Útlendingastofnun þekki sinn vitjunartíma

Þessi stofnun þarf að vanda sig, m.a. að grípa ekki til snögg­soð­inna undan­færslu­leiða til að komast hjá gagn­rýni "góða fólks­ins" sem ótt og upp­vægt vill auka sem mest straum hælis­leit­enda til lands­ins. Eitt dæmi um slíka van­hugs­aða fljót­færnis-ákvörðun, án samráðs við dóms­málaráðherra, var þegar ÚTL ákvað í meðvirkni með "No Borders"-krökkunum að hætta aldurs­greiningu "skeggjuðu barnanna" með tannsýnis-athugun, þó að Svíar hafi beitt þeirri aðferð og geri enn með miklum árangri, því að miklum meiri­hluta slíkra er vísað úr landi vegna falskra fullyrð­inga um aldur.

Þar að auki á ÚTL ekki að komast upp með að hleypa neinum vegabréfs­lausum inn í landið, viðkomandi gætu þess vegna verið hér á vegum Ríkis islam (ISIS), al-Qaída, Boko Haram eða Al-Shabab, en síðastnefndu hryðju­verka­samtökin starfa í Sómalíu og víðar í NA-Afríku og drápu árið 2016 hvorki fleiri né færri en 4.281 manns, fleiri en Boko Haram, sbr. hér: http://www.newswATNDrT1cPOtBk6szYYk8K4YGnLJksBn1CftxWP7xXVn1E5yuQtUulltAvQD04vtLHk1Wml9YmHnJHDW5By01mO4laeQ4Iz9KyA1dZwfF0xk1tyqsFgPIeek.com/isis-africa-al-shabaab-boko-haram... -- en fjöldi Sómala er nú á Norður­löndunum, og einnig þeir sækja hingað. Til samanburðar verður þó að geta þess, að í febrúar í fyrra höfðu Boko Haram-samtökin drepið yfir 29.000 manns frá árinu 2010 (sama heimild).

Meðlimir þessara samtaka byrja ekki jafnóðum að drepa fólk í nýju landi, en bíða viðbúnir að grípa til aðgerða, þegar kallið kemur frá foringjum þeirra erlendis, af hvaða tilefni eða í hvaða tilgangi sem þeim þókknast. Og þetta eru herskáir islamistar, allt þetta stórvarasama hyski.

Jón Valur Jensson.

Hælisleitandinn 22 ára en ekki 18

Íslenska þjóðfylkingin ætlar að taka á baráttumálum sínum af festu og hefur á stefnuskrá sinni alla málaflokka sem varða hagsæld og öryggi þjóðarinnar

Nú fer að líða að kosningum aftur og ekki ár liðið frá síðustu alþingis­kosn­ingum. Nú sem aldrei fyrr er þörf á stjórnmálaflokki sem tekur á baráttu­málum sínum af festu og er ekki eins og margir hinna flokk­anna sem fara í kringum mikil­væg málefni eins og köttur í kring­um heitan graut.

Nú er rétti tíminn til að gera upp hug sinn og velja þann  stjórnmálaflokk sem þér finnst líklegastur til þess að standa vörð um hag og velferð þjóðarinnar. Einn er sá flokkur sem bauð fyrst fram í síðustu kosningum en það er Íslenska þjóðfylkingin. Hefur þú, hinn almenni kjósandi, velt fyrir þér að allt það sem Íslenska þjóðfylkingin varaði við, fyrir síðustu kosningar, er varðaði útlendinga­löggjöfina, hefur komið fram, þrátt fyrir að kjör­tímabilið yrði ekki nema eitt ár? Þetta má segja að hafi fengið staðfestingu í orðum Bjarna forsætisráðherra á hádegisfundi hans með SES í Valhöll hinn 13. þessa mánaðar.

Hverjum er betur treystandi en frambjóðendum Íslensku þjóðfylkingarinnar til að standa vörð um velferð þjóðarinnar, menningu og siðferði? Hér fyrir neðan gefur að líta stefnuskrá Íslensku þjóðfylkingarinnar eins og hún kemur fyrir á heimasíðu flokksins.

Íslenska þjóðfylkingin vill standa vörð um velferðakerfið, sjálfstæði Íslands og íslenska menningu.

Grunnstefna flokksins er: Einstaklingsfrelsi, að auka beint lýðræði, takmörkun ríkisafskipta, gegnsær ríkisrekstur, náttúruvernd og haftalaus milliríkjaviðskipti.
Íslenska þjóðfylkingin beitir sér fyrir auknu jafnvægi í byggðum landsins, málefnum fjölskyldna og heimila. Að efla smærri og meðalstór fyrirtæki, sem eru hornsteinar samfélagsins. Málefni öryrkja og aldraðra verði í öndvegi og að vinna gegn fátækt á Íslandi.

Öryggismál
Íslenska þjóðfylkingin vill stórefla löggæslu, landhelgis- og tollgæslu og auka þátttöku Íslands í öryggis- og varnarmálum með beinum hætti.
Skattleysismörk
Íslenska þjóðfylkingin vill hækkun persónuafsláttar þannig að skattleysismörk verði 300 þúsund. Tekjutengingar aldraðra, öryrkja og námsmanna verði afnumdar.
Fjármálafyrirtæki
Reglur um fjármálafyrirtæki verði stórhertar. Tekið verði af hörku á spillingu og fjármálamisferli. Bankar fái ekki að búa til peninga (þjóðpeningakerfi). Aðskilja skal fjárfestinga- og viðskiptabanka.
Landsvirkjun
Íslenska þjóðfylkingin vill að Landsvirkjun, RARIK og Landsnet verði ætíð að fullu í eigu þjóðarinnar og að ekki verði lagður rafstrengur úr landi.

Sjávarútvegsmál

Þjóðfylkingin vill endurskoðun fiskveiðistjórnunar frá grunni og frelsi í sjávarútvegsmálum

Aukið frelsi í strandveiðum. Fiskveiðiauðlindin verði sameign þjóðarinnar samkvæmt stjórnarskrá. Erlent eignarhald verði afnumið í sjávarútvegi.
Íslenska þjóðfylkingin vill stórefla löggæslu, landhelgis- og tollgæslu og auka þátttöku Íslendinga í öryggis- og varnarmálum.

Lífeyrissjóðakerfið
Lífeyrissjóðakerfið verði endurskoðað í heild sinni.
Skuldaleiðrétting
Íslenska þjóðfylkingin vill almenna skuldaleiðréttingu íbúðalána og afnema verðtryggingu.
Heilbrigðisþjónusta
Heilbrigðisþjónusta skal vera gjaldfrjáls á Íslandi.
Ríkiseignir
Íslenska þjóðfylkingin vill opið og gagnsætt ferli ef kemur að sölu ríkiseigna.

Innflytjendamál

Íslenska þjóðfylkingin vill herta innflytjendalöggjöf og innleiða 48 tíma regluna í málefnum hælisleitenda. Íslenska þjóðfylkingin hafnar sjaría-lögum og vill að búrkur, starfsemi moska og kóranskóla verði bönnuð á Íslandi.
Íslenska þjóðfylkingin hafnar skólahaldi íslamista á Íslandi. Þjóðfylkingin vill styðja þá innflytjendur sem aðlagast íslensku samfélagi.

Evrópusambandið
Íslenska þjóðfylkingin hafnar alfarið aðild Íslands að Evrópusambandinu.
Schengen og EES
Íslenska þjóðfylkingin vill Ísland úr Schengen án tafar

Íslenska þjóðfylkingin vill úrsögn úr Evrópska efnahagssvæðinu og styður tvíhliða viðskiptasamning við Evrópusambandið.

Stjórnarskrá
Íslenska þjóðfylkingin vill þjóðaratkvæðagreiðslur um þau mál sem varða þjóðarheill og stjórnlagadómstól í núverandi stjórnarskrá sem ÍÞ styður.

Trúmál og siðræn viðhorf

Íslenska þjóðfylkingin styður kristin gildi og viðhorf.
Íslenska þjóðfylkingin virðir trúfrelsi en hafnar trúarbrögðum sem eru andstæð stjórnarskrá.

Landbúnaður
Íslenska þjóðfylkingin styður íslenskan landbúnað. Íslenskir bústofnar verði varðveittir.

Alþjóðasamstarf
Íslenska þjóðfylkingin styður aðild Íslands að NATO, EFTA og alþjóðlegu samstarfi.

Steindór Sigursteinsson tók saman.

"Gervi-hælisleitandi" að verki á Hagamel?

Er það rétt, sem Sveinn R. Pálsson hermir, að gerandinn í þessu óhugn­an­lega máli á Haga­mel hafi verið "gervi-hælisleitandi"?*

Er þá mynztur sem þekkist frá Noregi** farið að eiga sér stað hér?

Sé eitthvað til í þessu, gefur það augljós­lega ástæðu til að láta ekki umfjöllun hælis­leit­enda­mála dragast úr hömlu, sem og að framfylgja sem fyrst brott­vísunar­úrskurðum, áður en í óefni er komið, eins og átti sér einmitt stað í til­felli Marokkó­mannsins vanstillta sem fekk brott­vísunar­úrskurð í janúar sl., en átti síðan glæpa- og vandræðaferil hér, unz hans var dæmdur af Hæstarétti í gæzlu­varðhald fyrir nokkrum dögum (og gildir fram í október).

Hér er í raun ekkert fullyrt um atburðinn á Hagamel og ekkert gefið um nein smáatriði um eðli þessa sorglega verknaðar eða hver gerandinn nákvæmlega var; í bili vitum það eitt, samkvæmt viðtengdri frétt, að hann var erlendur karlmaður á fertugsaldri. Við verðum að bíða niðurstöðu rannsóknar lögreglu og dómsúrskurðar, áður en neitt annað verði fullyrt hér í reynd.

* Sjá innlegg Sveins hér í morgun, 24.9.2017, kl. 07:43. 

** Þ.e., að í stað þess að hlíta brott­vísunar­úrskurði grípi tilhæfu­laus hælis­leitandi til þess örþrifa­úrræðis að skaða annað fólk (það sama gerðist í tilfelli Úzbekistan-mannsins í Finnlandi, sem framdi morð). Við þekkjum hins vegar dæmi þess hér, að hælis­leitandi hafi skaðað sjálfan sig: þegar einn þeirra kveikti í sjálfum sér. Um ástæður drukknunar annars hælis­leitanda, frá Georgíu, í sjálfum Gullfossi vitum við hins vegar ekki.

PS. 26/9: Það reyndist vera rétt, að hinn grunaði er erlendur hælisleitandi, sjá hér: http://www.visir.is/g/2017170929471/fjoldi-mordmala-yfir-medaltali-sidustu-ara -- Í færslu á Facebók var hann sagður múslimi, en staðfestingu vantar fyrir því.

Jón Valur Jensson.

Ekki verið yfirheyrður um helgina

Skrifstofan opin núna um helgina laugardag 23. og sunnudag 24. sept. kl. 14 – 16

Við verðum með opna skrifstofu núna um helgina laugardaginn 23. september og sunnudaginn 24. september frá kl. 14 til 16 báða dagana. Hvetjum alla stuðningsmenn til að nota tækifærið og koma á skrifstofu okkar og skrifa undir meðmæli með framboði okkar fyrir Alþingiskosningarnar og taka með sér meðmælalista og hjálpa okkur að safna meðmælum.

Við verðum með heitt á könnunni og með því.

Stjórnin.

Skrifstofa Íslensku þjóðfylkingarinnar er í Dalshrauni 5, Hafnarfirði, beint á móti Fjarðarkaupum (handan þjóðvegarins til Keflavíkur).

Frönsk linkind sem engu mun skila nema enn frekari óstjórn

Emm­anu­el Macron Frakk­lands­for­seti hef­ur beðið innan­ríkis­ráðherra sinn, Ger­ard Collomb, "að flýta af­greiðslu hæl­is­um­sókna þannig að yf­ir­völd geti svarað því á inn­an við hálfu ári hverj­ir fái hæli og hverj­ir verði send­ir úr landi."

Þetta er allsendis fráleit "lausn". Á meðan heldur hælis­leit­endum áfram að fjölga og öryggi Vestur­landa að minnka, fyrir utan hvernig velferðar­kerfið er að bresta undan þunganum.

Norðmönnum tekst að koma ólöglegum hælis­leitendum úr landi á tveimur sólarhringum. Einn fárra vakandi sjálfstæðis­manna, Björn Bjarnason, fyrrv. menntamála- og dómsmála­ráðherra, hefur haldið uppi gagnrýni á framkvæmd þessara mála hér á landi og knúð á um að bætt verði úr án tafar. Það eigi ekki að vera okkur ofviða að afgreiða á einni viku þessi mál, sem Norðmönnum nægja 2-3 sólarhringar til að leysa.

En Macron lætur sér nægja hálft ár! Og minnihlutastjórnin íslenzka ræður ekki við þetta á skemmri tíma en allt að einu ári!

En þessi er stefna Íslensku þjóðfylkingarinnar: ÍÞ vill herta innflytjenda­löggjöf og innleiða 48 tíma regluna í málefnum hælisleitenda. Það er ekkert vit í öðru en að setja þá fjármuni, sem til þarf, í lausn þessa vandamáls. Eftir að það hefur verið gert af krafti á einum til tveimur mánuðum, verður eftir­leikurinn auðveldur, og afgreiðslan þarf ekki að taka meira en tvo sólar­hringa. Vilji er allt sem þarf!

Á Útvarpi Sögu er dr. Ólafur Ísleifsson hagfræðingur í ágætu viðtali, þegar þessi orð eru rituð, og hvetur þar til þess, að yfirvöld hér láti senda menn til Noregs til að kynna sér, hvernig Norðmenn leysi þessi verkefni. Það er góð tillaga.

Jón Valur Jensson.

Ráku þúsundir hælisleitenda á brott

Um öryggis-, utanríkis- og viðskiptamál

Meginmarkmið utanríkis­stefnu Íslands á auð­vitað að vera að standa vörð um full­veldi og frjáls­ræði þjóð­ar­innar, öryggi og vel­sæld hennar með því að tryggja sem best varnir lands­ins sam­hliða innra öryggi, frjáls viðskipti og góða sam­vinnu við erlend ríki og stofn­anir byggðar á lögum og jafnræði.

Öryggi landsins og borgar­anna og frjálsræði til viðskipta 

Veran í NATO, varnarsamningurinn við Bandaríkin og aðild landsins að fríverslunarsamningnum EFTA eru hornsteinar sem hlúa ber að og styrkja á allan hátt. Alþjóðleg viðskipti eru Íslandi ómissandi, en vegna mannfæðar og skorts á eigin varnarliði og búnaði er okkur næsta ómögulegt að verja sjálf eigin hendur gegn ýmissi alvarlegri vá svo vel sé. Öll umræða um að setja hér á stofn þjóðvarðlið eins og aðrar þjóðir telja nauðsynlegt eða auka verulega viðbúnað lögreglu mætir alltaf skilningsleysi og öfgaviðbrögðum vinstri aflanna eins og nýleg sem gömul dæmi sanna.

Andstaða vinstrisins við öryggissamvinnu vestrænna lýðræðisríkja er söm við sig og í stað þess að tryggja daglega eigur og öryggi okkar borgaranna hér innanlands sem best, þá er furðuviðkvæðið að við eigum einungis að ræða málin við glæpamenn og aðrar ógnir, helst með hjálp sálfræðinga. Það er mjög til efs að það gefist mörg tækifæri til slíks, að innbrot og þjófnaður séu tilkynnt fyrirfram eða þá að yfirvofandi voðaverk séu sérstaklega auglýst. Er það ekki frekar slíkur málflutningur sem þarfnast andlegrar þjónustu?

Henta  EES og Schengen hagsmunum okkar?

Ísland gerðist aðili að EFTA og síðar að EES vegna viðskiptahagsmuna við Evrópuríkin, eins og þeir voru rétt eða rangt metnir á sínum tíma. Auðvitað þarf Ísland gott aðgengi að mörkuðum ESB-landanna sem annarra, en þróunin er slík að það er orðið spurning um hvort EES sé eina leiðin til þess og samning­urinn passi okkur lengur í núverandi mynd eða jafnvel yfirhöfuð? Vandamál ESB, sum sjálfsköpuð, eru flest önnur en okkar, en lög þeirra og reglugerðir sem nauðsynlega passa okkur ekki eru samt svona eins og venjulega send okkur á færibandi í gegn um EES og fer lítið fyrir jafnræði í þeim samskiptum. Alþingismenn samþykkja svo tilskipanirnar að jafnaði án þess að kynna sér í hverju þær felast.

Schengen-samstarfið er önnur mjög alvarleg spurning ef ekki tekst að við náum sjálf algjörum yfirráðum landamæra okkar og verðum ennþá óspurð að hleypa hverjum sem er inn í landið án þess að vita um bakgrunn fólksins eða hæfni þess og þekkingu sem sterfskraftar. Tímabundin landvistar- og atvinnuleyfi þar sem tryggt er að viðkomandi greiði skatta og skyldur eru eitt, en þegar farandfólk leggst öðrum fremur á velferðarkerfið við ærinn kostnað þá er ljóst að voðinn er vís.

Það er sífellt bitist um krónurnar á fjárlögum, en þegar kemur að þessum málaflokki eru ómældir peningar alltaf strax til, en enginn virðist hafa yfirsýn hvað þetta kostar skattgreiðendur beint eða óbeint. Þá erum við allt í einu sögð svo rík þjóð, eitthvað sem margur landinn hefur samt farið á mis við.

Það sama á við um innflutning fólks af ólíkum og varasömum menningar­heim­um, en reynslan í Evrópu af slíku sýnir stöðug vandamál og hinar alvar­legustu hættur sem flestir vilja auðvitað forðast, en vinstri elítan kærir sig samt kollótta um og jafnvel afneitar. Framámenn múslima á Íslandi hafa þegar marg­oft lýst opinberlega yfir að þeir vilji Sharia-lög, enda óaðskiljanlegur hluti „trúarinnar“, en hafa ekki komist upp með það enn vegna þess að þeir eru sem betur fer ennþá ekki nógu margir til þess að þvinga slíkt fram, hvað sem síðar kann að verða, ef fer sem horfir.

Það má alveg velta því fyrir sér hvort stuðningur vinstri manna við þetta allt og flýtimeðferðir við veitingu íslensks ríkisborgararéttar sé vegna þess að þeir gera ráð fyrir því að njóta atkvæða slíkra? Slík er ábyrgðartilfinning svokallaðra félagshyggjuafla og hollusta þeirra við landsmenn. Það fólk sem að hefur áhyggjur af þessum málum og vill fara fram með varúð er svo umsvifalaust uppnefnt rasistar, en vera kann að það verði að virðingarheiti á endanum. Að vera öndvert við íslenska vinstrið er nokkuð öruggur mælikvarði á að vera á réttri leið.

Endurskoðun

Það er brýnt fara í nýja samningagerð um endurskoðun á Schengen og EES og að hún taki mið af praktískum megin­hagsmunum Íslands gagnvart ESB, þ.e. viðskiptum og svo vísinda- og menningar­mála­samvinnu, en að forðast pólitísk málefni og afskipti og rjúfa þarf allt fullveldi­safsal og tryggja landamæri lands­ins. Með þessu opnaðist einnig vonandi fyrir möguleikana á því að skrúfa ofan af þegar klónaðri löggjöf, sem við viljum e.t.v. ekki hafa, og setja þaðan í frá alltaf og ætíð okkar eigin, og setja ætti um það ákvæði í stjórnar­skrá lýðveldisins.

Frjálsir tvíhliða viðskiptasamningar við sem flest lönd, m.a. við NAFTA-ríkin, hlýtur að vera stefnan og um leið styrking varnar- og öryggismála á tímum vaxandi viðsjár í heiminum. Á sama tíma er samdráttur og sparnaður í ríkisrekstri á mörgum öðrum sviðum afar brýnn jafnt sem að stórminnka íþyngjandi og kostnaðarsöm opinber afskipti. Gera þarf endalaus óþarfa gæluverkefni vinstrisins útlæg.

Kjartan Örn Kjartansson.

Höfundur er öryrki og eldri borgari. Hann hefur áhyggjur af mörgu því sem þegar er og í stefnir í landi okkar.

Kafbátur og herskip í Hvalfirði

Lögreglan með sínar upplýsinga­námur veit betur en óupplýstir flokks­leiðtogar Vinstri grænna

"Á Íslandi eru vopn, aðgengileg almenningi, sem nýta má til að fram­kvæma hryðjuverk og aðrar stórfelldar árásir. Rúmlega 72.000 skotvopn eru löglega skráð. Þá hafa hættuleg heimatilbúin vopn, sprengjur og sprengiefni ýmist fundist eða verið komið í hendur lögreglu.

Árið 2016 frömdu hryðjuverkamenn tvívegis fjöldamorð í Evrópu án þess að hefðbundnum vopnum væri beitt.* Ógnin getur fyrirvaralaust tekið breyt­ingum og gengið þvert á fyrirliggjandi greiningar hvað varðar mynstur, aðferðir og skotmörk."

* Þetta sama gerðist í Bretlandi á þessu ári (aths.jvj.)

Svo segir í Mati ríkislögreglustjóra á hættu af hryðjuverkum, gefnu út af GREININGARDEILD RÍKISLÖGREGLUSTJÓRA 30. janúar 2017, bls. 5.

Ennfremur segir þar meðal annars (ibid.):

Íslandi og öðrum vestrænum ríkjum stafar ógn af getu hryðjuverka­samtaka til að koma á framfæri áróðursboðskap á internetinu og samfélags­miðlum í því skyni að hvetja til hryðjuverka. Vitað er um raunveruleg tilvik þess að fólk hafi heillast af málflutningi liðsmanna hryðju­verka­samtaka, oftar en ekki um internetið og hafi í kjölfarið framið ódæðisverk þó svo að viðkom­andi hafi ekki tekið þátt í bardögum vígasveita Ríkis íslam eða annarra hryðjuverka­samtaka. Samdóma álit vestrænna öryggis­stofnana er að þessi hætta sé mikil og viðvarandi.

Þetta mættu storkarnir í Vinstri grænum hafa í huga, næst þegar þeir draga hausinn upp úr sandinum!

En í frétt hér á Mbl.is sést, að þrátt fyrir að brugðið hafi verið fæti fyrir að lögregla yrði vopnuð við samkomu­hald í gær, á þjóðhátíðar­daginn, þá gerði lögreglan þeim mun meira til að tryggja öryggi manna með öðrum hætti, einkum með því að hvetja sveitarfélög til að sjá um þverun gatna í formi stórra flutningabíla, og á það við um samkomu­staði bæði í borginni, í Kópavogi, Hafnar­firði, Garðabæ og víðar. Slíkar fyrirbyggjandi aðgerðir hefðu t.d. getað tryggt, að mannfallið í Nice (81 manns) af völdum eins hryðju­verka­manns á flutningabíl hefði orðið margfalt minna.

En blindingjar einir í málefnum heimsins afneita möguleik­anum á hryðjuverki á Íslandi.

Jón Valur Jensson.

„Vorum með mjög sýnilega löggæslu“

Vinstri græn höfðu fram undir þetta næstmest fylgi, en hafa nú afhjúpað sig sem andstæðinga nauðsyn­legra varna almennings gegn hryðjuverkum!

„Sérsveitarmaður með byssu á engu eftir að breyta ef einhver hefur ein­beittan vilja til að valda fólki skaða,“ ritar fávís Líf Magneu­dóttir, forseti borgar­stjórn­ar, borgarftr. VG, og telur "nær­tæk­ara ... að setja saman teymi áfalla­streitu­sérfræð­inga eða hjálpar­sveitar­manna til að stíga inn í ófremdar­ástand og hryðju­verk. Gerði meira gagn en sérsveitar­maður með byssu."

Af hverju annaðhvort eða?! Þvílíkur glópur, sem valin hefur verið sem fulltrúi almenn­ings í borgar­stjórn! Og þvílík fáfræði að átta sig ekki á því, að snögg viðbrögð lögreglu eru einmitt þau úrræði sem nú þegar hafa bjargað tugum og hundruðum manna frá því að vera sölluð niður af hríðskota­byssum illræðis­manna eða keyrð niður af öðrum eins islamist­ískum brjálæð­ingum á flutn­inga­bílum (sbr. hryðjuverkið í Nice, sem eitt tók 81 mannslíf) eða stungin svöðu­sárum tugum saman.

Líf Magneudóttir er prestsdóttir og forseti borgarstjórnar!

Hér þarf marga konar viðbúnaður að koma til. Þetta, sem Líf nefnir, er bara endinn á spýtunni. En verði hryðjuverkavarnir engar, eins og hún virðist kjósa, fá áfalla­streitu­sérfræð­ingar sennilega margfalt fleiri verkefni, sem setja þá sjálfa í brýna þörf fyrir áfalla­streitu­meðferð um langan tíma!

Það gengur ekki að vera með svona ábyrgðar­lausa pólitíkusa eins og þá fulltrúa Vinstri grænna, sem hver eftir annan og undir forystu sjálfs formanns­ins hafa verið með grófar yfir­lýsingar í þessu máli, sem beinast í raun að lögreglunni og yfirstjórn almanna­varna. Þau ættu að láta fagmennina um verkin, eins og tíðkast um þetta meðal annarra þjóða, sem gefa ekki ungæðislegum viðhorfum vinstri-pacifista neitt færi á því að hafa áhrif á landvarnir og löggæzlu í brýnustu öryggismálum.

Svo er þetta einmitt sá flokkurinn, sem ásamt Pírötum og leifum Samfylkingar og hverfandi Bjartri framtíð vill stórauka hingað flæði flóttamanna og hælis­leit­enda, þrátt fyrir að úr hópum þeirra (m.a. frá Írak og Afganistan) koma hingað menn sem naumast hafa sloppið við að vera þátttakendur í borgara­styrjöldum og kunna þannig "til verka"! Þetta eru þeir hópar, þar sem marg­falt meiri líkur eru á því að við fáum útsendara ISIS og annarra hryðjuverka­samtaka heldur en frá því íbúamengi, sem fyrir var hér í landinu.

En VG heldur áfram í sinni vanvizkulegu andstöðu við varnir landsins og andvaraleysi frammi fyrir þeirri ógn, sem steðjað hefur að ýmsum nágranna­þjóðum okkar.

Með fordóma sína gegn landvörnum hefur hin lítt reynda, sæta friðardúfa Katrín Jakobsdóttir, sem skortir mjög á víðsýni í þessum málum öllum, ekkert erindi í Þjóðaröryggisráðið, sem nýstofnað er. Með því að tala sífelldlega gegn örygg­is­ráðstöfunum lögreglu, sem ná aðeins til tiltekinna viðburða, er hún að reyna að grafa undan vörnum almennings. 

Og í þessu tekur þátt Fréttablaðið, sem ítrekað slær upp skopmyndum á leið­arasíðunni, þar sem sérsveitarmenn á útifundum eru búnir vélbyssum, ólíkt því sem er í reynd, að þeir eru búnir skammbyssum. Hystería vinstri manna gegn vopnabúnaði nær engri átt, og minna má þá á, að margoft hefur Landhelgis­gæzlan þurft að manna fallbyssur sínar og skjóta viðvörunarskotum og með þeirri beitingu vopnavalds tekizt að þvinga erlenda landhelgisbrjóta til hafnar og leiða þá fyrir rétt, fyrir utan enn eitt leynivopn LHG: frægt, en einfalt valdbeit­ingartæki sem lamaði brezka togara til ólöglegra veiða hér!

Og rétt eins og sérsveitin hefur nú þegar meðal íslenzkra borgara komið í veg fyrir að úr harmleikjum yrði enn meiri skaði en átti sér stað, þá getur það sama enn frekar átt sér stað, ef hér kemur upp hryðjuverk öfgamanna.

• Á örfáum mínútum tókst vopnaðri lögreglu að koma í veg fyrir, að hatursfullur vinstrimaður næði að salla niður fjölda bandarískra þingmanna í gærmorgun! 
• Án vopnaðar lögreglu í Lundúnum hefðu hnífaárásamennirnir fyrir nokkrum dögum getað haldið áfram að drepa fjölda manns.
• Án viðnáms frönsku lögreglunnar hefðu hryðjuverk þar í landi orðið enn mannskæðari.

Er þetta óskamynd Lífar Magneudóttur og félaga hennar í VG: að hryðju­verka­menn fái fullt svigrúm til að stunda fjöldamorð án tafarlausra viðbragða vopnaðrar lögreglu?

Lítum svo aftur á innflytjendamálin. 60% fjölg­un um­sókna um vernd milli ára er ein nýjasta frétt dagsins. 

Heild­ar­fjöldi um­sókna það sem af er ári er 420. Fjölg­un­in sam­an­borið við árið 2016, bendi enn til þess að fjöldi um­sókna um alþjóðlega vernd á ár­inu geti orðið á bil­inu 1.700 til 2.000. (Mbl.is)

Af 82 umsækjendum um alþjóðlega vernd í maí 2017 voru flest­ir frá múslima­löndunum Alban­íu (29) og Írak (12), en 46% um­sækj­enda ríkj­um Balk­anskag­ans (sem innifelur Albaníu, Makedóníu og Kósóvó, öll ríki með meirihluta múslima).

Og taka menn ekki eftir þessu í fréttinni: "78% um­sækj­enda voru karl­kyns og 22% kven­kyns." En hvers vegna ættu karlmenn að þurfa á hæli að halda þrisvar og hálfu sinni fremur en konur?! Eru þetta kannski fyrrverandi stríðs­aðilar frá Írak eða islam­istar áfjáðir í að komast til Vestur-Evrópu? Hvað vitum við, og hvað veit Útlendingastofnun? Og hvað vita þessir ábyrðar­lausu pólitík­usar í borgar­stjórn og á sjálfu Alþingi? Ungir karlmenn frá múslima­löndum -- á í alvöru að setja þá fremsta á biðbekk hælisleitenda á Íslandi? Teldu okkar nágrannaþjóðir, með sína reynslu, það skynsamlega forgangsröðun? Af hverju ekki að vísa þessum mönnum frá án tafar?

S.k. "efn­is­leg meðferð" innflytj­endamála kostar okkur nú þegar milljarða á hverju ári eða sem nemur einum til tveimur Dýra­fjarðar­göngum. Þótt minnihluti umsækjenda sleppi inn, eftir dýrkeyptar langdvalir hér á landi, þá er eitt sem víst er, að það verður áfram reynt, með hjálp fimmtu herdeildar hér, að troða hingað inn fólki frá múslimalöndum þar sem jafnvel ekkert stríðsástand ríkir. 

En þessi afhjúpun Vinstri grænna á eigin vanþekkingu og varna-andstöðu kann þó að hafa eitt gott í för með sér: að íslenzkur almenningur snúi baki við þess­um flokki og öðrum ámóta, þar sem ekki er tekizt af ábyrgð á við það hlutverk að gæta öryggis íslenzkra borgara og ferðamanna þar að auki, gleym­um því ekki. Ísland á ekki að verða eina Natólandið þar sem engar varnir eru fyrir almenning gegn hryðjuverkum, því að slíkt spyrðist þá brátt til þeirra ill­ræðis­samtaka, sem jafnan reyna að sæta lagi til að valda sem mestum skaða og hörmungum, ekkert síður meðal þeirra þjóða sem hafa krossinn í fána sínum.

Og svo er það Dagur B. Eggertsson, sem vill helzt leggja niður hátíðarhöld á 17. júní, af því að þau eru svo mikil móðgun við fjölmenningarstefnu hans!!! En í Svíþjóð vakti slík tillaga enga lukku hjá lesendum Dagens Nyheter í gær og fyrradag. Tveir sænskir prestar í múslimaborginni Malmö höfðu lagt til, að sænska kirkjan tæki afstöðu gegn þjóðhátíðardeginum og færi fram á að hann yrði lagður niður, enda sé hann "barn síns tíma og eigi að heyra sögunni til, auk þess sem þeir segja að föðurlandsást og þjóðernisstefna leiði ekkert gott af sér" (sjá frétt hér á vef Útvarps Sögu). En þvílíkar virðast einmitt öfgar borgar­stjórans í Reykja­vík, og er hann nú bara sakleysis­legur Samfylkingar­maður! En 83% lesenda Dagens Nyheter reyndust hins vegar ósammála afstöðu Dags B. og sænsku prestanna tveggja!

Jón Valur Jensson.

60% fjölgun umsókna um vernd milli ára

Hættan kemur einnig innanfrá

Mjög góð og mergjuð grein eftir félaga okkar Kjartan Örn Kjartansson.

 Nú hefur þjóðar­örygg­is­ráð verið sett á lagg­irnar. Ég veit ekki um vald­svið þess, en vona að það sé annað og meira en einhver labb-rabb-sam­ráðs­vett­vangur, heldur hafi nægt afl til þess að beita sér með festu þegar nauðsyn krefur og ætli sér að gera það.

Ég leyfi mér að gera ráð fyrir því að formaður VG sé að öðru leyti hin ágætasta mann­eskja þótt mér líki ekki áherslur hennar í samfélagsmálum, en það er einmitt þeirra vegna sem það vekur umhugsun og áhyggjur að einn æðsti prestur þeirra afla, sem landinu stafar hver mest hætta af á svo mýmörgum sviðum, skuli vera meðlimur ráðsins. Það mætti e.t.v. segja að það ætti frekar að vera eitt af verkefnum slíks ráðs að hafa gætur á slíkum öflum og afleið­ingum gjörða þeirra í stað þess að hafa hugsanlega eins konar fimmtu herdeild þar innanbúðar.

Nýlegt dæmi um óábyrgan hugs­unar­háttinn varðandi öryggi fólks er að for­maður VG fann að því að lögreglan skyldi hafa leyft sér að hafa uppi gæslu á ýmsum útifögnuðum og krafðist þess að lögreglan auglýsti það vandlega fyrir fram hvað hún ætlaði að gera. Hermt er þegar þetta er skrifað að einn þing­maður VG ætli sér að taka málið upp á Alþingi í mótmælaskyni við varkárni lögreglunnar, en slíkt aðgát krefðist „umræðu“ og skoðunar. Þá vaknar hins vegar alvarleg spurning um hvers vegna eða þá hvar í heiminum löggæslan upplýsi hugsanlega glæpamenn um viðbúnað sinn, hvar hún er hverju sinni og með hvaða hætti hún ætlar sér að verjast ógnum þeirra? Eru þetta ekki afar óæskileg pólitísk afskipti af löggæslumálum og þá ómaklegt vantraust á íslensk lögregluyfirvöld, sem hafa skyldum gagnvart almenningi að gegna? Vill VG frekar láta allt reka á reiðanum og það verkast sem verkast vill?

Þetta er af sama meiði og það að vilja hafa landamæri Íslands opin fyrir öllum sama hvað það kostar í peningum eða öðru eða hvaða afleiðingar það hafi. VG & Co. eru t.d. andvíg því að snúa þeim tafalaust við sem að eru allt í einu vegabréfalausir við komuna til landsins, en þeir hinir sömu hafa varla komist um borð í flutningsför sín án vegabréfs. Þetta fólk er andsnúið því að gera bakgrunnsgreiningu á landleitarfólki áður en því er veitt landvistarleyfi til skemmri eða lengri tíma eða þá að banna frávísuðum endurkomu til landsins og gera þá að persona non grata sem ætti auðvitað að vera, en það ku hins vegar hafa borið á því að slíkir komi aftur til þess að njóta dvalarinnar og ýmissar frírrar þjónustu á kostnað almennings á meðan verið er að „skoða málið“ mánuðunum saman. Og svo er sumum veittur ríkis­borgara­réttur í flýti með pólitískum þrýstingi nefndra afla og ríkisborgararétturinn þar með felldur að virðingu og gildi og settur niður á einhvers konar tilboð eða útsölu.

Það er ótrúlegt að til er fólk sem vill halda því fram að með því að hafa vopn nálægt sé lögreglan að gera sig og aðra að skotmörkum en ekki að verjast og snýr þar með hlutunum á haus. Ein samlíkingin gæti væri strútfuglinn heimski sem heldur að engin sé hættan á meðan að hann sér hana ekki með hausinn grafinn í sandinn. Hvar annars staðar í veröldinni skyldi slík furðu­hugmynda­fræði vera til? Afneitar þetta fólk því kannske almennt að ofbeldis­glæpir gerist, þrátt fyrir öll dæmin sem sanna annað, eða þá kaldrifjuðum morðum hryðju­verka­kommúnista hér áður fyrr eða jafnvel ógnarverkum og haturs­glæpum múslima sem við hafa tekið og tröllríða heimsbyggðinni? E.t.v. ætti formaður VG og hennar líkir að gefa óupplýstum löndunum í kring um okkur ráðin sín, t.d. að afvopnast og vera ekki að trufla vitfirringuna á forsendum þess að trúfrelsi ríki og að allir eigi að vera góðir við minni máttar eða þá að löndin verði auðvitað að gera sér grein fyrir að morðin eru auðvitað Vesturlöndum og kristni að kenna og því mjög skiljanleg, ekki satt?

Að öllu háði slepptu þótt verðskuldað sé þá þarf vart að minna á að andstaðan við veru Íslands í NATO hefur jafnframt verið eitt helsta baráttumál íslenskra sósíalista og markmiðið ætíð að gera landið varnarlaust, enda séu þeir svo fjarska miklir friðarsinnar. Þetta fólk vill engan lærdóm draga af mannkyns­sögunni gamalli eða nýrri og það lokar augum og eyrum ef eitthvað fellur ekki að þröngsýni og öfga­hugmynda­fræði þess. Almenningur verður að gera sér betur ljóst hvílík áhætta það er að treysta félagshyggju­öflunum svoköll­uðu fyrir þjóðaröryggi okkar, frelsi, lífi og limum.

Kjartan Örn Kjartansson.

Höfundur er öryrki og eldri borgari.

Vill sem minnstan vopnaburð

Öryggismál almennings gagnvart hryðjuverkahættu færast í skárra horf en áður, en betur má, ef duga skal. Úrtöluhjal vinstri manna á ekki að stýra för!

Þetta á þjóðarör­ygg­is­ráð, sem kemur öðru sinni saman í dag, að vita, m.a. að auka þarf fjárveitingar til lögreglu vegna þeirra nauðsynlegu ráðstafana sem hafnar eru til að tryggja hér öryggi, eins og sást í þremur ólíkum aðgerðum lögreglu um helgina, en full þörf verður á með ítrekuðum hætti næstu mánuði og misseri.

Að kalla út 120 manna lögreglulið á vakt, eins og gert var í gærkvöldi til öryggisgæzlu 10.000 áhorfenda við landsleik Íslands og Króatíu, er meðal kostnaðarmeiri aðgerða, og nokkuð hliðstæð var gæzlan við Litahlaupið í fyrradag, auk þess sem hindrunum var komið fyrir til að tryggja svæðið. En vegna sjómannadags-hátíðahalda á Grandagarði í gær, sem margir tóku þátt í og fóru hið bezta fram, var gengið svo vel frá málum með lokun götunnar báðum megin frá, að þar þurfti ekki lögreglulið á staðinn; en björgunar­sveita­menn voru á svæðinu og fleiri til eftirlits.

Vinstri græn eru á grunni sinnar meintu friðarhyggju farin að hnýta í yfirstjórn lögreglu og stjórnvöld vegna þessara ráðstafana, sem Katrín Jakobsdóttir telur t.d. að hefði átt að tilkynna almenningi um fyrir fram. En þeir, sem mættu á svæðin, upplifðu fremur öryggistilfinningu en óþægindi af návist okkar ágætu löggæzlumanna.

Fráleitur málflutningur um þessi mál birtist í leiðara Fréttablaðsins í dag, í grein eftir menningarblaðamanninn Magnús Guðmundsson. Það verður ekki af þeim skafið vinstri mönnum á Íslandi, að þeir hafa lengi óraunsæir verið og ábyrgð­ar­lausir í varnar- og öryggismálum, og þarna birtust skýr dæmi þess.

Engin ástæða er til að ætla, að á Íslandi sé fyrir fram útilokað að hryðjuverk geti átt sér stað. Kæmust illræðis­menn ISIS eða annarra hryðju­verka­samtaka á snoðir um, að hér væru litlar sem engar varnir gegn árásum á almenning og lykil-samkomustaði, þá væri viðbúið, að þeir gætu gengið á lagið. Öryggis­keðjan í vörnum Vesturlanda er ekki sterkari en veikasti hlekkurinn, og fyndu óvinir vestrænnar kristni, samfélags og menningar, að hér væri einn veikasti hlekkurinn, ættu þeir fullt færi á að nýta sér það, með allt það ferðafrelsi og miklu umferð til landsins, sem hér ríkir, og jafnvel í krafti þess að geta laumað liðs­mönnum öfga­samtaka til landsins undir yfirskini flótta frá stríðs­ástandi og/eða hælis­leitar vegna bágbor­inna kjara í heimalandinu. Má þar hafa hugfast, að af báðum þeim svæðum er helzt "von" múslima, en eins og kunnugt er, eru yfir 80% hryðjuverka í heiminum á þessari öld framin af meðlimum múslima­safnaða af ýmsu tagi. En jafnframt er vitað, að á síðustu tímum hafa hryðju­verkamenn beitt ýmsum óhefð­­bundnum "vopnum", tiltækum í flestum löndum, í baráttu sinni gegn Vestur­landa­mönn­um, og enn gæti sú barátta þeirra harðnað með ófyrir­leitnum vopnum. Á enginn Íslendingur með sjálfsvirðingu að stuðla að því, að færi verði gefið á almenningi með ákvörðunum byggðum á óraunsæi, óskhyggju og andvaraleysi.

Við eigum m.a. að nýta okkur aðildina að NATO til að varnar­bandalagið leggi fram bæði tækjabúnað, sem okkur kann að vera nauðsynlegur, þjálfun lögreglu­manna til að fyrirbyggja og glíma við hryðjuverk og aðgang að gagna­bönkum þeirra aðildar­þjóða sem skráð hafa grunsam­lega einstaklinga, en á móti getum við miðlað upplýs­ingum til baka, ef einhverjir þeirra eiga leið hér um, og mun það síðastnefnda reyndar nú þegar í gangi með virkum hætti að einhverju leyti (sbr. hér). FRH.

PS.  Skoðanakönnun stóð yfir á vef Útvarps Sögu um helgina og niðurstaðan birt nú í hádeginu. Þar var spurt: Ertu andvíg/ur vopnaburði lögreglu? NEI sögðu 81,43%. JÁ sögðu 16,43%, en hlutlaus voru 2,14%. Þetta styður í raun þær aðgerðir, sem Lögreglan á höfuðborgarsvæðinu greip til nú um helgina.

Jón Valur Jensson.

Þjóðaröryggisráð fundar í Keflavík