Engan fullveldisskerðandi og þjóðskemmandi SÞ-fólksflutningapakka hingað!

Á vef Útvarps Sögu -- utvarpsaga.is -- er nú spurt: "Á Ísland að skrifa undir Mar­okkó­yfir­lýs­inguna?" Tökum þátt og mót­mælum með því áformum full­veld­is-svíkj­andi pólitík­usa, því að með undir­skrift SÞ-fólks­flutn­inga-sáttmálans (sem margar þjóðir hafna*) myndu þeir opna hér allar gáttir á inn­flyjenda­flóð úr Asíu og Afríku á næstu árum!

Þjóðtungan, velferðar­kerfið og þjóðríkið eru hér í beinni, yfir­vof­andi hættu, verði þetta lið ekki stöðvað.

Arnþrúður á Útvarpi Sögu var að greina frá því (samkvæmt upp­lýsingum úr ráðuneytinu), að utanríkis­ráðherra hafi ákveðið að senda ráðu­neytis­stjóra til Marokkó vegna undirskrifta­fundarins (hallelúja­samkomu fjöl­menningar­hyggjunnar) í Marokkó 10. þessa mánaðar!!!

Sjálfstæðismenn, standið undir nafni og mótmælið við þingmenn ykkar og Valhöll með skæða­drífu netbréfa og hringinga. Það sama ættu allir árvakrir kjósendur að gera gagnvart þingmönnum sínum. HÉR er hægt að komast í netföng þeirra og símanúmer!

Og málið er enn alvarlegra en hér er komið fram, fyrir sjálft málfrelsi landsmanna!

Nánar verður fjallað um þetta mál hér e.h. á laugardag.

* Meðal ríkja, sem hafna þessum Sameinuðu þjóða-fólks­flutn­inga-sáttmála, eru Ástralía, Austurríki, Bandaríkin, Búlgaría, Eistland, Ísrael, Króatía, Pólland, Slóvakía, Sviss, Tékkland, Ungverjaland. Önnur ríki, t.d. Danmörk og Noregur, munu ekki skrifa undir nema með alvarlegum fyrir­vörum til að tryggja rétt sinn. Ítalía mun trúlega fresta ákvörðun um málið, enda er það víðast hvar lítt eða ekki rætt meðal þjóða, t.d. meðal Þjóðverja. Í Þýzkalandi, eins og víðar, m.a. hér á Íslandi, hafa stjórnmálamenn, fjölmiðlar og flestir álitsgjafar haldið uppi markvissri þöggun um málið!

Jón Valur Jensson (á sæti í flokksstjórn ÍÞ).

Athugasemdir

[Gústaf Adolf Skúlason, 7.12.2018 kl. 20:47]

Svik við landsmenn að skrifa undir samkomulag sem opnar flóðgáttir innflytjenda til landsins. A.m.k. þrír mótmælafundir verða í Svíþjóð um helgina, tveir í Stokkhólmi og einn í Gautaborg til að mótmæla undirskrift "samningsins".

Og það kemur meira:

Annar samningur (https://www.unhcr.org/5b3295167) sérstaklega um flóttamenn verður samþykktur hjá SÞ í New York seinna í mánuðinum. Engir fjölmiðlar segja frá þessum samningi sem ríkisstjórn Íslands mun líka skrifa undir og þegir um eins og steinn.

• Í þessum samningi verður hugtakið flóttamaður þynnt út á látið gilda um veðurfarsbreytingar og óhaldbær umhverfisáhrif.

• Einnig verður stofnuð alþjóða flóttamannanefnd með eftirliti með hvernig löndin framfylgja samkomulaginu. 

• Þá verður komið á fót alþjóðlegu ráði háskóla,  vísindamanna og rannsóknastofnana til að greiða fyrir námi flóttamanna og fjárgreiðslum til þeirra. 

• Mörg fleiri atriði t.d. að greiða fyrir peningayfirfærslum flóttamanna til "heimalanda" sinna. 

[Íslenska þjóðfylkingin, 7.12.2018 kl. 22:40]

Hrikaleg skemmdarverkastarfsemi, greinilega, á innviðum okkar og sjálfu þjóðskipulaginu, ef þetta nær fram að ganga.

Getur nokkur maður verið lengur þekktur fyrir það að kalla sig sjálfstæðismann, ef flokkurinn ætlar að samþykkja þetta eða a.m.k. ráðherrar hans?

Heilar þakkir, Gústaf, fyrir upplýsandi innleggið.

JVJ.