Bretland hýsir 23.000 jíhadista (fylgismenn heilags stríðs). Huge scale of terror threat revealed (The Times)

"Leyniþjónustumenn hafa borið kennsl á 23.000 jihad-öfga­menn sem búa í Bret­landi sem mögu­legir hryðju­verka-árásar­menn, kom í ljós í gær. Umfang þessarar hættu, sem lögregla og öryggis­þjónustur standa frammi fyrir, var upplýst með Whitehall-heim­ildum eftir að gagnrýnt var að mörg tækifæri til að stöðva Man­chester-sprengju­manninn höfðu farið forgörðum." Nánar um þetta í þeirri frétt brezka stórblaðsins The Times í dag, 27. maí, sem hér var vitnað í.

Þrjú þúsund þessara 23.000 eru talin mjög hættuleg og sæta nú rannsókn eða eru hleruð í 500 mismunandi verkefnum lögreglu og leyniþjónustuaðila. Hin 20 þúsundin hafa áður verið til rannsóknar og eru skilgreind sem "residual threat" (sú hætta, sem enn kann að vera fyrir hendi eftir að "áætlun A" hefur komið til framkvæmda).

Báðir virku hryðjuverkamenn­irnir í Bretlandi á þessu ári: Khalid Masoud, dráps­mað­ur­inn í Westminster, rétt við brezka þinghúsið, og Salman Abedi, Man­chester-sprengju­maðurinn, voru á lista lögreglunnar.

Hér í viðauka er Wikipediu-fróðleikur um hina ólíku dreifingu múslima í Evrópu. Ísland er þar eitt landanna með múslimafjölda sem nær ekki 1% landsmanna. En á því getur orðið tiltölulega hröð breyting, ef núverandi yfirvöld og önnur áþekk fá áfram að stýra hér ferðinni, með afleitum útlendingalögum, slælegri vörn landamæranna og linkind við hælisleitendur frá fyrst og fremst múslima­ríkjum (sjá landa-listann hér fyrir neðan).

Jón Valur Jensson.

 

Islam in Europe
by percentage of country population^[1]

< 1%	Armenia Belarus Czech Republic Estonia Finland Hungary Iceland Latvia Lithuania Malta Moldova Monaco Poland Portugal Romania San Marino Slovakia Ukraine
1–2%	Andorra Croatia Ireland
2–4%	Italy Luxembourg Norway Serbia Slovenia Spain
4–5%	Denmark Greece Liechtenstein United Kingdom
5–10%	Austria Belgium Bulgaria France Germany Netherlands Sweden Switzerland
10–20%	Georgia Montenegro Russia
20–30%	Cyprus
30–40%	Macedonia
50–60%	Bosnia–Herzegovina
60–65%	Albania
70–75%	Kazakhstan
90–95%	Kosovo
95–100%	Turkey Northern Cyprus Azerbaijan

Samstaða og samhugur með fórnarlömbunum í Manchester

Laura Mc­Intyre, 15 ára stúlka frá Suð­ur­eyj­um úti fyr­ir Skot­andi, berst nú fyr­ir lífi sínu eft­ir hryðju­verk­ið mikla í Man­chest­er, en bezta vin­kona hennar, Eilidh Mac­Leod, 14 ára, lézt í árás­inni. Samstaða Breta er mikil með öllum fórnar­lömbunum og fjölskyldum þeirra

Stofnuð hef­ur verið söfn­un­ar­síða fyr­ir fjöl­skyld­ur Mc­Intyre og Mac­Leod, en þegar hafa safn­ast rúm 30.000 pund eða tæp­ar 4 millj­ón­ir króna. (Mbl.is)

Laura Mc­Intyre er sú hávaxnari á myndinni hér fyrir neðan, en með henni er Eilidh, vinkonan sem lézt, báðar hér á leið á tónleikana; svo sorglegt í raun.

Mikill fjöldi ungmenna lét lífið eða slasaðist í sprengingunni. Fyrsta sólar­hringinn var talað um 59 særða, en sú tala fór yfir 100, þegar sumir minna slasaðir, sem höfðu í ofboði nýtt sér far til að komast heim af staðnum, fóru að sækja spítala eða slysavarðstofur daginn eftir. Sumir hinna særðu eru í svo krítísku ástandi, að þeim er vart hugað líf. Laura er ein af þeim.

Biðjum fyrir Lauru Mc­Intyre og öðrum fórnarlömbum þessa skelfilega grimma hryðjuverks og að okkur megi gefast, að annað eins og þetta megi aldrei koma fyrir aftur. Og verum viss um, að áhrif bænarinnar geta verið mikil og marg­vísleg, það er ekki okkar að segja til um það.

Sjá nánar fréttartengil Mbl.is hér neðar, þar er talað við foreldra Lauru. Sjá einnig fleiri fréttir af þessum vinkonum og öðrum hér.

Jón Valur Jensson.

Berst fyrir lífi sínu eftir árásina

Tónleikum Ariönu Grande í Englandi lýkur í blóðbaði - mikið mannfall - "fólk grát­andi alls staðar"

Skelfing ríkti á tónleikastað í Manchester, 22 látnir, 59 slasaðir. Öfga­menn víla ekki fyrir sér að sprengja upp fólk þar sem búast má við miklum fjölda barna, niður í 5-7 ára, en eink­um stúlk­ur eru fjöl­menn­ar í aðdá­enda­hópi söng­kon­unnar Ariönu Grande, og er vitað um stelpur sem særð­ust í and­liti á staðnum.

Þetta er enn eitt hryðjuverkið í Evrópu á síðustu miss­er­um. Það er EKKI gert nóg til að fyrir­byggja hryðjuverk, þótt nú þegar eyði stjórnvöld í Evrópu miklum manna­fla og fjár­munum í hryðju­verka­varnir. 

Sama dag og þjóðaröryggisráð okkar Íslendinga hefur starfsemi sína, gerist þetta í okkar nágranna­landi, með ómældum þjáningum svo margra. Því verður ekki unað, ef vinstri flokkarnir ætla sér að hefta fjárveit­ingar til þessa absolút mikilvæga málaflokks, t.d. út frá sömu aumlegu hug­myndunum og ríktu í hugum margra þeirra á kalda­stríðs­árunum: að hernaðarviðbúnaður og varnir hér á landi væru þarfleysa og einberar "stríðsæsingar", mótaðar af hatri á einhverjum mótaðilum sem gerðir væru að "Grýlu" að ósekju!

Nei, við ætlum ekki að láta neinn segja okkur Íslendingum, að hér verði ekki að bregðast við yfirvofandi hryðju­verka­hættu samtímans. Og hryðjuverk eru ekki bara framin með innfluttum sprengiefnum. Hafa ber ennfremur fullt eftirlit með hugsan­legum and­þjóð­félags­legum áróðri í moskum múslima hér á landi, eins og nú er farið að tíðkast allvíða á meginlandinu að gefnum tilefnum. Mjög líkleg eiturbyrlunar-atlaga að fræðimanninum Robert Spencer, sem hér flutti vel sóttan fyrirlestur fyrir skemmstu, og umræðan út frá þeirri atlögu gefur heldur enga ástæðu til bjartsýni um andlegt ásigkomulag verjenda islamista.

Nýjar fréttir um tvöleytið á CNBC:

• 19 dead in "appalling suicide attack" after Ariana Grande UK concert
• British PM May confirms "appalling" deadly blast at Manchester stadium was a terror attack

PS. Úr frásögn íslenzku móðurinnar Lindu Hafþórsdóttur af vettvangi (Visir.is): "Í því sem við snúum við kemur sprengingin. Ég hef aldrei á ævinni heyrt svona háan hvell. Mig sundlaði og hausinn á mér var að springa. Það kom reykur og það eina sem ég hugsaði um var að grípa í höndina á henni [dótturinni 11 ára] og ég sver að ég setti Íslandsmet í spretthlaupi þarna... Ég dró dóttur mína yfir stigahandrið og ég leit aldrei til baka. Ég bara hljóp af augum þangað til ég fann einhvern ógeðslegan pöbb og lét hringja á leigubíl." Linda segir að þegar þær hafi beðið eftir leigubílnum hafi aðrir tónleikagestir hlaupið fram hjá þeim og sagt þeim að þeir hefðu séð blóðuga tónleikagesti og heyrt byssuskot... "Dóttir mín grét og grét og sagðist ekki vilja fara aftur heim til Edinborgar heldur heim til Íslands."... Linda segir að líðanin núna sé hræðileg. Hún geti ekki hætt að skjálfa... "Sú stutta róaðist loksins þegar við komum heim. Hún spurði mig hvort við gætum beðið saman, sem hún gerir aldrei. Svo gafst hún bara upp og lognaðist út í fanginu á mér, enda algjörlega búin á því."

Jón Valur Jensson.

„Þetta var svakaleg sprenging“

Lilja Dögg gerir rétt í því að hlífa ekki brauðfótastjórn hagsmunaaflanna

„Verk­efnið er að koma þess­ari rík­i­s­tjórn frá og sam­ein­ast í því svo þjóðin geti ein­beitt sér að al­vöru­stjórn­mál­um og þurfi ekki að horfa upp á hvert klúðrið á fæt­ur öðru,“ sagði Lilja Dögg Alfreðsdóttir réttilega á fundi miðstjórnar Framsóknarflokksins.

Sig­urði Inga Jó­hanns­syni, formanni flokksins, blandast heldur ekki hugur um, að "svo virðist sem einn flokk­ur, um­fram aðra, stjórni land­inu upp á sitt ein­dæmi," því að "viðheng­in tvö", Björt framtíð og Viðreisn, hafi ekki afl til að standa í lapp­irn­ar. "Viðreisn er úti­bú frá Sjálf­stæðis­flokkn­um, Björt framtíð virðist svo vera orðin úti­bú frá Viðreisn," segir Sig­urður.

Benti hann á að í ell­efu manna rík­is­stjórn sitji sex Sjálf­stæðis­menn og að ekki fyr­ir svo löngu síðan voru 9 af þeim, sem eru ráðherr­ar nú, í Sjálf­stæðis­flokkn­um. „Rík­is­stjórn­in sem nú sit­ur hef­ur því væna hægri slagsíðu,“ sagði Sig­urður skv. frétt Mbl.is.

Þetta Framsóknarþing lofar góðu. Flokkurinn verður ekki lengur misnotaður til að styðja afleitar ríkisstjórnir á brauðfótum -- og heldur ekki þær, sem reyna að vinna sér upp atkvæða­leysið og óvin­sældirnar með því að reyna að gera sig voldugar í krafti fjárráða með því að sópa til sín almannaeignum með einka­væðingu í stíl við fyrri feril núlifandi Engeyinga, ekki sízt í fjölskyldu forsætis­ráðherrans sjálfs.

Og það mun heldur ekki halda þessari ríkisstjórn á floti, að hún er að gerast mesta skattpín­ingar­stjórn sögunnar, svíkst um að efna loforð um skattalækk­anir, en bætir bara í með nýja skatta. Kemst enginn með tærnar þar sem hún hefur hælana í þeim efnum, nema við teljum þar með hinn staðfasta ásetning vinstri-meiri­hlutans í borgarstjórn Reykjavíkur, sem vill leggja þung­bærar klyfjar á alla fasteigna­eigendur -- og raunar með ófyrir­leit­inni, sennilega ólög­mætri skatt­heimtu: "innviðagjaldi" -- í þágu óhag­kvæm­asta samgöngu­verkefnis á norður­hveli jarðar: "Borgarlínunnar"!

Það vantar sannarlega nýtt afl inn í stjórnmálin, bæði á borgar- og landsmála­vettvangi. Íslenska þjóðfylkingin er reiðubúin til þess eftir næstu kosningar, hvort sem þær verða á sviði sveitarstjórna eða jafnvel í landsmálunum strax á þessu ári -- og að taka þátt í stjórnarmyndun með flokkum, sem hægt er að vinna með, en ekki ríkisstjórn sem fylgir leiðarstjörnu sérhagsmuna fámennrar auðstéttar.  

Jón Valur Jensson.

Mun aldrei styðja ríkisstjórnina

Eitrað fyrir Robert Spencer á Íslandi

Af frásögn hans og af trúverðugleika að dæma, sem fundarmenn kynntust um daginn, og af rannsókninni á spítala er ljóst, að það er engin ástæða til að bera brigður á þann alvarlega atburð, að hér á landi var reynt að eitra fyrir þessum fræga rithöfundi (12 bóka höfundi m.m.).

Ofstækið gegn þessum manni fekk að birtast hér strax í aðdraganda fyrir­lesturs­ferðar hans, og það er ekki að undra, að

Spencer fer ... hörðum orðum um um­fjöll­un fjöl­miðla og annarra um heim­sókn hans til lands­ins. Fjöl­miðlar hafi verið upp­full­ir af frétt­um um að vond­ur maður væri á leiðinni til lands­ins og rætt við þá nokkra tugi ein­stak­linga sem mót­mælt hafi komu hans. Hins veg­ar hafi ekki verið leitað eft­ir viðbrögðum hans sjálfs.

Ein sjón­varps­stöð hafi tekið viðtal við hann í tengsl­um við fund­inn en fréttamaður­inn hafi verið upp­tek­inn af meintri ábyrgð hans á morðum norska fjölda­morðingj­ans And­ers Brei­vik en Brei­vik hef­ur vísað í skrif Spencers. Spencer seg­ist ekki frek­ar geta borið ábyrgð á gerðum Brei­viks en Bítl­arn­ir á gerðum banda­ríska fjölda­morðingj­ans Char­les Man­son. (Mbl.is)

Og honum leynist ekki, hvernig ástandið er hér í fjölmiðlaheiminum, þar sem við sjálf vitum, hve uppivöðslusamir og "héraðsríkir" vinstri menn hafa verið, sér í lagi í ríkisfjölmiðunum, og vísvitandi margbrotið þar hlutleysisreglur og kröfur um hlutlægni í frásögnum, sem þeim er ætlað að hlíta, og gert þetta bæði í orði og með niðurþöggun fréttnæmra hluta.

Í beinu framhaldi af ofangreindri tilvitnun segir Robert Spencer í viðtali við blaðamann Mbl.is og bendir hér á kýlið:

Hins veg­ar væri ljóst af þessu að ís­lenskir fjöl­miðlar og stjórn­mála­menn vildu ekki að al­menn­ing­ur ræddi íslam­svæðingu og íslam­isma. Þeir sem berðust gegn því teldu sig án efa vera að gera göf­uga hluti en hefðu með fram­göngu sinni gert fólk eins og hann að skot­mörk­um. Fyr­ir vikið kæmi það hon­um ekki á óvart að reynt hefði verið að eitra fyr­ir sér.

Dæmigert var, að ekki einn einasti áberandi stjórnmálamaður sótti fundinn góða í Grand-hóteli í liðinni viku. Samt hefði þessi afburðagreindi ræðumaður getað frætt þá um svo margt sem þeir ekki vissu!

Það verður ekki látið nægja að segja frá þessu í fjölmiðlum, heldur unnið að rannsókn á þessari alvarlegu árás eins og full ástæða er til.

Til eru upptökur á veitingastaðnum, þar sem samskipti Spencers og mannanna tveggja áttu sér stað, og á spítalanum liggja fyrir þau gögn sem benda til að honum hafi verið byrlað eitur. Og alveg er ljóst, að þetta er ekki komið til í neinu skjóthugsuðu óðagoti, heldur er um glæp að yfirlögðu ráði að ræða, enda ber venjulegt fólk ekki á sér eitur dagsdaglega! Og greinilega hefur Robert Spencer því verið veitt eftirför af fundinum eða með öðrum hætti njósnað um ferðir hans.

Grím­ur Gríms­son, yf­ir­lög­regluþjónn hjá lög­regl­unni á höfuðborg­ar­svæðinu, seg­ist aðspurður í sam­tali við mbl.is geta staðfest að slíkt mál hafi komið inn á borð lög­regl­unn­ar. Rann­sókn á mál­inu sé á frum­stigi og verið að afla gagna um það. (Mbl.is)

Mál þetta er allt okkur til áminningar um, að átök islamista og fylgismanna þeirra við vestræna aðila hafa nú þegar náð hingað til Íslands. (Áður er vitað um a.m.k. tvö dæmi um komu manna hingað með tengsl við hryðju­verka­sam­tök.) Þetta er vænt­an­lega rann­sóknar­mál líka fyrir okkar þjóðarörygg­isráð og þá deild lögreglunnar sem sér um varnir gegn hryðjuverkum.

Jón Valur Jensson.

Telur að eitrað hafi verið fyrir sér

Er fiskveiðistjórnunarkerfið komið að fótum fram?

  Eftir formann Íslensku þjóð­fylk­ingar­innar.

    Nú er sú staða komin upp, að sumir stjórn­mála­menn vilja slá sig til ridd­ara með því að þykj­ast hafa áhyggjur af afkomu fisk­vinnslu­fólks og að fisk­veiði­stjórnunar­kerfið sem unnið er eftir sé barn síns tíma. Það þurfi breytinga við ef H.B. Grandi fari ekki að vilja eins sveitar­félags. Ekki kemur fram að viðkom­andi fyrirtæki er að skapa vinnu annars­staðar, ekki einungis í Reykjavík, heldur einnig á Vopnafirði. Hér er bara um fagurgala og upphrópanir stjórn­mála­manna og ráðherra þessa málaflokks að ræða. Þau munu ekki ætla sér að breyta neinu.

    Íslenska þjóðfylkingin hefur það á stefnuskrá sinni að endurskoða fiskveiði­stjórnunar­kerfið frá grunni með það að markmiði að auka frelsi til veiða. Fyrsta skref í þessa átt er að stórauka strandveiðar sem yrðu frjálsar að því marki að menn þyrftu að hafa tilskilin réttindi til slíkra starfa. Haldi einhver að Íslenska þjóðfylkingin vilji rústa núverandi fyrirtækjum í fiskiðnaði er það reginfirra. Ef rétt er gefið geti allir unað vel við sinn hag. Bætt skilyrði sveitarfélaga til að fá aflaheimildir heim í hérað er nauðsyn svo fyrirtæki í fiskvinnslu geti sett sig niður á þeim stöðum þar sem hagkvæmast er að gera út. Þetta myndi styrkja sjávarpláss víða um landið.  

    Það ætti að stefna að því að allur afli fari á markað. Svo að fyrirtæki geti aðlagast því fyrirkomulagi þarf að setja lög um það nú þegar, þannig að fyrirtæki geti ekki selt sjálfum sér afla á undirverði. Það kæmi sjómönnum og litlum og meðalstórum fiskvinnslum best. Þetta má gera með prósentum af aflaheimildum.  

    Til að aflaheimildir bolfisks gangi eðlilega í endurnýjun lífdaga er raun­hæft að þær afskrifist um 5% á hverju ári og komi til úthlutunar að nýju þar sem allir geti boðið í þær á frjálsum markaði. Hér þarf að setja lög um dreifingu miðað við útgerðarform fiskiskipa og stærð þeirra. Banna skuli togveiðar innan 50 mílna landhelgi, til verndar fiskistofnunum. Neta­veiðar yrðu háðar þeim skilyrðum að menn gætu ekki lagt fleiri net en þeir gætu komið með að landi eftir hverja veiðiferð. Þar með væru bönnuð netalögn í sjó á milli veiðiferða.  Þetta ákvæði myndi fækka drauganetum og stuðla að því að aflinn yrði verðmætari og betur farinn við löndun.  

    Íslenska þjóðfylkingin skilur vel vonbrigði, sárindi og áhyggjur þeirra starfsmanna sem missa vinnuna. Ekki einungis þess fiskvinnslufólks sem vinnur hjá viðkomandi fyrirtæki, heldur einnig þjónustuaðila sem hafa sitt lifibrauð af þessari starfsemi.  Það þarf að gera átak í að styrkja þau byggðarlög sem fara, og hafa farið, illa út úr slíkum ráðstöfunum. Oft koma önnur störf í staðinn, en oft verða viðkomandi sveitarfélög  ekki svipur hjá sjón eftir slíkar hamfarir. Því er það skylda viðkomandi stjórn­valda á hverjum tíma að gera sitt besta í að setja lagaramma um grunn­stoðir samfélagsins og auðlindir þess, þannig að fólk geti sest að á þeim stöðum sem hafa upp á eitthvað að bjóða og þurfi ekki að óttast það að hentistefna fyrirtækja geti lagt líf þess í rúst með geðþótta­ákvörð­unum. Hér er ekki verið að dæma einstaka fyrirtæki heldur eru þetta  allt of mörg tilfelli til að við það verði unað. 

    Íslenska þjóðfylkingin er eini flokkurinn sem er tilbúinn að fara í málið af fullri einurð og með fastmótaða stefnu sem getur náðst sátt um. Því er það undir landsmönnum komið hvort þeir vilja í raun einhverjar breytingar eða ekki.

Guðmundur Þorleifsson.

    

Gjaldtaka aðeins áhugamál Viðreisnar

Gezt góða fólkinu vel að þessu? Is this something to the taste of the do-gooders?

Hér birtast, ef rétt er, ugg­væn­legar stað­reynd­ir. Ef þetta er raun­hæf framtíð­ar­sýn Evrópu, er eitt­hvað unnt að gera til að sporna við því eða a.m.k. að þró­unin verði ekki í þessa átt á Ís­landi? Eða hvern­ig vilj­um við búa í hag­inn fyrir af­kom­end­ur okkar? Er ekki eðli­legt að hugsa til þess? Og er rétt að van­rækja áfram kristna trú og arf­leifð í ljósi þessarar fram­tíðar­sýnar? Hjálp­ar það okkur í al­vöru til að stuðla að fullkomnari, víðsýnni veröld um miðja þessa öld og áfram?

Glæsilegur fundur með Robert Spencer og Christine Williams í Grand-hóteli í kvöld

Snautlega fámennur var "sam­stöðufund­ur" Semu Erlu, Gunnars Waage & Co., þótt smalað væri á hann fólki úr Siðmennt og hælisleitendum af Kjal­ar­nesi.

Innan dyra var fullur salur sem tók í sæti 350 manns sem fylgdust spenntir með frábærlega mælskum ræðumönnum kvöldsins (margir stóðu að auki). Einnig gátu fundarmenn borið fram spurningar, og gerðu það a.m.k. 10-12 manns. Meðal annars stóð þar upp úr hve snilldarlega Spencer svaraði þar spurningum ímamsins í Öskjuhlíð og félaga hans.

  

Það var mikil stemming á þessum fundi, sem Vakur hafði boðað til, félags­skapur sem vill sinna nauðsyn­legum upplýsingamálum um islamstrú og aðkomu hennar að vestrænum löndum. Þar var m.a. fjallað hispurslaust um uppruna­lega stefnu Múhameðs og innihald Kóransins og spurt hvort islam eigi samleið með vestrænum lýðræðisríkjum, hvaða breytingar hófsamir múslimar vilji gera á islam og hvort hliðarsamfélög innflytjenda hafi myndazt í evrópskum löndum. Eru þar sannarlega mörg áhyggjuefni, eins og kom fram í erindum ræðumann­anna beggja.

Engum mótmælum var í raun hreyft á fundinum sjálfum, en þeir, sem helzt mölduðu í móinn, voru Helgi Hrafn pírati, ímaminn í Öskjuhlíð og fylgisveinn hans. Var mikið klappað, þegar Spencer svaraði þeim síðastnefndu, en ímaminn fekk í seinna skiptið tvær mínútur til sinna spurninga og reyndi öðru fremur að finna hliðstæðu í Gamla testamentinu með boðum Kóransins um að drepa vantrúaða. En þegar Ísraelsmönnum var sagt að drepa allan óvinaher Amalekíta, fylgdi því ekkert boð um að það sama ættu þeir að gera í öðrum síðari tilvikum. Eins og Spencer benti á, hafði frásögnin af þessu aldrei verið notuð af gyðinglegum eða kristnum útleggjendum Biblíunnar til að réttlæta nein síðari fjöldamorð á andstæðingum Ísraelsmanna eða Gyðinga, og enginn greip til slíkra röksemda á krossferðatímanum, enda voru krossferðirnar ekki farnar í þeim tilgangi að útrýma neinum.

Fyrir hönd Vakurs stýrði Valdimar Jóhannesson þessum fundi og fórst það vel úr hendi. Nánar geta menn lesið um þetta á vefsíðu Vakurs. En hér er full ástæða til að þakka fyrir góðan fund, í senn upplýsandi og inspírerandi.

Jón Valur Jensson.

Sorglegt að fá svona mann til landsins

Þjóðin mun ekki fylgja nefbeins­laus­um pólitíkusum eftir í blindni; þrátt fyrir ofríki gamalla flokka getur Þjóðfylkingin því slegið í gegn

Ríkisstjórnina skortir einurð í hælis­leitenda­málum. Ætli leið­togar Sjálf­stæðis­flokks­ins geri sér grein fyrir því, að vesal­dómur þeirra í mál­inu er vatn á myllu Íslensku þjóð­fylk­ingar­innar?

Þrátt fyrir marg­fald­lega rang­látt kosn­inga- og kjör­dæma­kerfi* mun Þjóð­fylk­ing­unni því vaxa ásmegin, einnig í kosn­ingum, eftir því sem æ fleiri lands­menn átta sig á aumingja­skap hinna flokkanna í þessu mikilvæga máli.

Og hafa lesendur tekið eftir því, að betl á vegum útlendra barna er nú hafið í Reykjavík? (ekki síðar en frá og með síðustu viku). Það er hægt að hafa samúð með blessuðum börnunum, en líklegast er hitt, að hinir fullorðnu sendi þau út til slíkrar tekjuöflunar.

Stríðsástand ríkir ekki í flestum upprunalöndum hælisleitenda sem hingað koma. Það er skýr stefna Íslensku þjóðfylkingarinnar, að senda eigi hælis­leit­endur til heima­landsins innan 48 stunda. Þessu gæti Útlend­inga­stofnun vel annað, ef hún fengi til þess nægilegt rekstrarfé, og vitaskuld er það, á heildina litið, margfalt ódýrara en að hafa þetta fólk hér mánuðum saman bíðandi eftir heim­sendingu, en sitjandi á meðan jafnvel í hótel­herbergjum eða í gamla Hjálpræðis­hernum eða íbúðum sem sveitarfélög taka á leigu og skapa með því verð­bólgu­hvetjandi þrýsting á leigu­markaðinn. Á sama tíma þrengir þetta fólk að getu velferðarkerfisins til að uppfylla þarfir fátækra og veikra Íslendinga til brýnnar og stjórnarskrár­varinnar hjálpar þeirra. Það ákvæði stjórnarskrár­innar (76. gr.) tekur ekki til erlendra ríkisborgara.

* Sbr. hér: Full nauðsyn á komu 10 manna ÖSE-eftirlits­nefndar­innar hingað (25.4. 2009)

Bjarni Ben. sér ekki ástæðu til að breyta, hvað þá afnema 5%-lágmarkið! (29.4. 2013)

Af ofríki stóru flokkanna og milljarða fjáraustri þeirra úr vösum skattborgara (13.4. 2015)

og: Íslenzk stjórnvöld verðskulda gagnrýni ÖSE rétt eins og tyrknesk (18.4. 2017).

Jón Valur Jensson.

196 umsækjendur fluttir úr landi

Útlendingastofnun býst við 1700-2000 hælisleitendum á þessu ári! Stöðvum þann straum!

Þetta er ófremdarástand og verður það meðan Sigríður innanríkisráðherra fylgir ekki eftir vel upplýstri sannfæringu sinni á þessum málum.

1. jan.-30. apríl sl. sóttu 285 manns um hæli hér á landi, voru 179 á sama tíma í fyrra.

Þessi mikli fjöldi um­sókna á fyrstu vik­um árs­ins þykir benda til þess að heild­ar­fjöldi hæl­is­um­sókna fari veru­lega fram úr töl­um síðasta árs, en þá komu hingað alls 1.132 hæl­is­leit­end­ur.

Kem­ur þetta fram í skrif­legu svari Útlend­inga­stofn­un­ar til Morg­un­blaðsins, en þar seg­ir einnig að stofn­un­in geri nú ráð fyr­ir að heild­ar­fjöldi hæl­is­um­sókna á þessu ári verði jafn­vel á bil­inu 1.700 til 2.000 um­sókn­ir. (Mbl.is)

Íslenska þjóðfylkingin vill, að hælisleitendum, sem koma frá löndum þar sem ekkert stríðsástand ríkir, verði vísað til baka innan tveggja sólarhringa.

En svo mikil var aðsóknin, einkum frá Albaníu og Makedóníu, síðustu mánuði liðins árs: 550 manns, að það var allt of margt til þess að Útlendingastofnun næði að afgreiða mál þeirra með þeim hraði sem til hafði staðið. (Hádegisútv. Rúv).

Fengju vinstri flokkarnir að ráða í þessum efnum, yrði stefnt út í algera ófæru, með miklu álagi á velferðarkerfi okkar, verðbólgu­hvetjandi áhrifum á leigu­markaði og með ófarsælli fjölgun múslima eins og í nágranna­löndum okkar á liðnum árum, þótt nú sé eitthvað reynt að takmarka þar innstreymið. En á sama tíma eru hér stjórn­mála­menn, sem vilja ekkert læra af reynslunni og fylgja fremur pólitískum rétttrúnaði og "leiðsögn" RÚV (ríkisins í ríkinu) sem stendur nær ösmáum öfgahópi, "No Borders!", heldur en íslenzkum þjóðar­hagsmunum.

Verður nú á Sigríði Andersen treystandi í þessum málum, eða ætlar hún að lúffa fyrir harðlínu-fjölmenningarsinnum eins og Guðlaugi Þór Þórðasyni og Unni Brá Konráðs­dóttur í sínum eigin flokki? -- að ekki sé talað um ábyrgð­ar­lausu óráðs­mennina í hinum flokkunum!

Jón Valur Jensson.

Býst við um 2.000 hælisleitendum