Færsluflokkur: Spilling í stjórnmálum

Valhallarforystan, í bandi hjá vinstri öfga­mönn­um, vill enn bæta við 85 "flóttamönnum"!

Sjálfstæðisflokkurinn hefur smitazt af vinstri­sýk­inni í "stjórn­ar­sam­starfi" með VG.

Í höfuð­stöðv­um SÞ hafa vinstri menn yfir­tekið og pólit­ícerað stofn­anir eins og Flótta­manna­stofnun, sbr. líka Marrakesh-samn­inginn, sem var ESB þókknan­legur og stjórn­völd hér voru svo léttvæg og skammsýn að samþykkja.

Sýrlendingum í flótta­manna­búðum í Líbanon á fremur að hjálpa til heimflutnings og betra lífs þar en að dreifa þeim um allar jarðir.

Í Kenýa er ekki stríð, og við höfum ekkert að gera með "hinsegin flótta­fólk" þaðan -- jafnvel nú þegar dæmi um áreitni sagðs homma þaðan við konu(r) hér! Það fólk er ekki í neinni lífshættu í Kenýa og vandi þess ekki okkar.

Það er ekkert allsherjar-borgara­stríð lengur í Afganistan og Írak.

Bjarni Ben. hefur ekki aðeins kosið að lúta vilja Vinstri grænna í þessum málum --- ragur og dauð­hræddur líka við "góða fólkið" í Samfylkingu --- heldur er jafnvel Sigríður Á. Andersen farin að tala um "að borgarar allra ríkja ættu að eiga sama rétt og ríkis­borgarar EES, þ.e. að hafa frjálsa för til að sækja vinnu á Íslandi. Þetta þýðir í raun opin landamæri", eins og Jón lögmaður Magn­ússon bendir á í nýrri grein á Mogga­bloggi, og væri þá sigur No Borders-útsendara hér!

Nú er þörf á samein­uðu afli gegn þessum taumlausa innflutningi fólks, sem Ísland hefur ekki efni á að framfleyta, meðan við gerum illa við okkar eigið fátækasta fólk, sjúka og lífeyris­þega, og svo er gert ráð fyrir verulegum halla hér á næstu fjárlögum!

Já, nú er á öðru þörf en útvötnuðum, óþjóðlegum Sjálf­stæðisflokki!

Fréttin um þessa nýju, furðulegu samþykkt ríkisstjórn­arinnar um að "taka á móti 85 einstak­lingum í samstarfi við Flótta­manna­stofnun Sameinuðu þjóðanna" er einnig rædd hér á Eyjunni

Jón Valur Jensson, á sæti í flokksstjórn ÍÞ.


mbl.is Tekið verður á móti 85 flóttamönnum
Tilkynna um óviðeigandi tengingu við frétt

Sundurlyndi vinstri manna birtist víða, meðal annars ...

í gagnrýni Oddnýjar G. Harðard. á Katrínu Jakobsd. á eldhúsdegi Alþingis (sjá tengil).

Guðm. Andri Thorsson segir: "af jarðarinnar hálfu byrja allir dagar fallega," en svo fari mennirnir að böðlast. Skot á Dag B. Egg­erts­son og félaga hans í borgar­stjórn, sem eru á veldi mikillar efnis­hyggju, ofur­skattheimtu og hömlu­lausra ofur­framkvæmda? Allt verður að víkja fyrir sókn þeirra í að leyfa bygg­ingar­aðilum að troða sér alls staðar niður með hótel­bygg­ingar, jafnvel á graf­reit­um gamalla Reykvík­inga, og íbúðablokkir spretta upp á gorkúlu­hraða án þess að vandað sé til verka og án traustra iðnaðar­manna, enda er margt slíkt húsnæði þegar farið að gefa sig.

Svo eru vinstri menn og "umhverfissinnar" almennt farnir að snúa á haus sinni stefnu gagnvart náttúrunni með auðsveipri hlýðni við ESB-miðstýringar-orkumálastefnu sem miðar að meiri gernýtingu vatnsfalla og orkulinda en áður hefur þekkzt, ekki í þágu íslenzks iðnaðar og heimilanna, heldur til að selja slíka orku úr landi, öðrum til gróða og uppbyggingar iðnaðar í öðrum löndum -- áþekkt því að hætta að verka fisk í vandaðar neytendaumbúðir, heldur senda hann í sínu hráasta formi úr landi. En þriðji orku­pakkinn er aðeins ein af fleiri birt­ingar­myndum hins vanhelga sambands "vinstri grænna" og hægri gróðaafla í landstjórninni.

Ögmundur Jónasson, fyrrv. ráðherra Vinstri hreyfingarinnar, græns framboðs, talar nú um þann flokk sem Hreyfinguna, framboð!

Jón Valur Jensson.


mbl.is Oddný skaut fast á Katrínu
Tilkynna um óviðeigandi tengingu við frétt

Geldingaflokkarnir vilja fækka þjóðinni

Alþingismenn vilja almennt, að hér megi gelda menn frá 18 ára aldri (jafnvel suma 16-17 ára, að ráði forráðamanna!), þótt Norðurlöndin hafi allt aðra reglu: að geldingar megi fyrst hefjast á 25 ára einstak­lingum. En geldinga­flokkunum nægir það ekki hér. Þeir virðast sjá það sem ÞJÓÐAR­NAUÐSYN að hér séu sem flestir ófrjóir og að sem fæstir fæðist, því að þeir kusu líka með því, að gelding­arnar séu algerlega ÓKEYPIS!!

Þessir þingmenn vinna ekki í þjóðarþágu, virðast fremur á þeim buxunum að skipta hér um þjóð í landinu, fá bara sem flesta hælis­leitendur í staðinn!!! Á meðan eignast hver hjón hér einungis 1,7 börn, sem nægja alls ekki til að halda okkur við sem þjóð, til þess þarf 2,1 barn á hver hjón/hvert par að meðaltali.

Trúi einhver ekki þessu um stefnu þingmanna í geldinga­málum, þá geta þeir skoðað atkvæðagreiðslurnar á þingi í gær um frumvarp svokallaðs heilbrigð­is­ráðherra um ófrjósemis­aðgerðir.

Það vill svo til, að allir fósturmorðs-þingmenn gærdags­ins eru líka geldingar­stefnu-þingmenn, en það á því miður líka við um ýmsa fóstur­verndar­þingmenn gærdagsins.

Samtals hafa 22.954 verið gerðir hér ófrjóir árin 1981-2017, eins og það sé ekki nóg til að stuðla að fækkun þjóðarinnar! Jafnvel með núgildandi löggjöf (fyrir endanlega samþykkt þessa frum­varps) eru hátt á 7. hundrað Íslendinga geltir á hverju einasta ári! Það sem verra er: Margir eiga eftir að hryggja sinn framtíðar­maka með því að geta aldrei eignazt sitt eigið barn!

Hvers lags þingmenn eru það á Alþingi sem kjósa með báðum þessum mannfækkunarfrumvörpum? Eru þeir of heilagir til að kjósa með áframhaldandi vexti og viðgangi þessarar þjóðar? Kannski innmúraðir í þá "fjölmenningarstefnu", sem margar þjóðir Evrópu eru nú orðnar heldur betur afhuga að fenginni reynslu?

Jón Valur Jensson.


Guðlaugur Þór Þórðarson afhjúpaður vegna blekkinga gagnvart þjóðinni og þingflokki Sjálfstæðiflokks og vegna hagsmunatengsla

Vesalings vængbrotni Guðlaugur Þór! Grátt er hann leik­inn af snilld­ar­leið­ara Stak­steina í dag, mað­ur­inn ber­hátt­aður vegna gervi­fyrir­vara sinna, sem og Þor­steinn Pálsson vegna glæfra­legs hugs­un­ar­háttar síns.

Nánast allsherjar-þjóðarfylgi er komið í ljós með þjóðar­atkvæða­greiðslu um orku­pakka­málið, sama hvað þau streitast öll við, Þórdís Kolbrún, Guðlaugur Þór, Þorgerður Katrín og hlaupa­strákur hennar Þorsteinn Víg­lundsson, sem öll segja þjóðar­atkvæða­greiðslu af og frá!

Þá virðist Guðlaugur ramm-hagsmuna­tengdur við vatns­orku­ríkar jarðir, eða hver er ekki hagsmunatengdur eiginkonu sinni?! Eða nær það bara til Sigmundar Davíðs, ekki til sjálfstæðis­manna (sem einu sinni hétu því nafni, en þurfa að fara að skipta um nafn, með sína óþjóðhollu forystu).

Skoðið þetta allt og fleira í nær­göng­ulli samantekt undir­rit­aðs: ORKU­PAKKA­MÁLIÐ - engar blekkingar, hagsmuna­tengdi GÞÞ, um "fyrirvara", takk! - og fari í þjóðaratkvæðagreiðslu! 

Jón Valur Jensson.


mbl.is „Ber vitni um málefnafátækt“
Tilkynna um óviðeigandi tengingu við frétt

Gulltryggður okurgróði í vaxtamun gefur Landbankanum 10 milljarða í arð

Þetta er óeðlilegt, að ríkis­banki fái að níð­ast hér (ekki í öðrum frjáls­um lönd­um) á al­þýðu­fólki sem er að reyna að eignast þak yfir höfuðið, með áratuga vaxta­pynd og verð­trygg­ingu.

Setjum þessu liði stólinn fyrir dyrnar; verka­lýðs­hreyfingin er byrjuð að reyna það, og hún hefur stuðning flokks okkar til þess.


mbl.is Greiðir 9,9 milljarða í arð
Tilkynna um óviðeigandi tengingu við frétt

Endurmeta þarf lögmæti þess að Dagur B. & Co. sitji áfram að kjötkötlum borgarbúa

Taka ber undir þá kröfu Vigdísar Hauksdóttur, að endur­metið verði lögmæti eður ólögmæti borgar­stjórnar­kosn­inganna sl. vor að lokinni góðri skoðun þeirra og rannsókn.

Svo margt hefur raunar farið úrskeiðis í stjórn borgarinnar og komið upp á yfirborðið síðan í vor (braggamálið o.fl. brotamál gervimeirihlutans), að Dagur B. & Co. eiga pólitíska framtíð sína undir því, að þessar kosningar verði ekki endurteknar, sem þó virðist geta verið það eina rétta í málinu, eftir næsta augljós stjórnsýslubrot Ráðhúsmanna í sambandi við hlutdræg skilaboð send vissum hópum kjósenda rétt fyrir síðustu borgarstjórnar­kosningar.

Það er ekki ónýtt að lögfræðingurinn Vigdís hafi glöggt auga með þessum og öðrum brekum borgarstjórnar-gervimeirihlutans.

JVJ.


mbl.is Skera úr um lögmæti kosninganna
Tilkynna um óviðeigandi tengingu við frétt

Sjálfstæðisflokkurinn er opinbert hneyksli

Það er opinbert hneyksli hve ríkis­starfs­mönnun fjölgar undir stjórnar­for­ystu Sjálf­stæðis­flokksins, um tæpl. 1.600 á 3 árum, 2015-2017, þar af 619 árið 2017!

Það er regin­hneyksli hve flokk­ur­inn hleður undir sjálf­an sig til fram­boðs í kosn­ingum með ýmsum bola­brögðum, ofurstyrkjum til sjálfs sín (hundruðum milljóna), 5%-reglunni, skipt­ingu eins lög­sagnar­umdæmis í tvö kjördæmi og þar fram eftir götunum.

Það er háska­legt hneyksli sem vofir yfir þjóðinni: að þessi Sjálf­stæð­is­flokkur virðist ætla að samþykkja Þriðja orku­pakka Evrópu­sambandsins!

Það er skelfi­legasta hneykslið, að flokkur, sem í eina tíð gaf sig út fyrir að styðja kristin gildi, hefur tekið að sér að boða aukin fjöldadráp á börnum allt fram til þess, er þau eru komin svo langt í meðgöngu, að mörg slík hafa lifað það af að fæðast! (á þá stað­reynd benti jafnvel Siðfræðistofnun í áliti sínu í fyrradag). Já, það er hneyksli að þessi flokkur virðir ekki mannslífið í móðurlífi og er þá frekar reiðubúinn að auka kvöl ófæddra (sem komin eru með fullt sársaukaskyn 20 vikna) til loka 22. viku meðgöngu!

Þessi forsmán þarf senn að leggja niður völd: andkristið forystulið Sjálfstæðisflokksins.

Jón Valur Jensson.


mbl.is Ríkisstarfsmönnum fjölgaði frá 2015
Tilkynna um óviðeigandi tengingu við frétt

EINN stjórnmálaflokkur sýnir ábyrgð gagnvart þjóðinni vegna þjóðflutningasamnings SÞ!

Íslenska þjóðfylkingin lýsir því yfir, að hún hafnar algerlega þeim SÞ-fólks­flutninga­sáttmála, sem mörgum ríkjum heims er ætlað að stað­festa nk. mánudag 10. des. í Mar­okkó. Ríkis­stjórn­in hef­ur al­ger­lega van­rækt að láta þýða og birta sátt­málann, þótt legið hafi fyrir í tvö ár, og ekkert gert til að kynna hann, fremur beitt þar þöggun!

Sáttmáli þessi hefur það meginmarkmið að koma á fót og tryggja stöðuga og samfellda fólksflutninga (regular migration) landa á milli og miðar öðru fremur að því að fjölga stórlega íbúum Evrópu, að því er virðist í margra tugmilljóna tali á hverjum áratug. Samþykkt sáttmálans er ekki sögð lagalega bind­andi, en yrði þó pólitískt bind­andi, rétt eins og Mannréttindasáttmáli SÞ 1948 reyndist verða. En hér er um gerólíkan sáttmála að ræða, full­veld­is­skerðandi fyrir þau lönd sem skrifa upp á hann, m.a. um landa­mæravörslu, og í reynd stórhættu­legan þjóð­ríkinu sem slíku, þjóð­tungunni, eftir því sem aðflutt­um fjölgar, menningu og velferðar­kerfi, sem mundi sligast undan álaginu. ÍÞ skorar á ríkis­stjórnina að skrifa ekki undir og heitir á forseta Íslands að hafna því að staðfesta samninginn.

Mörg mikilvæg ríki afneita því með öllu að staðfesta sáttmál­ann, þ.á m. Austurríki, Ástralía, Bandaríkin, Danmörk, Eistland, Ítalía, Pólland, Sviss og Tékkland. Mörg ákvæði hans eru afar íþyngjandi fyrir viðkom­andi þjóðríki, en auka stórlega réttindi aðkomufólks. Þar á meðal má nefna "Markmið 4, aðgerð f" sem felur í sér, að þótt ekki sé vitað, af hvaða þjóðerni farand­fólkið (migrants) sé, þá eigi það ekki að koma í veg fyrir, að það fái landvist, og í Markm. 11 (f) er gert skylt að meðtaka ólöglega innflytjendur; staðhæf­ingu um "mismunun" megi nota til að mæla með hverjum þeim sem flytjast vill inn í land. Markm.16 (c) tryggir fjölskyldu­sameiningu viðkomandi og þar með margföldun innflytjenda sem tengjast honum. Markm.17/33 kveður á um að engin gagnrýnis­hugsun leyfist gagnvart framkomu innflytjenda (migrants, far­enda), gagnrýni (criticism) er stranglega fordæmd. Markm.17 (a) beinist gegn frjálsri tjáningu og innflytj­endur sjálfkrafa taldir saklausir og fórnarlömb. Markm.17 (c) felur í sér stjórn fjölmiðla og ritskoðun, fjölmiðlar verði að lýsa innflutningi fólks jákvætt, en þeir, sem geri það ekki, verði sviptir öllum stuðningi og fjár­fram­lögum. Eitt ágeng­asta ákvæðið, Markm.17 (g), kveður á um að í allri kosninga­baráttu (til þings og sveitar­stjórna) beri að styðja við innflutning fólks. Í Markmiðum 7 (a & b), 15 (e) og 20 (i) eru svo sérstök ákvæði til að tryggja stöðu islamssiðar og sjaríareglna!

Þetta er á engan hátt sáttmáli sem miðast við velferð og öryggi Íslendinga eða réttmæta þjóðarhagsmuni okkar, einungis hag og meintan rétt aðfluttra. Aðförin að tjáningar­frelsinu er kapítuli út af fyrir sig og hverjum þingmanni til minnkunar sem samþykkir þennan kröfuharða sáttmála. En verður hann borinn undir atkvæði alþingismanna? Okkur er ekki einu sinni lofað því! Að engu er slíkur sáttmáli hafandi, segjum við í stjórn Íslensku þjóðfylking­arinnar.

Þessi lengri gerð af samþykkt stjórnar Íslensku þjóðfylk­ingar­innar er send öllum alþingis­mönnum o.fl. aðilum, en styttri gerð hefur verið send öllum helztu fjölmiðlum í dag.


mbl.is Ísland tekur þátt í alþjóðasamþykkt um farendur
Tilkynna um óviðeigandi tengingu við frétt

Engan fullveldisskerðandi og þjóðskemmandi SÞ-fólksflutningapakka hingað!

Á vef Útvarps Sögu -- utvarpsaga.is -- er nú spurt: "Á Ísland að skrifa undir Mar­okkó­yfir­lýs­inguna?" Tökum þátt og mót­mælum með því áformum full­veld­is-svíkj­andi pólitík­usa, því að með undir­skrift SÞ-fólks­flutn­inga-sáttmálans (sem margar þjóðir hafna*) myndu þeir opna hér allar gáttir á inn­flyjenda­flóð úr Asíu og Afríku á næstu árum!

Þjóðtungan, velferðar­kerfið og þjóðríkið eru hér í beinni, yfir­vof­andi hættu, verði þetta lið ekki stöðvað.

Arnþrúður á Útvarpi Sögu var að greina frá því (samkvæmt upp­lýsingum úr ráðuneytinu), að utanríkis­ráðherra hafi ákveðið að senda ráðu­neytis­stjóra til Marokkó vegna undirskrifta­fundarins (hallelúja­samkomu fjöl­menningar­hyggjunnar) í Marokkó 10. þessa mánaðar!!!

Sjálfstæðismenn, standið undir nafni og mótmælið við þingmenn ykkar og Valhöll með skæða­drífu netbréfa og hringinga. Það sama ættu allir árvakrir kjósendur að gera gagnvart þingmönnum sínum. HÉR er hægt að komast í netföng þeirra og símanúmer!

Og málið er enn alvarlegra en hér er komið fram, fyrir sjálft málfrelsi landsmanna!

Nánar verður fjallað um þetta mál hér e.h. á laugardag.

* Meðal ríkja, sem hafna þessum Sameinuðu þjóða-fólks­flutn­inga-sáttmála, eru Ástralía, Austurríki, Bandaríkin, Búlgaría, Eistland, Ísrael, Króatía, Pólland, Slóvakía, Sviss, Tékkland, Ungverjaland. Önnur ríki, t.d. Danmörk og Noregur, munu ekki skrifa undir nema með alvarlegum fyrir­vörum til að tryggja rétt sinn. Ítalía mun trúlega fresta ákvörðun um málið, enda er það víðast hvar lítt eða ekki rætt meðal þjóða, t.d. meðal Þjóðverja. Í Þýzkalandi, eins og víðar, m.a. hér á Íslandi, hafa stjórnmálamenn, fjölmiðlar og flestir álitsgjafar haldið uppi markvissri þöggun um málið!

Jón Valur Jensson (á sæti í flokksstjórn ÍÞ).


Er einhver lífsverndarsinnaður flokkur til á landi hér? Já!

Starfsfólk kvennadeildar Lsp komst upp með að brjóta lög, sem því var skylt að gæta, og vill nú jafnvel ganga enn lengra!

M.a.s. úrskurðar­nefndin fór ekki að lögum, leyfði fóstureyð­ingar eftir lok 16. viku af félagslegum ástæðum; afleið­ingin: ekki ein einasta synjun árið 2017!

Þvílíkan skrípaleik og óvirðingu við jafnvel litlar lagatakmarkanir ástundar þetta sjálfræðislið, svo að minnir á sjálfstýriapparat vinstri manna í Efstaleiti sem brýtur eigin lögbundnu hlutleysisskyldur í hverri viku.

Af hverju bendir enginn á að keisarinn er í engu? Af hræðslugæðum, af meðvirkri feimni eða ábyrgðar­lausu skeytingarleysi?

"Með lögum skal land byggja, en með ólögum eyða." Með lögbrotum hafa félagsráðgjafar á kvennadeild og aðrir starfsmenn þar verið að eyða saklausum mannslífum árum og áratugum saman. Þegar jafnvel þau hafa ekki þorað út fyrir 16 vikna lagamörkin um félagslegur forsendurnar, tekur svo úrskurðar­nefndin að sér að brjóta þau lög!!

Víkja ber þeirri úrskurðarnefnd frá án tafar.

En nú færist skörin upp á bekkinn, því að virkustu aðilar við fóstureyðinga-færiband Landspítalans, þ.m.t. við mjög þroskuð fóstur, krefjast nú opins skotleyfis síns á ÖLL fóstur til loka 22. viku meðgöngu, þ.e. að þetta verði fært í lög sem "sjálfsákvörðunarréttur" mæðra, og þurfi ekki að nefna neina ástæðu til!

En  stefna Íslensku þjóðfylkingarinnar er alveg á hreinu í þessu máli. Hér er ályktun flokksþings okkar vorið 2017:

Ófædd börn eiga rétt til lífsins. Flokkurinn tekur einarða afstöðu gegn nýfram­komnum hugmyndum um róttækar breyt­ingar á fóstur­eyðinga­löggjöf­inni og mun taka á þessum málum með það að mark­miði að draga sem mest úr fóstureyðingum.

Íslenska þjóðfylkingin er EINI stjórnmála­flokkurinn sem boðað hefur þessa stefnu, síðan Borgaraflokkur Alberts Guðmunds­sonar og félaga hans leið undir lok, sjá næstu grein hér á undan.

En þótt Agnes biskup þegi yfir vansæmd fyrirhugaðrar löggjafar og Bjarni fjármálaráðherra reynist eins og meðvirk rola í málinu, þá sjást og heyrast þess víða merki, að fólki (og ekki sízt kvenfólki)  er gersamlega misboðið yfir grófri stefnu viðkomandi spítalastarfsmanna og heilbrigðisráðherra, Svandísar, í þessu máli, með stefnu á víðtækt drápsleyfi allt upp í nær fimm og hálfs mánaðar gamalla fóstra!

Séu líkur á að Alþingi samþykki þessa svívirðu, þarf þjóðin að skora á forsetann að neita að undirrita slík ólög, en vísa málinu í þjóðaratkvæði.

Jón Valur Jensson. Höf. á sæti í flokksstjórn ÍÞ.


mbl.is Engum fóstureyðingum synjað í fyrra
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband