Bloggfærslur mánaðarins, desember 2016

Losum okkur undan áþján bankaauðvaldsins

Ágætt er að heyra hvatningar til þjóðarinnar og minnt á góðan árangur í mörgu. En hvað er að hjá forsætisráðherra sem segir okkur þurfa lægri vexti, en gerir ekkert í málinu?

Það er vaxtaokurs-stefna Seðlabankans og bankanna, sem einna mest háir fjárhagslegri velferð heimilanna í landinu.

Dæmi má taka af 9,2 millj. kr. Íbúðalánasjóðs-láni, sem tekið var 2010. Það stendur nú í 8.584.000 kr. fyrir 67. afborgun. Að breyttri vísitölu neyzluverðs úr 365,3 stigum í júlí 2010 í 438,4 stig nú í árslok væru þessar 9,2 milljónir orðnar jafnvirði 11.044.031 kr., en eftir 67 afborganir eru eftirstöðvarnar með verð­bót­um orðnar 10.301.807 kr., sem sé um 700.000 kr. lægri en uppreiknaða verðið. Samt hefur verið borgað um 60.000 kr. af láninu mánaðarlega í 67 greiðslum!

Í hvað fara greiðslurnar þá, verðtrygginguna? NEI, heldur vaxtagreiðslurnar. 5% vextir eru af láninu. Af 60.813 kjr. afborgun 1.1. 2017 eru heilar 35.828 kr. VEXTIR, afborgun af nafnverði er 14.782, en afborgun verðbóta aðeins 2.958 kr. og verðbætur vegna vaxta 7.170 kr.

Með því að lækka þessa vexti niður í 2% myndi mánaðarleg afborgun lækka gríðarlega, vextirnir niður í 14.331 kr. og verðbætur vegna vaxta niður í 2.868 kr., samtals 25.800 króna lækkkun frá mánaðarlegu afborguninni!

Ætlar forsætisráðherra að gera eitthvað í málinu?

"Íslenska þjóðfylkingin vill almenna skuldaleiðréttingu íbúðalána og afnema verðtryggingu" (úr stefnuskrá), en meðan verðtryggingin helzt við, viljum við, að sett verði 2% þak á verðtryggðar vaxtagreiðslur íbúðalána og að okur­vextirnir af óverðtryggðum íbúðalánum verði einnig færðir niður.

Íslenska þjóðfylkingin þakkar stuðningsfólki sínu árið sem er að líða og óskar landsmönnum öllum gæfu og gengis á nýju ári.

Jón Valur Jensson.


mbl.is Þörf að endurskoða peningastefnuna
Tilkynna um óviðeigandi tengingu við frétt

Reynsla fólks og yfirsýn vegur þungt í fullveldis­málum - En geta þrír flokkar teflt þeim í tvísýnu?

Þetta mun hafa sín áhrif í næstu kosn­ingum: að í haust var kjörsókn minnst meðal kjós­enda 20-24 ára, 65,7%, en mest hjá kjós­end­um 65-69 ára, 90,2%.

Þeir reynslu­miklu, sem lengst hafa unnað sjálf­stæði landsins, hafa þeim mun meiri ástæðu til að kjósa Ís­lensku þjóð­fylk­ing­una. Og hér skulu menn minntir á, að þetta er sá flokkur landsins, sem ein­arð­legast stendur gegn því, að Ísland verði innlimað í Evrópusambandið. Miklar efasemdir verður að hafa um það, hvort þeim þremur flokkum, sem nú sitja að stjórnar­myndunar­viðræðum, sé treystandi fyrir sjálfstæði Íslands gagnvart hinu volduga og ágenga Evrópu­sambandi. Tveir þeirra flokka, "Viðreisn" og "Björt framtíð", eru báðir beinlínis flokkar ESB-innlimunar­sinna! Sá þriðji, Sjálfstæðisflokkurinn, hefur ítrekað brugðizt sínum eigin landsfundum í sjálfstæðismálum (Icesave-málinu og að segja upp Össurarumsókninni um inngöngu í ESB; sá sami Össur fekk rauða spjaldið 29. okt. sl., en enn trássast Bjarni Benediktsson við að fylgja stefnu­mótun eigin flokks; greini­lega þarf að fylgjast með atferli hans á næstunni).

Við í Þjóðfylkingunni höfnum ennfremur hinum alls óþarfa Schengen-samningi, viljum njóta hér óskoraðs fullveldis yfir okkar landa­mærum, innflytjenda- og aðlögunarstefnu. Í því sambandi vörum við líka við hinum slapplegu ákvæðum nýrra útlendinga­laga, sem taka hér gildi eftir aðeins fjóra daga!

Þá er úrsögn úr EES einnig á stefnuskrá Íslensku þjóð­fylk­ingarinnar, en í staðinn lögð áherzla á tvíhliða fríverzl­unar- og viðskipta­samninga.

Jón Valur Jensson, meðlimur í flokksstjórn ÍÞ.


mbl.is 65,7% kjörsókn hjá 20-24 ára
Tilkynna um óviðeigandi tengingu við frétt

Öryggishagsmunir sjómanna fyrir borð bornir

Hagsmunir evrópskra, mikið til múslimskra hælisleitenda, sem hafa hér engan landnemarétt, skipa nú hærri sess hjá stjórnvöldum og Rauða krossinum heldur en sú nauðsyn að fækka hér hvorki björgunarþyrlum né áhöfnum varðskipa Landhelgisgæslunnar!* 

Vanhæf ríkisstjórn!

JVJ.

* Sjá fyrri grein hér og aðra hér og þá þriðju hér: Við núverandi ástand þyrlumála verður ekki unað til lengdar.


Reyndu að vakna, Bjarni! Afborganir skulda eiga ekki að ganga fyrir lífsöryggi landsmanna! Gæslan þarf sitt rekstrarfé!

Það ber að lýsa fullri ábyrgð á hendur ríkisstjórninni fyrir að fjársvelta Land­helgis­gæsluna. Þar er tekin áhætta um líf og limi sjó­far­enda, ferða­manna, sjúkra og slas­aðra næstu mánuði og misseri.

Bjarni Benediktsson, hættu að safna í þinn peninga­grís eða láta afborg­anir skulda ganga fyrir lífsöryggi landsmanna! 

Georg Lárusson, forstjóri Land­helgis­gæslunnar, segir að komið sé að vendipunkti hjá starfsemi Gæslunnar með frumvarpi um fjárlög sem lögð verða fram á Alþingi í dag. Fyrir liggi að segja þurfi upp áhöfn af varðskipi og 165 daga á ári verði ekkert varðskipt við Íslands­strendur, sem sé algjörlega óviðunandi. (Vísir.is: Forstjóri LHG: Ísland varðskipalaust 165 daga ársins, þyrlu skilað og starfsmönnum sagt upp).

Hér er komið upp uggvænlegt ástand vegna eilífrar, óskiljanlegrar aðhaldssemi núverandi stjórnvalda á þessu sviði, ráðherra sem slá sig til riddara fyrir spar­­semina, en gætu með þessu verið að taka á sig ábyrgð vegna mannfórna á næstunni, Þegar of seint og illa tekst að bregðast við stórslysum og háska.

Georg Kr. Lárusson, forstjóri Landhelgisgæslunnar.

Georg grein­ir frá því að niður­skurður hjá Land­helg­is­gæsl­unni hafi verið um 30% frá ár­inu 2009, sem svar­ar um 1.200 millj­ón­um. Til að fylla aðeins í það gat hef­ur stofn­un­in aflað sér­tekna með vinnu í út­lönd­um og notað til þess gömlu skip­in sín. Þau eru aft­ur á móti ekki leng­ur tæk í þau verk vegna þess hve göm­ul þau eru orðin og því verður stofn­un­in af í það minnsta 700 millj­ón­um króna á næsta ári.

„Til þess að halda úti lág­marksþjón­ustu óskuðum við eft­ir 300 millj­ón­um en verði þetta að lög­um þýðir það í raun að við föll­um fram af ákveðinni brún. Við erum búin að vera á lín­unni í lang­an tíma en þetta ýtir okk­ur fram af þess­ari brún.“

Hann seg­ir af­leiðing­arn­ar þær að að ekki verður unnt að gera út varðskip nema hluta árs og allt bend­ir til þess að stofn­un­in þurfi að skila einni af þrem­ur þyrl­um sem hún hef­ur til umráða.

Þetta þýðir á manna­máli að Land­helg­is­gæsl­an er ekki leng­ur ör­ugg­ur þátt­ur í leit­ar- og björg­un­ar­keðju þessa lands,“ seg­ir Georg í sömu frétt á Mbl.is og heldur áfram:

Ná ekki að sinna út­köll­um

For­stjór­inn bæt­ir við að stofn­un­in muni illa geta farið út á sjó að sækja sjó­menn eða aðra sem eru í nauðum þar og að al­mennt séð nái hún ekki að sinna þeim út­köll­um sem hún þarf að sinna. Verk­efn­in hafi auk­ist gríðar­lega með fjölg­un ferðamanna og út­köll á þyrlu hald­ist í hend­ur við þá 30-40% aukn­ingu sem hef­ur orðið á milli ára í þeim geira. Jafn­framt hafi sigl­ing­ar í kring­um landið og inn­an leit­ar- og björg­un­ar­svæðis stofn­un­ar­inn­ar auk­ist mikið. Ekki verði hægt að mæta því miðað við frum­varpið sem núna ligg­ur fyr­ir.

Kjósendur Sjálfstæðis- og Framsóknarflokks geta ekki verið hreyknir af sínum leiðtogum fyrir frammistöðuna í þessu máli. Gæslan er að biðja um litlar 300 milljónir króna (og þyrfti miklu meira), en fær ekki. Á sama tíma ausa þessi stjórnvöld yfir milljarði króna ár eftir ár í evrópska hælisleitendur sem hafa ekkert hingað að gera, eiga hér ekkert tilkall til ríkissjóðs og ætti að senda samstundis til baka með frímerki á rassinum.

Jón Valur Jensson.


mbl.is Geigvænlegar afleiðingar fyrir Gæsluna
Tilkynna um óviðeigandi tengingu við frétt

Skammarleg skammsýni í málefnum Gæslunnar

Það er skammarlegt að Land­helg­is­gæsl­unni verður nú gert að fækka um heila varðskipsáhöfn á næsta ári! auk þess sem draga þarf úr ann­arri starf­semi, ef fjárlagafrumvarp, sem nú er lagt fram, verður að veruleika, með áfram­hald­andi alls óþörfum aðhalds­aðgerðum.

Þetta er í fullkominni andstöðu við stefnu Íslensku þjóð­fylk­ing­arinnar, sem "vill stórefla löggæslu, landhelgis- og tollgæslu og auka þátttöku Íslands í öryggis- og varnar­málum með beinum hætti." Hér er stefnuskrá flokksins: thjodfylking.is/stefnan.

Jafnframt er vitað, að fjölga þarf um a.m.k. 150 manns í lögregluliði landsins. Að fresta því ár eftir ár, eftir sársaukafullar sparnaðar­aðgerðir, gengur ekki lengur, og furðulegt að nýjum, kostn­aðar­miklum gælu­verkefnum í þágu pólitísks rétttrúnaðar hefur nú verið hrint af stokkunum í nýrri undirdeild Lögreglunnar á höfuð­borgar­svæðinu, á sama tíma og fé er ekki tiltækt til að manna nauðsynleg störf og vaktir í löggæslunni.

Sbr. einnig: Við núverandi ástand þyrlumála verður ekki unað til lengdar

JVJ.


mbl.is Gæslan þarf að draga úr starfsemi
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband