Færsluflokkur: Trúmál og siðferði

Kosningaþáttur RÚV: Guðmundur undirstrikaði andstöðu við mosku í Reykjavík

Guðmundur tók strax fram í upphafskynningu á stefnu flokksins að flokk­urinn ætli að draga til baka loforð um lóð undir mosku í Reykjavík, að flokkurinn ætli að gera ferðir með strætó fríar fyrir námsmenn og að flokkurinn ætli að endurreisa Verkamannabústaðakerfið og koma fátækum Íslendingum í húsaskjól. Til að greiða fyrir umferð í Reykjavík ætlar flokkurinn að reisa mislæg gatnamót og minnka svifryk með því að láta sópa götur reglulega líkt og er gert í okkar nágrannalöndum. Guðmundur gat líka komið því að, að flokkurinn ætlar að endurreisa véladeild Reykjavíkur (oft kallað bæjarvinnan hér áður fyrr).

Aðrir flokkar í þessum kosningaþætti voru mjög uppteknir af því að lofa frekara fjáraustri í að taka hér á móti sem flestum hælisleitendum og vildu að börn hælisleitenda gengju fyrir í menntakerfinu.

Það er þvert á stefnu Íslensku þjóðfylkingarinnar sem ætlar að rifta öllum samningum við Útlendingastofnun og Rauða krossinn um að hælisleitendur gangi fyrir í húsnæði og skóla á vegum borgarinnar.

Helgi Helgason. Höfundur er menntaskólakennari og varaformaður ÍÞ.

* Guðmundur Karl kemur fram í Rúv-þættinum þegar um hálftími er liðinn frá upphafi hans og áfram annað veifið næsta hálftímann, ásamt fulltrúum annarra flokka.

Hér er mynd af forystu Íslensku þjóðfylkingarinnar, frá vinstri til hægri: Geir Harðarson ritari, Guðmundur Þorleifsson formaður og Helgi Helgason varaformaður:

Mynd frá Helgi Helgason.

 


2/3 þeirra, sem afstöðu taka í Gallupkönnun, eru andvígir byggingu mosku í Sogamýri

Fram er komin mjög eindregin andstaða stórs hluta kjósenda við byggingu mosku í Sogamýri (á áberandi stað á milli Miklubrautar og Suður­lands­brautar). Gallup­könnun um málið, birt í Mbl. í dag, er mjög ýtarleg, og koma þar m.a. fram ástæður þeirra, sem eru andvígir byggingu moskunnar. 39,3% þeirra eru andvíg stað­setn­ingunni, og 3,4% segja hana "of áberandi", en meirihluti andvígra (51,3%) má segja að hugnist ekki þessi framsókn islams hér á landi: 14,1% segja: á ekki heima hér, 12,7% segja: vil ekki mosku, 7,2% til viðbótar: "er á móti múslimatrú", 7%: [við erum] kristin þjóð, 4,2% nefna: "öfgahópar og hryðjuverk", 2,4%: "mun skapa vandamál", 2,3%: "myndum ekki fá að byggja kirkju í islamsríki" og 1,4%: "neikvæð þróun". Þá telur 1% hana "óþarfa". Þá er yfirgnæfandi meirihluti hlynntur því, að íbúakosning fari fram um málið. Sjá nánar greinina sjálfa í Morgunblaðinu í dag, eftir Árna Má Jónsson framkvæmdastjóra, áhugamann um lýðræði og betra líf, sem og tengilinn hér neðar á mbl.is-frétt um málið.

Þegar menn voru spurðir: "Ert þú hlynnt(ur) eða andvíg(ur) byggingu mosku í Sogamýri í Reykjavík," svöruðu 35,8% hvorki né, en 42,4% voru andvíg og 21,9% hlynnt þessu, og eru það nær tveir andvígir á móti hverjum einum sem hlynntur er byggingu moskunnar.

45,4% vildu, að haldin  yrði íbúakosning um byggingu moskunnar samhliða næstu sveitarstjórnarkosningum (26. maí nk.), 18,2% vildu að það yrði gert síðar (alls 63,6%), en 36,4% höfðu ekki skoðun á tímasetningu slíkrar kosningar um byggingu mosku eða var alveg sama. Borgarfulltrúar vinstri flokkanna taka hins vegar ekki í mál að leyfa íbúakosningu um málið -- í því birtist þeirra takmarkaða virðing fyrir lýðræði í borginni.

Vinstri menn í stjórn borgarinnar taka islamstrú fram yfir kristna trú, eins og kom fram í andstöðu þeirra við að láta trúfélagið Hjálpræðisherinn (sem hefur hjálpað bágstöddum hér í meira en 100 ár) njóta jafnræðis við múslimasöfnuð handarhöggs-predikarans Salmanns Tamimi. Þessir vinstri flokkar beita sér jafnvel gegn því að skólabörnum sé gefið Nýja testamentið, virðast óttast kærleiksboðskap Jesú Krists og postula hans og það, sem hann gaf okkur, langtum meira en boðskap Kóransins og þann Múhameð sem ofsótti Gyðinga og framdi viðurstyggileg fjöldamorð á fólki í Medína og víðar til að augðast og breiða út islam.

Með öllu sínu trúboði á 12-13 árum í Mekka (til 622 e.Kr.) hafði Múhameð einungis fengið um 50-60 eða í mesta lagi 150 fylgjendur, en eftir að hafa gert Medínu að miðstöð sinni tókst honum á næstu tíu árum að safna um 100.000 manns undir fána islams með sinni vopnuðu baráttu, "heilögu stríði," jihad, í margendurteknum árásar-, ráns- og herförum um Arabíu­skagann. 67% af ævisögu Múhameðs, al-Sira, er helgað hinni vopnuðu baráttu jihad, sjá rit Hege Stor­haug, Þjóða­plágan Íslam (Rvík 2016, bls. 177-8, 185). Islam er trú hins grimma stríðsmanns Múhameðs, ekki trú friðarins.

Jón Valur Jensson, einn frambjóðenda Íslensku þjóðfylkingarinnar til borgarstjórnar.


mbl.is 42% vilja ekki mosku í Sogamýri
Tilkynna um óviðeigandi tengingu við frétt

Fjöldi múslima í Evrópu stórlega vanmetinn

Í ljós kom að mat Pew Institute á fjölda þeirra í 28 ESB-ríkjum auk Noregs og Sviss var vanáætlaður um fimm milljónir!

Pew "ákvað að telja ekki með" rúml. milljón hælisleitenda í Þýzkalandi 2015-16 "af því að ekki er búizt við að þeir fái stöðu flóttamanna". Pew hafði talið 4.130.000 múslima vera í Þýzkalandi (6,3% landsmanna), en sú tala stenzt sem sé ekki.

Á Spáni voru múslimar taldir 1.180.000 í mati Pew (2,6% landsmanna), en voru vanmetnir um 739.000, því að Samband islamskra samfélaga á Spáni (Unión de Comunidades Islámicas de España, UCIDE) telur að múslimar á Spáni í árslok 2016 hafi verið 1.919.141, þ.e. 4,1% landsmanna, en matstölur UCIDE "are widely recognized in Spain as the most accurate assessment of the Muslim population in that country." (How Many Muslims in Europe? Pew´s Projections Fall Short, aðalheimild hér*).

Í Frakklandi hafði Pew talið múslima 5.720.000 (8,8% lands­manna), en viðurkennir að "Frakkar hafa ekki mælt fylgjendatölu trúarbragða í manntali frá 1872." Samt taldi Pew unnt að meta þennan fjölda áhanganda og iðkenda islamstrúar.

En milljónir múslima í Frakklandi dyljast frá skráningu. Yves Mamou skýrir það:

"This figure [six million] does even not take into consideration the Muslim population that immigrated to France from North Africa in the 1960s and early 1970s. There are a few million of them — nobody knows how many exactly. They became French very early, and for demographers, their grandchildren and great-grandchildren are not regarded as immigrants anymore. These Muslims are, rather, integrated into statistics as French citizens born of French parents. They are Muslim, but under the statistics radar."

Í Austurríki mat Pew múslimana 600.000, 6,9% landsmanna, en Österreichische Integrationsfonds (ÖIF), stofnun á vegum utanríkisráðuneytisins, metur múslimafjöldann í Austurríki 700,000, þ.e. 7,9%. 100.000 manna mismunurinn virðist ekki mikill, en hefur stórhækkandi áhrif á útlitsmatið árið 2050. Samkvæmt hæsta matinu þá gætu múslimar orðið 350.000 fleiri en áður var talið, þ.e. "nearly 25% according to the ÖIF, compared to 19.9% according to Pew." 

Samkvæmt lægsta fólksfjöldamati Pew fjölgar múslimum í löndunum þrjátíu úr 25,8 milljónum 2016 í 35,8 milljónir árið 2050. Í þessu mati var gert ráð fyrir algerri stöðvun á innflutningi múslima frá þessu ári til 2050 og þetta haft til viðmiðunar, en vitaskuld mun það ekki standast sem forsenda fólksfjöldamats.

Miðmat Pew var að áframhaldi á núverandi straumi til Evrópu, annarra en hælisleitenda, og myndu múslimum þá fjölga úr 25,8 milljónum 2016 í 35,8 milljónir 2050.

Hæsta mat Pew "projects the record flow of refugees into Europe between 2014 and 2016 to continue indefinitely into the future with the same religious composition — namely Islamic — in addition to the typical annual flow of regular migrants. In this scenario, the number of Muslims could reach 75.6 million, or 14% of Europe´s population by 2050 — nearly triple the current share."

En jafnvel þetta mat er nú einsýnt að verði að hækka, því að byrjað var með fimm milljónum of lágar matstölur nú, og það hefur stórfelld áhrif, því að hvort tveggja er, að múslimar tímgast hraðar og með fleiri fæðingum en þær þjóðir, sem fyrir eru í Evrópu, og eins hitt, að gert er ráð fyrir, að meðal þessara síðarnefndu þjóða verði 10% fólksfækkun (vegna lítillar tímgunar frá því að komið var fram undir aldamótin, en hinar fjölmennu eftirstríðskynslóðir verða þá farnar að týna tölunni í stórum stíl).

Þetta, skv. hæsta matinu, eru all-hrikalegar tölur í reynd, jafnvel þótt ekki sé þar gert ráð fyrir 5 milljóna skekkjunni í byrjun:

  • In Germany, the Muslim population would increase from 4,950,000 (6%) today to 17,490,000 (around 20%) by 2050 in the high scenario, compared to 11% in the medium scenario and 9% with no further Muslim migration.
  • In France, the Muslim population would increase from 5,720,000 (8.8%) today to 13,210,000 (18%) by 2050 in the high scenario, compared with 17.4% in the medium scenario and 12.7% with no further Muslim migration.
  • In Britain, the Muslim population would increase from 4,130,000 (6.3%) today to 13,480,000 (17.2%) in the high scenario, compared to 6.7% in the medium scenario and 9.7% with no further Muslim migration.
  • In Belgium, the Muslim population would increase from 870,000 (7.6%) today to 2,580,000 (18.2%) in the high scenario, compared to 15.1% in the medium scenario and 11.1% with no further Muslim migration.

Og í næstu nágrannalöndum okkar:

Under the high-migration scenario, for instance, the Muslim population of Sweden — a formerly homogeneous Christian country — would reach nearly one-third (30.6%) of the overall population by 2050, Norway 17%, Britain 16.7%, Denmark 16%, and Finland 15%.

 

Pólland hefur hins vegar allt aðra innflytjendastefnu. Þar myndi múslimum fjölga úr 0,1% landsmanna nú í 0,2% árið 2050!

En hver skyldi verða affarasælust stefna í þessum málum fyrir okkur Íslendinga? Endilega tjáið ykkur um það!

JVJ.

* Greinina ritar Soeren Kern, Senior Fellow at the New York-based Gatestone Institute.


Bandaríkin ekki lengur með í SÞ-sáttmála um flótta- og farandfólk; samrýmist hann nokkuð frekar fullveldi Íslands?

Bandaríkjastjórn hefur tilkynnt Samein­uðu þjóð­unum að hún dragi sig út úr sátt­mála um rétt­indi flótta­manna og farand­fólks, sam­þykkt­um 2016. Nikki Haley, sendi­herr­ann við SÞ, segir sátt­málann grafa undan full­veldi Banda­ríkjanna.

  • Sáttmálinn á að tryggja réttindi flóttafólks, hjálpa því að koma sér fyrir á nýjum stað og veita því aðgang að menntun og störfum. Ætlunin var gera samning um fólksflutninga á næsta ári, að því er segir í frétt CNN. (Visir.is)

Haley segir að Bandaríkjastjórn ætli að ákveða sýna eigin stefnu um innflytjendur, enda samrýmist ákvæði sáttmálans ekki stefnu landsins í innflytjendamálum.

  • „Ákvörðun okkar um innflytjendastefnu verður alltaf að vera tekin af Bandaríkjamönnum og aðeins Bandaríkjamönnum. Við munum ákveða hvernig við stjórnum best landamærum okkar og hver fær að koma inn í landið okkar,“ segir hún.

Þessu hefur Miroslav Lajcak, forseti allsherjarþings SÞ, mótmælt, hann harmar ákvörðun Bandaríkjastjórnar og segir að ekkert eitt ríki geti stjórnað alþjóðlegum fólksflutningum. (Visir.is)

Með þá túlkun Vinstri grænna (leiðandi flokks í ríkisstjórn) á meintum skyldum okkar vegna flótta­manna­sáttmála SÞ, að hér þurfi að taka við a.m.k. 2.000 kvóta­flóttamönnum á næstu fjórum árum og a.m.k. þrefalt fleiri hælisleit­endum -- og allt réttlætt með þessum sáttmála, sem ýmsar aðrar þjóðir telja sig þó alls ekkert bundnar af -- þá liggur beint við að álykta, að í þessu efni ættum við að fylgja fordæmi Banda­ríkja­stjórnar. Það er alls óviðunandi, að erlent valda­apparat eins og SÞ taki svo ágengar og afdrifa­ríkar ákvarðanir um okkar innan­ríkis­mál, nokkuð sem hefði sláandi áhrif til tugþúsunda-fjölgunar múslima hér á landi á næstu árum og áratugum (sbr. mjög vel unna fréttargrein um þau mál í Evrópu í Morgun­blaðinu í gær).

Þessi ríkisstjórn, sem er nýsetzt hér að völdum, ætti sem fyrst að taka þetta mál til afgreiðslu og segja sig frá öllum skyldum við þennan ofurróttæka SÞ-sáttmála. Geri hún EKKERT í málinu, er hún sjálfkrafa að skilgreina sig sem róttæklinga­stjórn á þessu sviði, haldna glýju glópa­bjartsýni og fyrirhyggjuleysi um varðveizlu einingar og samheldni íslenzku þjóðarinnar, sem og öryggi hennar gagnvart hryðjuverkaöflum, sem ættu þeim mun auðveldari aðgang að landinu eftir því sem fjölgað yrði hér um þúsundir ofan á þúsundir innflytjenda frá múslimskum ríkjum heims.

Við ætlum ekki að vera komin með 36,6% hlutfall múslima af íbúafjölda landsins eftir 33 ár eins og búizt er við um Svíþjóð!

Jón Valur Jensson.


mbl.is Draga sig út úr sáttmála um flóttamenn
Tilkynna um óviðeigandi tengingu við frétt

Til áréttingar

Aldrei hefur neinn Aríahroki komið til tals hjá Ísl. þjóðfylkingunni, engin er þar þjóðremban, en þeim mun meira er raunsæi flokksmanna gagnvart fjölgun múslima á Íslandi og margfalt meiri yfirvofandi fjölgun þeirra, ef Vinstri græn* o.fl. vinstri flokkar** ná hér völdum og framfylgja stefnu sinni.

Ýmsir hafa ábyrgðarlaust stundað ómaklegt skítkast og meiðyrðaflaum um Þjóðfylkinguna, en eru þó engir menn til að standa við þau orð fyrir rétti. Undirritaður veit ekki af neinum nýnazista í þessum flokki, en hins vegar mörgum kristnum mönnum. Flokkurinn fordæmir bæði útlendingaandúð og kynþáttahatur.

* Sjá greinina Ábyrgðarlaus inn­flytjenda­stefna Vinstri grænna. 

* Sbr. greinina Ótvíræðar upplýsingar um stefnu vinstri flokkanna í innflytjendamálum sýna hve óábyrg hún er!

Jón Valur Jensson.


Svik Rauða krossins við bágstadda landsmenn hefna sín

Lögfræðingar með hæpið umboð og aðrir ráðandi í RKÍ hafa mis­beitt valdi til að hygla flótta­mönnum og hælis­leitendum á kostnað bág­staddra Íslend­inga. Tillaga um að taka ríkis­styrk af RKÍ mætir miklu fylgi í skoð­ana­könnun, og kemur það í kjölfar þess, að margir hafa hætt að styðja Rauða krossinn, sem fram að síðustu árum hafði sinnt hlut­verki sínu langtum betur en nú. Og nú tekur fólk enn rót­tæk­ari afstöðu til málsins:

Á vef Útvarps Sögu var spurt síðastliðinn sólarhring;

Á ríkið að halda áfram að styðja Rauða krossinn fjárhagslega?

Svörin voru : NEI: 86,50%, JÁ: 11,4%, hlutlaus: 2,45%.

Menn ættu að kynna sér þessi umræddu mál með því að renna yfir þessa grein (smellið): Lögfræðingar Rauða krossins tala út og suður. RKÍ brýtur eigin lög og sýnir bágstöddum Íslendingum fyrirlitningu

Jón Valur Jensson.


Illa fer Sjöflokkurinn að ráði sínu með enn frekari útvíkkun Útlendingalaganna!

Aulaháttur alþingis­manna ríður ekki við ein­teym­ing: að ætla í dag að búa til sér­stakar undan­tekn­ingar frá lögum eins og gert var í frá­leitu Albana-dæm­inu, sem stór­jók hing­að flóð hælis­leit­enda, múslima bæði það­an og frá Make­dóníu.

Það er strax ljóst af hádegis­fréttum Rúv og Mbl.is-frétt, við­tengdri, að þessi nýja smuga verður notuð til að hleypa hingað miklu fleiri barna­fjölskyldum. Þetta er nefnilega ekki spurning um einstök börn, sem auðvelt er að fá við­kvæma til að vorkenna, heldur um allar fjölskyldur þeirra.

Undirritaður átti eftirfarandi innlegg á Facebókar­síðu Píratans Smára McCarthy í gærkvöldi:

"Af hverju talið þið alltaf um BÖRN, þegar þið eigið við erlendar BARNAFJÖLSKYLDUR?

Eða er það kannski ætlun ykkar að kljúfa börnin frá foreldrum sínum?

Ef ekki, verið þá hreinskilnir og viðurkennið, að oftast er þarna um margfalt fleiri en eitt barn að ræða í hverju tilviki.

Þið ætlið sem sé að taka við öllum barnafjölskyldum, hve stórar sem þær eru og jafnvel þótt engin bein neyð búi að baki.

En þið eigið ekki vasa skattborgaranna og ættuð fyrst og fremst að hugsa um að bjarga bágstöddum Íslendingum, t.d. tjaldbúum!

Sú frumskylda yfirvalda kemur skýrt fram í 76. gr. stjórnarskrárinnar,* sem nær EKKI til alls heimsins, heldur íslenzkra ríkisborgara."

http://www.althingi.is/lagas/136a/1944033.html

Þegar Íslenska þjóðfylkingin fær fulltrúa á Alþingi, mun strax verða lagt til, að þetta nýja undantekningaákvæði verði fellt burt úr lögum og Útlendingalögin róttækt endurskoðuð alveg niður í kjölinn.
 
Jón Valur Jensson.

mbl.is Sækja um endurupptöku
Tilkynna um óviðeigandi tengingu við frétt

Mismunun augljós í hælisleitendamáli. Og hingað er boðið flóði af kvótaflóttamönnum, þvert gegn 0-stefnu Dana!

Vilja menn lög í þágu fáeinna einstaklinga sem eru í engu verri aðstöðu en tugir annarra sem ekki er sinnt? 

Áætlun Dana var: 500 kvótaflóttamenn á ári; jafngildir 30 hér, en 100 er ósk Engeyjarfrænda!

En algert HLÉ á móttöku kvótaflóttafólks ákváðu Danir jafnvel í fyrra! Stefnan hafði verið 1500 á þriggja ára tímabili, en verður 0 manns nákvæmlega, því að þeir vita sem er, að aðlögun þeirra, sem komnir eru, hefur verið ófullnægjandi, og ætla sér ekki að sitja uppi með illa orienterað lið í landinu.

Kvóti Engeyjarfrænda af samkynhneigðum karlmönnum frá Kenýa, þar sem þeir eru ekki ofsóttir, en þó taldir kvótaflóttamenn, verður tíu manns á næsta ári. Danir eru 16,5 sinnum fleiri (5,6 milljónir) en landsmenn hér (340þ). Ef þeir tækju hlutfallslega við jafnmörgum og Íslendingum er ætlað, væri skammtur þeirra af samkynhneigðum karlmönnum 165 á næsta ári, en verður: ENGINN

Hér ætla svo Engeyjarfrændur að fá 100 kvótaflóttamenn árið 2018, þótt ekkert stríð geisi í Evrópu, Norður-Afríku né Mið-Austurlöndum lengur. Ef Danir tækju þá hlutfallslega við jafnmörgum kvótaflóttamönnum, yrðu þeir 1650 talsins á því ári. En í reynd verða þeir ENGIR! (Heimild: Fréttablaðið í dag, smáfrétt á bls.6.)

Engeyjarfrændur vilja greinilega vera miklir menn í augum "Góða, göfuga, gáfaða fólksins", þess hins sama sem gekk hart fram með kröfur sínar á síðasta kosningaári og kvaðst sjálft ætla að taka við flóttamönnum og hælis­leitendum í sín hús, en gleymdi svo að efna loforðið! Er þetta fólkið (með sínum Illuga Jökulssyni) sem á að móta hér stefnu í málum? Á ekki frekar að fara eftir reynslunni, eins og Danir og Norðmenn gera nú?

Jafnvel Bjarni Benediktsson er byrjaður að átta sig á því, að það er ekki eðlilegt, að lögreglan geti ekki haft tal af hælisleitendum á Kjalarnesi nema undir vopnum! (sjá nýja grein Björns frænda hans Bjarnasonar: Söguleg ummæli forsætisráðherra um útlendingamál).

Svo voru sumir að halda því fram, að Íslenska þjóðfylkingin færi með fleipur!

Jón Valur Jensson.


mbl.is Frumvarp um Mary og Hanyie lagt fram
Tilkynna um óviðeigandi tengingu við frétt

Sjálfstæðisflokkurinn er ókristinn flokkur, það er málið

Styrmir Gunnarsson spyr, hissa á veruleikanum: Hvers vegna í Þýzka­landi en ekki á Íslandi? og á við: Hvernig ná Kristilegir demókratar í Þýzka­landi 38% fylgi, en Sjálfstæðisflokkurinn ekki 25%?

Svör:

  1. Að kjósa kristinn flokk er ekki að kjósa heiðinn efnis­hyggju­flokk. Sjálf­stæðis­flokkurinn hefur svikið eina upprunalega stoð sinnar hugmynda­fræði, þ.e. kristna manngildis­hugsjón og virðingu við kristin gildi, þar á meðal lífsgildið.
  2. Sjálfstæðisflokkurinn er orðinn róttækur nýfrjálshyggjuflokkur og röskur í sinni einkavina­væðingu, í stað þess að eiga sér styrka stoð í sinni gömlu varðveizlu­hyggju (conservatism), sem fylgdi honum frá stofnun hans með sameiningu Íhaldsflokksins og Frjálslynda flokksins um 1929.
  3. Sjálfstæðisflokkurinn er ekki lengur flokkur allra stétta, heldur auðmagns og fjármálaafla öðru fremur og nýtur þaðan styrkja í flokkssjóði sína.
  4. Sjálfstæðisflokkurinn hefur svikið öryrkja og aldraða um lofaðar kjarabætur.
  5. Sjálfstæðisflokkurinn tekur ekki skýra afstöðu með kristnum Vestur­löndum, heldur er opinn í báða enda gagnvart því að fá hingað flóðbylgju mikið til múslimskra innflytjenda; þetta virtist a.m.k. blasa við af mjög virkri þátttöku hans í að semja og samþykkja nýju Útlendinga­lögin á Alþingi 2016, enda þótt einn ráðherra, Sigríður Andersen, sýni nú andóf gegn þessari stefnu.
  6. Í skólamálum hefur Sjálfstæðis­flokkurinn hvað eftir annað sýnt, að hann lúffar fyrir þrýstingi vinstri manna og andkristinna um vaxandi áhrif þeirra í skóla­kerfinu, þar sem m.a. er reynt að hreinsa út kristin áhrif og setja heiðin inn í staðinn.

Sjálfstæðisflokkurinn nær ekki alhliða stuðningi stórs hluta almenn­ings með þessu móti, það ætti Styrmir að skilja, hann sem sjálfur skrifaði ágæt Reykja­víkur­bréf í Moggann um kristna arfleifð þessa flokks síns fram yfir miðja 20. öld. Að hann nær ekki nema 24,5% fylgi í nýjustu MMR-könnun, ætti því ekki að koma Styrmi á óvart, jafnvel þótt þetta gerist í kjölfar þess, að vinstri flokk­arnir hafa beðið skipbrot í kosningum vegna vondra verka sinna.

En Sjálfstæðis­flokkurinn er ekki einn um svik við kristnar manngildishugsjónir. Hver á fætur öðrum hafa pólitísku flokkarnir ýmist hætt yfirlýstum stuðningi við kristin gildi eða að stofnaðir hafa verið nýir án þess að minnzt sé á slík gildi.

Íslenska þjóðfylkingin er nú einn flokka með skýrar kristnar áherzlur. "Íslenska þjóðfylkingin styður kristin gildi og viðhorf. ÍÞ virðir trúfrelsi, en hafnar trúarbrögðum sem eru andstæð stjórnarskrá. ÍÞ hafnar því að moskur verði reistar á Íslandi. Búrkur verði bannaðar og umskurður stúlkna af trúarlegum ástæðum. ÍÞ hafnar skólahaldi islamista á Íslandi. ÍÞ vill styðja þá innflytjendur sem aðlagast íslensku samfélagi." (Úr stefnuskrá flokksins.)

Ennfremur er þetta yfirlýst stefna flokksins, í þessari samþykkt landsfundarins í vor: "Ófædd börn eiga rétt til lífsins. Flokkurinn tekur einarða afstöðu gegn nýfram­komnum hugmyndum um róttækar breyt­ingar á fóstur­eyð­inga­löggjöfinni og mun taka á þessum málum með það að markmiði að draga sem mest úr fóstur­eyðingum." Með þessu er Þjóðfylkingin eini flokk­urinn með slíka lífs­verndar­hugsjón, andstætt Sjöflokknum á Alþingi, sem 27. marz sl. sýndi blygðunar­lausa meðvirkni með fráleitum tillögum um að gera fóstur­eyðingar algerlega frjálsar og allt til loka 22. viku meðgöngu! EINI and­stæði flokk­urinn er Íslenska þjóðfylkingin.

Já, andstætt Sjálfstæðisflokknum þorum við að hafa þessa stefnu til varnar kristnum og þjóðlegum arfi okkar, án þess að setja okkur á neinn hátt yfir aðrar þjóðir. En við viljum standa vörð um ófædd börn, sem eru framtíð þjóðarinnar, og um landa­mæri þjóð­ríkisins, andstætt stefnu "No Borders"-öfga­hópsins, sem hefur notið of mikillar undan­látssemi yfirvalda hér og jafnvel átt vísan beinan stuðning svokallaðs "útvarps allra landsmanna"!

Jón Valur Jensson.


Hryðjuverk Marokkómanna einnig á Norðurlöndunum - viðbúnaður enn ekki nægur

14 eru látnir eftir árás­ina í Barce­lona, 15 í lífs­hættu og 45 aðrir enn á sjúkra­húsi. Í Turku, Finn­landi, reynd­ist hnífa­árásar­maður frá Mar­okkó, drap tvo og særði átta í gær. Morð­ingj­arnir í Barcelona voru frá Marokkó. 

Finnska lög­regl­an seg­ir að um hryðju­verka­árás hafi verið að ræða er mað­ur­inn, sem er átján ára, hóf að stinga veg­far­end­ur á markaðstorgi borg­ar­inn­ar. Hún seg­ir að vís­bend­ing­ar séu um að árás­in hafi verið skipu­lögð. Fimm voru hand­tekn­ir í íbúð í Tur­ku í nótt, grunaðir um að tengj­ast mál­inu. Þeir eru einnig mar­okkósk­ir rík­is­borg­ar­ar. Þá hef­ur lög­regl­an lagt hald á bíl og lýst eft­ir manni sem sagður er hættu­leg­ur en haldi ekki til í Finn­landi í augna­blik­inu. (Mbl.is)

Finnska lög­regl­an telur að árás­inni hafi verið beint gegn kon­um:

„Við höld­um að árás­armaður­inn hafi ráðist sér­stak­lega gegn kon­um og að menn­irn­ir sem særðust hafi verið að koma þeim til varn­ar,“ sagði aðstoð­ar­yf­ir­lög­regluþjónn­inn Christa Cr­an­roth á fund­in­um. Yngsta fórn­ar­lambið var fimmtán ára og það elsta 67. Fórn­ar­lömb­in eru af ýms­um þjóðern­um, m.a. finnsk, bresk, ít­ölsk og sænsk. (Mbl.is)

Það er undarlegt að hlusta á valda spekinga Steypustöðvar Rúv í Vikulokum Helga Seljan, rétt eins og umræðuna víðar: að þetta sé t.d. tengt sjálfsvígs­áráttu margra ungra karl­manna, að rótina sé gjarnan að finna hjá okkur sjálfum og að lausnin við þessu fári (sem þó sé ekki eins alvarlegt og umferðarslys) sé gjarnan fólgin í því að halda áfram í góðri samstöðu eins og ekkert hafi gerzt: bezt að sýna, að þetta bíti ekki á okkur: að við gefumst ekki upp! 

Alveg er ljóst, að unnt er að koma í veg fyrir hryðjuverk með eftirliti og for­varnaraðgerðum. M.a. var vel hægt að setja upp umferðartálmanir á Römbl­una, göngu­götuna í Barcelona, þar sem sendi­bíllinn komst ½ km vegalengd, drepa­ndi og særandi á annað hundrað manns! En yfirvöld Barce­lona létu sér morð­árásir öfga­múslima í Nice og Lund­únum ekki að kenningu verða! Voru þau að horfa í kostnaðinn?! Eða varðveita frelsið?!

Gott eftirlit spænsku lögreglunnar tryggði að unnt var að beita sér af hörku gegn fimm manna hryðju­verka­hópnum í hinni árásinni, nálægt Barce­lona.

Hitt voru alger mistök leyniþjónustu og lögreglu að láta m.a. þann, sem fyrst var grunaður um að aka sendibílnum á Römblunni, ganga lausan, því að hann hafði lýst yfir þeirri eindregn­ustu ósk sinni að fá að drepa "trúleysingja" (og átti þar ekki sízt við kristna). Sérhvern, sem spýr úr sér þvílíku hatri, á að loka á bak við lás og slá og gjarnan í upprunalandi þeirra, það verður hæfileg refsing (samningar um slíkt eru mikil­vægir; við munum hafa gert slíkan samning a.m.k. við Litháen, í viðleitni gegn glæpa­gengjum þaðan).

Þá er það partur af eðlilegum forvarnar­aðgerðum að hafa strangt eftirlit með því, hvað fram fer í moskum og trúarskólum múslima, því að þar hefur hatrinu á Vesturlandamönnum verið dreift ótæpilega.

Sömuleiðis er afar mikilvægt að fara eftir þeim vilja 73% aðspurðra Evrópu­manna, að STÖÐVA beri inn­flutning fleiri múslima til álfunnar. Enginn flokkur hér á landi þorir að taka á þessu vandamáli annar en Íslenska þjóðfylkingin.

Í apríl drap múslimskur maður frá Úzbekistan fjóra í Stokkhólmi og gumaði eftir á af verki sínu: "Ég keyrði á hina trúlausu," sagði hann á vef Aftonbladet. Höfum hér líka í huga, að öfga­full­ir islam­ist­ar í Svíþjóð hafa nær tí­faldazt í fjölda á sjö árum! 16. júní sl. upplýsti yfirmaður sænsku öryggis­lög­reglunnar (Säpo) að ÞÚSUNDIR róttækra islamista séu nú í Svíþjóð. Og þessir menn hafa auðvelt ferðafrelsi til Íslands!

Til hvers erum við að bjóða þjóðum okkar upp á nærvist slíkra manna? Hér dugir ekkert minna en harka, öll linkind í þessum málum getur aðeins vegið að okkar eigin öryggi og lífum saklausra borgara. Og þessi er staðreynd málsins: Evrópuþjóðir sem loka nánast á aðkomu múslima (s.s. Pólverjar, Slóvakar og Ungverjar) sleppa alveg við hryðjuverk - hinar miklu síður.

Jafnvel hér á landi metur grein­ing­ar­deild rík­is­lög­reglu­stjóra hættuna vegna mögu­legra hryðju­verka "í meðallagi"! Því eru t.d. öryggisráðstafanir í dag, á Menningarnótt, sjálfsagðar.

En þessi er stefna Íslensku þjóðfylkingarinnar: ÍÞ vill herta innflytjenda­löggjöf og innleiða 48 tíma regluna í málefnum hælisleitenda. Það er ekkert vit í öðru en að setja þá fjármuni, sem til þarf, í lausn þessa vandamáls.

Jón Valur Jensson.


mbl.is Árásinni beint gegn konum
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband