Líf: vill ENGIN MISLÆG GATNAMÓT FRAMAR!

Líf Magneudóttir reynir að fá upp­slátt í fjöl­miðl­um út á sína lofts­lagstrú og a­ðgerð­ir sem hótað er til að STÓR­SKERÐA BÍLA­UMFERÐ. Við deilum ekki þeirri trú með henni!

Arfa­vitlaus er stefna hennar í um­ferð­ar­málum, gengur fram hjá hinum hag­kvæma, skil­virka kosti mis­lægra gatna­móta (sem ríkið leggur 80% kostn­aðar til á stofn­brautum), en Líf, Dagur og þeirra liðs­menn leggja áherzlu á að þrengja sem allra mest að bíla­eig­endum sem þurfa að komast leiðar sinnar til vinnu, útrétt­inga, keyrslu með krakk­ana, til tóm­stunda og til ferða­laga. 

Bílaeigendur eiga eftir að gera upp­reisn við kjör­kass­ana gegn fáráðs­hyggju vinstri flokkanna og taglhnýtinga þeirra í "Viðreisn", gegn þessum gervi­pólitík­usum sem þykjast vera með ofur­þróað sam­vizku­bit vegna innan við einn þús­und­asta úr prómilli af meintum kolefnis­útblæstri heimsins, en eru samt örugg­lega ekki til í að hætta sínum eilífu flug­ferðum á kostnað ríkis og sveitar­félaga! Þurfi einhver á samvizku­biti að halda í þessu efni, er það liðið sem stuðlar að sem mestum stopp­um og lausa­gangi bíla við gatnamót (og það mengar einmitt í alvöru, ólíkt kolefninu), sem og þeir borgar­fulltrúar sem mest hafa unnið sér inn af flug­vizku­biti.

Borgin ætti enn­fremur að banna nagla­dekk, sem spæna upp mal­bik og dreifa heilsu­spill­andi ryki. En ekk­ert nýtt gerist á þeim bæn­um, Ráð­húsinu við Tjörnina, sem Davíð ætlaði örugg­lega ekki það hlut­verk að vera virki stöðnunar og afturhalds í borginni.

En við í Þjóðfylk­ingunni höfum ekki meðtekið hina tízkubundnu, en ósönnuðu loftslagstrú vinstri flokkanna.

Jón Valur Jensson.

Yrði kosið nú í Svíþjóð, myndi hin óábyrga krata­stjórn Löfvens falla og Svíþjóðar­demókratar taka við stjórnarforystu!

Stórkostlegt er að sjá umskiptin til hins betra í viðhorfum sænsks al­menn­ings. Sví­þjóð­ar­demó­krat­ar hafa náð for­yst­unni (28,5%) og gætu, ef kos­ið yrði, mynd­að rík­is­stjórn með þeim tveim­ur flokk­um (Móder­ötum og Krist­demó­krötum) sem viður­kenna að sjónar­mið Sví­þjóð­ar­demókrata í innflytj­enda­málum eru réttmæt.

Sósíaldemókratar hafa misst trúverðugleika í þvílíkum mæli meðal þjóðarinnar, að þeir eru komnir niður í Sjálfstæðis­flokks­fylgi, 22,5%, eru nú með næstmesta fylgið, en Móderatar þriðju, með 16,9%, og Kristdemókratar í 6. sæti, þó vel yfir 4% lágmarkið, með sín 6,8%! 

Tökum ofan fyrir Svíum að láta ekki blekkjast lengur af sínum vanhæfa forsætisráðherra, kratanum Stefan Löfven!

Lesið um þetta hina athyglisverðu, vel skrifuðu frétt Gústafs Adolfs Skúlasonar, fréttaritara Útvarps Sögu í Svíþjóð, hér á Moggabloggi hans: Svíþjóðar­demókratar styrkja stöðu sína sem stærsti stjórn­mála­flokkur Svíþjóðar

Eins og Gústaf skrifar frá Svíþjóð: 

Það ólgar í samfélaginu hérna um allt land og spjótin standa öll á sósíaldemókrötum. Vonandi heldur þetta áfram, því að nýr meirihluti er til staðar og vaxandi viji almennings fyrir myndun stjórnar með Svíþjóðardemókrötum, Móderötum og Kristdemókrötum. 

Og því má bæta við, að vonandi eru að skapast aðstæður til þess nú að sameina þau stjórnmálaöfl hér á Íslandi, sem taka einarða afstöðu gegn óábyrgri stefnu í innflytjendamálum, áþekka þeirri sem Löfven hefur verið talsmaður fyrir. Það er fullkomlega örvænt um, að Sjálfstæðis­flokkurinn sjái að sér í þeim efnum -- jafnvel Sigríður Á. Andersen er nú farin að mæla með "Open border"-stefnu hér!

Jón Valur Jensson.

Hvar vill ríkisstjórnin taka alla þessa tugi óvæntu milljarða? - FRÁ ÞJÓÐINNI !

Við frétt um 85 nýja flóttamenn skrifar einn (spurður hve mörgum ætti að taka á móti): "Eins mörgum og við getum. Það er nóg pláss hér"! 

En þetta er ekki spurn­ing um "pláss", heldur gríð­ar-fjár­veit­ingar! á sama tíma og ríkis­stjórnin sker niður við Land­spítal­ann um meira en tvo milljarða og býður upp á fjárlög með 15 milljarða halla (!!) og heldur áfram að svíkja þá sem standa höllum fæti. Ekki þarf því að furða sig á því, að undirritaður spurði viðkom­andi Hauk:

Á hvaða plánetu býrð þú, væni, eða vex kannski peninga­tré í garðinum hjá þér?!

Og langtíma-aðlögun innflutts fólks með allt annan bakgrunn en við, menningar- og þjóð­félags­lega og í þeirra eigin persónulegu fortíð, er ekki bara spurning um endalaust fjárstreymi til þess fólks, iðulega næstu 20 árin að minnsta kosti.

Einn álitsgjafi, ágæt kona á Facebók, Guðrún Skúladóttir, tók sterkar til orða en hér var gert, segjandi:

"Það ætti að kæra ríkisstjórn landsins fyrir landráð, við eigum ekki að taka einn einasta flóttamann né hælis­leitanda inn í fámennið hér, það á að hjálpa þessu fólki heima hjá því sjálfu eða sem næst þeirra heimaslóðum, frekar ætti að fara að hjálpa Sýrlendingum heim og fl. Mitt mat,"

 

sagði hún, eftir afar slæma reynslu hennar af flóttamönnum og hælis­leit­endum í Svíþjóð og Noregi.

 

En ríkisstjórnin sefur á verðinum, og fjármálaráðherrann tekur að sér að sólunda skattfé almennings, af því að það er óskamál Vinstri grænna, sem vilja fjölga hér um 1500 hælis­leitendur og flóttamenn á hverju ári samkvæmt sjálfri lands­svika-stefnuskrá þeirra! 

 

Og það er ekkert bein í nefinu á Bjarna Ben. hvað þá þessum Sigurði Inga. Þarna leiðir blindur blindan, þegar stefnt er út í ófæruna, -- því að ófæra er þetta, það eru Danir farnir að viðurkenna með því að reyna að snúa flóttamanna- og hælis­leit­enda­straumnum til baka, enda farinn að taka ómælt af starfsfé lögreglunnar, til viðbótar við allt annað! En hér sker ríkis­stjórn­in niður fjárveitingar til lögreglunnar -- þær eru nú þær næst­minnstu allra þjóða í Evrópu!

 

Jón Valur Jensson, í flokksstjórn Í.Þ.

Valhallarforystan, í bandi hjá vinstri öfga­mönn­um, vill enn bæta við 85 "flóttamönnum"!

Sjálfstæðisflokkurinn hefur smitazt af vinstri­sýk­inni í "stjórn­ar­sam­starfi" með VG.

Í höfuð­stöðv­um SÞ hafa vinstri menn yfir­tekið og pólit­ícerað stofn­anir eins og Flótta­manna­stofnun, sbr. líka Marrakesh-samn­inginn, sem var ESB þókknan­legur og stjórn­völd hér voru svo léttvæg og skammsýn að samþykkja.

Sýrlendingum í flótta­manna­búðum í Líbanon á fremur að hjálpa til heimflutnings og betra lífs þar en að dreifa þeim um allar jarðir.

Í Kenýa er ekki stríð, og við höfum ekkert að gera með "hinsegin flótta­fólk" þaðan -- jafnvel nú þegar dæmi um áreitni sagðs homma þaðan við konu(r) hér! Það fólk er ekki í neinni lífshættu í Kenýa og vandi þess ekki okkar.

Það er ekkert allsherjar-borgara­stríð lengur í Afganistan og Írak.

Bjarni Ben. hefur ekki aðeins kosið að lúta vilja Vinstri grænna í þessum málum --- ragur og dauð­hræddur líka við "góða fólkið" í Samfylkingu --- heldur er jafnvel Sigríður Á. Andersen farin að tala um "að borgarar allra ríkja ættu að eiga sama rétt og ríkis­borgarar EES, þ.e. að hafa frjálsa för til að sækja vinnu á Íslandi. Þetta þýðir í raun opin landamæri", eins og Jón lögmaður Magn­ússon bendir á í nýrri grein á Mogga­bloggi, og væri þá sigur No Borders-útsendara hér!

Nú er þörf á samein­uðu afli gegn þessum taumlausa innflutningi fólks, sem Ísland hefur ekki efni á að framfleyta, meðan við gerum illa við okkar eigið fátækasta fólk, sjúka og lífeyris­þega, og svo er gert ráð fyrir verulegum halla hér á næstu fjárlögum!

Já, nú er á öðru þörf en útvötnuðum, óþjóðlegum Sjálf­stæðisflokki!

Fréttin um þessa nýju, furðulegu samþykkt ríkisstjórn­arinnar um að "taka á móti 85 einstak­lingum í samstarfi við Flótta­manna­stofnun Sameinuðu þjóðanna" er einnig rædd hér á Eyjunni. 

Jón Valur Jensson, á sæti í flokksstjórn ÍÞ.

Tekið verður á móti 85 flóttamönnum

Vill þjóðin Steingrím J. Sigfússon sem varaforseta Íslands með fullu forsetavaldi meðan Guðni Th. dinglar sér erlendis?

Frá 1. jan. 2016 til 17. okt. sl. fór Guðni forseti í 39 ferðir til út­landa skv. Katrínu Jak. í Rúv-frétt. Á meðan hefði Stein­grím­ur J. verið vara­forseti lands­ins með fullu forseta­valdi, ef farið hefði verið að 82. tillögu­grein hins umboðs­lausa "stjórn­lagaráðs".* Má þá minnast þess, að augljóst er, að hefði Steingrímur haft slíkt vara­forseta­vald árin 2009-11, hefði hann alls ekki beitt synjunar­valdi forseta (í 26. gr. stjórnar­skrár­innar) gegn Icesave-ólögunum.

Jafnvel á vefsíðu Rúv er því slegið upp sem e.k. gaman­máli eða athyglis­verðu og raunar kómísku innleggi í umræðuna, að 

"Forsetinn kolefnisjafnar utanlandsferðir sínar" 

með flennistórri mynd Votlendissjóðs af "endurheimt votlendis við Bessastaði"! Það má víst streða við þessa jarðvinnu til að forsetinn geti með góðri samvizku flogið út um allar heimsins trissur!

 

En þetta er sami forsetinn sem á þessu ári samþykkti Þriðja orkupakkann gegn vilja meirihluta þjóðarinnar og sömuleiðis næstróttækustu fósturdeyðingalöggjöf Evrópu, í anda Leníns. Sá hinn sami Guðni Th. Jóhann­esson tók árin 2009 og 2011 eindregna, opinbera afstöðu með því, að Íslendingar samþykktu Icesave-svikasamningana!

 

Það er því ekki að undra, að nú þegar er talað um nauðsynlegt mótframboð gegn þeim annars hæfileika­mikla Guðna Th. í forseta­kosningum á næsta ári. Hafa ýmsir hæfir verið nefndir til sögunn­ar sem góðir valkostir, m.a. tveir fyrrverandi ráðherrar: Guðni Ágústsson og Ragnar Arnalds, Frosti Sigurjónsson, fyrrv. alþm., Bjarni Jónsson rafmagns­verkfræðingur og Friðrik Daníelsson, verkfræðingur og bókarhöfundur um málefni Íslands.

 

Jón Valur Jensson.

 

* Tillaga stjórnlagaráðs, 82. gr.:

"Staðgengill. Geti forseti Íslands ekki gegnt störfum um sinn vegna heilsufars eða af öðrum ástæðum fer forseti Alþingis með forsetavald á meðan."

Þetta stóð til að kæmi í stað 8. greinar gildandi stjórnarskrár um að staðgenglar forseta skuli vera þrír: forsætisráðherra, forseti Alþingis og forseti hæstaréttar; ef ágreiningur er þeirra í milli, ræður meirihluti.