Bloggfærslur mánaðarins, mars 2017

Áformuðu hryðjuverk í Feneyjum - o.fl. af sama toga, jafnvel skammt undan ...

"Ítalska lögreglan handtók í nótt þrjá menn, sem grunaðir eru um að hafa lagt á ráðin um hryðjuverk í Feneyjum. Upplýsingar höfðu borist um að þeir ætluðu að sprengja upp Rialto-brúna, eitt þekktasta kennileiti borgarinnar. Þremenn­ing­arnir eru frá..."

Þannig hefst frétt á aðalsíðu RÚV, og þegar smellt er áfram inn í fréttina alla, kemur væntanlega engum á óvart, að framhaldið er með þessum hætti:

"Þremenningarnir eru frá Kósovó [sem er múslimskt land]. Einn til viðbótar er í haldi vegna málsins. Sá er undir lögaldri. Fylgst hafði verið með Kósovó­mönnunum um tíma. Meðal annars voru símar þeirra hleraðir. Fjölmiðlar á Ítalíu hafa eftir saksóknara sem hefur mál mannanna til meðferðar að einn mannanna hefði sagt í símtali að með því að sprengja Rialto-brúna í loft upp með fjölda vantrúaðra á kæmust þeir beinustu leið til himna. Lögreglusveitir sem berjast gegn mafíunni og hryðjuverkamönnum stóðu sameiginlega að handtöku mannanna. Húsleit var gerð á tólf stöðum í miðborg Feneyja í tengslum við rannsókn málsins.

Rialto-brúin er sú elsta af fjórum sem liggja yfir aðalsíki Feneyja, Canal Grande. Um hana fer jafnan fjöldi ferðafólks frá morgni til kvölds." Tilvitnun lýkur. (Áformuðu hryðjuverk í Feneyjum)

Frá Skandinavíu berast svo aðrar fregnir: af ungri, danskri konu sem "sit­ur í gæslu­v­arðhaldi í Kaup­manna­höfn fyr­ir að hafa ætlað að ferðast til Sýr­lands og ganga til liðs við hryðju­verka­sam­tök­in Ríki íslams. Tveir fé­lag­ar henn­ar, 18 og 19 ára, eru einnig í haldi," segir þar, en fréttin (ný) endar svo, á Mbl.is:

Um það bil þriðjung­ur þeirra Dana sem hef­ur farið til Sýr­lands eða Íraks til þess að berj­ast með Ríki íslams eru kon­ur. Frá ár­inu 2012 hef­ur danska ör­ygg­is­lög­regl­an, PET, fengið upp­lýs­ing­ar um 145 Dani sem hafa farið til Íraks eða Sýr­lands til þess að berj­ast með Ríki íslams.

Frétt DR

Þessir atburðir halda áfram og eru flestir í tengslum við öfgaislamista. Það er ein ástæðan fyrir því, að frændur okkar á Norðurlöndum hafa á síðustu misser­um verið að endurskoða róttækt afstöðuna til mikils innflutnings múslima og yfirhöfuð til viðamikils starfs islamskra trúfélaga, en þar hefur sitthvað grugg­ugt og beinlínis ískyggilegt komið í ljós, þegar farið var inn í moskurnar með falda myndavél (bæði í Danmörku og Englandi).

Jón Valur Jensson.


mbl.is Ætlaði að ganga til liðs við Ríki íslams
Tilkynna um óviðeigandi tengingu við frétt

Rógburður ESB-innlimunarsinna gegn krónunni stenzt ekki

Aðeins fjögur ríki eru með krónu­gjaldmiðil, en sú íslenzka er þeirra sterk­ust: hef­ur frá ár­inu 2013 styrkzt um 15-45% gagn­vart helztu gjald­miðl­um, er þar með "sú sterk­asta í heimi" að sögn grein­ing­ar­deild­ar Ari­on-banka. Þá hafi einnig verið lítið flökt á krón­unni.

Grein­ing­ar­deild Ari­on banka gerði sam­an­b­urð á gengi krón­unn­ar eft­ir hrun á Íslandi og annarra gjald­miðla eft­ir krepp­una á Norður­lönd­um 1991 til að meta hvort geng­isþró­un­in væri svipuð eft­ir fjár­mála­áföll. Svo er ekki. Raun­gengið hef­ur styrkst mun hraðar á Íslandi en það gerði á Norður­lönd­um. Á tíu ára tíma­bili hélst raun­gengið á Norður­lönd­um um 10% til 20% veik­ara en það var fyr­ir banka­kreppu. Íslenska krón­an er hins veg­ar kom­in 6% yfir sögu­legt meðaltal. (Mbl.is)

Mikill andróður var lengi vel gegn krónunni, að hún væri "svo veik", einmitt þegar sveigjanleiki hennar var lykilatriði til að verjast í eftirköstum banka­krepp­unnar og ná að styrkja á ný útflutnings­atvinnuvegi okkar og leggja grunninn að marg­föld­uðum vexti í ferðaþjónustu. 

En nú er sterk króna orðin staðreynd og mun draga úr uppgangi ferðaþjón­ust­unnar og  hægja á fjölg­un ferðamanna að mati greiningardeildarinnar, en það virðist undirrituðum þó ásættanlegt, við þurfum að gera svo margt til að bæta hér aðstæður, vegakerfið, þjónustu og aðgengi ferðamanna að mörgum helztu stöðum, þ.m.t. þeim sem þeir hafa fæstir upplifað ennþá. Við þurfum að taka okkur tíma í þessa upp­byggingu og vanda hér allar aðstæður, en ekki óttast, að hinn sífelldi vöxtur haldi ekki áfram, því að betra er að fá auðugri ferða­menn en gífur­legan fjölda annarra sem valda of miklum ágangi á við­kvæmum náttúruperlum.

Svo eigum við ekki að láta ESB-sinnana um það að endurútgefa rógsherferð sína gegn krónunni með nýjum formerkjum. Hún bjargaði okkur í endurreisn efnahagslífsins, ólíkt hinni hrapallegu leið Íra í bandi hjá ESB og í dýrkeyptri þjónkan við Evrópska seðlabankann!

Evran hefur hins vegar brugðizt heilu stórþjóðunum innan Evrópusambandsins: Spánverjum og Ítölum, að ógleymdum Grikkjum og Portúgölum. Þess vegna er það svo innilega vitlaust hjá hinni ágætu ESB-konu Þorgerði Katrínu Gunnars­dóttur, þegar hún lætur hafa eftir sér á Eyjunni, að "við hljótum öll að sjá að það gengur ekki lengur að vera með íslenzka krónu." Hún á að passa sig á því að tala ekki svona fyrir hönd annarra, því að stórum hluta Íslendinga er vel ljóst, að íslenzka krónan er engin þjóðar­skömm, heldur partur af okkar sjálf­stæði (t.d. frá vitlausri hagstjórn hins nefnda Evrópubanka) og hefur reynzt betur en ráð úrtölu­mannanna og reyndar framar björtustu vonum.

Jón Valur Jensson.


mbl.is Sterkasta og stöðugasta króna heims
Tilkynna um óviðeigandi tengingu við frétt

Svikastjórnina frá!

Ríkisstjórn með minnihl.fylgi hangir inni á einu atkvæði eftir feluleiks-svik BB við kjósendur í haust,* vill þó einkavæða á fullu! Viðreisn vill 20% geng­is­fell­ingu, flokkur með 3,1% fylgi!

Hvað halda þessir menn að þeir séu? Hverjum eiga þeir að þjóna? SA og SI eða þjóðinni? Og af hverju lækka þeir ekki vextina strax? Er það af því að þeir vilja koma óorði á okkar vel hæfu krónu, í þeirri ljótu von sinni að geta narrað þjóð­ina inn í það stórríki sem þeir hafa svarið hollustu sína, Evrópusambandið?

Út af með þessa menn af vellinum! Nýjar kosningar strax í vor, áður en þessar boðflennur hafa gert af sér meiri óskunda!

* Sbr. Þorvald Gylfason prófessor í Fréttablaðinu 23. febr. sl.: "þeir hafa eins atkvæðis meirihluta á Alþingi og það í krafti stolinna kosninga."

Jón Valur Jensson.


Vefsíða eina flokksins sem þorir að undirbúa framtíðina og taka af snerpu á málum! Framboð tilkynnt. Ríkisstjórnin á nástrái ...

Farið á áhugaverða vefsíðu (þá nýrri) hjá Íslensku þjóðfylkingunni sem heldur landsfund sinn næsta sunnudag. Sjá x-e.is. Auk góðra uppl. um stefnuna er þar strax hafinn undirbún­ingur næstu alþingiskosninga, menn geta byrjað að safna meðmælendum á eyðublöð sem þar má prenta út. Hangir ekki núverandi ríkisstjórn á nástrái hvort sem er?!

Auk fundarboðs til landsfundar eru frambjóðendur til leiðandi starfa innan flokksins kynnt þar. Helgi Helgason, fyrsti formaður okkar, hefur tilkynnt, að hann vilji hætta störfum, en berjast áfram með okkur "í fótgöngu­liðinu". Fjórir bjóða sig fram til formennsku og fjórir til varaformanns. Ritari verður sem áður skipaður af flokks­stjórn og einnig gjaldkeri, væntanlega skv. endur­skoðuðum lögum flokksins (hugsanlegar lagabreytingar verða fyrsta verkefni landsfundar). Þá bjóða 15 manns sig fram til flokksstjórnar, þar á meðal núverandi formaður. Allir eru þessir frambjóðendur nafngreindir á vefsíðunni x-e.is.

Við stefnum á öflugan og orku­gefandi landsfund á sunnudaginn og hvikum hvergi frá okkar þjóðhollu stefnumálum sem flestir aðrir flokkar eru ýmist tregir til að taka á í sínum stefnuskrám eða springa jafnan á limminu þegar til kastanna kemur. Það á t.d. við um skattalækkanir, fyrirheiti um hækkun per­sónuafsláttar, afnám okurvaxta á íbúðalán, fjárveitingar til bráð­nauðsynlegra þyrlu­kaupa Land­helgis­gæslunnar og margt fleira. Svo eru það þau mál líka sem við Þjóðfylkingarmenn einir þorum að nefna á nafn, eins og að segja upp Schengen- og EES-samn­ingunum og að afnema eða a.m.k. endurskoða frá grunni nýju útlendingalögin, þar sem ekki er horft til framtíðarhags þess fólks sem byggir þetta land.

Jón Valur Jensson.


Marine Le Pen - flottur upprennandi þjóðarleiðtogi?

Marine Le Pen er farin að sýna á sér þjóðhöfðingjasnið, með heimsókn sinni í Kremlarhöll til Valdimírs Pútín, þótt rangt sé að taka það sem beinan stuðn­ing hans við hana; hann undir­strikar að þar sé oft tekið á móti stjórn­ar­and­stöðu­mönnum frá ýmsum löndum. En eftir fundinn með Pútín hvatti frú Marine til þess að bundinn yrði endi á efnahagslegar refsi­aðgerðir Evrópu­sambandsins og Bandaríkjanna gegn Rússlandi. Fyrri umferð forseta­kosn­ing­anna í Frakklandi fer fram 7. apríl nk. Og það er nánast hnífjafnt milli Le Pen og helzta keppinautar hennar, Macrons. Meira af því seinna.

Einhver gæti haldið Íslensku þjóðfylkinguna augljós systursamtök hinnar frönsku Þjóðfylkingar (Front national) frú Le Pen, en það er ekki rétt, og enskt nafn okkar er The National Icelandic Alliance, ekki National Front. Með því er líka vísvitandi sneitt hjá öllum hernaðar- eða vígalegum hugrenninga­tengslum orðsins "front"! Við viljum fylkja fólki saman um sjálfstæði lands og þjóðar.

En við í ÍÞ erum mjög ánægð með það, að frú Marine gerði alla rasista og fasista brottræka úr flokknum,* rétt eins og Svíþjóðardemókratar gerðu það sama við of róttæk ungmennasamtök sín árið 2015.** Við söfnum ekki ruslara­lýð í Íslensku þjóðfylkinguna, heldur sönnum þjóðarvinum og baráttufólki fyrir réttlátum kjörum alþýðu.

* Hún losaði sig jafnvel við sinn eigin föður úr flokknum vegna ofurróttækni hans! En rammhlutdrægur "fréttamaður" RÚV, Kári Gylfason, var rétt í þessu að lýsa Marine Le Pen sem "þjóðernis­popúlista [sem] þykir hafa öfgafull viðhorf" og eitt af þeim kaus hann svo greinilega að nefna í næsta orði: að hún vilji úrsögn Frakklands úr Evrópusambandinu! En eru það öfgar?!

** Í framhjáhlaupi má geta þess, að skv. nýjustu skoðanakönnun Dagens Ny­heter og sænska sjónvarpsins eru Svíþjóðar­demókratar orðnir næststærsti flokkur landsins, komnir yfir Hægri flokkinn (18%) með heil 19,2%. Svíþjóðar­demókratar stofnuðu sinn flokk 1988, en náðu ekki inn á þing (yfir 4% múrinn) fyrr en 2010. --Já, þjóðlegum flokkum í Evrópu vex hratt fiskur um hrygg á síðustu árum vegna óábyrgrar innflytjendastefnu þýzkra, norrænna og niður­lenzkra krataflokka og annarra meðvirkra flokka sem hanga gjarnan í pilsfaldi Evrópusambandsins.

Jón Valur Jensson.


mbl.is Pútín fundar með Le Pen
Tilkynna um óviðeigandi tengingu við frétt

Donald Trump yngri gagnrýnir Sadiq Khan, borgarstjóra Lundúna, vegna ummæla hans um hryðjuverkaárásir sem nánast normal þátt í borgarlífi

Hér um vísast til pistils sem birtur var á þessu bloggi í dag. Umræðan þar var áhuga­verð um sumt, eins og hrika­leg hryðju­verk öfga­islamista í Bret­landi. Þeim mun hneyksl­an­legri eru ummæli þessa borgar­stjóra, en eitt er víst, að ekki veldur hann islamistum vonbrigðum með þessum þægðarlegu orðum sínum; menn geta svo velt því fyrir sér, hvort hann er meðvirkur með hatursöflum meðal róttækustu fylgismanna Múhameðs.

En skoðið þetta, þið sem misstuð af þeirri umræðu: Múslimskur borgarstjóri Lundúna talar um hryðju­verkaárásir sem nánast eðlilegan þátt í borgarlífi!

Jón Valur Jensson.


Múslimskur borgarstjóri Lundúna talar um hryðju­verkaárásir sem nánast eðlilegan þátt í borgarlífi!

Sigurlaug Oddný Björnsdóttir, ritari ÍÞ, skrifar á Facebók: 

Sonur Donalds Trump á ekki orð yfir múslima-borg­ar­stjór­ann í London sem sagði að hryðju­verk væru eðli­legur hluti þess að búa í stórborg.* Gaman að hafa svona borg­ar­stjóra – jú jú, þið verðið bara að taka dauða ykkar með stórmennsku, hryðju­verka­menn­irnir þurfa sitt rými. Vá hvað mað­ur­inn er sannur múslimi. Sonur Trumps sagði: "Are you kidding me?" Er nema von að hann spyrji ... Sjá nánar: Donald Trump Jnr attacks Sadiq Khan over mayor´s ´terror attacks part of city life quote´.

Trump Sadiq Khan terror London

* Sadiq Khan, borgarstjóri Lundúna, sagði að "terror attacks" væru "part and parcel of living in a city." Hugtakaparið "part and parcel" er notað um eitthvað sem er nánast órjúfanlegur þáttur í eða partur af einhverju. Ensk-íslensk orða­bók Arnar og Örlygs, s. 745a, þýðir þetta svona: "aðalatriði, kjarni (e-s)".


mbl.is Fimm látnir og 40 særðir í London
Tilkynna um óviðeigandi tengingu við frétt

ESB vill bolast áfram með harðri valdbeitingu gegn Bretum vegna Brexit

Frétta­vef­ur Guar­di­an seg­ir ráðamenn ESB hafa varað ea­syJet, Ry­ana­ir og Brit­ish Airways við að flug­fé­lög­in þurfi að flytja höfuðstöðvar sín­ar og selja hluta­bréf til rík­is­borg­ara ESB svo ekki verði breyt­ing­ar á flug­leiðum þeirra. (Mbl.is)

Þannig er þá brezk­um flug­fé­lög­um ráðlagt að flytja höfuðstöðvar sín­ar til ríkja ESB fyr­ir út­göngu Bret­lands úr Evr­ópu­sam­band­inu, vilji þau halda flug­leiðum sín­um inn­an ESB óbreytt­um eft­ir út­göng­una, skv. sömu frétt. 

Guar­di­an seg­ir stjórn­end­ur stærstu flug­fé­lag­ana hafa verið minnta á lokuðum fund­um með ráðamönn­um ESB, að til þess að halda áfram flug­leiðum inn­an ríkja ESB, t.d. á milli Mílanó og Par­ís­ar – þá verði um­fangs­mik­ill hluti starf­semi þeirra að vera inn­an ESB og að meiri­hluti hluta­bréfa verði sömu­leiðis að vera í eigu rík­is­borg­ara ESB. (Mbl.is)

Hér er í raun verið að knýja Breta til að svara í sömu mynt. Í stað þess að vera það rómaða fríverzlunarsamband, sem ESB-menn geipa af, vilja þeir í raun hefja viðskiptastríð við Stóra-Bretland, kannski til að svala hefnigirni, kannski í þeirri von, að þeir geti svínbeygt brezka ljónið.

Aðeins nokkr­ir dag­ar eru nú þar til Th­eresa May, for­sæt­is­ráðherra Bret­lands, hyggst virkja 50. grein Lissa­bon sátt­mál­ans og hefja þar með form­lega út­göngu Breta úr ESB. Guar­di­an seg­ir þá ákvörðun auka á lík­ur þess að flug­fé­lög­in verði við kröf­um ESB og end­ur­skipu­leggi starf­semi sína, sem að öll­um lík­ind­um hafi efna­hags­leg­ar af­leiðing­ar fyr­ir Bret­land, m.a. með fækk­un starfa. (Mbl.is)

Ja, hér er álit Guar­di­ans á framhaldinu:

Guardian tel­ur að bú­ast megi við að bresk stjórn­völd sína sam­bæri­lega óbil­girni og að lík­legt sé að þau setji sín­ar eig­in regl­ur sem muni gera evr­ópsk­um flug­fé­lög­um erfiðara um vik að stunda starf­semi í Bretlandi.

Friðarspillirinn ESB heldur áfram að vera sjálfgum sér til skammar. Gagnvart Íslendingum hefur þetta bandalag margbrot á okkur lög og rétt, bæði í Icesave-málinu og makrílveiðimálunum. Engin furða, að allir íslenzkir stjórnmálaflokkar með snefil af sjálfsvirðingu hafna "ESB-aðild", en því miður eru þeir allt of fáir, sem sýna þá einurð, þá þjóðhollustu. Einarðasti flokkurinn í ESB-andstöðunni er einmitt Íslenska þjóðfylkingin.

Grein sérfræðings: Independent Iceland teaches a great deal, fær mikinn uppslátt í Sunday Times um síðustu helgi og sýnir svo með óefanlegum hætti, að Ísland hafði allan hag af því að vera utan ESB í bankakreppunni, en Írland allan skaða af því (og hann ekki lítinn) að vera þá í þessu valdfreka ríkja­bandalagi. Leiðtogar landsins hlustuðu illu heilli á þau ráð Trichets, bankastjóra Evrópska seðlabankans, að írsk stjórnvöld yrðu að koma í veg fyr­ir að bank­ar færu í þrot, en til þess varði írska ríkið 65 millj­örðum evra (rúm­lega 7.700 millj­örðum króna) af skatt­fé almennings! Stór hluti þess fjár­magns hafi endað í vös­um kröfu­hafa bank­anna, segir í Sunday Times-greininni. 

Ekki verður sú grein til þess að draga úr vilja Breta til að varðveita sem bezt sjálfstæði sitt! Sjá nánar hér á Fullveldisvaktinni: Írland og Ísland: Fengum að heyra það: Við fórum leiðina réttu, einmitt ekki írsku hrakfalla­leiðina!

Jón Valur Jensson.


mbl.is Bresk flugfélög flytji til ESB vegna Brexit
Tilkynna um óviðeigandi tengingu við frétt

Allt við það sama í gervifrétta­burði Rúv og þöggunar­starfsemi fréttastofunnar

Fréttastofa Rúv virðist ekki hafa haft trausta heimild fyrir því að Trump hafi neitað að taka í hönd Angelu Merkel.* Samt var hamazt í því máli á Rúv nokkra daga! Hitt þegir Rúv um endalaust, að sænskir þingmenn sósíal­demókrata sýna Svíþjóðar­demókrötum ís­kalt við­mót og hafa frá fyrsta degi þeirra á þingi árið 2010 neitað að heilsa þeim, jafnvel þótt þeir síðarnefndu bjóði fram höndina! Þetta er ekki bara nokkurra andartaka ástand í Ríkis­deginum, eins og í Hvíta húsinu, heldur gengur það þannig áfram ár eftir ár eftir ár!

En kannski eru sósíaldemókratar, sér­stak­lega sænskir, undan­þegnir þeim kurt­eisis­reglum sem Rúv hefur búið sér til þegar horft er í vesturátt úr Efstaleiti.

Fréttastofa Rúv er vel að merkja jafnan valkvæm í ÞÖGGUN sinni ekkert síður en í GERVIFRÉTTUM sínum - tíðindalaust sem sé af þeim vettvangi!

* Sbr. fréttartengil Mbl.is hér neðar.

Jón Valur Jensson.

PS. Íslenska þjóðfylkingin hefur, vel að merkja, engin formleg tengsl við Sví­þjóð­ar­demó­krata, en saga þeirra er áhuga­verð. Flokk­urinn var stofnaður árið 1988, en tókst ekki að rjúfa 4% múrinn til að komast inn á þjóðþingið (Riks­dagen) fyrr en í kosn­ingunum 2010, eftir 22 ára utan­þingslíf flokksins. En árangur hans síðan þá er óumdeilanlegur: Svíþjóðar­demó­kratar hafa nú 49 af hinum 349 þing­mönnum á Ríkisdeginum.

Einn mikilvægur áfangi Svíþjóðar­demó­krata var sá að reka ungliða­deildina úr flokknum árið 2015 vegna ásakana um rasisma og tengsla við öfgahópa.

(Aths. JVJ.)


mbl.is Neitaði ekki að taka í hönd Merkel
Tilkynna um óviðeigandi tengingu við frétt

Vegna landsfundar Íslensku þjóðfylkingarinnar 2. apríl nk.

Síðasti dagur til að skrá sig í Íslensku þjóðfylkinguna fyrir landsfundinn er í dag, sunnudaginn 19. mars 2017. Hægt er að skrá sig í flokkinn á heimasíðu hans:  http://www.x-e.is

Greiðið í gegnum heimabankann ykkar í dag eða til miðnættis.

Árgjaldið er 3000 kr. og er hægt að greiða inn á reikning flokksins: 1161-26-4202, kt. 420216-0330.

http://thjodhollpolitik.blogspot.se/

Baldur Bjarnason, Gautaborg.


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband