Víkingasveitin kölluð út vegna hnífabardaga hælisleitenda á Ásbrú

Víkurfréttir og DV segja frá:

Víkingasveitin var kölluð út til að aðstoða lögregluna á Suðurnesjum rétt fyrir miðnætti 29. júlí.

Á vef Víkur­frétta er greint frá því að átök hafi átt sér stað á gistiheimili á Ásbrú. Gistiheimilið er á vegum Útlendingastofnunar.

Í frétt Víkurfrétta kemur fram að vopn hafi verið notuð og voru þeir sem tóku þátt í átökunum vopnaðir hnífum. Þá var óskað eftir sjúkrabifreið á staðinn.

Þessu taka menn ekki vel á Facebók og DV-vefnum, margir taka sterkt til orða. 

En er það ekki orðið dæmigert um ástandið, að þörf sé á íslenzkum víkingum til að stöðva uppivöðslusama suðræna flakkara sem sýna með þessum hætti þakklætið fyrir að vera haldið hér uppi í munaðarlífi á kostnað skattgreiðenda?

Jónas Þór Jóhannsson spyr: "Er þessi ríkisstjórn ófær um að taka á þessu vandamáli?"

Guðlaugur Ævar Hilmarsson svarar: "Þorir ekki að rugga bátnum. Er með 1 yfir á Alþingi. Ef hann stoppar þennan ósóma, fara Óttarr Proppé og Svört framtíð í fýlu." Tekur einnig fram, að aldrei hafi hann kosið Svarta framtíð, og bendir á þennan fréttartengil:  http://www.mbl.is/frettir/kosning/2016/09/17/vilja_ad_islendingar_verdi_800_thusund/

Arnar Styr Börnsson ritar: "Væri ekki betra að nefna gistiheimilið Valhöll?"

Halldór Karelsson: "Ótrúleg stjórnartök hjá þessari vanhæfu ríkisstjórn."

Jón Valur Jensson.


Hvað með flóttamenn? - úr viðtali við formann Íslensku þjóðfylkingarinnar, Guðmund Þorleifsson

 Nú er ljóst að margir koma hingað sem eiga ekki rétt á hæli. Þið hafið sagt að það hafi áhrif á bið­röðina eftir húsnæði í félags­mála­kerfinu.

„Það er segir sig sjálft, ef það gengur fyrir hjá ríkisstjórninni að útvega hælis­leitendum húsnæði, en ekki sínum eigin þegnum sem þeir eru þó skuld­bundn­ir til að gera samkvæmt stjórnar­skránni. Hér spilar inn í þessi arfa­vitlausa útlend­inga­löggjöf sem tók gildi um síðustu áramót og þarf að fella þegar í stað úr gildi. Ég segi fyrir mitt leyti, og er fullviss um að aðrir innan Íslensku þjóðfylk­ingarinnar eru sama sinnis: við eigum ekki einu sinni að fara í 48 tíma regluna. Við eigum að snúa þeim við strax, um leið og þeir koma til landsins. Það er engin ástæða til að taka á móti fólki sem við vitum fyrirfram að á ekki erindi hingað. Hér á landi er orðin til ákveðin starfsgrein lögfræðinga og sérfræðinga hjá félagsmálastofnunum, sem lifa á þessu. Þetta er orðin ákveðinn „iðnaður". Þetta er fólk sem starfar á vegum ríkisins og það berst af oddi og egg til að halda sínum störfum... og ég skil það svo sem vel. En ég tel að fjármunum sé vitlaust varið, að eyða öllum þessum fjármunum í þetta hér heima, heldur ættum við að nota þessa peninga til að hjálpa fólki í sínu nærumhverfi, þar sem fjármunirnir nýtast miklu betur. Við eigum að fara í þeirra nærumhverfi í Sýrlandi og Líbanon og þar eigum við að leggja til og hjálpa. Þar myndi peningurinn koma betur að notum.“

Sjá nánar allt viðtalið hér: Bjóða fram í borginni, vilja mosku burt og endurreisa verkamanna­bústaðakerfið


VIÐTAL: Bjóða fram í borginni, vilja mosku burt og endurreisa verkamannabústaðakerfið

Íslenska þjóðfylkingin sendi frá sér frétta­tilkynn­ingu um að flokk­urinn hefði sent Eftirlits­nefnd með störfum lögregl­unnar erindi þar sem gerðar eru at­huga­semdir við embætti og störf Eyrúnar Eyþórs­dóttur (oft nefnd „haturs“ lögga), eins og segir í frétta­tilkynn­ingu flokksins. Vefritinu Skinna.is lék forvitni á að vita meira um málið og hvað sé að gerast hjá Íslensku þjóðfylk­ingunni. Við hittum Guðmund Þorleifsson, nýjan formann flokksins, og lögðum nokkrar spurningar fyrir hann. (Endurbirt af vefnum Skinna.is.)

Guðmudur í framboði til formanns- Nú sendi Íslenska þjóðfylkingin inn athugasemd til Eftirlits­nefndar með störf­um lögregl­unnar. Hvað er það sem ykkur finnst svona athugavert við störf hennar? Hvað eruð þið að gera athugasemd við?

„Störf lögreglunnar eiga að vera á jafnræðis­grunni, en sú sem hefur verið ráðin til starfa, Eyrún, hefur lýst því yfir að hún sé með ákveðnar skoðanir. Hún hefur tengst ákveðum hópum með ákveðnar skoðanir. Það virðist vera að alla aðra, sem eru ekki á sömu skoðun, sé réttlæt­anlegt að draga fyrir dóm,“ segir Guðmundur.

„Það er mjög ámælisvert af ríkinu að ráða manneskju sem þessa í þetta starf. Við þurfum líka að athuga að hver og einn, sem er kærður, þarf að ráða til sín lögfræðing til að fara með mál þeirra, sem kostar þá alltaf töluverða fjármuni, þó svo þeir fái gjafsókn. Vegna þess að gjafsókn nær aldrei að greiða allan kostnað fyrir utan ærumeiðingar sem viðkomandi verður fyrir. Það er því óeðlilegt að ríkið sé að vasast í svona löguðu. Ef menn telja á sér brotið geta þeir, lögum samkvæmt, sótt viðkomandi fyrir dóm.“

- Hvað finnst þér um þau mál sem hafa verið tekin fyrir?

„Af þessum málum, sem hafa verið tekin fyrir, hafa allir verið sýknaðir að fullu. Það segir mér að dómskerfið sem slíkt er að standa sig. Þarna er farið fram með offorsi gegn ákveðinni skoðun og ákveðinni túlkun. Þannig að ríkið er að brjóta gegn þessum manneskjum og á tjáningar­frelsi landsmanna. Ég vona bara að sú ríkisstjórn sem nú situr, vona bara að hún ljái ekki máls á að fara sömu leið og Þjóðverjar, sem hafa ákveðið að sekta fjölmiðla fari þeir ekki eftir einhverri rétthugsun.“

- Hvað vonist þið að muni gerast í kjölfar þess að þið sendið inn þetta erindi? Að embættið verði lagt niður?

„Ja, það er ekki ásættanlegt að vita til þess að löggæsluna vantar fé, en að vera að eyða peningum í svona gæluverkefni, það er bara ekki ásættanlegt. Það væri nær að veita þessum peningum í almenna löggæslu og í baráttuna gegn fíkniefnum, sem við höfum miklar áhyggjur af.“

- Nú hefur flokkurinn heitið því að segja Ísland úr Evrópska efnahagssvæðinu (EES). Evrópusambandið hefur hvatt löggæslustofnanir til að halda námskeið til að greina hatursorðræðu. Telur þú að þetta embætti sé einn angi af veru okkar þar?

„Það er alveg greinilegt að þeir sem stjórna í ráðuneytunum virðast vera nokkuð frjálsir um það hverju þeir hleypa í gegn og hverju þeir hafna eða sitja á. Það sést á því að Evrópudómstólinn hefur verið að dæma okkur fyrir það að sitja á tilskipunum. Það er nauðsynlegt fyrir íslenska ríkið að segja sig frá Evrópska efna­hags­svæðinu. Því fyrr því betra. En jafnframt gera tvíhliða samning við Evrópu­sambandið sem og önnur ríki. Það er voðalega skrítið hvernig íslenska ríkið hefur endalaust þókknast Evrópu­sambandinu og það virðist vera endalaus áróður fyrir því. Á sama tíma og Bretar eru að fara út, okkar stærsta viðskiptaland innan Evrópu. Viðskipti okkar koma örugglega til með aukast verulega við Breta þegar þeir hafa gengið út. Ég held við eigum að gera tvíhliða samning við Bandaríkin og Breta. Svona á svipuðum nótum og við gerðum við Kínverja. Það myndi lækka vöruverð. Það myndi gera það að verkum að fleiri hefðu áhuga á að koma hingað með verslun, samanber Costco, og það myndi lækka vöruverð. Það myndi gera það að verkum að við myndum opna allt að 400 milljóna manna markað. Við erum með Breta sem eru 60 milljónir og markaður myndi opnast í Bandaríkjunum sem er 360 milljóna manna markaður. Við værum þá komin undan Evrópusambandinu og þar með gætu íslensk fyrirtæki haslað sér völl á undan hinum, sem ég held að sé mjög dýrmætt fyrir Íslendinga.“

- Hvað með Schengen-samstarfið? Flokkurinn hefur boðað að hann ætli að segja Ísland úr Schengen. Ætlið þið að standa við það?

„Já, já, við stöndum alveg við það. Það er það sem við höfum verið að leggja áherslu á. Kostnaðurinn við Schengen er mikill. Við höfum til dæmis sent Fangelsismálastofnun fimm fyrirspurnir hver kostnaðurinn við að halda erlenda fanga á Íslandi er frá því að við gengum í Schengen. Við höfum ekki ennþá fengið svar. En það er ekki það eina. Það er grundvallarkrafa okkar, að við berum sjálf ábyrgð á okkar landamærum. Að segja Ísland úr Schengen þýðir ekki að við ætlum að vera fúl út í alla Evrópu.“

- Hvað með flóttamenn. Nú er ljóst að margir eru að koma hingað sem eiga ekki rétt á hæli. Þið hafið sagt að það hafi áhrif á biðröðina eftir húsnæði í félagasmálakerfinu.

„Það er segir sig sjálft, ef það gengur fyrir hjá ríkisstjórninni að útvega hælis­leitendum húsnæði en ekki sínum eigin þegnum sem þeir eru þó skuld­bundn­ir til að gera samkvæmt stjórnar­skránni. Hér spilar inn í þessi arfa­vitlausa útlend­inga­löggjöf sem tók gildi um síðustu áramót og þarf að fella þegar í stað úr gildi. Ég segi fyrir mitt leyti, og er fullviss um að aðrir innan Íslensku þjóðfylk­ingarinnar eru sama sinnis: við eigum ekki einu sinni að fara í 48 tíma regluna. Við eigum að snúa þeim við strax, um leið og þeir koma til landsins. Það er engin ástæða til að taka á móti fólki sem við vitum fyrirfram að á ekki erindi hingað. Hér á landi er orðin til ákveðin starfsgrein lögfræðinga og sérfræðinga hjá félagsmálastofnunum, sem lifa á þessu. Þetta er orðin ákveðinn „iðnaður". Þetta er fólk sem starfar á vegum ríkisins og það berst af oddi og egg til að halda sínum störfum... og ég skil það svo sem vel. En ég tel að fjármunum sé vitlaust varið, að eyða öllum þessum fjármunum í þetta hér heima, heldur ættum við að nota þessa peninga til að hjálpa fólki í sínu nærumhverfi, þar sem fjármunirnir nýtast miklu betur. Við eigum að fara í þeirra nærumhverfi í Sýrlandi og Líbanon og þar eigum við að leggja til og hjálpa. Þar myndi peningurinn koma betur að notum.“

- Ætlið þið að bjóða fram í borgarstjórnarkosningum eða til sveitarstjórna?

„Við stefnum að því að bjóða fram í sveitarstjórnarkosningunum en horfum fyrst og fremst til borgarinnar. Það gæti orðið fleiri sveitarfélög. En þetta er náttúrulega mikil vinna og við sjáum bara hvað setur.“

- Hver verða ykkar helstu stefnumál í borginni?

„Við vitum það að í borginni þarf að bæta almenningssamgöngur en þessi Borgarlína er arfavitlaus, hana þarf að endurskoða. Við höfnum Borgarlínunni. Hugmyndin er góð að reyna að koma innlendri orku í vinnu, en þessi útfærsla er ekki góð. Svo erum við algjörlega á móti mosku og munum leggja til að lóð undir mosku og það sem hefur verið samþykkt í Hlíðunum um að reisa turn, þar sem er verið að lauma inn annarri mosku af núverandi borgarstjórn, verði dregið til baka. Síðan munum við leggja áherslu á að endurreisa verka­manna­bústaðakerfið í samvinnu við lífeyrissjóði og verkalýðs­hreyf­inguna. Við viljum bara drífa það verkefni af stað. Við viljum hætta að bjóða út lóðir og lækka þar með bygginga­kostnað. Við úthlutum í staðinn lóðum og þeim verður ekki úthlutað til gæðinga.“

- Hvað áttu við með því?

„Það eru margir sem hafa fengið úthlutað fullt af lóðum þó þeir hafi farið margsinnis á hausinn. Nú er bara kominn tími til að þetta verði skoðað alveg í grunninn. Við komum upp gamla fyrirkomulaginu sem var. Við getum til dæmis byggt verkamannabústaði á stuttum tíma. Þannig að þá á að vera hægt að leysa húsnæðisvanda fjölskyldufólks og eldri borgara á tiltölulega stuttum tíma án þess að allt fari um koll. En til þess þurfum við kjark, hugrekki og hugsjónir.“

- Hvað er svo framundan hjá Íslensku þjóðfylkingunni?

„Við höfum verið að endurbyggja flokkinn. Við munum koma sterk inn að hausti. Þá ætlum við að halda fund, almennan stjórnmálafund. Þar opinberum við okkar helstu mál fyrir borgar- og sveitarstjórnarkosningar. Já, já, flokkurinn kemur bara til með að stækka,“ sagði Guðmundur Þorleifsson formaður Íslensku þjóðfylkingarinnar að lokum.


Áhyggjur Suðurnesjamanna vegna hælis­leitenda eru ástæðan fyrir stöðugu sam­bandi við Útlend­inga­stofn­un vegna málsins

Frétt í Mbl. og á Mbl.is staðfestir það sem ritað var hér í gær um rán hælis­leit­enda á reiðhjólum í Reykjanesbæ. For­maður bæj­ar­ráðs segir ólgu hafa magn­azt upp á sam­fé­lags­miðlum vegna málsins. Lög­regl­unni berast all­marg­ar kvart­an­ir varðandi hæl­is­leit­end­ur á Ásbrú, staðfest­ir lög­reglu­stjór­inn á Suður­nesj­um, Ólaf­ur Helgi Kjart­ans­son.

Sú ákvörðun Útlend­inga­stofn­un­ar að fara upp á Ásbrú [með fjölgun hælis­leit­enda þar] er ennfremur, að sögn Friðjóns Ein­ars­son­ar, for­manns bæj­ar­ráðs Reykja­nes­bæj­ar, "gegn okk­ar ósk­um. Við höf­um eng­in af­skipti af þess­um hópi, annað en það að við erum í stöðugu sam­bandi við Útlend­inga­stofn­un vegna þess að við höf­um áhyggj­ur af þessu,“ seg­ir Friðjón.

Hann segir mik­la umræðu hafa verið á Face­book-síðu sem nefn­ist „Reykja­nes­bær – Ger­um góðan bæ betri“ 

en þar hafa íbú­ar verið að tjá sig um þjófnað og hegðan sem ekki sam­rým­ist því sem Íslend­ing­ar eru van­ir. „Þessi umræða hef­ur ekki farið fram­hjá bæn­um. Við erum hins veg­ar ekki að fá mikið af bein­um kvört­un­um til okk­ar held­ur finn­um við fyr­ir þess­ari ólgu sem magn­ast upp á sam­fé­lags­miðlum,“ seg­ir Friðjón. (Mbl.is)

Íslenska þjóðfylkingin hefur lausnina á þessu máli: að hælisleitendum frá löndum, þar sem ekki er stríðsástand, verði tafarlaust vísað úr landi, innan tveggja sólarhringa. Þetta geta Norðmenn, og þetta getum við. Vandinn er sá einn, að við erum með nefbeinslausa menn í stöðum ráðamanna!

Jón Valur Jensson.


mbl.is Kvarta undan þjófnaði
Tilkynna um óviðeigandi tengingu við frétt

Innflutt siðferði? Hælisleitendur stela ítrekað hjólum Suðurnesjamanna!

Það er nógu slæmt að hálfgerðir mafíósar (frá Eystrasalti?) hafa laum­azt í þvotta­hús og hjóla­geymslur á höfuð­borgar­svæðinu og hirt þar öll dýr og vönduð hjól, jafnvel til gáma­útflutn­ings!

En hæl­is­leitendur á Suðurnesjum hafa ýmsir sýnt, að þeir virða ekki eignarrétt náungans. 

Hér er ný frétt á DV.is: 

Stolin hjól í Reykja­nes­bæ finnast hjá flóttamönnum

Síðastliðin misseri hefur hefur það orðið æ algengara að hjólum sé stolið í Reykja­nes­bæ. Í allmörgum tilvikum finnast hjólin við híbýli hælisleitenda á vegum Útlendinga­stofnunar á Ásbrú.

Suðurnes.net greinir frá þessu. Þar segir að margir á Suðurnesjum hafi greint frá reiðhjólaþjófnaði á samfélagsmiðlunum undanfarna daga. Fjöldi þeirra segjast hafa sótt hjólin til hælisleitenda.

Um fjörutíu hælisleit­endur er í hús­næð­inu á Ásbrú en Útlendinga­stofnun hefur tekið til leigu allt húsnæði Airport-inn gistiheimilisins.

Áður hafa fáeinir hælisleit­endur í Reykja­nesbæ orðið berir að kynferðis­legri áreitni við stúlkur á svæðinu og um það verið skrifað í Víkurfréttum.

Útlendingastofnun hefur nú sagt upp húsnæði sínu fyrir hælisleitendur á Kjalar­nesi. Ekki er það óvinsæl ákvörðun meðal Kjalnesinga! En þeim mun ósátt­ari eru Suðurnesja­menn við, að þeim mönnum verður beint í húsnæðið á Ásbrú!

Sú endanlega lausn þarf að komast á þessi mál, að hælisleitendum frá löndum, þar sem ekki er stríðsástand, verði tafarlaust vísað úr landi, innan tveggja sólarhringa. Þetta geta Norðmenn, þetta getum við, ef við erum ekki með rolur og hugleysingja í stöðum ráðamanna.

Jón Valur Jensson.


Fylgjumst með því hvernig Saudi-arabar fara með þessa konu! - o.fl. af ásælni Saudi-araba, jafnvel hér á landi!

Myndband af ungri konu í stuttu pilsi og bol á göngu um sögustað í Saudi-Arabíu vekur nú hneyksli og umræður í þvísa landi. Siðgæðis­lögreglan yfirheyrði hana vegna „ósæmi­legs“ klæðnaðar og að vera ein í fylgd með karlmanni, sem var hvorki skyldur henni né venzlaður, og án þess að hafa meðferðis skrif­legt leyfi karl­kyns ætt­ingja (oftast föður).

Já, þetta er meiri háttar mál í Saudi-Arabíu, þar sem miskunnarlaus refsing getur verið við slíku athæfi!

Frá þessu segir í frétt á Mbl.is, en einnig hér í frétt á nýjum og athyglisverðum netmiðli, Skinna.is.

Mynd­bönd­in hafa birtzt bæði á Snapchat um helg­ina og síðan á YouTu­be, og marg­ir deila þeim á sam­fé­lags­miðlum. 

Sam­kvæmt lög­um í Sádi-Ar­ab­íu verða kon­ur að klæðast svört­um, síðum kufl­um og hylja hár sitt á al­manna­færi. (Mbl.is)

Merkilegt, að við Íslendingar höfum það af Saudi-Arabíu að segja, að það land hefur nú þegar gefið eina milljón dollara (á þeim tíma um 120 millj. króna) til mosku múslima í Skógarhlíð -- nokkuð sem herra Ólafur Ragnar Grímsson hneykslaðist á sem forseti landsins, enda fullkunnugt um trúarástandið í Arabíu -- og að nú er aftur rætt um, að líklega muni þeir einnig láta mikið fé af hendi rakna til hinnar moskunnar, sem til hefur staðið að verði reist á einum mest áberandi stað í bænum, á rándýrri lóð sem vinstri menn í borgarstjórn kusu að GEFA þeim söfnuði, þvert gegn lögum, og að auki gefa þeim eftir greiðslu gatnagerðargjalda o.fl.!!!

Og nú hefur borgarráð kórónað skömm sína með því að samþykkja heimild til að stækka moskuna í Skógarhlíð og reisa við hana háan bænaturn, þaðan sem hægt verður að senda út bænaköll múslima yfir Hlíðahverfið!

Á móti sjá Saudi-arabar svo um, að óheimilt sé að reisa kirkjur í því landi, og hverjum þeim, sem reynir að fara með Biblíu inn í landið, er refsað. Samt sjá þeir ekkert að því, að þeir með sína ofstækisfyllstu útgáfu af islamisma reyni í krafti sinna olíupeninga að stunda trúboð hér á landi og breiða út sínar öfgar með ímömum sem sendir eru hingað frá wahhabítunum saudi-arabísku!

Engin furða, að Íslenska þjóðfylkingin hefur þá stefnu:

  • að hafna því að moskur verði reistar á Íslandi,
  • að búrkur verði bannaðar,
  • að umskurður stúlkna af trúarlegum ástæðum verði bannaður
  • og að hafna skólahaldi islamista á Íslandi.

Þvert gegn undanlátssemi stjórnvalda við islamista styður Íslenska þjóð­fylkingin í stefnuskrá sinni "kristin gildi og viðhorf, virðir trúfrelsi, en hafnar trúarbrögðum sem eru andstæð stjórnarskrá." Ennfremur hefur flokkurinn lýst þessu yfir á landsfundi sínum 2. apríl sl.: 

“Ófædd börn eiga rétt til lífsins. Flokkurinn tekur einarða afstöðu gegn nýfram­komnum hugmyndum um róttækar breyt­ingar á fóstur­eyðinga­löggjöfinni og mun taka á þessum málum með það að markmiði að draga sem mest úr fóstureyðingum."

Með þessu er t.d. sérstaklega verið að hafna tillögum um að gera fóstur­eyð­ingar heimilar ekki aðeins til loka 12. viku meðgöngu, heldur til loka þeirrar 22. og að gera óléttum konum þetta heimilt að þeirra eigin kröfu! Þessar öfga­hugmyndir njóta ekki almenns stuðnings í þjóðfélaginu, þótt siðferðis­slappur Sjöflokkurinn á Alþingi gleypi við þessu, eins og ætla verður af þingumræðum um málið undir lok marz sl.

En æ fleiri eru líka að átta sig á því, að við sem þjóð þurfum ekki á því að halda, að enn verði dregið úr fæðingum hér (fæðingartíðnin er komin niður í 1,75 börn á hvert par, skv. tölum ársins 2016, sem er allt of lítið til að þjóð geti viðhaldið sér), heldur miklu fremur að standa með lífinu, með ófæddum börnum og með barnafjölskyldum í landinu. Lausnin er EKKI sú að láta innflutta múslima sjá um að fjölga hér landsmönnum!

Jón Valur Jensson, meðlimur flokksstjórnar ÍÞ.


mbl.is Konan í stutta pilsinu yfirheyrð
Tilkynna um óviðeigandi tengingu við frétt

Veðurspáin í Svíþjóð!

Á Twitter er gert grín að múslima­meðvirkni frænda okkar, Svía:

Paul Joseph Watson
The weather forecast in Sweden vs the weather forecast in Iraq.  pic.twitter.com/t870JhVRSU
 

Menn bregðast líka nokkuð á sömu lund við "tíðindunum" ... Mörgum lízt mun betur á Írak! Og einn segir t.d. enga þörf fyrir veðurspá fyrir nóttina í Svíþjóð, "because it´s not safe to go out"!

JVJ.


Brestir komnir í tiltrú sænskra krata á islam sem eðlileg trúarbrögð

Í Kalmar-léni sprakk blaðran hjá sveitar­stjórnar­manni (sjá S-politiker: Islam vill ta över världen), hvað er Svíþjóð eiginlega að gera? spyr hann. 

”Ryktas om att det har givits tillstånd att bygga moské i Karls­krona, smidigt! Bara ge bort vårt land gratis till islam!” - þ.e.a.s.: Því heyrist fleygt, að leyfi hafi verið veitt til að byggja mosku í Karlskrona, í undan­látssemi! Gefum bara burt frá okkur landið ókeypis til islams!"

”Islam vill ta över världen, och vi ska hjälpa dom ta över vårt land eller vad sysslar Sverige med? Galet! Nu räcker det!” [Síðasta setningin gæti merkt: Nú er verið að rétta þeim það!]

En greinilega hefur hann fengið tiltal síðan og breytti þessari Facebókar-færslu.

Det ursprungliga inlägget har nu redigerats och vissa stycken har tagits bort.

SVT Nyheter Småland ringer upp politikern under fredagen.

– Du skrev att islam vill ta över världen, hur menade du då?

– Det är bara något jag hört en gång i tiden, säger politikern.

– Du skrev att vi håller på att hjälpa dem att ta över vårt land. Vad tänkte du på då?

– Titta på det jag har skrivit idag, så blir det inte mer missförstånd. Det är ingen idé att jag försöker förklara mer, det blir bara fler missförstånd, säger politikern.

”Jag skrev i stundens hetta, dumt”

På sin facebooksida har han nu alltså lagt ut ett nytt inlägg:

”Jag var uppretad och skrev i stundens hetta, dumt,” skriver politikern nu.

Han skriver att han tycker att alla människor har samma rättigheter och skyldigheter och att han är för invandring.

”Där vi tar emot en mängd som vi klarar av att integrera på ett bra sätt.”, skriver han.

Og flokksystir hans tekur á málinu:

När SVT Nyheter Småland når Lena Segerberg, som är ordförande för socialdemokraterna i Kalmar län, för en kommentar, säger hon bland annat så här.

– Är man ersättare i kommunfullmäktige har man ett uppdrag och före­träder vårt parti. Då måste man också tänka på hur man uttrycker sig. Annars riskerar man att skada både sig själv och partiet.

Já, menn þurfa að beita sig sjálfsritskoðun, svo að ekki falli nú minnsti efa­semda­skuggi á stefnu sósíal­demókrata og ekkert dragi úr aðstöðu þeirra til að keyra áfram sinn pólitíska rétttrúnað, þótt hann sé farinn að stefna framtíð Svíþjóðar út í fen óvissunnar og virkilegt hættuspil.

En sá fyrstnefndi skrifar nýja færslu, þar sem hann segir: ”Ég er á móti öllum trúarbrögðum, og islam er trúarbrögð sem hræða mig.”

SVT Nyheter Småland frågar vad det är som skrämmer med islam?

– Jag kan inte ta fram några enskilda saker som jag tänker på. Jag har faktiskt aldrig läst Koranen. Det ska jag nog göra, det vore nyttigt, säger politikern.

Dæmi úr sænskri pólitík! Ekki á háu plani í þekkingu þessir Svíar í krata­flokkn­um, en þeir geta ekki endalaust setið á honum stóra sínum gagnvart því sem þeir verða að horfa upp á að sé að gerast í landinu, sem einu sinni var þeirra, en er nú að verða hvers manns vettvangur fyrir stórfelldar þjóðfélags­breytingar sem ógna bæði samstöðu þjóðarinnar (sbr. að hinir róttæku Sví­þjóð­ar­demó­krat­ar eru nú orðnir næststærsti flokkurinn) og gera landið að tilrauna­svæði þar sem áhangendur annarlegra trúarbragða fá tækifæri til skaðlegra áhrifa á mótun bæði ungdómsins og réttinda­stöðu kvenna, fyrir utan hættuna sem fólgin er í 2.000 manna hópi herskárra islamista í landinu! (og höfum þá í huga hryðjuverkið í Stokkhólmi 7. apríl sl., þar sem fimm létust og 15 særðust).

Þarna ofar var talað um líkur á því að moska verði byggð í Karlskrona. En nýjustu fréttir af moskumálum hér í Reykjavík eru þær, að borgarstjórn hafi gefið leyfi til byggingar turns (mínarettu, bæna­turns) við Skógar­hlíðar­moskuna og til stækkunar hússins. Væntanlega mun einhver félagi Íslensku þjóð­fylk­ingarinnar fjalla um þá fráleitu ákvörðun fljótlega hér á síðunni. 

Á með­an er sannarlega vert að lesa nýritaða viðvörun ágætrar háskólakonu um bænaturnana, sem endurbirt er HÉR!

JVJ tók saman.


Viðnám Vesturlanda: Ánægjulegur dóms­úrskurður Mannréttinda­dómstóls Evrópu

Eyjan segir frá því, að bann Belga á búrkum sé löglegt að mati Mann­rétt­inda­dóm­stóls Evrópu. Þetta gefur færi á því á einu sviði að snúa pend­úlnum aðeins í hina áttina, frá islams­væð­ingu Evrópu, sem lin­kind Frakk­lands­forseta býður hins vegar heim eins og margt í stefnu vinstri flokka á Norður­löndunum og víðar. En allt, sem miðar að því að Evrópu­þjóðir láti ekki hafa sig að fíflum, heldur spyrni fæti gegn flóði hælisleitenda og standi með sínum eigin samfé­lags­reglum í stað undirgefni við islam og jafnvel sjaríalög, öll slík viðleitni er af hinu góða.

Í Belgíu höfðu verið sett lög árið 2011 "sem banna búrkur og önnur klæði sem hylja andlit á almannafæri. Í dag komst svo Mann­réttinda­dómstóllinn að þeirri niður­stöðu að bannið bryti ekki í bága við rétt fólks til einkalífs og rétt fólks til trúarskoðana.

Segir í niðurstöðu dómsins, sem greint er frá á vef Independent, að ríkisstjórnin hafi með lögunum verið að bregðast við hefð sem stangaðist á við belgískt samfélag:

Þetta er hefð sem álitin er ósamrýman­leg við belgískt samfélag, við félagsleg samskipti og grundvöll mannlegra samskipta, sem eru ómissandi þáttur í því að lifa í samfélagi og tryggir hlutverk lýðræðislegs samfélags." (Eyjan.is)

Þetta má vera okkur til góðrar fyrirmyndar, eða hver vill þetta ástand hér:

Frá Íran berast þær fréttir, að konur reyni þar í sívaxandi mæli að komast hjá því að bera slæður. Þeim er heimilt að sleppa því í einkarými, og vilja margar láta það ná til bíls síns líka, þar sem þær bera þá slæðuna fremur á öxlum sér en yfir höfðinu. En karl­rembulegir "siðgæðis­verðir" þar reyna daglega að grípa inn í með sektum, gera jafn­vel bif­reiðir slíkra kvenna tíma­bundið upp­tækar, en tekst samt ekki að berja niður frelsisanda kvennanna.

Meðan stjórnvöld hér á Íslandi láta það óátalið, að hér vaxi fyrst og fremst múslima­söfnuðir styrktir ótæpilega af Saudi-aröbum, þá er líklegt að slæðu- og jafnvel búrku-notkun fari vaxandi meðal múslimskra kvenna í landinu. Virðist það ennfremur fatastíll margra þeirra kvenna sem hingað eru komnar frá múslimskum löndum Balkan­skaga. Eru menn jafnvel farnir að rekast á fullklæddar konur í gufuböðum sundlauganna!

Þessi mál þarf að ræða án æsings og af yfirvegun og móta stefnu sem virðir okkar hefðir, án þess að ryðjast inn á svið einkalífsins, og þar er þá dóms­úrskurður Mann­réttinda­dómstóls Evrópu góður til viðmiðs og til leiðsagnar um það, hvað okkur leyfist með ströngum reglum um þessi mál.

Vart þarf að minna á, að í mörgum tilfellum hafa búrku­klæddar konur verið látnar fara með sjálfs­morðs­belti inn á meðal meintra óvina islamista og valdið ómælan­legum hörmungum fyrir fjölda fólks. Við eigum fulla heimtingu á því, að aðrir í samfélaginu komi til dyranna með þeim hætti sem sýnir, hverjir þeir eru, fremur en hitt að leyna því hvern mann þeir hafi að geyma.

Þjóðverjar lærðu sína erfiðu lexíu í þessu efni um helgina þegar grímuklæddir, vinstrisinn­aðir ofbeldismenn gengu hundruðum saman berserksgang gegn lögreglu Hamborgar og gegn eigum borgarbúa. Nú hafa kristilegir demókratar þar frumkvæði að því að herða allar reglur um opinber mótmæli (m.a. með tölvuskráningu öfgamanna og útilokun þeirra frá því að vaða um á milli ríkja í þessum skarðræðis­tilgangi), enda voru 476 særðir lögreglumenn endapunkt­ur­inn á, að andvaralítið "umburðar­lyndi" fái lengur að gilda í slíkum tilfellum.

Jón Valur Jensson.


mbl.is Virða ekki slæðulögin í Íran
Tilkynna um óviðeigandi tengingu við frétt

Frönsk linkind sem engu mun skila nema enn frekari óstjórn

Emm­anu­el Macron Frakk­lands­for­seti hef­ur beðið innan­ríkis­ráðherra sinn, Ger­ard Collomb, "að flýta af­greiðslu hæl­is­um­sókna þannig að yf­ir­völd geti svarað því á inn­an við hálfu ári hverj­ir fái hæli og hverj­ir verði send­ir úr landi."

Þetta er allsendis fráleit "lausn". Á meðan heldur hælis­leit­endum áfram að fjölga og öryggi Vestur­landa að minnka, fyrir utan hvernig velferðar­kerfið er að bresta undan þunganum.

Norðmönnum tekst að koma ólöglegum hælis­leitendum úr landi á tveimur sólarhringum. Einn fárra vakandi sjálfstæðis­manna, Björn Bjarnason, fyrrv. menntamála- og dómsmála­ráðherra, hefur haldið uppi gagnrýni á framkvæmd þessara mála hér á landi og knúð á um að bætt verði úr án tafar. Það eigi ekki að vera okkur ofviða að afgreiða á einni viku þessi mál, sem Norðmönnum nægja 2-3 sólarhringar til að leysa.

En Macron lætur sér nægja hálft ár! Og minnihlutastjórnin íslenzka ræður ekki við þetta á skemmri tíma en allt að einu ári!

En þessi er stefna Íslensku þjóðfylkingarinnar: ÍÞ vill herta innflytjenda­löggjöf og innleiða 48 tíma regluna í málefnum hælisleitenda. Það er ekkert vit í öðru en að setja þá fjármuni, sem til þarf, í lausn þessa vandamáls. Eftir að það hefur verið gert af krafti á einum til tveimur mánuðum, verður eftir­leikurinn auðveldur, og afgreiðslan þarf ekki að taka meira en tvo sólar­hringa. Vilji er allt sem þarf!

Á Útvarpi Sögu er dr. Ólafur Ísleifsson hagfræðingur í ágætu viðtali, þegar þessi orð eru rituð, og hvetur þar til þess, að yfirvöld hér láti senda menn til Noregs til að kynna sér, hvernig Norðmenn leysi þessi verkefni. Það er góð tillaga.

Jón Valur Jensson.


mbl.is Ráku þúsundir hælisleitenda á brott
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband