"Alltaf langað til að drepa kristna manneskju!"

sagði hælisleitandi hér á landi í lög­reglu­bíl eftir hand­töku. Hrylli­legar eru líf­láts­hót­anir hans við íslenzka lög­reglu­menn, hótaði jafnvel að afhöfða annan þeirra og drekka blóðið því til fögnuðar! Sjá frétt DV (Mbl.is virðist enn ekki vaknað í málinu).

Minnt skal á, að þótt múslimar á Íslandi séu enn hlutfallslega fáir, um eða undir 2.000, þá hafa þrír múslimskir karlmenn nú þegar myrt hér tvær konur (á Akranesi og Hagamel) og eitt gamal­menni. Slík hryll­ings­verk eru ekkert til að alhæfa út frá, en hitt jafn-ljóst, að kæruleysis­ummæli eins og þau, að múslimar séu almennt meinlausir, eru billeg alhæfing.

Viðauki. 

Nú hefur Mbl.is birt frétt um málið, en virðist ósýnt um, að blogga megi um fréttina. Þar kemur m.a. fram, að Lands­rétt­ur hafi úr­sk­urðað karl­mann þennan í gæslu­v­arðhald til 9. ág­úst "fyr­ir þjófnað, hót­an­ir, vald­stjórn­ar­brot og lík­ams­árás­ir. Maður­inn er hæl­is­leit­andi og á eng­an saka­fer­il hér á landi."

Undarlega brást héraðsdómur við ósk um gæzluvarðhald þessa glæframennis, en Landsréttur gerði betur:

Héraðsdóm­ur Reykja­vík­ur hafnaði því að maður­inn yrði lát­inn sæta gæslu­v­arðhaldi en Lands­rétt­ur sneri þeirri niður­stöðu við í gær.

Sam­kvæmt rann­sókn­ar­gögn­um hafði lög­regla níu sinn­um af­skipti af mann­in­um á tíma­bil­inu 12. mars til 12. júlí á þessu ári. 

Fram kem­ur að maður­inn hafi hótað lög­regluþjóni líf­láti með því að ætla að taka af hon­um höfuðið þegar lög­regla hafði af­skipti af hon­um vegna þjófnaðar í Smáralind. 

„Á leið á lög­reglu­stöðina sagði kærði að h[ann] hafi alltaf langað til þess að drepa kristna mann­eskju og þegar það yrði þá ætlaði hann að skera höfuð henn­ar af og drekka blóðið úr henni því til fögnuðar og beindi þeim orðum til lög­reglu­manns­ins að hann gæti orðið fyr­ir val­inu hjá hon­um,“ seg­ir í greina­rgerð máls­ins.

Alls er maður­inn sakaður um fjög­ur þjófnaðar­brot, tvær lík­ams­árás­ir, hót­an­ir og vald­stjórn­ar­brot. Auk þess er maður­inn sakaður um að hafa hótað starfs­mönn­um líf­láti sem gómuðu hann við þjófnað. (Mbl.is)

Úrsk­urður Lands­rétt­ar.

 

Jón Valur Jensson.

Sífellt til vandræða með því að óhlýðnast lögum og reglu?

"Ætli þetta No Borders-fólk sé hætt sínum aðgerðum núna?" spurði mál­vin­ur undir­ritaðan á förnum vegi um fjög­ur­leytið í dag, en ég taldi það af og frá. Nákvæmlega þá reyndust svo fimm mót­mæl­end­ur, sem trufl­uðu fólk í húsa­kynnum dómsmála­ráðu­neyt­is­ins, verða handteknir af lög­regl­unni á höfuð­borg­ar­svæðinu og færðir til yfirheyrslu.

 Lög­regl­an kom á vett­vang að beiðni ráðuneyt­is­ins, en mót­mæl­end­urn­ir neituðu að hlýða ít­rekuðum fyr­ir­mæl­um lög­reglu­manna um að yf­ir­gefa hús­næðið og voru því flutt­ir á lög­reglu­stöð til skýrslu­töku. (Mbl.is)

Spjallvinur minn var mjög eindregið á þeirri skoðun, að hælis­leit­endur, sem hingað koma, en hafa fargað vegabréfum sínum, eigi að sæta tafar­lausri brott­vísun og ekki seinna en innan 48 stunda. Aðrir slíkir, með löglega pappíra, fái fulla afgreiðslu (yfirleitt synjun) innan einnar viku að hámarki. Annað gildi svo um kvóta­flóttamenn, þeir hafa miklu meiri réttindi.

Ekki eru þessir hælisleitendur (yfir 600 á árinu) þverskurður af útlendingum. Flestir eru karlmenn, flestir ungir og meiri hlutinn múslimar. Það eru yfir 60 múslimalönd í heiminum; eiga þeir ekki fremur þar heima, mæta þeir ekki mannúð þar og bræðralagi, og eiga þeir ekki auðveldara með að aðlagast þar sem flestir íbúar hafa sömu trú og jafnvel sömu siði og þeir og tala jafnvel arabísku eins og ýmsir þessara hælisleitenda hingað?

Eins má spyrja örhópinn No Borders og "góða fólkið" svokallaða hér á landi (það sem ekki efndi þó loforð um að hýsa hælis­leit­endur), hvort þeim sé það sérstaklega hugstætt að

1. leggja álag á löggæzlufólk okkar og útgjöld ríkisins vegna vandræðamála þar sem hælis­leitendur og NB-liðar eiga í hlut,
2. fjölga hér sem mest ómenntuðu fólki frá löndum þar sem jafnvel er ýmsu ábótavant um fjölskylduhætti og siðahefðir, en sjaríalög útbreidd í sumum þeirra,
3. efna til fleiri lögbrota á opinberum stöðum eins og að undanförnu?
4. auka með tímanum á öryggisleysi ungra kvenna hér eins og í Svíþjóð og Danmörku gagnvart því að vera einar á ferð á kvöldin og nóttinni?
5. stuðla að hlutfallslegri fækkun kristinna á Íslandi, og hvað er unnið með því? Er það kannski leiðin til að auka samheldni þjóðarinnar?

Jón Valur Jensson.

Mótmælendur handteknir í dómsmálaráðuneyti

Þjóðfylkingin boðar til útifundar á Austurvelli nk. laugardag vegna ofbeldis mótmælahóps þar í gær

Í skoðana­könnun Út­varps Sögu var spurt til há­deg­is í dag: "Styð­ur þú kröf­ur þeirra hæl­is­leit­enda sem mót­mælt hafa að undan­förnu?" -- NEI sögðu 94%, JÁ sögðu tæplega 5% og hlutlausir 1,7%. ALLUR STRAUM­UR­INN ER MEÐ GAGN­RÝN­END­UM MÓT­MÆLA­HÓPSINS Á AUSTURVELLI Í GÆR!

 

Íslenska þjóðfylkingin hefur nú boðað til þögullar mótmælastöðu á Austurvelli nk. laugardag kl. 13-14 með þessari auglýsingu á Facebók flokksins:

 

Mótmælum ofbeldi hælisleitenda gegn íslensku samfélagi og lögreglunni okkar á Austurvelli laugardaginn 16. mars kl. 13 til 14. Við ætlum að mæta með íslenska fánann í friðsömum og þögulum mótmælum.

 

Í viðtengdri frétt (sjá tengil hér neðar) má lesa, frá aðstand­end­um mótmælanna í gær, að þeir tala um þær aðgerðir þannig: "The occupation of the square has officially started! It is just the beginning!"

 

Ætlar almenningur þessa lands að sætta sig við það, að fá­mennur hópur löglausra hælis­leitenda, með ofur­róttækum stuðn­ings­mönnum þeirra ("No Borders"-liði, stjórn­leys­ingjum o.fl.), yfirtaki eða "hertaki" sjálfan Austur­völl?! Því verður seint trúað.

 

Allir þjóðræknir menn, sem heimangengt eigið á þennan útifund á laugardaginn, takið þátt í þeirri þöglu, en virðingar­fullu aðgerð, sem boðuð er til stuðn­ings lögum og reglu, okkar lögmæta ríkis­valdi og lögreglu landsins, sem aðeins gerði skyldu sína og meiddi ekki einn ein­asta mann, þegar hún veitti ólög­mæt­um aðgerðum mótspyrnu á Austur­velli í gær.

 

Jón Valur Jensson.

Hyggjast gista á Austurvelli

Hrollvekjandi niðurstöður norskra dómsmála – Þrjú af hverjum fjórum grófum ofbeldisbrotum eru framin af innflytjendum - DV

 

 

Fréttamenn norsku TV2 sjónvarpsstöðvarinnar fóru nýlega yfir alla dóma, er varða alvarleg ofbeldis­brot/líkams­árásir, sem féllu í Osló frá því í árs­byrjun 2018 fram til mánudags í þessari viku. 140 manns hlutu dóm fyrir slík brot á tímabilinu. 

Niðurstöðurnar eru sláandi en samkvæmt þeim voru 98 hinna dæmdu inn­flytjendur eða um tveir þriðju hinna sakfelldu. [Raunar hvorki 3/4 né 2/3, heldur 70%, jvj.]

Um er að ræða mál þar sem hnífsstungur, högg og misþyrmingar koma við sögu. Í sumum málanna hlutu fórnarlömbin alvarlega áverka, sem munu jafnvel fylgja þeim allt lífið, og önnur voru í lífshættu. Í þriðjungi málanna voru hnífar, glerbrot eða flöskur notaðar. Meirihluti hinna dæmdu eru karlmenn.

Það er því ljóst að í þessum málaflokki er hlutfall innflytjenda mun hærra en það er í samsetningu Oslóarbúa. Samkvæmt tölum frá norsku hagstofunni eru 33 prósent íbúa Osló innflytjendur. Undir skilgreininguna innflytjandi falla þeir sem hafa flutt til Noregs eða eru fæddir í Noregi en eiga foreldra sem fæddust erlendis.

Ragnhild Bjørnebekk, sem vinnur að rannsóknum á ofbeldisbrotum, sagðist í samtali við TV2 ekki vera hissa á þessu háa hlutfalli innflytjenda. Hún sagðist telja að ein af ástæðunum sé að margir innflytjendanna koma úr samfélögum þar sem ofbeldi er algengara en í Noregi. Þetta sé einnig oft viðkvæmt fólk sem hafi upplifað miklar hörmungar."

Og nú er það bara spurning hvort góða fólkið fer að viðurkenna staðreyndir! --JVJ.

 

Heimild: PRESSAN.DV.IS

 

Hrollvekjandi niðurstöður norskra dómsmála – Þrjú af hverjum fjórum grófum ofbeldisbrotum eru framin af innflytjendum - DV

 

 

 

Góð frétt af vettvangi evrópskrar, borgaralegrar andstöðu við Marokkópakkann

 

Successful campaign against the Migration Compact

Hungarian daily Magyar Hirlap interviewed Austrian identitarian leader Martin Sellner about his campaign against the UN Global Compact for Migration.

According to the right-wing activist, his campaign – in which he managed to collect tens of thousands of signatures and conducted a successful poster campaign – “was the first big success of the patriotic civil society in Western Europe”. He pointed out that back in last September, nobody knew about the Compact, but two months later, when he was running the campaign in German-speaking countries, “the majority of Austrians and Germans knew about it and rejected it”. (Feitletrun hér, jvj.)

He also spoke about the new campaign of the Austrian Generation Identity (IBÖ), which they launched after the activists of the movement were acquitted from all charges by the court of Graz. According to Sellner, patriotic activists are still afraid to speak their mind about immigration and Islamisation in Austria.

Source: Hungary Journal
Photo: Heute

Norðurlöndin eru fjarri því að vera hryðjuverkafrí

Hnífstunguárás á konu í verzlun í miðborg Óslóar í gær er nú rannsökuð sem hryðjuverkaárás. Rússneskur ríkisborgari var handtekinn fyrir verknaðinn. 

• Sagðist vilja ráða marga af dög­um
• Við yf­ir­heyrsl­ur reynd­ist framb­urður árás­ar­manns­ins þess eðlis að ör­ygg­is­lög­regl­an PST yf­ir­tók rann­sókn máls­ins í dag. Benedicte Bjørn­land, for­stöðumaður PST, seg­ir mann­inn hafa komið til Nor­egs frá Svíþjóð í gær­morg­un og hafi hann lýst því yfir hjá PST að ásetn­ing­ur hans hefði staðið til þess að koma mörg­um mann­eskj­um fyr­ir katt­ar­nef í hryðju­verka­árás.
• Hún seg­ir of snemmt að tengja mann­inn við ákveðin hryðju­verka­sam­tök en seg­ir framb­urð hans hafa orðið til þess að lög­regla rann­saki málið sem hryðju­verk.
• Árás­armaður­inn gerði einnig til­raun til að stinga starfs­mann á búðar­kassa í Kiwi en hafði ekki er­indi sem erfiði.
• PST gaf það út í áhættumati sínu í fyrra að mesta ógn­in sem steðjaði að Nor­egi nú væru mögu­leg­ar árás­ir ein­stak­linga og hópa und­ir áhrif­um íslamskr­ar öfga­hug­mynda­fræði. (Mbl.is, leturbr.jvj)

Það er ekki að furða, með allan þennan þjóðahrærigraut í Skandinavíu. En í næsta landi, Svíþjóð, hefur arabíska nú tekið við af finnsku sem það tungumál sem næstflestir tala.

JVJ.

Hnífstunga í Ósló talin hryðjuverk

EINN stjórnmálaflokkur sýnir ábyrgð gagnvart þjóðinni vegna þjóðflutningasamnings SÞ!

Íslenska þjóðfylkingin lýsir því yfir, að hún hafnar algerlega þeim SÞ-fólks­flutninga­sáttmála, sem mörgum ríkjum heims er ætlað að stað­festa nk. mánudag 10. des. í Mar­okkó. Ríkis­stjórn­in hef­ur al­ger­lega van­rækt að láta þýða og birta sátt­málann, þótt legið hafi fyrir í tvö ár, og ekkert gert til að kynna hann, fremur beitt þar þöggun!

Sáttmáli þessi hefur það meginmarkmið að koma á fót og tryggja stöðuga og samfellda fólksflutninga (regular migration) landa á milli og miðar öðru fremur að því að fjölga stórlega íbúum Evrópu, að því er virðist í margra tugmilljóna tali á hverjum áratug. Samþykkt sáttmálans er ekki sögð lagalega bind­andi, en yrði þó pólitískt bind­andi, rétt eins og Mannréttindasáttmáli SÞ 1948 reyndist verða. En hér er um gerólíkan sáttmála að ræða, full­veld­is­skerðandi fyrir þau lönd sem skrifa upp á hann, m.a. um landa­mæravörslu, og í reynd stórhættu­legan þjóð­ríkinu sem slíku, þjóð­tungunni, eftir því sem aðflutt­um fjölgar, menningu og velferðar­kerfi, sem mundi sligast undan álaginu. ÍÞ skorar á ríkis­stjórnina að skrifa ekki undir og heitir á forseta Íslands að hafna því að staðfesta samninginn.

Mörg mikilvæg ríki afneita því með öllu að staðfesta sáttmál­ann, þ.á m. Austurríki, Ástralía, Bandaríkin, Danmörk, Eistland, Ítalía, Pólland, Sviss og Tékkland. Mörg ákvæði hans eru afar íþyngjandi fyrir viðkom­andi þjóðríki, en auka stórlega réttindi aðkomufólks. Þar á meðal má nefna "Markmið 4, aðgerð f" sem felur í sér, að þótt ekki sé vitað, af hvaða þjóðerni farand­fólkið (migrants) sé, þá eigi það ekki að koma í veg fyrir, að það fái landvist, og í Markm. 11 (f) er gert skylt að meðtaka ólöglega innflytjendur; staðhæf­ingu um "mismunun" megi nota til að mæla með hverjum þeim sem flytjast vill inn í land. Markm.16 (c) tryggir fjölskyldu­sameiningu viðkomandi og þar með margföldun innflytjenda sem tengjast honum. Markm.17/33 kveður á um að engin gagnrýnis­hugsun leyfist gagnvart framkomu innflytjenda (migrants, far­enda), gagnrýni (criticism) er stranglega fordæmd. Markm.17 (a) beinist gegn frjálsri tjáningu og innflytj­endur sjálfkrafa taldir saklausir og fórnarlömb. Markm.17 (c) felur í sér stjórn fjölmiðla og ritskoðun, fjölmiðlar verði að lýsa innflutningi fólks jákvætt, en þeir, sem geri það ekki, verði sviptir öllum stuðningi og fjár­fram­lögum. Eitt ágeng­asta ákvæðið, Markm.17 (g), kveður á um að í allri kosninga­baráttu (til þings og sveitar­stjórna) beri að styðja við innflutning fólks. Í Markmiðum 7 (a & b), 15 (e) og 20 (i) eru svo sérstök ákvæði til að tryggja stöðu islamssiðar og sjaríareglna!

Þetta er á engan hátt sáttmáli sem miðast við velferð og öryggi Íslendinga eða réttmæta þjóðarhagsmuni okkar, einungis hag og meintan rétt aðfluttra. Aðförin að tjáningar­frelsinu er kapítuli út af fyrir sig og hverjum þingmanni til minnkunar sem samþykkir þennan kröfuharða sáttmála. En verður hann borinn undir atkvæði alþingismanna? Okkur er ekki einu sinni lofað því! Að engu er slíkur sáttmáli hafandi, segjum við í stjórn Íslensku þjóðfylking­arinnar.

Þessi lengri gerð af samþykkt stjórnar Íslensku þjóðfylk­ingar­innar er send öllum alþingis­mönnum o.fl. aðilum, en styttri gerð hefur verið send öllum helztu fjölmiðlum í dag.

Ísland tekur þátt í alþjóðasamþykkt um farendur

Þrífst akademískt frelsi án tjáningarfrelsis? Berufsverbot notað í þágu pólitísks rétttrúnaðar!

Er það hlutverk Háskólans í Reykjavík að ofsækja kennara sína vegna þátttöku þeirra í léttu rabbi í lokuðu rými utan vettvangs skólans?

Er það hlut­verk fjöl­miðils eins og DV að lauma blaða­manni inn í rabb­hóp til að slá því síðar upp sem æsi­frétt, að einhver hafi rætt með galsa­fengn­um hætti, meira í gamni en alvöru, um hitt kynið? Birt­ist í því virðing DV fyrir tján­ingar­frelsi manna? Er ekki frelsi manna til "skoð­ana sinna og sann­færingar" (73. gr. stjórn­ar­skrár Íslands) ein megin­forsendan fyrir tilveru­rétti dagblaða eins og DV og samfélagslegu hlutverki þeirra?

Er ritstjórn þess fjölmiðils hreykin af því að hafa komið því til leiðar, að hálærðum háskólakennara var bolað úr starfi með engum fyrirvara vegna skoðana sinna, sem hann gerði ekkert til að dreifa meðal kennara né nemenda og heldur ekki meðal almennings?

Vill ritstjórn DV upplýsa um það, hve alvarleg brot hún telur menn þurfa að fremja til að verðskulda tafarlausa uppsögn úr starfi? Á dóms­vald í slíku máli í háskóla að vera í höndum einnar mann­eskju eða háskóla­ráðs? Og skiptir engu við mat á meintum glæp, með hverjum hætti hann var "framinn" -- er t.d. einkahjal manna engu síður refsivert fyrirbæri þar en opinber orð eða gjörðir?

Hæstaréttardómur mun falla í máli Snorra kennara Óskarssonar gegn Akur­eyrar­bæ hinn 1. nóvember n.k., þ.e.a.s. lokaþáttur réttarhalda gegn bæjarstjórninni, sá sem lýtur að bótakröfu hans vegna ólögmætrar uppsagnar hans úr starfi fyrir 6 árum. 

 Horfir Háskólinn í Reykjavík fram á það með eftir­vænt­ingu að verða dæmdur í tugmilljóna sekt vegna ólögmætrar uppsagnar vinsæls og hæfs og vel máli farins kennara, Kristins Sigurjónssonar?

Hvort stuðlar þetta framferði HR að vaxandi eða minnkandi trausti á skólanum úti í samfélaginu, meðal væntanlegra háskólanema, kennara og stuðnings­aðila? Hyggur æðsta ráð skólans, að þessi skyndilega aðför hans að starfsöryggi og lífs­viður­væri hins ágæta kennara hvetji fyrirtæki, stofnanir og einstaklinga til að láta meira fé af hendi rakna til skóla­starfs Háskólans í Reykjavík?

Og hefur háskóla­rektor HR ekki hugkvæmzt, að með þessum gjörðum hafi háskólinn brotið gegn ákvæðum 73. greinar stjórn­ar­skrárinnar um tjáningarfrelsi? Braut hin fyrir­vara­lausa uppsögn starfsmannsins ekki þennan lokalið 70. gr. stjórnar­skrárinnar að auki: "Hver sá, sem er borinn sökum um refsiverða háttsemi skal talinn saklaus þar til sekt hans hefur verið sönnuð."

Selur mannauðs­stjóri HR sjálfri sér sjálf­dæmi sem í senn sak­sókn­ara og dómara í máli kennara skólans og hvað þeir kunna að hafa sér til gaman­mála úti í bæ?

Munu Bandalag háskóla­menntaðra manna (BHM) og BSRB ekki mótmæla þessari ófyrir­leitnu árás á starfs­réttindi eins af sínum skjól­stæðingum?

PS. Er það ekki ótrúlegt að einhver stelpa, sem kallast mannauðs­stjóri, geti á nokkrum mínútum rúínerað áratuga kennslu­starfi mikil­hæfs og vel menntaðs kennara? Takið líka eftir, að hann kaus EKKI að kynna þessar skoðanir, þessi gamanmál öllu heldur, fyrir mér og þér og hverjum sem er, heldur lét orð sín falla í lokuðum hópi. Hann myndi t.d. aldrei tala svona í alvöru á Útvarpi Sögu. Þar þekkja menn hann einmitt sem einn hinn al-málefna­legasta sem þar kemur í þætti, yfirvegaður og jafnan með góð rök á takteinum. Og ég ber fullkomið traust til orða hans um að hann meti konur mikils, enda á hann konu, móður, dóttur eða dætur ...

Um þetta mál Kristins hefur mjög mikil umræða farið fram á Facebókar-þráðum í dag og fram á nótt, enfremur að nokkru á Útvarpi Sögu, en þar var einmitt Snorri Óskarsson í viðtali á 5. tímanum í dag, sjá hér: Var vísað úr starfi í miðri kennslu­stund, í stuttri frétt og svo hljóðskrá þar sem hlusta má á allt viðtalið. 

Almennt hefur straumurinn verið með Kristni í Facebókar-umræðu málsins og sitthvað vel sagt. Tökum t.d. með þessa tilvitnun í Guðmund Pálsson lækni: 

Hann ætti að fara í mál og sjá hvernig reiðir af. Kona sem hefði sagt svona á "karlastað" með karlforstjóra (eða mann­auðs­stjóra) hefði aldrei verið rekin fyrir að segja "að hún vilji helst ekki vinna með körlum". Ég held engum hefði dottið í hug að reka konu fyrir svo ágætleg og persónuleg orð. Menn hefðu gantast svolítið með þetta um stund og reynt að dekra hana upp og gera ánægða, málið búið. 
Þetta er bara klaufaskapur og húmors­leysi, hún kann sig ekki manneskjan.

Og Sigurður Þórðarson í Ginseng, stýrimanns­lærður, var með góða ábendingu:

Kristinn sendur á atvinnu­leysis­bætur eftir 19 ára farsælan feril við Háskólann í Reykjavík. Hildur Lilliendahl sem haft hefur uppi svo svívirðileg ummæli um karlmenn á netinu að þau eru alls ekki eftir hafandi hefur hlotið starfsframa hjá Reykjavíkur­borg, verkefnastjóri á sviði jafnréttismála.

Og Olafur Isleifsson bætir við: Maður hefur oft heyrt konur segja verri hluti um karla.

Jón Valur Jensson.

Leitar lögfræðings og vill lítið segja

Frumvarp um fóstureyðingar gengur þvert gegn stefnu Þjóðfylkingarinnar um verndun ófæddra Íslendinga

Konur hafa almennt verið sér meðvitandi um það síðustu fjóra áratugi, að fóstureyðingar af félagslegum ástæðum væru heimilar að landslögum til loka 12. viku meðgöngu, ekki 16. viku! Skjátlaðist þeim um þetta? NEI, því að í lögunum segir svo um aðalreglu þessa máls:

10. gr. "Fóstur­eyðing skal framkvæmd eins fljótt og auðið er og helst fyrir lok 12. viku meðgöngutímans."

Einnig: "Fóstureyðing skal aldrei framkvæmd eftir 16. viku meðgöngu­tímans, nema fyrir hendi séu ótvíræðar læknis­fræði­legar ástæður og lífi og heilsu konunnar stefnt í því meiri hættu með lengri meðgöngu og/eða fæðingu" o.s.frv. (Fósturdeyðinga-ólögin nr.25/1975) Þetta hafa konur í vanda almennt tekið sem grænt ljós laganna á 12 vikna leyfi til "félags­legra" fóstur­eyðinga fremur en 16 vikna, enda sést það líka af tíðni­tölum aðgerð­anna, töldum eftir vikum frá meðgöngu. 93,8% þeirra árið 2015 fóru fram fyrir lok 12. viku meðgöngu, en í unda­n­tekninga­tilfellum fóru svo 4,2% þeirra fram á 13.-16. viku árið 2015.

Þess vegna er vert að benda á, að tal heil­brigðis­ráðherra um að nú eigi að lengja heimildina til fóstur­eyðingar úr 16 í 18 vikur hljómar eins og blekk­ingar­leikur, því að fram að þessu töldu konur sig almennt ekki hafa þetta frelsi nema til loka 12. viku og leituðu sjaldan eftir því síðar. Það er því reynt að láta það hljóma svo, að þetta sé í reynd ekki svo veigamikil breyting! En eins og ljóst er af ofangreindu er það blekking. Og nú verður, ef Svandís nær að keyra málið í gegnum Alþingi, auglýst öllum, að fóstur­eyðingar verði heimilar til loka 18. viku meðgöngu, þegar hún er nær hálfnuð! Óneitanlega var þetta stefna bæði Magnúsar Kjartans­sonar, Austra-manns Þjóðviljans, og læriföður hans Leníns (með slíkum lögum hans 1920).

Og trú sinni flokkshefð vill Svandís, að þetta verði nú heimilt ... ekki út frá ákveðnum málefna­forsendum eða indicationum, heldur að beiðni konunnar, án þess að hún þurfi að nefna til neina nauðsyn sína!!! Einmitt þá stefnu hafði Magnús Kjartansson um 1973-4. En alveg er borðleggjandi, að þetta hvort tveggja, leng­ingin úr 12 í 18 vikur og "frjálsa" ákvörðunar­valdið hjá konunni (og barns­faðirinn algerlega hafður réttlaus!), mun stórauka flóð fóstur­eyðinga, eins og það væri ekki nógu mikið fyrir, 1044 á síðasta ári, um þriðjungur allra mannsláta!

Boðað frumvarp heilbrigðis­ráðherra um málið er því skuggaleg frétt. Það gengur 100% gegn stefnu Íslensku þjóðfylkingarinnar, því að í stað þess, að gefin verði út enn fleiri skotleyfi á ófædda Íslendinga, viljum við ganga í þveröfuga átt, eins og fram kemur í samþykkt flokksþings okkar:

Ófædd börn eiga rétt til lífsins. Flokkurinn tekur einarða afstöðu gegn nýfram­komnum hugmyndum um róttækar breyt­ingar á fóstur­eyðinga­löggjöfinni og mun taka á þessum málum með það að mark­miði að draga sem mest úr fóstureyðingum.

Íslenska þjóðfylkingin er EINI stjórnmála­flokkurinn sem boðað hefur þessa stefnu, síðan Borgaraflokkur Alberts Guðmunds­sonar og félaga hans leið undir lok, en stofnaður var hann 1987 og tókst einmitt að koma lífsverndarsinnuðu fólki á þing: Huldu Jensdóttur, Ásgeiri Hannesi Eiríkssyni, Guðmundi Ágústssyni og Kolbrúnu Jónsdóttur, sem öll stóðu að frumvörpum í átt til fósturverndar, þveröfugt við Lenínistaflokkinn VG!

Jón Valur Jensson.

Ábyrgðarlaust hjal "mannréttindastjóra" SÞ sem þykist geta talað niður til Dana

Það er sagt valda arabískum "mannréttindastjóra" SÞ "hugarangri" að Danir eru að breyta sinni inn­flytj­enda­lög­gjöf þannig, að börn inn­flytj­enda fái kennslu í dönsk­um siðum. Setti þessi Zeid Ra´ad Al Hus­sein fram gagn­rýni sína á nýju lög­in á Twitter-aðgangi mann­rétt­indaráðs Sam­einuðu þjóðanna.

Meðal þess sem lög­in hafa í för með sér er að börn inn­flytj­enda frá eins árs aldri verði tek­in í 25 klukku­stund­ir á viku frá fjöl­skyld­um sín­um og þau skóluð í dönsk­um siðum og gild­um. Slík kennsla felst meðal ann­ars í fræðslu um páska og jól auk dönsku­kennslu. Verði for­eldr­ar barn­anna ekki við fyr­ir­mæl­un­um gætu þau misst rétt sinn til fé­lags­legra greiðslna. (mbl.is)

Mann­rétt­indaráð SÞ telur lög­in "ýta frek­ar und­ir mis­mun­un gegn fólki af er­lend­um upp­runa og jaðar­setja þau frek­ar."

Þvílíkt væl. Danir eiga fullan rétt á því að skipa svo málum með löggjöf sinni, að þegnar landsins venjist á að virða þau gildi sem þar hafa verið við lýði, í stað þess að sér-"kúltúr" múslima fái að þrífast þar, á kostnað þjóðareiningar og þjóðaröryggis.

Arabar hafa lítið að kenna Norðurlandamönnum í varðveizlu mannréttinda, hafa ekki staðið sig svo vel á því sviði hingað til og eiga ekki að fá að fjarstýra danskri löggjöf í gegnum Sameinuðu þjóða-ráð sem þeir hafa óverðskuldað bolað sér inn í í krafti sinna fjölmennu múslimsku ríkja.

JVJ.

SÞ gagnrýna dönsku „gettó-lögin“