Aðeins af (ó)þrifum í borginni og vanrækslu Dags B.

Sorphirða er ekki söm og áður. Hér áður fyrr var sorp hirt a.m.k. einu sinni í viku, en núna er það hirt á 10 daga fresti, hálfs mán­aðar eða síðar, eftir því sem verkast vill. 

Þrátt fyrir þetta hefur sorp­hirðu­gjald hækkað umfram verð­lag.

 

Götu­sópun er aðeins einu sinni á ári, en var nokkrum sinnum á ári á árum áður þegar verk­þátturinn var í höndum borgar­starfs­manna og sópað betur í hvert skipti áður en verk­takar voru fengnir í verkið og gera verkið mun verr í hvert skipti. Kostnaður við útboðs­gögn er hár hjá borginni vegna þessa. Þarna sannast að tækni­fræðingar og verk­fræð­ingar eru orðnir milliliðir í ferlinu við þessi útboðsgögn og framkvæmd götusópunar á götum borgar­innar. Segið svo að stór hluti háskóla­borgara séu ekki beinar afætur á þjóðfélaginu.

 

Umhirða í borginni er mun verri en áður og byrjaði þessi sóða­skapur þegar Jón Gnarr, pönkari með meiru, komst til valda í borginni fyrir um átta árum. Illgresi og njólar út um allt. Gras er slegið örsjaldan yfir sumarið.

 

Dagur Bergþóruson, nývaknaður, er alveg ráðþrota, á víst ekki sláttuvél til að slá grasið:

  

Fyrri myndin er fengin af heimasíðu Sverris Stormskers, tónlistarmanns. Seinni myndina tók undirritaður sjálfur af óslegnu grasi í borginni. Þetta er í beygjunni þar sem farið er úr Hólahverfi niður í Höfðabakkann fyrst í vestur og svo í norð-austur.

Guðjón Helgason.

Erlend fyrirtæki eiga ekki að eignast hér heilu firðina og auðmenn ekki hálfu hreppana!

Stórtæk ásælni erlendra auðmanna og fyrirtækja í jarðeignir hér og sjávar­útvegsfyrirtæki á ekki að líðast. Stjórnmála­menn Fjór­flokksins hafa verið sof­andi í þessum málum. Auðugasti Bretinn á hér miklar jarðeignir. Norsk fisk­eldis­fyrirtæki teygja hingað arma sína, með áformum sem gætu stefnt laxa­stofnum hér í hættu, og enn berast fregnir af því (síðast í þessari viku) að sjóeldis­laxar hafi sloppið hér í margar ár. Þessu til viðbótar er svo hættan á því, að þessi norsku fyrirtæki eignist hér heilu firðina!

Stjórnarskráin hefur ákvæði okkur til varnar í þessum málum, í 72. grein, en stjórnvöld þurfa þá líka að vera fús til að beita þeim. Íslenska þjóð­fylkingin er andvíg þeim EES-samningi, sem heimilar ESB-borgurum víðtækar fjárfestingar hér. Og hvorki kínverska ríkið (með lepp að vopni) né aðrir útlendingar eiga að hafa heimild til að kaupa hér upp dýrustu og víðfeðmustu jarðeignir, eins og Bretinn komst upp með á Grímsstöðum og í Vopnafirði og annar (þýzkur auðmaður) í Mýrdal.

Eins ber að tryggja, að íslenzk sjávar­útvegs­fyrirtæki komist aldrei í eigu erlendra stórfyrirtækja.

Enn frekari rök gegn EES-samningnum hafa verið að koma fram síðustu mánuðina og fram á þennan dag! (sjá neðar). Glæsileg hefur barátta Bjarna Jónssonar rafmagns­verkfræðings gegn ACER-málinu verið, í greinum hans í Morgunblaðinu og á Moggabloggi hans, sem og þeirra félaganna í samtökunum Frjálst land. Málið gengur út á að hafna ásælni Evrópusambandsins (með EES-samninginn að vopni) í yfirráð yfir orkunýtingu íslenzkra fallvatna og annarra orkulinda til að eiga færi á að sena rafmagn héðan um sæstreng til Skotlands, en afleiðingin yrði stórhækkun raforku­verðs til íslenzks almennings og fyrir­tækja, jafnvel allt að tvöföldun verðssins. Þessu hafna í raun 80% þjóðar­innar skv. skoðana­könnun (sem Bjarni o.fl. hafa gert grein fyrir), en eins og norskir stjórnmálamenn brugðust í málinu, þá gæti það sama gerzt hér, því að ýmsir hér, bæði embættis- og stjórn­mála­menn, virðast hræddir við að andmæla valda­stéttinni í Brussel og stórveldunum sem standa að Evrópusambandinu.

Nýjasta fréttin er svo sú, að frumvarpið sem liggur fyrir Alþingi um löggjöf um persónuvernd, frumvarp sem felur í sér innleiðingu á Evrópu­löggjöf í þeim málaflokki, gæti orðið íslenzkum sveitarfélögum og stofnunum skeinu­hætt í meira lagi! Heimilt yrði skv. ákvæðum frumvarpsins "að leggja á gífurlega háar stjórnvalds­sektir", og "beiting þeirra myndi sliga mörg sveitar­félög," eins og fram kemur í forsíðu­frétt Morgun­blaðsins í dag (sjá nánar þar í lengri grein Ómars Friðrikssonar blm. á bls. 44). Samkvæmt frumvarpinu "getur Persónu­vernd lagt á stjórn­valds­sektir sem nema allt að 2,4 milljörðum króna eða 4% af veltu, hvort heldur er hærra"! Álagning ofursekta af þessu tagi, t.d. á sveitar­félög, sem "fara með mikið af viðkvæmum persónu­upplýsingum," á sér engin fordæmi gagnvart opinberum aðilum, segir í sömu frétt. Dæmi er þar tekið af Reykja­víkur­borg, þar sem heildar­veltan er 177 milljarðar króna, "og 4% af þeirri upphæð losar sjö milljarða" í stjórn­valds­sekt!!!

Þetta er eitt af fleiri dæmum um að við sem smáþjóð eigum ekkert erindi í þetta Evrópu­samband né að vera háð því um neitt af löggjöf okkar. Annað augljóst dæmi er hið nýja innistæðu­trygg­inga­kerfi ESB, sem gæti orðið Íslendingum mjög þungbært, ef til þess kæmi að bankar yrðu hér gjaldþrota eins og í bankakreppunni 2008. Og samkvæmt umræðu um hugsanlegt ofris markaðarins, er eins gott að taka ekki slíka áhættu á þungbærum álögum vegna óþarfrar ESB-löggjafar. Við eigum að sníða okkur stakk eftir vexti, ekki reisa okkur hurðarás um öxl með lagaákvæðum sem henta kunna stórveldi, en ekki smáríki.

Jón Valur Jensson.

ESB-flokknum "Viðreisn" hyglað á kostnað íslenzkra og alþýðu-flokka; atvinnurekendur með óviðeigandi slettirekuhátt með "leiðtogafundi"!

Dæmigert fyrir þá: Á "opinn fund" um húsnæði í Reykjavík bjóða þeir leið­tog­um SJÖ "helztu" flokka skv. hlut­dræg­um "könn­un­um" ESB-Frétta­blaðs­ins, en snið­ganga NÍU flokka, þ.m.t. ÍÞ og Flokk fólksins!

Meðal forystu­manna SA, SI og Sam­taka versl­un­ar og þjón­ustu, sem stóðu (ásamt Sam­tökum ferða­þjón­ust­unn­ar) að fundi þessum í Gamla bíó, hafa verið ýmsir helztu ESB-kjöltu­rakkar sem haslað hafa sér völl í "Viðreisn": Þorsteinn Víg­lunds­son, Benedikt Jóhannesson, Jón Steindór Valdimarsson, Þorgerður Katrín Gunn­ars­dóttir og Margrét Kristmanns­dóttir, og upptaln­ingunni er ekki lokið! Fjögur af þessum fimm hafa verið kostuð inn á Alþingi með drjúgum fjáraustri til að hlaða undir framboð þeirra, og þrjú þeirra hafa komizt á ráðherrastól og stefna þangað enn!

Á svo alþýða landsins að lúta því, að þessir atvinnurekenda-forkólfar, sem eru jafn-hlynntir sviptingu landsréttinda (þ. á m. æðsta löggjafarvalds) í hend­urnar á býrókrötum í Brussel eins og ráðandi menn í norsku atvinnulífi, skuli fá að hafa umtalsverð áhrif á framgang kosningabaráttu fyrir borgar­stjórnar­kosningarnar?

"Já, en var þetta ekki bara frekar takmarkaður fundur þeirra sem sóttu hann?" geta menn spurt. En hann er útbásúnaður í fjölmiðlum, m.a. Rúv og Mbl.is, sem marktækur "leiðtogafundur" (og fulltrúi eins prósents Framsóknarflokks þó hafður með af gömlum vana), og látið sem umræðan þar sé sú, sem helzt sé takandi mark á, hjá þessum sjö flokkum! Þetta fá svo hlustendur og lesendur að melta -- að Samfylking þeirra, sem mesta sök bera á óðaverðbólgu á húsnæðismarkaði (eignar- og leigu­húsnæðis), fái þannig til dæmis fleiri og rýmri tækifæri til að auglýsa meint ágæti sitt, meðan nýrri flokkar og fjárvana fá ekki að komast að umræðuborðinu! -- jafnvel ekki þótt þeir standi alþýðu manna miklu nær og vilji umbætur í þágu bæði leigjenda og ungs fólks sem vonast eftir að geta keypt sína fyrstu íbúð, en er í gildru fátæktar og verðbólu sem orsakast fyrst og fremst af tiltækjum flokka eins og þessarar Samfylkingar!

Ekki fer sögum af því, að "leiðtogarnir" á þessari atvinnurekenda-ráðstefnu hafi gefið neinn gaum að húsnæðisvanda heimilislausra og lágtekjumanna í borginni, fólksins sem er að hrekjast úr sífellt dýrara leiguhúsnæði og er rekið burt úr félagslegu húsnæði borgarinnar, sem og húsnæði annarra, sem eiga að þjóna almenningi, jafnvel nú síðast með eins konar mafíu-aðferðum skv. frétt DV í gær! Eiga ekki stjórnmálamenn að gæta hér hagsmuna fátækra Íslendinga? En í staðinn er hælisleitendum hrúgað hér inn og borgin á fullu að útbúa meira húsnæði fyrir þá!

Jón Valur Jensson. Höf. er í 4. sæti á framboðslista Ísl. þjóðfylkingarinnar í Reykjavík.

Ræddu uppbyggingarhraða í borginni

Ekkert framsal lands- og orkunýtingar-réttinda til Evrópusambandsins!

Íslenska þjóðfylkingin er 100% andvíg lagningu sæstrengs frá Íslandi til Skotlands og hinu nýja orku­miðlunar­batteríi Evrópu­sambands­ins, sem kennt er við ACER. 

Þórdís Kolbrún ferðamála-, iðnaðar- og nýsköp­unar­ráðherra, Sjálfstæðisflokki, virðist tvístígandi gagnvart ACER-málefninu og hampar hlut­drægri skýrslu meints sérfræðings sem gerir lítið úr allri hættu af upptöku þeirrar stefnu. 

Bjarni Jónsson rafmagnsverkfræðingur hefur hins vegar jarðað allar röksemdir sem komið hefur verið á framfæri í þágu ACER-stefnunnar. Hann er hér í svipaðri stöðu og kollega hans, Loftur heitinn Altice Þorsteinsson, sem manna fagmann­legast barðist fyrir réttindum Íslands í Icesave-málinu.

Það er mikilvægt að allur almenningur verði sér meðvitaður um þetta háska­samlega ACER-mál og veiti stjórnvöldum, ekki sízt í Sjálfstæðis­flokknum, fullt og stöðugt aðhald í málinu, annars er viðbúið að illa geti farið, því ekki er þrýstingurinn lítill sem fulltrúar lands okkar eru beittir til að koma orkudreifingu okkar á hendur undirstofnun Evrópusambandsins, með hrikalegum afleiðingum fyrir orkuverð hér og allt framhald okkar virkjunarmála (vatns-, jarðvarma- og vindorku).

Einna bezt geta menn fylgzt með þessu ACER-máli á áður tilvísaðri vefsíðu Bjarna Jónssonar og á Moggabloggi samtakanna Frjálst land, sem og á Moggabloggi Heimssýnar. 

• Íslenska þjóðfylkingin vill að Landsvirkjun, RARIK og Landsnet verði ætíð að fullu í eigu þjóðarinnar og ekki verði lagður rafstrengur úr landi. (Úr stefnuskrá flokksins.)

Jón Valur Jensson. Höfundur skipar 4. sæti á framboðslista Íslensku þjóðfylkingarinnar í komandi borgarstjórnarkosningum.

Vinni orkustefnu fyrir Ísland

Þrjár ástæður óviðunandi hás íbúðaverðs reiknast á vinstri meirihlutann í borgarstjórn

1. Skort-stefna í lóðaúthlutun og okur borgar­inn­ar á verði lóða. Þær ætti að selja á kostn­aðar­verði (stefna ÍÞ).

2. "Þétt­ing byggðar" á dýrum svæðum, meðan ekki var út­hlut­að ann­ars stað­ar, kom í bak­ið á tekju­lágum.

3. Leyfis- og eftirlits­gjöld til húsbygginga hafa fjórfaldazt frá alda­mótunum, voru um 6% af íbúða­verði, en eru nú um 24%! Þetta hefur átt sinn stóra þátt í óða­verðbólgu á fasteigna­markaði í Reykjavík.

Vitaskuld átti að lækka fremur en hækka verð á lóðum í höfuðborginni. Það hefði laðað að kaupendur (verðandi útsvars­greiðendur) í stað þess að fæla marga frá og hrekja þá til nágranna­sveitar­félaga. Bæði húsbyggjendur og leigjendur, sem og fyrirtæki, hafa sótt fremur til Kópavogs og Hafnar­fjarðar eftir húsnæði og þau sveitarfélög notið þess í útsvörum og fasteigna­gjöldum, á meðan ásækni illa staddrar borgar­stjórnar í meiri gatnagerðar- og lóða­gjöld hefur stuðlað að erfiðri baráttu margra við að greiða sín gjöld og skuldir.

Vinur undirritaðs var að missa leiguíbúð sína og móður hans í Reykjavík og þurftu íbúð á jarðhæð, en leiguverð á slíkri íbúð reyndist hér "út úr öllu korti", óviðráðanlegt með öllu, en málið leystist þegar þeim bauðst slík íbúð á helmingi lægra verði í Hafnarfirði, og þar eru þau hæstánægð.

Íslenska þjóðfylkingin vill endurnýja verkamannabústaðakerfið, og nú eru aðrir flokkar farnir að taka þá stefnu upp eftir okkur! Nánar verður fjallað hér bráð­lega um húsnæðismálin, en þau eru meðal þeirra málaflokka, þar sem flestum er ljóst, að vinstri meirihlutinn hefur brugðizt almenningi illilega með stefnu sinni (sbr. ofangreinda upptaln­ingu) til viðbótar við hitt að hafa svikið loforð um 3.000 íbúðir á kjörtímabilinu sem nú er að enda. "Íbúðir á glærum" og endur­vinnsla kosningaloforða bæta engum fjölskyldum þau svik.

VIÐAUKI: 

Borgin selur lóðir dýrum dómum, hefur hækkað verð þeirra MARGFALDLEGA umfram hækkun byggingarvísitölu. Það er orðið dýrt að byggja, þegar menn þurfa, áður en fé er lagt í húsið, að leggja út 7-11 milljónir fyrir lóðina og gatnagerðargjöld! Á þessari vefslóð Viðskiptablaðsins, í grein árið 2015: http://www.si.is/media/mannvirkjagerd/frett-lodaverd.pdf , má m.a. lesa:

 

"Frá 2004 til 2015 hefur lóðaverð í hverfi á höfuðborgarsvæðinu hækkað um 508% reiknað á verðlagi ársins 2015."

 

Ennfremur:

"Sama lóðarverð er fyrir 55 fermetra íbúð og 150 fermetra íbúð."

 

Þetta síðastnefnda gerist reyndar í fleiri sveitarfélögum; Kópavogur hefur þó lagfært nokkuð þetta óréttlæti, sem bitnar mest á þeim sem eiga smáar íbúðir, en Reykjavík undir stjórn "vinstri alþýðumannsins" Dags B. keyrir áfram þessa stefnu á kostnað fátækra, ekki sízt þeirra sem eru að kaupa sína fyrstu íbúð. ---Ennfremur segir í sömu grein 2015:

 

"Ef lóðarverð í þessu hverfi hefði fylgt byggingarvísitölu hefði það hækkað úr 470.000 krónum [árið 2004] í 1.007.000 krónur [árið 2015] eða um 114% en raunin er sú að í þessu hverfi hækkaði lóðarverð úr 470.000 krónum í 5.200.000 krónur eða um 1.006%. Á verðlagi ársins 2015 hefur lóðarverðið hækkað úr 855.000 krónum árið 2004 í 5.200.000 krónur á þessu ári [2015] eða um 508%." ---Og enn hefur verðið hækkað!

 

Í ÞESSU NÁKVÆMLEGA BIRTIST VERÐBÓLU-HVETJANDI OKURSTEFNA VINSTRI MEIRIHLUTANS Í REYKJAVÍK GAGNVART ÍBÚÐAKAUPENDUM.

 

Jón Valur Jensson.

Íbúðirnar yfir greiðslugetu lágtekjuhópa

Lítil ánægja með stjórnmálastéttina; hrun Samfylkingar heldur áfram

Áberandi er í nýrri könnun Frétta­blaðs­ins, að 49,2% gefa ekki upp neinn flokk sem þau vilji kjósa! Heil 21,3% vildu ekki svara, 16,6% sögðust óákveðin, 11,3% ætla ekki að kjósa eða hyggjast skila auðu. En meðal þeirra, sem einna sízt vilja svara spurningu blaðamanna hins vinstri sinnaða Fréttablaðs, eru þeir mörgu, sem hafna innflytjenda­stefnu vinstri flokkanna, einkum stuðningsmenn Íslensku þjóðfylk­ingarinnar, sem fekk 6,42% í skoðanakönnun á vef Útvarps Sögu 12. þ.m., sjá https://thjodfylking.blog.is/.../thjodfylking/entry/2214640/

Þrátt fyrir orðalag Fréttablaðsins: "Samfylkingin fylgir fast á hæla Sjálfstæðis­flokknum," skilja nú heil 4,5% á milli flokkanna. Svo langt hefur Dagur dregizt aftur úr Eyþóri Arnalds, en hafði áður verið með mesta fylgið.

Svo er þess naumast farið að gæta hér, sem upp komst innan við sólarhring fyrir þessa könnun: þ.e. að skýjaborgir Dags um Borgarlínu og að setja Miklu­braut í stokk eru í raun HRUNDAR, verða aldrei að veruleika á þessu kjör­tímabili, hvorki til þess peningar í borgarsjóði né í ríkissjóði, samkvæmt upplýsingum fjármála­ráðherra á Alþingi í fyrradag, og Vegagerðin kemur af fjöllum að heyra um þennan Miklubrautar-stokk upp á 21 milljarð, og hefur hún þó æðsta framkvæmdavald um þá stofnbraut!

Þessir tveir rándýru útgjaldapóstar eru hvergi inni á framkvæmda­áætlun vegamála, sem nú hefur þó fengið um 25% aukið framlag ríkissjóðs, enda mikil þörf á því vegna lélegs ástands þjóðvega og nauðsynjar á að fækka einbreiðum brúm. Það er borin von hinna veruleika­firrtu vinstri manna í Reykjavík, að þeir geti látið ríkið draga sig að landi með sín hraustlega svæsnu kosninga­loforð. En borgin sjálf gæti ekkert áorkað í þessu efni án aukinnar lántöku, sem hún hefur hins vegar ekkert lánstraust til, enda eitt verst stæða sveitarfélagið!

PS. Í skoðanakönnun á vef Útvarps Sögu frá hádegi í gær til hádegis í dag var spurt: Telur þú að borgarmeirihlutinn muni falla í komandi kosningum? Þar svöruðu 84,88% JÁ, 12,4% NEI, en 2,7% voru hlutlaus. Þetta eru mjög afgerandi niðurstöður.

Jón Valur Jensson.

Sjálfstæðisflokkurinn stærstur

100-190 ma. Borgarlína & Miklu­brautar­stokkur "strax", aðal-kosn­inga­loforð Dags, gufa upp í einni svipan, er SDG og BB sjá, að sjón­hverfinga­maðurinn er berrassaður

SDG: Ég skildi svar ráðherra sem svo að það sé ekki svig­rúm hjá rík­inu til að fjár­magna þessi verk­efni. Borg­ar­yf­ir­völd geta ekki vænst þess að fá fjár­magn í borg­ar­línu eða að setja Miklu­braut í stokk úr rík­is­sjóði. 

BB: Fjórðungs­aukn­ing til vega­mála er mikið átak, hvernig sem menn vilja líta á það. "Það mun ekki duga til að standa und­ir tug­millj­arða verk­efni eins og borg­ar­lín­an er."

Þar með hafa stórkarlalegustu kosningaloforð Dags B. Eggertssonar reynzt vera undirstöðulaus -- allt heila klabbið blásið af í tveimur ræðum, enda er fjármagn ekki til fyrir þessum ga-ga-eyðsluverkefnum og enginn vilji hjá landstjórninni til að draga ábyrgðarlausan gasprarann að landi; hann getur blaðrað á eigin ábyrgð, ekki fjármálaráðherrans né ríkissjóðs!

PS. Vinstri menn í borgarstjórn tala um, að Borgarlínan kosti 80 milljarða, en aðrir hafa spáð allt að 170 milljörðum króna. Miklu­brautar­stokkurinn á að kosta 21 milljarð króna, en við gerð hans mundi þurfa að beina mestallri umferð burt; met yrðu slegin í umferðarhnútum við Sæbraut, Bústaðaveg og fleiri helztu götur.

PPS. Vitaskuld tókst Fréttablaðinu í dag að þegja algerlega um þessi tíðindi frá Alþingi í gær! Þau ætla ekki að taka þátt í því að opinbera það hvernig þessi spilaborg Dags er hrunin: fótunum algerlega kippt undan tveimur helztu kosningaloforðum hans!

Jón Valur Jensson.

Sigmundur spurði Bjarna um borgarlínu

Íslenska þjóðfylkingin mótmælir frekari aðlögun að ESB í gegnum EES-samninginn

Það hefur komið á daginn að Íslenska þjóðfylkingin hefur haft á réttu að standa, er hún varaði við frekari samruna við ESB í gegnum EES-sam­komu­lagið. ESB kemur alltaf til með að seilast meir og meir inn í okkar stjórn­sýslu og efna­hag, stígum við ekki niður fæti og förum í grund­vallar-endur­skoðun á þessum samn­ingi. Arfavitlaus landbúnaðar­samn­ingur er eitt dæmi þess. Það síðasta í þessu máli er orkumálin, en það hefur farið hljótt fyrir þeirri ákvörðun stjórnvalda, er þau samþykktu tvær fyrri samþykktir um orkumál við Evrópu­sambandið. Nú er komið að þeirri þriðju, þar sem ESB krefst yfir­ráða yfir orku­málum á EES-svæðinu og þar með á Íslandi (ACER-málið).

 

Hvenær ætluðu stjórnmálamenn að útskýra þennan gjörning fyrir landsmönnum, eða átti bara að hleypa þessu í gegn, án umræðna eins og þeim fyrri? Eða ætla stjórn­mála­menn einnig að þegja yfir sjávar­útvegs­stefnu ESB, sem er með það á borðinu að yfirtaka stjórnun fiskveiða á EES-svæðinu og þar með á Íslandi. Nú segjum við stopp!

 

Íslenska þjóðfylkingin telur rétt að efna til grundvallar-upplýsinga um hver staða landsins sé gagnvart Evrópska efnahagssvæðinu (EES) og þá um leið ESB. Íslenska þjóðfylkingin telur að þegar landsmenn hafi verið upplýstir um stöðu mála, sé rétt að segja sig úr EES-samstarfinu og gera tvíhliða viðskiptasamning við ESB, sem og Breta. Ekki verði farið frekar að lögum Evrópusambandsins, alþingi Íslendinga verði að girða sig í brók og vera verðugt þess að setja þau lög sem ætlast sé til að Íslendingar fari eftir. Sjálfvirkar samþykktir alþingismanna á lögum frá ESB heyri sögunni til, alþingismenn þurfi að sýna ábyrgð.

 

Íslensk utanríkisstefna hefur hlotið skipbrot að undanförnu, vegna undirlægju­háttar íslenskra ráðamanna. Þó hafa þeir sýnt að þeir kunna að semja og ættu að gera fleiri samninga við hin ýmsu ríki um tollfrjálsan aðgang, sem myndi efla hagkerfi landsins. Hætta að skipta okkur af háhitasvæðum pólitískra valda­blokka, heldur vera klók og eiga samskipti við sem flesta á jafnræðis­grundvelli. Menn geta haft síðan hinar ýmsu skoðanir á stefnu í utanríkismálum, en það á ekki að bitna á verslunar­frelsi né almenningi í landinu. Dvergríkið Ísland á ekki að þenja út á sér brjóstkassann, séum við ekki burðug til að standa á eigin fótum og skoðunum.

 

Guðmundur Karl Þorleifsson, formaður Íslensku þjóðfylkingarinnar.

Orkumál Íslands ekki mál ESB

Reykjavík er á hausnum, með frest út kjörtímabilið, fram í maí nk., en Dagur B. borgarstjóri lofar þremur milljörðum í eitt verkefni!

Merkilegt hvað maður­inn gerir sig breiðan, miðað við að ávís­ana­heftið verður tekið af Reykja­vík þegar frest­urinn rennur út í vor! Innan­tóm loforð mannsins upp í fínu stæl­jakka­ermina eru í megn­ustu mótsögn við stöðu borgar­sjóðs, en skuldir hans eru 1,8 sinnum meiri en heildar­tekjur ársins!

Leikskóla­stefna borgarinnar er að hruni komin, mörgum foreldrum og starfsmönnum til sárrar armæðu, en þá þykist Dagur geta snarað út þremur milljörðum króna í nýja leikskóla! Hentugt að tala þannig FYRIR kosningar!!

Eyðslustefnu borgarinnar í yfir­bygg­ingu og vitlaus gælu­verkefni verður að linna nú þegar, en þá segist borgar­stjóra­nefnan ætla að bæta þar um betur með fleiri innistæðulausum loforðum!

Og af hverju leggur hann ekki til, að laun sín verði lækkuð um helming, úr rúmum tveimur milljónum króna á mánuði?! Er ein milljón í hann ekki meira en nóg, miðað við afköst hans eða öllu heldur afkastaleysi hingað til? ---Jón Valur Jensson.

Guðmundur Þorleifsson, formaður Íslensku þjóðfylkingarinnar, ritar á vefsíðu hennar þetta fimmtuagskvöld:

Maðurinn er búinn að koma fjármálum borgarinnar í það horf, að reikna má með því að komist borgin ekki undir ábyrga stjórn eftir kosningar, verði settur umsýslumaður með fjármálum borgarinnar á vegum fjármála­ráðuneytisins. Nú stígur hann fram og veifar framan í borgarbúa kosninga­loforði upp á 3 milljarða í byggingu leikskóla, sem hann hefur ekki til umráða. Þetta er borgar­stjóri sem er með allt niður um sig í leikskóla­málum, skólamálum, umhverfis­málum, samgöng­umálum, svo eitthvað sé nefnt. Hvar ætli loforðaflaumur Dags endi, 3 milljarðar hér, borgarlína 170 milljarðar (varlega áætlað) og svo framvegis.

Ég vona að borgarbúar láti ekki blekkjast yfir slíkum yfirlýsingum, það þarf að vera til fjármagn til að lofa út og suður, slíkt er óábyrgt hjal sem engin innistæða er fyrir. Íslenska þjóðfylkingin gerir sér grein fyrir að víða þarf að taka til eftir núverandi meirihluta í borginni, en það verður ekki gert með digurbarkalegum yfirlýsingum, þar sem engin innistæða er fyrir. Nei! Til að taka til hendinni og laga það sem miður hefur farið í borgarmálum, þarf að hætta við gæluverkefni sem ekki eru lögbundin fyrir sveitafélög að gera, þar með er hægt að ráðast í lagfæringu á þjónustu þeirri sem borgarstjórn á að framkvæma til handa borgarbúum. Íslenska þjóðfylkingin vill gera borgina betri fyrir borgarbúa til að búa í, þar sem þeim finnst öryggi og velferð þeirra borgið, hagsmunir þeirra séu ekki fyrir borð bornir og samfélagsleg ábyrgð borgarstjórnar sé raunhæf. 

Guðmundur Karl Þorleifsson, formaður Íslensku þjóðfylkingarinnar.

Segir hugmyndir Eyþórs galnar

Inga Sæland missir stuðning margra ef hún tekur upp innflytjenda­stefnu vinstri flokka

Logi Einarsson kveðst geta hugsað sér að vinna með Flokki fólks­ins, en skrökvar, að Sam­fylk­ingin eigi sam­leið með FF að vilja vinna fyrir þá sem minna mega sín í sam­fé­lag­inu. Í mál­efn­um flótta­manna og hæl­is­leit­enda væri hins veg­ar stefna Flokks fólks­ins "glanna­leg". For­senda sam­starfs væri að horfið yrði frá þeirri stefnu hans, segir Logi:

„En mér finnst þau hafa talað dá­lítið glanna­lega um flótta­menn og hæl­is­leit­end­ur en við skul­um bara sjá hvort það fari ekki bara að víkja af þeirra stefnu­skrá,“ segir hann í Mbl.is-viðtali.

Því verður ekki trúað að óreyndu, að Inga Sæland og félagar fari að selja sannfæringu sína í innflytjendamálum fyrir ráðherrastóla. Það myndi sízt hjálpa þeim flokki í næstu kosningum. Margir, sem stutt hafa Íslensku þjóðfylkinguna, kusu flokk fólksins í kosn­ingunum 28. okt. sl. Hvorugur flokkurinn byggir á kyn­þáttahatri eða útlendinga­andúð, en halda sig við þá grunn­stefnu stjórnar­skrár­innar (76. gr.), að þeir, sem geta gert kröfu til félagslegrar og heilbrigðis-aðstoðar, auk framfærslu, þegar þörf krefur, eru fyrst og fremst íslenzkir ríkis­borgarar, aðrir ekki, meðan þessir hafa ekki fengið nauðsynlega þjónustu.

Pétur D. (Aztec) ritar hér á vefsíðu Páls Vilhjálmssonar:

Þegar Logi fullyrðir, að Samfylkingin "eigi samleið með flokknum þegar kæmi að þeim sem minna mættu sín í þjóðfélaginu", þá er það lygi.

Þegar Samfylkingin leiddi ógæfustjórnina 2009-2013, þá gaf þessi flokkur skít í alþýðuna, láglaunafólk og öryrkja. Það eina sem flokkurinn hamaðist við að gera var að viðhalda kreppunni, koma minna efnuðu fólki með íbúðalán á kúpuna og troða landinu inn í Fjórða ríkið, meðan litli bróðir (VG) hlóð undir hrægammana og hýenurnar.

Já, það er oft þörf á að tala með tveim hrútshornum inn í flokkaumræðuna á Íslandi. Og Flokkur fólksins má ekki gleyma því, hvert umboð hans er: það er EKKI til að framkvæma hrapallega stefnu vinstri flokkanna í útlendingamálum, heldur þvert á móti að vinna fyrir íslenzkt alþýðufólk.

Jón Valur Jensson.

Flokkur fólksins til í vinstristjórn