennfremur vegna þess að Alþingi og ríkis­stjórn tók sjómanna­afsláttinn af þessari stétt manna sem við lengstu fjarvistir býr frá fjölskyldum sínum, leggur manna mest til samfélagsins í formi skatta, án þess að geta notað samgöngur og aðra samfélagsþjónustu í sama mæli og aðrir skattgreiðendur, og býr ennfremur við skemmri starfsævi að meðaltali en aðrar stéttir vegna vinnuálags og slysahættu.

Ríkisstjórn SA-manna, SI-manna, FA-manna og útgerðar­manna er bersýnilega ekki "kjörin" til þess að standa með málstað sjómanna, þótt margir hafi þeir eflaust glapizt á að styðja einhverja þeirra þriggja flokka sem að henni standa.

Þor­gerður biðlaði þá til deiluaðila að fara inn í vik­una með það í huga að semja og binda enda á verk­fallið. „Ég hvet menn til að hverfa frá þeim hugs­un­ar­hætti að ríkið komi að deil­unni með sér­tæk­um aðgerðum.“ (Mbl.is)

Þetta ábyrgðarlausa blaður hennar gefur sjómönnum ENGA VON, bara puttann!

Þvert á móti stefnu Sjálfstæðisflokks, "Viðreisnar" og viðhengis þeirra stendur Íslenska þjóðfylkingin með sjómönnum í þesari deilu og hefur margítrekað sett fram kröfuna um 5-6% sjómannaafslátt. Ásamt kröfu okkar um að útgerðin borgi vinnugalla sjómanna, myndi þetta nægja til að höggva á þennan verk­fallshnút, sem veldur sjómönnum og fiskvinnslu­fólki milljarða skaða í töpuðum launum, sviptir sjávar­útveginn og landið gífurlegum gjaldeyris­tekjum og ríkis­sjóð ómældum skatttekjum. Ríkið á allan hag af því, að hjól og skrúfur þessarar atvinnugreinar fari að snúast sem fyrst og skipin að stefna úr höfn á miðin.

Að Þorgerður Katrín, sem stökk aftur inn í pólitík úr hálauna-starfi fyrir atvinnurekendur, sýnir þessu engan skilning, er ekki gæfulegt fyrir traust á henni meðal kjósenda, sem geta spurt sig, til hvers hún hafi aftur farið inn á vettvang stjórnmála. Henni nægir ekki til að vinna upp tiltrú á sér að flytja skrifstofu ráðuneytis síns nokkra daga til Ísafjarðar! Menn láta ekki blekkjast af slíkri yfir­borðs­mennsku.

Vilhjálmur Vilhjálmsson í HB-Granda var í löngu opnuviðtali í Viðskipta-Mogganum nú í vikunni og er þar sérstaklega að verja það, að útgerðin fái um 30% í sinn hlut utan skiptaprósentu, af því að þetta þurfi til að dekka kostnað útgerðarinnar. En þá ættu útgerðarmenn að sýna sóma sinn í því að borga fyrir vinnufata- og hnífakostnað sjómanna. Ríkið getur svo komið til móts við deilu­aðila með því að afnema skattheimtu af dagpeningum og endurvekja sjómanna­afsláttinn, sem þeir eiga svo sannarlega skilinn. Það er auðvelt að réttlæta það með því að benda t.d. á, að norska ríkið greiðir miklar fúlgur í styrki til útgerðarfyrirtækja þar í landi.

En ætla þessir hægriflokkar sér að verða frægir að endemum: að spilla fyrir trausti á Íslandi og langtíma-markaðsuppbyggingu erlendis með því að rýna bara í naflann á sér og fara með sínar frjálshyggju-þulur?!

Leysið verkfallið strax, það er auðvelt, ef og þegar viljinn er til staðar!

Séu stjórnvöld stöð og þver í málinu eins og Þorgerður Katrín, verður að auka þrýsting á þau og opinskáa gagnrýni sem flestra. Við munum ekki láta okkar eftir liggja í því efni, félagar í Íslensku þjóðfylkingunni. 

Jón Valur Jensson.

„Eins og að pissa í skóinn“

Marine Le Pen: AFEITRAÐI frönsku Þjóðfylkinguna, hafnar öfgum og kynþáttahatri

Jafnvel Fréttablaðið viðurkennir, að flokks­leiðtog­inn Marine Le Pen hefur "af­eitrað flokk­inn og óspart rekið úr honum liðs­menn sem hafa sýnt af sér gall­harð­an þjóð­ernis­hroka eða boðað grímu­laust kyn­þátta­hatur eða Gyðingahatur."

Hófstillt stefna Marine Le Pen nær betur til frönsku þjóðarinnar en æsingaræður föður hennar, sem lét af forystu flokksins árið 2011, þá kominn yfir áttrætt. Hún er þó hörkutól gagnvart Evrópusambandinu, vill a.m.k. endurheimta þau full­veldisréttindi Frakklands sem afsalað hafði verið til Brussel, þótt vilji hennar sé raunar eindreginn í þá átt að landið segi sig úr ESB. Hún vill að óska­gjald­miðill íslenzkra vinstri manna og ESB-innlim­unar­sinna verði lagður niður: 

"Evran er ekki gjaldmiðill. Hún er pólitískt vopn. Evran er hnífur sem Evrópu­sambandið stingur í bakið á fólkinu til að neyða það til að fara þangað sem það vill ekki fara."

Nú er Marine aftur komin í forsetaframboð og mun njóta stuðnings a.m.k. fjórða hvers kjósanda. Ýmsir leiðtogar vinstri og hægri flokkanna hafa hrapað í áliti, Hollande forseti reynzt afleitlega, fjármála­hneyksli kippt fótunum undan jafnt hægri manninum Fillon sem öðrum.

Þá hafa hryðjuverk múslimskra öfgamanna aukið mjög fylgi Þjóðfylkingarinnar á ný, en í Frakklandi eru 5-6 milljónir múslima, og greinilega hefur ýmsum þeirra ekki tekizt að aðlaga sig frönsku þjóðfélagi og gildum. Áberandi er einnig Gyðingahatrið meðal öfgamúslima, og hafa sum hryðjuverkin beinzt að þeim, saklausum borgurum landsins, og hefur það jafnvel stuðlað að brottflutningi Gyðinga til Ísraels.

Full þörf er á því um alla Evrópu, að ríkisstjórnir þar taki raunsætt mið af því, að yfir 70% þeirra, sem afstöðu taka í skoðanakönnun Chatham House í 10 af helztu Evrópuríkjum, eru hlynnt því að stöðva þar móttöku fleiri múslima. 

PS. Opinbert, enskt heiti Íslensku þjóð­fylkingar­innar er the National Alliance. Við notum ekki hugtakið National Front, sem hefur hernaðarlegan hljóm (minnir á herfylkingu) og var í sumum Evrópulöndum á stundum tengt nýnazisma. Íslenska þjóðfylkingin fordæmir allan fasisma og kynþáttaandúð.

Jón Valur Jensson.

Er þagnar- og þöggunar-múrinn sænsk-íslenski loksins að rofna?

Mest lesið á Pressunni í dag: Skrif sænsks lögreglumanns vekja mikla athygli: Segir að allur vinnutími hans fari í að rannsaka afbrot innflytjenda.

Þar kemur fram, að "Peter Springare, lögreglu­manni í Örebro í Svíþjóð, er alveg sama þótt skrif hans þyki ekki samræmast pólitískri rétthugsun. Á föstu­daginn birti hann færslu á Facebook­síðu sinni og hefur færslan vakið mikla athygli og umræður í Svíþjóð. Hún varð þess einnig valdandi að yfir­maður Peters kærði hann. Í færslunni lýsir Peter síðustu viku í vinnunni og lýsir yfir áhyggjum af afbrotum sem innflytjendur fremja." (Pressan.is)

„Ég er svo þreyttur á þessu. Það sem ég skrifa hér fyrir neðan samræmist ekki pólitískri rétthugsun. En mér er alveg sama. Það sem ég ætla að kynna fyrir ykkur skattborgurunum er eitthvað sem við opinberir starfsmenn megum ekki segja.“

En Peter heitir því að „segja ykkur, sem eruð með mig í vinnu sem rannsókn­ar­lögreglumann, hvað ég er að fást við í vinnunni,“

Og áfram heldur hann: „Eftirlaunaþegar landsins eru komnir að fótum fram, skólarnir eru í rúst, heil­brigðiskerfið er helvíti, lögreglan hefur beðið skipbrot og svo framvegis. Við vitum öll af hverju en enginn þorir eða vill tala um það,“ og hann rekur svo verkefni vikunnar hjá sér:

„Hér kemur það: Í þessari viku hef ég fengist við nauðgun, nauðgun, rán, líkams­árás, líkams­árás og nauðgun, fjárkúgun, þvingun, árás, ofbeldi gegn lögreglunni, hótanir gegn lögreglunni, fíkni­efna­brot, fíkni­efna­brot, morð­tilraun, nauðgun, fjárkúgun og illa meðferð.“

Og svo telur hann upp nöfn þeirra grunuðu:

„Ali Mohammed, Mahmod, Mohammed, Mohammed Ali, aftur, aftur, aftur Christopher . . . . það er satt. Loksins sænskt nafn í útjaðri fíkniefnabrots, Mohammed Mahmod Ali, aftur og aftur. Ríkin sem tengjast afbrotum þessarar viku: Írak, Írak, Tyrkland, Sýrland, Afganistan, Sómalía, Sómalía, Sýrland aftur, Sómalía, óþekkt, óþekkt ríki, Svíþjóð. Við vitum ekki með helming hinna grunuðu því þeir eru ekki með nein gild skilríki. Sem þýðir venjulega í sjálfu sér að þeir eru að ljúga um þjóðerni sitt og hverjir þeir eru. Við erum bara að tala um Örebro hér. Þessi afbrot fylla dagskrá lögreglunnar alveg að fullu. Svona er þetta hérna og hefur verið undanfarin 10-15 ár.“

Hann nefnir, að

„eftirlauna­þegar landsins eru komnir að fótum fram, skólarnir eru í rúst, heilbrigðiskerfið er helvíti, lögreglan hefur beðið skipbrot og svo framvegis. Við vitum öll af hverju en enginn þorir eða vill tala um það.“

Þessi Facebókar-færsla hans vekur mikla athygli. Um 70.000 manns hafa skráð sig í hóp til stuðnings Peter Springare "sem virðist kannski á tákn­rænan hátt hafa verið kornið sem fyllti mælinn" (Kristján Kristjáns­son í Pressu­greininni). En hér skiptir í tvö horn: "sænskir fjölmiðlar þegja að mestu þunnu hljóði um mál­ið, það er að segja hinir rótgrónu sænsku fjölmiðlar," en samfélags­miðlarnir eru fullir af viðbrögðum við skrifum Peters.

Því hefur verið velt upp hvort Peter geti leyft sér að skrifa svona þar sem hann er lögreglu­maður. [...] Í framhaldi af skrifum hans kærði Bo Anders­son, lögreglu­stjóri í Örebro, hann fyrir skrifin. Í samtali við Expressen sagði Bo að málið verði rannsakað og komist til botns í hvort opinber starfs­maður megi tjá sig á þennan hátt. (Sama frétt enn.)

Þöggunarviðleitnin augljóslega! Það er spurning hvort okkar eigin blöð eigi eftir að segja frá málinu eða þagga það niður, í takt við stefnu ljósfælinna sænskra yfirvalda.

Og hér er rúsínan í pylsuendanum:

Í gær voru lögreglumenn á lögreglustöðinni í Örebro við það að drukkna í blómum sem almennir borgarar komu með til að sýna stuðning sinn við Peter.

Blómin fóru illa í yfirstjórn lögreglunnar sem bannaði allar myndbirtingar af blómahafinu og bar því við að um öryggismál væri að ræða. Ekstra Bladet segir að síðdegis í gær hafi verið búið að afhenda rúmlega 60 blómvendi á lögreglustöðinni og þeir hafi enn verið að streyma inn ...

Svo var að berast fregn um, að ríki Evr­ópu­sam­bands­ins hafa nú "samþykkt að fram­lengja tíma­bundið landa­mæra­eft­ir­lit inn­an Schengen-svæðis­ins um þrjá mánuði en upp­haf­lega var gripið til eft­ir­lits­ins í nóv­em­ber 2015 til þess að bregðast við mikl­um straumi flótta­manna og hæl­is­leit­enda til sam­bands­ins." (Mbl.is)

Þetta þýðir að áfram verður eft­ir­lit á landa­mær­um Aust­ur­rík­is að Ung­verjalandi, Slóven­íu og Þýskalandi sem og nokkr­um stöðum á milli Norður­land­anna.

"Heim­ilt er sam­kvæmt Schengen-sátt­mál­an­um, sem Ísland á meðal ann­ars aðild að, að taka upp landa­mæra­eft­ir­lit inn­an svæðis­ins við sér­stak­ar aðstæður" ... en ekki endalaust, eða til að treysta á, því að einungis er "hægt að fram­lengja eft­ir­litið að há­marki í tvö ár. Hægt verður fyr­ir vikið að fram­lengja landa­mæra­eft­ir­litið að há­marki fram í nóv­em­ber á þessu ári." (Mbl.is, leturbr. hér).

Og hvað tekur svo við?!

Jón Valur Jensson.

Áfram eftirlit innan Schengen

Tveir með tengsl við hryðju­­verka­­sam­tök óskuðu hér eft­ir alþjóð­legri vernd. Ísland gegn­um­streymis­land. Hryðju­verka­hætta á Íslandi enn "metin í meðallagi"

skv. grein­ing­ar­deild rík­is­lög­reglu­stjóra, þ.e.a.s.: al­mennt er talið „að ekki sé hægt að úti­loka hættu á hryðju­verk­um vegna ástands inn­an­lands eða í heims­mál­um.“

Á ár­un­um 2015 og 2016 voru rúm­lega 20 hryðju­verk fram­in í Evr­ópu en að á sama tíma er ljóst að lög­reglu hafi tek­ist að „koma í veg fyr­ir tugi fyr­ir­hugaðra árása,“ seg­ir í skýrsl­unni.

Grein­ing­ar­deild­in hef­ur upp­lýs­ing­ar um að á sama tíma „hafi komið hingað til lands ein­stak­ling­ar með tengsl við hryðju­verka­sam­tök og óskað eft­ir alþjóðlegri vernd.“

Í sam­tali við RÚV staðfest­ir Ásgeir Karls­son hjá grein­ing­ar­deild rík­is­lög­reglu­stjóra að um tvo ein­stak­linga sé að ræða sem hafi komið til lands­ins á ár­un­um 2015 og 2016. Ásgeir sagði að menn­irn­ir væru farn­ir úr landi en vildi ekki veita upp­lýs­ing­ar um hvenær eða hvernig það hefði verið. (Mbl.is)

Á Norður­lönd­um er sagt í skýrslunni að hryðju­verka­ógn­in sé „einkum tal­in stafa af her­ská­um íslam­ist­um“ og að yf­ir­völd þar hafi „vax­andi áhyggj­ur af rík­is­borg­ur­um sem snúa heim eft­ir að hafa tekið þátt í bar­dög­um og ógn­ar­verk­um í Mið-Aust­ur­lönd­um í nafni hryðju­verka­sam­taka.“ Mest er hættan metin í Danmörku, á 4. þrepi á fimm stiga kvarða; þar telst hryðju­verka­ógn­in áfram vera al­var­leg, en í Svíþjóð er hún á þriðja þrepi (sjá nánar viðtengda Mbl.is-frétt um önnur Norðurlönd, en ástandið versnar fremur en hitt).

Hér eru jákvæðir hlutir, er snúa að okkur:

Grein­ing­ar­deild tel­ur að ógn­ar­mynd­in sé nokkuð frá­brugðin á Íslandi þar sem að ekki sé „vitað til þess að Íslend­ing­ar hafi gengið til liðs við hryðju­verka­sam­tök.“ Þá er sam­setn­ing hóps­ins sem sæk­ir um vernd á Íslandi önn­ur en á hinum Norður­lönd­un­um.

„Þar er flótta­fólk frá Mið-Aust­ur­lönd­um stærsti hóp­ur­inn. Á Íslandi eru flest­ir þeirra sem leita alþjóðlegr­ar vernd­ar frá lönd­um þar sem friður rík­ir.“ Í skýrsl­unni seg­ir þó að hæl­is­leit­end­um frá átaka- og spennu­svæðum hafi fjölgað „veru­lega á Íslandi árið 2016“ og að lík­legt sé „að sú þróun haldi áfram.“ (Mbl.is, leturbr. jvj; meðal þessara landa eru Írak og Afganistan, aths. jvj).

Gleymum ekki þessu og sérstaklega því sem fylgir þar síðast (feitletr. JVJ):

Á Íslandi og í öðrum vest­ræn­um ríkj­um staf­ar einnig ógn „af getu hryðju­verka­sam­taka til að koma á fram­færi áróðurs­boðskap á in­ter­net­inu og sam­fé­lags­miðlum í því skyni að hvetja til hryðju­verka.“

„Þá er sá mögu­leiki fyr­ir hendi að á Íslandi fari fram skipu­lagn­ing hryðju­verka sem ráðgert er að fremja í öðru ríki,“ seg­ir í skýrsl­unni, en grein­ing­ar­deild hef­ur einnig upp­lýs­ing­ar um að „Ísland hafi verið notað sem „gegn­um­streym­is­land“ manna frá Norður-Am­er­íku á leið til og frá þátt­töku í bar­dög­um í Mið-Aust­ur­lönd­um í nafni Rík­is íslam."

(Svo halda sumir, að stjórn Trumps hafi enga ástæðu til að óttast frjálsa komu manna til Bandaríkjanna frá suðupottum átaka í Mið-Austurlöndum!)

 

Þá eru í skýrslunni fróðlegar upplýsingar um hvernig ríki inn­an Evr­ópu­sam­bands­ins meti ógn vegna hryðju­verka, frá lágu hættu­stigi til þess hæsta, "en mest er ógn­in í Vest­ur-Evr­ópu, til dæm­is í Frakklandi, Belg­íu, Bretlandi, Dan­mörku og á Spáni." ---Helstu breyt­ing­ar, sem orðið hafa á síðustu árum, eru hér tíundaðar:

1. „Í fyrsta lagi hafa á síðustu tveim­ur árum verið fram­in stór­felld hryðju­verk í Evr­ópu sem kostað hafa hundruð manna lífið auk þess sem fjöldi óbreyttra borg­ara hef­ur særst og örkuml­ast.“
2. „Í öðru lagi hef­ur staðan á átaka­svæðum í Mið-Aust­ur­lönd­um breyst. […] Þetta hef­ur í för með sér að dregið hef­ur stór­lega úr þeim fjölda manna sem ferðast til Mið-Aust­ur­landa í því skyni að berj­ast í nafni ISIS. […] Til­tæk­ar heim­ild­ir benda til að um­snún­ing­ur hafi orðið á streymi er­lendra víga­manna til Mið-Aust­ur­landa og nú leggi ein­hverj­ir þeirra kapp á að kom­ast frá átaka­svæðunum og aft­ur til fyrri heim­kynna í Evr­ópu […] með til­heyr­andi ör­ygg­is­ógn gagn­vart ríkj­um Evr­ópu.“ (Leturbr.jvj)
3. „Loks hafa átök­in í Sýr­landi/Írak kallað fram for­dæma­laus­an flótta­manna­straum til Evr­ópu. Vest­ræn­ar lög­gæslu­stofn­an­ir telja al­mennt að áhætta kunni að vera fólg­in í þeim fólks­flutn­ing­um. Bent er á þann mögu­leika að ís­lömsk hryðju­verka­sam­tök nýti sér veik­leika á landa­mær­um […].“ (Leturbr.jvj)

JVJ tíndi saman úr fréttinni.

Tveir með tengsl við hryðjuverkasamtök

Hræsnin er algjör

Birgir Loftsson deildi myndbandi frá NumbersUSA.

Hér er Bill Clinton að bölsótast út í ólöglega innflytjendur. Ekki er þetta gervi­frétt (fake news). Obama lokaði sjálfur á hættulega innflytjendur árið 2011 í hálft ár.

Frakkar, með Hollande Frakklands­forseta í broddi fylkingar, hóta sjálfir Evrópusambandinu, að ef það gerir ekki svo vel að passa ytri landamæri bandalagsins betur, þá muni hann/þeir senda herinn til að verja landamæri landsins.

Merkel varð sjálf að loka landamærahliði Þýskalands enda var innflutningurinn á hælis­leitendum orðinn gjörsamlega stjórnlaus og ógnaði innra öryggi ríkisins...

Evrópusambandið segist í dag taka á móti flóttafólki opnum örmum en í reyk­fylltum herbergjum semja þeir við Tyrki með mútum (milljarða framlögum) um að þeir loki landa­mærunum og það er öll mannúðin hjá þeim.

Guðni forseti kyssti sýrlensk börn í dag en sagði um leið að Íslendingar gætu ekki borið ábyrgð á né tekið við öllum flóttamönnum í heiminum (gáfuleg ályktun).

Mexíkóar, sem grenja yfir að geta ekki yfirfyllt Bandaríkin af eiturlyfum og glæpagengjum, hafa sjálfir skellt bakdyrum sínum í lás við landamæri Guatemala með girðingum sem Trump gæti verið stoltur af og beita Suður-Ameríkubúa, sem reyna að fara þar í gegnum, grófum mannréttindabrotum. Það er greinilegt að það er ekki sama hver gerir hlutina.

Stjórnmálaelítan í Evrópu er að fara á límingum vegna þess að þarna sér hún í fyrsta skipti stjórnmálamann sem framkvæmir kosningaloforð sem hún gerir ekki né starfar í þágu kjósenda. Hún segir að hann sé óútreiknanlegur en það er hann ekki. Hann stendur við hvert einasta kosningaloforð sem hann hefur sagst ætla að efna.

Þetta er því einfalt, Mexíkó borgar fyrir múrinn með sköttum, BNA gerir tvíhliða samninga við ríki heims í stað fjölþjóðasamninga og er hagstæðara fyrir alla aðila enda Dow Jones-vísitalan á rífandi uppleið og atvinnulífið býst við efnahagsuppsveiflu. BNA eiga marga bandamenn, eins og Ástrala og fleiri sem fjölmiðlar passa sig á að minnast ekki á; stuðningsyfirlýsingar margra þjóða við stefnu Trumps. Kastið steininum, þér sem eruð syndlaus... allir að passa upp á eigin hagsmuni.

  

 

Skoðað 86.202.251 sinnum

NumbersUSALíka við síðu

22. október 2016 

Hlýðið eða látið ykkur hverfa

Mál var að linnti aðförinni að Pétri Gunnlaugssyni

Fagna ber úrskurði Héraðsdóms Reykjavíkur að vísa frá dómi máls­höfðun gegn Pétri Gunn­laugs­syni, hdl. og útvarps­manni á Útvarpi Sögu, fyrir [meinta] haturs­orðræðu og út­breiðslu hat­urs. Óska má Pétri til ham­ingju með niður­stöðuna, einnig Jóni Stein­ari Gunn­laugs­syni hrl., verjanda hans.

Fráleitur var allur þessi mála­tilbúnaður af hálfu ákæruvaldsins og þeirra sem að baki þessu stóðu, en það voru annars vegar "lögreglufulltrúi hatursglæpa", Eyrún Eyþórsdóttir, fv. varaþingmaður Vinstri grænna, og stjórn Samtakanna 78 og lögfræðingur þeirra, hin lítt reynda Björg Valgeirsdóttir.

Vel mælt og víslega hugsuð orð á Ragnhildur Kolka um þetta mál í dag á skorinorðri vefsíðu Páls Vilhjálmssonar: 

"Það á að leggja niður þessa stöðu hatur­ssnuðrara innan lögregl­unnar. Nóg er af málum sem nýtt gætu meiri mannafla.

Enda er staðan pólitísk og ætlað að fylgjast með afar umdeildu pólitísku álitaefni. Orðið á að vera frjálst og aðeins á að hefta það ef um hvatningu til ofbeldis er að ræða."

Nákvæmlega. Lögreglan hefur verið fjársvelt, eins og líka Land­helgis­gæzlan (sbr. einnig hér), í mörg undan­farin ár, svo að til skammar og stórskaða hefur verið. Mál er að linni, að eytt sé stórfé úr ríkis­sjóði í pólitísk gælu­verkefni, sem virðast ekki hafa annan tilgang en að hefta eðlilegt tjáningarfrelsi.

Jón Valur Jensson.

Máli Péturs á Útvarpi Sögu vísað frá