Þingmanna-þversagnir - krabbameins-göngudeild lokað því að 3 millj.kr. vantar; svo kasta þingmenn 5500 milljónum út um gluggann!

Kolbeini Proppé virðist þykja í lagi að ríkið borgi 20 milljóna gjald­þrot fyrir hann,* en að sumir Íslend­ingar verði að búa í tjaldi; á sama tíma vill hann láta moka 5500 milljónum í hælis­leit­endur bara á þessu ári - og meira síðar!

Svo segja þessir bullukollar að það þurfi að loka göngu­deild fyrir krabba­meins­sjúka á Land­spítalanum í sumar af því að það vanti 3 milljónir!!!

Það er augljóst hvað þessir óþjóðhollu menn hafa í forgangi: sína "gráu theoríu" (Goethe): pólitíska kreddu innflutta frá evrópskum vinstrimönnum.

* http://www.dv.is/folk/2016/7/1/kolbeinn-proppe-mer-var-radlagt-ad-gefast-upp/

SOB, HH, JVJ

Kolbeinn Proppé alþm. vill áfram velta milljörðum í hælisleitendur, veitir fátækum Íslendingum í tjöldum í Laugardal enga úrlausn!

Langt er síðan tveir vinstri flokkar misstu allt samband við almennt verka­fólk og fátæka alþýðu. Þeir glutruðu niður sak­leysinu og hrein­leik­anum í sinni Jóhönnustjórn þar sem alls­herjar­ráðherrann Stein­grímur J. fór ham­förum gegn skatt­greiðendum í Icesave-laga­setn­ingar­æði sínu. Sá er nú sessu­nautur og ráðunautur Kolbeins Proppé í þingflokki VG!

Kolbeinn vill áfram velta milljörðum (6-10 á árinu?) úr vösum skatt­greiðenda í tilhæfulausa hælis­leitendur frá múslima­ríkjum Balkanskaga, en gerir ekkert fyrir heimilis­lausar íslenzkar konur sem hírast kaldar í tjöldum í Laugardal ! 

Misjafnar undirtektir undir grein Kolbeins á Eyjunni ættu að sýna honum, að hann má fara hægar í sakirnar í sinni fjöl­menningar­ástríðu. Og hvaða ávinn­ingur er okkur að þessum bóta­þegum frá Albaníu og Makedóníu?

Maður einn hafði samband við undir­ritaðan og kvaðst eiga vin sem hingað hefði flutt fyrir mörgum árum frá umræddu svæði í álfunni; sá hefur verið hér í fullri vinnu, en kvaðst einmitt hafa verið að koma sér í burt þaðan sem lítill vinnu­andi hefði verið. "Hvað eru Íslend­ingar að hugsa, að bjóða svo þessu fólki hingað, sem gæti bara orðið ykkur að sama vandamáli?"

Eitt er víst, að það er ekki gert af því að okkur beri nein skylda til þess. Hröð hugarfars­spilling vinstri flokkanna og meðvirkni hægri flokkanna er megin­ástæða þess, að hér er allt opnað upp á gátt og það á sama tíma og skandinav­ísku þjóðirnar eru hver á fætur annarri að koma þessum óhóflegu aðgengis­málum tilhæfulausra hælis­leitenda í skaplegra form. Samráð tveggja kven-ráðherra, danskrar og norskrar, um að læra af Norð­mönnum (frétt í Sjónvarpi fyrir fáeinum dögum) er til marks um það.

Kannski við ættum að senda gervalla ríkisstjórnina í námskeið til Óslóar!

Jón Valur Jensson.

Nauðgunargengi innfluttra níddist skipulega á brezkum stúlkum 13-25 ára

Það, sem er sleppt að nefna í Mbl.is-frétt af þessum stór­tæku, lang­var­andi nauðg­unum 18 karla og 1 konu á stúlkum um árabil, er, að þetta er inn­flytj­enda­hópur umfram allt, frá músl­imsk­um lönd­um fyrst og fremst, en nánar til­tekið frá þessum löndum: Bangla­desh, Pak­istan, Indlandi, Írak, Íran, Tyrklandi.

Myndirnar og NÖFNIN með þeim (hér neðar) benda í þessa áttina:

First row: Nashir Uddin, Taherul Alam, Mohammed Hassan Ali, Mohammed Azram, Monjur Choudhury, Saiful Islam. Second row: Abdulhamid Minoyee, Jahanger Zaman, Mohibur Rahman, Prabhat Nelli, Nadeem Aslam, Eisa Mousavi. Third row: Habibur Rahim, Badrul Hussain, Carolann Gallon, Abdul Sabe, Redwan Siddquee, Yassar Hussain. Photograph: Northumbria Police/PA

Bezt er að segja hlutina eins og þeir eru. Þessi nauðgana­hópur er ekki sá eini á Bretlandi, hann kemur í kjölfarið á öðrum, sem minntu á hann um margt, þ.e. glæpa­gengjum í Rotherham og Rochdale, "which featured gangs of British Asian men abusing white girls" (Guardian), en fyrst og fremst var þar um Pakistana að ræða, frá því múslimska landi (rétt eins og helztu gerendur í áramóta­atburð­unum á torginu við Kölnar­dómkirkju um árið).

Kannski að "góða fólkið" íslenzka trúi þessu, af því að þessa ýtarlegri frétt er að finna í eftirlætisblaðinu The Guardian. En væntanlega þykir Guardian ástæða til að standa vörð um sakleysi viðkvæmra brezkra unglingsstúlkna í stað þess að horfa upp á það þegjandi og hljóðalaust, að þær séu fylltar og dópaðar til þess að unnt sé að níðast á þeim af þessu líka glæpahyski, sem aldrei hefði átt að stíga fæti á brezka jörð. Sumar þeirra voru hnepptar í kynlífsánauð.*

* Undirfyrirsögn Guardian-fréttarinnar er: Four trials find 17 men and one woman guilty of nearly 100 offences including rape and human trafficking of vulnerable women and girls.

Jón Valur Jensson.

Níddust á hópi ungra stúlkna

Guðfinna í Framsóknarflokki vill gera hann að enn einni málpípu "Góða fólksins" og múslimavina

Stóra fréttin í dag er raunar sú, að hún vill ryðja Sveinbjörgu Birnu úr 1. sæti Framsóknar og flugvallarvina, treystir því ekki að ná inn sem viðhengi eða vill ekki móðga Góða fólkið, segir í staðinn við flokksfólk: Ef þið viljið mig, verður það að vera á kostnað Sveinbjargar, bezt að kasta henni út! Ekki gott "systra­lag" né þakklæti í þeim boðskap og merkilegt hvernig bæði hún, ungir fram­sókn­ar­menn og Sigurður Ingi formaður sjálfur hafa látið Logana tvo (Bergmann og Einars­son Samfylkingar­formann), Fréttablaðs- og Rúv-liðið mata sig á sínum túlkunum á umræðu Sveinbjargar um nauðsyn sérkennslu fyrir börn hælis­leit­enda og flóttafólks.

Já, það er ódrengilegt af þeim að veitast þannig að flokkssystur sinni og rang­túlka orð hennar, í heimskulegri auðsveipni við litla bóga í þessum skóla- og innflytjendamálum.

Sjónarmið Sveinbjargar fær mjög víða hljómgrunn í samfélaginu, meðal annars í umræðum um greinar Loganna tveggja, sem eru nú ekki skörpustu hnífarnir í skúffunni í þessum efnum. Annar þeirra er jafnvel svo ruglaður, að hann heldur að ófædda 11 og hálfrar viku veran í móðurlífi konu sé "ekki fóstur, heldur frumuklasi"!! Ætti slík vanþekking að sæta almennum aðhlátri, ef ekki beinlínis fordæmingu, úr því að þetta sagði hann, formaður stjórnmálaflokks, á sjálfu Alþingi Íslendinga fyrir fáeinum mánuðum, 27. marz 2017 og var að nota þetta til að réttlæta frekari manndráp hinna ófæddu! (Um stefnu Íslensku þjóðfylk­ingarinnar í þeim málum má lesa í þessari grein.)

Það er eða ætti að vera alkunna, að skóli Þorgerðar Katrínar "án aðgreiningar" er illa heppnuð tilraun, sem þó hefur sem betur fer ekki komið í veg fyrir, að einhverfir og fleiri sérhópar geti fengið sérkennslu við sitt hæfi. Og þekkt eru dæmin um það erlendis líka, að innflytjendabörn fái fyrst sérkennslu í skólum í stað þess að vera látin dúsa í krakkahópi þar sem þau skilja ekki mælt mál og geta ekki fylgzt að gagni með kennslu fyrr en eftir marga mánuði. Það er einmitt tillitssemi við börn að fá kennslu á sínu eigin máli framan af a.m.k. og um leið innleiðslu í tungumál nýja landsins í sértímum, sem eru helgaðir þeim. Að ætla sér að gera tillögur Sveinbjargar um slíkt að árásarefni á hana er þeim til hneisu og hreinnar skammar sem að því standa. Hitt er svo reyndar stað­reynd og nýtur mikils fylgis, að við getum vel afgreitt hælis­umsóknir eins og Norðmenn gera, á tveimur sólar­hringum, ekki einu eða tveimur misserum, eins og hér viðgengst í slóðaskap vanhæfra yfirvalda.

Það gæti ennfremur orðið "sokkinn kostnaður" fyrir Framsóknarflokkinn ef hann missir hér af þessari hreinskilnu konu, sem tekið hefur á málum af röggsemi, og býður upp á aðra í staðinn, sem gerzt hefur meðvirk með aðhróp­endum þeirra sem setja fram málstað heilbrigðrar skynsemi og gagnrýna á sann­gjarn­an hátt magn­aðan og víta­verðan aulahátt borgar­stjórnar í mosku- og inn­flytj­enda­málum.

Jón Valur Jensson.

Allt eða ekkert hjá Guðfinnu

Hælisleitendur eiga enga heimtingu á að njóta hér stjórnarskrártryggðra réttinda fyrir ríkisborgara þessa lands

Formaður Samfylkingar vill að "við öxlum sjálf­sagða [sic] ábyrgð: Að rétta þeim hjálp­ar­hönd, sem hingað leita, úr ömur­legum aðstæðum og af sárri neyð" og á þá við hæl­is­leit­endur frá öruggum löndum! Þeim fer sí­fjölgandi, verða líklega yfir 2000 á árinu.

En þeir eiga enga "sjálfsagða" heimtingu á að njóta hér ákvæðis 76. greinar stjórnarskrárinnar um félagsleg réttindi til aðstoðar af ýmsu tagi vegna sjúkdóma, örorku, elli og atvinnuleysis, sem og til menntunar o.fl.

Þarna bera hins vegar ríki og sveitarfélög þunga ábyrgð gagnvart okkar eigin ríkisborgurum, sem flestir stjórnmálaflokkar hafa þó vanvirt, eða hvað varð t.d. af "skjaldborg" vinstri stjórnar Jóhönnu eða um öll loforð flokkanna fyrir síðustu kosningar að bæta endanlega kjör aldraðra og öryrkja?

Góðmennskuyfirlýsingar Loga Einarssonar í þágu tilefnislausra hælisleitenda blekkja því fáa, eins og reyndar má glögglega sjá á þeim fjölmörgu andmælum sem Fréttablaðs-pistill hans sætir á vefslóð hans á Visir.is!

Jón Valur Jensson.

Sbr. einnig greinina Ábyrgð stjórnvalda er fyrst og fremst gagnvart ís­lenskum ríkis­borgurum, ekki erlendum, - eftir Birgi Loftsson sagnfræðing.

Ábyrgð stjórnvalda er fyrst og fremst gagnvart ís­lenskum ríkis­borgurum, ekki erlendum, - eftir Birgi Loftsson sagnfræðing

Ég heyri fólk rífast endalaust um þjóð­félags­ástandið í dag sem snýr að hús­næðis­málum og hælis­leitendum. Kíkjum á málið.

Árið 2013, samkvæmt svari Útlendingastofn­unar, kostaði hver hælis­leit­andi kr. 54.600 á viku sem gerir 220.000 kr. á mánuði. Hver er kostn­að­urinn í dag? Viðbúið er að hver hælis­leitandi fái ýmislegt ókeypis á meðan. Líklega þarf hann ekki að borga fyrir hús­næðið sem hann býr í en það getur verið af ýmsum toga. Til dæmis hótel­herbergi, herbergi á Víðinesi eða Fitjum, íbúðir og jafnvel ein­býlishús. 

Til samanburðar fær atvinnu­laus maður 180.000 kr og guð má vita hvað öryrkjar og aldraðir fá en ég býst við að þeir fái að meðaltali um 200 þúsund krónur á mánuði. 

Á öðrum stað segir að hver flóttamaður (sem væntan­lega er ekki lengur hælis­leitandi heldur flóttamaður sem er borgað er fyrir), fái 4-6 milljónir á ári, fær íslenskukennslu, ókeypis húsnæði og margvíslega aðra þjónustu. 

Hælisleitendur stefna í að vera um 2000 í ár (þar af 98% með tilhæfu­lausa ástæðu fyrir hælisleit). Ef meðal­kostn­aðurinn á hvern einstakling er 5.000.000 kr., þá er heildar­kostnað­urinn: 10.000.000.000 kr. en fyrir þá sem kunna ekki inn á svona stóra tölu, þá eru þetta 10 milljarðar kr. Held samt að kostn­aður sé nærri 6 milljarðar samkvæmt tölu sem ég sá um daginn.

Sumir segja að ekki megi blanda saman þessari umræðu, það er fátæku fólki í húsnæðisleit og öðrum hópum sem hafa orðið undir í íslensku þjóðfélagi, við hælis­leit­endur og það sé ekki sanngjarnt. En er það svo?

Á meðan stjórnvöld láta bara örlitla kökusneið af þjóðar­kökunni í þennan málaflokk, þá er það nokkuð einfalt dæmi að þeir verða að berjast innbyrðis um örsneiðina og þá er auðljóst að það ber að tala um þessa hluti í sömu andrá. 

Um 900 milljónir manna ganga til svefns hungr­aðir á hverjum degi í heim­inum. Eigum við ekki að hjálpa þeim öllum? Svarið er að við getum það ekki. 

Svo má benda á þá staðreynd að íslensk stjórnvöld gera hvað sem er til að tryggja að enginn hælis­leit­andi fari á götuna. Enginn fer á götuna, punktur! Besta dæmið um það er þegar húsnæði Lögreglu­skóla Íslands var nýtt til að taka við metásókn hælis­leitenda hingað til lands. Þá riðu fjölmiðlar röftum í hneykslun sinni yfir slæmri meðferð á aumingja fólkinu að láta það hírast tíma­bundið í annars ágætu húsnæði. Sveitar­félögin (líka út á landi) gera þetta ekki fyrir Íslendinga í nauð og verður fólk að fara hreppaflutningum eins og í gamla daga, vegna þess að kerfið þykist ekki bera ábyrgð. Skammar­legt var hvernig tugir þúsunda Íslendinga misstu húsnæði sitt í hruninu og lítið var gert til að bjarga því.

Ábyrgð stjórnvalda er fyrst og fremst gagnvart íslenskum ríkisborgurum, sem fæðst hafa hér á landi, borgað sína skatta og skyldur, en ekki einhverja sem segjast vera eitthvað sem enginn getur sannað að svo sé. Á meðan fólk býr í tjöldum og er svangt, hefur ekki efni á leiguíbúð né læknis­þjónustu (þekki persónulega mörg dæmi um slíkt), þá er ábyrgðin fyrst og fremst stjórnvalda sem verða að forgangs­raða.

Birgir Loftsson á sæti í flokksstjórn Íslensku þjóðfylkingarinnar.

Tillögur Sveinbjargar Birnu Sveinbjörnsdóttur í skólamálum barna hælisleitenda eru skynsamlegar

Það er merkilegt að ekki megi setja fram skyn­sama skoðun á fyrir­komu­lagi skóla­göngu barna sem koma með fólki sem er að sækja um alþjóð­lega vernd, eins og fína orðið er yfir hælis­leit­endur, sem og flótta­fólk. Er ekki tími til kominn hjá elítu­fólk­inu að skoða málin dálítið betur? Það eina, sem Sveinbjörg í Framsókn og flug­vallar­vinum er að setja fram, er að koma á kennslu fyrir þessi börn meðan þau eru í biðstöðu, þannig að þeim gangi betur að aðlag­ast hinu almenna skóla­kerfi og röskun verði sem minnst á kennslu í hinu almenna skólakerfi.

Vill almenningur sem á börn á skólastigi að kennsla verði annars flokks vegna þess eins að meginþorri tíma kennara fari í að sinna börnum sem koma frá öðrum menningarheimi og þurfa þess vegna meiri leiðsögn og athygli? Nei! Ég held að foreldrar skilji það að það sé ekki ásættanlegt að fórna menntun eigin barna, vegna þess að öll orka kennara fari í að styðja við örfáa einstaklinga.

Tillaga Sveinbjargar er umræðunnar virði, hér er ekki um neina rasistahugsun að ræða, börn sem kæmu úr slíku umhverfi yfir í almenna kerfið, ef landvistaleyfi fengist, yrðu mjög sennilega síður fyrir aðkasti, einelti eða annarri höfnun, væri búið að undirbúa þau til að geta tekist á við það, sem byði þeirra, og ef umrædd börn fengju ekki landvistarleyfi er ekki verið að útsetja þau fyrir höfnun.

Að stjórnmálamenn skuli fylkja liði við að rakka Sveinbjörgu niður fyrir það eitt að setja fram þessa skynsömu skoðun er þeim sem það skrifa til háborinnar skammar og sýnir eingöngu skammsýni.

Guðmundur Þorleifsson.

Víkingasveitin kölluð út vegna hnífabardaga hælisleitenda á Ásbrú

Víkurfréttir og DV segja frá:

Víkingasveitin var kölluð út til að aðstoða lögregluna á Suðurnesjum rétt fyrir miðnætti 29. júlí.

Á vef Víkur­frétta er greint frá því að átök hafi átt sér stað á gistiheimili á Ásbrú. Gistiheimilið er á vegum Útlendingastofnunar.

Í frétt Víkurfrétta kemur fram að vopn hafi verið notuð og voru þeir sem tóku þátt í átökunum vopnaðir hnífum. Þá var óskað eftir sjúkrabifreið á staðinn.

Þessu taka menn ekki vel á Facebók og DV-vefnum, margir taka sterkt til orða. 

En er það ekki orðið dæmigert um ástandið, að þörf sé á íslenzkum víkingum til að stöðva uppivöðslusama suðræna flakkara sem sýna með þessum hætti þakklætið fyrir að vera haldið hér uppi í munaðarlífi á kostnað skattgreiðenda?

Jónas Þór Jóhannsson spyr: "Er þessi ríkisstjórn ófær um að taka á þessu vandamáli?"

Guðlaugur Ævar Hilmarsson svarar: "Þorir ekki að rugga bátnum. Er með 1 yfir á Alþingi. Ef hann stoppar þennan ósóma, fara Óttarr Proppé og Svört framtíð í fýlu." Tekur einnig fram, að aldrei hafi hann kosið Svarta framtíð, og bendir á þennan fréttartengil:  http://www.mbl.is/frettir/kosning/2016/09/17/vilja_ad_islendingar_verdi_800_thusund/

Arnar Styr Börnsson ritar: "Væri ekki betra að nefna gistiheimilið Valhöll?"

Halldór Karelsson: "Ótrúleg stjórnartök hjá þessari vanhæfu ríkisstjórn."

Jón Valur Jensson.

Hvað með flóttamenn? - úr viðtali við formann Íslensku þjóðfylkingarinnar, Guðmund Þorleifsson

 Nú er ljóst að margir koma hingað sem eiga ekki rétt á hæli. Þið hafið sagt að það hafi áhrif á bið­röðina eftir húsnæði í félags­mála­kerfinu.

„Það er segir sig sjálft, ef það gengur fyrir hjá ríkisstjórninni að útvega hælis­leitendum húsnæði, en ekki sínum eigin þegnum sem þeir eru þó skuld­bundn­ir til að gera samkvæmt stjórnar­skránni. Hér spilar inn í þessi arfa­vitlausa útlend­inga­löggjöf sem tók gildi um síðustu áramót og þarf að fella þegar í stað úr gildi. Ég segi fyrir mitt leyti, og er fullviss um að aðrir innan Íslensku þjóðfylk­ingarinnar eru sama sinnis: við eigum ekki einu sinni að fara í 48 tíma regluna. Við eigum að snúa þeim við strax, um leið og þeir koma til landsins. Það er engin ástæða til að taka á móti fólki sem við vitum fyrirfram að á ekki erindi hingað. Hér á landi er orðin til ákveðin starfsgrein lögfræðinga og sérfræðinga hjá félagsmálastofnunum, sem lifa á þessu. Þetta er orðin ákveðinn „iðnaður". Þetta er fólk sem starfar á vegum ríkisins og það berst af oddi og egg til að halda sínum störfum... og ég skil það svo sem vel. En ég tel að fjármunum sé vitlaust varið, að eyða öllum þessum fjármunum í þetta hér heima, heldur ættum við að nota þessa peninga til að hjálpa fólki í sínu nærumhverfi, þar sem fjármunirnir nýtast miklu betur. Við eigum að fara í þeirra nærumhverfi í Sýrlandi og Líbanon og þar eigum við að leggja til og hjálpa. Þar myndi peningurinn koma betur að notum.“

Sjá nánar allt viðtalið hér: Bjóða fram í borginni, vilja mosku burt og endurreisa verkamanna­bústaðakerfið

VIÐTAL: Bjóða fram í borginni, vilja mosku burt og endurreisa verkamannabústaðakerfið

Íslenska þjóðfylkingin sendi frá sér frétta­tilkynn­ingu um að flokk­urinn hefði sent Eftirlits­nefnd með störfum lögregl­unnar erindi þar sem gerðar eru at­huga­semdir við embætti og störf Eyrúnar Eyþórs­dóttur (oft nefnd „haturs“ lögga), eins og segir í frétta­tilkynn­ingu flokksins. Vefritinu Skinna.is lék forvitni á að vita meira um málið og hvað sé að gerast hjá Íslensku þjóðfylk­ingunni. Við hittum Guðmund Þorleifsson, nýjan formann flokksins, og lögðum nokkrar spurningar fyrir hann. (Endurbirt af vefnum Skinna.is.)

- Nú sendi Íslenska þjóðfylkingin inn athugasemd til Eftirlits­nefndar með störf­um lögregl­unnar. Hvað er það sem ykkur finnst svona athugavert við störf hennar? Hvað eruð þið að gera athugasemd við?

„Störf lögreglunnar eiga að vera á jafnræðis­grunni, en sú sem hefur verið ráðin til starfa, Eyrún, hefur lýst því yfir að hún sé með ákveðnar skoðanir. Hún hefur tengst ákveðum hópum með ákveðnar skoðanir. Það virðist vera að alla aðra, sem eru ekki á sömu skoðun, sé réttlæt­anlegt að draga fyrir dóm,“ segir Guðmundur.

„Það er mjög ámælisvert af ríkinu að ráða manneskju sem þessa í þetta starf. Við þurfum líka að athuga að hver og einn, sem er kærður, þarf að ráða til sín lögfræðing til að fara með mál þeirra, sem kostar þá alltaf töluverða fjármuni, þó svo þeir fái gjafsókn. Vegna þess að gjafsókn nær aldrei að greiða allan kostnað fyrir utan ærumeiðingar sem viðkomandi verður fyrir. Það er því óeðlilegt að ríkið sé að vasast í svona löguðu. Ef menn telja á sér brotið geta þeir, lögum samkvæmt, sótt viðkomandi fyrir dóm.“

- Hvað finnst þér um þau mál sem hafa verið tekin fyrir?

„Af þessum málum, sem hafa verið tekin fyrir, hafa allir verið sýknaðir að fullu. Það segir mér að dómskerfið sem slíkt er að standa sig. Þarna er farið fram með offorsi gegn ákveðinni skoðun og ákveðinni túlkun. Þannig að ríkið er að brjóta gegn þessum manneskjum og á tjáningar­frelsi landsmanna. Ég vona bara að sú ríkisstjórn sem nú situr, vona bara að hún ljái ekki máls á að fara sömu leið og Þjóðverjar, sem hafa ákveðið að sekta fjölmiðla fari þeir ekki eftir einhverri rétthugsun.“

- Hvað vonist þið að muni gerast í kjölfar þess að þið sendið inn þetta erindi? Að embættið verði lagt niður?

„Ja, það er ekki ásættanlegt að vita til þess að löggæsluna vantar fé, en að vera að eyða peningum í svona gæluverkefni, það er bara ekki ásættanlegt. Það væri nær að veita þessum peningum í almenna löggæslu og í baráttuna gegn fíkniefnum, sem við höfum miklar áhyggjur af.“

- Nú hefur flokkurinn heitið því að segja Ísland úr Evrópska efnahagssvæðinu (EES). Evrópusambandið hefur hvatt löggæslustofnanir til að halda námskeið til að greina hatursorðræðu. Telur þú að þetta embætti sé einn angi af veru okkar þar?

„Það er alveg greinilegt að þeir sem stjórna í ráðuneytunum virðast vera nokkuð frjálsir um það hverju þeir hleypa í gegn og hverju þeir hafna eða sitja á. Það sést á því að Evrópudómstólinn hefur verið að dæma okkur fyrir það að sitja á tilskipunum. Það er nauðsynlegt fyrir íslenska ríkið að segja sig frá Evrópska efna­hags­svæðinu. Því fyrr því betra. En jafnframt gera tvíhliða samning við Evrópu­sambandið sem og önnur ríki. Það er voðalega skrítið hvernig íslenska ríkið hefur endalaust þókknast Evrópu­sambandinu og það virðist vera endalaus áróður fyrir því. Á sama tíma og Bretar eru að fara út, okkar stærsta viðskiptaland innan Evrópu. Viðskipti okkar koma örugglega til með aukast verulega við Breta þegar þeir hafa gengið út. Ég held við eigum að gera tvíhliða samning við Bandaríkin og Breta. Svona á svipuðum nótum og við gerðum við Kínverja. Það myndi lækka vöruverð. Það myndi gera það að verkum að fleiri hefðu áhuga á að koma hingað með verslun, samanber Costco, og það myndi lækka vöruverð. Það myndi gera það að verkum að við myndum opna allt að 400 milljóna manna markað. Við erum með Breta sem eru 60 milljónir og markaður myndi opnast í Bandaríkjunum sem er 360 milljóna manna markaður. Við værum þá komin undan Evrópusambandinu og þar með gætu íslensk fyrirtæki haslað sér völl á undan hinum, sem ég held að sé mjög dýrmætt fyrir Íslendinga.“

- Hvað með Schengen-samstarfið? Flokkurinn hefur boðað að hann ætli að segja Ísland úr Schengen. Ætlið þið að standa við það?

„Já, já, við stöndum alveg við það. Það er það sem við höfum verið að leggja áherslu á. Kostnaðurinn við Schengen er mikill. Við höfum til dæmis sent Fangelsismálastofnun fimm fyrirspurnir hver kostnaðurinn við að halda erlenda fanga á Íslandi er frá því að við gengum í Schengen. Við höfum ekki ennþá fengið svar. En það er ekki það eina. Það er grundvallarkrafa okkar, að við berum sjálf ábyrgð á okkar landamærum. Að segja Ísland úr Schengen þýðir ekki að við ætlum að vera fúl út í alla Evrópu.“

- Hvað með flóttamenn. Nú er ljóst að margir eru að koma hingað sem eiga ekki rétt á hæli. Þið hafið sagt að það hafi áhrif á biðröðina eftir húsnæði í félagasmálakerfinu.

„Það er segir sig sjálft, ef það gengur fyrir hjá ríkisstjórninni að útvega hælis­leitendum húsnæði en ekki sínum eigin þegnum sem þeir eru þó skuld­bundn­ir til að gera samkvæmt stjórnar­skránni. Hér spilar inn í þessi arfa­vitlausa útlend­inga­löggjöf sem tók gildi um síðustu áramót og þarf að fella þegar í stað úr gildi. Ég segi fyrir mitt leyti, og er fullviss um að aðrir innan Íslensku þjóðfylk­ingarinnar eru sama sinnis: við eigum ekki einu sinni að fara í 48 tíma regluna. Við eigum að snúa þeim við strax, um leið og þeir koma til landsins. Það er engin ástæða til að taka á móti fólki sem við vitum fyrirfram að á ekki erindi hingað. Hér á landi er orðin til ákveðin starfsgrein lögfræðinga og sérfræðinga hjá félagsmálastofnunum, sem lifa á þessu. Þetta er orðin ákveðinn „iðnaður". Þetta er fólk sem starfar á vegum ríkisins og það berst af oddi og egg til að halda sínum störfum... og ég skil það svo sem vel. En ég tel að fjármunum sé vitlaust varið, að eyða öllum þessum fjármunum í þetta hér heima, heldur ættum við að nota þessa peninga til að hjálpa fólki í sínu nærumhverfi, þar sem fjármunirnir nýtast miklu betur. Við eigum að fara í þeirra nærumhverfi í Sýrlandi og Líbanon og þar eigum við að leggja til og hjálpa. Þar myndi peningurinn koma betur að notum.“

- Ætlið þið að bjóða fram í borgarstjórnarkosningum eða til sveitarstjórna?

„Við stefnum að því að bjóða fram í sveitarstjórnarkosningunum en horfum fyrst og fremst til borgarinnar. Það gæti orðið fleiri sveitarfélög. En þetta er náttúrulega mikil vinna og við sjáum bara hvað setur.“

- Hver verða ykkar helstu stefnumál í borginni?

„Við vitum það að í borginni þarf að bæta almenningssamgöngur en þessi Borgarlína er arfavitlaus, hana þarf að endurskoða. Við höfnum Borgarlínunni. Hugmyndin er góð að reyna að koma innlendri orku í vinnu, en þessi útfærsla er ekki góð. Svo erum við algjörlega á móti mosku og munum leggja til að lóð undir mosku og það sem hefur verið samþykkt í Hlíðunum um að reisa turn, þar sem er verið að lauma inn annarri mosku af núverandi borgarstjórn, verði dregið til baka. Síðan munum við leggja áherslu á að endurreisa verka­manna­bústaðakerfið í samvinnu við lífeyrissjóði og verkalýðs­hreyf­inguna. Við viljum bara drífa það verkefni af stað. Við viljum hætta að bjóða út lóðir og lækka þar með bygginga­kostnað. Við úthlutum í staðinn lóðum og þeim verður ekki úthlutað til gæðinga.“

- Hvað áttu við með því?

„Það eru margir sem hafa fengið úthlutað fullt af lóðum þó þeir hafi farið margsinnis á hausinn. Nú er bara kominn tími til að þetta verði skoðað alveg í grunninn. Við komum upp gamla fyrirkomulaginu sem var. Við getum til dæmis byggt verkamannabústaði á stuttum tíma. Þannig að þá á að vera hægt að leysa húsnæðisvanda fjölskyldufólks og eldri borgara á tiltölulega stuttum tíma án þess að allt fari um koll. En til þess þurfum við kjark, hugrekki og hugsjónir.“

- Hvað er svo framundan hjá Íslensku þjóðfylkingunni?

„Við höfum verið að endurbyggja flokkinn. Við munum koma sterk inn að hausti. Þá ætlum við að halda fund, almennan stjórnmálafund. Þar opinberum við okkar helstu mál fyrir borgar- og sveitarstjórnarkosningar. Já, já, flokkurinn kemur bara til með að stækka,“ sagði Guðmundur Þorleifsson formaður Íslensku þjóðfylkingarinnar að lokum.