Sunnudagur, 9.9.2018
Glæsilegur árangur Svíþjóðardemókrata
Vitaskuld er það stórsigur Svíþjóðardemókrata í kosningunum, ef þeir fá 19,2% atkvæða, í stað 12,9% fyrir fjórum árum. Á sama tíma hefur fylgi Sósíaldemókrata hrapað úr 31,0% í 26,2% og Móderata úr 23,3% 2014 (en 30,1% árið 2010) í 17,8% nú (sem Bogi Ágústsson vill þó kalla "átján prósent"). Svíþjóðardemókratar eru þar með orðnir stærstir meðal borgaralegu flokkanna, en hafa þó aðeins setið 8 ár á þingi! Þetta er því einstaklega mikill árangur.
Þessar tölur byggja þó á útgönguspám, en kjörstöðum var lokað kl. 18.00 og búizt við að talningu ætti að geta lokið í kvöld.
Falli umhverfisflokkurinn Miljöpartiet út af þingi (hann er rétt ofan við 4% lágmarkið nú), er ríkisstjórn kratans Löfvens augljóslega fallin.
Jón Valur Jensson.
Sósíaldemókratar stærstir | |
Tilkynna um óviðeigandi tengingu við frétt |
Norræn lönd | Breytt s.d. kl. 19:56 | Slóð | Facebook | Athugasemdir (2)
Sunnudagur, 9.9.2018
Vinna Svíþjóðardemókratar stórsigur í kosningunum í dag?
Víst er talið, að flokkurinn stórauki fylgi sitt, en í kosningunum 2014 fengu SD 12,9% atkvæða og 49 þingsæti af 349. Nú gætu þeir fengið um 19 eða jafnvel yfir 20% atkvæða, en það fer m.a. eftir því, hvaða áhrif það hefur, að flokkurinn ákvað að sniðganga SVT, þ.e. sænska ríkissjónvarpið, á lokadegi kosningabaráttunnar, eftir áberandi hlutleysisbrot fréttamanna þar. Við í Íslensku þjóðfylkingunni þekkjum sambærilega hlutdrægni sjónvarpsmanna hér á Íslandi kvöldið fyrir síðustu borgarstjórnarkosningar.
Við í ÍÞ óskum Svíþjóðardemókrötum góðs gengis í þessum kosningum, um leið og við viljum hrósa flokksforystunni fyrir að hreinsa út nazistísk öfl sem höfðu komið sér fyrir í flokknum, en voru þó í raun aldrei fjölmenn.
Jón Valur Jensson.
Spilað upp í hendur Svíþjóðardemókrata | |
Tilkynna um óviðeigandi tengingu við frétt |
Norræn lönd | Breytt s.d. kl. 03:29 | Slóð | Facebook | Athugasemdir (0)