Bloggfærslur mánaðarins, júní 2017

Ítalir hóta að loka hafinu fyrir hælisleitendum

Ósjálfbær upplausn ríkir víðar en í Venez­úela. Ítalir, sem fá flesta flótta­menn­ina frá Líbýu (73.000 það sem af er ári, 14% aukn­ing frá í fyrra), fá ónógan stuðn­ing frá öðrum ESB-ríkjum. En þetta fólk á far­alds­fæti er frá Afr­íku, Ar­ab­íu­skaga, Egyptalandi, Sýr­landi og jafnvel Bangla­desh. "Marg­ir flýja stríð, fá­tækt og of­sókn­ir, og lok­an­ir á leiðum gegn­um Balk­anskag­ann hafa aukið streymi til lands­ins" (Mbl.is), en augljóst er, að hér er einnig um efnahags­flóttamenn að ræða, sbr. ýmsa hælisleitendur hér!

Ítalska strand­gæsl­an er stór­tæk í björg­un­araðgerðum á hafsvæðinu, en mörg skip­anna sigla und­ir öðrum Evr­ópuf­án­um. Heim­ild­armaður frétta­stofu Reu­ters sagði að hug­mynd­ir væru uppi um að hindra er­lend skip sem væru á veg­um annarra en ít­alskra stjórn­valda. Það er hins veg­ar enn óljóst hvort slík­ar aðgerðir séu ólög­leg­ar eða ekki. (Mbl.is)

Hlutirnir gerast ekki í tómarúmi, heldur mótast af aðstæðum á Ítalíu sjálfri. Þjóðin er farin að hallast frá hinni opnu stefnu í inn­flytj­enda- og flótta­manna­mál­um, og þá er ekki lengur grundvöllur fyrir ráðandi flokka til að loka augunum fyrir því.

"Hót­an­ir ít­alskra stjórn­valda koma í kjöl­far fylg­istaps [sósíal­demó­kratíska] Demó­krata­flokks­ins í sveit­ar­stjórn­ar­kosn­ing­un­um á Ítal­íu í síðustu viku þar sem flokk­ur­inn tapaði fylg­inu til Forza Italia og Norður­bandalagsins sem byggja báðir boðskap sinn á hert­ari aðgerðum í inn­flytj­enda- og flótta­manna­mál­um" (Mbl.is).

Það kemur að því, að þjóðir segja STOPP við ósjálfbærri ofur­bjartsýnis­stefnu. Hinar ESB-þjóðirnar eru heldur ekki, í ljósi endur­vakinna hryðjuverka, ginn­keypt­ar fyrir því að auka enn fjölda múslima í álfunni, a.m.k. ekki í þeirra löndum! Þvinganir, sem Brussel-valdið með sínum refsivendi reynir til að jafna þunga þessara hælis­leitenda og flótta­manna á allar sínar meðlima­þjóðir, m.a. þær sem eru austan gamla járntjaldsins og hafa tekið við fáum slíkum, hleypa bara illu blóði í þær þjóðir. Sjálf heildarstefnan er því í upplausn og réttasta ráðið að senda báta­fólkið (sem borgar farið dýrum dómum) aftur til baka næstu misserin, eins og gert hefur verið í Ástralíu og dugað til að stöðva strauminn þangað af bátafólki.

Langfarsælast er að hjálpa þessu fólki í sínum eigin löndum, þar sem unnt er. Í lágu verðlagi þar nýtast hjálparsjóðir margfalt betur þar en hér í álfu.

Jón Valur Jensson.


mbl.is Ítalía hótar að loka höfnunum
Tilkynna um óviðeigandi tengingu við frétt

Af Ramadan-föstumánuði múslima

Sælir, félagar á síðu XE.is og víðar. Skrif mín nú eru vegna Ramadan, föstu­mánaðar múslima, sem hefur nú staðið yfir í mánuð, og Guð einn veit hversu mörg morð og limlestingar munu bætast við; þegar ég skrifa þetta eru þrír dagar eftir.

Þessi hefðbundni aftöku- og átmánuður á að enda 25. júní. Ástæða þessara skrifa er sú að þeir sem hafa haldið að þetta væri einhversskonar trúarhátíð, mega vakna upp við hvernig þessi lygatrú friðarins hagar sér.

Þessi „föstumánuður“ algerrar blekkingar stendur yfir í 30 daga frá sólarupprás til sólarlags. Þeir vakna upp fyrir sólarupprás og hreinlega troða sig út af matvælum, leggjast svo aftur til svefns. Vakna aftur að kveldi og ítroðslan heldur áfram en nú með veisluhöldum í nokkra klukkutíma, og síðan er þetta endurtekið í 30 sólarhringa. Gaman að búa í sömu blokk, enda margar uppá­komur vandamála viðloðandi, og hafa þeir hrakið fólk af heimilum sínum vegna þessa og eignir hafa fallið í verði. Sagt er að þeir verði bæði veikir af þessu og klikkaðir vegna árásargirni.

Það sem er þó alvarlegast með þessa trú friðarins eru drápsferðirnar sem þeir fara í á þessari föstu, þeir sjálfir kalla þetta nú í ár Ramadan Bombathon 2017. Trú friðarins er þetta og ráðamenn þjóðanna mæra ófögnuðinn sem og jaðar­hóparnir, uppreisnar­seggirnir, anarkistar og aðrir sem eru ekki með vit í kollinum.

Að þessu sögðu er skynsamlegt að geta þess að ráðamenn þjóðanna keppast við að senda múslimum hamingjuóskir í tilefni Ramadan, og segir það okkur hvers konar vanþekking er á sveimi í veröldinni hvað varðar islam. Og jafnvel meðvirkni óttans sumsstaðar, þeir eru búnir að koma ár sinni vel fyrir borð víða innan stjórnkefis, félaga og skóla, þeir hafa nægjanlegt af olíuauð sem kemur þeim vel. Vil ég segja að þeir kunna að setja inn pening í hinar ýmsu aðstæður og draga þannig úr vilja þeirra sem njóta góðs af til að taka heiðar­lega á aðstæðum. Hagnaður þeirra er annarra sársauki, eins og í mörgu.

Í ár störtuðu þeir ramadan-átsukkinu með glæsilegum afköstum hryðjuverka frá þeirra sjónarhorni. Á degi þrjú voru árásir orðnar 12, drepnir 118. Fyrsta drápið átti sér stað er 10 grímuklæddir jihadistar réðust á rútu í Mynja-héraði í Egypta­landi 26. maí, þeir gátu ekki setið á sér að bíða og byrjuðu samdægurs (rama­dan byrjaði föstudag 26. maí að kveldi) og sölluðu niður alla sem þeir náðu, börn, konur og menn, 28 manns fyrir utan særða. Þetta voru allt kristnir Egyptar á leið til kirkju. (ISIS-samtökin hafa lýst sig ábyrg fyrir fullt af dauða­árásum á kristnar kirkjur í Egyptalandi.)

Ég ætla ekki að hafa þetta lengra, upplýsingar um samantekt dugnaðar þeirra á föstunni segja allt sem þarf.* En að síðustu ætla ég að setja hér inn orð Donalds Trump Bandaríkjaforseta, sem vill bæta samskipti við stjórnvöld í Kaíró og segir að Ameríka standi með el-Sissi forseta og egypsku þjóðinni. "Hin mik­ils­virtu og sögulegu kristnu samfélög í Mið-Austur­löndum verður að verja og vernda," sagði Trump.

* Í Ramadan 2014 voru framdar 272 hryðjuverkaárásir í nafni islams og 37 sjálfsmorðssprengingar, drepnir 2429, særðir 2028.

Í Ramadan 2015 voru framdar 314 hryðjuverkaárásir í nafni islams og 63 sjálfsmorðssprengingar, drepnir 2988, særðir 3696.

Í Ramadan 2016 voru framdar 238 hryðjuverkaárásir í nafni islams, drepnir 1850.

Sigurlaug Oddný Björnsdóttir, Íslensku þjóðfylkingunni.


Ályktun landsfundar Íslensku þjóðfylkingarinnar 2. apríl um ætlun ríkisstjórnarinnar að rýmka löggjöf um fóstureyðingar

“Ófædd börn eiga rétt til lífsins. Flokkurinn tekur einarða afstöðu gegn nýfram­komnum hugmyndum um róttækar breyt­ingar á fóstur­eyðinga­löggjöfinni og mun taka á þessum málum með það að markmiði að draga sem mest úr fóstureyðingum."

Af vefsíðu flokksins, x-e.is.


Um öryggis-, utanríkis- og viðskiptamál

Meginmarkmið utanríkis­stefnu Íslands á auð­vitað að vera að standa vörð um full­veldi og frjáls­ræði þjóð­ar­innar, öryggi og vel­sæld hennar með því að tryggja sem best varnir lands­ins sam­hliða innra öryggi, frjáls viðskipti og góða sam­vinnu við erlend ríki og stofn­anir byggðar á lögum og jafnræði.

Öryggi landsins og borgar­anna og frjálsræði til viðskipta 

Veran í NATO, varnarsamningurinn við Bandaríkin og aðild landsins að fríverslunarsamningnum EFTA eru hornsteinar sem hlúa ber að og styrkja á allan hátt. Alþjóðleg viðskipti eru Íslandi ómissandi, en vegna mannfæðar og skorts á eigin varnarliði og búnaði er okkur næsta ómögulegt að verja sjálf eigin hendur gegn ýmissi alvarlegri vá svo vel sé. Öll umræða um að setja hér á stofn þjóðvarðlið eins og aðrar þjóðir telja nauðsynlegt eða auka verulega viðbúnað lögreglu mætir alltaf skilningsleysi og öfgaviðbrögðum vinstri aflanna eins og nýleg sem gömul dæmi sanna.

Andstaða vinstrisins við öryggissamvinnu vestrænna lýðræðisríkja er söm við sig og í stað þess að tryggja daglega eigur og öryggi okkar borgaranna hér innanlands sem best, þá er furðuviðkvæðið að við eigum einungis að ræða málin við glæpamenn og aðrar ógnir, helst með hjálp sálfræðinga. Það er mjög til efs að það gefist mörg tækifæri til slíks, að innbrot og þjófnaður séu tilkynnt fyrirfram eða þá að yfirvofandi voðaverk séu sérstaklega auglýst. Er það ekki frekar slíkur málflutningur sem þarfnast andlegrar þjónustu?

Henta  EES og Schengen hagsmunum okkar?

Ísland gerðist aðili að EFTA og síðar að EES vegna viðskiptahagsmuna við Evrópuríkin, eins og þeir voru rétt eða rangt metnir á sínum tíma. Auðvitað þarf Ísland gott aðgengi að mörkuðum ESB-landanna sem annarra, en þróunin er slík að það er orðið spurning um hvort EES sé eina leiðin til þess og samning­urinn passi okkur lengur í núverandi mynd eða jafnvel yfirhöfuð? Vandamál ESB, sum sjálfsköpuð, eru flest önnur en okkar, en lög þeirra og reglugerðir sem nauðsynlega passa okkur ekki eru samt svona eins og venjulega send okkur á færibandi í gegn um EES og fer lítið fyrir jafnræði í þeim samskiptum. Alþingismenn samþykkja svo tilskipanirnar að jafnaði án þess að kynna sér í hverju þær felast.

Schengen-samstarfið er önnur mjög alvarleg spurning ef ekki tekst að við náum sjálf algjörum yfirráðum landamæra okkar og verðum ennþá óspurð að hleypa hverjum sem er inn í landið án þess að vita um bakgrunn fólksins eða hæfni þess og þekkingu sem sterfskraftar. Tímabundin landvistar- og atvinnuleyfi þar sem tryggt er að viðkomandi greiði skatta og skyldur eru eitt, en þegar farandfólk leggst öðrum fremur á velferðarkerfið við ærinn kostnað þá er ljóst að voðinn er vís.

Það er sífellt bitist um krónurnar á fjárlögum, en þegar kemur að þessum málaflokki eru ómældir peningar alltaf strax til, en enginn virðist hafa yfirsýn hvað þetta kostar skattgreiðendur beint eða óbeint. Þá erum við allt í einu sögð svo rík þjóð, eitthvað sem margur landinn hefur samt farið á mis við.

Það sama á við um innflutning fólks af ólíkum og varasömum menningar­heim­um, en reynslan í Evrópu af slíku sýnir stöðug vandamál og hinar alvar­legustu hættur sem flestir vilja auðvitað forðast, en vinstri elítan kærir sig samt kollótta um og jafnvel afneitar. Framámenn múslima á Íslandi hafa þegar marg­oft lýst opinberlega yfir að þeir vilji Sharia-lög, enda óaðskiljanlegur hluti „trúarinnar“, en hafa ekki komist upp með það enn vegna þess að þeir eru sem betur fer ennþá ekki nógu margir til þess að þvinga slíkt fram, hvað sem síðar kann að verða, ef fer sem horfir.

Það má alveg velta því fyrir sér hvort stuðningur vinstri manna við þetta allt og flýtimeðferðir við veitingu íslensks ríkisborgararéttar sé vegna þess að þeir gera ráð fyrir því að njóta atkvæða slíkra? Slík er ábyrgðartilfinning svokallaðra félagshyggjuafla og hollusta þeirra við landsmenn. Það fólk sem að hefur áhyggjur af þessum málum og vill fara fram með varúð er svo umsvifalaust uppnefnt rasistar, en vera kann að það verði að virðingarheiti á endanum. Að vera öndvert við íslenska vinstrið er nokkuð öruggur mælikvarði á að vera á réttri leið.

Endurskoðun

Það er brýnt fara í nýja samningagerð um endurskoðun á Schengen og EES og að hún taki mið af praktískum megin­hagsmunum Íslands gagnvart ESB, þ.e. viðskiptum og svo vísinda- og menningar­mála­samvinnu, en að forðast pólitísk málefni og afskipti og rjúfa þarf allt fullveldi­safsal og tryggja landamæri lands­ins. Með þessu opnaðist einnig vonandi fyrir möguleikana á því að skrúfa ofan af þegar klónaðri löggjöf, sem við viljum e.t.v. ekki hafa, og setja þaðan í frá alltaf og ætíð okkar eigin, og setja ætti um það ákvæði í stjórnar­skrá lýðveldisins.

Frjálsir tvíhliða viðskiptasamningar við sem flest lönd, m.a. við NAFTA-ríkin, hlýtur að vera stefnan og um leið styrking varnar- og öryggismála á tímum vaxandi viðsjár í heiminum. Á sama tíma er samdráttur og sparnaður í ríkisrekstri á mörgum öðrum sviðum afar brýnn jafnt sem að stórminnka íþyngjandi og kostnaðarsöm opinber afskipti. Gera þarf endalaus óþarfa gæluverkefni vinstrisins útlæg.

Kjartan Örn Kjartansson.

Höfundur er öryrki og eldri borgari. Hann hefur áhyggjur af mörgu því sem þegar er og í stefnir í landi okkar.


mbl.is Kafbátur og herskip í Hvalfirði
Tilkynna um óviðeigandi tengingu við frétt

Nú skal reynt að blekkja landann til að mjólkurkýr Engeyjarættarinnar þrífist sem best, eins og púkinn á fjósbitanum

Íslenska þjóðfylkingin hafnar alfarið arfavitlausum tillögum sem komu eru fram frá efnahags- og fjármálaráðuneytinu.  

Í fyrsta lagi er hvergi minnst á ríkið, ríkissjóð og framgang Alþingis sem og ríkisstjórna þegar kemur að kennitöluflakki. Ætli það séu ekki meiri fjármunir sem þessir gæðingar stinga undan með aðstoð fjármálakerfisins? Tökum til dæmis fyrirtækin sem breytt var um kennitölu á í hruninu og fengu afskrifaða milljarða. Bankana sem fengu nýjar kennitölur og var gefið veiðileyfi í boði alþingismanna á hinn almenna borgara. 900 fjölskyldur misstu heimili sín, eða ef við reiknum með að í hverri fjölskyldu séu fjórir fjölskyldumeðlimir, þá erum við að tala um 3600 einstaklinga, auk áþjánar á tengda vini og ættingja. Millj­arða tilfærslur á Keflavíkurflugvelli og svo mætti lengi telja. Hversu margir verktakar, verslanir, sem og fólk sem stundaði almennan rekstur, þurftu að axla ábyrgð vegna misvitra embættismanna?

Þarna tala þessir menn digurbarkalega um verktakabransann. Ekki var hætt að skipta við stóru verktakafyrirtækin, t.d. Ístak, ÍAV eða aðra stórtæka bygging­ar­verktaka þó svo að þeir fengju nýjar kennitölur. En skýrt var tekið fram í útboðsgögnum að menn þyrftu að hafa hreinar kennitölur í að minnsta kosti 2 til 3 ár og eiginfjárstöðu jákvæða. Þessi atriði voru aðeins látin gilda um lítil og meðalstór fyrirtæki.  

Að koma í veg fyrir að menn noti peninga í stað korta er galin hugmynd og einungis ætluð til að fita Engeyjarpúkana sem og önnur kortafyrirtæki. Hér ætti frekar að banna að taka við greiðslum sem eru innan við 1000 kr. vegna umsýslugjaldsins þó við séum ekki að mæla með slíku. Hvernig almenningur hagar sínum fjármálum á hvorki að vera miðstýrt af hinu opinbera né á það að hafa nokkrar letjandi tillögur til að stýra slíku.

Íslenska þjóðfylkingin telur að fjármála­ráðuneytið ætti frekar að taka til heima hjá sér og styrkja lítil og meðalstór fyrirtæki með því að bjóða verkefni sem einungis eru ætluð þeim. Banna ætti stóru fyrirtækjunum að bjóða í slíkar fram­kvæmdir vegna þess að þau hafa notið óeðlilegrar aðstoðar annaðhvort frá hinu opinbera eða bankaelítunni. Þá á hið opinbera að hætta að bjóða út verkefni sem eru tilsniðin fyrir einhver sérstök fyrirtæki eða afhenda þeim þau án útboðs. Þetta á við um fleira en bygg­ingar­geirann. Ég vísa í hann sérstaklega því fjármála­ráðuneytið sá ástæðu til að nefna þá starfsemi. Þetta yrði til þess að leggja grunn að nýrri og öflugri millistétt í landinu sem mun skila þjóðar­búinu margföldum tekjum til baka. Í góðu samfélagi er það millistéttin sem er grunnur þess.

F.h. flokksstjórnar Íslensku þjóðfylkingarinnar,

Guðmundur Karl Þorleifsson formaður.


mbl.is Meira yrði prentað af verðminni seðlum
Tilkynna um óviðeigandi tengingu við frétt

Gegn SALEK og TISA

Íslenska þjóðfylkingin mun berjast gegn SALEK-sam­komu­lag­inu, sem mun taka verk­falls­rétt af verka­fólki, eins og for­maður verka­lýðs­hreyf­ingar­innar á Akra­nesi hefur margoft bent á. Einnig mun­um við berjast af alefli gegn TISA-sam­komu­laginu, sem mun færa ákvörðunar­rétt undir alræðis­vald stór­fyrirtækja og auðhringa. Þessu tvennu ætla alþing­ismenn að lauma inn í skjóli nætur eins og útlend­inga­löggjöfinni. Við segjum nei! Svona ákvarðanir eiga að takast af þjóðinni, en ekki misvitrum alþingismönnum.

Láttu ekki aðra segja þér fyrir verkum, taktu sjálfstæða afstöðu. Staðreyndir tala sínu máli.

Þetta er úr viðauka á dreifiblaði með stefnuskrá ÍÞ frá í haust.


Flugvöllurinn í Vatnsmýrinni treystist í sessi

Það er gleðiefni mörgum, að samgöngu­ráðherrann stefnir að nýrri flugstöð í Vatnsmýri á næsta ári. Yfirgnæf­andi meirihluti íbúa bæði dreifbýlis og þéttbýlis vill halda flug­vellinum í Reykjavík. Hvassa­hraun útilokast bæði vegna veður­skilyrða* og af því að þar eru vatns­verndar­svæði Suðurnesja­manna. Eins er Hólmsheiðin enginn raunhæfur kostur.

Íslenska þjóðfylkingin styður eindregið flugvöllinn í Vatns­mýrinni. ÍÞ vill að núverandi staðsetning innanlands­flugvallar verði til frambúðar, segir í stefnuskrá flokksins.

Reykjavíkurflugvöllur úr lofti

"Ekki náðist í Dag B. Eggerts­son, borg­ar­stjóra, vegna máls­ins." - Skyndilega varð þeim málglaða orða vant! En hörð andstaða vinstri flokkanna í borgar­stjórn gegn Reykjavíkur­flugvelli tengist m.a. lóðastefnu þeirra og "þéttingu byggðar" og "Borgarlínunni" sem þeir vilja koma í gagnið, dýr­keyptri og von­lausri fram­kvæmd. Bjarni Jónsson verk­fræðingur rökstyður það afar vel, að hugmynda­fræðin að baki hennar er reist á sandi og "óskhyggju sem mun rýra lífskjör og lífsgæði" (sjá greinar hans HÉR og hér), en Íslenska þjóð­fylk­ingin er einmitt andvíg Borgarlínunni, sem útilokað er, að muni borga sig. 

* Sjá grein undirritaðs (sem vísar á afar fræðandi greinaskrif Þorkels Ásgeirs Jóhannssonar flugmanns): Hvassahraun er mun verri kostur en Rögnu­nefndin vill vera láta; ísing og snjókoma algengari en í Rvík.

Jón Valur Jensson.


mbl.is Ný flugstöð rís í Vatnsmýrinni
Tilkynna um óviðeigandi tengingu við frétt

Ábyrgðarlaust framferði Pírata gæti valdið stíflun Neyðarlínunnar, jafnvel dauðsföllum!

Varaþingmaður Pírata í SV-­kjör­dæmi, Andri Þór Sturlu­son, gerir sig ekki aðeins frægan að endemum, heldur stofnar lífi fólks í hættu með því ein­stæða athæfi sínu að "hvet[­ja] fólk til að teppa síma­lín­ur Neyðarlín­unn­ar í mót­mæl­um gegn vopna­b­urði lög­regl­unn­ar. Hvatn­ing­una send­ir hann út á op­in­ber­um vett­vangi á Face­book, bæði í hópn­um „Pírata­spjall­inu“ og á hans per­sónu­legu síðu." (Mbl.is)

Flest­ir þeirra sem tjá sig um málið gagn­rýna hug­mynd­ina þar sem uppá­tækið gæti bitnað á þeim sem síst skyldi. (Sst.)

Þór­hall­ur Ólafs­son, fram­kvæmda­stjóri Neyðarlín­unn­ar 112, skýrir betur aðstæður þar. Hann 

seg­ir Neyðarlín­una bera fullt traust til al­menn­ings að mis­nota neyðar­núm­erið 112 ekki. „Neyðarlín­an treyst­ir því að al­menn­ing­ur sýni mik­il­vægi þjón­ust­unn­ar skiln­ing og valdi ekki vilj­andi trufl­un á henni, hér eft­ir sem hingað til,“ seg­ir hann í sam­tali við mbl.is.

Hann seg­ir sveifl­ur í fjölda inn­hringj­enda til Neyðarlínu vera mikl­ar og stund­um séu álag­stopp­ar sem Neyðarlín­an á fullt í fangi með að anna.

„Ef þess­ar inn­hring­ing­ar sem verið er að gera til­lögu um bæt­ast við þegar það er mikið álag get­ur það valdið því að ein­hverj­ir nái ekki strax inn og valdið veru­leg­um skaða. Iðulega skipt­ir hver mín­úta máli í viðbragði þannig að aðgerð sem fel­ur í sér að teppa síma­lín­ur Neyðarlínu get­ur valdið al­var­legu heilsutjóni eða dauða.“ (Mbl.is)

Makalaust má það heita af varaþingmanni að ganga svo langt í pólitísku offorsi gegn öryggisráðstöfunum lögreglu, að hann er reiðubúinn að trufla sjúkra­flutninga og jafnvel útköll vegna slysa eða heilsuáfalla til þess að HANN geti komið sínu þrælpólitíska séráhugamáli á framfæri.

Réttast væri að lögreglan láti ná í hann til yfirheyrslu (þó ekki hjá haturs­löggunni, undirritaður hefur þá reynslu af henni, að hún sé vanhæf, enda pólitískt skipuð silkihúfa á lögreglustöðinni), því að hann nýtur ekki þinghelgi.

Píratar verða að lýsa hneykslan sinni á framferði unga mannsins, vilji þeir ekki deila með honum allri ábyrgð á þessu hættulega athæfi hans.

Jón Valur Jensson.


mbl.is Varaþingmaður vill teppa neyðarlínu
Tilkynna um óviðeigandi tengingu við frétt

Lögreglan með sínar upplýsinga­námur veit betur en óupplýstir flokks­leiðtogar Vinstri grænna

"Á Íslandi eru vopn, aðgengileg almenningi, sem nýta má til að fram­kvæma hryðjuverk og aðrar stórfelldar árásir. Rúmlega 72.000 skotvopn eru löglega skráð. Þá hafa hættuleg heimatilbúin vopn, sprengjur og sprengiefni ýmist fundist eða verið komið í hendur lögreglu.

Árið 2016 frömdu hryðjuverkamenn tvívegis fjöldamorð í Evrópu án þess að hefðbundnum vopnum væri beitt.* Ógnin getur fyrirvaralaust tekið breyt­ingum og gengið þvert á fyrirliggjandi greiningar hvað varðar mynstur, aðferðir og skotmörk."

* Þetta sama gerðist í Bretlandi á þessu ári (aths.jvj.)

Svo segir í Mati ríkislögreglustjóra á hættu af hryðjuverkum, gefnu út af GREININGARDEILD RÍKISLÖGREGLUSTJÓRA 30. janúar 2017, bls. 5.

Ennfremur segir þar meðal annars (ibid.):

Íslandi og öðrum vestrænum ríkjum stafar ógn af getu hryðjuverka­samtaka til að koma á framfæri áróðursboðskap á internetinu og samfélags­miðlum í því skyni að hvetja til hryðjuverka. Vitað er um raunveruleg tilvik þess að fólk hafi heillast af málflutningi liðsmanna hryðju­verka­samtaka, oftar en ekki um internetið og hafi í kjölfarið framið ódæðisverk þó svo að viðkom­andi hafi ekki tekið þátt í bardögum vígasveita Ríkis íslam eða annarra hryðjuverka­samtaka. Samdóma álit vestrænna öryggis­stofnana er að þessi hætta sé mikil og viðvarandi.

Þetta mættu storkarnir í Vinstri grænum hafa í huga, næst þegar þeir draga hausinn upp úr sandinum!

En í frétt hér á Mbl.is sést, að þrátt fyrir að brugðið hafi verið fæti fyrir að lögregla yrði vopnuð við samkomu­hald í gær, á þjóðhátíðar­daginn, þá gerði lögreglan þeim mun meira til að tryggja öryggi manna með öðrum hætti, einkum með því að hvetja sveitarfélög til að sjá um þverun gatna í formi stórra flutningabíla, og á það við um samkomu­staði bæði í borginni, í Kópavogi, Hafnar­firði, Garðabæ og víðar. Slíkar fyrirbyggjandi aðgerðir hefðu t.d. getað tryggt, að mannfallið í Nice (81 manns) af völdum eins hryðju­verka­manns á flutningabíl hefði orðið margfalt minna.

En blindingjar einir í málefnum heimsins afneita möguleik­anum á hryðjuverki á Íslandi.

Jón Valur Jensson.


mbl.is „Vorum með mjög sýnilega löggæslu“
Tilkynna um óviðeigandi tengingu við frétt

Eðlilegur viðbúnaður vegna hryðjuverkahættu

Hryðjuverk í Evrópu hafa aukizt verulega á síðustu misserum, nánast alfarið af völdum öfga­múslima. Einmitt í þessari viku er mörgum að verða ljóst, að það er ekki sjálfgefið, að vel upplýstum, ábyrgum, jarð­tengdum lögreglu­yfir­völdum okkar sé treyst fyrir áhættu­mati hér á landi vegna hugsanlegra hryðjuverka og fyrir ákvörðunum um vopnaburð lögreglu við meiri háttar samkomur, þar sem á getur þurft að halda. Vantraustið á lögregluna kemur frá vinstri mönnum.

Ýmis önnur úrræði en byssuvernd hefur lögreglan vissulega að auki, svo sem lokun gatna með veghindrunum, og geta menn þar haft í huga, hve mörgum mannslífum hefði með slíkri forsjá mátt bjarga í frönsku borginni Nice (þar sem 81 drepinn með notkun flutningabíls sem keyrður var á fullri ferð eftir langri breiðgötu í gegnum mikinn mannfjölda) og í Lundúnum fyrir nokkrum dögum. En dæmi um vel heppnaða götulokun hér á landi var einmitt við sjómannadags-hátíðahöldin á Grandagarði sl. sunnudag, þar sem lögregla þurfti því ekki að vera sýnileg á staðnum.

Ennfremur er allt eftirlit lögreglu með netsamskiptum aðila, sem liggja undir grun, afskaplega mikilvægt.

Forvirkar aðgerðir lögreglu, þ.e. heimildir til þeirra, voru lengi umþráttunar­efni í Alþingi, og tillögur um þær urðu vinstri flokkunum efni í margar uppákomur og þingtafir, sem við umhugsun eru þeim einungis til skammar.

Enn á ný eru svo Vinstri græn sérstaklega farin að beita sér gegn vopnvæðingu lögreglu við vissar fjöldasamkomur, einmitt nú, svo stuttu eftir mannskæðu hryðjuverkin í Bretlandi!

Aðalritstjóri Fréttablaðsins sýnir sig í leiðara í dag að vera úti að aka í þessu máli. Hún talar um að á dögum IRA, ETA-samtakanna, Rauðu herdeildanna, Baader-Meinhof, PLO o.fl. hryðjuverkahópa á seinni hluta 20. aldar hafi verið mun meira um hryðjuverk en nú (sem stenzt þó alls ekki, ef 9/11 er innifalinn, lestafjöldamorðin mannskæðu í Madríd 11/3 2004 og Lundúnum 7/7 2005, fjöldamorðin í París og Nice á liðnu ári auk hryðjuverkanna þriggja í Bretlandi á þessu ári og annarra í löndum gamla sovétveldisins); og ritstjórinn er ber­sýni­lega að vísa til þess, að ekki hafi verið krafizt neins öryggis­viðbúnaðar hér á landi við fjölda­samkomur á dögum hinnar fyrri hryðju­verka­öldu á 20. öld.

En þær aðstæður voru gersamlega ólíkar því, sem nú er: mikið til staðbundin átök þá, bundin að mestu við Spán eða Norður-Írland og einangruð tilfelli á meginlandinu, en náðu að sjálfsögðu ekki til Íslands. En nú er við harðsvíraða islam­istíska heimsvalda- og haturs­stefnu að glíma, sem stefnt er gegn sak­laus­um almenningi í kristnum löndum Evrópu, og samvizkulaust er tilgangurinn látinn helga meðalið, þótt börn eigi mjög víða í hlut, eins og sézt hefur í Manchester, París, Nice og jafnvel í meiri háttar hryðjuverkum islamista í rússneska ríkjasambandinu.

Hér á landi hafa aðstæður líka breytzt, landið afar opið fyrir útlöndum, gríðar­legt aðstreymi ferðamanna og mikill fjöldi hælisleitenda staddur í landinu, meiri­hluti þeirra frá múslimalöndum. En á 7.-8. áratugnum voru hér aðeins fáeinir múslimar.

Aftonbladet sænska var í gær, 16. júní, með viðtal við yfirmann öryggis­lög­reglunnar (Säpo) sem upplýsir að ÞÚSUNDIR róttækra islamista séu nú í Svíþjóð; má vísa til fréttar um þetta á Eyjunni í gær. Og þessir menn hafa auðvelt ferðafrelsi til Íslands!

Í takt við eindreginn stuðning Fréttablaðsins við hinn lélega málstað vinstri friðar­dúfanna Katrínar Jakobs­dóttur og Lífar Magnús­dóttur birtir blaðið nú í þriðja sinn glannalega skopmynd á leiðarasíðunni, sem í 3. sinn lýgur að almenningi, að lögreglan íslenzka verði þungvopnuð vélbyssum við öryggis­gæzlu á hátíða­höldunum. Það rétta er, að hún er vopnuð skammbyssum, en meiri vopn tiltæk á sama svæði.

Hver er ábyrgðartilfinn­ing leiðandi VG-manna gagnvart börnum sínum? Vilja þeir ekki, að lögregla geti með skjótvirkum hætti kveðið niður árásaraðila með þeim vopnum sem duga? Vilja þessar VG-konur Katrín og Líf, að hryðjuverka­manni sé frekar gefið frítt spil til að níðast heldur lengur á sem allra flestum sakleysingjum? Eða eiga áfallateymi þeirra að verja okkur? En þau reisa engin börn upp frá dauðum!

Stöndum með okkar eigin landi og þjóð, með eins traustum landvörnum og nauðsyn ber til á þessum varasömu tímum.

Gleðilega þjóðhátíð.

Jón Valur Jensson.


mbl.is Hátíð í rigningunni á Austurvelli
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband